قاع الشياطين

البارت الواحد والعشرون

.............☆البارت الواحد والعشرون ☆...........

#قاع_الشياطين(البصر والبصيره)

#بقلم_أسماء_ديمير

كمت لحيلي بسرعه مدهوشه ،  اريد اتاكد هاي شنو ..

رفعت اديه لوجهي ، هاي اديه موو ، خليت جف ايدي مباشرتا على وجهي ، لا خاف متوهمه ، كمت بسرعه من الفراش عثرت وكعت من جربايه على وجهي ..

كمت اباوع الارضيه ، تلمستها ، رفعت نظري على اديه نزلت راسي على ملابسي لابسه ثوب نوم ..

الصوره ما واضحه بس اكو شي اكو الوان اكو منظر ،مو عدم مثل كل مره اي والله اكو شي ..

موجود كلشي مشوش بس داشوف والله داشووف ..

رفعت وجهي كدام شفت ضوه قوي ، كمت لحيلي تقرب عليه مثل تايه ودايخه ، وضحكت عندي شباك وهاي برده ..

لزمت البرده فتحتها حيل بسرعه ، مديت ايدي جام شفاف ، اكو خضار امبين بس ماشوف اشجار بس لون اخظر  ..

درت وجهي بسرعه على الغرفه ، لزمت راسي ياارب ماكون جنيت ياارب ، مشيت واتعثر ، ضربت رجلي بالجربايه ، الاخشاب اسود و ابيض ، موو تقربت للكنتور اي والله هاي الالون ..

هاي نقشه ذهبيه ، فتحت الباب كنتور بسرعه ..

ملابسي معلكه الوان ماشوف تفاصيل بس الووووان ..

داشوف الووان ، ضحكت ، ضحكت بجنون داشووووف ..

توجهت ركض للباب افتحها ، تذكرت نفسي بملابس النوم ..

رجعت بسرعه بحذر خايفه ، مديت ايدي كبالي ضحكت ورجعت بجيت دشووفين لاتخافين ماراح انضرب بشي ..

لبست الروب ، دالف الشريط واسمع ديما تبجي ..

توه افتح الباب وكفت خايفه و عواد يغلط ، وام زياد تكله شلون يعني اخابر بيبرس لو شلوون من صباحيات ..

فتحت الباب شوي و اسمع صوت اقسام مال سلاح ..

سديت الباب كبل ..

صوت صراخ ديما و صوت طلقه عطت و صميت اذني حيل دخيلك ربي ..

و صوت ابو زياد و مرته صعدو يركضون ..عواد يردد انطيني الي عندج يللله شكد عندج جيبيهم …

وهيه تكله ماعندي بس ٥٠٠ دولار والله ليش انته منطيني هذني بيبرس نطاهم الي خاف امير يحتاج شي …

اديه ترجف ، مشيت بسرعه لزمت الجهاز ، جهاز لونه احمر ، اي والله احمر ، درت وجهي الفراش شنو هذا ..

مابين بس امبين لون ، الرؤيه شلون السكماتزم القوي ، هيج اشوف بس بدون ملامح بدون تفاصيل بس شكل ولون وخلص ..صراخ ديما تعيط و صوت ربد ..

يصيح عليها الحيوان ويضرب وهي تعيط ..

دكيت على بيبرس بسرعه .. رد ها حبيبي ..

- حجيت بيبر داشوف ترة دااشوف ، اخوك رمه على ديماا ماعرف شكوو..

-شنو مافتهمت شنو ..

-تعال للبيت بسرعه تعال ..

سديته منه وكعدت انتظر ، كمت بسرعه غيرت ملابسي و فتحت الباب ، مديت راسي خايفه ، عواد صوته جوه يصيح خالته ترد عليه دكاافي شبيك ..

ذاك اخوك اخذ منه هي شعدها راتب مثلا .

رد عليها يعيط عدهاا عدها بنت النعال اضمهم علي ،

-مشيت بهدوء لغرفه ديما ، صوت بجيها عالي ..

