" Loryard ၿမိဳ႔က အခု အရင္းအျမစ္ေတြ အမ်ားႀကီးလိုအပ္ေနမယ္ဆိုတာ ခန႔္မွန္းမိပါတယ္ .. ဒါေပမဲ့ ဒီတစ္ေခါက္ Dungeon က မတူးေဖာ္ရေသးတဲ့အရာျဖစ္ေနေတာ့ venic ၿမိဳ႔အေနနဲ႔ ဆိုရင္ေတာင္ လက္ေလ်ာ့ဖို႔ မျဖစ္ႏိုင္ပါဘူး " venic ၿမိဳ႔စား ခပ္ၿပံဳးၿပံဳးျဖင့္ တည္ၿငိမ္စြာ ရပ္ေနသၫ့္ Ruzel အား ၾကၫ့္ကာ ေျပာလိုက္သည္ ။
တကယ္ေတာ့ ထုတ္ေျပာစရာပင္မလိုေခ် ။ စစ္သည္တစ္ေယာက္မွ ေခၚမလာသၫ့္ Ruzelႏွင့္မတူဘဲ Dungeon ပတ္လည္တြင္ ခ်ထားသၫ့္ စစ္သည္မ်ားေၾကာင့္ တဖက္၏ သေဘာထားအား သိႏိုင္ရန္ လံုေလာက္ေပသည္ ။ သည္အခ်ိန္တြင္ အေနာက္တြင္ရပ္ေနသၫ့္ Shun က Ruzel အနားသို႔ ကပ္ကာ တစ္ခုခုအား တီးတိုးေျပာလိုက္သည္ ။
" Venic ၿမိဳ႔စားမင္း .. လူႀကီးမင္းက တိုင္းျပည္ေတြ အကုန္လံုး သေဘာတူထားတဲ့ Dungeon နဲ႔ ပတ္သက္တဲ့ စည္းကမ္းခ်က္ေတြကို သိထားတယ္မလား .." Ruzel က ေအးခ်မ္းသၫ့္အၿပံဳးေလးျဖင့္ Venic ၿမိဳ႔စားအား ၾကၫ့္လိုက္သည္ ။
" ဒါေပါ့ .. ငါသိထားပါတယ္ .. ဒါေၾကာင့္လဲ မင္းကို ေဆြးေနြးဖို႔ ဖိတ္ၾကားလႊာပို႔ခဲ့တာဘဲေလ .." သေဘာတူညီခ်က္ စည္းကမ္းတြင္ Dungeon အသစ္တစ္ခုအား တိုင္းျပည္ႏွစ္ခု ဒါမွမဟုတ္ ၿမိဳ႔ႏွစ္ခုက တၿပိဳင္နက္ေတြ ့ခဲ့ပါက ထို Dungeon အား ရဖို႔ ယွဉ္ၿပိဳင္ရမည္ျဖစ္သည္ ။ ၿပိဳင္ပြဲကို အသံုးမျပဳလိုလ်ွင္ တဖက္လူေက်နပ္ေစမၫ့္ တန္ဖိုးျဖင့္ ေပး၍ အရယူႏိုင္သည္ ။ ဤသို႔ျဖင့္ Dungeon ေၾကာင့္ ျဖစ္လာမၫ့္ စစ္ပြဲမ်ားကို ေရွာင္ရွားေစလိုသည္ ။
" ဟုတ္ၿပီ .. ႏွစ္ဦးႏွစ္ဖက္ မေဆြးေနြးခင္ တဖက္က အရင္ Dungeon ထဲကို လူလႊတ္တာက စည္းမ်ဉ္းကို ခ်ိဳးေဖာက္တယ္ဆိုတာလဲ သိထားမွာဘဲ .. " Ruzel ၏ စကားေၾကာင့္ Venic ၿမိဳ႔စား၏ မ်က္ႏွာက ခက္ထန္သြားသည္ ။
" မင္း ဘာကို ဆိုလိုခ်င္တာလဲ "
Ruzel က မ်က္ခံုးတစ္ခ်က္ပင့္လိုက္ၿပီး သူ႔အေနာက္က Shun ထံသို႔ ၫႊန္ျပလိုက္သည္ ။ " ျဖစ္ခ်င္ေတာ့ ငါ့ရဲ့လူက ေျခရာေကာက္တဲ့ အစြမ္းတစ္ခု ပိုင္ထားတယ္ေလ .. သူကဘဲ ဒီထဲကို ဝင္သြားတဲ့ အမဲလိုက္အဖြဲ႔တစ္ဖြဲ႔ ရိွတယ္လို႔ ေျပာခဲ့တာ "
