قاع الشياطين

البارت الثاني والثلاثون

..............☆البارت الثاني والثلاثون  ☆.............

#قاع_الشياطين(البصر والبصيره)

#بقلم_أسماء_ديمير

جهاز بيدي دكيت على بيبر ، ثواني ماطول ردت : حجيت مفزوعه .. تعال اخوك تخبل علينه كسر البوب ..

رد هاا ، شبي ..

رديت براءه ، وشدراني ..  تعال ..

ربد مالته وصل ليمي ، كال جاي اكعديبالغرفه بين مااجي ، سديت جهاز خايفه .. كل دفره يركع باب غرفه ديما ، تجفل ، عبالك ثور وانهد بالبيت ومالها راعي ..

بلعت ريك والله راح يخلص علينه اذا ماتلاحكنه بيبر ..

شوي و دخلو الحراس يجرو من كبال الباب هو يرد اطلعي ياابه والله لاحركج واخلص منج ولج شنو انتي توكفين بووجهي ولج .

رجع على باب غرفتي هم لزكها دفره كسر رجلك كوون يالعار ، ضل يعيط و يصارخ والحرس يجرون بي و اسمع غزل تتبكبك تكله كتلني وطلعني بره بملابس،النوم ..

يماااا يالعياره يما ،  نوب اني ملابسي تقطر ماي اريد اغيرهم واخاف اني نازعه ويكسر الباب هذا ويدخل عليه ..

لحد مااجه بيبر ، يله كدرت اجر النفس شوي و ارتاح ..

كمت غيرتهم دكت الباب عليه مارديت ..

اجاني صوت بيبر هاي اني ميرال افتحي ..

توجهت للباب جريت كرسي من وراها وفتحتها حظنته كبل ..

حجه شكوو شصاير ..

اخوك جن علينه ..

شبيها غزل مضروبه ..

بلعت ريك ساكته ، همست هااا ...

ابتعد عني راح توجه ، لغرفه ديما دكها : صاح افتحي الباب واطلعي تعال بصاله رايدج يله ..

جرني من ايدي .. تعاي انتي ..

همست اخوك هنا ..

مايسوي شي ، شبيها مرته ويه ديما ،

حجيت بتوتر :- غزل غلطت على ديما و تعيرها و ديما عصبت وطردتها وبس ..

- وبس كتيلي ؟؟ البيت صاير فوضى ، وبنت وجها مصبوغ بالازرك ، ومطلعتها بطرك قميص نوم وتكليلي بس ،

سكتت خانسه وكفت افرك باديه ماعرف اجذب شلون الزكها هاي  ..

- اجت ديما خانسه حجت بخوف :- هاا ..

- ردت عواد وجعا ، فزيت من سمعت صوته اني يعني موجود بصاله صخااام ..

عاط بيها خرعنه ؛- شو تعاي هد عليها يريد يكمشها جره بيبر ودفعه ، مالك دددخل ممنوع تمد ايدك لو تضرب افتهمت ..

صاح بي ":- مرتي واربيها ..

- من الاول كتلك هااي ماتدخل البيت بس عاندت و دخلتها بحجه مرتي وسكتت ، كلت ميخالف ،  بس مال تكعد تفتر وتسوي مشاكل اكسر ظهرها والي اسمه الله سوالف نسوان ماتعبر عليه عووواد ،

اندار علينه نتر :- هوانم وانتن جهال وتتعاركن من الشعر ..

- رديت مالزمت شعر احد اني والله هيه جرتني من شعري ..

-ردت غزل تبجي والله هيه عضتني من خدي هااك شوف عواد حبيبي شووف هاي العضه هيه عضتني شوف خدي شلون ورم وكوولش يوجعني هسه ..

رفعت حواجبي يمه نعوصه يمه ، رديت اريد الزك بسالفه :- انتي غلطتي عليه وسبيتي بابا ، باوع بيبر غلطت عليه غلطه كلش عيب ..

-شنو غلطت ..

-وينك انته ..

-تعاي هنا مد ايده توجهت عليه ودنجت اشاوره خجلانه :- تكلي سربوتيه ماعرف شنو بس هيج شي مو عيب بالله عليك الله مو عيب ترضاها عليه ..

رفع حواجبه هااا هيج كالت الج ..

- اي وداعت بابا ..

-اندار كوه كاتم الضحكته :- حجه بجدي كوه لازم ضحكه ، ولج غزل شلون تكوليلها سربوتيه ، دار على ميرال وهمس اكلج هي شنو سربوتيه حبيبي ..

-رفعت اديها وبرطمت شمعرفني بس مثل هاي قليله ادب ماتكول غلطه اذا ماجانت جبيره وعيب مو بالله ..

ابتسم كوه مايريد يضحك :- وجه نظر صيحيحه بالله الكريم ..

