هلو بنات ❤️
بنات يروحي قبل متقرون البارت رجعو اقرو التنويه النشرته بداية القصة حته ما اضل قلقة خاف واحد ناسي
لطفاً .... 🥺
——————————
صاح عليه وسام
هييييييي
الصم ماشوفها هيه رايحة لا صير بيها شي
انتو تلاثة دورو نضال وكتلوها حلال لا ضل طلع سباعيتك عليها اي كلنا ندري بيها خوثة وفاهية وخوافة
هية فهد يكسرها ما تحجي
تريد نوب تجي تكلكم صاحب مرت ابوكم يلحكها وامها صور بيها
اني هم عار ومكرن وسكط اني الاستاهل الطلقة حطوها براسي وخلي اخلص
ولكم شكتلي اكثر من مرة يومية تخابرني ارجع وارجع وتتوسل بيه يوميه تكلي ما مرتاحة اخذني يمك
ضل يغم على كصتة
بس اني ملطلط وحلتلي اوربا ونسيت روحي
زين خوش بلا هيه ثولة انتو شبيكم اربعتكم وذاك السافل وياكم ابو النجمات لو كدرته بس على بيان وخواتة
ماراقبتوها ما حسيتو بشي
حلال ابوكم ما شفتو وين يروح وين ينصرف
اني قبل ما اسافر مو وصيتك انت الجبير وكتلك عينك عليهم
وكلما اريد ارجع تكلولي ضل وضل
مو يومية اخابرك واكلك شوف دفتر الحساب وشوف القاصة
ليش ولك سنين نايم براسنه فوك كوادتة
ولك مو زلم اذا ما تفصلوهم وترجعون حلال ابوكم
كاله اكرم ولك ننفضح كلها رح تعرف نضال نهبت شنفصل اول الناس عمامنا يشمتون
سكتو هسه منا لحد ما يطيب ابوية ونصرف
رجع علية اكرم
هيييي الخوثة الفاهية اكلي وشربي دواج وطيبي بسرعة لا ابوي يشوفج هيج ويرجع يوكع
هزيتلة راسي من الخوف ( اي)
ضل يباوع عليه بقهر وطلع
طلع امير وراه
ضل احمد كاعد وحاط راسة بين رجليه ويبجي بخنكة
من شفتة هيج بجيت بقهر
كام دفرة وسام كلة امداك وامدة شواربك المربيهن
سكت ما حجة وية وسام ضل على كعدتة مدنك ويدخن..
كام وسام كعد يمي
حجة بصوت ناصي
كال هاي دشوفين كدامج المصيبه الوكعت ع راسنه اروحلج فدوة لا تعبيني واني ادري بيج انتي متجذبين وتحجين الصدك
ف احجلي ليث وين
- مادري
- بطة
- والله ادري
- ليش تعاركتي ويا لعد وليش ضربج
- هو ما ضربني اهلة ضربوني
- شسويتي وضربوج
- كتلت امة
- بطة دشوفين هذا وكت شقة احنا بيا حال
دنكت وحجيت بخنكة
- سومة مداشاقة والله هيج اول مرة كمت عليها دفعتها ولزمت راسها وكمت اركع بيه بالكاع
لزمني من اذني ويصك على اسنانه ولج وين اضربج حتة مابيج عضم صاحي
- كمت ابجي كتله همة يحجون حجي استحي اكولة والله قهروني حيل حسسوني جارية ومزوجني ليث حته بس يثبت رجولتة بية
- كال فهمت فهمت سكتي
اني مو من البداية كتلج اهله مو زينين ليش رضيتي
- بجيت حيل كتلة عبالي يحبني وازوجني علمود يخلصني من هاي المشاكل وبعدين طلع يحب غير وحدة واسمها فاتن حته بليلة عرسنا وغلط ب اسمي ويكلي تعاي فاتن واني جنت متفقة ويا كتله اني تلعب نفسي من شفت امي وابوي واخذني غصبن عني وحته هو بعدة لابس الحذاء نوب الصبح اجني امة وخالتة وهم لتمن عليه وضربني نوب اخوه لوة ايدي يريد يكسرها وضربني على راسي وبقيت نايمة ماكدر اتحرك والفراش صار كلة دم واجني يشلن بثوبي يردن يشوفني وامة جرت الطرحة من راسي وداست عليها برجلها
اناشغ وابجي وحجيت كلشي بدون ما اوعى على روحي
ادية ترجف هوا يهدي بية ويكلي عدت عدت خيولون لا سولفين خلص فهمت خيولون بعد ما ترحيلهم بعد ماكو شي اسمة ليث بالحياة بالقران امحي من الوجد بس الكفة اكتله وادخل سجن
اني اخذلج حقج منهم نامي
حجيت حجي الوحدة تستحي حته ماسولفه بينها وبين روحها
واني سولفت كولشي الاخوي مادري شجاني
كام مدد رجلية وحطة مخدة جوة راسي وغطاني
بيان لا تخافين اني يمج بعد ما اسافر ولا اعوفكم
بعد اليطخ شعراية منج انهيييي..
