قاع الشياطين

البارت الخامس والعشرون

.............☆البارت الخامس والعشرون ☆............

#قاع_الشياطين(البصر والبصيره)

#بقلم_أسماء_ديمير

سكتت وجهي خرط ..

احس حتى الاحرف اختفت ، فززني صوته ، حجه تعرفين موو؟؟!

مارديت ، جف بلعومي من خوف ، حجه تعرفين معناها ، ضحك شلون ماتعرفين وانتن دوم كاعدات تسولفن سويه ، جر نفس ..

صوت عيتطها ليمنه وصل والله تصرخ صراخ اني من يمي بجيت ، حجت راح تموت بيبر حرام هالشي مو بهل طريقه اخوك هم مقصر وياها ..

نتر بيه جفلني :- هذا ياهو يقصر معناها مرته تخونه هااا هذا منطق يالعاقله هاي عود انتي الواعيه ..

رديت بخوف :- اخوك يضرب ضربه موت لا تموت بيده انته مو تعرفه ..

-كلشي ماعليها تاكل جم ضربه ، وتسكت حاجيتها اني بالهدوء ماخذت بالحجي عبالي ادميه بس خلي رجلها هو يربيها على ايده ..

ضليت ساكته اني واكل بروحي ، صوتها مستمر تتوسل وتعيط ، ، هو هادئ بشكل ، و يحاجي بامير ويضحك وياه .

من خنس صوت ديما جفلت حجيت ماتت !

ضحك مارد عليه اجاهلني وكعد يلعب بامير ، نترت : بيبر يمكن ماتت ..

صوت عواد يصيح يكول والله لادفعها ثمن غالي بنت زناااا ، طلع ويركع بالبوب ، ركب السياره و شخطها صاح بيبر ستتتار روح وراه بالعجل ..

اني عفته وكمت بسرعه للداخل ، توجهت لغرفه ديما اصيح ديماا وينج ..

عثرت بكرسي واكع بالارض وخرته و مشيت ..

لزمت الباب الخشب لونها جوزي ، لاح عندي لونها فتحت الباب ماشوف شي بس لمحت شي بالكاع .

تقربت عليه شعر موو..

مديت ايدي اي والله شعر اسود ديماا شبيج كومي ..

درتها داكلبها لزمت وجها رطب ، رفعت جف ايدي لوجهي قربته دم لونه احمر اي دم هذا والله ...

عطت يمااا ولج ديمااا ، هزيتها ماتتحرك ..

دم وربي دم ، وجها كله دم ممبين ملامحها بس دم احمر ، وشعرها اسود ، هزيتها ديمااا ..

ونت بالم ، ياايمه عايشه انتي ولج شبيج كومي كومي وياي ..

جريتها اكومها ماتكوم بجيت خرب بحظج كوومي شكتلج ااني شنبهتج شحذرتج كومي ..

مابيها تكوم بس تون ..

حجيت وين حمامكم ؛ داخذج هناك كومي ساعديني جريتها ماتكوم داعيه خركه ..

كمت لحيلي اهبد على اي شي ، افتر ادور اكو حمام داخلي عدهم هنا ماكوو ..

لزمت الجربايه جريت الغطا شمرته واخذت بس الجرجف ورجعت عليها امسح بوجها ..

فايضه دم وربي ، احمر لون احمر حيل فياض مدبكه كلش..

مديت ايدي وكمت لحيلي ، اجت ايدي على ميز ابنها اكو غلايه فتحتها اشوف بيها ماي لا ، لكيته بس دافي مو بارد..

مديت اصابعي اتاكد دافي ..

جريت الغلايه ورجعت عليها انعتت وجلبت ايدي هي والغلايه جن علكت لان واير مشكل بعده بالنقطه نسيت مافصلته ، فتحتها ورجعت عليها ، اني واكفه فوكاها اكللها وينج ديما ..

خرب ضيعتج بيا جهه انتي ، مشيت اهبد شايله الغلايه ، اتوجه يمنه نوب يسره خرب دخت ...

اسمع ونها خطيه توجهت علي الصوت ، كبل طخت رجلي بشعرها فزيت فزه ، و كولي هيج واكعي يالغلايه من ايدي ، هيه والماي على راس ديما ترس ..

بس اسمع صوت الهبده الطننن ، خرعتني خليت اديه على حلكي اااللللله ولج ديمااا نوب خاف جان بيها نفس تون هسه حتى بطلت تون عطت كبل باعلى صوتي بيببررررررر ماات ديمااا الحكني ..