كلب وجه بعصبيه ، ونتر لج انتي اندار على غزل ممنوع تغلطين او توصلين ميرال ، حتى ام امير ممنوع ، هالمره عبرتها مره ثانيه ماتلومين الا نفسج اكلج وشربج بغرفتج تطلعين دورين مشاكل وتتجاوزين والله اشمرج بالشارع افتهمتي ..

سكتت مدمعه تباوع لعواد .. رد عواد هذا مو حجي ..

هذا الموجود عواد مايعجبها تولي للشقه هذا بيت محترم محد سامع صوتهن بي من تجي هاي حتى حرس يسمع ويشوف مووعيب بالله ..

سكت عواد واكف مختصر وخازر ديما ..

رد بيبر شنو البيت وصخ ليش هيج ..

ردت غزل مو كتلهن ترد عليك مرتك تكلي مالج علاقه مدافعه الها من جيبج ..

سكت اندار على ميرال :- رد فعلا مدافعه الها من جيبج مو شغلج تدخلين بالبيت ، همس لميرال ليش البيت وصخ شنو مااجت وسن اليوم ..

-ردت بثقه :- لا اجت ونطيتها اجازه اني

-هاا انتي نطيتيها اجازه ، والبيت ليش هيج ..

-هسه تجي بتها تنظف بمكانها ..

-دتعاي جرني ياخذني للغرفه ، مشيت وياه ، همست بابتسامه :- شفت خدها شلون مورم ؟؟!.

- ضحك اي ..

- همست هاي اني عضيها .. خلت اديها على حلكها ضحكت ..

-لاسباعيه مينخاف عليج ، سمعو ركضه سريعه اندار بيبر شاف ديما مسويتها بيب بيب شارده لغرفتها تخاف  لايستفرد بيها عواد .

-رد هو خال اديه على جتفها:  بس الله يرضى عليج لاتنطين اجازه لاحد من دون علمي بعد ، البيت ماشفتي انتي عبالك مزبله ..

الارض كلها وصخ عبالك بركه و المطبخ متروس مواعين ، يرادله تنظيف و عنايه يوميه ،

ردت رافعه حواجبها حجت بثقه :- لا حبيبي اعتمد عليه اني امشي بيت بس اليوم صارت حاله استثنائيه ميخالف .

، هز راسه رد بهدوء استلمتي نص يوم و صارت كوارث عركات من الشعر و بيت هوسه و الخدم مطيتهم اجازه لو اعوفه اسبوع شنو حاله ، تكلبين السكف ارضيه والارضيه سكف ، والحرس هو الي يطبخ و اني امسح مو ..

- لا والله الا اخلي النظام هيج يمشي مثل الساعه ..

- همس لا ربحنه معناها البيت احترك اذا عفته بيدج ،

-شنو حبيبي ،

-لا داكول اخلي ستار يجيب بنت ابو حمد تنظف ..

-مشت السالفه سلامات ، بس غزل ما تنسى حقها ، وحتى عواد مو من نوع العقلاني ، سالفه مرت عليها كم يوم ..

جان ابو حمد ومرته موجودين بالبيت ، صباحيات الله حق تكون هادئه وبدايه خير لليوم ..

بس غزل الها راي ثاني .. كومي وزي عواد على ديما دخل عليها للغرفه بلا سبب كتلها بحجه ابنها سطر راسي من بجيه طول اليل ، وكانو مو ابنه مو مريض و يعرف وضعه صحي ...
ابنها يصرخ مخترع هو مستمر بضربها ..

دخلت اني عليها ابجي واصيح هددها ولك عووفها توجهت لسرير الطفل اشيله مات عياط ...

شلته اريد اطلع خايفه عليه ، انضربت بغزل نطتني دفعه وكعتني بالارض ، ردت حيوووانه وخري عني وخري عني طفل اخترع منكم ..

ديما ترد الله لايوفقك الله لاينطيك وووخر يبوو الحكوني ..

اجتها ضربه على وجها خرستها وكعت غميانه ، عاطت ميرال ، يمااا موتتها يالحقير زحفت باتجها ديما وشايله امير ، عزاا العزاااك ماتتحرك مووتها ..

وكف عواد صافن مرتبك من شافها ماتتحرك وكعت مثل جثه ، مد ايده عليها خايف ، .

غزل جرت عواد تكله كلشي مابيها بس خربت عرج ميطكها ..

اخذته وطلعت ، وصلت ليمها وطفل بيدي ، اهز بيها ولج ديمااا كعدي يمااا دخيلك ياربي ..

شلت الطفل و توجهت للباب اطلع اصيح .. عثرت وكعت هيه وطفل على وجها بجت ، طفل مايسكت ، صاحت وووين ام حمد وينج ..

اجت المره تركض وتصيح ها هاا ،

ولج تعاي وين جنتي ، ليش مااجيتي ، ردت بخوف يمااا وشيخلصني من استاذ عواد لا عيوني شعلي اني مره و رجال ..

-الله لايوفقكم كلكم هاج طفل هااج طك من بجي ..

-كامت لحيلها لازمه ركبتها تاذت ، تهمس ولج ديماا وينج ..

