တစ်နှစ်ကြာပြီးနောက်....
"ဟာ သီဟနိုင် ၊ မင်းအမေရော"
ခန်းမထဲ ဝင်ဝင်ချင်း ကိုနေမျိုးက ကျွန်တော့်ကို ဆီးကြိုလို့ နှုတ်ဆက်တယ်။
"ပါတယ် ၊ အနောက်မှာ ဆိုင်ကယ်ထားနေလို့"
"အဲ့ဒါဆို လာလေ ၊ အကိုတို့ဝိုင်းမှာ ဝင်ထိုင်လိုက်ပါလား"
"မထိုင်တော့ဘူး ကိုနေမျိုး ၊ ဟိုမှာ ကျွန်တော့်သူငယ်ချင်းတွေဆီပဲ သွားထိုင်လိုက်တော့မယ်"
ကိုနေမျိုးတို့ဝိုင်းနဲ့ နှစ်ဝိုင်းကျော်လောက်မှာ ထိုင်နေကြတဲ့ ငမိုးတို့ကောင်တွေကို မေးငေါ့ပြလိုက်ပြီး ကျွန်တော် ပြန်ဖြေလိုက်တယ်။
"သြော် အေးအေး ၊ မင်းအမေကိုတော့ ကိုယ်တို့နဲ့ ခေါ်ထားလိုက်မယ်နော်"
"ရတယ် ရတယ်။ ခေါ်ထားလိုက်။ ပြန်မယ်ဆိုမှ ကျွန်တော့်ကိုခေါ်လိုက်လို့"
"အေးအေး။ ဟော ဟိုမှာ ပြောရင်းဆိုရင်းနဲ့ မင်းအမေ ရောက်လာပြီ။ သွားတော့ သွားတော့ ၊ တော်ကြာ မင်းနောက်လိုက်နေမယ်။ တစ်ခါတလေလေး သူငယ်ချင်းတွေနဲ့တွေ့ရတာကို လွတ်လွတ်လပ်လပ်နေ"
"ဟုတ်"
ကိုနေမျိုးကို နှုတ်ဆက်ပြီးတာနဲ့ ကျွန်တော်က ကျွန်တော့်သူငယ်ချင်းတွေရှိတဲ့ဝိုင်းကို သွားထိုင်လိုက်တယ်။ ကိုနေမျိုးကတော့ ကျွန်တော့်နောက် လိုက်မယ်လုပ်နေတဲ့ အကိုသူရကို သူတို့ဝိုင်းမှာ ဇွတ်ခေါ်ထားလေရဲ့။
ဒီနေ့က ကျွန်တော့်သူငယ်ချင်း ဇာနည်နဲ့ မမစံပါယ်တို့ရဲ့ မင်္ဂလာပွဲဖြစ်တယ်။ အဲ့တော့ ကျွန်တော့်သူငယ်ချင်းတွေရော ၊ အကိုသူရရဲ့ သူငယ်ချင်းတွေရောက မင်္ဂလာခန်းမထဲမှာ စုံစုံလင်လင် ရောက်ရှိနေကြတယ်။
"အမယ် သီဟ ၊ တစ်ယောက်တည်းပါလား။ မင်းအမေရော"
"ပါတယ် ဟိုမှာ သူ့သူငယ်ချင်းတွေနဲ့ ထိုင်နေတာ"
ငမိုးရဲ့အမေးကို ကျွန်တော်က အကိုသူရတို့ဝိုင်းကို ညွှန်ပြပြီး ပြန်ဖြေလိုက်တယ်။ ပြီးတာနဲ့ ရှေ့မှာရှိတဲ့ ရေခဲမုန့်ကို စားဖို့ပြင်လိုက်တယ်ဆိုရင်ပဲ
"ကလေးလေး ၊ ရေခဲမုန့်တွေ တအားမစားနဲ့နော်။ လည်ချောင်းနာမယ် ၊ ဝမ်းပျက်မယ်"
