قاع الشياطين

البارت التاسع والعشرون

.....................☆البارت التاسع والعشرون ☆..................

#قاع_الشياطين(البصر والبصيره)

#بقلم_أسماء_ديمير

وكيفَ أهربُ منه؟ إنهُ قَدَري

هل يملكُ النَّهر تغييرًا لمجراهُ؟

جيت كعدت ، حجيت تعاي هنا ..

كعدت بصفي ساكته ، هزيت راسي من منو ..

حجت من عواد غير ، من منو يعني ..

رفعت حواجبي ممصدكه ، حجت والله شبيج من عواد ..

درت وجهي عنها ، حجت لازعلين مني ذاك اليوم انهديت بيج ..

رفعت جتفي عادي اصلا حلفت بعد ماحاجيج ..

ضربتني على جتفي اوو لا تصيرين لئيمه ، تعاي اسولف الج شصار من طلع ..

رديت قاطعتها ، لا دخيلج ماريد اعتقيني من هالسوالف ، اسمع صوت جهازها يطنطن ، وهيه تضحك..

حجيت بعدج وياه ..

منو ..

قاسم ...

اي من زمان ، ماشوفيني اجيت عليج وين اولي لعد ماكو غيرج يسمعني ويفهمني...

ابنها تنحس، حجت هاا جعت شوي و اكوم لا تخبصني ، كعدت تجقجق بالموبايل والتهت عن طفل الي بجه ...

حجيت ابنج ديما كومي سويله ممه على الاقل ،

-ثواني بس دحاجي اختي ولج ، ضحكت ..

طفل بجه نترت بعصبيه :- كوومي عاد ، كامت بسرعه ، جهازها ضل يمنه يطنطن ، عن طريق الخطاء والله مديت اديه على طفل و اجت ايدي ترس عل شاشه و طلع صوت منها ..

فزيت جن بصمه انفتحت ، واحد يكول ، شكرا على ليله البارحه احبج ..

فكيت حلكي هااا ، ياايمه منج يااديما ، تجذب عينك عينك يالكلبه ، حشاه للجلب والله مو جان عندي واحد اوفه واحد بيهم كلهم ..

نوبات حرامات نشبه البشر بالحيوانات ، نظلم الحيوان صراحه ، الانسان دنائته وحقارته ماتنوصف ،

الحيوان برء منها ماعنده خبث ولا حقاره ولا يعرف شي اسمه كذب ، درت وجهي وخليت اديه بحظني و سكتت ..

خفت حيل جن ضني بمحله ياربي ، لادخيلك ياللهي ، رجعت هيه ركض مستعجله ، نطت ممه لابنها وكعدت تستخدم موبايل صوته باين ..

حتى التهت عني كانو نست اكو واحد كاعد يمها تضحك كل خمس ثواني ،

صعب انو تكون على الهامش ، وكانو انته مموجود ، متعوده على الاهتمام و طلعه ، بس هسه لا انسيت تماما ..

بيبر بالشغل طول اليوم ، وديما هم ابتعدت ، حسيت بشعور ابنها العاجز ..

لو شعور ابنه لابو حمد ، احنه الي مانكدر ندبر نفسنه قسم بالله الحياه اصعب علينه اضعاف على الناس طبيعيين ..

كانو عجزه شايف الواحد جبير بالعمر كاعد طول اليوم وحده ، وساكت ، يادوب يروح للحمام و نوبات من بتمرض اهله يتعاجزون منه ،

رغم ماهو مابي اذيه بس مجرد تعب بعد مابي يقوم لنفسه خلص ، جسمه خذله ، فكعد وسكت ، سكوت ترى هذا مو عاده انما تفكير ، تفكير بالي حواليه شلون نسوه وعايشين ، هو بس يباوع او يسمع الهم ..

اهمالكم النه ، موت يعني الارواحنه ، زعلكم او تعبكم او تتعاجزون تخدمونه فهو امر واوجع من الموت نفسه ..

والله الموت راحه ، لان هذا قدرك النهائي وراحه الابديه ، الي تكون حالك حال البقيه ، يعني سواسيه ...