مدت اديها لدوره طخت برجلها ، ولكتها دنجت ترفعها ولج ديما ، صاحت وووسن لج تعاي وياي ..

ماكو صوت بس اصراخ امير طالع ، عواد يصيح سكتوو لا اجي اخنكه ..

كعدت بصف ديما تبجي ماتكدر تشيلها ولا تكدر تجركها ..

خلت راسها بين رجليها تبجي ياايمه شلون هسه ، وينج نانه تعاي شوفيني شحالي والله اثاري بلياج لو اموت محد يسال عني ..

كامت لحيلها تروح تخابر نانه ، مشت تتعثر وصلت لغرفه عواد تسمع غزل تكله هسه يجي اخوك وهم يمنه بالسكنه هنا وياه ..

-رد مو كتلج خلي نعيش بشقه شلزكتي انتي بالعيشه هنا ونكد ومشاكل ..

-صدك تحجي حبيبي تريد نعوف هل بيوت و الفلل ونطلع نسكن بشقه هالكبر ليش عود شجابرنه شو حاله من حالك ..

-رد هذا كله مسجل باسمه لبيبر ، انيمالي شي هنا ، بيته يعني ..

-و يصير بيتك شنو الصعب بالموضوع ..

- رد يسال :- وشلون يعني ..

-ضحكت تورثه حبيبي تورثه ..

-شلون اورثه غبيه انتي ، وثانيا عنده مره هو ..

-هههاااي عوف سالفه مو وكتها بس كلي الشقه باسمك لو حتى هاي مو الك .

-لا مالتي شبيها ..

-سجلها باسمي بربك ..

-لا هاي عايزه ليش جاي انطي الج كل شهر ممكفيج تردين نوب شقه باسمج ..

-تستخصرها بيه حبيبي عوعو ..

-عفست وجهي غددي عوعو شنو حتى دلع مالتهم مال حيوانات سبحان الله ، مشيت وكملت دربي ، ضل بالي حجيها ، شلون عدها اسلوب بالدلع ، و كلبته كلاب علينه ..

تريد تسجل ورث باسمه عبالها اخلي بيبر ينطيها فلس من تعبه لا ومحمد لو تموت هم عوزه يروح تعبه لهل ام الملاهي ..

خابرت نانه تجي ، وره نص ساعه يله اجت ديما على وكعتها خطيه ، شافتها انانه لو تخبلت كابلتها تبجي وتدعي على عواد ..

شالتها شيل للحمام تغسل الها ، خلتها جوه دوش و يله صحت ، نانه تكول عدها ضربه بحاجبها يراد خياط هاي خما اضل هيج ..

والله الكتل الي تاكله ديما بذيج الايام حشه القارى ، حتى الحيوان مماكله هالكد ، وجها وجسمها ابد ما يخلى من الكدمات ..

احنه دائما من نسمع لو نشوف بنت مضروبه لو مضطهده لو معنفه ، كبل يخطر على بالنه هاي لو يتيمه وماعدها اهل بظهرها ،

لو اهلها فقره ماعدهم يخلصوها من رجلها الظالم ..

لو هاي البنت بنت ريف و عشاير واهلها متخلفين وعدهم هيج شي عادي ..

لذلك البنت بهل حاله ومحد ديساعدها ومحد ديعترض و يكول ليش ..

بس صدمه ديماا عدها اهل ومو اي اهل ابوها واخوها رتب ، وبنت خير ، وبنت مدينه ..

بس المواقف والاحداث تصدم ، مو كل اصابعنه سوه ،

دنحجي ودخلت ام زياد فززتنه بصوتها هااي جاي اسوون هناا ..

طلعت الها نانه تكللها ديما موزينه واجيت الها ..

ردت بصيحه :- منو عاتب عليج انتي ، طلعت اني ضايجه ، مستغربه وجودها منو دز عليها هاي اصلا وشدراها الا اذا احد دك عليها وكالها ..

، كتلها اني دزيت عليها من الصبح ديما واكعه هيه ودمها محد اجه ، و كلف خاطره يغسل الها ،  ابنها طك بج... داحجي وقاطعتني منو ولاج محامي انتي عليها حدج غرفتج وبس ترى داسمع بتصرفاتج هنا ، شلون تتحكمين بالبيت ..

-رديت البيت بيتي ترة

-ضحكت والله شكد مر عليه نسوان بهل بيت ، مثلج صلفه ماشفت ..

-رديت ام زياد حرام عليج والله ، ابنها مريض و يصارخ و هيه واكعه بالارض هيه ودمها ، وين الظمير بالموضوع شنو الذنب السوته ، غلطت اي تعاقبت اضعافه وخلص ،  ماتردوها تكرهوها شمروها لاهلها ليش تعذبوها بهل شكل هذا ..

-حجت حلوو حلو يابيبرس حلو ياخاله ، هاي نهايه دلالك .. نترت بنانه تخلصين شغلج وترجعين للفله ، وانتي حسابج بعدين شغلي ويه رجلج مو وياج ..

