قاع الشياطين

البارت السادس عشر

...............☆البارت السادس عشر ☆...............

#قاع_الشياطين(البصر والبصيره)

#بقلم_أسماء_ديمير

عطت وختلت وره ساري ، هو هم رجع ليوره حجه هذا فرد نوب مخبل وبلا عقل ..

وجه السلاح على رجل خالته مدري شيحجي و يدردم ..

بشار اجاه من وره حظنه يجتفه ، البقيه يصيحون يمعوود لا ترمي ، رفعو السلاح ليفوك يخافون لايرمي نامو عليه جرو من ايده جر هو يصيح و يغلط ..

بس اسمه يردد اسم عدي سااق*  اني اله ، والله ماجوز منه و ذيج ديما الكح** الرخيصه ، 

ولج تهدديني باااخوج مااخاف كلكم غداارين ، كلكم خووونه ، محد يكدرلي انييي ولكم اني عووواد ..

ضل يخربط ، كام لحيله دفعهم يريد يطلع يشغل سياره ..

تلكاه الحارس يكله استاذ فدوه اهدء ، نطا دفره كلبه على ظهره ، فكيت حلكي يااا ..

مشه يتعثر فتح الباب ديصعد و جره بشار يكله تخبلت انته يرجع بيبرس واحجي وياه لاتصرف هيج من كيفك تخرب علاقتنه بعدي ..

والحجي اذا سمع يزعل على زعله يكفي علاقتنه بثروت خربت ..

عاط بوجه مو هو صوووجه للنغ* عددي صوووجه ، ديوز بيبرس علينه فوك ماباك مناقصه من ايد ثروت صمو حلكه واندارو علينه يباوعون ..

دفعه يكمل كلامه ، مو هو ابو الخطط مو هو راس البلى اي يدلينه على الشغل هااا ، جره بشار و سكته يصم بحلكه ..

واشر يكمل بكلامه .. وشاااافط كلشي شافط الخير كله واحنه نتفرج ماقبل ينضحك عليه اني ..
..

جره رجل خالته كله بس اهدء واصحه شوي يابني ويرجع اخوك وحاجي ..

صاح مارجع للبيت وذيج بنت زن* فوك مااصعد تردون اكتلها خلاص صاعد الها مشه وجرو جر يهدون بي ..

شاله رجل خالته و هو بشار  ، و خالته وراه شايله بطل الماي والمنشفه تهدي بي وتبوس تريده يسكت …

دخلنه جوه احنه ، اتجهت للغرفه اني ، بالي هذا شبي انجن ، و على ابسط شي طلع يعيط و سلاحه بيده ، شنو السلاح لعب جهال قابل ..

وشبي يخرط كلشي مافهمت منه والله ،

ثاني يوم الصبح كعدت على صوت ، كمت فتحت باب الغرفه بهدوء ، لان غدير واكفه بالباب مال الملحق  و ساري بطرك الفالينه و جهه مال واحد توه كاعد ..

فركت وجهي اتاكد ، يااا صدك عود .. ذاك ساند ايده على الباب و يكللها اكو وحده تجي بهيج وكت غبيه انتي ..

-مشتاقتلك ليش ماتجي صار فتره ..

-ماعندي وقت..

-مو جاي تشتغل ويه بابا ليش ماتنطيني خبر حتى التقي بيك وره الاسطبل ..

-التهي بنفسج وباخوانج غدير ..

-شنو قصدك دار وجه بملل ضايج ، لا تتااملين زايد عليه .

-شنو بعد ماتحبني ..

نتر بيها :-ليش شوكت حبيتج اني ..

-فكت عيونها متفاجئه وعيونها دمعت ، حجت والي بينه ساري و لقائتناا و كلامك ولزمات ايدك الي  .

-ماجبرتج انتي جنتي موفقه على كلشي ..

-ردت مفزوعه و مقهوره ، لان احبك غير …

-اني ماوعدتج بشي .

-و نظراتك الي ، هااا وكلامك ، وهداياك ..

سكت دنج راسه ماعنده جواب ..

- تحب وحده غيري موو منو هاي ..

-تشوفيني طالع اني بره المزرعه حتى احب غيرج ماكو بس ماريد اخدعج اعذريني ..

سكتت مسحت دموعها حجت بسرعه زين باوع اخذ وقت فكر جوز تعبان انته لان امك مو هنا ، باوع تلكاني انتظرك وره الاسطبل مثل قبل كل عصريه حتى لو مااجيت عادي انتظرك ..