" မျဖစ္ႏိုင္တာ .. ဒီ Dungeon က အခုမွေပၚတာေလ .. အထဲမွာ ရိွတဲ့ အႏၲရယ္က ေတာ္ရံုမဟုတ္ဘူး .. အမဲလိုက္အဖြဲ႔တစ္ဖြဲ႔ကို ေျဖရွင္းခိုင္းစရာလား .. အဓိပၸာယ္မရိွတာ .. ဒီေနရာနဲ႔ မနီးမေဝးမွာ Dungeon တစ္ခုရိွတယ္.. အမဲလိုက္အဖြဲ႔တစ္ခုခုက မ်က္စိလည္ၿပီး ဝင္သြားတာျဖစ္မယ္ .. "
အျပင္းအထန္ ျငင္းဆန္ေနသၫ့္ Venic ၿမိဳ႔စားေၾကာင့္ Ruzel ၏ ႏူတ္ခမ္းမ်ား ေကာ့တက္သြားသည္ ။ " ဒါေပမဲ့ စည္းကမ္းခ်ိဳးေဖာက္တာက ခ်ိဳးေဖာက္တာဘဲေလ .. စိတ္မေကာင္းေပမဲ့ လူႀကီးမင္းမွာ ဒီ Dungeon ကို လက္ေလ်ာ့ဖို႔ကလြဲၿပီး တျခားမရိွဘူး "
' ေတာက္ ! ဒီေခြးမသားေလး .. ငါ့ကို ေခ်ာင္ပိတ္ရိုက္ေနတာဘဲ .. တိုင္းျပည္တစ္ခုရဲ့ ေနာက္ခံေတာင္မရိွဘဲနဲ႔ ေမာက္မာေနတာ ' venic ၿမိဳ႔စားက သူ႔ရဲ့ သတ္ျဖတ္စိတ္အား ထိန္းခ်ဳပ္ထားၿပီး Ruzel အား စူးရဲစြာ ၾကၫ့္လိုက္သည္ ။
" အထဲဝင္သြားတဲ့သူေတြရွိမရွိဆိုတာ အတည္မျပဳရေသးဘူး ၿပီးေတာ့ သူတို႔က Venic ၿမိဳ႔သား ဟုတ္မဟုတ္ မသိႏိုင္ေသးဘူးေလ .. အလ်င္စလို မဆံုးျဖတ္လိုက္နဲ႔ "
Ruzel က ေထာက္ခံသၫ့္ဟန္ ေခါင္းတစ္ခ်က္ညိတ္လိုက္သည္ ။ " လြယ္ပါတယ္ ... သူတို႔ကို အထဲဝင္ၿပီး ေခၚထုတ္လိုက္တာေပါ့.. အခုေလာက္ဆို သူတို႔လဲ Dungeon အသစ္ထဲ ဝင္မိသြားတယ္ဆိုတာ သတိထားမိၿပီး ျပန္ဆုတ္ခဲ့ေလာက္တယ္ .. ရွာဖို႔ သိပ္မၾကာေလာက္ဘူး "
" ႏွစ္ဖက္စလံုးဝင္မွ ရမွာဆိုေတာ့ မင္းဘက္က လူေတြေရာက္လာေအာင္ အခ်ိန္ေစာင့္ရဦးမလား " Venic ၿမိဳ႔စား၏ အသံက အနည္းငယ္ ေလွာင္ေျပာင္ဟန္ေပါက္ေနသည္ ။ Loryard ၿမိဳ႔က ျပန္ျပင္ဆင္ထားၿပီးၿပီျဖစ္ေသာ္လည္း စစ္ပြဲတြင္ ကြၽမ္းက်င္သူမ်ားစြာ ဆံုးရႈံးခဲ့သည္ ။ Dungeon အတြင္းက သားရဲေပါက္ေလးေတြကိုေတာင္ အႏိုင္ယူဖို႔ လူရိွပါ့မလားဘဲ ။
" အရင္ဝင္ႏွင့္ပါၿပီ " Ruzel က ေျပာလိုက္ၿပီး Venic ၿမိဳ႔စား၏ စကားအား အေၾကာင္းျပန္ဖို႔ပင္ မလုပ္ေတာ့ဘဲ Shun ႏွင့္အတူ ဦးစြာ ဝင္သြားေတာ့သည္ ။ ထိုသည္ကို ၾကၫ့္ရင္း Venic ၿမိဳ႔စား၏ မ်က္ႏွာထက္တြင္ ညစ္က်ဲက်ဲ အၿပံဳးတစ္ခုေပၚလာသည္ ။ သူက အထဲဝင္ဖို႔ ေခၚထားသၫ့္ Guild အဖြဲ႔ေခါင္းေဆာင္အား ေခၚလိုက္ၿပီး