بس بهاي حالتك الي الله خلقك بيها او ابتلاك بيها لا منكدر ، اغلب قراراتنه تنوخذ على اساس مجتمعنه والبيئه العايشين بيها ..

كلشي بهل حياه خذلنه ، قدرنه وصحتنه و نظرنه فلا عاد تخذلونه انتو هم لان املنه بهل حياه انتو....

شوي وكالت هاا راضيه مزعلانه عني ..

هزيت راسي ، وجهي باهت لا ..

تمام .. باستني و شالت ابنها وطلعت بسرعه ، رمشت بهدوء هم حجايتها صدك حامل من عواد لو جذب ..

استغفرالله شعليه اني ، كلمن ذنبه على جتافه ، من وراها هيه تجي تكعد وياي دقايق و تنهزم ، حتى بطلت تحجيلي عن قاسم كانو ثقه نهارت بينه ، وماصدكت اني ما فتنت عليها ..

استغربت لحد هسه ماكال ديما حامل شعجب ماخبرتهم هيه ، تذكرت نفسي الي صارلي كوم ومر اشهر على زواجي ولحد هسه بلا حمل ..

ابتسمت يااا و يصير عندي بيبي صغير ابوسه واشمه ياحظي اي والله ، بالله الكريم مجرد مافكرت بالطفل ممكن الله يرزقني بهل نعمه ..

والزمه و اتحسي نعومته .. جسمي قشعر ، لو شعره ناعم نعومه الحرير لو بشرته الرقيقه ...

جريت نفس ، اي ليش لا اداري والله ، اتعلم شنو شكو بيها قابل ممه صعبه لو تبدلين حفاظه مثلا ..

عود اذا مادبرتها اخلي يجيب نانه يمي ، ابتسمت عيوني دمعو .. ياارب رحمتك يمك بعد ضلت ...

مره من المرات تجهزت ديما وشالت ابنها ، حجت اروح لاهلي مشتاقتلهم ، كلبي يلعب اني ..

المشكله احس واعرف بس الساني مينطق ..

اخاف من رده الفعل لو ينتر بيه ، لذلك اخليها بكلبي واخنس شسوي يعني شبيدي .. راحت هي الصبح معطره وكاشخه ، بس شو هلي بطت يم اهلها تقريبا اسبوع ، اجت تالا يم ميرال بهل فتره ،

ديما مو عوايدها تضل يم اهلها ، بس جن الوضع او الحال جبرها ،

"وبعضُ الوعودِ كبعض الغُيُوم

قويّ الرعودِ شحيحُ المطر"

وعود قاسم بالزواج اختفت و تعالى صوت الخوف وتردد ، بس اذا نجي ونقره نفس البشريه بصوره منطقيه ..

مو خوف ولا تردد انما الشغف انطفئ بداخل قاسم ..

عاشر هالانسانه و بادلته الحب و نطته كلشي عدها ، شيسوي بيها بعد ، ينظر الها ؟؟! ، الي بقه عدها يسوه اضحي بحياتي الاجله ،؟؟!

ماتوقع ...

بنت متزوجه عدها طفل معاق ، و جان عندي اعجاب اتجاها وانطفى مجرد مانطفى ضوه غرفته وياها ..

اتصلت بي وهيه باب العمار تبجي ، :-قاسم مو كلت ننهزم وين وعدك رد اني واكفه مقابل العياده ، انطيني لو اشاره ارجع ..

دز رساله قصيره جدا ماكلف نفسه يتصل بيها اصلا، (لا تبلينه يمعوده اخلصي من السالفه )

خلت اديها على وجها تبجي منهاره ، كلشي بداخلها انهار ، بعد ماحاولت تبني شتاتها و رجع ضحكه الها والامل ، هدم كلشي ..

الالم سببه الها يضاعف الالم الي سببه عواد ، على الاقل عواد ما وعد وخذل عواد صريح من يكره يكول ..

مايوعد ويخذل ، كعدت بالارض مكنبصه تبجي موجوعه من داخلها ، لزمتها اختها وهزتها كافي ديما نزلي ياعيني شلج بي لج هو امير موتج نوب تحلبين منو يستاهل يشيل اسمه .

