الجزء التاسع :::
عمار نام وكل اللي فالبيت نام اميره فضلت اعده فالجنينه تفتكر اسود ايام حياتها وتعيط وعلي اد ماكانت مبسوطه انها عرفت تهرب وعمار انقذها واعده مع ناس طيبه إلا انها نفسيتها تعبانه جدا من اللي حصل وحاسه ان حياتها هتتأثر بالسلب وحاسه انها لو اتجوزت مش هتقدر تعيش حياتها طبيعي فالاول اعدت تفكر كتير وتعيط اكتر لحد ما فجأه لقت الفجر بيأذن ولقت الوقت اتأخر طلعت علي فوق عشان تنام حاجه خلتها تدخل اوضه عمار لقيته نايم كأنه مقتول وصنيه العشا اللي عملتهوله كل وسايبها جنبه والغطا متشال من عليه والتكييف متلج الاوضه وصدره مكشوف خالص ومش لابس حاجه من فوق حاولت تشد الغطا عليه براحه عشان ميصحاش كان تقيل علي اديها عشان بتشده بأيد واحده المهم غطته وفضلت باصه عليه شويه وسابته وقفلت النور ودخلت نامت
الصبح نور صحيت هي واميره غيرتلها هدومها براحه
اميره:: البسي يانور يلا مش قادره البسك بأيد واحده
نور ::انا بلبس اهو يلا عشان اكلم عمار فالتليفون من عند داده راضيه
اميره :: حاضر
خلصو:: وطلعو من الاوضه
اميره:: صباح الخير ياداده انتي رايحه فين بالينسون ده
داده راضيه:: صباح الفل عالقمرين انا داخله لعمار بيه اصله تعبان اوي وبيكح اظاهر واخد برد
نور :: يعني هو هنا طب وسعي بسرعه
اميره.... استني يانور خبطي الاول
عمار حبيبي
اميره:: اه ياكلبه
عمار :: صباح النور علي احلي نور
اوعي تقربي مني احسن تتعبي
نور يعني مش عايز البوسه
عمار لا عايزعا طبعا هي والحضن بتاعي بس لما اخف شويه
نور ::حاضر انا هروح العب بقب
عمار:: روحي يلا بسرعه احسن اللعب تزعل وتمشي
نور ::هههههههههههه
اميره :: ممكن ادخل
عمار :: بقالك سنه واقفه جوه الاوضه ولسه بتقولي ممكن ادخل
اميره :: هي نور بتدي فرصه لحد
داده راضيه:: يلا اشربه سخن كده وانا هروح اعملك الفطار
عمار :: لا مش عايز افطر وبعدين انا سمعت كلامك ومروحتش الشغل مش هفطر خلاص اعملي الغدا علي طول
داده راضيه:: لا هتفطر يلا انا نازله هحضرلك الفطار معاه يا اميره انتي كمان بتاخدي دوا داده راضيه ماشيه بتبرطم شباب اخر زمن ده احنا زمان كنا بنقضي عالاخضر واليابس
اميره وعمار بيضحكو عليها
عمار:: ممكن تقفلي الباب
اميره:: ليه
عمار :: عادي اتعودت باب الاوضه يكون مقفول وبعدين نور وداده راضيه اعدين يرغو والباب مفتوح والجو حر جدا والتكييف ولا عامل حاجه
اميره طيب انا هخرج انا بس كنت جايه اطمن عليك
عمار:: لا اقفليه وتعالي عايزك
اميره حاضر...............سلامتك اشرب يلا احسن داده راضيه ترجع تتعصب
عمار: انا مستغرب ازاي كنت كويس بليل جدا ومش حاسس باي تعب اصحي الصبح الاقي الكحه والبرد ده
اميره :: عشان انت بتهرج طبعا نايم ولا حاسس بالدنيا ومش لابس حاجه والتكييف كان متلج الاوضه ودخلت غطيييييي...