سكنت ونمت بأمان الله و وسام
........
وسام
للعصر اجوانة عالم من كربلاء على عمي ناس وسادة كبار من العتبات نترس البيت ترس حته نصهم ضلو واكفين بالطرمة
كعدو وصار سوالف
حته مي ماضيفناهم
صار الحجي وكلما نحجي اني واكرم ولد عمي
يطلعونا ويسدون الباب
الصياح والحجي وكلساع واحد ناط وكلساع واحد يتعارك
اخر شي واحد من الساددة الكبار حتة قران كام يقرة بصوت عالي حته تفض السالفة والناس تهدء
كالو بس السيد ابو سلام خلي يطلع اتنازلو عنه لخاطر شبياته لخاطر جدة رسول الله اتنازلو عنه
كتلة عمي تنازل عنهم كلهم بس الضرب بيان وشك راسها
اني هم اشك راسة واكسر ايدة غير هيج ماعدكم شي يمنا
حجو رادو
عمي كلهم نتنازل بس عن ابوهم
ضلو تلث ساعات كوة راحو
انطة امر عمي وطلعو السيد ابو سلام
لليل كلمن طش لبيتة
بقينا بس احنا الولد جاب اكرم عشة من برة
محد اله خلك ياكل كاعدين اربعتنا واحد صافن بوجه الثاني
سألت اكرم على مرتة كال وديتها الاهلها هيه وامل الاربيل منا لحد ما تفض السالفة مال هاي الساقطة
زين ع الاقل خابر بس امل خلي تجي يم البنية
كال يمعود هيه كوة جر النفس نوب شوف هاي المصايب كلها غير توكع وتموت
ل ١٢ بطة صخنت نكعد بيها ما تكعد كوة
كلما تفز من النوم تشيل راسها تحلفني وسام بروح خالة هبة لا تروح
واكلها ماروح والله نامي
ولك اكرم خلي ناخذها للمستشفى يكلي لا عوفها عادي هية كلما تتعب تصخن
كاعد يمها ويسويلها كمادات
ساعة وحدة وحدة ونص بليل خابرني محمد
طبعاً محمد من يوم الخطب بعد ماشفتة سافر لغير مقاطعة هناك يدرس ويشتغل اني ويا ضلين بس ع التلفون كل شهرين تلاثة اشوفة مرة وحدة عندة بيت ومكملة وكاعد هناك حته خطيبته يريد ياخذها يمة ..
ولا نطينا خبر بالدصير ولا كلنا شيسوي قابل بس بعيد ويضل بالة
دزلي رسالة وسام كاعد ؟
كتلة ها ولك اي كاعد خوما كو شي
- كلي مادري هسه هاي جنه نحجي وجفصتها تكلي ليث اجة على فاتن !
- هااا ؟!
- اي والله بلا خابر بطة كلها ليث وين !