" အထဲေရာက္ရင္ အမဲလိုက္အဖြဲ႔ကို ရွင္းပစ္လိုက္ "
**
" Ruff .. ငါကို ေခၚလာလို႔လဲ အသံုးမဝင္ဘူး .. ငါက ဘာမွအသံုးက်တဲ့ေကာင္မဟုတ္ဘူး .. ျပန္ၾကရေအာင္ " Andoshi က Ruff ၏ အေနာက္မွ လိုက္လာရင္း ထိတ္လန႔္ဖြယ္အနံ႔အသက္မ်ား ျပၫ့္ႏွက္ေနသၫ့္ ေနရာအား ဟိုၾကၫ့္ဒီၾကၫ့္လုပ္လိုက္သည္ ။ တစ္ေနရာရာကေန ဝုန္းခနဲ ထြက္ခဲ့သည္ရိွေသာ္ အရင္ဆံုး ထြက္ေျပးႏိုင္သည္ေလ။
ဝုန္း!!!!! ဘန္း!!!!
ေက်ာက္ေဆာင္ ၿပိဳက်သံလိုလို ၾကားလိုက္ရၿပီး အတြင္းနက္ပိုင္းမွ စြမ္းအင္လိွုင္းမ်ား ျဖာထြက္လာသည္ ။ ထေျပးရန္ျပင္ေနသၫ့္ Andoshi သည္ ဆြဲေခၚခံရျခင္းနဲ႔အတူ ထိုေနရာသို႔ ပါသြားျပန္ေလသည္ ။ ထိုေနရာသို႔ ေရာက္သၫ့္အခ်ိန္တြင္ သူတို႔ႏွင့္ အတူလာသၫ့္ အမဲလိုက္အဖြဲ႔အျပင္ အျခားသူမ်ားကိုပါ ေတြ ့လိုက္ရသည္ ။
" န.. နဂါးႀကီး !! " နေဘးနားတြင္ Andoshi သည္ က်ယ္ေလာင္သၫ့္ ဟိန္းသံမ်ား ထုတ္လႊတ္ေနသၫ့္ အေကာင္ႀကီးအား ၾကၫ့္ရင္း တကိုယ္လံုး ျဖဴေလ်ာ္သြားသည္ ။ အေကာင္ႀကီးအား ၾကၫ့္ရင္း ပါးစပ္မွ ခ်က္ခ်င္း ဝိညာဉ္ထြက္ေတာ့မလို ခံစားေနရသည္ ။ ' ဟင့္ .. ဟင့္ အိမ္ျပန္ခ်င္တယ္'
သူက ေဘးသို႔ လွၫ့္လိုက္သၫ့္ အခ်ိန္တြင္ ခုနကတင္ ရပ္ေနသၫ့္ Ruff သည္ ယခုခ်ိန္တြင္ မရိွေတာ့ေခ် ။ " ေသၿပီ.. ေသၿပီ.. ငါေတာ့ေသၿပီ.. ဟိုေရခဲေတာင္ ငါ့ကို ထားၿပီ ထြက္ေျပးသြားၿပီ .. အားးး ေသၿပီ "
" တိတ္စမ္း! "
အတက္အက်မရိွသၫ့္ အသံအား ၾကားလိုက္ရျခင္းေၾကာင့္ Andoshi က အံ့ဩသြားဟန္ သူ႔ပါးစပ္အား လက္ျဖင့္ အုပ္လိုက္သည္ ။ " အို? ရိွေသးတယ္ဟ "
" Ruff !! ငါတို႔ကို လာကူပါဦး " Cloud က Andoshi တို႔အား ျမင္သည္ႏွင့္ ခ်က္ခ်င္းေအာ္ေျပာလိုက္သည္ ။ သို႔ေသာ္ Ruff က ထိုသူမ်ားအား ဂရုမစိုက္ေခ် ။ Andoshi ၏ ေခါင္းအား ေနာက္မွ အသာပုတ္လိုက္ၿပီး " ငါ့ကို ဒါေတြ လာေကာက္ကူ "
" ဟင္? ဪ? အင္း? " သူက Ruff လက္ထဲက စိမ္းျပာေရာင္ ေက်ာက္တံုးေလးအား ၾကၫ့္လိုက္ၿပီး ေခါင္းညိတ္လိုက္ကာ ေကာက္ယူရန္ျပင္လိုက္သည္ ။ သူက အေျခအေနမေကာင္းပံုေပါက္ေနသၫ့္ Cloud တို႔အား ၾကၫ့္ရင္း အသံတိုးတိုးေလးျဖင့္ ေမးလိုက္သည္ ။ " သူတို႔ကို မကူညီဘူးလား "