لزمت راسي يصل عليه شلون صوت ززززنه ادك براسي دك ، لزمت راسي ودنجت للارض اسيطر على الالم ..

دخت حيل دنيا تفتر ، عيوني ثكلت ، كعدت بالارض سندت نفسي ، غمضت عيوني حيل اسيطر على روحي ، صوت ديما تشهك ..

حسيت على احد صاح ميرال شبيج ..

رفعت راسي سووواد داكن ، عيوني دمعت :- ايلاف هاي انتي ..

-اي شبيج وجهج اصفر دختي ..

مديت ايدي ساعديني عفيه ، جرتني حجت شنو تيهتي غرفتج ..

بجيت كبل ؛ رفعت جف ايدي مقابل عيوني مااشوفها والله توه جنت اشوفها ..

-حجت شبيج عواد ضربج …

-ديما شبيها وديني الها ..

-ردت عواد النذل ضربها الحبوب الي يشربها جننته و كلبت عقله ، اخذتني ومشينه لديما الي تشهك ..

وتغلط على عواد ، ابنها يبجي اخذته ايلاف و تكلاها كافي جننتي الولد شبيكم ماتعرفون تتفاهمون ، شلون وياكم انتو ..

حجت هاا صفت السياره اعتقد  اجه بيبرس ، 

عفت ايلاف تحجي وتلوم ، و ديما تبجي وتسب بي ، مشيت بهدوء ، طلعت لازمه الحايط صاحت وراي ليلاف لا توكعين ميرال ..

رديت بدون مالتفت ، لازمه حايط مااوكع ..

كملت مشي بحذر وصلت للدرج توه انزل واسمع خالته ام زياد تكله الحبوب ضيعت عقلك مو جاي اكلك اتركها ..

-رد مو الحبوب ضيعتني ، الصار ضيعني جاي يجيني بالحلم ، حتى بالنوم ممرتاح ملاحقني ، شكله وصوته هو محترك تلاحكني بكل مكان ..

وكفت اني لازمه درج ، احس جسمي كزبر ..

رد علي بيبر يكله مثل ماحترك احرك ذكراه عواد راح اضيع نفسك واضيعنه اذا ضليت بهل الشكل ، عاط بوجهم حيل اني من يمي فزيت ..

-ماااكدررر ماااكدر ، ولك شكلهم براسي ، حتى من اني صاحي يحوومون داير مداايري ، صووتهم هم صيحوون هم و يستنجدون ، عيااطهم برراسي اني مو مثلك اني ماكدر انام مرتاح ..

ملاحكيني بكل مكاان مايرضون يعوفوني ، الحبوب الوحيده الي تخليني شووي اهوود انطيني لو يوميه اثنين بس اثنين ..

بيبر يرد عليه بهدوء جاي تخليك تهلوس و تاذي الناس بطلها كافي ، راح تسبب بموتك ..

-رد مااكدر كتلك مااكدر اكتل روحي اذا اضل صاحي ..

-ماعليك شي اتركها وحير بمرتك وابنك ، عيش حياتك طبيعي  وانسه الصار ، حاظره نظيف عيش بنظافه  ليش توصخ مستقبلك ..

حجه بهدوء عواد :- شكد سهل الحجي يااخوي شكد سهل ، سمعت صوت مشي وخالته تكله اسويلك كهوه دتصحى …

بسرعه انداريت اروح لغرفتي ، دخلت وعفت الباب مفتوحه ، كعدت على الكرسي انتظر ..

اصواتهم جوه طالعه بس ممفهومه ، نوب نزلت ديما و تعاركت وياه ، 

لزمت راسي شهل بشر ياربي …

بين اصوات بجي وعتب ديما ، وعدم مبالاه عواد بيها بسبب ضياعه داخلي ، وخالته الي واكفه تتفرج مو هامها مشاعر ولا زعل ديما لان تشوفها وحده مدلله زياده و مو مره حوك وعرفت تلم رجلها …

لو ايلاف الي تباوع عليهم على ان هم عائله مختله ، ابو زياد اخذ نركيله وطلع بره مجاهل عركتهم لان من اول ماتزوجو هذا وضعهم ماكو شي جديد متعود ..