ماكو صوت بجيت اعيط ولكم ماتت وكعت عليها الغلايه مادري والله عزا موتتها اني ..

دنجت للكاع كلها ماي وهاي ماتتحرك ولا تصدر صوت ، اجه بيبر حجه بهدوء شكوو ..

بجيت بخوف ارجف :- ماتت بيبر ..

-مابيها شي ولج ماكله جم راشدي بس ..

-دم بيبر دم ..

-خشمها طاك دم سهله هاي ..

-ماتتحرك ..

-غميان عليها عوفيها هسه تصحه ..

وكعت عليها غلايه يمكن.. قاطعني كافي تعاي كومي اتجه عليه جرني عوفيها هسه تصحه ..

-خطيه بيبر ..

-انتي خطيه ، جرني طلعني من يمها ، كالي امير بالغرفه ضلي يمه ، بين ماتصحه امه ..

دخلت للغرفه ، لكيت امير ذابه على الجربايه و الطفل ساكت خطيه ..

طلع شوي ورجع بيده علاكه حلويات حجه تلهي بيهم انتي وياه بين مارجع اشوف عواد وين راح ..

رديت بخوف :- وديما ..

-.شبليتيني بيها ، تكعد تكعد اصلا تلكيها دمثل هاي ..

عافني وطلع التفتت على امير ، شلون حظ عليك انته لا ابوك ادمي ولا امك حرامات بيهم انته ، لزمته من رجلي ساكت ..

جريت من علاكه ادور ، فتحتها جباسه و حلويات ، شلت نستله فتحتها لزمت ايده اخليها بيده حجيت اكل تعرف لاا ..

مايحجي ، زين هذا شلون اوكله اني ، خرب بيبر شخليت يمي انته هو اني روحي ممدبرتها ..

فتحت جبس اكل منه ، ليز ابو اليمون باين من طعمه ، كعدت امطك باصابعي ، ماعرف شكد مر بس امير جن نام ، شو حتى ماله صوت ، لزمت رجله بارده ..

جريت الغطى من الجربايه غطيته بي ، رجعت اكل جبس ؛ لهناااااك وتذكرت ديماا يااا برود كلبج ياميرال نساج الجبس هالمسكينه ..

دتاكلين جبس وذيج صايره جثه بغرفتها ، ذبيت الجبس و لزمت عصاتي وتوجهت لديما ..

قريب ماوصل الباب سمعت صوت بجيها وتحجي اااخ ياايمه الحكيني شدعي عليك يابه شمرتني هالشمره وكفت بمكاني مقهوره عليها ...

وصلت يم بابها دفعتها حجيت ديما ..

-ردت شكوو ..

-عايشه خيه عبالي متي والله ..

-عبالج ميته وعايفتني من طاح حظج اي والله ..

-بيبر ماخلاني اخذج للحمام والله جرني جر ..

-رجلج هم كوا* كله منه والله كله من راسه ، عواد شدراه لو مارجلج ..

سكتت لازمه عصا وهيه ترزل بيه دنجت راسي ضايجه و هيه نزلت على بيبر ..

-درت ظهري ارجع لغرفتي حجت ابني وين اخذو كواوي*

-عندي بالغرفه ، ردت بنتر جيبي هنا يمي ..

-خفت اكللها ماعرف اشيله وتعيط بيه ، رجعت كبل للغرفه ، دخلت لغرفتي توجهت للجربايه مديت ايدي على مكان امير ، ذبيت عصا على صفحه و شلته كوه صلاوات ثكيل حيل عبالك عمره اكثر من سنه ،

هو يطوطح بيدي يروح يمنه ويسره ، راسه هالكبر باين ماشالله ، كمت الهث ، مشيت كوه بحذر ، انداريت اشيل عصا ، ماكوو .

هذا وكتج خرب ، مشيت ، وصلت الباب مدري جلب بيه عتني اني وامير ..

مديت ايدي اتلمس ، طلع جرجف مجلب برجلين امير ، جريته وشمرته توه اندار حيل امشي و ينربد راس الطفل بالحايط و يعيط فززني رجعت ليوره مخترعه و ينضرب مره الثانيه بالكنتور ياااا صخام بوجهج ميرال فشخته للولد ..

ضليت مثل الثوله افتر هو يبجي ويصرخ متوجع ، مديت اديه اتلمس شنو كبالي ..

اجت يده الباب بيدي فتحت الباب هو يبجي صرعني صرع ، طلعت تلكتني ديما تحجي شسويتو لابني ياظلام ياماتخافون من الله ..

