البارت الاخير
بقلم الكاتبة الزهيريه الزهيريه
عندما تتخذ القرار الصح
لا تبالي لقلبك تألم يوم .شهر .سنه
بقرار عقلي الصحيح افضل من ان تتألم
طيلة حياتك بقرار خاطئ من قلبك
أيسن/ مرات الانسان شگد يكون عنده صبر بس الصبر اله حدود يعني شخص شگد ما تكون تحبه وتموت بيه يجي وقت وتبزع من تصرفاته وهذا چان حال رواد والله حبه لنيفين چان ينضرب بي المثل يعني اني من چنت أشوفها أظل صافنه شلون يحبها ويباوع لحلگها والله الصبح حتى متگعد ويا من يريد يروح للدوام ولا سوي ريوگ هو يبدل ويروح وهي چانت معلمه ودوامها ظهري لهذا الدلال والله الي چانت تحلم بي بس ما اعرف شنو إلي خلاها سوي الي سوته
من گعدت الصبح ثاني يوم عمتي گالتلي / رواد راح على نيفين لان أهلها يتوسلون باقاربنا حتى بس يروح ويشوفها تريد تحچي ويا
گتلها / عمه چنت مصوره ما يروح بعد إلي سوته بي
گالت / والله يمه ما أدري هو گعد عمچ وگله اريدك تجي ويايه أريد أروح أشوف نيفين
ظليت متفاجئة ليش اخذ عمي ويا قابل هو صغير بس ظليت ساكته بس بعدين اذكرت أم غسان من اجتي على عمتي وعمتي جرت أيدها ورادت تبوسها وتگله سامحيني وام غسان تگلها بعد ماتت
لهذا سألت عمتي على هذا الموضوع واحنه گاعدين نتريگ
نزلت دموع عمتي وگالت / اني چان ابني الچبير الله يرحمه راكان يتردد على بيت عمته ام غسان وهي عدها بنيه عرجه وچانت تستحي تطلع وحتى مدرسة ما كملت وصلت للثاني متوسط وگعدت بالبيت لكون يعيبون عليها وچانت أسمها حابسه نفسها بالبيت لهذا من چان راكان يتردد عليهم چانت تظل بالمطبخ وما تطلع وراكان يروح عليها ويشجع بيها على إنتي حلوه وهذا الشي ما راح يأثر عليچ الى ما گامت البنيه من يجي راكان ظل تسولف ويا وبعدين معترفه اله انه تحبه وهو هم حبها وراد يزوجها بس اني ما قبلت وظليت معارضه الى ما البنيه سمعت انه أني گلت عليها ما دارسه وعرجه شجاريلي ماخذتها لأبني الدارس ومتعلم وهي تخبلت من هذا الحچي ظلت 3 ايام لا تاكل ولا تشرب وراها سلمتها لله وكلها حملتني ذنبها وقاطعتنه على البنيه ماتت من وراچ وراكان بعدها بشهرين توفى وحتى ماكو واحد اجانه منهم الى ما شفتي ام غسان من اجتي للمستشفى لان عمچ خابر على غسان وگله محتاجك اجتي امه ويا
هنا فهمت شنو وضعهم ويه اهل عمي لهذا چانت اشوف بس اهل عمتي يعني چان بينهم خلاف
بصراحة اني خفت لا رواد يتنازل عن نيفين وآني اكل وحل أنوب ترجع وتگعد على گلبي بس هاي مخاوفي خليتها بگلبي ظليت على نار الى حدود ساعة 12 ونص دخلوا رواد وعمي بس رواد ملفوفه ايده تعجبت عليه شبي هذا نريد نسأل بس بقينه ساكتين لان دخل تحسه گاعد على نار انوب براء چان بيد عمتي وهستوه بچى وچان يعيط بيه شبيچ عميه متعرفين تاخذين ابنچ دى يبچي