عليش تكثرين بنسل بيت المجيد ليش هو انتي شمحصله من عواد متكليلي ..

سكتت وكفت تمسح بدموعها ، توجهت للعياده وخلص ، لو عليها تبقي ، بس ابو رفضه واذا حجت لعواد راح يكوللها منين اجه واني هاجرج صار سنين وانتي رافضتني هم معقوله فجاءه حبلتي ...

دخلت العياده وهيه مغلوبه على امرها ، يمكن ديما ضحيه الحب ، او ضحيه الاهمال او ضحيه لنفسها ..

بس صدقا كانت ضحيه بس المن مانعرف ..

بالضبط مثل المقوله الي تكول ..

العاهرات ﻻ ينجبن اللقطاء ! لأنهن لا يثقن بأحد ،

اللقطاء هم أبناء لحظه ثقة ..

وكادت ديما انو تنجب لقيط ، لو ما دكتوره نسائيه الي دفعت الها مليون ونص ويله قبلت تنزل هالجنين ، نزلت الجنين وهيه منهاره تبجي ..

نزلت جنين بنص ساعه ، بينما كان بمكان اخر ميرال كاعده تدعي الله يرزقها بطفل و خايفه من سبب تأخرها بالحمل ..

الله نطى والله اخذه مثل شعبي ، بس فعلا الله نطى والله اخذه ، خلص كلشي ونزلت ديما منهاره جسديا مو بس نفسيا الاجهاض مو شي لعب ابد ..

الاجهاض المتعمد ، معناه هو انو الدكتوره تكول ذات ضمير ميت ماعدها مخافه الله ، و دخل ادأه حاده يتم تقطيع الجنين بيها الى اجزاء صغيره ، حتى تسهل خروجه من بطن الام عن طريق الفتحه تناسليه ...

بعد التقطيع يتم سحبه ، عمليه مؤلمه جدا و خطره جدا ، الي يوجعك ويالمك من داخل انو كان هالجنين حي ، مو ميت ،

قتلت روح للاسف ...

طلعت تمشي كوه تلكتها اختها مفزوعه من لونها الاصفر ، حجت دكتوره شبيها عفيه ليش هيج ..

ردت وهيه تنزع الجفوف الي كلهم دم ، حجت برود نزفت دم هواي طبيعي ، وكفيها هنا دخليلها دم و بعدها خلي تطلع ترتاح فد سبوع نايمه لا تكوم ..

خلولها دم وهيه كاعده مثل الجثه هامده ، جوه عيونها سواد مرعب ، خلصت دم وكامت طلعوها ، مشت هيه واختها تطلع من العياده ..

كل هذا العذاب والالم وتضحيه لخاطر شنو ؟؟

الحاله الي هي بيها تسوه مثلا للعاشته ويه قاسم ؟؟

ماتسوه صدقا ماتسوه بس جيب العقل الي يفهم ..

وكفت اختها توكف تكسي ، فجأءه وهنه واكفات صفت عليهن سيارتين ، رجعت ليوره اختها خوفا من صوت فحيط ومنظر السيارات المضلله..

وكفت فجأءه كبالهن شلون طلعن ومنين اجن فجأه هيج ماتدري عبالك دينتظرهن ، من وحده بينهم نزل بيبرس توجه عليهم ..

حجت اختها وهيه مرتبكه عززا العززاج ديما هذا حماج ..

غمضت عيونها حيل ديما برعب تباوعله بريبه ، وكف مقابليها هو مدخل اديه بجيوبه ،

حجه برود نزلتي مو ؟؟

رفعت راسها ديما ساكته ترجف وعيونها شاحبه ..

نزل نظره يشوف حالتها ويتاكد بنفسه ، هز راسه زين سويتي ماجنت حاب اكون مسؤل عن قتل طفل بعده ماجاي للدنيا ..

اشر لستار صعدها ..

حجت اختها خايفه :- وين عيوني ترى مريضه ، دفعها و جرها ستار انهارت ديما تبجي واخيرا نطقت :- بيبرس والله راح والله نزلته لخاطر امير بيبرس لخاطر امير الله يوفقك الله يخليك .