عمار :: دخلتي ايه وايش عرفك ان الاوضه كانت تلج ونايم مقتول ومش لابس حاجه
اميره:: انا انا هروح اشوف نور ..عشان ....يعني هجيلك تاني
قامت وقفت وعايزه تجري من ادامه
مسك ايدها
اميره ::ايه عايز ايه
فضل ينزل ايده من علي دراعها لحد مامسك كف اديها
وهي متنحه ومكسوفه وبتفكر في اي حاجه تقولهاله عشان تداري الاحراج بس هو كلامه ومسكت ايده مخليها مش عارفه تدور علي كدبه
عمار :: دخلتي الاوضه ليه
اميره:: انا ...انا مدخلتش
عمار::: دخلتي الاوضه ليه وشد ايدها براحه عليه لحدما اعدها علي حرف السرير جنبه ومسك ايدها بأيده الاتنين وقام سند بأيده عالسرير ورفعه نفسه شويه بقي قريب منها
اميره :: قولتلك مدخلتش بس بليل لما اديتك الاكل كنت مش لابس تيشرت والتكييف كان شغال وانت كنت واخد شاور واكيد ده السبب
عمار: طيب النور كان مفتوح وسبته ونمت مين قفله
اميره ::اكيد انت او داده راضيه
عمار::طيب وصنيه الاكل سبتها جمبي
اميره:: اكيد داده راضيه شالتها ووقفت وبعدين هو تحقيق ولا ايه انا غلطانه ان دخلت اشوفك
الباب خبط داده راضيه يلا ياحبايبي افطرو وافتحو نفس بعض علي ما اروح اعمل الغدا
اميره :: انا هنزل افطر مع نور عشان افطرها ...كانت هتموت وتهرب من نظرات عمار
داده راضيه:: لا خليكي انا فطرتها وانا بحضرلكم خلاص وبتلعب اعدي مع عمار
اميره ::في سرها ليه كده ياداده بس
عمار... داده راضيه لحظه..... بليل كنت جعان وجبت صنيه فيها عصير وسانوتش بس صحيت مش لاقي الصنيه انتي شيلتيها
داده راضيه لا يابني انا نمت بليل مصحتش غير من شويه واستغربت لما صحيت لقيتها انا مشطبه بليل المطبخ
عمار:: يبقي انا شلتها وانا تعبان كده ولله ناسي خلاص روحي ياداده انتي
داده راضيه لو احتجت حاجه اتصل بيا اطلعلك
عمار .حاضر ياداده اقفلي وراكي
عمار :: بأبتسامه ورفعه حاجب شاورلها بأيده ....تعالي
اميره:: قربت. ووشها فالارض مش عارفه تبصله وحاسه انها هتعيط........
عمار::: كنتي بتعملي ايه فالاوضه
اميره :: مكنتش بعمل ولله
عمار:: امال ايه
اميره :: ......ايوه دخلت
عمار::طيب بتكدبي عليا ليه
اميره :: مقصدش اكدب ولله بس اصل انا خرجت بليل من عندك بعد ما ادتلك الاكل نزلت اعدت تحت مع نفسي وفضلت اعده لحد الفجر وطلعت عشان انام معرفش لقيت نفسي دخلت كنت نفسي تكون صاحي انا بس كنت مضايقه وكنت عايزه اسالك عملت حاجه مع عماد ولا لا
عمار:: اكيد كنتي داخله عشان كده
اميره::: بلغبطه ايوه
عمار:: طيب ...بمناسبه النزول بقي انتي كده مسمعتيش كلامي ونزلتي اعدتي فالجنينه تحت وسط البادي جارد بهدومك اللي كنتي لبساها
اميره:: لا لا غيرت
عمار :: بصوت اعلي شويه هو مش انا بقولك مش بحب الكدب انتي بتقولي خرجت من عندك علي تحت صح
اميره عينها فيها دموع انا كنت مخنوقه ومش عندي نوم