لو بيبر مجتف اديه و يتفرج على اخو الجبير الي واصل لمرحله الانهيار ، ماجاي يعرف ينقذ نفسه ولايعرف يجاوز الي صار ، ويمكن زاد الطين بله زواجه من ديماا ..

الي مالكه بيها الملاذ الامن الي يختلي بي ويعالج روحه و نفسيته وياها  ، بالعكس يكرها ويكره حياته وياها ، و يشوف حاظره ومستقبله اسوء من ماضي ، لاحت براسه انو يمكن هو سبب بالي وصله اخوو..

سواء صار بالماضي ، او زواجه من ديما كله هو سبب ، عكسه هو الي تجاوز كلشي و عاش حياته وتزوج وحده يحبها ولكه عدها الهدوء وسكينه  ..

تقدم حظن عواد ويهمسس باذنه شتريد يااخوي و اطيب جروحك ، متكلي ..

رفع راسه عليه عيونه حمر ويرجف ، فرك راسه و اديه ترجف ، رد عليه :-  انطيهم خبر للجماعه خلي يبيعون الي ، ديبيعوهن عليه ضعف السعر لان يعرفوك ماتقبل واكو اصلا رافضين يبعون الي ..

باوع عليه ضايع وحاير ، دمهت عيون بيبرس ، جر نفس اندار على ديما العيونها حمر وتريد حل لوضعها ..

هز راسه باسف عليهم ، باس راس اخو وحظنه صار بس توعدني تخفف منها ماشي ..

رد متلهف .. تمام تمام خابرهم هسه يله ..

رفع جهازه و دز رساله ، راح عواد ركض متجه للسياره ، اندار على ديما رد لو متعبه نفسج وياه ماجان حالج انعدل ..

توه تحجي قاطعها ، عبالك عيشتج يم ابوج احسن لو يم ذياب مثلا ..

لا تتاملين يمهم خير ، ذياب حاليا عليه اكثر من قضيه يستلم رشاوي وحاير بنفسه ، وابوج هم حاير يركض يتوسط لاخوج عبالج عايزين لوجع راس منج ..

بالاخر انتي حمل زياده و شمروج علينه ، قبلت بيج انو تدخلين لعايلتنه ، و قبلت تخلفين و تصيرين وحده بينه بس غير بالمقابل تسوين واجبج ..

توه نطقت دافع عن نفسها :هو .... سكتها ورد ، هو شنوو هو رجال يريد مره تلفي ، منو انتي مكضيتها دك ونوح لو تعايري وتذكري باخوج وابوج ، انتي مو ملاك لو ضحيه كلشي يصير من ايدج واذا ضل الحال هيج راح اضطر اتدخل واحل سالفه بصوره نهائيه ماتعجبج ...

عافها اتجه للغرفه صعد ، وصل لغرفته لكه باب الغرفه مفتوح ..

وكف ثواني مترقب ، دخل بهدوء لكاها كاعده على كرسي وتفرك باديها ..

ابتسم عرف متوتره مبين على ملامح وجها ، حجت بيبر ؟؟

رد عيونه ..

ابتسمت بريبه شلونك ..

تقدم تلمس شعرها زين وانتي ..

-اني شفت اليوم تدري ..

-عقدت حواجبه لزمها وكفها كباله حجه وشنو شفتي ..

-بلعت ريك، والله شفت ترى ماجذب ..

-حشاج من جذب شبعد الجذب عنج انتي اي كولي شفتي ..

-وكفت تعدد ، شفت بابا بالاول وبعدين نور ..

-نور منو ؟؟!

-صديقتي ، و شفت اديه و شفت الموبايل لونه احمر و شفت الاثاث و شفت الارضيه هم والله ..

-ضحك بهدوء و بعد ..

-هاهيه ..

-ماشوفيني اني ؟

-بهت وجهي لا مو راح نظر مني فجاءه من وجعني راسي من صوت عواد وعياط ديما ..

-تلمس شعرها بهدوء وشوكت شفتي ..

- الصبح من كعدت من النوم ..