-حجت اختها شتريد منها مو داكلك مريضه ..

بعدها تحجي بحركه خاطفه ، جرها من ياختها حيل و نتر وصلي الكلام لبابا مالتج وكليله بتك ماجاي اتوووووووب وبيبرس كال حتوووبها اني ..

دفعها و مشه يصعد وكفت ادك على وجها عززز العزززاج ياديماا صخام صخمج ...

اخذوها و هيه شبه جثه ، بس تتوسل ، محد يرد عليها تالي ضلت تبجي بسكوت تام ، تحركت السيارات و اختها تصنمت بنص شارع تبجي خايفه ..

رفعت جهاز وبسرعه دكت على امها تكللها بسالفه ، اخذت تكسي ورجعت للبيت ..

ديما حظنت جسمها منتظره مصيرها ، بالها بس امير طفل مسكين الي انولد من اب لا ابالي وومن ام خدعها الحب والوعود الي ذهب مع هبوب الرياح ...

خلت راسها على الجامه ودموعها تنزل بغزاره ، الالم الي بروحها وجسمها ، منعها تخاف من الموت بس انقهرت على ابنها شحاله من بعدها ..

جانت متوقعه يكتلوها قريب من مبزل ، على الاقل بيبرس اذكه مو مثل عواد عواد يكتلني كبال الكل وبشكل بشع ..

ضلت تدعي الله تموت بهدوء ، طبكت السيارات باب الفله اشرلهم بيبرس انزلو كلكم ..

نزلو وعافو وياها لوحدهم بالسياره ، دارت وجها خايفه حجت تتوسل بيبرس قاطعها كبل ، اندار عليها ، ابنج الوحيد الي وكف بعيني ، الا انتي قتلج حلال لان غسل عار ، انتي عار ديما وابوج عرف بالي صار ..

حياتج او موتج منا وجاي بيدي ، يعني خلي بالج اذا فد يوم قررت اتخلص منج لاتخلين بالج ابوج او اخوج ممكن يشفعولج ابدد ..

بس بعدها قسم بالله حخليج تتمنين الموت وماتلكي ، حضلين خدامه لابنج وعواد و تحلمين تشمين ريحه الشارع بعد طول عمرج ..

نزل واشر لستار، فتح الباب ستار وحجه انزلي ست ..

بجت كبل حجت وعواد لا تكول لعواد ..

دار وجهه يغلس على كلامها ، جرها ونزلها بشار يباوع عليها قرفان منها ، دفعها ستار وحجه اصعدي لغرفتج ست ..

صعدت تتعثر وتبجي دخلت كبل لغرفتها وقفلت الباب على نفسها خايفه ،

حجه لستار جيب امير من بيت جده ، وانته بشار دورلي عواد وينه وجيبه الي ..

عافهم ومشه صعد ، ستار هز ايده حجه :- اضن مسقطه نفسها عمده ، شراح يخلصها من عواد ..

ابتسم بشار :- ليش هو عواد هم بشر وتخلف منه ، من ناحيه حقها ومن ناحيه شكد كويه لعد ..

رد ستار ، ليش مو كويه مو اخوها ذياب وابو الواء عدها ظهر ..

عوج حلكه بشار اروح ادور على بغل عواد ..

مشه صعد بيبر لغرفته تعبان ، فتح الباب لكه ميرال كاعده قريب شباك ، حجت شلونك ..

رد الحمدلله ، فتح دكه قميصه عيونه عليها ، بؤبؤ عيونها الي يتحرك بسرعه وبخوف لو كل شوي ترمش بسرعه ..

نزل نظره على اديها واطراف اصابعها تفرك بيهم صاير لونهم احمر ، ابتسم عرف هيه الها خبر ، بس ماحجت ،

المشكله ماتعرف اتضم الي بداخلها وجها بسرعه يبين هالشي ..

جر نفس ، هز راسه هم صايره اطمطمين ، نطاها ظهره يروح للحمام ، حجت بيبر ..

-رد ها ..

-اروح لنانه ؟؟

-اندار عليها مصغر عيونه لاا ..