-طلعت ونانه ردت عليه ليش تراددين هاا ليش توكفين بوجها احنه عايزن مشاكل ..

-مو شوفيها مو حقانيه ابد ...

-وين اكو حق بهل وكت يااامي وين ، دخلت للحمام تساعد ديما ، غسل الها و نشفت راسها ، ودتها على فراشها ،

-حجت اجيب الها شي تاكله ..

- همست وحاجبها مو تكولين يرادله خياط ..

- بيج زود روحي احجي لام زياد هيج وشوفي شتكلج ..

سكتت خايفه ،، طلعت نانه ، نطقت ديما بتعب بعد ساعات من السكوت ، انطيني جهازج ميرال ..

-ليش ..

-ردت تنطينياه لو لاا ..

اي هسه اجيبه ، مشيت اجيبه صوت ام زياد طالع ترزل بنانه تكللها شسوين تاكل وجع ماكو اكل عوفيها عساها بسرطان الي ينهش عظمها ، اذا خلصتي توكلي ،

لزمت صدري يمااا دعوتها توجع الكلب عزا بعينج على قسوه كلبج ..

الله لايوفقج كون شكد ظالمه، جبته للجهاز ورجعت الها ..

نطته الها ،اخذته دكت على اخوها ..

رد عليها كعدت تبجي وتشكيله تكله و صلني للموت عواد تعال اخذني والله حموت ، اذا ماتردوني كلي حتى احرك ابني واحرك روحي وياه داخلص ليش هيج شامريني يم عواد ،

يكوم يكعد يدك بيه ، ادري شنو مسويه غلطت ؟؟ و سبحان الي مايغلط وحد منكم اني قابل ،،

، تزوج عليه وانجبيت وسكتت ، واخذ عليه بنت ليل ياريت بنت ناس .. توزه عليه كل شوي و هيني حتى يرضيها عليش يااخوي شلي بهل حياه بس ذله ..

اني من يمي بجيت عليها لزمت ايدها مقهوره ، والله بجيها و شهكتها مال وحده مكسوره ..

شما كانت المره كويه وكحه بس ورب العباد ضعيفه ، من يستكوي عليها الرجال ويضربها تنكسر حيل و تنذل ..

نوب اهلها ماويها ومحد بحالها ، حست نفسها مالها قيمه ماعرف شلون عايشه متحمله ، اني لو منها بعيد الشر جان انتحرت من زمان من القهر ..

مهضومه وتشك تبجي ، مدري شرد عليها تكله تجيني مو ماتجي انتظرك ذياب ، بعد ماتحمل بعد اختك والله اكتل روحي اني و ابني سوه وخطيتي بركبتكم  ..

سدته منه تون مدري من القهر ماعرف من الالم ، دموعي جفت على خدي ، حجيت اذا اجاج اخوج روحي ولاترجعين بعد لهنا ....
لو راح اشتاقلج بس هذا حيوان لا فد يوم يكتلج خلاص مايدري بنفسه ..

- ردت الله كريم الله كريم اشوف بيهم يوم ..

رديت بثقه ، والله اكدر اطيح حظها بس اني ساكته لان عجوز واكول بكد بيبتي فاحترمها عيب والا اني هم مو قليله شر ، اكطعها وربي شلون كتلت غزل هم اكتلها ..

- ردت ديما بستهزاء لاكفو من شاربج كفوو ..

- لعد شنوو عبالج قليله اني ، شايفه من اضرب لو من اعض غير بيبر كالي خد غزل صاير ازرك ، اذا فكرت بيوم تندك بينه مره ثانيه اطلعلها وجهي الثاني والله ماسكت بعد من شنو خايفات منها هالعجوز ..

داحجي وياها ودخلت ام زياد عاطت بينه عيطه جفلتني وربي بحيث كمزت من مكاني وكفت لحيلي باستعداد   ، هذاااا منووو دك على اهلج لج ديمااا ..

اني خلست ، ردت موو وياج بت الكلب تشتكين علينه يم اخوووج امج دكت عليه تعدد وتصف ولج موزين لفيناج وانتي ماخاله واحد ممطوله اله ..

تحاسبنه حظرتها ، لان عواد اخذ عليج ماصارت ام مثل خلك الله وربتج عدل وعلمتج الصح والغلط ، من وصلتن ليمي صرتن شريفات ..

درت وجهي اني اتغاضه عن كلامها و هيه استلمت ديما فشار ولج منو بيجن شريفه انتي لو اخواتج لو اخوج ذياب ، لا تخليني اشد وياج ابجيج دم والله ..

هاي عايزني وحدتجن بطول نعال توكفلي ، هيه تحجي واصيح وترزل اني مافكيت حلكي من صدك خفت والله حتى جسمي كزبر ، مدري شنو شالت بيدها وضربت الكنتور نوب تطشر الجام عليه خليت اديه علي وجهي احامي نفسي ..

- عواد طلع يكللها شكوو خاله شبيج منو وياج ...