جرته مني حيل و هذا يبجي مخترع ، ضليت جامده بمكاني خفت لا تشوفه مضروب براسه و ترجع عليه ، ضليت جامده وهيه تحجي ..

راحت لغرفتها واني رجعت للغرفه ، دخلت حلويات بالارض دست على مدري شنو بس اسمع صوت الجياسه مالتهم يخرخشون ..

حاولت المهم بس ماندلهم ، كعدت وسكتت شسوي ،

، رجع بيبر لكه جرجف وحلويات تارسات الارض ..

- حجه شنو هاي ليش هيج الارض النعمه والجياسه تارسه الكاع ..

- فتحت عيوني هاا النعمه بالكاع ؟؟ ، جريت جرجف ويمكن وكعن مادري ترى ..

دنج هو يلمهن و يعدل بالغرفه و رجع جرجف لمكانه ، حجه خوش ام بيت اني ارهم ..

ابتسمت ، تتعاجز بيبر ..

-اخدمج بعيوني ميرال صدكي ، مد ايده على خدي يتلمسه ، رمشت بهدوء ، لزمت جف ايده اتلمسه ..

ماحبيته حب مراه لزوجها لا ، والله حبي اله ماتوصفه كلمات ، حبي جبير حيل ، لدرجه مجرد ماقلق عليه كلبي تزيد دكاته ، و النفس يضيك عليه ..

شلون مره الارمله وعدها طفل واحد و كلبها يرجف لاتخسره وبعدها تضيع حياتها وعمرها ..

هيج بالضبط ماعندي شي اني والله سبحانه وتعالى نطى الي ، ماعندي ذره استعداد اخسره ابد ولا اتنازل عنه ..

نمت بحظنه هو يهمس باجر وراي شغل الصبح ، لا تخليني نايم بحظنج كعديني عود و طرديني ..

خليت خشمي بحظنه اشمه ، الله كريم منا للصبح .

نمت دفيانه مرتاحه ، وكلبي هادئ ، عكس ديما الي نامت متوجعه تون من ضربات جسمها وروحها ..

ماتكدر حتى تنكلب على صفحتها من الالم ، نامت على ظهرها وعيونها مفتوحها ودمعها ينزل بسكوت ..

عواد مارجع ، ولا سال و لادز احد يشوفها شنو عليها ..

بالحظه زعل دكت على قاسم مجرد مافتح الخط بجت هيه ، تريد احد يطفي وجعها و يحس بيها ..

سمعها تبجي وعرف صوتها بس ماحجه وكانو رساله صامته يكللها طلعي الي عندج اني هنا ..

دقايق هيه تبجي و تشهك همست مقهوره ، ضربني ..

- رد ضربات الله اقوى لا زعلين ..

-جسمي يوجعني مابيه حتى اروح للحمام ..

-جر نفس ، غمضي عيونج وخلي بالج فكره كلشي راح يمر زعل او فرح كلها زائل و قتي ..

-ليش يكرهني ماذيته اني داذي نفسي بس ..

-لان غبي ،

-ابني شنو ذنبه ..

-ابنج اختبار ديما ..

-سكتت تشهك ، حجه ليش،ضربج هالمره ..

-رديت برود :- صاحبت عليه ... ضحكت بهستيريا .. اي صاحبت عليه والله لو تدري منو واحد صاحب كوزمتك ملابس اطفال ، ابتسمت ،

سكت قاسم مختنك ..

كملت كلامها برود :- ماحبه اي نعم بس المهم ضوكته الي داضوكه اني يوميه جرعته نفس كاس الي يشربه الي كل يوم ..

-رخصتي نفسج ليش ..

-مارخصت روحي اهلي رخصوني من زمان من يوم الي نطوني اله ، اني داحاول اشتري نفسي ...

- وبهاي طريقه ..

-لعد ياطريقه قاسم ، طريقتك مثلا اغلي نفسي ..

-ليش لاا ، اطلكي منه و اني اخذج والله ..

-ليش ماتفكر قاسم احسك غبي وانته مستسهل السالفه ..

- ليش انتي الذكيه مثلا ، الي كل يوم حاطج وداكج مثل الحيوان ، و ترجعين عادي وياه ..

- مجبوره ..

-ماكو هيج حجي ، كلشي بيدج تكدرين تمشين لاهلج و تكولين ماريده خلص ..

-بينهم شغل تعتقد يقبلون اجي اني انهي شغلهم بهل سهوله ..

سكت ، على سالفه الشغل ماعرفتي ..

-شنو ..

-ممم باين ماتعرفين شعجب ما سمعتي بيلاف ..

