(Zawgyi)
- တစ်ပတ်ခန့်ကြာသော် -
အချိန်အားဖြင့်မနက်၆နာရီထိုးပြီဖြစ်သည်။ နေထွက်ခါစပြုချင်နေတဲ့မနက်စောစောမှာ ပုံမှန်အိပ်ရာစောစောထတတ်တဲ့သက်လျာတစ်ယောက်ထုံးစံအတိုင်းနှိုးလာခဲ့သည်။အရင်တုန်းကဆို ပြုံးပြုံးရယ်ရယ်နဲ့မနက်ခင်းတိုင်း အိမ်ရှေ့ကငှက်ကလေးတွေကိုအစာကျွေးနေတတ်တဲ့သူကအခုတစ်လောမျက်နှာလေးညှိုးကာတမှိုင်မှိုင်တထွေထွေနှင့်ပင်။သစ်ခွပင်လေးတွေကိုရေလောင်းရင်းနဲ့လဲတစ်ခါတစ်လေ မျက်ရည်ကကျနေမိသေးသည်။
ခါတိုင်းလိုဘဲသူ့အလုပ်ကဘဘကြီးကိုဂရုစိုက်ရမယ့်တာဝန်မို့ဝတ္တရားမပျက်ကွက်ဘဲသူသွားသည်။မောင့်ကိုနေ့တိုင်းရှာနေပေမယ့်မတွေ့ပေ။တစ်ပတ်ရှိပြီမောင် ငါမောင့်ကိုတွေ့ချင်လို့စောင့်နေတာတစ်ပတ်တောင်ရှိပြီ။ မောင်ကငါ့မျက်နှာကိုမတွေ့ချင်လို့များတမင်ရှောင်နေသလားဘဲ။ဒီရက်ပိုင်းမောင် ဘယ်များရောက်နေမလဲလို့တွေးပြီးစိတ်ပူမိသည်။ဖုံးကွယ်ထားတဲ့အမှန်တရားရဲ့အကြောင်းစုံကိုမောင်နားလည်အောင်ရှင်းပြချင်သေးသည်။အဲ့ဒါကိုမှလက်မခံတော့လဲ သူ့ကံပေါ့။နှောင်းဦးသက်လျာဆိုတဲ့သူက အချစ်ခံဖို့မွေးဖွားလာတာမှမဟုတ်ဘဲ.....
"သက်လျာ"
"ဟင်"
"ဘာတွေတွေးနေတာလဲ ရေတွေကလျှံနေပြီလေ"
သူရပြောမှသာသက်လျာသတိရသည်။အတွေးများနေလိုက်တာ သစ်ခွပင်တွေကိုရေလောင်းတာများလို့လျှံတောင်ကျနေပြီဘဲ။
"သက်လျာ ဒီကိုလာ"
"ဘာပြောမလို့လဲ"
"မင်းဒီလိုပုံစံဖြစ်နေတာကိုငါသဘောမကျဘူးသက်လျာ မင်းအခုလိုဖြစ်နေတာငါ့ကြောင့်လို့လဲခံစားရတယ်"
"မင်းကြောင့်မဟုတ်ဘူးသူရ ဒါကငါ့အမှန်တရားဘဲလေ မင်းတခြားသူကိုမပြောပြလဲ ဒီကိစ္စကတစ်ချိန်သိမယ့်ကိစ္စဘဲ ငါကဘယ်အထိဆက်ဖုံးကွယ်နိုင်မှာမို့လို့လဲ စောသိတာနဲ့နောက်ကျသိတာဘဲကွာမယ် အဲ့ဒါကြောင့်မင်းကိုယ်မင်းအပြစ်မတင်နဲ့"
သက်လျာကအိမ်ရှေ့ကငှက်ကလေးတွေကိုကြည့်ရင်းနဲ့ပြောနေသည်။မျက်ရည်တွေကကျဖို့လက်တစ်ကမ်းသာအလို။ဒါကိုသူရသိသည်။သက်လျာကအခုသန်မာချင်ယောင်ဆောင်နေတာ။တကယ်တော့သူ့စိတ်ထဲမှာ ဝမ်းနည်းနေတာပင်။
"သက်လျာ ငိုချင်ရင်ငိုချလိုက် မျိုသိပ်ထားတာမကောင်းဘူး"
"သူရ ငါ..ငါမောင့်ကိုအရမ်းလွမ်းတယ်"
"အင်း"
"မောင့်ကိုငါရှင်းပြချင်တယ် ငါမောင့်အချစ်ကိုလိမ်ညာပြီးယူခဲ့တာမဟုတ်ဘူးဆိုတာကို ငါမောင့်ကိုတကယ်ချစ်တယ်ဆိုတာကိုမောင်သိအောင်ငါပြောပြချင်သေးတယ် ဟင့်.."
