قاع الشياطين

البارت الواحد والثلاثون

..............☆البارت الواحد والثلاثون  ☆...........

#قاع_الشياطين(البصر والبصيره)

#بقلم_أسماء_ديمير

حجه لاتنزلين هسه اجي …

رجعت غمضت عيوني ريحه بانزين تكتل لعبت نفسي ، حتى دخت ، انفتحت الباب وصعد ..

حركت سياره و مشيت ، احس نفسي لعبت ، فتحت عيوني اكله اريد بطل ماي ..

الفتت عليه فزيت من شفت دانيال كاعد !!

اريده اكله وين بشار وليش انته هنا ضاع الحجي ضليت امتمت ..

التفت عليه هادء ويسوق  ، لزمت بطني اذتني همست وكف السياره اريد اتقيى ..

رد شنو .

اشرت اله راح اتقيى …

صفها بسرعه  ، نزلت اركض منها وكفت على صفحه كعدت بالارض ارد من راسي ، احس عيوني راح تطفر من مكانها ..

مد ايده الي بيها بطل ماي  ، مديت ايدي ارجف اخذته منه ، مابيه حيل حتى افتح البطل ، جره مني حيل وفتحه و بلل جف ايده مسح وجهي بي ..

لزمت ايده اخذته منه ، غسلت وجهي وكعدت اجر النفس ، لشتي ترجف ماريد ارجع للسياره ولا اريد اكعد يمه خايفه ..

تقرب عليه حجه يله ماكملتي ..

كمت لحيلي همست وين بشار ؟ 

- عنده شغل واجيت اني ، رفعت نظري واكف بطوله نظرته مزعجه حيل دنجت وتوجهت للسياره قبله منهزمه من عيونه ..

صعدت و خليت اديه بحظني ، درت وجهي على الشباك ..

صعد حرك السياره حجه شنو مريضه ..

هزيت راسي لاا …

صارلج يومين نايمه بالفراش شنو مو مريضه ..

مارديت عليه ، احس نفسي مو زينه  ..

نتر :- صاحبتج اقطعي علاقتج بيها ..

سكتت ..

افتهمتي انداريت عليه رفع اصبعه افتهمتي ..

هزيت راسي باااي ساكته ...

ابتسم خوش مطيعه ، وهاا فيس هم تلغي ، 

هزيت راسي اي ودايره وجهي ، ضحك دار وجه يسوق طلعتي شيطانه ولج ..

مانطقت احس كصتي عركت ، رد مو وياج ..

خفت احجي شي يعصبه و ينكلب عليه جلب ، حجيت مممم ، ، رد ها خرسيتي ..

التزمت السكوت لان ماعندي اي شي ، حجه يستفزني :-  وتكولين ماحب ، و ماعرف و فريتيها عليه ..

بلعت ريك ورديت :- صديقتي رنا هيه سبب هيه جانت تراسل وتسوي مو اني ..

درت وجهي عليه هو عين عليه وعين على الشارع ،

ضبطت اعصابي و كعدت اجذب :-  حلفت والله مو اني صح هيه وزتني اراسل ساري بس،هيه الي جرته وجانت تتفاعل وياه مو اني لان اني اخاف وطول اليوم مكابله نانه ..

ضحك يعني مو انتي الي تراسلي ..

- لا والله بس اول مره بس من اطورت السالفه خفت و رنا كالت جيبي اني احجي وياه …

-مثل ماصار وياي …

- وربي مالي علاقه اني جبت سيرتك كبالها بس وهيه طلبت حسابك ونطيته الها هيج على فطرتي ، ماجان الي نيه اذي احد بس لكيت نفسي بورطه وبسبب رنا ..

سكت ودار وجهه عني ، اني درت وجهي على جامه اكل بنفسي ياارب يصدك يااارب يصدك يالهي تووبه تووبه بس يصدك و يعوفني بحالي …

مانطق كانو ديفكر ، بعد دقايق سكوت ، رد والبصمات وصورج ..

درت وجهي صور قديمه واصلا ممبينه اني اما بصمات ركز بيها ركز متشبه صوتي اصلا ..

رفع حواجبه ، عمي انتن شياطين وحق الرب شياطين ، بعدجن بكد البع*  بدل ماتدرسن وتنجبن لاا نوب تسون علاقات وتحوكن الهم هم …

وهاي صاحبتج تعرفين حتى تنا* ويه صاحبها المزوج نص الكوفي مصاحبها لو ماتدرين بحيث مجرد ماكتلها تعاي نتقابل لكيتها هيه محدد وقت و المكان و تتلكاني بعد وكانو تعرفني من اسنين ..