اني ما جاوبته بصراحة خفت منه لان مبين معصب اني فتت من يمه حتى اخذ براء من عمتي بس من صرت قريبه گبل ضربني على راسي وهو يگلي ما أريد أسمعه يبچي هذا يسواچ ويسوه راسچ فهمتي
اخذت ابني وچان يعيط بيه رواد / رضعي هنا وين ماخذته
اني هم گعدت أرضع بأبني وهو يفتر على راسنه وكلنه ساكتين ما نحچي آخر شي رجع عاط بيه شوكت اسوين زقنبوت شنو گاعده اجازه اليوم ماكو غده
انطيت ابني لعمي ورحت صبيت غده وكلها گعدت على الغده هو أكل شويه وگام
وگال / ايسن من تخلصين اكل جيبيلي چاي اني بغرفة ربى
وره ما صعد عمتي سألت عمي / شبيها ايد رواد وليش ملفوفه
گال عمي / هاي الفتره الجايه راح تكون فتره عصيبه على رواد تحملوا
گالت عمتي / ليش شبي
گال عمي / اول ما رحنه دخلنه يم الضابط والله من عرف الموضوع وليش احنه جايين
دز شرطي راح جاب نيفين من التوقيف وجابوها واول ما شافت رواد اجتي تركض عليه حضنته لا مستحى ولا خجل بس هو دفعها قوي عنه
حتى وگعت بالگاع وظلت تتوسل بي تريده يتنازل عنها ويسامحها وغلطت وترجع ويا وبعد ما تعيدها بس هو گبل هجم عليها وگعلها تكفخ وآلله والله شگد هو ضعيف بس الله انطى قوه بحيث 3 من شرطه يله لزموه وبعدوا عنها
وهي عبالچ خافت ابد ظلت واكفه وهو يگللها بس گليلي شفتي بي وشنو الي عنده وما موجود عندي ولچ تدرين شسويتي بيه ولچ نحكمت إعدام من وراچ ولچ تدرين من تدرين من التعذيب أذني وحده طرشت وانتي رايحه ويه واحد يگود عليچ وجايه هسه تگليلي غلطت ليش انتي شنو گلبتي عليه مي وتگليلي غلطت وسامحني ولچ چنت راح اموت وانتي چنتي تگود....
بعدها من عافها وطلع لگه أخواتها بره ظلوا يتوسلون بي على مره وتنسجن وأنت صير أحسن والله يستر على عرضك استر على عرضنه رجع يم الضابط وتنازل عنها بس خلاها تتنازل گدام الضابط عن كل حقوقها وطلگها بثلاث بس من طلعنه من الضابط وشافها واكفه ضرب الباب الي يمه من غرفة الارشيف وأيده گامت صب دم لهذا بس ضمدناها واجينه من هسه اگلكم ترى الفتره الجايه راح نتعب ويا مو تگولون
اني گمت صبيت چاي وصعدت فوگ ولگيته واگف يم الشباك ومن دخلت للغرفه يمه بعد ما دگيت الباب خليت الچاي قريب عليه ومن دى أبتعد عنه سحبني عليه وظل يبوس بشفايفي ورگبتي ظليت أدفع بي وهو يگلي حبيبتي نيفين ومن انتبه عليه دفعني وچان يگلي / اطلعي بره بسرعه
طلعت من يمه واني اشكر الله على نعمة العقل بعدها عمي راح اشترى بيت بنفس منطقة اخته ام غسان وبخلال شهر احنه انتقلنه للبيت الجديد وبخلال هذا الشهر رواد نفس وضعه يتقرب مني وبعدين احسه مو طبيعي من يشوفني ويركز بتلاميح وجهي يطردني من يمه
وبعد انتقالنه للبيت الجديد طلبت من رواد انه يوديني على بنتي رودينا ومن رحنه فرقان چان موجود وهو الي فتحلنه الباب ورحب بينه ومن گعدنه اجتي رودينا بوستني وسلمت عليه وعلى رواد وايهم واخذت براء من حضني وظلت تبوس بي وحتى چانت طبيعه مثل قبل وصوتها راجع اخذت براء وراحت بي يم فرقان وهو هم جرها وگعدها يمه وخله ايده على كتفها