نطته ظهرها ومشت بسرعه ، وكل شوي تلتفت عليه هو سد الباب، ينافخ ماعاجبه الصار ، اندار لكاني واكفه اباوع عليه ، مجتفه اديه ، نزل نظره ، على ملابسي ..

واكفه بملابس نوم بجامه ، بسرعه دخلت ، انداريت اركض اشوف نفسي شلابسه ، بجامه وفالينه ربع ردن نوب مصيبه فالينه الي طكيت بيها صوره مره ودزيتها اله ..

بس اكيد مانتبه عليها ، ولا جان كسر الباب عليه قابل بس هاي اكيد اكو كومه منها ، ذبيتها وطلعت بسرعه اريد اشوف شنو رده فعله  .

ماكو هدوء ، تريك وطلع ماحاجاني ..

ميرال …

 احس عيوني فارغه قبل احس بثكل واحيانا الم ، طلع اكو تكتل دم جامد ضاغط على الاورده و دائما يسبب نزف ، من نضفو احس براحه ..

صح الالم بسيط مال عمليه بس يهون ، ضليت يوم بالمستشفى ، وثاني يوم طلعت للفندق ، نانه وياي ماعافتني لحظه وحتى بيبر ، جان يخلص شغله بالنهار و باليل يكعد و يكابلني يسولف ..

سالته عن شغله هنا رد عندي مطعم ، فتحته جديد استثمار يعني ، 

اكو شراكه لو لوحدك ..

-لا هذا الوحدي حاى عواد مايدري عنه اعتبري سر مو تكولين ..

-ابتسمت ليش ماتريد احد يعرف ..

-عواد صراف ومبذر واني عكسه ، كل فلس واله مكانه ، مو نشمر تعبنه بمكان واحد هالشي غلط ..

-هزيت راسي اختصاصك هندسه مو ..

-منو كالج ..

-يصيحولك المهندس و بشار هم كال اختصاصك هندسه تخطيط  ..

-وانتي فنون جميله سمعت انتي تنحتين و بعتي اشغالج هم ..

-هممم قبل هاي مو هسه ، الواهس مو مثل قبل ..

-ليش ..

جريت نفس ، ماعرف الصراحه يمكن جان بابا هو عيوني كان يوجهني يشجعني يعلمني ، هواي امور حاليا اختلف الوضع ..

- الدنيا هيج ميرال كل يوم عن يوم يختلف ..

-ماشيه وياها اني مامعترضه ..

-جيد هاليومين نرجع ، هم يله نستعجل بحفلتنه ..

-حفله شنوو ..

-خطوبتنه و العقد ميرال لو نسيتي ..

-مانسيت بس تناسيت ..

-ليش زاعجج بشي ..

-ابد بس خايفه ..

-من شنو مني لاتخافين ..

-من مستقبل ..

- كتلج اني مستقبلج ميرال مد ايده يلزم جف ايدي ، جريت نفس لمسات اصابعه بعثت امل ، امل وراحه ..

صدق وفعل ماقال ، وره يومين رجعنه لبغداد ، سيارتين ويانه خالتي ام هبه و خالتي ام سيدار ، واولادهم ..

حجالهم عن خطوبته الي من جنت بالمستشفى ، وره ماطلعت  حجن وياي بهدوء منعجبات بشخصيته و رزانته وانو انسان مثقف وراقي ، شلون وكف وياج وجابج لهنا وسوالج عمليه وتكفل بكلشي ..

فوكاها يعرف بالاصول و اجه لحد.عدنا طلب ايدج عزمنه نحظر حتى يرفع مقامج ، جنت فرحانه حيل ، فرحاانه فرح من كلبي  .

مفتخره بي ، و مفتخره بنفسي انو كدرت اخلي هيج انسان يحبني ، برغم اني مو كامله والكمال لله ..

اي مو كامله خلي نكون واقعين ، ابسط الشياء اني ماكدر اسويها ، صح البس لوحدي بس ماعرف انسق ولا ارتب لبسي ، مثل الجاهل وتنطي كوم ملابس وتكله البس ..

اخبط الالون و حتى القطع ، تقريبا خمسين بالميه من الشغلات الي بحياتي اني معتمده على الغير بيهم ..

ورغم هذا اكو انسان تغافل عنهم و مد ايده وكلي احبج الج ومعجب بيج من داخل قبل الخارج ..