-ردت براءه ليش ؟؟!

-تعرفين ليش ..

سكتت ، بلعت ريك ، دارت وجها تخفي ملامحها عنه ،دخل للحمام وتركها ...

وره فتره من زمن شخطت سياره عواد بسرعه بالكراج ، طلع اله بيبر وكف بنص صاله منتظره ..

بس دخل نتر عواد شتررريد جارني من شقه جر شكو ..

شكد دكيت عليك ليش مترد.

جنت مخمود...

-مخمود يم الكح** و مرتك ماداري عنها ..

-شبيها عرك ميدكها ، عبالي اكو..

قاطعه مرتك مصون حامل ، فك عيونه عواد :- مالازمها اني ..

هز راسه بيبر بهدوء .. حجه والله مالازمها شبيك ..

مرتك سقطت ..

ياكح* منين حبلت ركض عليها ، جلب بي بيبر حيل و جره عليه :- حااسب نفسك بالاول مرتك خايطه خوط وانته مو داير يالغبي اضل اركض وراك وره مرتك اني ماعندي شغل وعمل غيركم ،

لزمه من ياختها وخنكه ، اضبط نفسك واضبط مرتك لان وصلت حدها وياكم كلش بززعت عوواد بزعت راح انفجر ترى ..

دفعه حيل عواد وكع بالارض وجه احمر رد مو مني والله ، منين حبلت منين ..

سكت ودار وجهه بيبر ، رمش بهدوء مرتك بعد ممنوع تطلع باب البيت حتى لاهلها ممنوع ، الموبايل ينسحب منها ، وترجع حظرتك تنام يمها بنفس الغرفه ..

ردالساقط* خانتني وتريد ارجع يمها اخنكها والله اكوم اخنكها كام لحيله ورجع جره ، الى متى تضل بهل عقل ، حكم عقلك ، عيش حياتك وعوفها هنا تربي ابنك المعاق كافي دفعه حيل ورجع يم ميرال ..

عواد ماكدر يبقى بالبيت عافهم وطلع ، ماطول لنص اليل ورجع سكران وشايل ساطور بيده توجهه لغرفه ديما مباشرتا ..

لزم الباب دك يكسر بيها ناوي يقتلها ، هيه تعيط وابنها هم ..

كعد بيبرس نفزوع طلع الها يركض بطرك الباس داخلي و ميرال وراه لافه نفسها بروب وتبجي .

تصيح ماتت كتلها هااا ..

وذاك يصيح اطلعي كحبببببب* و لج زان* اطلعي داخلص عليج ..

جلب بي بيبر و خنكه على الحايط ، همس يم اذنه محد يعرف من الشباب ، محد سمع لاتفضح نفسك يالغبي ، ماخليت احد يعرف السالفه اني نهيتها بيدي كاافي تفضح بنفسك .

جر الساطور من ايده وشمر عواد على الارض الي وكع يبجي ، نزل مقابيله يكله لا تسوي نفسك علج بحلوكهم وين ماتكعد يعايروك لم عارك و اطمره واسكت ..

رد خانتنتي كحب* طعنتني بظهري انا الج يااديماا ..

جر نفس بيبر يفرك بوجهه رفع نظره ميرال واكفه مدمعه ولافه الروب عليها من خوف .

دنج على اخو يرفعه كووم ، كووم وين جنت بيا ملهي خرط الاكو والماكو بنص الملهى مو ..

ماجنت بماهى جنت يم غزل ..

-همزين سويت شي براسه خير ، غزل نصم حلكها بجم فلس لو طشيت سالفه بملهي شسد متكلي شسد ، حظنه واخذه بهدوء ..

دخله لغرفته و نومه على جرايه حجه يحذره عووواد نام خويه وانخمد و الصباح رباح خليها على اخوك ..

عافه ومشه ، توجه لغرفته ، جر ميرال جامده بمكانها همست خما كتلها ..

حجه بهدوء يضحك لا حبيبي شيكتها ، احنه مو هيج شفتي شلون سامحناها رغم ما هيه زنت بالحرام ، بس يله مسامح كريم ورجلها زعلان شوي عادي ..