وجهي خرط ، جريت نفس كوه .. رد مجرد ماسالتها عليج خرط الاول وتالي ضدج ، هاي مو صديقه ، هاي صديقه سوء وضحكتها ضحكه سنون مجرد ماتوكعين تلكها تضحك عليج نفس ماضحكت وياج ..

دمعت عيوني ، ابتسم حجه :- عود انتي ردتي تجربين موو ..

دنجت راسي بجيت والله هيه شجعتني …

-بسيطه اني الها ورب ماعوفها اذا ماسويت الها درس وللج هم حتى توبين ..

رفعت راسي بسرعه ، والله ماعيدها …

هز راسه ساكت ، وصلنه لمطعم ، ودخلنه ناكل ، مارضيت انزل بس جرني كوه ونزلني ، طلب هو الاكل واني كعدت ارجف جني مخطوفه ، 

هو كعد ياكل واني صافنه ، هو منزله راسه حجه اكلي دنطلع يله ..

مديت ايدي اكل بهدوء كوه ابلع لكمه احسها تجرحني ، ماتنزل من بلعومي ابد ، رفعت عيوني عليه لكيته لازم لكمه ببده وصافن بوجهي ..

ابتسم عادي كلنه نغلط مو ملائكه احنه ، هاي كبالج اني ، اول **** الي جان عمري ١٣ سنه ..

فتحت عيوني وجهي صوفر ، دنجت كبل مرتبكه جريت بطل ماي اشرب ، ضحك ، جانت ويه مره جوارينه خرب بعرضها جانت فد حاته بس مدري وين ولت ..

اعتقد سافرت لهولندا ، كون الحكها ، ههههه ..

يوميه دز عليه عفيه دودي تعال شيلي القنينه عفيه دودي نظفلي السطح و حق تعبي جانت تنطي هيه بمايرضي الرب ، تجازي تعبي بجهد منها الحق يقال هههههه 

مانطقت ضليت اعبي بحلكي اكل حتى ماحجي ، عيوني اجت تبط لبره من الضغط خرعني والله …

هز راسه يتافف عمي نسوان بلا  انتن بس مانكدر نعيش بلاجن يعني اذا رحتن للقمر اني اول ناس اشد نفسي على صاروخ كاتيوشا و اجيجن ..

صفن بعدين هاا هذا صاروخ فاشل دومه مايوصل للهدف يوكع على بيوت العالم ، صاروخ فاول احاول ادبر لي صاروخ روسي ..

ضل يحجي هو وروحه واني حتى اذني قفلت من كميه الكلام الغريب مالته ، حسبته كاعد ويه صاحبه مو ويه بنت ، 

مشيت اروح للحمام لحكني ، حجيت حمام نسوان هذا ..

رد ادري روحي ، دخلت هو جفت وراي التفتت عليه مستغربه شيسوي هنا ..

-اخاف عليج غير دخلي يله فضيها ..

-همست ماريد بس اغسل دنجت اديه على مغسله كل شوي اباوع عليه هو ساد الباب بظهره و ساند نفسه يباوعلي همست ماشارب مو ..

-رد لا وراي درب مابينه حيل حادث ..

-جريت نفس براحه ، وكفت قريب منه انشف اديه مد ايده على جسمي ابتعده خازرته ..

ابتسم عندج شامه هنا اشر على مقدمه صد* بس اشوفها ..

ابتعدت عنه بسرعه توجهت للباب اجرها جرني ودفعني رجعني ليوره ..

-حجيت اريد اطلع لاسوي هيج عيب عليك والله ..

-اشوفها واطلع ماسوي شي ..

-همست لاا عفيه .. وكفت مجتفه اديه لصدري ..

جر نفس عوج حلكه خوش ، دطلعي فتح الباب وطلعت تلكتنه مره تريد تدخل باوعت عليه عافسه وجها ..

طلعت بسرعه هو وراي اسمعها تكول ماكو حيه ادب سزز ..

خليت اديه على حلكي ياااا ..

صعدت بالسياره هو تاخر شوي ، دقايق واجه وراي ، اشوفه يخلي شي بالعلاكه و يمسح بحلكه . .

صعد بس صعد قفل السياره ، ذب العلاكه بسياره طلعت صوت كانو اكو شي بيها ، حجه يله شوفيها الي ..

شنوو ..