نوب التمو علينه اثنينهم ماينجرعون ، ابتعدت عنها كلت بس لا تضرب ..

ردت تلهث عصبيه اخوها و امها للخانم مرتك ، دكو عليه يعاتبون نووب فوكاهاا ، وليش ماخذ عليها وليش ضاربها ..

-رد بهدوء خلي يجي ياخذها ورقه طلاكها توصلها اني هم هيج نسب مايشرفني ..

-ردت بنتر عليه ، وابنك ..

-تاخذه وياها منو يكول ابني جوز نغ* اصلا ..

-ردت بيبرس مايرضه بهل حجي اسكت ولا تفك حلكك ، خليها هنا حالها حال اي قطعه اثاث ، ومرتك اخذها للشقه جفينا شر وجع راس ..

-اخذها لشقه ننحصر بيها ليش شنو جابرني ..

-اووو ياعواد جيبها يمي يااابه بس فضوونه عاد مالي خلك وجع راس انتو مناا وايلاف منااا و زياد يخابر مناا ..

-رد زياد شبي ..

-شبي يعني بتي النذله داكله عليه وكايله راح يزوجوني غصب و داك يحجي مو راضي ...

-كليله يجفه شر لا اروحله لهناك والله اشوه وجهه ..

-هم كتله انجب واسكت مالك دخل مو انته ختاريت تضل بعيد خليك بعيد ..

طلعو هو وياها يحجون بسالفه ايلاف واني وديما اخرسينه ، يمكن حتى نسينه الحجي شلون يصير ..

رفعت الفراش و ختلت يمها بالفراش حجيت هاي مو مره هاي عربيد ..

ردت هااا خيه وين ميرال الي جانت تحجي حجي شيوخ ..

، همست حروره صواب خيه لاصدكيني ، غير صرختها بينه نستني حتى اسمي ..

حجت هاي كوا** ، مال يزوج عليها ابو زياد و يكسر خشمها ،

- انتو ماعدكم شغله غير بس زواج و النسوان كولي كون تعثر وتموت فجاءه...

-ضحكت بتعب ، ميرال مابيه حيل اضحك والله ولي من يمي روحي شوفي امير وين اخذوه ..

كمت و رحت اشوفه هو اني و البنكلادش صايرين نفس الشغل ياهو جاي يصخرني ويرزل بيه لو يضربني واني ساكته ..

-يجي بيبر واني الكم والله ، الا اخلي ينعل والديكم  ..

اجه اخوها ياخذها ماخلوها تطلع عليه اصلا حجت وياه ام زياد وكالت تصالحو لا تهجم بيت اختك ، و توكل يابه ...

عواد ساكت خال الحجي بيد ام زياد راح ذياب صح ممقتنع بس مايكدر يبادر ويسحب اخته جبر و تصير مشاكل جبيره على هو اجه اخذ اخته كوه وهي محد طاردتها ، واذا على مشاكلها هي ورجلها شنو يعني شصار ، يكسرون ويجبرون ..

اجه بيبر حجيت اله ، كتله موتها ضرب و خالتك رزلتني ، سالفه قصيتها عليه كلها ..

هو ساكت ..

-بيبر وياي ..

-تعبان ميرال والله ..

-سكتت ..

-همس لادخلين نفسج بعد بينهم ماتحمل اسمع مضروبه ممكن احرك البيت و الي بي تجنبي المشاكل يرحم والديج راسي مافارغ ابد ..

سكتت ماكملت اله السالفه ، بعدين حجيت خالتك طردت نانه هم ..

-رد شلون يعني ميرال داكلج تعباان ؟

-سكتت رفعت اصبعي اكل باضافري اريد احجي بعد واقصله الصار واخاف يعيط بيه ..

-اسمعه يجر بنفس كوه ، حجيت اجه ذياب هم ..

كام لحيله يستغفر ربه جر ملابسه وطلع عصبي بلا مايحجي ،

ياا شبي غير اكوله بالي صار ، طفشته عزااا ...

وراها بفتره و صلت البضاعه المشتريتهم تالا ، من الشمال راح جابها دانيال ، دك عليه بيبر كال مو دازه على شغلات جابهم دانيال خلي وسن تساعدج بيهم ..

ابتسمت اوك ، لبست عدساتي ، بعد ربع ساعه عرك ، حسيت عيوني راح تطفر ليكدام ، ويله دبرت ...

مشيت بسرعه لديما اكللها ، تلكتني غزل تعدل بدلعه ثوبها .. رفعت راسها شافتني .. تكلي شبيها عيونج حمر ..

مارديت ، كملت دربي بعدم مبالاه لديما .. بعدين التفتت عليها وكفت ، دشوف هاي الماخذه عقل عواد شلونها ..

ماوضح عندي صخامها اقصد وجها .. تقربت عليها ما شفتها زين ، تقربت عليها اكثر بعد عني شبرين ، ماده وجهي ليكدام عليها ومركزه ، هيه مثل فزت حجت شكوو شبج قل اعوذو برب فلق شبيج دادا ..