عمار :: تقومي تنزلي بهدومك دي وتاعدي لوحدك في وسط البادي جردات دي كلها وكمان لحد الفجر
اميره :: سابت دموعها تنزل ممكن اعرف انت متعصب ليه وليه بتزعأ كده
عمار قام وقف بزعأ ليه يعني
بعد كل اللي بقوله ده بتقولي بتزعأ ليه
عمار مش حاسس بنفسه انه متعصب اوي عليها من غير مبرر ومبين غيرته عليها جدا ومن غير مايحس كأنه حاجه تخصه
اميره بتعيط وبتبررله ومن غير ماتحس هي ليه اصلا سمحاله يعمل كده
اميره :: انا كنت مخنوقه ولله وافتكرت كل حاجه حصلت معايا مكنتش قارده انام اميره بعياط وبعدين انتو بتنامو بدري اوي
عمار :: طيب ليه مأعدتيش معايا بليل تحكيلي او تتكلمي معايا
اميره انت كنت عايز تنام وبعدين احكيلگ ايه
عمار :: يتحرق النوم انتي محاولتيش تقولي انك عايزه تتكلمي حتي عشان تنزلي علي طول
اميره :: واقولك ليه
عمار:: تقوليلي ليه فاللحظه دي اميره فاقت من كتر مابتبررله وعمار فاق من سؤلها
عمار::: عادي يعني تقوليلي عشان الانسان طبيعي لما بيبقي مضايق ويحكي لحد بيرتاح
اميره:: اه طيب
عمار بنرفزه طيب ايه ومسك ايدها المكسوره وبيتك عالجبس حسك عينك تنزلي باي لبس تحت او تنزلي تاعدي تحت لوحدك
اميره :: عمار انت بتوجعني في ايدي
عمار :: واي وقت تكوني مضايقه تعالي واتكلمي معايا
اميره:: عمار ايدك عمار انت بتوجعني
عمار حس بنفسه:: اسف مقصدش ولله
اميره فاللحظه دي كان قلبها بيدق وبتتكلم مع نفسها
الغيره والعصبيه دي معناها انه بيحبني بس ده معقول عمار الليثي يحبني انا طب ازاي وازاي اصلا يحبني بعد كل اللي سمعه
عني وانا بحكي لساره اخته ازاي يحبني بعد ماسمع ان اخويا بالاخلاق دي ازاي يحبني وهو عرف ان اتعريت ادام اخويا
عمار:: اميره ..اميره..اميره
اميره.. ها
عمار ::ايه انا اسف ايدك وجعتك
اميره:: لا مفيش حاجه انا كويسه بعد اذنك
عمار:: مسكها من ايدها تعالي هنا راحه فين مش هتفطري
اميره:: مليش نفس
عمار:: يبقي هتنفذي العقاب
اميره :: بجد مش جعانه
عمار:: بقولك ايه متنرفزنيش انا اصلا مضايق منك اتفضلي كلي
اميره حاضر اعدو عالكرسيين
عمار بياكل.....كلي
اميره ::حاضر
التليفون رن ... رؤوف باشا
رؤوف :: صباح الخير ياحبيبي عامل ايه واللي فالبيت عاملين ايه
عمار بخير الحمد لله جايين بكره الساعه كام
رؤوف :: لا احنا قدمنا الحجز هنيجي انهرده
بدل مايضيع اليوم بكره كله انا هروح الوقت عالمطار انا وراويه
عمار:: طيب تمام جدا حلو اوي انتو وحشتوني خلاص هجيلكم بليل عالمطار
رؤوف :: لا ابعتلي محمد مع الجارد خليك انت داده راضيه فتنت عليك وعرفتنا انك واخد دور برد بكحه
عمار:: هي علي طول كده بتفتن مش جديد عليها هههه
يلا سلام ياحبيبي توصلو بالسلامه
رؤووف هبعتلك عالواتس معاد الوصول. سلام
عمار مبتاكليش ليه
اميره باكل بس شبعت اميره عيطت
جامد جدا وقامت راحت عالاوضه
عمار اميره اميره ايه المجنونه دي وجري وراها ...