-شبيها ايلاف ..

-مو راح يزوجوها لابن الحجي ترضاوه بالاجتماع هيج سمعت ..

-سكتت حجت بعدين ايلاااف بت ام زياد ماغيرها ..

-اي ،

-مادري ..

-شعجب ..

-مو احنه مو بالفله طلعنه لغير بيت بس هم ضلو هناك بالفله جبيره فمادري اذا اكو هيج شي ..

-لا هيج تفقو ، و ضل بس تتنفذ ...

-مسكينه كانو راح تصير ضحيه ..

-مو كانو هيه صارت ضحيه وخلص انتهت ...

ضلت للفجر تحجي وياه و نست المها بوقتها او تناسته ، المره الكلمه تزعلها و كلمه تفرحها مو لان غبيه لا حشاها بس الله خلقها عاطفيه ..

لو لا عاطفتها جان حقدت وكرهت كل من اذها ، مثل ديما رغم الاذيه والاهمال ماكرهت عواد صح ماحبته بس ماكرهته وتاملت يجي يوم يباوع عليها ، ماكرهته لان عاطفتها الي الله زرعها بحواء ماتسمح بهل شي ...

ميرال ..

على ضوه الشمس و لاحت الوانه ، صوت العصافير باعلى الاشجار ، وبانت ريحه المنظفات الي تستخدمهم وسن للبيت ،

ريحه جاي المهيل ، حست ميرال فتحت عيونها ، لاح بنظرها ضوه ابيض جاي من شباك ابتسمت ..

دارت وجها على حبيبها صاحب الحيه خفيفه و شعر الاسود ، مدت اصابعها تتلمس حواجبه لطالما كان حلمها تشوف وجه محبوبها وتكون عدها صوره اله بمخيلتها ..

تقربت تهمس بحب ، اكعد بيبر يعمري ...

ماتحرك ، عست طرف اصابعها بخده .. صار الصبح وراك شغل مو كلت كعديني شمس شعلوها صارت ..

رمشت عيونه ، ضحكت اكعد ..

جرني عليه فتح عيونه النعسانه ، صوته مبحوح بحه نوم ... شسوي بالصبح وانتي صبح مالتي ، نور وجهج اعلى من نور الشمس ..

ضحكت خليت راسي على صدره ، كمل بعد ..

ماكدر رفعي راسج حتى اكدر اعبر زين ، ضحكت رفعت راسي بوجهه ، مد.اصابعه على ملامحي يتلمسهم ....

مد ايده يتلمس خدودي ، ابتسمت وبانت خدودي ، همس صافن عليه وجهج هدوء وسلام ميرال ...

سكتت ، ملامحج هدنه لمعارك الافكار ، رفع نظره على عيوني ..

عيونج حظن دافي للبردان ، رخت ملامح وجهه و بانت بعيونه لمعه غريبه ، كلبي انقبض من تغيرت نبره صوته ..

مديت ايدي على وجهه :- روحك دتوجع ليش ..

جر نفس عميق حجه لان جوعان ضحك يتهرب من الاجابه دفعني يله كومي سويلي ريوك ياامره يله ..

كعدت على حيلي كام هو يلبس ، ضليت على كعدتي صافنه عليه ..

دخل للحمام واني كمت لبست و دخلت وراه ، طلعنه نتريك ، تريك وراح للشغل ..

ديما ماطلعت من غرفتها حتى ابنها ماله صوت ، خفت اروح عليها ، تركتها دكت ساعه بال١١ كلت اروح اشوفها خاف بيها شي ...

حجيت ويه و سن تحظر ريوكهم بين ماشوفها ، مشيت لغرفتها ، دكيت الباب ماكو رد ..

فتحتها ودخلت ، همست ديماا ..

ماكو صوت ..

توجهت عليهم للداخل حجيت ام امير وينج كاعده ، ردت بتعب هاا شكوو ..

-وكفت بلعت ريك ضل بالي يمج ..

-دتعاي ساعديني مابيه اكوم كله من رجلج العا....

سكتت خاف تفتنين علي ولج ..

-على بختج ديما صدك تحجين ..

-كمت ماثق باي كوا* بهل بيت بعد الي صارلي البارحه ..

سكتت .. حجت دتعاي ولج ، مستمره تفشر وتغلط ودردم ، انس خنست شسويلها من حركه كلبها ، مشيت باتجاه الصوت ناويه اساعدها ، مديت عصاتي وينج ..

-دوخريها للعصا راح تدخل بعيني هو اني عايزه عاهه ..