- لج اوكفي لاتحركين دشوفج ..

-يمااا اسم الله وخررري دفعتني مخترعه ..

-طاح حظج صوجي اني ، اريد اشوف خلقتج بس يله اني شفت اخلاقج الي بالحضيض ، شسوي بخلقتج غميتها ومشيت .. هي وراي حجت والله بيج بلاا انتي العميه ..

-رديت وحد منج .. كملت دربي لديما اكول الها تعاي وصلت حاجاتنه ..

دخلت واكفه مدري شسوي ، تقرب عليها لاحت عندي دتلبس ابنها شي .

-جاي اسوين ..

البس امير حفاظه ، رديت عود البضاعه وصلت ..

-وين ..

-بره دانيال جابها امشي نشوفهن ..

-دقيقه بس اكمل امير ، خلصت وحجت يله ، طلعت واني وراها ، لكينه الكارتوونه وياها جيس جبيره مدخلي وخاليهم بالارض الصاله ...

واكفه غزل تعلج كالت شنوو هذوول ...

ماردينه كعدت على تخم اني ، ديما خلت امير بحظني حجت اجيب مكص ، وكفت وحجت .. لو سجين احسن حتى اذا ضوجتنه هاي رقاصه ملاهي ندجها بيها ...

- رديت بابتسامه :- اثنينهم يفيدون مكص انبط عيونها بي ..

غزل ردت وووويع يالعميه شكد سم بيج ..

:- اكول ولي لا هذا شسمه ..

- حجت اي شسوين ..

-سكتت ثواني ادور حجايه تزعلها مالكيت ، ولي اكول ماخليج تشوفين حاجاتنه ..

-امداجن اي والله ، هاي اقوى شي عدج .. راحت كعدت مقابيلي كبل ، وخلت رجل على رجل ، شفتهم لان لابسه حذاء احمر ورجلها هاطوول تكول رجل زرافه .. عفيه عين كويه ..

ديما جابت المكص وكعت ، فتحت الكارتونه ، خاله بيهم مجموعه اكياس ، كل كيس مسفط بي فستان ...

فتحتهم من اصواتهم امبينان يجننون حتى عطر خاله الهم هبه ..

خليت واحد بحظني لون بنفسجي ، مديت اصابعي اتلمسه حتى توضح صوره كامله .. بي تطريز خرز بصدره ، ونازل للكتف ،

والاردان تور ناعم بيهم نقشه صغيره ماعرفتها شنو ماشفتها بسبب حجمها صغير ..

حجت غزل واوو يجننون بس هذا جبير مايعكد عليج ميرال انطي الي ..

ردت ديما صغري طي** و صدر* شوي وبعدين احجي ام قياسات الخاصه ..

ردت ذيج تضحك ضاغط طي** و صدر** موو تقدمت على ديما تهز بصدرها لكدام تضوجها عود ..

-حجت ديما ردي ليوره لا بداعت ابني اكصهم الج واخليهم بحظنج دشوف بيش تهزين بعدين .

-حتى اخلي عواد يلعب عليج العصا والله ، بعدها ممكمله و تضربها ديما بزيج ، وترد هو ابو مثل شيكول الي ماعنده شغله وعمله شيسوي يلعب ب*** ..

-فكيت عيوني يااا ، باين السالفه وصلت للعمق البنطرون ، راح تتحول لعركه مطيرجيه بهل الالفاض ، حجيت ديماا خيه ديمااا عوفيها خلي تولي ، خلينه متونسات ليش تخليها تغثج ..

-ماشوفيها لهل رقاصه هاي شلون ...

-ضحكت غزل تستفزها لو كل فساتين هم ميباوع عليج ، شايفه وجهج بالمرايه لااا جنج خريج سجون على كد القرف الي بيج ..

-حجيت اني شلون يعنيي شلون ست غزل ناويه على عركه . ..

-لا يمه شعدي قابل داتفرج وياجن بس انتن كارهاتني شمسويه الج بيش ماذيتجن ..

سكتت اني و ديما دنجت تسب بيها دنعل ابو لفاج عليه ، طلعت فساتين و عزلت مالاتها على صفحه مبينات الي الها ..

اختارت غير الوان و الاحجام تختلف هيه اترس مني ،

-واكفه غزل وتكول شكد حلوات يربي بس اشوفهم عفيه ..

-ردت ديما بت ابوج مدي ايدج لاكصها من الزند ...

-ذيج تتكرضم ، نوب شافت الحذاء ، شلته اشوفه بي سير و سير الي ينشد على الرجل بي كرستال يضوي ضوي ، قربته من عيوني يلمع ..

همست ديما هذا ذهبي لو اصفر ، ردت لاا ذهبي ..

حجت غزل بخوف ، عفيه شبيج هيج تقربين الشغله من وجهج جنج خبله ..