نامت بحظنه ساكته خايفه ، هو ضل مدد على ظهره ومفتح عيونه ..

ثاني يوم طلع هو للشغل وام زياد شرفت من الفجر ، توجهت كبل لغرفه ديما ..

كعدت ميرال على صوت ام زياد تغلط و تسب وتهين بديما .. وصراخ ديما تعيط .. الي انهارت بالبجي وتتوسل ،

البيت مابي صوت بس صوت ام زياد و ديما تبجي تتوسل ..

استغربت عواد ماكو معقوله نايم لحد هسه ، وكفت يم الباب خايفه اريد اسمع ، ترددت اتتقدم ويلوحني طشار ،

نوب ديما تبجي حيل يربي جاي اسويلها هاي ، امير يصرخ مخترع ..

وصوت تكسير شغلات وديما تعيط دخيلج ام زياد تووبه والله وداعت ابني توووبه ، ابوس ايدج ..

اطرافي ثلجت من الخوف ، حتى جسمي يرجف ، .

عضيت شفتي جاي اسويلها دتضربها شنو ، عاطت عيطه ديما وبعدها خنست ، لزمت كلبي والله حتى دخت من الرعب ..

سمعت صوت كعب عالي ، رجعت ليوره و صوت ام زياد تكللها اني الج منا وجاي اذا ماسوتج مثل كلبه خددامه النه ماطلع ان زياد ..

لج نكسه ، وكفت من شافت ميرال واكفه باب غرفتها نترت وانتي خااانم ماناويه تحبلين لو نتنتظرين نجيب وحده تخلف مكانج خاف يتاذه ك* حظرتك ...

فكت عيونها ميرال مدهوشه ، حجت الج هالشهر مااحبلتي والله لازوجه عفيه نسوان لو عوا** ..

ميرال واكفه مفزوعه من وقع كلماتها ، و ديما خايفه ترجف لان تعرف ام زياد و تعرف شنو تكدر تسوي ..

نزلت عليهن رزايل وغلط ، بلعت ريكها تتقوى حتى دافع عن نفسها همست ميرال :- وربي لاكول لبيبر شلون تغلطين عليه بهل شكل هذا ..

-ولج بربو،* ام السان سفيهه ..

ركض ميرال كبل لغرفتها وسدت الباب هايفه قفلتها ..

توجهت كبل لجهازها دكت على بيبر ، رد هو ، حجت كبل بيبر خالتك هنا وتكلي بربو*

ضحك هاي شوكت اجت ..

-لاتضحك والله فشرت عليه ..

-هسه اشوفها روحي ولا تزعلين تشاقه وهذا السانها ميخالف ..

سده منها وكانو عادي ، هيه وكفت تاكل بروحها ، دمعت تريد تبجي ، لا لا مابجي ماخليها تبجيني مو تخسى والله هالعجوز ..

و كفت هيه عجوز موو .. ممبين على صوتها ..

بلى اكيد عجوز مو بنتها بكدها وسمعت ابنها زياد مزوج ومخلف ، ماتتستحي هالعجوز تفشر لو منها السبحه ماتوكع من ايدي ، طول اليوم مكابله القبله الا هاي تفتر وتفشر علينه ..

صوتها بعده بره عجوز النار ، وصدك ماولت حبستنه اني وديما بغرفنه طول اليوم شحدها تطلع ..

حتى ماكدرت اروح اشوف ديما شحالها خطيه ، لو ما نانه تجي وتجيب الي الاكل والله اموت جوع ماجرءاطلع و تكابح وياها ..

للمغرب من اجه بيبر يله طلعت وكفت احجي اله سوته بيه ، رد عوفيها مره جبيره ..

فشرت عليه ..

-انسي يله ميخالف ،

-وكفت كجتفه حتى غده ماخلتني اكل متت جوع ..

-وفز .. هاا ..

-حجيت يعني هيه مامنعتني بس خفت اطلع و ترزلني ..

-وتغديتي لا ..

-دكيت على نانه جابت الي اكل ..

