قاع الشياطين

البارت التاسع والثلاثون

...............☆البارت التاسع والثلاثون ☆.............

#قاع_الشياطين(البصر والبصيره)

#بقلم_أسماء_ديمير

حجيت وين نروح ..

دار يباوعلي مبتسم  ، للجنه حتى نكسر الشيشه …

ضحكت ليش اكو جنه بالارض ، دار وجه يسوك ، بمكر رد اي جنتي هسه اشوفها الج ، 

عضيت شفتي ، ساق السياره وطلع علا الموسيقى حيل وسد الجام ، يغني ويه ساجده ..

مد ايده خلاها بحظني ابتسم ما حجيت لزمت ايده وبس ..

ضحكت على تصرفاته ، اول مره اطلع ويه شاب ، استغربت ماكو توتر ، يمكن لان اعرفه من قبل وكاعده وياه بنفراد قبل ..

دار عليه يغمزلي ضحكت هزيت راسي ، وكف عند الاشاره ، وصفت السيارات ، التفتت داحجي وياه انفتحتت باب السياره من جهتي حيل و نعتيت منها عطت مخترعه يمااا ..

التفتت لان صوت ساري عاط حيوووانه وين صااعده ادب سزز..

عتني وكعني بنص الشارع من خرعه ضليت اعيط ، رفعني من جتفي حيل يهز بيه ولج انتي شنوووو متكليلي شنوو جاي اسووين هااا ..

ديحجي وياي ويهزني لان دانيال نازل وجاي عليه يركض ، جره دانيال لساري من وره و ضربه بوكس على وجهه ..

-عطت لااا دانيال .. لزمته لااا ، جرني ساري خلاني ورراه وهجم على دانيال يضربه ، تكامشو بنص الشارع نام فوك دانيال يضربه .. نوب وكع على صفحته و صعد عليه دانيال يخنكه ..

ضليت مجلبه بدانيال ارفعه عن ساري وابجي عوفهه كااافي ولكم كاافي العالم نزلت من السياراتها تبعد بينهم ويصيحون لااا عمي لااا شجاكم كولو يالله  ..

وتجرهم يبعدوهم عن بعض ، قميص ساري انرعط و وجه متروس دم ينافخ ويصيح عدديم الشررف ماخذ مراهقه تستغلهاا تستفرد بيهاا حيووان لك سكيير .

-وذاك يرد ورب مااخليك انا الك اذا مابجيت امك عليك تضربني هي خووثه ، ناس تجر بيهم هم ناس تريد تهمش ناس جرني دانيال يصعدني وياه ..

-عاط سااري  بيه ، ولج تااالا جاي اسووين هددها ولك ، تالاااا لاصعدين قندر*  ..

دانيال جرني وياه ياخذني  غصب ، اني ابجي من الخوف و الرهبه :- صاح ساري ولج شيريد منج وين مااخذج تالاااا ين عقلج جااي اسووين ..

دانيال ، اندار عليه ، رد مالكم شغل بيها لا اخوها ولاابوها انته حدكم خدم جنتو عدهم تخدمون ..

سكت ساري وجهه بهت يباوعلي ، نزل اديه مدهوش من الي كاله دانيال   ، بجيت اباوع عليه ، اديه ترجف جرني وياه عيوني على ساري وجه مصدوم يباوعلي منتظر مااصعد ..

خفت حيل خفت ، مافكرت بالنتيجه والله عبالي اطلع اغير جو اغامر مثل رنا ، هاي نتيجه اصحاب سوء وسوسه الشيطان ، صعدني و سد الباب …

عيوني على ساري والعالم تكله توكل ابني شعليك منهم انته ، ماتحرك هو ضل واكف مصدوم وجه كله دم ، يباوعلي وجه صوفر ، ركب دانيال وحرك السياره عصبي يغلط ويتحلف بساري ..

-ماعوفه ورب اندمه الا ابجي دم ، بطول القندره ماعرف ويامن وكع هالطركه بوز القندره ، ضل يغلط ويسب بي ، وجه هم بي ضربه مزلوغ بالرصيف اني ستمريت ابجي ..

عاط بيه كااافي ، دنجت ابجي حجيت نزلني ..

ماحجه ..

-عطت نزلللي ..

-وين انزلج يااابه من كل عقلج ..