ငိုနေသောသူငယ်ချင်းအား သူရခေါင်းကေိုသာပုတ်ပေးနေလိုက်သည်။ဒီပုံစံကမှသာနှောင်းဦးသက်လျာအစစ်ပင်။မင်းသဘောအားလွမ်းတဲ့အကြောင်းကိုတစ်ဖွဖွဆိုကာ မခမ်းနိုင်တဲ့မျက်ရည်တွေဖြင့်ငိုနေလိုက်တာများကလေးတစ်ယောက်လို။သူရမှာလဲသူ့အပူနှင့်သူရှိပါသည်။သို့သော် သက်လျာကသူ့ရဲ့အချစ်ရဆုံးသူငယ်ချင်းမို့ အားငယ်နေတဲ့အချိန်မှာသူဖေးမဖို့လိုသည်။ဝေယံ့နဲ့အကြောင်းတွေကိုတော့ခဏမေ့ထားဦးမည်။အခုအရေးကြီးတာက မင်းသဘောနှက့်သက်လျာအဆင်ပြေနေဖို့။ဒီလိုမှသာ သက်လျာအဆင်ပြေလာမှာ။
------
ကျယ်ဝန်းလှတဲ့ရေချိုးခန်းရှိBathtubထဲ၌ မင်းသဘောတစ်ယောက်ရေစိမ်နေသည်မှာတစ်နာရီခန့်ပြည့်လုနေနီးပါးဖြစ်သည်။အသားညိုညိုနှင့်အတူသန်မာလှသောကြွက်သားတွေကထင်းနေအောင်ပေါ်ထွက်နေပြီးရင်ဘက်နှင့်ကျောတစ်လျှောက်မှာလဲ ရေစက်လက်နှင့်သာ။ဒီရက်ထဲသဘောတစ်ယောက်အိမ်ကိုမကပ်ဘဲနေ.နေသည်မှာတစ်ပတ်ကျော်လုနီးပါးရှိပြီ။
မွေးနေ့ဆိုတာဘယ်ဆီနေမှန်းမသိတော့သလို သူစိတ်လဲမဝင်စားတော့ဘူး။ဘာလို့ဆိုသူ့ရဲ့ချစ်ရသူကမွေးနေ့လက်ဆောင်လှလှကိုSupriseတိုက်လိုက်ပြီမဟုတ်လား။ အရင်ရက်တွေက မြို့ထဲကဝယ်ထားတဲ့ကွန်ဒိုမှာဘဲနေဖြစ်ပြီး ဒီနေ့ညမှသာပြန်လာတာ။အိမ်သားတွေကို သက်လျာအကြောင်းမေးကြည့်တော့ ပုံမှန်အတိုင်းအဘိုးကိုလာပြုစုသည်တဲ့။
ပင်ပန်းကာနုန်းချိနေတဲ့ခန္ဓာကိုယ်အားရေစိမ်နေရင်းဖြင့် မျက်စိမှိတ်လိုက်စဉ် အမြင်အာရုံထဲမှာပေါ်လာတတ်တာကသက်လျာရဲ့မျက်နှာဖြစ်သလိုနားပိတ်လိုက်တိုင်းကြားနေရတာကသူ့အား'မောင်'ဟု တယုတယခေါ်တဲ့အသံချိုချိုလေး။ဆောက်တည်ရာမရသေးတဲ့စိတ်ကြောင့်ထိုနေ့ကသက်လျာအားသူတစ်ယောက်ထဲထားခဲ့မိသည်။ အခုချိန်ဆိုအဆင်ပြေပါ့မလား။သူ့အားအကြောင်းစုံကိုရှင်းပြချင်နေတဲ့ပုံစံလေးအားသဘောရဲ့မျက်လုံးထဲ၌အခုထိမထွက်ပေ။သက်လျာနဲ့မတွေ့ရတာတစ်ပတ်ကျော်ပြီဖြစ်သည်။သတိမရဘူးလားဆိုရင် လိမ်ရာကျမလားဘဲ။
ထိုသို့ဖြစ်လာတိုင်းကိုယ့်ကိုကိုယ်သာဆုံးမလိုက်ချင်သည်။အချစ်စိတ်တွေဘယ်လောက်တောင်မွှန်နေလဲဆိုတာမသိ၊ သက်လျာကယောက်ျားလေးဆိုတာတောင်သူနည်းနည်းမှသတိမထားမိခဲ့ဘူး။ဒါဟာလဲသူ့တစ်ယောက်ထည်းရဲ့အမှားတော့မဟုတ် မိန်းကလေးတွေထက်ကိုပိုပြီးလှရက်နိုင်လွန်းတဲ့သက်လျာရဲ့အမှားလဲပါသည်။