وصلنه للمزرعه و اصوات فتح الباب  ، دخلنه كراج ونزلت ويه نانه ، وضحت اصوات شباب جماعه بيبر و ضحك و صياح ..

شميت ريحه شوي ، اجانه صوت خالته تحجي يااهلا توه نور البيت ..

حجه وياي خطار ..

-سكتت من انفتحت بوب سياره ورانه ، حجه اهل ميرال وياي اجو يحظرون المهر ..

ردت بسرعه يااهلا بيهم ، حمدالله على سلامه امي  ، هزيت راسي الله يسلمج ..

جرتني نانه ، حجه بيبر ادخلو للفله ميرال ..

رديت اريد ارتاح تعبانه ، حجه لعد ضيافه خوالج يمنه بالفله ، رديت تمام ..

مشيت للملحق تلكاني صوت اسامه و صياح تالا تضحك وتحظن بيه ..

ابتسمت حجيت على كيف تعبانه ترى ..

حجت شلونها العمليه ..

-الحمدلله ..

جرتني ودخلت ارتاح .. تركت وراي عيون تراقب …

 ضلت اتراقب تعبها ومشيها الثقيل بسبب الطريق الطويل ، دخلت و انسدت باب الملحق وراها ، ويله انزاحت هالنظرات والتهت بحفله شواء الي مسويها على شرف ربحهم الجديد من شغل ..

رغم ماهم ربع و اصدقاء ، بس مو كلها بنفس التفكير ولا نفس الافكار والمبادئ ، احيانا تجمعهم المصالح والعمل ، بس لا مبدء نفسه ولا التفكير نفسه ، ولا العقليه نفسها ..

بيهم الي يشتغل بروح حلوه ويريد يعيش ويعيش اهله ...

والي طماع ويريد الدنيا كلها اله هو يكون افضلهم ،

و الي ماهامه شي لان كاره الدنيا بس عنده كم نفر يحبهم والباقي مجرد حثاله ،

والي لكه شمعه ضوت دربه المظلم وجلب بيها على امل تنقذه من الظلام الي عاش بيها طوال حياته …

حفله شواء ، فاحت منها ريحه الشوي والخبز المكسب ،  وتعالت صوت الضحكه صادره من بشار صاحب النفس فكاهي ..

عكس اخو ستار رغم ماهو تؤمه بس وجهه مغندب ، و دانيال شايل قوطيه البيره بيده طول اليوم وكانو بطل ماي ، 

لو بيبر الفرحان و اكو لمحه لون بوجهه بسبب المستقبل الي رسمه بلش يتحقق ، لو صديق العمر عدي ، الي كاره وجود ميرال لانها سحبت بيبرس منهم وبلش يتخاذل عن الشغل لخاطرها ، بين هالاجواء دخل عليهم ، الضابط ذياب ، اخو ديما اشر لهم ..

هز بيبر راسه اله وابتسم ، …

اما خالته لبيبر و رجلها الي استقبلو خطار بيبرس ، و دخلو يضيفوهم ويتعرفون عليهم برحابه صدر …

او عواد الي كاعد على صفحه يشرب جكاير ويراقب بديما ، الزوجه القريبه و البعيده بنفس الوقت ، رفعت راسها تبادله نظرات ، دار وجه عنها بكره و شمئزاز ، جرت نفس ودنجت على ابنها تلاعبه وكل شوي دير وجها على اخوها تبتسم بالم هو يرد بمراقب لاخته ورجلها …

قطع نظراته من دنج عليه عدي وهمس يم اذنه لملمت سالفه لو بعد ..

رفع راسه يضحك شتكول ..

سبع ابو ذياب ماينخاف عليك بس الحذر واجب ..

- هز راسه لاتخاف سدك امين ، مثل العاده تسجل التقرير ضد مجهول و انحفظ الملف بالوزاره على هالاساس شغلكم نظيف وصافي ..

ابتسم عدي وجر نفس ، دار وجه بعدين رجع دنج ، عندي طلب صغير بعد عنك اريد شخص ابيته بالسجن فد شهرين ..

ضحك ذياب و همس سن* لو شيع*

رفع حواجبه شنو الفرق  .. ابتسم مستهزء لاا تفررق هووواي عنده هوواي اشر اله تفرق كلش هالحجي بنص الوزاره ... اذا سن* تهمه اربعه ارها* تكعد وزن عليه .  واذا شيع* نكول تاجر مخدرا* لو سلاح هم تكعد وزن عليه   ..