" ဒီသတၲုေတြက ေမွာ္လက္နက္လုပ္တဲ့အခါ အဓိကအသံုးျပဳတယ္ .. အရည္အေသြးေကာင္းရင္ နည္းနည္းေလးနဲ႔ ေရႊျပား တစ္ေထာင္ေလာက္ ရတယ္ " Ruff က Andoshi အား ၾကၫ့္ကာ ေျပာလိုက္သည္ ။
" ဟင္?? တကယ္ႀကီးလား .." Ruff ၏ ေခါင္းညိတ့္အတည္ျပဳမႈကို ရလိုက္သည္ႏွင့္ Andoshi သည္ တက္ႂကြစြာ လိုက္ေကာက္ေတာ့သည္ ။ သူရဲ့ ေငြက အသက္ထက္အေရးႀကီးသလို ပံုစံေၾကာင့္ Ruff ပင္ အနည္းငယ္တြန႔္သြားသည္ ။ ' ခုနကဘဲ အရမ္းေၾကာက္ေနတာေလ ..'
Ruff ၏အျပဳအမႈေၾကာင့္ Cloud ၏ အမႈအရာက ဆိုးရြားသြားသည္ ။ " Ruff ဒီေကာင္ႀကီးကို အခု ပူးေပါင္းၿပီး မသတ္ရင္ မင္းတို႔လဲ လြတ္မွာ မဟုတ္ဘူး "
" မဟုတ္ဘူး .. " Cloud ၏ စကားမဆံုးခင္ Ruff က ျဖတ္ေျပာလိုက္သည္ ။ " ငါသာ သူ႔ကို မတိုက္ခိုက္ရင္ သူက ငါ့ကို ဘာမွလုပ္မွာ မဟုတ္ဘူး .. ဒါေပမဲ့ တိုက္ခိုက္လိုက္ရင္ေတာ့ မင္းတို႔အစား ငါ့အေပၚ အာရံုရသြားလိမ့္မယ္ .. အဲ့အခါက်ရင္ အခုအေျခအေနက ေျပာင္းျပန္ျဖစ္သြားမွာေပါ့ "
" ဪ အဲ့လိုကိုး .. ငါတို႔မတိုက္ခိုက္မခ်င္း ဒီေက်ာက္တံုးေတြ ႀကိဳက္သေလာက္ ေကာက္လို႔ရတာေပါ့ .. ဟားဟား ခ်မ္းသာၿပီ .. ခ်မ္းသာၿပီ .." Andoshi က အရင္တုန္းက အထုပ္ထမ္းသၫ့္အခါတိုင္း ဘာလို႔ ဂူအျပင္မွာဘဲ က်န္ေနရစ္ခိုင္းခဲ့ရသလဲဆိုသည္ကို သတိျပဳမိသြားသည္ ။ ' အက်င့္ပုတ္ေတြ '
Ruff က အပံုလိုက္ရိွေနသၫ့္ ေက်ာက္တံုးပံုအား ၾကၫ့္လိုက္သည္ ။ သူက ထိုအပံု၏ အေပၚတြင္ လက္ကို တင္လိုက္၏ ။ Andoshi က နားမလည္သၫ့္ပံုစံျဖင့္ ေခါင္းအသာေစာင္းကာ ၾကၫ့္လိုက္သည္ ။ ' အိတ္ထဲထၫ့္မယ္ေလ'
ေၾကာင္ၾကၫ့္ေနသၫ့္ Andoshi ၏ အၾကၫ့္ေအာက္မွာပင္ ေက်ာက္ပံုေပၚမွ ေမွာ္အစီအရင္ အထပ္လိုက္ေပၚလာသည္ကို ေတြ ့လိုက္ရသည္ ။ တခ်ိန္တည္းမွာပင္ ေက်ာက္အပံုႀကီးသည္ ေလ်ာ့နည္းသြားၿပီး အစီအရင္က အလင္းမ်ား ေတာက္ပလာသည္ ။ အလင္းေလ်ာ့သြားခ်ိန္ ဓားရွည္တစ္ေခ်ာင္းေပၚလာခဲ့သည္ ။ ဓားအသြားသည္ ပါးလ် သန႔္စင္ၿပီး လက္ကိုင္က နက္ေမွာင္ေနသည္ ။ ၾကၫ့္ရတာနဲ႔တင္ အလြန္ထက္ျမသၫ့္ ဓားတစ္ေခ်ာင္းျဖစ္ေၾကာင္း သိႏိုင္သည္ ။
ဝါး!!!!