رفع حواجبه مندار عليه ، شميت ريحه عفست وجهي عرفت ريحه شرب ، نترت دانيااال …

-ورب وامنا عذره ما امشي اذا ماشوفها ترى اذا صحتي محد يسمع ..

حاولت استعطفه :- خليت اديه على وجهي ابجي ،  الله يخلك عفيه .. 

سكت ، مانطق ، كمبت بجي كلت ثواني و راح يكول يله خلص كاافي ماريد ، بس شو ماطلع صوته هذا ..

رفعت عيوني على  كيف اشوف وينه شو خنس ، لكيته يباوعلي ومبتسم بمكر :-  اذا عبالج تمشيهن عليه غلطانه اعرفج صلفه ورب ، حافظج ترى وعرفتج انتي شنو ماسويلج شي كتلج بس اشوف فضيها عاد الي ادز صورها وهيه بطرك السترابلس عادي عدها طلع شامه يله وينها .. 

رفعت راسي اكز بسنونه ، اولا توخر شوي بعيد ، لا تلزك يله ، بعدين نشوف شلون اتصرف وياك  ..

- ضحك اي اي عفيه وجهج حقيقي اي  .. 

-ممنوع تمد ايدك ترى والله رفعت اصبعي رد نزلي لاكسره الج ورب ، نزليها لج ..

نزلت اصبعي وحجيت تشوف و بعدها تفض السالفه ، لا اعرفك ولاتعرفني ماشي ..

-اني احدد مو انتي ياه عاد . .

-جنت لابسه قميص بس جريته شوي حجيت شفتها يله و صعدته نتر ووووين مااشفت شو وخري اني اشوفها ..

عطت ووووخر ، شنوو مو شفتها ..

لا ورب …

سكتت فتحت دكه وحده و طلعتها هاا خلص رفعته ودكمته هو يضحك ..

كبر لهل خلقه اي والله نترت حرك عاد من ساعه سوده شفتك بيها ..

حرك سياره و مشت ، كل شوي يتلفت عليه مبتسم ..

ضحكه مو راحه اعرف  ، والله وكعت نفسي بمكان بس الله يعلم بي ..

نوب هذا ماينضحك عليه مثل ساري ، عبالك لاعب ويه ابليس ، ضليت مجتفه اديه وافكر نخرت روحي نخر بالتفكير ، شلت هم شراح يفكني منه ...

وصلنه لاربيل بطلاع الروح طلع الروحه من خشمي ، وصلت لبيت خالتي ونزلت هو وراي نزل الجنطه رد رقمج يمي ادك كون ماتردين اطلع لساري كبل اكعد اشرب وياه ستكان جاي و نحجي بسالفتج ورب اسويها ترى ..

جريت جنطه بعصبيه واتجهت لباب خالتي خازرته .. دكيت الباب فتحوها ودخلت هو بعد واكف ..

تلكتني خالته فرحانه بيه ، 

خالتي تشتغل بمنظمه حقوقيه ، ورجلها محامي بالمجلس النواب كردستاني ،  وعدها ثلاثه اولاد ، هبه و اثنين ولد ، بروان وايار و هبه ..

لكيتهم مخصصين الي غرفه ، ضايت فتره ماشيه يمهم ، طلعات و سفرات ، بس كل هذا ما راح من بالي دانيال ،

ميرال … 

كعدت بصفه هو كاعد يشتغل بالحاسبه ، اني لابسه سماعات اسمع بصمات تالا ..

دازتلي اشتريت الج ست فساتين و صار سعرهم الفين و ٥٥ دولار ..

رفعت حواجبي …

حجيت الها وبعد  .

رديت كريمات و معطرات و هبه اخذت الج شغلات ماعرفها شنو بس كالت مال مزوجات صارن بالف و ٢٥٠ دولار ..

اني اسمع و رافعه حواجبي احس دينصب عليه والله ، انداريت بيبر الفين و ٥٥ دولار تقسيم سته شكد …

ضحك هاي شنو ..

اي يله شكد ..

شايفتني حاسبه شي اني ..

يالمهندس يابتوع المدارس ، منين ماخذ شهاده هندسه بالله ..

جامعه بغداد على سن ورمح ، بس شنو سالفه تقسيم ..

ملابس واسعارهم داعرف سعر فستان شكد ..

دزتلي بصمه حجت هاا حخذلج احذيه دزيت بصمه كبل تالااا وربي اشوف وصولات ترى مو جاي تنصبين عليه …

ضحكت ميخالف بس حلوات والله لخاطرج احجي …

حدج ٥ الاف دولار تالا بعدهم اقفل خلص ، 

هذول مال سنه ميرال احنه مطالعات ..