وگاللها / هسه يصير عدنه طفل مثله
ظليت متفاجئة من كلامه أريد أسأل ماكو كلها گاعده يمنه بس رواد هم انتبه عليه احوس
حچى بصوت خافت گلي / شبيچ آيسن اركدي شكو تحوسين
گتله/ رواد سمعته شيگول لرودينا
گال / وانتي على هاي الحچايه اكيد يگول هيچي غير مرته
گتله/ شنو مرته يمعود بعدها صغيره
گال / شوفي ولج اذا نطقتي بكلمه ادفنج هنا
ظليت الوب شلون ياربي وفرقان گال لرودينا روحي جيبي شي شنو كل شي ماكو وهي راحت
وهو گال / بصراحة اني رودينا البنيه راح ابقيها يمي يمته ما بلغت 18 سنه ورادت تروح اطلگها واخليها تروح وإذا گالت اريد ابقى يمك اخليها يمي وصير زوجتي شرعًا
أريد احچي اخاف من رواد رجعت رودينا جابت عصير گتلها / تعالي اگعدي يمي
اجتي يمي سألتها شلون فرقان وياچ
گالت / ماما كلهم زينين ويايه ويحبوني واني أحبهم
گتلها / رودينا اذا صرت بيت وحدي تجين يمي
وتطلگين من فرقان
گالت/ لا ماما بعد ما آجي فرقان وأهله صاروا أهلي وبعد ما اعوف فرقان
گتلها/ رودينا فرقان هم يسوي وياچ مثل ما سوه عمو ياسين
گالت / لا والله أبد حتى من يصيح عليه أنام بالغرفة ويا اني على السرير وهو يفرش وينام بالگاع و وعدني السنه الجايه ارجع للمدرسه
عرفت بعد بنتي هاويه فرقان واختارت حياتها وياهم وبنفس الوقت عرفت فرقان بخلال تصرفاته دى يعلق رودينا بي
بعدها رواد استاذن وطلعنه والطريق كله اني اثرد حچي على فرقان شلون دى يعلق الطفله بي وما يخاف ربه
وظليت ألغي ورواد ساكت اخير شي لزم بريك وعاط بيه بحيث ابني ايهم گاعد بالمقعد الخلفي وگع واني وبراء نضربنه بالدشبول مال السياره
وظل رواد يصيح/ على بنت الخ... يعني بنيه مرتاحه بيت زوجها عوفيها وانچبي شنو بعد لزمة هاي اللغوه وتعالي بنتچ مو بنيه يعني تبقى عند فرقان أحسن صح فارق العمر هوايه بينهم بس عد أقلها هو يعرف بيها معيوبه وساكت وقابل بعدين اذا كبرت وعافها فرقان منين راح جيبين واحد يقبل بيها شنو انتي تغشمين نفسچ اگعدي وأسكتي شنو المطي الي گدامچ مو بعينچ
سكتت أحسن حل لان الحچي ويا رواد ما يفيد
بس من وصلت للبيت شنو بدي اطگ على بنتي وخليت رواد يطلع بالليل وحچيت لعمي وعمتي على فرقان ورودينا وعمي
گال /بنتي بصراحه حچي رواد صحيح خليها يم زوجها اذا مدللها ويريدها عوفيها وأدعي من الله يهدي عليها ويسعدها
سكتت من حچى عمي لان طريقته بالنصيحة مو مثل رواد لهذا حضرت جناب رواد راح يسهر بالليل وما يجي آلا بنص الليل مر على وجودنه بهذا البيت حدود 7 أشهر وبهاي الاشهر واني اخدم رواد بملابسه وباكله وكل تفاصيله صرت أحبه وأموت عليه وصرت اهتم بنفسي والشهاده لله عمتي تشجعني حتى على الاهتمام بنفسي وحتى هي من نگصت رجلها طلعت تقاعد من المدرسه الي هي چانت داوم بيها لهذا عدها تقاعد والله نص راتبها الي حتى أهتم بنفسي من ملابس وصالون ومكياج وصبغ شعر وحتى تاخذلي بعد من عمي مصرف وحتى من رواد