-ضحك موتوج جوع دنعل يومهم والله ، تعاي يالكناري على كولت بشار تعاي ، حظني ،

احلى غده يجيج اطلبي هسه نجيبه دلفري والا اكول امشي نروح ناكل بره ..

ابتسمت صدك ..

اي دمشي بدلي خلي نغير جو ، توجهت للكنتور اضحك فتحته اطلع ملابس ، وكفت حايره ، ماعرف اذا جريت واحد مناسب حجيت بيبر تعال شوفلي ملابس ..

وكف وراي شنو تردين ..

بسيط و حلو ..

دقيقه ، اني ماعرف صراحه بس اكولج وشوفي ..

اكو نيلي واكو اسود واكو بيج واكو دقيقه هذا بني ، جريت نفس ، اوصفهم الي ..

شلون ..

يعني شكلهم كصتهم ..

هاا صفن وسكت هذا نيلي بي ذيل جنه ذيل جلب شو ..

سكتت عاضه شفتي بضوجه ، حجيت هذا حزامه ..

هاا ، وو هذا.. مممم شو مدري شلون اااا واخذله صفنه ، هذا الاحمر دقيقه بي فتحه من طي**

ضحكت ماكو هيج شي بيبر ، خاف فستان بالمكلوب ، رد هو ليش وين وجهه ..

عوف الاحمر شوف بني ...

اي حلو بس ممبين ظهره من صدره اثنينهم كصتهم سبعه ..

دنطينياه يابه خلي نلبس ، جره حجيت بي نقشه ..

اي ليش ..

دلبس الحذاء نفس لونها ..

يالون ..

شدراني شو لون غريب بنفجسي على بني على اااا شنو هذا لون ..

حولتني بيبر اشكرك راح البس حذاء اسود واستر على نفسي..

بكيفج حبي ..

وكفت اغير ملابسي هو مكابلني حجيت ماتمشي عيوني تغير ..

لا خلصي دكمل مشاهده وراها اروح ابدل ..

ضحكت ، حجه الحمدلله ماتكدرين تشوفين عو** مثل ماانشوف عور**

ضحكت اني دنجت البس اي صح ماشوفها بس لازمتها ههههه ..

ها ولج . .

ههههه ...

اخذني بيومها لمطعم على نهر دجله ، لاحظت عليه يحب الهدوء و سكينه ، يحب خصوصيه ، كعدنه بخانه لوحدنا ، طلب هو الاكل و كعد بصفي يسويلي لكم واكل ..

حجيت ادبر نفسي ترى ..

ميخالف ، صوت الاطفال وضحك لفت انتباهي ، ابتسمت اتامل صوتهم ، حجيت بصوره مفاجئه ، ماتتمنى يصير عدنا طفل بيبر ، شرك بالاكل و ضل يكح مختنك التفتت باتجاه اسم الله شبيك ...

لزمت جتفه بيبر هو يكح ..

اسم الله حبيبي شجاك ..

مد ايده شرب ماي وجر نفس كوه ، مابيه غصيت ،

سكتت ، هو حجه كملي اكل يله برد الجو ..

-حجيت شنو ممفكر بالاطفال ..

لا ممفكر وانتي هم لاتفكرين ..

- اختفت ابتسامتي ليش،..

-بعد وكت خلي نستمتع بحياتنه ملحكين على الخلفه ..

-بس الحلو يصير عدنا طفل يكعد بينه و يشاركنه كلشي ويملي عليه البيت ترى داختنك لوحدي ...

موفرلج كلشي ميرال واطلبي يجي كلشي ليمج ..
-
-داطلب طفل ..

-بيد الله اطلبي من الله هذا ..

سكتت مزعوجه درت وجهي عنه ..

-حجه لا تضوجيني ، كاعدين دنغير جو على شنو كلبتي وجهج ..

-داحسك ممتحمس لفكره الاطفال ..

-ماكو شخص مايحب يصير عنده ضنى وطفل يشيل اسمه بس حاليا كلش صعب خلي نعيش نطلع نطلب لاحكين يمعوده ..

سكتت جريت نفس ، مد ايده يوكلني ، بلشت اكل بس بهدوء مختنكه ، همست لو اكو طفل كاعد بينه ونوكله سوه شراح يصير .