- اي هسه خابرها .. اكلك همة درو اهل ميس بطة صير اختنا واحنا نطينا مرة ل ليث
- اي درو من زمان مو ذيج المره سولفتلك شبيك ناسي شنو
- لا لا مناسي يلا شوية واخابرك
- يلا اخوي ترة يضل بالي
- لا لا شويه واخابرك ماكو شي لا يضل بالك
سديتة منه ودفرت الطاولة كزاز كدامي فلشتها
وللللللك ليث اليوم محد يخلصك مني بالقران
كعدت اخابر جماعتي واحد واحد وكلها تكول ماكو حجز هسه الا الباجر
اخر شي حجزت طيارة لتركيا
واكرم لازمني ويتوسل بيه ولك اهدء مو هيج تنحل لخاطر ابوي اكعد لخاطر هاي البنية شوفها رح تموت شوف شلون ترجف
ماكو دين ماضل براسي حته تشيرتي شكيتة
ولك ليث تخوني ولك ضحكت علية وعلى اخواني وعلى ابوية الحطك بعيونة حته فلوس مارداك منك هو نطاك مرة وبيت وكلك بس اكعد
ولك اتنغصلك باللكمة الاكلها
ولك نطلبت دين لراسي حته بس اداينلك فلوس قاعة وعرس
ولك سنه كاملة عدتها علمودك حته اكعد وياك بنفس الرحلة
ولك انطيتك وصلة من كلبي وكتلك دير بالك عليها ولك فوك عفتها ورجعت لذيج التسحل بيك
وروح امي ياليث مضل عايش نهايتك صير على ايدي
.....
ضليت كاعد بالكاع وادك على رجليه واكرم لازمني يهدي بية والولد الصغار بس صافنين وبطة وياهم مايدرون على شنو داحجي
بعدين كوة سكتتت شفتها مرعوبة واديه ترجف وتباوع علية بخوفة ولازمة جتفها حته متكول يوجعني
كمت كعدت يمها شبكتها واهدي بيها ماكو شي ماكوشي نامي
ما ترضى تنام خاف اروح
مادري الشيطان عمى عيوني بهاي اللحضة
كعدت احلفلها جذب بالله وب الانبياء حته تأمن وتنام اريد اكوم
كوة يلا اقتنعت غفت ومجلبة بالتشيرت مالتي من جوة
صحت احمد كتله تعال اكعد بمكاني كوة فرغت روحي منها وكمت ساعة تلاثة بليل طلعت واكرم وراي لحكني راس الشارع يتوسل ويحجي وياي بس ماذكر شيحجي بس شبكتة ورحت
طبكت عليه تكسي وصعدت
ابو التكسي سكران طافي
نوب ذكرني بالشرب راسي كام يوجعني متعود خاصة اذا مقهور لو محروك كلبي
بس لازمت روحي كوة
وصلني للمطار
كالو الحجز مالتك مو اصولي ومدري شنو
حجيت توسلت ماكو
خابرتهم عمهم عابد بلكي عندهم عرف كتله صارتلي شغلة ولازم اسافر هسة
ضل يحجي وين رايح وين عايفنا دشوفنا شحالنا مو مشوف
توسلت بيه وقنعته كتله بنفس اليوم ارجع
كلي خوش لعد هسه اشوفلك عرف
.. للستة الصبح يلا كملو وطلعت الطيارة لتركيا
ساعة ونص وصلت مطار سطنبول
نزلت امشي سريع حته ما شايل جنطة وياي بس هيج وحدة صغيرة الجيت بيها لا بسها على ضهري بيه اوراقي وفلوسي
امشي واسئل اروح منا واجي منا
رحت حته احجز تذكرة كالو ماكو اليوم لباجر الصبح يلا
يمعودين مدري ايش
كالو بس بالقطار اذا تريد
كتلهم ماريد شوكت اوصل ورة سبوع
بقيت كاعد وانتضر لثاني يوم الصبح بالمطار
عيني ماخذت نوم ضليت كاعد واتحلف بيه هذا الكلب الا اموتة خلاص عود شنو ادخل سجن خلي يسجوني
ماعندي لا ماما ولا دادة
ابوي عندة اربع ولد غيري وبطة عندها اكرم يخاف عليها اكثر مني عفتها مكابلها ويسويلها كمادات
صار الصبح واجة موعد الطيارة طرت ساعتين ونص لمطار برلين
بس وصلت لكيت تلفوني طافي
بين ما شحنتة واشتغل لكيتة متصل علية ست مكالمات ع الواتس
هااا حلو وتتصل بكل عين صلفة
جان اكو وادي نروح نصيف بيه من يحر الجو وراه صير منطقة مكطوعة وساحة جبيرة نروح نفحط بيها بالدراجات هناك لان ماكو كامرات
خابرته ماحجيت ويا ولا كلمة بس كتلة تجيني هناك انتضرني ساعة واوصل
جاوبني ماشي رايح ..