كلش كافيات ترى ..

زواج بشار و زواج ايلاف  وهوي حفلات ..

كافيات كلت و الوصولات تجيبيهم وياج ..

ماعندج ثقه بيه ..

لا حبيبي حشه بس حتى اتاكد ما منصوب عليج ..

اوك …

سديته منها وكمت اشوف ديما وين صار فتره تاركتني ، اخذت عدسات وياي حتى تلبسهم الي ..

دكيت باب غرفتها ودخلت حجيت تعال لبسيلي هذول ، ماكو صوت ..

همست ديما وينج ..

ماردت ..

تقدمت على جه فراش تلمستها موجوده ديماا ..

ردت بتعب هاا ..

كاعده ..

نايمع شتردين ..

كعدت قريب منها همست شبيج ..

تعبانه ، تردين شي ..

اسال عنج ..

ضحكت والله احسن من اهلي طلعتي ، عقدت حواجبي صوتج ممرتاح شبيج ..

بجت كبل مريضه كتلج ..

همست الي بطنج متعبج .. ردت مات .. حجيت شنو مات ، حجت طرحت ..

فكيت حلكي شوكت ..

من زمان ميرال توج دريتي ..

مقهوره عليه ، ردت لاا مقهوره على نفسي واني اشوف حياتي دضيع كبالي ..

سكتت دنجت راسي ماكدر اواسيها حجت شنو هاي بيدج ..

عدسات ..

عيونج توجعع ، 

اي شوي واريد اشوف هم ابتسمت ..

ضحكت دتعاي ، جرتني تلبسهم الي ، لبستهم ورمشت بعيوني ، لاح عندي وجها شاحب شحوب الجثه ميته ، عيون غايره بوجها و جهه مابي اي حياه ..

ابتعدت عنها حجيت كومي اكلي شي حيل تعبانه انتي ..

ردت ماريد رجعت راسي للفراش ، تهرب من الواقع ..

ميرال جان الها رأي ثاني ، وكفت وياها وكفه اخت ، الاكل جانت توصي الها مشاوي ودخله لغرفتها ، تجبرها تاكل نوبات تخضع ديما نوبات تضل تتقيى نفسها تلعب ..

بيبر ماعجبه تقرب ميرال من ديما ابد ، بس ماكدر يعارض يخاف لا تختنك وتنحصر ماعدها احد غير ديما تتونس وياه فسكت لهل سبب ..

يوم كاعدات صبح بغرفه ديما دتيريكن سوه ، سمعت صوت باب غرفه عواد انفتحت ..
فزت ميرال حجت عواد هنا ..

ردت ديما اي وياه كحب* ماجه لوحده ..

كامت لحيلها هاا .. اقفل لباب ..

توجهت تسد الباب وكفت من سمعت صوت ضحكه ، وتكله بس اغسل واجيب شي ناكله ماطير ترى حبي ..

رد هو لايشوفج بيبر ردي ..

لا سمعت صوت سيارته صبح طلع ثواني وراجعتلك بيبي ..

لازمه الباب فاكه عيونها مستغربه يمااا فلك طرج هاي شنوو ..

فاتت من يم ميرال تضحك وتكول كوود موورنك هني ..

عفست وجها ميرال كوا*  شنو ..؟؟!

رجعت ليوره وسدت الباب حيل ، حجت لديما تكللها هاي تكلي كوا*  تقربت على ديما ..

ضحكت ديما هاي غزل الكح* مالتهم ..

منو هم ..

شله عواد ..

شنو يعني ..

يتقاسموها كل يوم يم واحد ..

صدك تحجين ..

اي والله قبل سنه جانت عند ستار ..

بهت وجهي حجيت وبيبر ..

لا بيبر ماشفت عليه شي الله يشهد جانت عده علاقات اي بس مايجيهن للبيت هنا مايفضح روحه مثل ذولي عبالك مشايفين وين ما يشوف مكان يمطلها واحدهم ..

سكتت تعرفين بنات الي عرفهم بيبر ..

ردت لا وين ..

وزوجاته سابقات ..

جانن زواج مصلحه و راحن لحال سبيلهن ..

همست ارمش بهدوء .. حلوات ؟؟

تغارين شنو ..

ابتسمت مو رجلي عليج الله حلوات ..

انتي احلى ، احلى من داخل بهواي منهم ..