-ابتسم ، اي وبعد ..

-اي وراها راح ..

-ما خليتي بالج يكون حلم .. ضحك ..

رخت  ملامح وجها فجاءه ، جرت نفس .. يمكن …

-تطلعين بره نتعشه اليوم ..

-شبي عواد ..

-مريض ..

-اخذه لدكتور ماكو شي ماله علاج ..

-عواد ماله علاج بس رحمه ربج اله ، هو باين مانشمل برحمته…

-سكتت شوي وحجت خطيه اذاها لديما حيل …

-مالنه شغل بيهم ، شرايج نطلع فد يوم نتعشه بره و نعزم عدي عيب رجع مرته وماعزمناهم ..

-ليش هو مطلك ..

-لا بس جانت مرته هاجه منه ، عنده طفل بينهم صعب طلاك يعني ..

-حقها تهج صراحه مالومها عدي دمه نفط ..

-ضحك مارضه تحجين عنه عزوتي هذا ..

-ابتسمت ، وليش ماتعزمهم هنا ..

-عواد ميحب عدي ونوب اليوم مزاجه معكر ممكن يهجم العزيمه فوكانه ..

-ابتسمت بكيفك ، شوكت نروح …

-هالاسبوع انشالله …

تالا …. 

دنجت البس حذائي ،  عيوني على ساري لبس بسرعه وطلع ، لبست جنطه صفح و طلعت كذله و لحكته بسرعه ..

اندار عليه يمشي يباوعلي من فوك ليجوه ..

-ماعندج اكصف من هاي صدريه بعد ..

دنجت راسي اشوفها ، رفعت حاجبي وشبيها ..

-ماجاي شوفيها راح اطك من عليج كوه داخله بيج ، شنو فرقج عن بنات ابو حمد لابسات حجاب و الصدريه هالعرض ..

-فرقي عنهن ما اتختل وره الاسطبل اني ..

-وكف رافعه حواجبه انطيج جف اشوه وجهج والله ..

-حجيت الحق والله ، صدك لا كال من فوك هله هله ومن جوه يعلم الله ..

سكت وجهه باهت كملت دربي ، امشي وكل اشوي اندار اباوعله ..

وصلت قريب السياره شفت دانيال واكف وساند نفسه على السياره ، ابتسمت بوجه ..

-حجه شلونج يالملحه ..

-وخرت شعري ليوره همست زينه ..

-رايحه للمدرسه ..

-شايف انته ..

-جر نفس .. شايف شايف اوصلج ..

-،لا ابو حمد يوصلني ..

-ماكو فرق واصلج ، ديحجي وياي وصاح بي رجل ميرال دانيااال ، شنو رجعت تراهق تعال جااي ..

-عوج حلكه حجه هذا ميحب احد يتهنى ايريد راحه والحب بس اله ..

ضحكت اني ، عفته و كملت دربي للسياره لكيت البومه صاعده بالصدر ..

بس فتحت سياره حجت ترى مسيحي كافر يعني مو تخيلين عليه ..

-رديت عليها شو اكلي خر* بالله …

درت وجهي هاي اخر وكت والله اسمع كلام كحا* الاسطبل ، جرت نفس انافخ واني اتذكر سوالفها ويه ساري ..

مصاحبها و يراسل امنيه ويتوسل انطي مجال ..

احس امنيه صايره خلوه لاسراره و للاشياء الي ميحب تطلع و تنشاف حتى سوالفه ويه غدير يحجيها لامنيه بدون خجل ..

خلصت دوام ورجعت وهم تلاكيت ويه دانيال عرض عليه يدرسني انكليزي لان هو خريج لغات ..

-وكفت وشسوي هنا يالخريج انكليزي ..

-اتصيد حلوات …

-ضحكت ، لزمت طرف شعري افر بي ، باوعت اله مبتسم ..

، وكفت مجتفه اديه لا صدك شنو تشتغل ..

-ويه المهندس ، 

-شنو تشتغل ويه المهندس ..

-نتصيد كتلج ..