ابتسم يوصلك اسمه رباعي وانته تتصرف واتعابك تجي ليمك ..

ضرب على جتفه يضحك ...

اذا نجي للحق رغم الصحه والعافيه  والمال بس رغم هذا السعاده نادره بينهم ، هذا دليل انو سعاده ماتنشره ولا تنباع ..

خلص اليوم ، وكملت حفله الشواء ، و دخلت هالمجموعه الرجاليه بحته للمكتب بالساعات  ، 

ليش ؟!!

الله واعلم شنو الي دار بينهم !!..

ونامت الناس ، وحتى حيوانات المزرعه استسلمت لوقت الاستراحه ، الا بعضهم ..

كانو ذيابه ، عيون تفتر ، و دماغ يفكر ، ماكان يوم لستراحه الهم ، كان يوم عمل وعمل شااق هم ..

خرجو الشله بذاك اليل ، بحجه الشغل ، السيارات رباعيه الدفع الجمسي ، كانت بره المزرعه تنتظر حتى لا تصدر محركات السيارات صوت وهيه تشتغل ، وتفتح عيون النايمه عنهم ..

شغلهم كان محسوب ، الضابط ذياب و دانيال بسياره الاولى يتاكدون ان شارع نظيف و ماكو شي يعيق ..

و السياره ثانيه للتوم و عواد الي عيونه حمر من كثر الشرب ، 

و سياره ثالثه لبيبرس ، وعدي ،

عدي  الي كال لبيبرس  متاكد ..

-اندار عليه بيبرس وابتسم انته شتكول ..

-ماعندي شك بيك بس قلق من ثروت لايدك ناقصه بينه هالساق*

-يخسى خلي يصبح الصبح و يعرف بالجره على املاكه ، هنا راح يتاكد.خلص المنطقه صارت بس النه وماكو شغله تمر الا واحنه موافقين بيها ..

-عواد اخوك ماينطي بثروت بيبرس انته تعرف هالحجي ..

-اندار عليه عاقد.حواجبه ، اني اولى لو صديقه اني اخوه راح يصف وياي بالتالي  ..

-انته طبعا بس هذا مو معناه راح يرضى انو نهدم شغل ثروت كله ، و نصفي خارج العب خسران.. 

-نخلي جدام امر الواقع ، 

عدي رفع جهازك يخابر ، حجه كلمتين خوش من ارمش عليكم ادخلو ،

ساله بيبرس هاا جاين لو بعدهم ..

سد.جهاز وندار عليه ، جاي ينتظرون اشاره من عدنا ، 

بيبرس،، مد.عكسه من شباك السياره وضحك توكلنه على الله ..

كعدت ديمه الساعه بالاربعه الفجر ترضع ابنها ، الي كعد يبجي ، دارت وجها على مكان عواد الفاضي كالعاده ، كعدت لحيلها ترضعه ، تراقب عقارب الساعه مثل ماتراقب اصابع ابنها الصغيره  ..

مابقه شي على صلاه الفجر هم بعدهم بره ، دنجت راسها على ابنها ، تسمع صوت هادى بره غرفتها كانو صوت خاله بيبر ، ام زياد وهيه تحجي ويه رجلها وين صارو ..

ابو زياد يرد ،  بالدرب راجعين ..

-زين انتظرهم بره حتى تفتح الهم الباب ..

غمضت عيوني تعبانه ، شوي و ذبيت امير بكاروكه ، مشيت بسرعه اغير ملابسي بملابس ستن اخف ، و كثرت العطر وملمع شفه و مددت بفراشي ، زحت شعري الاسود عن كتفي وصدري ابرز ملامح جمالي ونمت بلا غطى رغم بروده الجو…

… صبح الصبح هادئ بس على الكلوب النقيه ، 

ميرال …

رفعت اديه اتلمس ضماد.، احس صارت عندي حساسيه من الضمادات ، وحتى حواجبي راح توكع ، كمت من مكاني بهدوء خايفه لا اوكع على وجهي ..