Andoshi ၏ မ်က္ဝန္းမ်ားသည္ အလင္းတစ္ခ်က္ လက္သြားခဲ့သည္ ။ ခ်က္ခ်င္းပင္ အရည္လဲ့လာခဲ့ၿပီး မ်က္ရည္မ်ား အဆက္မျပတ္က်ဆင္းလာေတာ့သည္ ။
" ငါရဲ့ .. ငါရဲ့ ေရႊျပားေလးေတြ!!! "
__________________
Unicode
" Loryard မြို့က အခု အရင်းအမြစ်တွေ အများကြီးလိုအပ်နေမယ်ဆိုတာ ခန့်မှန်းမိပါတယ် .. ဒါပေမဲ့ ဒီတစ်ခေါက် Dungeon က မတူးဖော်ရသေးတဲ့အရာဖြစ်နေတော့ venic မြို့အနေနဲ့ ဆိုရင်တောင် လက်လျော့ဖို့ မဖြစ်နိုင်ပါဘူး " venic မြို့စား ခပ်ပြုံးပြုံးဖြင့် တည်ငြိမ်စွာ ရပ်နေသည့် Ruzel အား ကြည့်ကာ ပြောလိုက်သည် ။
တကယ်တော့ ထုတ်ပြောစရာပင်မလိုချေ ။ စစ်သည်တစ်ယောက်မှ ခေါ်မလာသည့် Ruzelနှင့်မတူဘဲ Dungeon ပတ်လည်တွင် ချထားသည့် စစ်သည်များကြောင့် တဖက်၏ သဘောထားအား သိနိုင်ရန် လုံလောက်ပေသည် ။ သည်အချိန်တွင် အနောက်တွင်ရပ်နေသည့် Shun က Ruzel အနားသို့ ကပ်ကာ တစ်ခုခုအား တီးတိုးပြောလိုက်သည် ။
" Venic မြို့စားမင်း .. လူကြီးမင်းက တိုင်းပြည်တွေ အကုန်လုံး သဘောတူထားတဲ့ Dungeon နဲ့ ပတ်သက်တဲ့ စည်းကမ်းချက်တွေကို သိထားတယ်မလား .." Ruzel က အေးချမ်းသည့်အပြုံးလေးဖြင့် Venic မြို့စားအား ကြည့်လိုက်သည် ။
" ဒါပေါ့ .. ငါသိထားပါတယ် .. ဒါကြောင့်လဲ မင်းကို ဆွေးနွေးဖို့ ဖိတ်ကြားလွှာပို့ခဲ့တာဘဲလေ .." သဘောတူညီချက် စည်းကမ်းတွင် Dungeon အသစ်တစ်ခုအား တိုင်းပြည်နှစ်ခု ဒါမှမဟုတ် မြို့နှစ်ခုက တပြိုင်နက်တွေ ့ခဲ့ပါက ထို Dungeon အား ရဖို့ ယှဉ်ပြိုင်ရမည်ဖြစ်သည် ။ ပြိုင်ပွဲကို အသုံးမပြုလိုလျှင် တဖက်လူကျေနပ်စေမည့် တန်ဖိုးဖြင့် ပေး၍ အရယူနိုင်သည် ။ ဤသို့ဖြင့် Dungeon ကြောင့် ဖြစ်လာမည့် စစ်ပွဲများကို ရှောင်ရှားစေလိုသည် ။
" ဟုတ်ပြီ .. နှစ်ဦးနှစ်ဖက် မဆွေးနွေးခင် တဖက်က အရင် Dungeon ထဲကို လူလွှတ်တာက စည်းမျဉ်းကို ချိုးဖောက်တယ်ဆိုတာလဲ သိထားမှာဘဲ .. " Ruzel ၏ စကားကြောင့် Venic မြို့စား၏ မျက်နှာက ခက်ထန်သွားသည် ။
" မင်း ဘာကို ဆိုလိုချင်တာလဲ "
Ruzel က မျက်ခုံးတစ်ချက်ပင့်လိုက်ပြီး သူ့အနောက်က Shun ထံသို့ ညွှန်ပြလိုက်သည် ။ " ဖြစ်ချင်တော့ ငါ့ရဲ့လူက ခြေရာကောက်တဲ့ အစွမ်းတစ်ခု ပိုင်ထားတယ်လေ .. သူကဘဲ ဒီထဲကို ဝင်သွားတဲ့ အမဲလိုက်အဖွဲ့တစ်ဖွဲ့ ရှိတယ်လို့ ပြောခဲ့တာ "