-عطت حيل نزلني ، اندار عليه و هفني بضربه على وجهي ، انداريت عليه ورفعت ايدي ضربته وخررر عني انعل ابووك نزلني كلت ..

-شبيج بنت النعا* شبيج هي بربو* شببببيج ..

صرخت بوجه نزززلني ، ووكف سياره ، مارضه لزمني من ايدي كوه ، السياره دتمشي وفتحتها اريد اشمر نفسي ،  عاط بت الكلب جرني حيل جاي اسووين هي ساقط* بجيت وصرخت دااكلك اووكف نززلني ..

وكف سياره حيل ربد راسي بالاماميه بجيت حيل ، حجه هيج موو بسيطه انا الكم .

فتحت الباب ، نزلت بسرعه جريت جنطتي وحجيت ماتخاف عليه انته لو تخاف جان فكرت بسمعتي ، ساري راح يكول الهم الصار ، شراح يحجون عليه ..

كفر .. هيج من اهلج ولج منوو هم يتحكمون بيج اني هم ماريدج بعد وحده بلا شخصيه ولي ..

سديت الباب وركضت عفته ..  اتجهت كبل للمكان تعاركو بي ، السيارات متحركه وشارع بي حركه بس ساري ماكو  ، من بعيد ضليت افر براسي ما شفته ماكو ، ركضت دقايق لكيت مكان فارغ ..

ساري ماكوو اكيد رجع للبيت وراح يحجي لميرال ..

وكفت اتلفت الهث ، رفعت اديه امسح وجهي وابجي ، كعدت بالارض  منهاره لا ياااربي لا ياربي ياافضيحتي ، ضربت على خدودي شسويتي خرب بيومج ..

خليت راسي على الجنطه بحظني ابجي واشهك ، سمعت صوت ياحيوانه كومي يالله ..

رفعت راسي بسرعه سااري سااري لاتحجي لاحد ..

-دكومي اني الج كومي جرني من زندي حيل ، كمت وياه جرني ومشه يسحل بيه ويغلط .

-وين جنتي ناويه ترحين هااا طايحه الحظ من اكول انتي مال كتل مو مال احترام محد يصدك هزني حيل هااا وين جان ناوي ياخذج..

كم مره طالعه وياه شسويتو من طلعتو قبل احجي ..

-وربي اول مره اصعد وياه دوم ارفض ماقبل ..

-هااا ترفضين موو وهسه شغير لا صاعده وتتمضحك و لا خاايفه شكد عينج كوويه صلفه هاي منو علمج على طلعات ..

-هو ضحك عليه والا اني ماسويها مو تعرف اخلاقي انته ..

-انجبي والله لاكرهج حياتج بسيطه ..

-ساري لاتكول لاحد وداعت اهلي ماعيدها ..

-اذا ما ذليتج مااطلع سااري اشتغل خدام عدكم موو شدراه جنه نشتغل عدكم هالمسيحي هاا لو ما انتي حاجيه اله ..

ضليت اتوسل بي واتخضع بالكت يبرد بس ماكوو :- -ماحجيت ورب ماحجيت ، داحجي وياه وابرر اله وضربني على حلكي صايره تحلفين مثله ورب موو  ، ولج انتي مال ذبح والله ذبح وتنحرك جثتج بنار حتى حرام بيج دفن ..

سحلني سحل من شارع و صلنه لمنقطتنه مشي حتى ما ركبنه سياره حسبته ديعاقبني يجر بيع حيل واني اركض وارع اتوسل هو يغلط علينه ..

مرمطني تمرمط بشارع ، ماتت رجليه من الركض و سحله ، اباوع لحالته ياهو يفوت من يمنه يصفن عليه عبالك مسوين حادث ..

وصلنه الفله وكفت مارضه اتحرك  ، ما الله يهديك ساري ، فدووه ابووس ايدك سااري …

جرني حيل ودخلنه ، جسمي ضل يرجف دخيلك يااربي ، ابو حمد شافنه وكف يباوعلنه بريبه ، عقد حواجبه يباوعلي …

-حجه هاا عمي ساري شبيك .

-هز راسه ماكو سلامتك ابو حمد ..

اني وراه اكل بروحي ، التفتت على ابو حمد يهز براسه بحسافه ، يباوع عليه دنجت اكل باضافري ، دخلنه للبيت شافته امه و شهكت شبيك هاا شصار يماا ابني وكفت تتفحص بي بوجهه و هو واكف يخزر بيه ..