وتگلي / آيسن والله انتي صرتي بمعزة روحي من اكتشفت معدنچ حبييتچ يمه اهتمي بنفسچ وبرواد وخلي يميل الچ وينسى هاي العگربه نيفين الي ما قدرت النعمه روحي شوفيها هسه بيت أهلها كفخه بيها وكخفه بالچلب الدلال إلي چانت مدللته هنا يم رواد كله طلع من خشمها اخواتها ساگميها بنتي بعد ما اوصيچ صيري سباعيه واخذي رجلچ بحضنچ ترى لما مطلگها بثلاث چان هسه هي راجعه ترى دى تتصل بي تريد تحچي ويا وهو ما منطيها مجال بس يبقى هو رجال وخاف يضعف وحتى لو ما يرجعها بس يبقى بلا مره ولا زواج
وبليله مثل ليالي رب العالمين الي رواد ما يجي بيها غير بنص الليل لهذا احنه حدود الساعه 10 تعشينه ونظفت المطبخ والصحون ونيمت أطفالي لان من انتقلنه لهذا البيت الجديد عمي نطاني غرفه آني وأطفالي وغرفة عمي وعمتي بصف غرفتي بس رواد اله غرفه وصاله وصحيات فوگ
وبذيچ الليله نمنه لان رواد عنده نسخه من مفاتيح البيت لهذا من يجي هو يدخل يعني ما يحتاج احد ينتظره ويفتحله الباب اني الاوقات آلي رواد يجي بيها بالليل ما أعرفها لآن كله اكون نايمه
وآني نايمه ما حسيت غير على واحد نايم ورايه ويتلمس بجسمي بالبدايه جمدت بمكاني متت بخوفي بس من عطره عرفته رواد لهذا ظليت مستمره إنه أسوي روحي نايمه وهو لمساته صارت آكثر جرئه بعدها خله حلگه بأذني
وگلي / أدري بيچ گاعده تعالي فوگ بغرفتي
وگام من يمي بصراحة استحيت گلت بنفسي هسه شيگول عليه بس گتلها تعالي اجتي تركض لهذا ظليت بمكاني بعد حدود ربع ساعه نفتح الباب وأتقرب عليه رواد ورجع شاورني
وگلي / مو دى اگلچ تعالي فوگ
وسحبني ويا وطلعني من الغرفه وأخذني فوگ وهو دخلني للغرفه گبل دفعني على السرير وصار فوگي وما عافني الى ما كمل مني
وچانت هاي اول مره يتقرب عليه بعد ما طلع من السجن وبس انتهى مني اخذ ملابسه من الكنتور وراح للحمام
اني هم نزلت وسبحت ورجعت نمت يم أطفالي على ثاني يوم اني كله اگعد من الصبح على مود عمي ورواد يروحون للشغل سويت ريوگ وعمي
گعد يتريگ ونزل رواد من فوگ وحتى أنتبهت عليه ما يريد حتى يباوع عليه يعني يتحاشى النظر إلي وگبل طلع راح لدوامه
رحت صعدت فوگ لغرفته وآني دائمًا أصعد انظفها وأغسل الحمام ونزلت بيومها سويت الغده واحنه بينه طبيعه ننتظر عمي لما يجي من دوامه يله نتغدى واجى رواد بس بدل ملابسه ونزل گبل نام على التخم وراح بسابع نومه واني گوه مسكته أطفالي واحنه من اجينه لهذا البيت اكو بيت يمنه يمكن مسوينه سوگ لان كل شويه يجون يطلبون من عدنه
بيوم الي چان رواد نايم جوه على التخم ندگ الجرس يمكن 8 مرات متواصله اريد الحگ أطلع ما لحگت گعد رواد وجهه مگلوب لكون ندگ الجرس بهاي الطريقه لهذا اول ما فتحت الباب چان رواد ورايه