عمار راح وراها.اميره مالك انتي مجنونه يابنتي انتي مش كنتي سكتي خلاص وبتاكلي معايا
اميره:: عمار انا لازم امشي انا ونور من هنا
عمار اتخض:: ليه وهتمشي تروحي فين
اميره هروح بيتنا اظاهر مفيش حل غير ده
عمار:: في ايه يا اميره ليه كل ده
اميره ::باباك ومامتك جايين ومينفعش يجو يلاقوني هنا
عمار:: وايه المشكله هما عرفو كل حاجه وماما حبتك من قبل ماحتي تشوفك وبابا بقي يسأل عليكي انتي وهور زي مابيسأل علي الكل
اميره :: صدقني مش هينفع انا لازم امشي الوقت انا هنزل اخد نور
عمار ::حس انها مصممه ومش عارف يقنعها مسكها من ايدها وخدها ونزل وهي بتقوله في ايه رايح فين
وهو شاددها وساكت خرج بيها من باب الفيلا ومشي فالجنينه وهي للحظه حست انه قلب عليها وهيرميها هي ونور بره الفيلا مره واحده وصل لباب في وسط السور بتاع الجنينه وفتحه ودخل علي فيلا تانيه يعني اللي فاصل الڨيلتين عن بعض سور وباب فضل ماشي بيها جوه جنينه الڤيلا ودخل جوه هو وهي
وساب ايدها
اميره ::بتبصله وساكته وبتسأله بعينها انا فين
عمار:: دي ڤيلتي يا اميره عشان لما الاقي شريكت حياتي المناسبه وانا جايبها مخصوص جنب ڤيلا رؤوف الليثي عشان اكون قريب من ابويا وامي
اللي فاصل بينا باب افتحه اكون عندهم يفتحوه يكونو عندي
اميره طيب بردو انت ليه جبتني هنا
عمار عشان لو مصممه انك تمشي من هناك هتأعدي فيها هنا
اميره :: بعياط بردو مش هينفع ياعمار اهلك هيقولو عليا ايه هيشوفوني ازاي وانا اعده في بيتهم مع ابنهم ومليش اهل والوحيد اللي من اهلي واسمه علي اسمي واخويا كان بيعذب فيا سنه كان عايز يغتصبني كان اسعد لحظات حياته وهو مقلعني هدومي وعينه هتاكل جسمي عرفت هيشوفوني ازاي عرفت اي حد هيقرب مني هيشوفني ازاي
عمار :::::هشششششششش وشدها وخدها في حضنه وحاطط دقنه علي راسها وحاضنها بأيد واحده وضاغط عليها وهيكسر ضلوعها من حضنه ليها وهي بتعيط في حضنه ولامسه جسمه ومستسلمه
عمار :: محدش يقدر يقول عليكي نص كلمه ولا حتي ابويا وامي
اميره محدش بيختار اي حاجه في حياته محدش بيختار اهله محدش بيختار هيحصل فيه ايه اللي حصل كان غصب عنك وانا قولتهالك قبل كده يا اميره عهد عليا هرجعلك حقك وحسك عينك تقولي ارجع بيتنا دي تاني ترجعي للحيوان ده تاني ازاي
اميره سكتت طب ازاي هأعد هنا ودي ڤيلتك لما تتجوز
عمار :: ياستي لما اتجوز بقي والاقي عروسه وغمزلها
معندكيش ليا عروسه ينوبك فيا ثواب
اميره بضحك :: ايوه عندي
عمار:: بجد مين
اميره :: نور ههههه
عمار:: مش موافق عارفه ليه
اميره :: ليه
عمار:: قرب من ودنها وقالها براحه انا عايز عروسه بنفس ملامحك
اميره:: بأبتسامه فيها كسوف ده بجد ولا تريقه عموما لو عايز ياسيدي شبهي ادورلك وهلاقي مش بيقولو يخلق من الشبهه اربعين
عمار :: ميتهيأليش هتلاقي القمر مفيش منه غير واحد بس
اميره :: بتوتر وغيرت الموضوع طيب انا هعمل ايه هنا