حجت امه شكووو شبي وجهك رد اندعمت بدراجه .. يااا طبت على صدرها يااحظك المصخم ياايمه شوو اكعد دشوف شبيك كعد على التخم يتافف مدنج ،  هيه ضلت تفتح بقميصه و تنزعه اله تشوف ضرباته تبوس بجتفه وراسه و تحجي سووده عليه ياايمه ..

ادري اعمه ابو دراجه مااشفك كسر برجله كوون ، ..

اندارت عليه شافتني واكفه وجهي اصفر وعيوني حمر دم ، حجت وانتي شبيج هاا اندارت على ابنها حجت شجابها وياك هاي يااا بس لا نزلتي من سياره ابو حمد عليه ياايمه يالحنينه ..

باوعت لساري خازرني يهز براسه متحلف ..

دنجت راسي ، اجت باستني فدوه لعينج ياا طلعتي ام دميعه شفت وانته كل حجايه ضاربها شفت شلون هابطه عليك ..

اكعدي يما وجهج خارط رايحه من وجهج العافيه  ..

ضلت ملتهيه بساري اني دخلت لغرفتي ، احس راسي ناار نار موجره ..

كلبي يرجف بعده من الهبطه ، شوي وندفعت الباب حيل عليه ، لان ساري ..

رفعه ايده مووبايلج يله جيبي ..

هزيت راسي ماانطي سااري لاتحاول ..

-تالا موبايلج لا وحق محمد اخليج هنا واخنكج تقدم عليج ..

-بجيت سااري جوز مني ، داكلك شبيك وياي لا تلزمها عليه حجه انته مو احسن مني ، لاتسوي نفسك ملاك براسي ..

-جرني من ضغيرتي تالاااا الموبايل يله دشوف هالنغل شدزلج ، وين واصله بيكم من الفساد بالله ..

-دفعته هدنني وخرر لا تصير براسي ابو الاخلاق مالك شغل بيه ، لو شريف ماتكضيها ويه غدير وره الاسطبل ، على الاقل اني ركبت وياه السياره ما لكيتني متحاضنه وياه ..

وخر دفعته وكف صافن بوجهي لج عبالج اعوفج لا والله حق ضرب الي اكلته اليوم اطلعه من خشمج و خشمه تفل عليه ومشه ..

- همست  يااقذر ..

ذبيت نفسي على جرايه كعدت ،  شعري سواه كوشه كطعه ، جسمي يرجف ، كمت غيرت ملابسي ، شجابه هو شعرفه اني ويه دانيال شلون شافني ..

معقوله غدير بربو* كالت اله بس شلون وصلت اله ..

لو مراقبني يااا ، لزمت جهازي ودفنته بالملابس خفت يلكاه لو هو بي رمز بس كلشي يصير ، 

باليل اجت ميرال عليه لازمه عصا ودخلت للغرفه وجها ابد مايبشر بالخير شاده شعرها ليوره هاي اول مره تسويها ..

وشامره شال على راسها ولابسه فستان بيتي طويل ، حجت تعاي اريدج ..

-همست شبيج ..

-تعاي بره عافتني وطلعت ..

-لزمت راسي كاللها ساري ، اعرف الله لايوفقك يااسافل يالنذل ..

طلعت متوتره ارجع بشعري ليوره ، وصلت للصاله باوعت لكيته كاعد على تخم رافع تك رجل رافعه حاجبه خانزرني ..

- هزيت راسي انحلف بي ، الله كريم ..

-همس ولي سافله ..

عفته ومشيت وراها لكيتها كاعده على البلوكات بره ..

-وكفت كبالها هااا ..

-رمشت بعيونها رفعت اديها بعدت اردانها عن امعصمها ، ضهرت اثرات لونهم احمر ..عقدت حواجبي مستغربه ..

-حجت تشوفينهم لو لاا …

-همست اي شنو هذول ..

-هذا الزواج تالا ، نزلت ثوبها عن صدرها حجت شوفين ..

-جسمي كزبر حجت هذا الحب تالاا ، محد يحب تالا مثل الام والاب والباقي كله جذب ..

نزلت دموعها بهدوء جااي اسوين تالا هاا ، ليش هيج ، شنو ناقصج ولكيتي بهذا سكير بلا اخلاق ، 

-همست يحبني ..