-عوجت حلكي ضايجه ، درت وجهي اروح اني لعد.مادام هيج ..

-الله وياج ..

-رفعت حواجبي هاا ..

-ابتسم ، عفته ومشيت هو على وكفته مامشه ، انداريت عليه اجاه بشار من وره هفه راشدي على علباته وجره كله بيبرس شكلك هااا شكلك …

ضحكت عفتهم ودخلت ، بيوم حفله بشار ، صعدت على السطح اتفرج ، جايبين رقاصه تركص بينهم ، هو الارعن مكابلها ويركص ..

شفت بيده بطل ، هو بيوم عرس ميرال لاحظت عليه هو واخو بيبرس يصكون بي الناس فرحانه وتركص الا هم كلمن بطله بيده …

بس حلو يركص السافل ، تربعت بالارض و فرشت ،  اكل حب ومبتسمه عليه ، نوب جر البنت تركص و مطكها بوسه فكيت عيوني يااا ، هيه كل شوي تنطي ظهرها و تهز ..

بربو* مو بيدج ، شلت جهاز اشوف ساري ، شفته متصل ..

ومراسلني يحجيلي عن يومه ..

-سالته كبل حبيبتك وين لعد ..

-شوي ورد منو غدير مو حبيبتي لا ..

-ابتسمت مو عندك علاقه وياها ..

-اي بس مو حبيبتي ، انتي حبيبتي ..

-بس ماكتلك اني احبك ..

-مو مهم المهم اني احبج ..

-شلون تحبني وانته ويه غدير ..

-اعوف غدير واصير وياج بس تنطيني اليتنطياه  غدير …

- سكتت ثواني اديه ثلجت ، سالته ، وشتنطيك بالله ..

-وين انتي هسه ..

جذبت كتبت :-بغرفتي ، 

-احد يمج  .

-رديت اي ..

-دخلي جوه البطانيه ..

رفعت تك حاجب ، ياا هذا شنو باله سافل ، رديت دخلت ..

-ادزلج مقطع ..

-مقطع شنو ..

-مو زعلين انتي مو حبيبتي ..

سكتت ..

-حجه وينج شنو ماتثقين بيه …

-شنو المقطع ..

-تحبيني لو لاا ..

سكتت ثواني والله خفت الصراحه ، السالفه بلشت تخوف ، بلعت ريك ..

-كتب اني احبج بس انتي ماتنطيني مجال ، عبالج احبها لغدير لا والله بس اني شاب وعندي احتاجات و هيه مامقصره ، اذا انتي موجوده اطفرها لغدير ..

-شنو هالحاجات ..

-شنو سوين نفسج متعرفينها وين اكو بنت عمرها ١٨ سنه ،ماتعرف ،  الي عمرها عشره هسه كلشي تعرف بسبب النت ،  انتي تعرفين بس مغشمه نفسج ..

وجهي خرط حتى راسي صخن ، جريت نفس ، اني سامعه هواي عن هيج شغلات و اشوف بالنت مقاطع اي احجي صراحه ، خاصه ماكو رقابه و نت كلشي بي ، تحسه شيطان وكاعد كبالك كلشي يعلمك ..

جنت بعمر احب الاستكشاف ، احب اعرف ، احب اجرب هم ، وهيج سوالف بالنت تشجع ونوب اسمع قصص حب وياي بالمدرسه و تشجعت ، حجيت دزه ..

ثواني مو اكثر ، و رسلي الفديوو ..

لبست سماعات وفتحته متوتره ، ومتردده ، احس صدعت من شفته ، حتى اديه ترجف ماعرف الزم جهاز ، درت وجهي خاف اكو احد ، نصيت الصوت ..

عبالك راح انفضح ، صوت ضحك فززني ، رفعت راسي اشوف دانيال لازم رقاصه من خصرها و يركص وياها لو عواد حاظنها …

حتى دخت من  منظرهم وشوفه الفديو ، طفيته كبل ، عركت كصتي ، شوي ودزلي هاا شفتي ..

-خفت احجي ..

-كتب اعلمج شسوين …

-رديت جاي اسوي ؟ اخاف اني ..