وچانت بنت جوارينه هاي الي يطلبون من عدنه صغيره يطلع عمرها 10 سنوات
گالت / خاله امي سلم عليچ اجانه خطار واحنه طابخين تمن ونريد منكم المرگه
ورواد هو وجهه مگلوب صاح بالبنية انتوا عدكم خطار احنه شنو ذنبنه ننطيكم مرگه أنتي سلميلي على امچ وگليلها خلي تجي هي وخطارها عدنه بعد لويش بس المرگه
البنيه خطيه من خوفها من رواد انهزمت سد الباب واندار شافني اضحك هو هم ضحك وچانت هاي اول مره يضحك بوجهي
وگال / طبي يمعوده لا أكفر بيچ يردون مرگه عود انتي دزيلهم الخبز هم
دخلنه اثنينه ومن دى ادخل للمطبخ وهو ورايه خله أيده بظهري وحسيته يتلمس بظهري بعدين گلي / سوي الغده لا يجون ياخذون التمن وأبقى بله غده
ضحكت وهو راح وعلى وجهه ضحكه وراح للصاله وبعد الغده گال / آيسن صبيلي چاي وتعالي فوگ أريد احچي وياچ
وبالفعل صبيتله چاي وصعدت فوگ وانطيته اله
گال / تعالي ايسن اگعدي أريد احچي وياچ
گعدت يمه على السرير لان هو اشرلي اگعد يمه
وگال / شوفي آيسن اريدچ ساعديني اني ضايع متعرفين شنو يعني تحبين شخص وبعدين تنصدمين بي اني الى هذا وقتچ اموت على نيفين بس الصراحة اريد أطلعها من حياتي وانساها وأعيش ويه إنسانه تحترمني لهذا ما الگى أحسن منچ خليچ يمي وآني متاكد بعد فتره من هذا الاهتمام يولد حبچ بگلبي واعيش وياچ مرتاح
واريد دائمًا يمي بالغرفة من صيرين گدامي واحچي وياچ انساها ساعديني الله يخليچ
گتله وآني اباوع بعيونه / اني احبك رواد واموت عليك وتگدر تعتمد عليه وان شاء الله راح تنسى كل الوجع الي مريت بي
وبالفعل الى يومي هذا اني احاوط العائله كلها بحبي واهتمامي وما عمتي وعمي والله معتنيه بيهم مثل أطفالي ومعتبرتهم أمي وأبويه واني انحرمت من اهلي والله عوضني بام وابو رواد اما ربى بعد الى هذا اليوم ما شفناها بس عرفنه صاير عدها بنيه لآن زوجها ما يقبل لا تصالح اهلها ولا تحچي وياهم
اما ابني جود ضاع كل اثر اله من اخذه سجاد ونهزم واطفالي أيهم وبراء بحضني وعمي ورواد وعمتي والله ما مقصرين ويايه ويه اطفالي بكل شي والبيت كله بيدي والله كتبلي الراحه بعد حياة شاقه وآني حاليًا حامل بثاني طفل من رواد وبشهر الثالث الله عوضني عن كل شي بقت بس أمنية حياتي انه بس رواد يحبني مثل ما آني أعشقه صح هو زين ويايه ويحترمني بس ادعولي انه يحبني ويبادلني الحب بس بقى هذا الناقصني واطلب من كل قره قصة حياتي انه يكتمل النقص العندي والله يجازيني (بعشق رواد ) انه على كل شي قدير
النهايه
قريبًا قصتي الجديده
اشكر كل واحد قره هاي قصه وصوت الها اسعدتوني بتشجيعكم الي ولاولكم ما وصلت الى ما وصلت أله وأتمنى چنت خفيفة الظل عليكم ألان وانتظروني قريبًا بقصة جديده أسمها (بين الماضي والحاضر اختلاف جذري)
دمتم في أمان الله وحفظه
أختكم الزهيريه الزهيريه
تصويتكم يسعدني