-عايزه حب تالا ..

-رديت اي محد يحبني اني دتحجي قاطعتها لا تكولين احنه نحبج لااا محد يحبني بيكم والله ، مايوم سالتو شبيج تالا ضاايجه تالا شنو حلمج تالا شنو مشااعرج تالاا بس انتي كله انتي حتى اسامه اذا تسالي تحب منو يكول ميررال ..
.
ماراح تعرفين شنو احس لان كلها تحبج وتحس بيج وتريد خاطرج الا اني ، حبيت ماغلطت وطلعت اي وياه دنحجي عادي والله ماناوي يسوي شي …

دنجت راسها ماكدرت تحجي رفعت اديها تفرك بصدرها ، حجت :- يمكن السبب مو منج يمكن منني اني ، يمكن ماعرفت اعلمج وانبهج صح ..

الغلط مني موو رفعت راسها حتى ضله هناا اني سببها هو احنه ليش ضالين هناا ، عدنا بيت ونرجع نعيش بي ، موو لا انتي تشوفين هالسكير مثل السرطان ولا اني اعيش بنص هالعايله مارتاح اغمض عيوني بيها وانام براحه ..

رديت انتي بطرانه ميررال ، ماعرف شنو تردين من الدنيا بعد ..

ابتسمت بس عيونها جانت تجري ، هزت  راسها اي ، استندت على العصا وكامت تمشي ترجع ..

مشت مثل مشيه عجوز الكبيره محنيه ظهر والاعصا هيه قوتها وشايلتها ، شال مشمور على راسها باهمال وكذلتها الطويله نازله من شال  ..

مسحت وجهي ورجعت للملحق ، دخلت للغرفه وسديت الباب قفلتها ،  وطلعت جهاز فتحته مجرد مانفتح الجهاز تراكنمت الرسائل ..

-فتحتهم اغلبهم من دانيال يهدد و يكلي ردي يالشريفه ..

-حجيتي للكعبه لو بعدج ..

-لو هاا لازم بحظن ساري جن هذا خوثه عجبج ، 

-اخر شي رد تردين لا انعل غاليك وادفعج ثمن غالي داز صوره ، ركزت بيها ماواضحه بس هاي اني بملابس نوم فالينه تعلاكه و برموده بغرفتي والله ،  يااا يمه لطمت وجهي يااا عزا العزززام هاي شنوو ..

كاتب جوها حتى لداخل غرفتج اوصل ماكو شي بعيد عن ايدي ردي داكول ..

لطمت على وجهي ياايمه ياامعزايه يااتالا .. 

كعدت ارجف لزمت جهاز حتى ادك عليه ماكدرت الزم الجهاز كل شوي يوكع من ايدي، لزمته كوه جسمي اختض ، دكيت عليه ..

مارد رجعت كررت الاتصال مرات مو مره ..

فتحه حجه بت الكلب لادكين مشغول هسه وسده بوجهي وكع جهاز من ايدي فاكه عيوني حيل يااايمه يااامصيبتي اي والله ..

شوصله لهناا هذاا يمااا ، كمت لحيلي افتر بالغرفه لزمت شعري اكطع بي واضرب بوجهي ، كعدت بالارض ابجي يييارب دخيلك استرني شنو هذا شجابه يمي ..

ركضت للجهاز ادك على رنا مالي غير رناا تعرف بهل سوالف يمااا المن اروح مستحيل اروح لميرال  ..

دكيت وردت هلااا بالبذاته والحقيره ..

-بجيت رناا الحكيني ..

-حجت هااا شكوو ولج ..

-لج رناا مصيبه وكعت بمصيبه الحكيني حجيت الها مختصر وابجي خايفه ..

-حجت شلون دخل للغرفه انتي دخلتي مو ..

-لا والله لااا شبيج لا مو اني ..

-وين اكوو شلون صورج لعد ، هاا محد يصدك اصلا خاصه اذا شوفهم مراسلاتكم سوه ..

-يمااا الحيكي والج شسووي حيضيعني هذا شورطني وياه ..

-شيكلج كوولي اي لا ترفضين له اي طلب ، لحد ما هو يمل منج ويعوفج ..

-شيطلب يامعزايه لج اني طلعت ويه اليوم شوي بس صعدت بالسياره ملخني ساري ، نوب راح كال لميرال عليه شتحجين انتي  ...