-مايصير شي والله اعلمج اني،  وكلها هيج ترى الي يحبون ..

خليت راسي بين اديه خايفه ومتوتره ، دزلي بصمه صوت ويمه صوت ماي جاري ، سمعته شنو يكول جسمي كله قشعر ، يمكن خمس بصمات يعلمني بيهن هو صوته غير ..

صوت مو ساري لعبت نفسي ، لعبت نفسي حتى من روحي حسيت هاي مو اني ، ذبيت سماعه و شمرت جهاز بعيد عني ..

لميت نفسي وكعدت ابجي ، بجيت هيج مهضوومه خليت اديه على حلكي لااحد يسمعني لاي مرحله وصلت ..

ميرال ابد مسوي هيج ليش اني هيج ، كرهت نفسي حسيت روحي قذره ، يمكن العتب مو عليه ، يمكن العتب على الاكبر مني ماحذرني ماعلمني ..

كلها ساهمت بدميري بذيج الفتره ، محد راقبني ، نت طول اليوم بيدي محد سال جاي اشوفين لو جيبي جهاز دنشوف شنو اتابعين ..

لا على راحتي وماخذه حريتي ، شنو اسمع بالمدرسه احب اجربه ، شنو اشوف بالنت اريد منه ..

منا مقاطع مخله تاثر بيه وبنفسيتي و زيد الانحراف  ، ومنا سوالف البنات الي بالمدرسه ممتربيات تريد وتشجع على الانحرف وصداقات وعلاقات ..

لحد ماوكعت بساري ، شاب يافع توه شاف الدنيا و دنت نفسه ، ماعرف يسيطر على شهوته بالدين لو بصلاه لو بالاستغفار ، طيش شباب واخذتنه السالفه ..

لل١٢ اني تعبت عيوني حمر من البجي شكد كرهت نفسي و نزلت اروح انام …

نزلت بهدوء خفت تحس عليه نانه ، وكفت من سمعت صوت باب الحمام ، مديت راسي بهدوء لان ساري طلع و يعدل بملابسه وبيده الموبايل ، درت وجهي كبل مدمعه ، مشه هو للصاله واني بسرعه دخلت للغرفه …

لفيت نفسي بالفراش ابجي كاره روحي ، بس ماتبت لا اعرف ماتبت ، منين اتوب واعرف الي جاي اسوي كارثه ، منو يكلي ..

منو يوعيني ، تطورت السالفه ويه ساري و سالفه نعادت اكثر من مره ، تسجيل صوتي لو فديوات طلب اكثر  من مره نفتح كامره مرات اخاف واتردد ومرات اطلع بس جزء بسيط من جسمي ..

صادقت بنت وياي بالمدرسه و حجيت الها ، هيه هم مصاحبه ابن خالتها وحجت عادي ، اني وياه مخطوبين و حتى اتعلم عليه ..

كل هذا وعمري يله ١٤ سنه ، بس صحبه السوء و العالم دخلت اله خلاني اعرف الي ماتعرفه بنت ال٣٠ ..

بلشت اني ابحث عن هالسوالف ، قبل هيه تطلع بوجهي ، هالمره لا ادخل واتعلم ، اتعلم ياريت قران لو دين لو شي يفيدني بحياتي ..

نزلت للحضيض ، نانه تشوفي اربعه وعشرين قافله غرفه عليه وساكته عبالها ادرس ، واضوج من صوت اسامه وحتى اركز ..

عايفتني على راحتي خاصه بطلت اتعارك ويه ساري و هدات ، ساري ترك غدير و بطل يوصل للبستان او الاسطبل ..

هالشي فرحني وخلاني استمر شجعني انو على امل يجي يوم و يحبني ، اجت ميرال ليمنه ..

-حجت صار فتره ماماره عليه ليش ..

-رديت جاي ادرس ..

-ابتسمت لا جذبين علي ، ترى ازعل ،  كعدت مقابيلي حجت :- الجمله تحجيها متوتره ، معناها كذب ، بس يله حتى لو طلعين ٥٠ ميخالف عند وعدي اني ..