.
.
...
ليث :
قبل العرس بشكم يوم تلفوني ماسكت ولا ثانية ولا دقيقة اتصلات ارقام غريبه دولية اتصلات ع البرنامج وكلهن هية طلعت روحي ماكدر اقفل التلفون احتاجة اكمل بيه شغل والفصمة اخابرها بيه ..
لحد يوم العرس الصبح طلعت روحي مليت كلت اجاوبها وطبها مرض شسويلها اني ما غلطان وياها بشي واصلا مطلكها لو متنازلة
وليش اجذب اي اكو شعور انتقام بداخلي اريد اشوفها منو المو رجال الفضتحة بين الكرايب وتضحك عليه بمحادثة صديقتها وبنات خالتها
فتحت خط عليها
ها فاتن شتردين
تحجي وصوتها رايح من البجي والله غلطت وحقك علية اني اعوضك ارجعلي
كتلها الله عوضني روحي يابنت الناس شوفي حياتج واذا تنازلتي ع المبلغ الحطيتو سبوع واني يمج واطلك وينتهي كواشي والحياة ما واكفة لا علية ولا عليج مثل ما الله عوضني انتي هم انشاء الله تلكين الاحسن مني
حجيت وياها ب احترام
ضلت تمسلت وتغلط وتسب حته ب وسام واهله
لعبت نفسي خليت وسديته بوجها
دزتلي صور موس وكاعدة بالحمام كالت بالقران اموت نفسي وانت السبب
كالعادة تهديدات فارغة حته ما جاوبتها سويتلها لايك ع صورة وحذفت البرامج كلهن ماريد يوصلني اي شي بعد
تعبت هواي بحياتي ما اريد شي بعد ينغص فرحتي ..
اتفقت وية بيان قبل يوم يابة خلي نروح للفندق كالت لا عادي عند اهلك اني اعرف اهلي يمعودة عاد بس اول يوم نوب نرجعلهم
قفلت كالت لاا اقبل بكولشي بس لا يخرب العرس ومنزوج
واني ادري بيها ليش هيج سوت بعدهي مقهورة من الكلب فهد وتريد بس تخلص منه وما تريد نروح بفندق خاف اهلي مايرضون ونصرف والمبلغ يصير هواي
كلت هاي هيه اجمع كل قوتي واحاول اعدي هليوم على خير
وصدك اول ما وصلنا بدت سوالفهم بقيت كوة لازم روحي
نوب البنية تعبتني
بس شكل مبينة عاقلة وجبيرة
الا تصرفتها مال جهال بچاية حيل وخوافة ضلت مجلبة بأيدي وتحلفني مااعوفها كوة قنعتها كتلها هسه اجيج
نخبصت وعالم كلساع يصيحوني
رحت التهيت وياهم ساعة هيج واجاني ابن خالي يصير وصديقي جرني ع صفحة فتح فديو وخلاه بيدي
ضليت مصدوم
فاتن مخابرتة ومحلفتة يفتح كامرة وتسجيل شاشة
هو هم مسوي هيج شايفها حالتها حالة
حاطة التلفون كدامها وكصصت اديها وشراينها منا ومنا مثل المجرمة
من شفت الفديو ضليت صافن الولد يهز بية ليث ليث شبيك
ماحجيت شي نطيتة تلفونة وكتلة هاي ختولي شسويلها
رحت يم العالم واني مشدوه حته اليحجي وياي ماركز ويا
تعشو العالم وراحو ضلو بس عمامي وخوالي ثنين ولدهم وشكم واحد من جماعتي واخواني
صاحتني امي مدري شرادت
اجة ابوي كلي تعال عندي حجي وياك
ادري بيه رح يفتح الموضوع سكتت كلت خلي شيحجي خل يحجي بس خلص تعدي هليلة السودة على خير
بس السواه لا يرضى بيه لا الله ولا عبادة صاحني بنص الصالة وسد الباب
وكل لجماعتي ولد الخالي الكاعدين
بوية التعلوم مو عيب
علمو كبل ما يدخل على مرتة لا هم يفشلنا مثل ذيج المرة
ضليت صافن بوجه
وجماعتي سوها بالشقة تفشلو كامو يضحكون ويشاقون
ضليت واكف واخزرة
هو يكلي ولك عار مو احجي وياك ويندسني بالعوجية