-بكيفج انتي بعد ، شكو داكه عليه اذا ماتاخذين برأي ..

-لززمت راسي رنا فدوه حل، اريد حل مو هذا ..

-شسويلج يعني توسلي بي واعتذري منه جوز يرضي ..

سكتت اكل بروحي سديته منها خانسه ، منو يصدك اذا نكرت طامسه للهامه اني ، غركاانه لراسي ، خليت راسي على جربايه ياارب كون امووت ..

ميرال …

دَاوَيتُ بِالأَمْسِ أَروَاحاً مَجرُحَةً 
وَالْيَومَ تَرجُو رُوحِي مَن يُدَاوِيهَا!

فتحت عيوني من حسيت عليه  كام من الفراش و جر ملابسه وطلع ، نومي صار اخف من ريش بسبب القلق ، عشت بقلق بسبب خالته وبسبب تصرفاته ،  كمت بسرعه وراه ، صوت نزلته عن درج ..

وكفت ثواني لبست روبي و فتحت الباب وراه بهدوء ، ماكدرت انزل خفت لاحد يشوفني ، سديت الباب توجهت للشباك ، وكفت اريد اسمع مابين حجيهم بس صوت ستار وعواد .

حجه وياهم بيبر يله ..

ردو تاخرت شنوو لهل درجه تخاف من الداخليه ..

مارد عليهم .. 

انفتحت الباب الخارجيه ، وتحركت السيارات وكفت جتفت اديه لصدري ، احس راسي فووخ كلش …

دك جهازي رفعت راسي ، ضل يدك ، جبته فتحته ، رساله صوتيه  .. رجلج وين …

-جريت نفس ،  ماكدرت ارد اديه جمدت ..

-رد دز مو يمج مو ؟! اكولج وين رايح …

-دزيتله ما تخاف اكول لبيبر على رسايلك هاي ..

-ضحك .. لا تخافين ماخذ حذري ..بس ماكلتي اكلج وينه جاي يسوي ..

-غمضت عيوني ، ذبيت الجهاز على صفحه ، ماعرف شتريد بالضبط بس الي متاكده منه ياعدي انته منافق ومالك صاحب وصديق ..

كعدت على الكرسي رفعت رجليه لميتهم لصدري وكعدت ساكته ، ماتجرأت افتح رسائل البقيه ، خفت لا ينفجع كلبي ماتحمل ، 

غفيت بمكاني مادري ، حسيت على صوت السياره بره فزيت ، رفعت راسي نزلت رجليه من كرسي ، دقايق طول جوه ، و صعد ..

اسمع صوت طبات حذائه ، انفتحت الباب ، جريت نفس ، ماتحرك ضل بمكانه ..

همست وين جنت …

ليش كاعده ..

ضليت ساكته وجهي راخي ، حجيت شنو هالشغل الي مايصير غير باليل ..

مارد بس تقدم ينزع بملابسه ..

تسمعني  . 

مارد ..

شلت جهازي اكو من يدزلي رسائل ويقره براسي عليك ، فهمني احجيلي انته حصدكك والله لان احبك .. كوول ..

جر الجهاز مني  ، همس ماكو شي منوو ..

سالته ، ويامن جنت ..

- رد حلمانه ميرال ..

-تقدمت عليه اشمه مابي شرب …

-وين جنت .. 

-دفعني عنه شغل ..

-شغل باليل ..

مريت شفت المخزن كالو بي تماس و الحمدلله ماكو شي ..

جتفت اديه ساكته ، جرني امشي انام تعبان ماخلوني اتهنه بالنومه ، ماردت افززج كلت اروح اشوفه واجي شبيج صايره عصبيه هالايام ..

مشيت وياه ساكته تمددت ونطيته ظهري عتني حيل لاتنطيني ظهرج ، دارني عليه وحظني ، كلبي يدك ، بس هو لاا نفسه منتظم عادي …

مرت ايام حتى الاكل قلت شهيتي اله ، تالا و تصرفاتها تعبتني عاذرتها مراهقه ماعرف اتصرف وياها ، منا بيبر الي افعاله اذتني بس بسكوت ..

عزم شباب وكعدو يتغدون بالصاله داخليه الي بيها مكتبه ، وكفت مقابيلها نترت ام زياد شسووين هنا ..