عمار:: امسكي المفتاح ده
اميره:: اعمل بيه ايه
عمار :: العبي بيه هتعملي بيه ايه يعني هتقفلي علي نفسك الباب انتي ونور وحسك عينك تفتحي لاي حد الباب بتاع الڤيلا معايا نسخه تانيه ولما احب اجي هكلمك عشان متتخضيش ولو حبيتي تأعدي تحت كلميني هاجي اعد معاكي لحد ماتحبي تطلعي
اميره :: ممكن سؤال
عمار اتفضلي هو انت ليه بتعمل معايا كده
عمار:: هو انتي مضايقه
اميره لا
عمار طيب بلاش تسألي بقي
تليفون عمار رن
عمار ايوه يا ادهم
ادهم مالك ياعم انت عجزت ولا ايه
عمار شكلي كده ولله ههههه
ايه كنت عايزني في ايه بليل
ادهم لا مش فاضي الوقت بحلق انا بطمن عليك بس
عمار طب بقولك ايه بكره العشا فافيلا رؤوف بيه هيشرف علي 6 الصبح كده وعايز يشوفكو
ادهم طيب تمام طب بقول ايه ماتيجي نسهر انهرده قبل مايجي ويقفشناهههههه
عمار ::نسهر بليل مش عارف هشوف لو اتحسنت شويه هكلمك
اميره سمعاهم وسمعت كلمه سهر قلبت وشها وهو عينه عليها ومكمل ببرود كلام طيب احتمال اجي ان شاء الله شوف الواد ماجد ونتقابل فالمكان بتاعنا
وقفل معاه
عمار بيحاول يطنش ويعمل مش واخد باله
عمار:: خلاص كده انا هروحعالڤيلا عشان اظبط نفسي كده عشان زي ماسمعتي هنسهر بليل وهخلي حد ينقل لعب نور اللي فالجنينه هنا وهخلي داده راضيه تنقل الحاجه اللي فالاوضه هنا
ومتقلقيش الجاردات محاوطين الفيلتين
اميره طيب الاوضه
عمار : اوضه ايه
اميره اعد في انهي اوضه
عمار::الاوضه اللي تريحك
اميره خايفه اختار تطلع اللي انت ناوي تتجوز فيها
عمار ببرود ياسلام، احنا نطول وبعدين اكيد العروسه هتحبك اوي ماانتي خلاص بقيتي مننا حب يضايقها عشان يخليها تبادله نفس احساسه اللي هو لحد الوقت مش عارف هو ايه
يلا باي
اميره هتفرقع::عمار
عمار ::نعم
اميره :: هو انت قولت هتروح فين بليل
عمار ::هنسهرانا وادهم وماجد
اميره:: طيب انت تعبان
عمار ::لا عادي متحطيش في بالي انا عمري مابرقد
اميره مش عارفه ازاي تأعدو
لا انت مينفعش تخرج وانت صدرك تعبان كده
عمار:: بيغمزلها بعينه خايفه عليا عموما متقلقيش انا واخد علي كده يلا باي
اميره ::: عمار
عمار مش هخلص شكلي افندم
اميره طيب انت هتيجي امته .... قصدي انت بتقول ان مامتك وبابتك جايين بليل
عمار انا قولت الصبح وبعدين هاجي علي معادهم متقلقيش
اميره:: طيب ما تاعد وتستناهم عشان تكون ارتاحت اكتر ومتبقاش تعبان لما يجو
عمار مسكها من ايدها وقربها ليه اوي لحد مالزقت فيه انتي عايزه ايه بالظبط
اميره زقته وبعدت عنه مش عايزه الحق عليا ان بقولك عشان متتعبش
عمار :: يلا باي عشان عندي سهره حلوه بليل وغمزلها وهو بيرفع شعره بأيده
اميره في سرها:: الله يخربيت جمالك انت مفيش بنت هتسيبك وبعدين شهره خلوه ايه ومبسوط ليه طب ولله لا اعده عقلها اعر يسألها هي مالها ومضايقه ليه وغيرانه ليه وليه عايزه تأعديه وقررت متسمعش لعقلها وتفكر في حاجه تأعدو بيها .....يتبع الجزء العاشر