جريتها منة حيل وثنيت ركبتي وكسرتها حيل وشمرتها بالكاع وذول الكاعدين كلهم وكفو وذاك الحجي والغلط طلعت من الصالة اني اسب بيهم واكفر وابوي يغلط ويدعي والعالم لازمينه يسكتون بيه
صعدت ع الدرج
تلكتني امي مرتك الهيج فعلها هيج تركها هيج سوت وهيج سوت وكسرت الغراض ولسانها شطولة و و و
صحت حيل بعلو صوتي يمة وخري مني
صعد اخوي دفعني وضربني واني هم ضربتة تمالخنا واحنا ع الدرج
اجو ولد خالي جرو اخوي ونزلو
صعدت فوك
لكيتها قافلة الباب
توسلت بيه وكوة لازم اعصابي بس فتحي الباب
فتحة وترجف تفرك بأديها وكحلتها نازلة من البجي وتتأسف تكلي ليث والله اني مالي شغل هنه حجن ومادري شلون كسرت الغراض ذني ...
مردت كلبي حضنتها حيل ضليت اهدي بيها واني اريدلي واحد يهديني اني اسؤء من حالها
ضليت احجي وياها واهديها ماكو شي خيولن
سكتت وضلت تباوعلي بخوفة يلا ليث شوكت نرجع
.. محروك كلبي حيل منهم بس ضليت لازم اعصابي
حجيتها كبل من حركة كلبي مالي طاقة لا اهدي ولا اقشمر ولا اسوي اي شي بس كتلها هاي الحجايه طفرت وخافت مني ضلت صاعدة ع الجربايه ومن اكول فصمة صدك فصمة اريد الزمها ما اكدر اجيها منا تطلع منا
نوب تبجي وتتوسل بصوت عالي وذول الكواويد ادري واكفين بالباب ولج بس سكتي بس تعاي خلي نحجي ماكو فضحتني نوب بالزايد
كمت اشوفها حالها حال فاتن
فاتن حجت بكروب وكالت مو رجال وهاي تبجي بصوت عالي وهمة يسنطون
ماذكر لفضت اسم فاتن بس هية تكولي فاتن منو
ضلت واكفة بمكانها ماتحركت
طفرت عليها بسرعة و وكعتها مديت ايدي وطفيت الضوة توقعتها تقاومني تضربني تسوي شي
بس ماكو
ستغليت الموقف وماكو براسي غير حجي ابوية وماصاحي على روحي شداسوي ...
طلعت من الغرفة والغرفة ضلمة تلكتني امي وهم بعدهي تريد تحجي وتشكي
شمرت عليها الوصلة
حجيت بقهر و بتعب كتلها هاج نطيها الأبوي خلي يسويها شماغ ..
طلعت واني اريد اشرد من كلشي شغلت السيارة ومدري وين اروح
تمنيت الله يجيب وسام ويخلي كبالي هو الوحيد الي اروحلة بضعفي
اي ماكو غيره من غبائي طبكت السيارة على صفحة وطلعت التلفون اخابرة
واني عايف اختة مدمرة وراي
دكيت عليه مغلق ماعندة نت
شغلت وطلعت
وصلت بغداد رحت لشقة صاحبي الجنت يمة
قبل مانزل اجتني رسالة ع الفيس هو الوحيد الما حذفتة نسيتة
صوت بنية تبجي وتصيح اختي ماتت من وراك
لا يالله منو هاي
دكيت عليها متجاوب
دكيت ماكو على رقم فاتن هم ماكو
نزلت لصاحبي كوة احجي كتلة البنية ماتت من وراي
ضل يسأل وشجابك واليوم عرسك ومدري شنو ويابنية
كوة جاوبته كتله روح احجزلي
كلي ولك ساعة ب ١٢ وين الكة مكتب مفتح هسه
اصبر لباجر
لحيت عليه لبس وراح كال انتضرني هنا
شوية وخابرني اكول اكو رحلتين واحدة هسه باجر ب ٧ والخ بعد يومين. كتله احجزلي باجر
رجع علية يحجي وياي ويريد يفتهم وين رايح ومدري شنو ماكو ماكدر احاجي طاقتي صفر بس كتلة دبرلي فلوس
راح جابلي فلوس ضليت كاعد للصبح مافكر بشي
غير انو اني موتت شخص بسببي حته اهلي واليم اهلي نسيتهم كلهم ..