درت وجهي عليها ، لمحتها واكف ، حجيت شنو حرام لو غلط ادخل لزوجي ..

-رجلج عنده شغل ، لمي نفسج واركدي بغرفتج مثل بقيه ..

-ابتسمت قصدج مثل الدجاج كلمن بكنها موو ..

-بالضبط خليج دجاجه لو تتنتفين ، اختفت ابتسامتي ، ابتعدت وكعدت على تخم ، رافعه راسي ، حجت ادب سزز مو محترمه ..

-اجت وسن حجت ايلاف دكت ام زياد ، مشت عليها بسرعه ، 

-ثواني و طلعت تركض تصيح لابو حمد حظر السياره بسرعه ،

درت وجهي ، دخلت يم بيبر تصيح ، تعال هاي ايلاف واكعه من البلكونه ، 

دك على ابو زياد مداحصله طلع وياها هو يمشي ، يكللها اخذي ستار وروحي ..بس اشوف طولهم بعيدين يمشون …

صاحت شااخذ طاارق يريدك دك يصيح يمعود امشي ، شوف شصاير وياها شوكعهاا ..

طلعت تركضت وتحجي ، طلعو وياها للطرمه كلهم مخبوصين غزل تكللها اروح وياج ماماا خاف تحتاجيني ..

رفعت حواجبي ، فلك طرج يالوكيه عود هاي حامل ، كمت بسرعه اسمعهم من شباك الصاله . طلعو مخبوصين مشوو يمكن ماشافوني اصلا ، همزين ..

غمضت عيوني يحركني ، سمعت صوت وراي ، التفتت لان عدي كاعد وراي بعد عني متر ..

فززني  ، همست غضب الله …

ماتحرك مدنج ، مدري شيسوي صغرت عيوني بيده شي اسوود .من صدر منه صوت اقسام ، عرفت سلاح ..

رمشت بعيوني صافنه شافني لو مغلس على وجودي هالقرد ..

اراقب بي هو يحشي بالمسدس بهدوء ، و كانو متمرس ، رفع القطعه من السلاح و كعد يباوع عليها مركز يشوفها نظيفه لاا ، 

وخرها من كبال عيونه انتبه اني كباله عيوني عليه مركزه وياه ، صفن بوجهي جريت عيوني جر بضوجه و كره ..

حجه شلونج ست ..

مارديت عليه ..

قدم جسمه باتجاهي حجه بهدوء سمعت بيبر قبل فتره جان بملهي ثروت كالج لاا ..

مارديت عليه و سويت نفسي ماسمعت ..

ضحك تدرين اكو رقاصه جانت تشتغل هناك جانت تبع للمهندس بيبر لو ماتدرين ..

انداريت عليه بحقد ، رفع شي صغير لونه ذهبي ..

ركزت بي شوي عرفت طلقه لونها ذهبي اشرلي هو رافعها بوجهي يشوفها الي ، كمل كلام تشوفين هالطلقه ، بلون الطلقه ، عيونها مثل هالون ..

جان يسميها بيببر عسل اليل من جمالها ، يكول اتضوي حتى الظلمه من جمال عيونها ..

جان بدي اكوم امرعده  والله واشرب من دمه ومارتوي ، بس ادري  دمه مو طاهر نكس و يكدر يسوي كلشي ..

عوج حلكه يحجي بعدم مبالاه ، صح هيه مو احلى منج ، دنج راسه ثواني وسكت رفع راسه صفن ساكت وكانو يرتب الكلام ..

عرفت الكلام الجاي جذب مادام طول كبل لايطلعه،  طول بصفنته بوجهي و بؤبؤ عينه يفتر على معالم وجهي بهدوء عارم ..

همس هو مبتسم اي مو احلى منج بس تعرف تلعب الرجال زين ، وعلمت بيبر مالتج عليهاا بعده يكمل ابتسمت اني .. سكت من شافني ابتسمت ..

رفع حواجبه باستفهام مستغرب ..

جتفت اديه بهدوء بهدوء و حجيت جذاب ، ضحكت :- نظره العين للافاق و نظره الكلب للاعماق ..

 يمكن عيوني تخدعني مثل ماخدعتك بس نظره كلبي عمرها ماخذلتني لان تشوف الي باعماق البشر شنو خاصه بيبير مالتي .