مديت ايدي على ميز بصفي تلمست العصاومالتي جريتها كبل ، 

فتحتها و نزلت رجليه على ( يكرم القارئ) النعال ، لبسته وكمت ، توجهت افتح الباب ، البيت هدوء اعتقد.بعد وكت ،

دخلت للحمام بللت اديه و مسحت وجهي برفق ، و بهدوء ، فرشت اسناني و توجهت للغرفه ، وصلت لميزي جريت جهاز افتحه اشوف بيش ساعه ، رد.عليه نظام ناطق ساعه ب٦ ونص ..

مشيت للكنتور اطلع لنفسي ملابس ، وكف كباله ثواني استرجع المعلومات ، بناطير نيليه فوك على الايد يمنه ، وبالوسط رصاصيه واليسره السوده ، والي جواها تيشيرتات و قمصات ، زين هذني يا لون شلون ارهمهم ..

جريت البنطرون ، من جهه الالون الازرق ، و جوه مباشرتا جريت تيشيرت ..

حبيت اعتمد على ذاتي ، وكفت اغير والبس ، لبست يتشيرت ورفعت شعري كبه ، اتجهت للطبخ على صوت نانه ، همست صباح الخير ..

'حجت هااي انتي لابسه لوحدج ..

اختفت ابتسامتي اي ليش ..

-لابسه تيشيرت بالمكلوب يما ..

بهت وجهي رفعت اديه اشوف ، هو ساده لو اني متوهمه ، ردت رسمه ناعمه مانتبهتي عليها ..

همست اي تقربت علي نزعته الي ولبسته الي مره ثانيه ..

بهل الاثناء كان ساري كاعد.من نومه ، عن دون قصد فتح عيونه على هالمنظر،  دار وجه بسرعه ، يغض البصر عن شوفتها ، وهيه بملابسها داخليه العلويه ، زادت دكات كلبه وجه عرك  ..

دقايق و سوه نفسه يكح ، كعد يفرك بوجه شافها كاعده بالمطبخ ، دار وجه يذكر شكلها و يفر براسه يستغفر شهل منظر من الصبح ياربي ..

دخل للحمام بسرعه يغسل لنفسه ، شاب ودم حامي و جسم يافع ، صوره هالانثى مافاركته تخلخت بدماغه ..

طلع هو مايرضه حتى يرفع راسه ، يكرر جمله بداخله هاي ميرال ، هاي ميرال الي تخاف عليها من عثره لتفكر بجسمها الطاهر هيج ..

ما قبل يتريك بحجه مايشتهي وطلع بسرعه يشتغل بالبستان يفرغ طاقته من الصبح و يتعب باله بالكت يبطل تفكير ..

يشيل بالتبن و بالعلف الاحصنه ويه ابو حمد و ساكت مانطق بكلمه ، حاجاه ابو حمد ابني ساري ممتريك مو بابا ..

ماحجه مشغول بالتفكير شال السطل حيل و بقوه ، و نقلها لمكانها مخصص ، صاح بي ابو حمد…

ساااري ابني تتريك ..

فز على صوت واندار حجه هاا حجي ..

تتريك ابني وياي ، اشر على الصينيه الاكل شايلتها بنته غدير وحاسبه حساب ساري هم ، ابتسمت بحب ، وهيه تشوف محبوبها الي متجاهلها صار فتره ، وهو بهيئه الشاب شاغول  وبنفس الوقت وسيم ..

بلع ريك خجلان من ابوها ، رد الف عافيه عمي ..

رد.عليه ابو حمد تعال غسل ايدك واكل وياي ماكل والله اذا ماتمد ايدك وياي على واهس ، 

تمشه بتعب يغسل اديه بالماي الي يرتوي منه الفرس ، نشف اديه بنطرونه وكعد.مقابل ابو حمد ، قدم اله حليب الهوايش الثخين ، 

حجه ابو حمد صكه ابني صكه حتى تتعافه بعد اكثر و ينبني عظمك ..

ابتسم هو ينفذ هالكلام و جرع الكلاص كله بشربه وحده وعيونه على بنته غدير والي واكفه مبتسمه ،لازمه شالها بيدها وتميل بجسمها تتدلع..

ابو مدنج ياكل  .. حجه ، من نخلص ادز عليج تشيلين النعمه امشي بابا ،

ردت تدلع ، صار يابه ، عافتهم ومشت بسرعه و هيه تتلفت مبتسمه على ساري  وتتعثر ، 

وكفت وره ابوها قريب الاسطبل تراقب بساري شلون ياكل ، هو ياكل وعيونه عليها ..