كوة طلع الصبح رح للمطاار وصلني صاحبي واخذ سيارتة
ماخذت وياي غير شكم شغلة وهم ماامنتبه جنطة صغيرة حطلياها الولد
طلعت الطيارة من بغداد لمطار هابمورغ ستغرق حوالي سبع ساعات
نوب من المطار لبيتهم صعدت قطار هم ساعة ونص
نزلت احرك ضهري كوة متت
دكيت الجرس طلعت اختها صغيرة عمرها ١٢ سنة كالت بعدهم بالمستشفى
يا مستشفى متعرف اسمها بس وصفتلياها
انتضرت الباص وصعدت للمستشفى كبل
رحت اسألهم البارحة شخص هيج اسم توفى مدري شنو
كالو غلطان ماكو هيج اسم
رحت امشي كوة ولازم ضهري
لكت اختها خطيبة محمد باب الغرفة تفاجئت من شافتني ضلت صافنة
تعبان حيل كلمة وحدة ماكدر احجي
طبيت للغرفة لكيتها كاعدة وكلشي مابيها بس اديها مضمدة منا ومنا
شافتني ضلت متفاجئ
هية تباوع عليه بصدمة واني اباوع عليها بتعب
شلعت المغذي بسرعة من ايدها وكامت حضنتني وتبجي وتردد
- جنت اعرف رح تجي علمودي جنت اعرف رح تعوفها ليث انت حب عمري محد يعرفك بكدي اعرف تحبني بس هذا صديقك الكلب ورطك عوفة ليث خيولي ماعندة غيرة لو عندة غيرة ميشمر اختة عليك شمر
دفعتها بتعب و كتلها
- انتي تعرفيني ووسام يعرفني واهلي يعرفون واني هم اعرف روحي اني واحد اثول وماعندة شخصية وفاهي يتقشمر بصورة وحجاية
- لا ليث مو هذا قصدي اقصد اعرفك...
- طبعاً تعرفين جبتي سنين عمري اركض وراج واريدج من عمري ١٣ سنة ردت اعوف دراستي واخطبج
وسويتها مو ما سويتها
طبعا تعرفين سنين وانتي مسويتني مضحكة ومهرج روح وتعال
لعد هو الاثول شلون يصير بعد
سبع ساعات طيارة وساعتين قطار وباصات يلا وصلتلج هذا كلة ب بصمة صوت وصورة
اااخ يايابة كلكم تدرون بية اثول ماعندي شخصية الا الفصمة صدكت وعبالها صدك رجال واحميها ااااخ يايابة
- شبيك ليث الفصمة منو !