" မဖြစ်နိုင်တာ .. ဒီ Dungeon က အခုမှပေါ်တာလေ .. အထဲမှာ ရှိတဲ့ အန္တရယ်က တော်ရုံမဟုတ်ဘူး .. အမဲလိုက်အဖွဲ့တစ်ဖွဲ့ကို ဖြေရှင်းခိုင်းစရာလား .. အဓိပ္ပာယ်မရှိတာ .. ဒီနေရာနဲ့ မနီးမဝေးမှာ Dungeon တစ်ခုရှိတယ်.. အမဲလိုက်အဖွဲ့တစ်ခုခုက မျက်စိလည်ပြီး ဝင်သွားတာဖြစ်မယ် .. "
အပြင်းအထန် ငြင်းဆန်နေသည့် Venic မြို့စားကြောင့် Ruzel ၏ နူတ်ခမ်းများ ကော့တက်သွားသည် ။ " ဒါပေမဲ့ စည်းကမ်းချိုးဖောက်တာက ချိုးဖောက်တာဘဲလေ .. စိတ်မကောင်းပေမဲ့ လူကြီးမင်းမှာ ဒီ Dungeon ကို လက်လျော့ဖို့ကလွဲပြီး တခြားမရှိဘူး "
' တောက် ! ဒီခွေးမသားလေး .. ငါ့ကို ချောင်ပိတ်ရိုက်နေတာဘဲ .. တိုင်းပြည်တစ်ခုရဲ့ နောက်ခံတောင်မရှိဘဲနဲ့ မောက်မာနေတာ ' venic မြို့စားက သူ့ရဲ့ သတ်ဖြတ်စိတ်အား ထိန်းချုပ်ထားပြီး Ruzel အား စူးရဲစွာ ကြည့်လိုက်သည် ။
" အထဲဝင်သွားတဲ့သူတွေရှိမရှိဆိုတာ အတည်မပြုရသေးဘူး ပြီးတော့ သူတို့က Venic မြို့သား ဟုတ်မဟုတ် မသိနိုင်သေးဘူးလေ .. အလျင်စလို မဆုံးဖြတ်လိုက်နဲ့ "
Ruzel က ထောက်ခံသည့်ဟန် ခေါင်းတစ်ချက်ညိတ်လိုက်သည် ။ " လွယ်ပါတယ် ... သူတို့ကို အထဲဝင်ပြီး ခေါ်ထုတ်လိုက်တာပေါ့.. အခုလောက်ဆို သူတို့လဲ Dungeon အသစ်ထဲ ဝင်မိသွားတယ်ဆိုတာ သတိထားမိပြီး ပြန်ဆုတ်ခဲ့လောက်တယ် .. ရှာဖို့ သိပ်မကြာလောက်ဘူး "
" နှစ်ဖက်စလုံးဝင်မှ ရမှာဆိုတော့ မင်းဘက်က လူတွေရောက်လာအောင် အချိန်စောင့်ရဦးမလား " Venic မြို့စား၏ အသံက အနည်းငယ် လှောင်ပြောင်ဟန်ပေါက်နေသည် ။ Loryard မြို့က ပြန်ပြင်ဆင်ထားပြီးပြီဖြစ်သော်လည်း စစ်ပွဲတွင် ကျွမ်းကျင်သူများစွာ ဆုံးရှုံးခဲ့သည် ။ Dungeon အတွင်းက သားရဲပေါက်လေးတွေကိုတောင် အနိုင်ယူဖို့ လူရှိပါ့မလားဘဲ ။
" အရင်ဝင်နှင့်ပါပြီ " Ruzel က ပြောလိုက်ပြီး Venic မြို့စား၏ စကားအား အကြောင်းပြန်ဖို့ပင် မလုပ်တော့ဘဲ Shun နှင့်အတူ ဦးစွာ ဝင်သွားတော့သည် ။ ထိုသည်ကို ကြည့်ရင်း Venic မြို့စား၏ မျက်နှာထက်တွင် ညစ်ကျဲကျဲ အပြုံးတစ်ခုပေါ်လာသည် ။ သူက အထဲဝင်ဖို့ ခေါ်ထားသည့် Guild အဖွဲ့ခေါင်းဆောင်အား ခေါ်လိုက်ပြီး
" အထဲရောက်ရင် အမဲလိုက်အဖွဲ့ကို ရှင်းပစ်လိုက် "
**
" Ruff .. ငါကို ခေါ်လာလို့လဲ အသုံးမဝင်ဘူး .. ငါက ဘာမှအသုံးကျတဲ့ကောင်မဟုတ်ဘူး .. ပြန်ကြရအောင် " Andoshi က Ruff ၏ အနောက်မှ လိုက်လာရင်း ထိတ်လန့်ဖွယ်အနံ့အသက်များ ပြည့်နှက်နေသည့် နေရာအား ဟိုကြည့်ဒီကြည့်လုပ်လိုက်သည် ။ တစ်နေရာရာကနေ ဝုန်းခနဲ ထွက်ခဲ့သည်ရှိသော် အရင်ဆုံး ထွက်ပြေးနိုင်သည်လေ။
ဝုန်း!!!!! ဘန်း!!!!