-ميرال هو دكمه واضغطها ويصير عندج طفل مثلا ..

سكتت مدنجه ..

-بيد الله ترى ماصار سنه على زواجنه بعد ..

اكلت وسكتت ، نويت اخلف وخلص ، احاول ، بس شلون ماعرف ، عبالي دكمه لو بالنيه هيه ..

رجعنه بيومها ، خالته جاي ابو زياد ماخذها و لت سبع حجارات وراها كون ، نوب ماخذه ديما وياها على حجايه مامن بيها تضل لوحدها ، اخذتها وياي ..

خلت البيت فارغ عليه ، دخلت انام ، يادوب غيرت ملابسي ومددت انام ، اجه بيبر مدد بصفي بطرك منشفه ، التفتت عليه اريد احظنه ..

مديت ايدي اجت على منشفه ، هاي شنو امشي البس الك شي ، دنام وغمضت عيوني ..

حجه ميرال اكعدي نمتي شنو ..

همست مو تعبانه ..

مو تردين تخلفين ..

ابتسمت ها صدك اي تعال ، بسته .. رد دهاج الزمي ..

ضحكت لا وخر خرب ، رد لا شو غصب عنج ، الا تمدين ايدج ..
هههه وخر مردتني والله ياااا اعضك والله ،،

‏لا تثيري جنون شهوتي
ولا تجعلي إحساسي ينهار
إن إقتربت منكِ ستكونين ضحيتي
سأخترق أنوثتك
وأزيل عنها كل ستار
وأشعل ثورة مفاتنك
وأجعل ليلكِ نـــهــار ...

غفيت ، من بعد قيام ثورات في جميع بقاع اجسادنه ، نمت مبتسمه ، ...

ماعرف شكد غفيت بس متاكده فتره قصيره كلش ، حتى حلم مالحكت احلم ، فزيت على صوت شخطه سياره بقوه و نردمت بشي و جام تكسر ، فزيت كمت لحيلي مخترعه ..

حجيت بيبر ، مديت ايدي الفراش فارغ ، بس دافي كانو توه كايم من الفراش ، اسم الله يماا ..

صوت عواد يعيط .. يهل الليل الاسود شنو هذا من بشر ..

حجيت بيبر وينك كمت لحيلي مديت ايدي اريد البس شي ، لكيت ثوم نوب مشمور جوه رجليه .

لبسته وطلعت ، امشي بهدوء بحذر خايفه ..

همست على كيف بيبر خفت لا اتصادم بهل خبل ، حجيت بيبر شكوو وين رحت ..

وكفت بصاله اسمع عواد يصيح ، ويحجي كتلته ولك كتلته مو اني الي ينداس على طرفي واسكت ..

-وبيبر ينتر وينه ..

-رد ذاك هو صوته ما متوازن ، بالصندوك شمرته ..

وكفت اتصنت انفتحت باب صندوك ، رد منو شافك احد شافك من شلته ..

رد ذاك لاا من شارع شلته ماكو احد ..

-سكت ثواني ورد بيك حيل لو اني ادفنه ..

-رد عواد لا اني ادفنه ..

-رد ادفنه جوه تينه هناك بزوايه بصف الحجر ، خلي فوكها الحجر ..

اني بسرعه توجهت ورديت لغرفتي اجر نفس كوه ، كعدت على جربايه امسح على وجهي ، تمددت لفيت نفسي بالغطا ، ارجف ..

عبالك جو ثلج لو اني ثلجت ، انفتحت باب الغرفه فزيت كعدت ..

حجه بيبر اسم الله حبيبي شبيج ..

غمضت عيوني ارجف شكوو شنو هالصوت ..

عواد ..

بلعت ريك شبي ..

#يتبع ...

كل عام وانتو بالف خير انشالله ينعاد عليكم بصحه وسلامه وتحقيق الاماني يارب ..

صفحه الفيس ( كتابات اسماء ديمير )

asmaa_demerالانستاا ..

كروب الفيس .. كاتبات وقارئات العراق

السؤال ؟؟ منو الي انكتل ؟؟! 🙂