سكتت مبتسمه ، شكد طول زواجه بيهن ..

وحده سنه و ثانيه يمكن اكثر مادري والله …

تدرين احنه راح نقبط سنه ولحد هسه ماصار طفل ..

بعدكم يمعوده يجي يجي وين يروح ..

مشتهيه طفل بين اديه واداري ..

اخذي امير وفكيني ..

ضحكت لا دخيلج اخر مره خليته يمي صارت مجزره ورجلج كتل جلب مالتي الحقير ..

ضربه الله كون … دنسولف ونسمع ضحك ذيج السافله و تصيح على كيف يمعود …

يكرم الله حسيتها دتعمد تسمعنه ، درت على ديما خما زعلانه ..

لا وييع خلصانه منه ..

تالا مشتريه الي فساتين دزت صور تشوفيهن وتوصفيهن الي ، عرس بشار هالاسبوع هي راح ادزهم بتوصيل ، فكلت نختار واحد مناسب شكلتي ..

شو دشوف ..

جهاز ضل بغرفتي اجيبه واجي ، رحت اجيبه ضحك بنت واصل وتارس البيت وصوت وسن وهيه تنظف ترد حظ الكحا* عمي بناتي سنين كبالهم محد عبرهن وهاي وحدتهن زايعه مستحه وعدها رجال ..

دخلت لغرفتي جريت جهاز وطلعت ، هاي شافتني و تحجي هيج عادي لو ماشافتني …

رجعت لغرفه ديما نطيتها جهاز تشوفهم الي ، حجت ووواوو ولج شنو هالذوق ..

حلواات ..

يجننون والله منين اخذتهم ..

من اربيل هيه وبنت خالتي مختاراتهم ..

اذا وصيت يشترن الي و ادزلهن فلوس عادي ..

عادي باعي هيه هبه منسقه ازياد و عدها محل ،وعدها صفحه ، اكتبي بوتيك هبه ال****  يطلع الج اختاري الصور وندزهم لتالا ادزهم توصيل ..

بس صدك يجننون خاف زحمه وعيب من اختج ..

لا ولج عادي ، اخذتنه سوالف بملابس والتجهيزات ، ديما صح عدها شوي تهور احيانا تمرد و نوبات دون قصد تجرح بالكلام ..

بس داخلها انسان نظيف ، اني ماشوف نعم بس احس ، ابد ما كانت عدها حجايه بيها خبث او كره ، تكره تكول بوجه ماحبه ، والي تحبه تقرب منه وتصاحبه ..

هذا الي خلاني امن بيها عكس غزل ..

الي اجت وستوطنت البيت وبعلم بيبر ، ضجت صراحه حيل ..

سهر و كلنه ميخالف ، شرب و هم كلتنه ذنبه على جتفه بس يجيب بنات ليل للبيت ويسكن ويانه هاي صعبه ،

رحت وكفت كبال بيبر  من حاجيته صدمني :- رد هاي مرته ترى بس ديما ماتدري تردين اطرد مرته قابل ..

بهت وجهي ، سكتتت ، حجيت مرت منو عواد صدك تحجي ليش هاي وحده ويزوجها ..

رد برود :- مالنه علاقه بيهم ميرال …

عقدت حواجبي مزعوجه ، وديما شلون ..

كتلج مالنه علاقه رجال وتزوج تحاسبه حظرتها لو شنو …

فنها تفك حلكها داكسره الها يكفي عتقت ركبتها اني شفاعتا بابنها ، هزيت راسي مقهوره عفته وطلعت ، من ادخلي تدمرت ، شكد صعبه ياربي ، سكتت وبلعتها ..

يوم موجوده بالبيت ويوم لا تطلع هيه و عواد مايرجعون دعيت من الله كون يطلكها قبل لاتعرف ديما تدمر نفسيتها والله ..

هي من هاي وهاي سحبو منها الاجهزه واي تواصل ويه اهلها كطعو ، من عدا الضرب والاهانه الي تاكله يوميه والله كسرت كلبي ..

لحد هسه هيه ماتعافت زين ، وتوصل لحاله تكعد تبجي بلا سبب ، تردد حتى قاسم تركني وعافني ..

ماعرف ليش من اجيب سيرته كلبي ينقبض ، تهمس بخوف خاف راح ويه راحوو وترد لامستحيل جان سمعت اني اذا صابه شي ..

مافهمت شبيها ، الكابه والحزن ضرب عقلها ..