شلون واحد هفني راشدي فجاءه ، من صدمتي سكتت، ردت ديما شلون اهفها بالحذاء هذا افتح راسها انتي شعلييييج ياااهو سالج وطلب رايج امشي ولي لغرفتج خلينه نتهنى بالغراض ..

-اوو داسال ماشوفيها وربي خرعتني توه تقربت عليه وهسه ماده حذاء وخالته بوجها ...

وخرت الحذاء ذبيته على صفحه وجهي خرط والله من الفشله ..

-عضيت على شفتي همست لهل درجه شكلي يبين غريب ويخوف ، ردت اي والله عبالك من فضاء جايه و جاي تستكشفين ..

بهت وجهي احس نفسي حتى عركت ، وصعدت الحروره ..

ردت ديما كومي نكمل شوف جوه هاي مراح تخلينه نتهنى ام عين فارغه ..

- غزل ردت والله ماافك حلكي هااا اهاا خرسيت بس اكعدو والله مليت وحدي هنا محد يحاجيني ..

حجت ديما روحي يم حرس ،  اذا ضجتي شديلج وصلي هزي كبالهم حتى ماتنسين شغلج ، حتى خاف يسربتج عواد على الاقل موهبتج ماتنسيها تنفعج بعد الطلاك ..

-فال الله ولا فالج ام دوده ..

-ضحكت ديما طكتها اصبع ياهو ام دوده اني لو انتي ..

ضلت وحده تشمر على ثاني اني ماكدرت انطق بعدها ، ماكدرت ابلع حجايتها ، وكفت بلعوفي جملتها ، ضلت تنخر بروحي ..( شبيج تخوفين عبالك ماشايفه ،) معقوله هذا شكلي هيج يصبر ، ماجنت منتبه على نفسي ، ماجنت اعرف شلون اتصرف ..

من البس العدسات ، كل الي اريده بس اشوف شغله هاي ، ماجان بالي شنو صورتي كبالهم ، حلفت بعد ماسويها حتى لو المح شغله مو الا اشوفها شنو هذا شكلي يطلع ..

اذا غزل خافت مني لعد الغريب مايعرف حالتي شيسوي يمكن يضحكون عليه وراي هم ، هنه بعدهن بعركتهن واني دمعت عيوني ..

كمت لحيلي حجت ديما هاا وين ..

همست اغسل واجي نطيتها ابنها ..

مشيت بهدوء ، عفتهن يتعاركن حجت وراي ديما كون مرض بالسانج حتى المريض الي الله بالي بمرض ماخلص منج ليش قهرتيها انتي فرد نوب بلا ظمير وانسانيه ..

-والله مو قصدي شبيج ، بس استغربت و سالت ...

-استغربتي مممم موو استغربيتي ام فتوووك ..

طلعت من المطبخ كبل للحديقه مشيت كعدت على مسطبات موجودات قريب مطبخ ..

اسمع صوت الماي مال نافورات و حجي الحراس ، صوت عصافير ، دنجت راسي رفعت عصااتي  باين محد يفهمتي غيرج ، الحلو ماعندج السان يجرح ، مرافقتني وفايدتني بسكوت حتى بلا منيه ..

حاولت اجاوز كلامها ،بعدها بايام صار عرس بشار ، حفله عرسه سوها بمطعم ، عرفت مطعم تابع لبيبر بس عواد يديره ..

خالته تكله لاتجيب مرتك يراد واحد يساعدها و انته تحير بالمعازيم خطيه هي مسكينه تتبهذل فالاحسن ماتحظر ..

رد عليها ريحي نفسج ام زياد وياها ديما هيه تحير بيها واني هم كل شوي اجي اشوفها ..

-ردت ديما تحظر مستحيل مااقبل بهل حجي ..

-لعد تردين منو يحظر يابه،  لامرت عواد لاا مرتي لعد منو يجي ..

-اني و ايلاف و غزل ..

-هاي العايزه والله بت الملاهي هيه تكعد تستقبل المعزيم باسم جنه بيت المجيد لو هاي زوجه عواد مووو مستحيل ماكو هيج شي ..

- اني موجوده شنو مالي اهميه ، لو وجودي مو كافي  ..

-نسوووانه هنه الي يرحن و يكعدن بالواجهه خاله ميحتاج اعلمج الاصول ، هذني بناات ناس وبنات عوائل تشرف  ، حتى الي يسمع باصلهن وبنات منو هم ينفرد وجه ويبتسم ، تردين اخلي هاي بالواجه انسي انسييي ، شجاب هذني لهاي  ...

حجت ديما قريب مني ، سمعتها شتكول النذله مو كتلج راس البلا منها ..

سكتت ، جرتني امشي بين ماتجي الكوافيره جهزي ملابسج و الاحذاء ..

يادوب غسلت وكعدت لابسه البرنص انتظر بيبر يصعد ..

اجه حجه هاا بعدج ..

انتظر الكوافيره ..

-منين هاي مو وصه تجي ..

-خالتك مارضت نروح ونطلع كالت دزو عليها لهنا ولحد هسه مااجت ..