ابتسمت مديت ايده لزمتني تكوم كوه صاحت اااخ ياايمه ، اشتعلت عشيرتك يابيبر ، كون مرض بذاك المكان ياعواد تمشي وتحك بي ..

كتمت ضحكتي كوه ، درت وجهي اضم ابتسامتي ..

لزمتها من خصرها اسندها ، دخلت للحمام و كفت اني يمها ، حسيت عليها تنزع بملابسها و دخلت لماي تسبح حجت اروح بين ماتخلصين ..

-دبقي ولج شوي واكمل شايفتني مصلخه وطالع طي** و مستحيه امداج ، ..

-عوذه الفاضج انتي و تالا نفس الشي ارتقن شوي ..

-خلينه رقي الج كحب*

-فكيت عيوني مايلام بيج عواد والله يع شهل الاسلوب ..

-ضحكت على سالفه النغ* عواد مشوه لوجهي حتى خشمي معوج جن راح اسويله عمليه تجميل مو افضل حجه بحجتين شكلتي ..

رخت ملامحي :- بكيفج ..

-هاي ضربه شنو ؟؟!

- ضربه شنو ..

-بيش ضاربني هالساق* شو كصتي معنجره ، اتذكر اني تولاني راشديات و دفرات بس هاي عبالك هافني بشي ..

-بلعت ريك بخوف :- وين ضربه كلتي ؟!

-بكصتي والله العنجره صايره جنها تفاحه خضره ..

خرط وجهي ، ابتسمت بخوف ، مابيج غير العافيه يله اطيب ميخالف ..

-ادفعه ثمنهم والله العار ، جريتها دتطلع ، حجيت الريوك جاهز تاكلين وياي ..

-ردت اي جوعانه ..

جابت وسن الاكل ، من بره صوتها مستغربه شكل ديما نترت بيها ديما تعاي اخذيلي صوره فرد نوب وياج و فضيها ، صفنتي بوجهي شكو اطلعي بره يله ..

طلعت وسن حجيت ليش فشلتيها خطيه ..

-دخل تولي منافقه هاي مال ام زياد هسه تروح تنقللها الحجي ديربالج منها ..

-سمعت عدها ولد معوق ..

-اي من زمان من الولاده...

-مسكين ،

-على سالفه المسكين ماعرفتي اخر المستجدات ..

-شنو ..

-ايلاف غير راح تتزوج ..

-بالخير بس شوكت انخطبت ماعرفت ..

-لا عواد وبيبرس راح يزوجها لابن الحجي سمعت هيج يكولون ..

-شلون يعني ..

-شدراني هذا سمعته ..

درت وجهي صافنه بحجيها ، بيبر ماجاب الي طاري ابد ، شغله مايحجي بي بس ديما ماشالله ماتنظم عليها سالفه اخوها يوصللها الحجي ماعرف منين ..

طبعي مو فضوليه ولا حشريه ، مره رحنه اني وياها للفله جبيره اخذنه ابو حمد بالقارب راد يكلبنه بيها كم مره مايعرف يسوقه ..

بس الله ستر وبالرجعه رجعنه ستار سمعت بشار وضعه متحسن و بعد كم شهر زواجه ..

مرت فتره و تاكدت انو ايلاف انخطبت ، سمعت من تالا تكول كلبت البيت عليهم بجي وعياط ، لدرجه طالعه تركض للحديقه تريد تشرد لاخوها ..

و ساحليها الحرس ومرجعيها وابوها راد يحطها ويضربها لان واكفه تراددهم ماتقبل ..

من جزعت منهم خابرت اخوها زياد تشكيله منهم ، مخابر بيبرس يدخل و يكله ماتريد مو كوه ..

امه مدخله و مرزلته و ناطيته حجايه مزعلته انته ختاريت تبقه بعيد فخليك بعيد عن حياتنه وقراراتنه...

شي مالك خص بي مدامك ماعايش ويانه ، من صدك انقهرت عليها ، علاقتي بيها بارده بس صعب حيل اسمعها تبجي و اغلس كلبي يوجعني ..

ماحجيت ولا ادخلت شعليه ، اذا هي امها فرحانه و تفتر و متباهيه ، وتكول حسب ونسب وجاه وين نلكه هيج نسايب بس هاي غبيه ماتفتهم من تشوف العز ودلال تتغير وتبوس ادينه وجه وكفه ..

، فتره و صار العقد ، بالفله جبيره ، ضليت اني وديما يوم نشتري فساتين يوم نسوي منكير ، يوم شعرنا ..