سكتت لفت انتباهي ركبتها ، لو عضمه فوك صدرها بي حمار ..

-حجيت شبيها ركبتج حمره ..

-وجها احمر و توترت شنو ..

-بركبتج طكعه حمره  ..

مدت اصابعها ، حجت حساسيه ..

ابتسمت ، اي حساسيه من المهندس ..

بهت وجها  ، سكتت ثواني ، حجت لاتفكرين بهيج شغلات تالا ..

-ليش ..

-ردت ليش تحبين تفكرين بهيج سوالف ..

سكتت ، بلعت ريك حسيت بيها تريد تزلك الساني ، حجت كولي حبيبتي اختج اني ، بالج هيج شغلات ..

- رديت بسرعه :  لاا ..

كامت من مكانها وكعدت بصفي ، انشغلي بدراستج تالا ، دراسه منفذ للحريه ، حريه الفكر و الجسد هم ، انشعلي بيها …

عوجت حلكي ضايجه من هالحجي ، حجيت كبل رجلج جايب رقاصه ذاك اليوم ..

-مو رجلي جماعته جايبين ، 

-ها ..

-اي بعدكم يوم عدنا عزومه عشه ماعرف شختار ..

-وين رايحين ..

-لمطعم فخم بيبر عازم الكل بمناسبه افتتاح فرع جديد لشركتهم ، وبمناسبه عدي ومرته ..

-البسي اسود ..

-هم كلت بس كانو كأيب الون زياده ..

-البسي ماروني ..

-ماحب …

-زين نيلي ...
 
-ماعرف تعالي عود اليوم و شوفيلي شنو البس ..

-خوش …

راحت ورجعت لحياتها الي اسستها بعقلانيه اسست حياه شافتها بكلبها مو بعيونها  ، ضليت اني طامسه بضياعي ، 

ميرال …

بين صور مشوره و بين البصيره الواضحه ؛ اكثر من مره لمحت صور ..

صح مشوشه بس متاكده صور والله ، حجيت ليبير ضحك يكلي احلام وعقلج باطن يهيالج هالسوالف لاتفكرين هواي بهل الموضوع ..

بطلت احجي وخاصه اني فعلا داشوف صور مواضحه ، او يمكن صدك عقلي باطن صورهن الي ..

لبست وتعدلت ، ضل بس مكياج ماخليته ، كعدت البس بحذائي ، مديت ايدي على الجرار الصغير اطلع تراجي …

لمحت صبغ اضافري الاحمر ، لاح عندي لون ، ابتسمت .

دنجت و مركزه داشوف ، رؤيه ضعيفه بشكل ..

كانو ٥ بالميه بس المهم اكو لون مو عتمه ..

اختفت ابتسامتي ميرال لا تضحكين على نفسج الاطباء كطعو الامل والعين تلفت ليش تسوين بنفسج هيج ..

دمعت عيوني حسيت نفسي داهلوس ، معقوله مثل عواد اني و اتخيل ..

رجف كلبي ، انفتحت الباب بيبر انداريت عليه ماكو صوره عتمه..

حجه كملتي ..

رديت بس بقت الحمره ..

-تقدم  عليه يالون تخلين ..

-احمر ابتسمت ، جر القلم وكف يفتحه همس تقربي ؛ تقربت مبتسمه ، كعد يرسم بي بحذر ، حجه شهل شفه جنها كرز..

ضحكت ، حظني من خصري ، توه يبوسني صاحت خالته يله بيبرس تاخرنا ..

-اووو ، مايخلون واحد.يتهنى ، دمشي يله ..

-جريت الجزدان الذهبي و مشيت وياه ..

صعدت وياه بالسياره بالصدر  ، و خالته ورجلها ورانه و عواد و ديما بسياره الثانيه …

فتحت جامه حتى يضربني الهوى ، المح اضويه ، بس مشوشه ..

ابتسمت ، مديت ايدي ، حجت خالته سدي جامه تخربط حجابي بسبب الهوى ..