عفتها وطلعت امشي واحجي وية روحي
خايبه انتي الوحيدة الي لو ابجي دم ما عوض خسارتج
هسه صدك رفست النعمة
هسه صدك خسرت روحي
لحكتني وصيح وراي ليث ليث والله انت تحبني بس تعبان ولد الحرام لعبو بعقلك ليث ارجع ليث والله وصلت الموت وهمة نقذوني اموت اذا تعوفني ليث
- دولي انعل ابوج لبو ليث .. خايبه ما احبج بالعباس ابو فاضل طلعتي من كلبي من اول يوم قريت بيه الرسالة الدازاتها لخواتج
- ليث كتلك غلطت والله بكبرة يسامح وانت مساح
- فاتن ماعندي اطلكج تنازالي لخاطر الانبياء اذا عندج شوية كرامة كافي فكي عني صار سنة ونص ماكدر اتقبلج بعد
دمرتي حياتي لا تخافين لا البنية ترجعلي بعد ولا اخوانها ولا صديق عمري
خسرت كلشي
- لا ليث ما خسرت والله نرجع اني وياك لبيتنا تغيرت اني مو مثل قبل
- واني تغيرت فاتن تغيرت من شفت بنت الدلال والخير متمسكة بواحد حافي منتف
لج اذا اشتريلها شعر بنات اشوف الفرحة بعيونها وانتي سنين اركضلج تسكط ضهري من وراج وماعاجبج شي
طول عمرج تبتزيني تسافر لو اعوفك تجيبلي بيت لو اعوفك تحطلي هلكد مهر لو اعوفك ترجعلي لو اكطع شرايني واموت لج كافي كافي فكي عني عتقيني لخاطر الله الشكبرة كافي عتبريني متت خلص
كمت اصيح عليها ودفرت الكرسي اجو أمن المستشفى يركضون وطلعوني
طلعت وهيه بعدهي صيح وراي ليث ليث
خرا بروح ليث ولي ...
عفتهم وطلعت امشي مشيت ساعتين ومادري وين اروح رجلية وحدهن اخذتني لبيت وسام
رحت فتحت الباب مقفول
دكيت عليه ماعندة نت كلت شيسوي بيه خلي يسوي
ضلمت الدنيا ومطر صار ضليت كاعد بالحديقة ومنكع وصافن هسه يجي هسه يجي
اخر شي طلعت مرة عجوز جيرانه المانية
حجت وياي كالت تعرف لغة كتلها اي
كالت صار ساعة اباوع عليك من الشباك ليش كاعد هنا
كتلها منتضر صديقي بهاي الشقة
كالت سافر البارحة لبلدة
- وين للعراق ؟ !!!!!
- اي
ضليت صافن و مسطور شلون يروح للعراق الا قدم عودة معناها ميكدر يرجع هنا بعد
كمت طلعت تلفوني متنكع
اخذته مني رحت لبيتها نطتني منشفة نشفت راسي
شحنت التلفون ونشفته شتغل
رجعت نزلت واتس لكيت الدنيا محتركة كوم مكالمات
مافتحت ولا شفت منو خطي العراقي تعلق من اول ما طلعت وما منتبه
دكيت على وسام دكيت ماكو
كلت ماكو غير اخابر ابن خالي اخلي ياخذ بيان يرجعها لاهلها بين ما ادبرلي تذكرة وارجع لا امي تسمعها حجاية لو تعاركها
دكيت عليه اول ما فتحت خط كام يصيح علية انت وين لخاطر الكعبة
كتلة عوفك بس روح للبنية اخذها لهلها بين ما اجي
كال هيج منك ومن اهلك
لك اجو اهلها اخذوها وطلعوها جثة مدمايه من فوك ليجوة مغطينها بعباية
والمكافحة اخذو اخوانك كلهم حته ابوك
وكع التلفون من ايدي
ضليت مدد رجلية وكاعد حته ماكدر اكوم وذاك يصيح الو الو لحد ما نكطع جتي المرية منشفة قمصلتي نطتني ياها واني صافن وكل فكر ماكو براسي
صار الصبح ورجعت مكابل بيت وسام وكاعد ومادري شسوي
وجع وخنكة بصدري حته ما اكدر ابجي
اريد ارجع اخابرة اكله البنيه بيها شي عدلة ميته ومنو الضربها بس ماكدراحجي
ضليت على كعدتي لثاني يوم وهم هاي العجوز اجت حجت وياي رادت ماكو ما اركز وياها
ادري بوسام ما يرجع اليقدم عودة بعد مستحيل يخلونه يدخل المانيا
بس المن منتضر مادري
ضليت للضهر مكابل بيتة وكاعد
مادري صافن ودك تلفوني
وسام !!
فتحت خط وضليت ساكت
كبل حجة ع السريع كال الكاك بفلان مكان
كتلة اوك جاياك
كمت نفضت ملابسي من التراب ورحت ...
يتبع ...