နှလုံးသားတစ်နေရာအားအကြိမ်ကြိမ်အခါခါသူမေးမြန်းကြည့်သည်။သို့ပေမယ့် အဖြေဟာတစ်ခုထည်းသာထွက်ပေါ်လို့နေတာအမှန်။ဒါဟာသက်လျာကိုအခုထက်ထိချစ်နေသေးတယ်ဆိုတဲ့စိတ်။ဘယ်အခြေအနေရောက်ရောက် သက်လျာအတွက်စိုးရိမ်နေတဲ့စိတ်ကနှလုံးသားကနေဖြစ်တည်လာတယ်ဆိုတာလိမ်လို့မရပေ။ သက်လျာသည်ယောက်ျားဖြစ်စေ၊မိန်းမဖြစ်စေ သက်လျာဟာသက်လျာဘဲမို့ ချစ်ရသူရဲ့ဖြစ်တည်မှုကိုသူနားလည်ပေးနိုင်ပါသည်။
နိုင်ငံခြားလိုနေရာမျိုးမှာကျောင်းတတ်လာခဲ့တဲ့သူ့အတွက်ဒီလိုမျိုးလိင်တူစိတ်ဝင်စားမှုကအထူးအဆန်းကြီးတော့မဟုတ်ပေ။အချစ်ဟာအချစ်ဘဲမို့ ကိုယ်ချစ်နေတဲ့သူကမျိုးတူယောက်ျားလေးတစ်ယောက်ဖြစ်နေပါစေတကယ်ချစ်တယ်ဆိုရင် ကျားမခွဲနေစရာမလို။
သက်လျာကိုတော့ဒီရက်ထဲစိတ်ဆိုးဟန်ပြဦးမည်။ဘာအကြောင်းကိစ္စကြောင့်အခုလိုဖုံးကွယ်ပြီး သူ့ဆီရောက်လာမှန်းသူမသိဘူး။မျက်နှာလှလှလေးကသူ့အာရုံငါးပါးကိုဖမ်းစားနိုင်ခဲ့ပြီးရင်ဘက်တစ်နေရာမှာနေရာယူလို့ထားတာကြောင့်ကျန်တဲ့ သက်လျာနဲ့ပတ်သတ်လို့နောက်ကြောင်းရာဇဝင်ကိုဘာတစ်ခုမှမစုံစမ်းခဲ့တာကသူ့အတွက်အမှားများဖြစ်သွားလေသလားဟုတောင်တစ်ခါတစ်လေတွေးမိသည်။
သက်လျာသာစောစောဖွင့်ပြောခဲ့ရင်သူကအတတ်နိုင်ဆုံးလက်ခံပေးမှာကိုမသိခဲ့လေသလား။အခုကိစ္စကိုသူ့အားလိမ်ညာခဲ့လို့စိတ်ဆိုး၊စိတ်နာနေတာမျိုးမဟုတ်ဘဲ သူ့ကိုပွင့်ပွင့်လင်းလင်းမရှိခဲ့လို့စိတ်မကောင်းဖြစ်နေတာပင်။
စိတ်ညစ်နေတာကြောင့်ဘေးနားမှာရှိတဲ့Vodkaတစ်ခွက်လုံးကိုမနားတမ်းမော့ချပစ်လိုက်သည်။လည်ချောင်းထဲသို့ဝင်သွားတဲ့အရည်တွေကြောင့်Adam's appleကလှုပ်ရွလာကာထင်းခနဲပေါ်လွင်နေသည်။ခဏအကြာရေစိမ်ပြီးနောက်နာရီကြည့်လိုက်တော့ ၁၂နာရီခွဲတောင်ကျော်နေပြီ။အိပ်မရတဲ့အဆုံးဝရံတာနားကိုထွက်ကာ စီးကရက်ကိုဖွာနေလိုက်သည်။
အကြောပြိုင်းပြိုင်းထနေသောလက်တွေဖြင့်စီးကရက်ကိုရှိုက်ဖွာနေပုံကမြင်သူတိုင်းငေးမောစေမှာအမှန်။ဒါ့အပြင်အပေါ်ပိုင်းဗလာနှင့်အောက်ပိုင်းမှာBathrobeတစ်ထည်သာရှိပြီး ညဥ့်နက်သန်းခေါင်သူတစ်ယောက်ထည်းအတွေးတွေလွန်နေမိသည်။ညသန်းခေါင်းမှာလေအေးအေးတွေကတိုက်ခတ်နေပေမယ့် သူကတော့အေးမည့်ပုံမပေါ်။