ကျောက်ဆောင် ပြိုကျသံလိုလို ကြားလိုက်ရပြီး အတွင်းနက်ပိုင်းမှ စွမ်းအင်လှိုင်းများ ဖြာထွက်လာသည် ။ ထပြေးရန်ပြင်နေသည့် Andoshi သည် ဆွဲခေါ်ခံရခြင်းနဲ့အတူ ထိုနေရာသို့ ပါသွားပြန်လေသည် ။ ထိုနေရာသို့ ရောက်သည့်အချိန်တွင် သူတို့နှင့် အတူလာသည့် အမဲလိုက်အဖွဲ့အပြင် အခြားသူများကိုပါ တွေ ့လိုက်ရသည် ။
" န.. နဂါးကြီး !! " နဘေးနားတွင် Andoshi သည် ကျယ်လောင်သည့် ဟိန်းသံများ ထုတ်လွှတ်နေသည့် အကောင်ကြီးအား ကြည့်ရင်း တကိုယ်လုံး ဖြူလျော်သွားသည် ။ အကောင်ကြီးအား ကြည့်ရင်း ပါးစပ်မှ ချက်ချင်း ဝိညာဉ်ထွက်တော့မလို ခံစားနေရသည် ။ ' ဟင့် .. ဟင့် အိမ်ပြန်ချင်တယ်'
သူက ဘေးသို့ လှည့်လိုက်သည့် အချိန်တွင် ခုနကတင် ရပ်နေသည့် Ruff သည် ယခုချိန်တွင် မရှိတော့ချေ ။ " သေပြီ.. သေပြီ.. ငါတော့သေပြီ.. ဟိုရေခဲတောင် ငါ့ကို ထားပြီ ထွက်ပြေးသွားပြီ .. အားးး သေပြီ "
" တိတ်စမ်း! "
အတက်အကျမရှိသည့် အသံအား ကြားလိုက်ရခြင်းကြောင့် Andoshi က အံ့ဩသွားဟန် သူ့ပါးစပ်အား လက်ဖြင့် အုပ်လိုက်သည် ။ " အို? ရှိသေးတယ်ဟ "
" Ruff !! ငါတို့ကို လာကူပါဦး " Cloud က Andoshi တို့အား မြင်သည်နှင့် ချက်ချင်းအော်ပြောလိုက်သည် ။ သို့သော် Ruff က ထိုသူများအား ဂရုမစိုက်ချေ ။ Andoshi ၏ ခေါင်းအား နောက်မှ အသာပုတ်လိုက်ပြီး " ငါ့ကို ဒါတွေ လာကောက်ကူ "
" ဟင်? ဪ? အင်း? " သူက Ruff လက်ထဲက စိမ်းပြာရောင် ကျောက်တုံးလေးအား ကြည့်လိုက်ပြီး ခေါင်းညိတ်လိုက်ကာ ကောက်ယူရန်ပြင်လိုက်သည် ။ သူက အခြေအနေမကောင်းပုံပေါက်နေသည့် Cloud တို့အား ကြည့်ရင်း အသံတိုးတိုးလေးဖြင့် မေးလိုက်သည် ။ " သူတို့ကို မကူညီဘူးလား "
" ဒီသတ္တုတွေက မှော်လက်နက်လုပ်တဲ့အခါ အဓိကအသုံးပြုတယ် .. အရည်အသွေးကောင်းရင် နည်းနည်းလေးနဲ့ ရွှေပြား တစ်ထောင်လောက် ရတယ် " Ruff က Andoshi အား ကြည့်ကာ ပြောလိုက်သည် ။
" ဟင်?? တကယ်ကြီးလား .." Ruff ၏ ခေါင်းညိတ့်အတည်ပြုမှုကို ရလိုက်သည်နှင့် Andoshi သည် တက်ကြွစွာ လိုက်ကောက်တော့သည် ။ သူရဲ့ ငွေက အသက်ထက်အရေးကြီးသလို ပုံစံကြောင့် Ruff ပင် အနည်းငယ်တွန့်သွားသည် ။ ' ခုနကဘဲ အရမ်းကြောက်နေတာလေ ..'