لو اشوفه كبالي يخوني ماصدك ، اني ماعرف تصرفات بيبر شنو بس اعرف اعماقه و روحه شنو فلاتحاول تدخل وياي بالعبه اني الحكم بيها ..

نتر بعصبيه :- اضيعج و الله ماتعرفيني … قبل لايكمل قاطعه غلطاان انته بعدك متعرفني …

عفته و كمت امشي ، اديه عركت وترجف ، 

ماكدر احجي لو اتعارك ، التزمت صمت بس من داخلي تعبت حيل ، باليل رجعو ، الي عرفته من ديما ، ايلاف يكولون عاثره واكعه من بلكونه بس شلون محد يحجي ..

ديما تكول جذب هيه شامره نفسها ، وام زياد سمعتها تحجي لبيبير تكول رجلها دافعها ، بعد ماعرفنه الصدك ..

كاعدين ناكل و حجت حجت ام زياد باجر سفركم لو اليوم باليل ..

رفعت راسي ، درت وجهي عليه سفر شنو ..

كح باجر عندي سفر ..

وين …

للشمال كم يوم مااتاخر لزم ايدي ،  حجت خالته لشوكت اضل تبرر خليها كبال امر الواقع حالها حال غيرها والله بلشت ابزع ترى ..

-رد بهدوء اني ومرتي لا تدخلين ام زياد ..

-دكاافي اذا ماعندك ثقه بيها لزمها الباب بشنو احسن من الي قبلها هيه ..

-صاح كاااافي ضرب ميز جفلنه كلنه …

سكتنه كلنه ، دفع ميز و كام بسرعه ،  مشيت بسرعه وراه للغرفه ، صعدت فتحت باب ودخلت راح تسافر ..

رد كم يوم كتلج ..

-شسوي اضل هنا شنو هالشغل الي يوميه لازم تسافر وتعوفني داحجي منفعله ..

-رد قتطعني رد برود و بسرعه ، ميرال شغلي اصرف بضائع ممنوعه تدخل للعراق  ..

سكتت ، حجه سمعتي اصرف بضائع ممنوعه ..

لزمت كرسي و كعدت عليه ، همست شلون يعني ادويه لو غذائيه ممنوعه ..

ممنوعات وبس افتهمتي باجر عندي بضاعه راح تدخل ورايح اجيبها وبعد لاسألين ..

جريت نفس كوه والمهندس ، هااا ومهندس ابو العقاراات ..

- ممتخرج اصلا ، مهندس اسم بس ..

-فكيت عيوني بجيت ، ليش تحجي هيج برود ، ليش ، 

-تعبتيني هوواي ماتوقعتج هيج حشريه و دورين بكلشي  ..

اشرت على نفسي حشرريه ، انيييي ، اني مو حشريه اني حسيت بيك مو تمام ، بس ضلت جملتك براسي ادك بيبر صدكي كلبي وكلامي ، غمشت حواسي كلها وصدكت بيك لييش ..

وكفت كباله ارجف ، داريتك ، حسيت بيك ، شنو الحصلته منك ، هاا بس الاستغفال ..

عبالك غبيه موو عبالك ماحس وماراح اعرف شديصير بس لان ماشوف ..

نتر كاافي سحب اقسام يجهز اسلاحه ديطلع تقدمت عليه جلبت بي من وره وجريته اول مره بحياتي اصير عنيفه ،  عطت بي كاااافي ..

-لا سووي هيج وتصتصغرني  مالك طلعه والله ..

ماحسيت غير بس علي ادينه جتفته اديه وخنكني  شمرني حيل على الفراش وكعت من الفراش على الارض من قوه الدفعه ..

فتحت عيوني مصدوومه ، جنيت بيبر جنيت انته رسمي ، فوك شينك مووو فوك غلطك ردت اسااعدك لان احبك ، ماصدكت باحساسي ولا بكلام الي يقرون براسي ضدك بس لان احبك .

ااااش ميرررال اااش اسكتي لاضليت ادكين برااااسي ااش كوه متحمل  .. تقدم عليه رجعت ليوره مفزوعه وخر والله بس توصلني اعيط لزمني عطت حيل الحكوووني صم حلكي حيل يخررسني عطت دفعته حيل ماكدرت جتفني حيل ...

# يتبع ...

بارت هديه مليان احداث مليان ..

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق

التصويت اذا جيد .. حتى يصير النشر يومي 💜💜