كعدت صبح وره بيبر توجهت للمطبخ ، وسن تنظف اسمع تجر بسطل مسح وريح معقمات تعط ، توه ادخل سمعت صوت ابو حمد يكللها خفي ايدج يامره هسه نلكه حمد كاعد يادوب نلحك سره لغسل الكله ..

دخلت هيه ردت عليه اكمل لبيدي منا لساعتين مافضها غرفه استاذ عواد هوسه ، يرادلها وكت…

صبحت عليهم توجهت للميز تلمسته وجريت كرسي اكعد.، رد يعني شنو هسه اخذ وحده من بنات وياي خاف مايكدرن عليه يتخربط ..

اني اسمع الهم هيه سكتت حجت دكف شوي جوز اخض البيت بسرعه وافضه ..

وسره يامره راح اخذ وحده من بنات امرلي لله ..

حجيت بيكم شي ابو حمد ..

ردت مرته تردين ريوك ..

هزيت راسي لا انتظر ديما ..

اسمعها تافف و تنظف حيل تشيل بالوصله وتركع بيها بالارض ..

همست ابو حمد ابنك بي شي ، رد سره مال غسل كليه ياعمي راح يروح علينه البارحه يصيح من صفحته واليوم يفوتنه سره اليل شراح ينومه ..

اخذها وروح عمو ..

لا عمي بيت يرادله تنظيف اخذ وحده من بنات ..

روح عمو عوفو تنظيف اذا هاي دز وحده من بنات ويه ستار وانته و ام حمد توكلو ..

ماترضى ام زياد بهل حجي ..

روح عمو اذا حجت كللها استاذ بيبرس كالي ، هسه اخابره وانطي خبر روحو يادوب تلحكون ..

الله ينطيج الصحه والعافيه يارب ، ابتسمت ، ردت مرته يعني انروح .. رديت روحي ام حمد الله وياكم ويشفيلكم حمد يارب .  .

ردت بفرحه :- يارب كون تشوفين الكعبه كبال عينج ان شاء الله .. اخذت عباتها وركضت مستعجله وراه رجلها يركض ديلحكون على سراهم ، و عافت سطله مسح بالارض  ..

استوطنت جملتها بقاع روحي ، كون تشوفين الكعبه كبال عينج ، هم يكتبها ربي واشوف بيته وحظرته ..

دمعت يارب ماكو شي بعيد عنك ، تقول له كن فيكون ، نظري ماضار بشي اكتبه الي ، 

كاعده واهمس بادعيه ، 

دمعتها بطرف عينها ، وجعها دعاء ام حمد بكد مافرحها ،  دخلت وحده تشحط بنعالها ابو كعب مدري شحاطه ، وكفت تتثاوب ، رفعت اديها تمطي جسمها ونرفع القميص الي فوك ركبه وصل فوك الفخذ ..

شافت ميرال كاعده بهدوء بلا اي حركه .. حجت هلاووز ..

ماردت ميرال ، ردت هلاووو وياج هيوو ..

دارت وجهي  باتجاه الصوت و جهي راخي مابي ملامح ، مغثوثه من هالكأئن اني :-  ممنوع تكلي هيوو ، لا خلي بيبر يدوس على راسج ..

فتحت عيونها متفاجئه .. وضحكت بفشله ، اداري موقف ، 

-شبيج عبالي ماسمعتيني كلت فوك ماعميه طرشه شنو القصه ..

رمشت بهدوء ميرال وكامت ، دفعت كرسي تريد تطلع حجت دكعدي اشاقه وياج مدت ايدها تجر ميرال ، دفعت ايدها ميرال مشمئزه:- يع ايدج ايدددج بعديها ..

-على كيفج داده شبيج خترعتي ..

-ممنوع تلزميني ، 

-شو كله ممنوع ، جرت الكرسي كعدت ادردم ،  دارت وجها بضوجه ليش البيت زباله هيج خدامه وين ولت مو صبح سمعت حسها هنا ..

-اسمها العامله ، مالج علاقه بيها مدافعه الها من عندج ..

-شبيج كارهتني يمه عبالك بايكه رجلج لو بايكه ورثج ، بعدين الغرفه وصخه خلي تجي تنظفها قابل اني اكعد انظفها عواد على جيه ، 

اجانه صوت ديما بنتر ، شغل ام حمد تنظف البيت ماتنظف بطاله الشرب وملابس الداخليه مالتج نظفي غرفتج لوحدج .. 