هيه راجعت على وجها والاثار تحاول تخفيهم قبل الحفله ، صح خفو بالمكياج ، بس الانحراف بخشمها حسب كلامها لا ..

لبست فستاني ومشيت لديما اكللها لبسيني العدسات عيوني يوجعني بالكت تهود ..

بالاول عبالي من مكياج لان ماخلي مكياج وهاي مرات قليله و هسه تحسست ..

ربع ساعه يله كدرت تلبسهم الي مانطيتها مجال اخاف منهم ..

ابنها يبجي وهيه حايره بيه خطيه ، وكل شوي تلتفت عليه تكله ابن جلب انطيني مجال شوي ..

لبست تك عين بس وراحت عليه رمشت بعيوني اني اتعود عليها ..

كل رمشه حياه ، كل رمشه صوره ، كل رمشه نافذه اشوف منها ، ياارب صدك عود ..

غمضت تك عين الي مابيها عدسه ، و ضلت الي بيها عدسه مفتحه ، درت وجهي على ديما شايله ابنها تسكت بي بعد عني متر ...

لاح بنظري بنيه متروسه طولها وسط وبيضه كطن كطن ، شعرها البني ، تجنن جنها كرديه ...

رمشت بهدوء مدمعه ، مديت ايدي على عدسه ثانيه البسها بنفسي ، اديه ترجف ، طلعتها كوه متوتره .

ماكدرت اوصلها يم عيني ماكدرت مادبرتها ارجف رجيف ..

حجت ديما فززتني عوفيها لاضيع يمعوده وين نلكاها وهيه شفافه انتظريني شوي البسهم الج ..

كعدت على كرسي رفعت اديه اشوفهم ، لاحت حلقه بيدي والاسواره الذهب الناعمه ،

اضافري الي مزينها لون الماروني وبيهم شذر ..

ابتسمت حجت ديما ارفعي راسج داخليها ، رفعت راسي مدمعه ومبتسمه ، خلتها وخرت تعدل بوجها قبل لايجون الولد ..

درت وجهي على ابنها امير ، وكفت ابالع بريكي ، طفل صغير مدد على جربايه لون الفراش نيلي باصفر ..

طفل لابس قميص سمائي ..

غمضت عيوني لزمت راسي ، درت وجهي على الباب مو واضح بعيد عني تقربت عليه من وصلت قريب بينه كم شبر يله وضح ..

تلمست الباب ، دنجت على فستاني ، لون بيجي ، حذائي الي يلمع بكرستال ..

جسمي رجف ، عصاتي الي لونها ابيض واسود ..

اجو الولد ، نوب عيوني مغرغره دمع ماكدر اشوف زين كوه مصبره نفسي مابجي ، اسمع اصواتهم طلعت عليهم اشوف بيبر لاح عندي هيئه رجل من بعيد طويل بس مامبين ..

تقرب يمي حجه ها حبيبي خلصت....سكت ، شطالعه ميرال ..

ابتسمت تعال تقرب يمي ..

وكف مقابيلي مديت ايدي جريته اشوفه لزمت وجه باديه بسبب دمع ماشفته مداشوفه زين ..

همس عيونج حمر ليش باجيه ..

-يوجعني شوي ..

باسني من كصتي غسليهم بماي بارد .

-لا يخرب المكياج .. خليت راسي على صدره تلمست سترته ..

-بلا مكياج حلوه لا تاذين نفسج بالمكياج ..

اجت ديما حجت بزعل خلصت ، حجه على سيارات يله ، طلعت كبالنه واني حاظنته ، طلع وجرتي وراه للسياره ..

صعدت بيها ، اي شي قريب مني بمتر واقل داشوفه صح مو بذاك الوضوح بس باين ..

كل شوي اتلفت على بيبر داشوف شعره راجع ليوره سترته نيليه ..

درت وجهي صافنه ، والله ستحيت اكله داشوفك حبيبي ويضحك مديت ايدي بخجل تلمست لحيته رفعت اصابعي على خده فدوه لكلبه ..

وصلنه للفله ونزلنه ، توجهنه للصاله كبل ، دخلت اني وديما ، بس الزلم هم ضلو بره ..

دخلت لكيت نانه وتالا ، استغربت ايلاف تبجي بصوت .تحجي مااريد يماا ماااريد موتوني احسن مااريد ..

جرتني نانه تعدل بشعري تكلي طالعه تخبلين ، ابتسمت تقربت بستها لزمت وجها ، سمنانه نانه ..

-لا وين ولج ضعفانه ..

-وجهج مخدخد داشوفه ..