Ruff ၏အပြုအမှုကြောင့် Cloud ၏ အမှုအရာက ဆိုးရွားသွားသည် ။ " Ruff ဒီကောင်ကြီးကို အခု ပူးပေါင်းပြီး မသတ်ရင် မင်းတို့လဲ လွတ်မှာ မဟုတ်ဘူး "
" မဟုတ်ဘူး .. " Cloud ၏ စကားမဆုံးခင် Ruff က ဖြတ်ပြောလိုက်သည် ။ " ငါသာ သူ့ကို မတိုက်ခိုက်ရင် သူက ငါ့ကို ဘာမှလုပ်မှာ မဟုတ်ဘူး .. ဒါပေမဲ့ တိုက်ခိုက်လိုက်ရင်တော့ မင်းတို့အစား ငါ့အပေါ် အာရုံရသွားလိမ့်မယ် .. အဲ့အခါကျရင် အခုအခြေအနေက ပြောင်းပြန်ဖြစ်သွားမှာပေါ့ "
" ဪ အဲ့လိုကိုး .. ငါတို့မတိုက်ခိုက်မချင်း ဒီကျောက်တုံးတွေ ကြိုက်သလောက် ကောက်လို့ရတာပေါ့ .. ဟားဟား ချမ်းသာပြီ .. ချမ်းသာပြီ .." Andoshi က အရင်တုန်းက အထုပ်ထမ်းသည့်အခါတိုင်း ဘာလို့ ဂူအပြင်မှာဘဲ ကျန်နေရစ်ခိုင်းခဲ့ရသလဲဆိုသည်ကို သတိပြုမိသွားသည် ။ ' အကျင့်ပုတ်တွေ '
Ruff က အပုံလိုက်ရှိနေသည့် ကျောက်တုံးပုံအား ကြည့်လိုက်သည် ။ သူက ထိုအပုံ၏ အပေါ်တွင် လက်ကို တင်လိုက်၏ ။ Andoshi က နားမလည်သည့်ပုံစံဖြင့် ခေါင်းအသာစောင်းကာ ကြည့်လိုက်သည် ။ ' အိတ်ထဲထည့်မယ်လေ'
ကြောင်ကြည့်နေသည့် Andoshi ၏ အကြည့်အောက်မှာပင် ကျောက်ပုံပေါ်မှ မှော်အစီအရင် အထပ်လိုက်ပေါ်လာသည်ကို တွေ ့လိုက်ရသည် ။ တချိန်တည်းမှာပင် ကျောက်အပုံကြီးသည် လျော့နည်းသွားပြီး အစီအရင်က အလင်းများ တောက်ပလာသည် ။ အလင်းလျော့သွားချိန် ဓားရှည်တစ်ချောင်းပေါ်လာခဲ့သည် ။ ဓားအသွားသည် ပါးလျ သန့်စင်ပြီး လက်ကိုင်က နက်မှောင်နေသည် ။ ကြည့်ရတာနဲ့တင် အလွန်ထက်မြသည့် ဓားတစ်ချောင်းဖြစ်ကြောင်း သိနိုင်သည် ။
ဝါး!!!!
Andoshi ၏ မျက်ဝန်းများသည် အလင်းတစ်ချက် လက်သွားခဲ့သည် ။ ချက်ချင်းပင် အရည်လဲ့လာခဲ့ပြီး မျက်ရည်များ အဆက်မပြတ်ကျဆင်းလာတော့သည် ။
" ငါရဲ့ .. ငါရဲ့ ရွှေပြားလေးတွေ!!! "
__________________