صاحت بصوت حاد :- حلوو حلوو التمن علي التمن بعد ، وكفت لحيليها ، شووفي حبيبتي انتي وياهاا ترى اني غزل غزل ، مو حي الله هااا خاف تكولن ، نفس مالجن الي حالي من حالجن ..

ردت ديما واله وكت العواه* الهن مثل ما للشريفه ..

ضحكت ضحكتها مشبوها المكتسبه من الملاهي وبيئته القذره ، وردت شريفه لو عاه* اثنينه ننزع تالي اليل ..

شهكت ميرال ردت:-  ادب سزز ..

-لا وانته صادكه اني ملابس سزز .. هههااااي .  

-ديما ردت امشي اطلعي بره بره …

 دفعتها طلعها بره مطبخ وذيج ترد لج كح** طلعيني برك قميص عواد بره ولج حرس برب** ..

-ردت عليها محد.كلج تعري وطلعي افتري بالييت ..

-والله عاد بيت رجلي ، بكيفي البس اليعجبني والي يريحني ، شعليج انتي دفعت ديما ، وكفت ديما متصنمه مرته شنو ..

-اي يعمرري مرته شنو شاقصني مثلا .. فكت حلكها ديما مدوهشه ، مرته شنوو ولج ؟؟! 

تزوج علي منووو ؟؟! انتي ؟!! وانتي كحب* الملاهي ..

اندارت على ميرال ،  بجت ميرال كبل مقهوره عليها :- خلي تولي ولج هاي مداس ماتجي لاضفرج ..

ردت غزل :- لا حبي اجي ونص ودليل ، انحطيت بنفس خانه الي انتتن بيها ، 

اندرت عليها ديما شوكت تزوجتو هاا لطمت على وجها اخذج علي ، علي انييييي منو اخذ كح** علي  .

هدت عليها تضربها من حركه دمها ، و ذيج جلبت بشعر ديما و تمالخن باب المطبخ ديما تدفع ببها و ذيج مجلبه بالباب ماترضه تطلع ، صوت عياط ديما تصيح شعرري بت الكلاب هدي شعرري ..

وغزل ترد هديني واهدج ، ميرال دنجت على نعالها ومدت لديما تكللها هاج اضربيها بي ..

نترت ديما دووخري انتي ونعالج القماش مايوجع هذا نطيني شيبك على كاونتر ولج لحكيني كطعت شعري بت نعال ..

صوت صراخهن ملا البيت و ميرال طفر ماتعرف وين تروح.. دارت وجها وين وين ..

مدت اديها اتهبد و ادور اجه شي بيدها جرته صاحت ، هااج هاج مدته تنطي لديما ...

عاطت ديما ومجلبه بشعر غزل تعت بي :- مو هاي ولج هاي خاشوكه بلاستك  اريد  الشييبك الشييبك الخشب ..

ذيج استغلت الوضع ، بالعياط ، اندارت ميرال ترجع ، جري ياغزل ميرال حتى ماتجب شي وتوكع فوكاهن ..

ميرال صاحت ولج شعرري ياامااما هدي شعري ؛ تدفع بيهن دتخلص نفسها اجه وجها على خد ماعرفت خد منو بس نطته عضه بحيل صدري دتخلص نفسها ..

عاطت غزل ياسربوتيه يابت جلب خدددي موووتني هالسربوتيااات …

ديما حاصت بعد ولج بعد عضي ..

عفست وجها ميرال وبتعدت كوه تتعثر ، تريد تكوم ترد ولج خدها حامض ويييع …

ابتعدت وديما استغلت الوضع وسحلت غزل لازمه خدها تعيط ، وخرري خررب يمااا موتني راح يكتلني خلاص راح يدججني بالسجين عووواد حبيبي وينك .. 

نطتها دفعه ديما وكعتها على ظهرها بنص الطرمه وسدت الباب ، الله يعلنج سافله ..

وذيج تصيح اااه يامه ضهرري ،  وينك عوادتعال شوف شسون بيه ..

مشت بسرعه تكوم ميرال وجها انكلب احمر ، تكللها ريحتها كلها شرب راح ازوع تلاحكيني ، جرتها للسنك تغسل الها ، غسلت وجها و انفتحت ميرال بجي ..

تكلي بت جلاب هاي قليله الادب ..

سكتت ديما مدمعه كوه لازمه نفسها ، حجت خلي تولي  .

ابويا ميت ليش تغلط عليه ، بجت ديما لعد اني شكول الي اجابها الكوا* ضره فووكي خلت اديها على وجها وتبجي هااي تاليتني تجي فوكي وحده بت شارع ..