-دكعدي داجيبلج ماي تشربي ، ليش عيونج هيج باطتها بالكحل ؟؟!

-همست بفهاوه ، لا ، درت وجهي افرك بايدي ، سمعت صوت سيارات بره و فتحته الباب خارجيه بصوت قوي ..

اسمع يحجون اجو اجو ...

ام زياد نترت حيل بنتها تكللها محامي شبي يخبل ، و المهر خير من الله ثروه بحالها ، وين تجيج هيج قسمه نوب ابن الحجي شتردين بعد ..

ردت مقهوره :- الزواج مو جبر ، ماريد تزوجوني بكيفكم ..

-يجي بيبرس واحجي كباله بالله مالي علاقه ابوج مكيف عليه شبيج انتي ..

انقهرت عليها اجت ديما كعدت بصفي ، حجت شفتي ماراضيه ايلاف سمعتيها مو ..

-خطيه كلشي جبر الا زواج ...

-لو منها انهزم ..

-لا دخيلج هم تنهزم وياخذها واحد مثل عواد يستر عليها يطيح حظها ..

-هم صدك لو اني ماخذه الولد اقاربنه الي نهزمت منه اشرفلي من عواد ..

-تكرهي لعواد ..

- لا بس ماحبه هم اذاني حيل ابن جلب ، اكول مشتهيه نركيله شسوي ..

عوجت حلكي :- الله يصلحه انشالله ، لمي مشتهاتج خيه احنه بمناسبه عيب .. صاحو جيبي البنت دنعقد يله ..

اخذوها يم الباب وهيه نفجرت تبجي بصوت وتون وتصيح مااااريد يمه ماااريد ..

انفتحت الباب حيل ونربدت بالحايط و خنست هيه ..

صوت نتره بيبرس بيها شبيج ولج .

ردت بخوف صوتها رجف :- حشتاق لاهلي ... وسكتت ..

-يوميه تجين يمهم منو لازمج صوتج نصي عبالك ماخذيج للمصلخ ، دماغ سزز ..

-عضيت شفتي يماا منك ابو السان ..

طلع وربد الباب وراه حجت هيه بهمس مبرطمه يماااا..

-امها حجت وجعه اصيحه والله ...

-سكتت تبجي بهدوء كسرت خاطري والله ، عقدو الها وهيه تشهك جان عقد زلم بس ما وياهم نسوان بس وعدوهم بحفله رسميه و زواج ضخم ..

طلعو و ضلينه بس احنه العايله ، هيه دخلت لغرفتها تكمل رحله البجي ، اضن تحب و فرقوها عن الي تحبه والا ليش هالبجي سمعت الولد خوش انسان وسمعته طيبه و عنده شهاده وحتى ديما كالت شكله حلو صح اصلع بس حلو شبي ابو كرعه هم يسوي شغل ...

اصلا من ذكاء الرجل يوكع شعره ، والمره يوكع شعرها من قهر و ضيم الرجال ،

ابتسمت ، شغلو ديجي يركصون ، انتبهت على صوت مو غريب عليه ، من ركزت بي عرفت مرت عدي ام بحر ..

تقربت هيه سلمت علينه كالت توه دخلنه تاخرنه بسبب الازدحام ..

مرت عدي انسانه جدا مثقفه ، ولبقه بالكلام ، عرفت تشتغل مدرسه لغه عربي ، وياها ابنها الصغير ، كعدت يمنه تسولف ، ابنها تقرب من رجلي يلزم البلك بطرف فستاني لزمت وجهه رفعته عليه ..

خدود ناعمه و لابس قاط ، وشعر مشط صفح بطريقه راقيه ، و من شكله مبين متربي مرتين هههه، مدنج ..

رفعت اصابعي افرك عيوني يحركني كانو عدسات تعبتهم ،

طلعنه بالحديقه حسيت واحد لزم جتفي ، التفتت حاجاني بيبر هاي اني حبي ..

انداريت عليه حظنته :- راسي ياذيني ..

خلي راسج على صدري هو يطيب ، خليت راسي على صدره حظني ، صوت الموسيقى هادئ بشكل ..

ستار شغل دبكه و صاحو لببير تعال ..

حجه تجين ..

-همست لا مابيه اكعد هنا اسمع الكم ..

كعدت على صفحه بصف مرت عدي و هم كعدو يركصون سويه دبكه ، تقربت مني مرت عدي وهمست سمعت تزوجتي المهندس بيبرس عن حب ..

-درت عليها فرحانه :- اي نعم ...

-خوش انسان الاستاذ بيبرس ..