ဒီနေရာလေးမှာသူတို့နှစ်ယောက်ချစ်သူတွေဖြစ်ခဲ့ကြသည်။အဲ့ဒီအချိန်တွေကိုပြန်တွေးမိတိုင်းပျော်နေမိတုန်းဘဲ။သူ့ရင်ခွင်ကျယ်ကြီးထဲမှာမြှုပ်နေတဲ့သက်လျာရဲ့ကိုယ်လေး။သူရဲ့ချစ်စကားတွေအောက်မှာ ရှက်သွေးဖြာနေတဲ့ချစ်ရသူရဲ့ပုံစံ။ဒါ့အပြင်ကိုမှ ပန်းနုရောင်မျက်နှာလှလှလေးနဲ့အတူမဝံ့မဝရဲဆိုလာတာက
"ငါမောင့်ကိုချစ်တယ်"တဲ့
အင်း....သက်လျာလိုသူလဲပြန်ဖြေခဲ့ပါတယ်။
"မောင်ခင်ဗျားကိုချစ်တယ်"လို့။
ပျော်ရွင်စရာကောင်းတဲ့အချိန်တွေအားပြန်တွေးရင်းနေလာလိုက်တာ လက်ထဲရှိစီးကရက်ဘူးထဲကဆေးလိပ်တွေက တစ်လိပ်ပြီးတစ်လိပ်ကုန်လုနီးပါးဖြစ်နေပြီ။ဒီပုံစံတိုင်းဆို သေချာတာကတော့သူဒီညအိပ်လို့ရမည်မဟုတ်တော့ပေ။
-----
"မိဆွေ သဘောညကပြန်လာတယ်မလား"
"ပြန်လာတယ်ထင်တယ်မမဆု ညကကားသံကြားတယ်"
"အေး ငါသွားခေါ်လိုက်ဦးမယ်"
"ဟုတ်"
ဒေါ်ဆုဆုလွင်တစ်ယောက် အပေါ်ထပ်ကသဘောရဲ့အခန်းဆီသို့ဦးတည်သွားလိုက်သည်။သုံးလေးချက်လောက်တံခါးခေါက်သာအသံပေးခေါ်နေသော်လည်းထွက်မလာတာကြောင့် အခန်းထဲဝင်ကြည့်လိုက်တော့သဘောကရှိမနေ။ထို့နောက်နီးစပ်ရာအခန်းတွေနဲ့အတူဝရံတာအနားကိုထွက်ကြည့်လိုက်တော့ ခုံပေါ်မှာရေချိုးပြီးသားအတိုင်းအပေါ်ပိုင်းဗလာဖြင့်အိပ်နေတာပင်။
"သဘော သား...သား"
အသားကိုကိုင်ကာနှိုးဖို့လုပ်တော့တစ်ကိုယ်လုံးကပူခြစ်နေသည်။သေချာတာကသူ့ရဲ့သားအဖျားတွေတတ်ပြီးသတိလစ်နေတာပင်။
"မိဆွေ! မိဆွေရေ ဒီကိုလာပါဦး"
"လာပါပြီ မမဆု"
"Family doctorကိုဖုန်းဆက် အခုချက်ချင်းဆက်ငါ့သားအဖျားကြီးပြီးသတိလစ်နေတယ် မြန်မြန်!"
ဒေါ်ဆုလွင်တစ်ယောက်သားဖြစ်သူကိုကြည့်ပြီးဘာလုပ်ရမလဲမသိတော့။သဘောခန္ဓာကိုယ်ကတစ်ကိုယ်လုံးပူခြစ်နေတာပင်။ဘယ်အချိန်ကတည်းကဒီမှာအခုလိုမျိုးအိပ်နေတာလဲဆိုတာမသိ။တစ်ပတ်လုံးလုံးအိမ်မကပ်တဲ့သူ့သားက ဘာတွေများစိတ်ညစ်စရာရှိနေခဲ့သည်လဲဆိုတာသူမ. သိချင်ပါသည်။သူမ.သိတဲ့သားကဒီလိုပုံစံမှမဟုတ်ဘဲ။
"မမဆု ဒေါက်တာကဆေးရုံမှာdutyကျနေလို့တဲ့"
"သက်လျာကိုခေါ်လိုက်အဲ့ဒါဆို "
"ဟုတ်"
.
.
.
.
.