عايفنه اني وابنه و ملتهي ويه هاي..

غسلت وكملت  ردت سويلنه ريوك شو جعت ..

ردت اني ضايجه ، هم اكول خلي ناكل كبل لايجي عواد يزوعنه العافيه هسه ، صوت حراس بره يساعدون غزل تكوم من الارض و ذيج تصيح حسبي الله ونعمه الوكيل حسبي الله ونعمه الوكيل ..

رفعت حواجبي حجيت ،  سمعتي ديما ياا طلعت تعرف الله هاي ..

هزت ايدها ديما هنه هذني وحدتهم مضيعه شرف و تلكيها لابسه صايه و شال و مبوشه تضمضم نكاستها ..

هاي،شلون ..

اي يكرم الله مشت تسوي ريوك تكللي لعد عبالج يجن للمهلى بملابسهن المعرايه لا حبيبي كله عبى وصايات و مبوشات ذيج من ذيج تجي بجكساره و عريانه ..

وشدراج انتي ..

والله تزوج عواد كلشي تعرف خاصه بهل سوالف ، خلت ريوك وكعدن ياكلن حجت ديما خايفه اكلج هاي بربو* اخذت ركن ويه حارس هسه يدك على عواد ويكله ..

مسحت اديها ميرال وكامت تكالها اروح ادك على بيبر واكله ، 

ردت اي فدوه لعينج لحكي لان اذا اجانه الخبل عواد يموت..  سكتت من سمعت صوت سياره ، التفتت لان شافت سياره عواد طبكت بالباب .

صاحت ديما بيه مفزوعه وطفرت :- ااجانه الكوا* تجاانه ولج اشرردي ..

كمنه اثنينه نركض شاردات ، من المطبخ ، عثرت نوب اني بسطله المسح وكعت بالارض و نترست ارضيه كلها ماي وصخ من السطل ..

رفعتني ديما ولج كوومي خرب ، هسه وكتج تعثرين انركعت باب المطبخ دفره و عواد يصيح ولج ديماااا اليوم احركج والله ..

جرتني وركضنه كل وحده دخلت لغرفتها و قفلتها ، توجهت اني ادك على بيبر ..

مارد ..

دكت على بشار تكله خابرلي بيبر و كله ميرال تريدك ضروري عواد اجه للبيت سكران و كسر البيت ..

دتحجي و صوت عواد هرج البيت سدت جهاز و كعدت بزاويه ياايمه رحنه بيها …

جهاز بيدها دك بيبر ردت تعال اخوك تخبل علينه كسر البوب ..

شبي ..

شدراني  بيه بس تعال ..

# يتبع ....

كروب الفيس .. ( كتابات اسماء ديمير )

الانستا ..  asmaa_demer

كروب الفيس  ...  كاتبات وقارئات العراق

معناها تردين اكتب اخر بارت بهل حاله ، لان نهايه القصه بمعرفه ميرال وميرال مراح تسكت ...هاي تغشيشه 🙂

هدف من اهدافي من كتابه القصص والله هو المراهقات وارشادهم على الطريق الصح ، لان الجيل القادم هو مراهقين الحاضر ..

تغشيشه رقم ٢ .. اكثر شخص راح ياذي تالا هو دانيال 😢

يسعدني يروحي جدا كلامج ، هواي تعليقات شفت هيج بس سويت سكرين للي طلع كبالي ، لذلك اكول سعيده جدا بهل شي

كلت بعد العيد انزل على النظام السابق ان شاء الله الي هو بين يوم ويوم .. بدي انزل يومي وربي بس الامتحانات على الابواب ،

اما القصه و غموضها .. فاكول القصه بيها غموض بس مايصعب شي على عقول بنات الرافدين .. كلشي واضح وضوح الشمس بس انتو تحبون الدراما 😅

البطل مبين واليحب ميرال بالخفاء مبين ..

بالاخر اني ماشوف احد بطل غير بس ميرال بالنسبه الي البطل هو ذو قلب النقي والي ينطي مياخذ ..

اما البقيه هم تجارب نتعلم منهم  محد يستحق نطلق عليه لقب بطل ، البطل هو صاحب المبادى والقيم والاخلاق ونقتدي بي ..

يمكن بعضكم حب عدي و يشوفه هو البطل ..

والبعض بيبر ..

والبعض تالاا ..

والبعض ديما وووووو

فلا تكثرون من هذا تعليق ( مافتهمنه منو البطل )

احبكم كلكم ورب😘😘💜