အကိုသူရရဲ့ တားမြစ်သံ။ ကျွန်တော် တအံ့တသြနဲ့ ခေါင်းမော့ကြည့်လိုက်တော့ အကိုသူရက ကျွန်တော့်ဘေးမှာ မတ်တတ်ရပ်နေလေရဲ့ ၊ ဘယ်အချိန်ကများ ကျွန်တော့်ဘေး ရောက်လာလဲမသိပါဘူး။
"ဟုတ်။ တစ်ခွက်ပဲ စားမယ်နော်"
ကျွန်တော်ပြန်ဖြေတော့ လိမ္မာတယ်ဆိုပြီး ကျွန်တော့်ခေါင်းကို ပွတ်သပ်လေတယ်။
"ဟိုကောင်တွေက ဇွတ်ခေါ်နေလို့ ကိုယ် ဟိုဘက်ဝိုင်းမှာ ရှိနေမယ်နော်။ တစ်ခုခုဆို ကိုယ့်ကိုခေါ်။ ပြန်ချင်ပြီဆိုရင်လည်း လှမ်းခေါ်လိုက်နော် ၊ အဲ့ကောင်တွေကို ဘာမှ အားနာစရာမလိုဘူးသိလား"
"ဟုတ်"
"အင်း အင်း... ကိုယ်လည်း ကလေးကို မြင်ရတဲ့ဘက်ကနေ တစ်ချိန်လုံးကြည့်နေမှာပါ။ အဲ့တော့ ပြန်ချင်ပြီဆိုတာနဲ့ ကိုယ်တို့ဝိုင်းကိုသာ လှည့်ကြည့်လိုက် ဟုတ်ပြီလား"
"အင်းပါ။ သွားတော့ သွားတော့"
သူငယ်ချင်းတွေရဲ့ မင်းလင်ကိုတော့ တကယ်စိတ်ကုန်တယ်ဆိုတဲ့ မျက်နှာပေးတွေကြောင့် ကျွန်တော့်မှာ အကိုသူရကို အမြန်နှင်ရတယ်။ ဒါကို ကိုတော်ချောကလည်း မှာတမ်းခြွေလို့မပြီး။ အဲ့ဒါကြောင့်လည်း သူ့သူငယ်ချင်းတွေရော ၊ ကျွန်တော့်သူငယ်ချင်းတွေရောက သူ့ကို ကျွန်တော့်အမေဆိုပြီး စစနောက်နောက်နဲ့ ခေါ်နေကြတာ။
"အင်း အင်း... ညီလေးတို့ အကိုသွားပြီနော်"
သူထွက်သွားမှပဲ ကျွန်တော့်မှာ သက်ပြင်းချနိုင်တော့တယ်။ သူကတော့ ဘာရယ်မဟုတ်ဘူး ၊ ကျွန်တော့်ကို အရမ်းချစ်တော့ စိတ်မချတာပေါ့လေ။ ကျွန်တော်တစ်ခုခုဖြစ်မှာစိုးတော့ သူ့မှာ ဘာတဲ့ဆို ကျွန်တော့်ကို မှာတမ်းခြွေလို့မပြီးတော့ဘူး။ ကျွန်တော် အသက်နှစ်ဆယ်ကျော်နေပါပြီ ၊ အဲ့ဒါကြောင့် စိတ်ချပါလို့ ပြောလည်းမရဘူး။ အသက်နှစ်ဆယ်ကျော်ပြီဆိုပေမဲ့ ကိုယ်နဲ့ယှဉ်ရင် ကိုးနှစ်ကြီးတောင် ငယ်တယ်မလားတဲ့ ၊ အဲ့တော့ ကျွန်တော်က သူ့အတွက်တော့ ဘယ်အရွယ်ရောက်ရောက် ကလေးလေးပါပဲတဲ့လေ။ အဲ့လို အဲ့လို အကိုသူရစိုးက တကယ်ကို ပြောရဆိုရခက်တဲ့လူ။
ဒါပေမဲ့ ချစ်စရာကြီး ဟီဟီး...