နာရီဝက်လောက်ကြာတော့ သက်လျာသဘောအိမ်သို့ရောက်လာခဲ့သည်။ကြီးဆွေဖုန်းဆက်ဆက်ချင်းသူအရမ်းစိုးရိမ်နေခဲ့တာ မောင်တစ်ခုခုဖြစ်မှာကို။ကြီးဆွေကိုမေးတော့ အန်တီဆုကသဘောကိုအကျီလဲပြီးကုတင်ပေါ်မှာထားထားတယ်ဟုဆိုတာကြောင့် သက်လျာသဘောအခန်းထဲသို့သာဝင်သွားလိုက်သည်။
"အန်တီဆု သက်လျာရောက်ပါပြီ"
"ကူပါဦးသက်လျာ သားအရမ်းဖျားနေတယ်"
"ဘယ်လိုဖြစ်တာလဲ အန်တီ"
"မသိပါဘူးသက်လျာရယ် မနေ့ညကမှပြန်လာပြီးညဥ့်နက်မှရေချိုးတယ်နဲ့တူတယ် အအေးပတ်ပြီးဖျားတာဖြစ်မယ်"
"သက်လျာအပူကျအောင်ရေပတ်လေးတိုက်ပေးထားမယ်အန်တီဆု အဖျားနဲနဲကျသွားရင်တော့သတိရလာမှာပါ အခုကအဖျားရှိန်ကြောင့်ဖြစ်တာနေမှာ"
"အင်းပါသက်လျာရယ် ဒါဆိုအန်တီအောက်ခဏဆင်းဦးမယ် အလုပ်ကိစ္စဖုန်းပြောစရာရှိနေလို့"
"ဟုတ်ကဲ့"
ဒေါ်ဆုဆုလွင်ထွက်သွားပြီးတဲ့နောက်မှာ သက်လျာတစ်ယောက်ကြီးဆွေဆီကယူလာတဲ့ရေဇလုံထဲကိုအဝတ်စအဖြူလေးစိမ်လိုက်သည်။ပြီးနောက်မောင့်ရဲ့နှဖူးပေါ်ကိုတင်ပေးထားလိုက်ကာ ခဏကြာတော့ကိုယ်တွေလက်တွေပါအတူရေပတ်တိုက်ပေးလိုက်ပြီး အခြေအနေကိုစောင့်ကြည့်နေလိုက်သည်။
ကုတင်ထောင့်တစ်နေရာမှာထိုင်နေရင်းဖြင့် သဘောရဲ့မျက်နှာအားသက်လျာတစိမ့်စိမ့်ကြည့်နေမိသည်။
ဖြစ်နိုင်ရင်မောင့်ရဲ့အပူတွေကိုငါဘဲယူလိုက်ချင်တယ်မောင် မင်းခုလိုနေမကောင်းဖြစ်နေတာကိုငါမကြိုက်ဘူး။တစ်ပတ်လုံးလုံးမတွေ့ရတဲ့ငါ့ရဲ့မောင်ကမျက်နှာလေးကချောင်ကျသွားသလို။ဒါပေမဲ့မောင်ရဲ့ချောမောမှုကတော့အခုထိမသေသေးဘူး။နိုင်ငံခြားဆန်ဆန်အသားညိုညိုနဲ့အတူမောင့်ရဲ့မျက်နှာကဘယ်သူနဲ့မှမတူအောင်ခန့်ညားနေတာမျိုး။အင်မတန်မှလွမ်းနေခဲ့ရတဲ့မောင့်မျက်နှာအားအသေအချာစိုက်ကြည့်ကာအလွမ်းမျက်ရည်တွေနဲ့အတူ ပါးတစ်ဖက်ကိုင်ရင်းဖြင့်....
"မောင်....ငါမင်းကိုချစ်တယ်"
ထိုစကားအားသက်လျာပြောပြီးနောက်ရေပတ်တိုက်ပြီးသားအရာတွေကိုယူကာ အခန်းထဲကထွက်ဖို့ပြင်လိုက်စဉ် လက်တစ်ဖက်အားလှမ်းဆွဲခံရကာသူ့နာမည်အားခေါ်လိုက်သည်ကိုလဲ ရှင်းရှင်းလင်းလင်းကြားမိလိုက်၏။
Apr 28/22
အယ္လီယာ ဝမ်....
T.B.C
(A/N - Cmtတွေတမင်မပြန်တာမဟုတ်ပါဘူးနော် အယ်လီမအားလို့ပါ ဖတ်ရှုပေးကြတဲ့တစ်ယောက်ချင်းစီတိုင်းကိုကျေးဇူးတင်ပါတယ်)