-اشكرج ربي يحفظ الج رجلج يارب ..

- تسلمين ، اسمع صوت مواعين تكسرت ، حجت مرت عدي عواد ولا كانو اخو بيبرس ،

-ابتسمت ليش شبي ..

-بطله بيده و مثل الخبل الله يعين مرته عليه ، رفعت حواجبي ليش رجلج مايشرب ..

سكتت ، ماردت ، شوي و اسمع حجي ام زياد تحجي وتصيح على ستار تعال شيله يمعود خرب النه الاكل عليش تنطو بيره و تخلو يجرع مو عندنا مناسبه وفرحانين ليش تخربوها علينه..

حجه بيبر جيبه هنا يمي تعال ، جرو جر كعدو يمنه ، هو بس يخربط نوب يغني ..

وضعه ابد مو نظامي الله يعينج ديما على هالشوفه ، بيبر يرد يكله ليش،مثكل خليك فد يوم صاحي ..

-حجه اصحه بس من تفتحلي المطعم ..

-هو احنه نجيب و نكثر بهل مطاعم على شنو ،

-مطعمي غير راح اسوي بي بار اوربي ، رد بشار باريش هذا حتى تشربه كله بيوم وتبربع بي ..

-رد ذاك مثل الاثول لا لااا هذا بار حلال حسوي حلال يعني ..

طلعت ضحكه مستهزئه ، من عدي استغربت وجوده ماسمعت صوته وين كاعد هذا ، رد مستهزء ..

-بار حلال ، لازم المشروب ماي زمزم . لو الكحول قرء عليها السديسي .. لو تخلي بي حمامات وضوء ..

لو اغانيكم هيه ذرفت عيناي دمعا لو رقت قلبي ..

سوو مهزله ضلو يضحكون عليه ، بينما عواد اندار على اخو بعصبيه ضايج ، بيبر رفع حواجبه يكله كاافي ...

رد عدي يكمل استفزازه ، دبر دنفسك و اضبط روحك و يله عود نسلمك شغل ..

كام لحيله عواد لازم بطله بيده ، ليش لايكون الشغل شغل خلفتك داخذ رايك بالاول ..

رد عدي بنتر :- اضبط الفاضك لاكوملك بالقندره ..

-لا كوملي بالله دفعه بالبطل ، توه يجر ايده و يسحبه عدي و يلزكه بدفره هو بطل الشرب كلبه فوك النسوان ويوكع فوك ام بحر و ميرال ..

بيبر ركض يشيل ميرال من جوه عواد ، عاطت خلت اديها على وجها ..

وتصيح شرب شرب دخل بحلكي خرب ..

عواد كام مره ثانيه يطوطح استغل انشغال عدي بمرته ، شال بطل و هف عدي على راسه ..

تكامشو ، الافضليه لعدي كونه صاحي لزمو الولد يجر من فوك عواد ، بيبر عاط كااافي ، هي دمااغ سزززيه كااافي ...

رفعه ميرال الفستاني كله ريحه شرب وجها انطعن احمر ردت راح اتقيئ راح اتقيئ لعبت روحي بيبر ..

نانه لازمه وصله وتمسح بوجه ميرال و تحجي يااا ، راح الفستان ، جرها ياخذها للبيت يغسل الها بس دخل الفله كبت عيطتهم بره ..

جن ماراضين يعدوها على خير عافهم وحار بمرته الي بس دخلت الحمام ضلت تتقيى وتكله نزعني نزعه الي ريحه مقرفه عفيه ..

نانه حجت خلي تنزع هسه اجيب الها ثوب من غرفتكم القديمه ركضت تجيب الهم ، وذولاك لساهم متمالخين ..

فكوهم كوه ، دخل عدي جوه هو مرته وعواد خلو بالحديقه ونطو بطل جديد و سكت ، طلع بيبر من الحمام يباوع عليهم مو راضي ..

حجه عدي اخوك تلكاله صرفه بيبرس الا قسم الله اخلي بي طلقه واسكطه الك ..

-ليش انته قصرت بي هسه مثلا ..

-اخوك عار كل فايده مابي مثل حيوان بس نعلف بي فوكاها ماعاجبه شغلنه ..

اجاهم صوت من وره هذا منو الحيوان ، اندارو عليه لان عواد وبيده السلاح وياشرر بي ياهو هذا الحيوان ابن ساقط*

#يتبع ...

اعذرونه على تقصير بنوتات بس لا تفاعلكم يسوي واهس و لا تعب رمضان ينطي مجال .. والتمن علي مشتتات البال ..