"သီဟတို့များနော် ယောက်ျားယူလိုက်တာ အမေသုံးယောက်တောင်ရလို့"
"အဲ့တော့ မင်းက မနာလိုနေတာလား"
"ဖြစ်ရမယ်။ မင်းကိုကြည့်ပြီး စိတ်ကျဉ်းကျပ်လွန်းလို့ မိန်းမယူချင်စိတ်တောင် မရှိတော့ဘူး"
ငမိုးရဲ့အပြောကို ကျော်ကြီးကပါ
"အဲ့ဒါ ငါလည်း သိချင်နေတာ။ သီဟနိုင် မင်း ကိုသူရစိုးနဲ့ နေရတာ စိတ်မကျဉ်းကျပ်ဘူးလား။ သူက ဒီလောက်တောင် လိုက်ချုပ်ချယ်နေတာကို"
"ဘာလို့ စိတ်ကျဉ်းကျပ်ရမှာတုန်း သူပြောတဲ့အတိုင်း နားထောင်လိုက်ရင် ဒီလောက်ပျော်စရာကောင်းနေတာကို"
ကျွန်တော် ပြန်ပြောလိုက်တော့ အကုန်လုံးက ကျွန်တော့်ကို တအံ့တသြ ဝိုင်းကြည့်လာကြတယ်။ အင်း။ သူတို့ အံ့သြလည်း အံ့သြစရာပါပဲ။ အကိုသူရစိုးက ကျွန်တော့်ကို တကယ် ချုပ်ချယ်တာ။ ဟိုဟာဆိုလည်း နည်းနည်းပဲစား ၊ ဒီဟာဆိုလည်း နည်းနည်းပဲစားနဲ့။ ပြီးတော့ သူမပါရင်လည်း ကျွန်တော့်ကို ဘယ်နေရာကိုမှ မသွားရဘူး။
သူ့ဘက်ကကြည့်ရင်တော့ ချုပ်ချယ်တာမဟုတ်ဘူးပေါ့လေ။ သူ ကျွန်တော့်ကိုချစ်လို့ ၊ ကျွန်တော် တစ်ခုခုဖြစ်မှာစိုးရိမ်လို့ သူ့အနေနဲ့ ကြိုတင်ကာကွယ်တဲ့သဘော။ ကျွန်တော့်ဘက်ကကြည့်ရင်လည်း အဲ့ဒီသဘောပါပဲ။ ဒါပေမဲ့ ဘေးလူတွေ အမြင်မှာကျတော့ အကိုသူရက ကျွန်တော့်ကို အရမ်းချုပ်ချယ်တယ်ပေါ့လေ။ အဲ့လိုထင်နေကြတာ။
"မင်းကိုတော့ တကယ် အံ့သြတယ်"
ကျော်ကြီးရဲ့ အပြောကို ကျန်တဲ့ကောင်တွေကလည်း ဝိုင်းပြီး ထောက်ခံကြတဲ့အနေနဲ့ ခေါင်းတညိတ်ညိတ် လုပ်နေကြတယ်။ ကျွန်တော် သူတို့တွေကို ဂရုမစိုက်ဘဲ အကိုသူရကို လှမ်းကြည့်လိုက်တော့ အကိုသူရက ကျွန်တော့်ကို လှမ်းပြုံးပြလာတယ်။ အဲ့ဒါနဲ့ ကျွန်တော်ကလည်း ပြန်ပြုံးပြရင်း
"သူ့ရဲ့ ကောင်းကြောင်းတွေကို မင်းတို့မသိကြလို့ပါ။ အကိုသူရက ငါ့အပေါ်ကိုဆို ငါ့အမေထက်တော် ပိုပြီးတော့ စိတ်ရှည်သေးတယ်။ ပြီးတော့ ပိုပြီးတော့လည်း ဂရုစိုက်ပေးတယ်။ သူဘယ်လောက်ထိ ဂရုစိုက်လဲဆို ငါ ရေချိုးတိုင်း ဆပ်ပြာကို ဖင်ကြားတွေရော ၊ ဂွေးတွေပါမကျန် တစ်ကိုယ်လုံး နှိုက်နှိုက်ချွတ်ချွတ်နဲ့ ပွတ်တိုက်ပေးတယ်။ ခေါင်းလျှော်မယ်ဆိုတိုင်းလည်း ဆိုင်မှာလျှော်သလိုမျိုး နှိပ်နယ်ပြီး လျှော်ပေးတယ်။ အဝတ်အစားဆိုရင်လည်း ငါ့ကို ဘယ်တော့မှ မလျှော်ဖွတ်ခိုင်းဘူး။ နောက်ပြီး ထမင်းခူးပေးတာ ငါဆိုပေမယ့် စားပြီးတိုင်းတော့ သူပဲ ပန်းကန်ဆေးတယ်။ အိပ်မပျော်တဲ့အခါတိုင်းလည်း ပုံပြင် ၊ ဒါမှမဟုတ် သီချင်းဆိုပြီး ချော့သိပ်ပေးသလို မီးပျက်တဲ့အခါတွေဆိုလည်း ငါ မအိပ်ပျော်မချင်း ဘေးကနေ ယပ်တောင်ခတ်ပေးတယ်။