رجعت ايدي وسديتها ، مد ايده بيبر لزم جف ايدي ، لمن وصلنها نزلو همه واني وراهم ، بيبر لازمني يدليني ، 

كعدت بالقسم خاص بينه ، بصفي ديما ، جان مطعم على دجله ، والهوى يلفح ..

ريحه اكل و ريحه ماي ، سمعت صوت عدي يضحك ويسالم ..

صوت نسائي ، حجت ديما اجه عدي ومرته ..

البنت بوستت ديما و كفت مقابيلي حجت ااا العفو وباستني ابتسمت بهدوء ..

استحيت لان ماوكفت وسالمتها مثل الخلق ، كعدت حجت مستحيه ، شلونج ميرال ..

-بخير حبيبتي وانتي ..

-اعذريني ماجيت بعرسكم انتي وبيبرس ..

-لاعادي ..

-حجت ديما عادي تدري بيج جنتي زعلانه .. وجهي خرط اني من فشله و البنت خنست ردت ام زياد اي شلونج انتي و عدي هم بعدكم مامتصافين ..

-ردت حتى لو ممتصافين لخاطر بحر نتصافه ، 

سكتت اني استمع لكلامها انسانه متمكنه ، حجيت الله يحفظه الج ويسعدكم ..

-اشكرج ، صوت عدي و بيبر بعيد يسولفون ، صاح بيبر بابو زياد تطلب الاكل ابو زياد وتعال جاي ..

تقربو منه سلم عدي ردو عليه اني درت وجهي ..

سحبو الكراسي وكعدو ،  دنجت راسي ، الهي نفسي ، بين ماجه الاكل ، الويتر خله شوكه و الصحن ولمحت لمعه شوكه والله …

خفت ابتسم ويكولون عني جنيت ، مديت ايدي بكل ثبات وحذر على شووكه لزمتها ، لزمتها بثقه مو بحذر و تعثر مثل كل مره ايدي راحت عليها كبل ..

جريت نفس صدك ياربي و تصير معجزه ..

اسمع عدي يكول لبيبر ،  باوع وراك منو ..

التفت بيبر ..

جر نفس هو يشوف ثروت جايب اصدقائه وجاي ، عقد حواجبه بيبر بضوجه ، عكس ثروت جان مبتسم هو كاعد يبادل بيبر بنظرات تحدي ..

بعد سترته عن قميص يبين السلاح اله وياشر براسه على طاوله بيبر وبمعناها وياك نسوان ترى …

دار وجه بيبر على عدي وجهه مطعون بالون الاحمر ، هز راسه مو هسه ، اشر براسه ويانه عوايلنه ..

اجه ابو زياد وياه نركيله وكف فجاءه كبال طاوله ثروت ، ماكمل طريقه ، من شاف ثروت وياه جماعته بالمطعم ..

رفع نظره على طاوله الي بيها بيبر ، تقدم على ثروت ودنج يحجي وياه ..

-استاذ ثروت ليش تخلق المشاكل مو اتفق والدك و بيبر ممنوع تدخلون هناا و هاي حصه بيبر ..

-طز عليكم وعلى الوالد اروح واجي وين ميعجبني و ادخل بنص نسوان** اذا يعجبني ..

-رفع حواجبه ابو زياد من رده المتمرد …

-حجه ابني ثروت تجفه شر ..

-اكول امشي من يمي لا انطيك جلاق اهينك كبال حريمكم الكاعدات ..

عقد حواجبه بعصبيه و عافه ومشه ، ركع النركيله بالارض و جر الكرسي وكعد بصف مرته ..

-حجه بيبر شنو غرد هالعصفور ..

-يكول جوعان ويريد ياكل ..

-غمز بيبر لعدي :- نوكله ليش لاا انوكله …

- هز راسه عدي مبتسم بمكر ،...

#يتبع ...

اذا تفاعل جيد راح انشر الكم بارت باجر هم انشالله ..

استغفر الله ..

لا اله الا الله ..

والله واكبر ..

والحمدلله ..

ولا حول ولا قوه الا بالله ..

صفحه الفيس ( كتابات اسماء ديمير )

الانستا .asmaa_demer