-ضل يتافف يستغفر ، رد دكي عليه بالله وين ..

-جريت جهاز ادك كالت بالمحل بعدني ، رديت مو دزينه عليج؟؟! ..

-حجت محد اجه عليه ..

سكتت عاضه على شفتي ، صاح بيبر هسه دقايق و يوصل السايق حظي نفسج ، طلع كبل يصيح بره ، و خالته ترد هسه ادز السياره شصاار يعني ...

دخلت ديما حجت بعدج مالابسه ليش ..

همست تهيت الفستان .. مشت للكنتور فتحت الباب حيل وتحجي بت الجلب تاخرت عود كتلها تعاي من وكت احنه اثنين ، ساعه ونص شتكمل شسوي يعني شتحلك ...

دمعت اني خربت كل مخططي مال اسبوع وتحظيرات ، كلشي طلع من ايدي ، ذبت الفستان كالت البنفسجي مو ..

اي ..

والحذاء ..

ذهبي جوه موجود .. دخل بيبر ، حجيت خالتك متريد نحظر مو حتى الكوافيره تعمدت مادز عليها بعد ساعه للحفله شلحك اسوي هاا ..

-رد هيه و مساعده مالتها يجن دقايق ويوصلن طلعت ديما وضل هو يكلي شبي وجهج احمر لا تشيلين هم اخر الحفله لخاطرج اذا تردين .. يضحك يشاقيني ..

-دمعت مو مال شقه والله ..

-دكومي لبسي كومي يله جرني ، سحب الشريط مال برنص ذبه ، حجه تلبسين داخلي لو هيج تلبسين فستان ..

.مد ايده يتلمس بعدته ، ماجاهزه و منا كوافيره تاخرت ومنا انته دشوف بيه مزاج لهل شغله ..

-اسويلج مزاج ..

-وخر بيبر دفعته ..

-دلبسج يله اوكفي ، تلبسين داخلي لو لاا ..

همست لا مالبس جوه هذا هو بي قالب ..

-سفردحي يعني ..

-ضحكت بالضبط ، رد  هذا والله خوش شغله ، لبسه الي و وكف وراي يسد السحاب ، وخر شعري زاحه ليكداج ..

-همست خالتك تكرهني ..

- اني احبج هذا يكفي ...

جريت نفس هو هذا المهم ..

اجت الكوافيره كتلها ماريد شي اني بس شعري سرحي و شسوي المقدمه ، مكياج خفيف .. حجت لعد المساعده تكملج ، راحت هيه تجهز ديما وضلت المساعده يمي تكلي موديل هسه يرفعون الشعر بطريقه بسيطه و ينزلون خصل بالجوانب ، و كذله خفيفه و ناعمه تنزل على الوجه ..

لوك يطلع يجنن راقي حتى فستانج هم يبين لان بي شغل بظهره وصدره حرامات يندفن بالشعر ..

ماريد سبري ..

ماكو سبري راح موديله ، ضحكت بيا وكت انتي متكليلي ..

سكتت .

اشتغله لو لاا ..

والمكياج ؟.

بكيفج ..

خفيف ..

صار ...

حسبت الها ٤٠ دقيقه و كملت ، جهزت وخلصت طلبت منها تلبسني عدسات ، خلتهم الي ، ومشيت على ديما اشوفها ،

همست ديماا ..

شهكت يااا ولج قبلي خلصتي حقيره ، شبسرعه..

ضحكت باعي تسريحه حلوه لو افلها .

لا والله تجنن لايكه للفستان .

دخلت علينه غزل فززتنه عليجن الله  اريد حذاء اسود ، حذائي انكسر كعب مالته ..

- ردت ديما ، احد كلج احنه كوزمتك احذيه مثلا ..

-بربج ديما حقاره الضراير اجليها اليوم ، ولج مايلوك وياه الا الحذاء الاسود ..

-دارت وجها ديما تغلس حجت وانتي ميرال ...

- همست منو يكول مقاسج مثل مقاسي ..

-دطلعي واشوف فدوه لعينج ان شاء الله تشوفين ..

- لو ماداعيه احسن الج انتي دعائج يوصل للسكف ويركع يلزك بوجهج ترس ..

مشيت كبالها وهيه وراي اطك بتك كعب ، اشرت هنا الاحذيه طلعي ..

دنجت تفتح بالميز تشوف و تلبس تكدر بيهم ، كعدت على صفحه ، هيئتها ضخمه حيل ، من هذني الي عدها جسم ..

-حجيت بربج وين يجن عليج ..

-ردت ترى رجلي صغيره ...

-ممم ، اخذت واحد وحجت شكرا حبيبتي ...

-طلعت كبل ، مشيت وراها ، تلكاني بيبر وكف ، حجيت هاا  شلوني ...

رد جوهره  ...

#يتبع ...

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق

التوفيق والتسهيل ، لجميع طلابنه ان شاء الله ..
شلونكم ويه امتحانات اطفالكم ..