ပြီးတော့ နေ့တိုင်း နေ့တိုင်းလည်း ထောပတ်သီးဖျော်ရည် ဖျော်တိုက်သလို တခြား ငါစားချင်တယ်ဆိုတဲ့ အစားအစာတိုင်းကိုလည်း အကုန်ဝယ်ကျွေးတယ်။ ငါသွားချင်တဲ့ နေရာတိုင်းကိုလည်း မဖြစ်,ဖြစ်အောင် လိုက်ပို့ပေးတတ်ပြီး ငါဖြစ်ချင်တာ မှန်သမျှကိုလည်း အကုန်ဖြည့်ဆည်းပေးတယ်လေ။ အဲ့တော့ ငါက သူနဲ့နေရတာကို ဘာကိစ္စ စိတ်ကျဉ်းကျပ်ရမှာတုန်း"
"အင်း။ ဟုတ်မှာပါလေ ၊ သူ မင်းကို ဘယ်လောက်ချစ်တယ်ဆိုတာကို ဘေးကနေကြည့်ရင်တောင် သိသာပါတယ်"
"ငါ သူ့ကို ဘယ်လောက်ချစ်တယ်ဆိုတာရော မသိသာဘူးလား"
"မသိသာပါဘူး။ ဘေးကနေကြည့်ရင် ကိုသူရစိုးက မင်းကို အရမ်းချစ်သလောက် မင်းကတော့ မချစ်ဘဲ ယူထားရတဲ့ပုံ"
"မဖြစ်နိုင်တာ ၊ ငါ ဒီလောက် သူ့ကို ချစ်နေတာကို"
"ဟုတ်ပါတယ်ဆို ၊ မယုံရင် သူတို့မေးကြည့်ပါလား"
ကျော်ကြီးပြောတာ အမှန်ပဲလားဆိုပြီး ကျွန်တော် ငမိုးတို့ကို ကြည့်လိုက်တော့ သူတို့က ဟုတ်တယ်ဆိုတဲ့သဘော ခေါင်းညိတ်ပြလာကြတယ်။
"ဘာလဲ ? တကယ်ကြီးလား"
"အင်း"
"……"
မဟုတ်သေးပါဘူး။ ကျွန်တော်လည်း အကိုသူရကို ဒီလောက်ချစ်နေတာကို။ သူချစ်တာကျ သိသာပြီး ကျွန်တော်ချစ်တာကျ ဘာလို့မသိသာရတာတုန်း။
ထားပါတော့လေ။ ဘယ်သူသိသိ မသိသိ အကိုသူရစိုး သိရင်ပြီးတာပါပဲ။
"ကလေးလေး... နေမကောင်းလို့လား"
စိတ်အလိုမကျဖြစ်နေတဲ့ ကျွန်တော့်နဖူးကိုစမ်းရင်း အကိုသူရက ကျွန်တော့်ဘေးမှာ ဝင်ထိုင်တယ်။
"အကိုသူရစိုး ဘယ်လိုလုပ် ရောက်လာတာတုန်း။ သူငယ်ချင်းတွေကရော"
"စံပါယ်တို့ထွက်လာကြပြီ ၊ အဲ့ဒါ သွားနှုတ်ဆက်ရအောင်လို့ ကလေးကိုလာခေါ်တာ"
"ဟင် ဧည့်သည်တွေကို သူတို့က လိုက်နှုတ်ဆက်ရမှာ မဟုတ်ဘူးလား"
"ဟုတ်တော့ဟုတ်တယ်။ ဒါပေမဲ့ ကြာလို့ ၊ ကိုယ်တို့ပဲ အရင်သွားနှုတ်ဆက်လိုက်ပြီး ပြန်ရအောင်လေ"
"သြော် ပြန်တော့မလို့လား"
"အင်း။ ဒီမှာ ကလေးနဲ့တည့်တာ မရှိဘူးလေ။ အဲ့ဒါ ကလေးဗိုက်ဆာနေမှာစိုးလို့ ဖက်ထုပ်လိုက်ကျွေးမလို့"
"အဲ့လိုလား ၊ အဲ့ဒါဆို သွားကြစို့။ ငါပြန်တော့မယ် ဟျောင့်တွေ"
"ကြွ ၊ ကြွ ။ သြော် ဒါနဲ့ ညကျ ငါတို့တစ်ဖွဲ့လုံး မင်းအိမ်လာအိပ်ကြမှာနော်"
"အေးအေး။ ရတယ်။ လာခဲ့ကြ"
မင်္ဂလာပွဲက အပြန်မှာတော့ အကိုသူရက ကျွန်တော့်ကို ဖက်ထုပ်လိုက်ဝယ်ကျွေးတယ်။ အဲ့မှာ နှစ်ယောက်သား ဖက်ထုပ်တွေ အဝစားကြပြီး အပိုအနေနဲ့ ဝက်ဂုတ်သားကင်တွေလည်း စားဖြစ်ကြတယ်။ ပြီးတာနဲ့ ညကျ ဟိုကောင်တွေ စားဖို့အတွက်ဆိုပြီး နေကြာစေ့နဲ့ မက်မန်းသီးတွေ ဝယ်လာခဲ့လိုက်တယ်။
22.3.2022