فرك.كصته هو يذكر ذيج ام قلب الصافي  ، وجمال بعد .اصفى وانقه ، غمض عيونه ، يحاول يشتت الصوره  بس ماكدر دنج راسه مركز بالحليب ، اي والله صفاء جسمها مثل الحليب ..

هز راسه اعوذو بالله ، نوب لابسه احمر شفاف هذا منو اختاره الها ، شال خاشوكه مرربه و اكلها ، ركز بالمربا الكرز اي يشبه هذا الون جانت لابسته ..

شهل اليوم المزفت من اوله ، رفع نظره لكه بنت ابو حمد على وكفتها نوب سانده نفسها على حايط الأسطبل ..

رفع راسه على ابوها مدنج ياكل مو يمه ، بلع ريك فشلان من تفكيره ، دار وجه يراقب الحديقه تصفر وبعد وكت محد.يكعد هيج وكت و يطلع بره ..

وزه الشيطان ، و كام لحيله حجه اروح تكرم لتواليت حجي ، 

بسرعه اتجه للاسطبل ، ولحكته غدير ، 

اندار يمشي ويتلفت لكاها تمشي وراها مبتسمه ، بين رافض الفكره وكاره الي براسه وبين سيطره الشيطان على دماغه بذاك الوقت ، دخلت لوحده من مضاجع الاسطبل وكف بي ، لازم خصره وعاض شفته ..

دخلت يمه بسرعه وهيه تتلفت حجت بشتياق شلونك …

رد مو كتلج ابتعدي عني غدير ..

ردت والله مشتاقتلك مو عفتك فتره تفكر شبيك ماشتاقيت الي تقربت علي ، ابتعد هو يلزم نفسه خايف . رد غدير ابوج مثل عمي والله استحي حتى اباوع بوجهه ..

تقربت تلزم جتفه ، اني احبك والله ، دار عنها غمض عيونه يرد اعوذو بالله اعوذو بالله ، وخرري غدير ..

-ليش اجيت هنا ، اذا ماتريد تشوفني هاا  انته هم تحبني بس ماترضى تعترف ، حظنته حيل مجلبه بي …

وكع الشال من راسها وبان شعرها ، رفعت نظرها عليه ابتسمت ، والله احبك لاتبيع ثكل عليك عيونك تلمع من اشوفني ..

بلع ريك رفع اديه يحظنها من خصرها ويجرها عليه اكثر ، ساكت وهيه بادرت بابتسامه و كلمه تحبني موو اني هم احبك ..

عمرها الي هو نفس عمره خلاها تكون انثى كامله ، بجسد و تفكير ، ماخافت منه لان شافته هو الخايف ومتوتر ، بادر هو بقبله سبقت كلامها الها ..

يحاول يسكتها وفعلا سكتت ، ماكانت خجوله بالعكس جلبت بي و تكله انهي الي بديه مارضه بقبله بارده قاسيه بس ، يمكن الحب يعمي و يجرك للخطيئه ، او يمكن شيطانهم اقوى ..

او الاصح بين كل اثنين بنت و ولد ثالثهم شيطان ، كان شيطانهم حاظر وياهم في الاسطبل ، تطورت من قبله فم الي قبله للرقبه و عظمه صدر ، الى علاقه خارجيه بدون اضرار جسديه ، رغم ماكانو مبتدئين بس الاباحه في نت ماقصرت بتعليمهم الاساسيات ..

لا هو كان راضي بالنتيجه ، ولا هيه الي كانت مكتفيه وشبعت رغبتها ، اجتمع جسد مراهق و عقل مراهق و رغبه كبار ..

صهل الفرس فززهم اثنينهم ، طلع بسرعه من الاسطبل هو يعدل بملابسه اتجه كبل للملحق ، و هيه وراها بربع ساعه طلعت تتختل و ركضت لبيتهم دخل لبستان …

بين مرورو الايام ، و انشفه جرح العيون الضريره ، اقامو اهل البيت حفله ، تتعلن عن عقد بين اثنين و عن خطوبه بنفس الوقت ..

مشيت للسوك ويه خالتي ام هبه ويانه بنتها و ونانه ويانه بشار وصلنه للمنصور ..

انتظرنه لحد ماخلصنه كل احتياجاتنه ، جانت هبه ونانه مسؤلين عن اختيار موديلات بس الالوان جانت اختياري  ، اطمئنيت من ناحيه هبه لان هيه اختصاصها البسه و تصاميم  ..

فستان بنفسجي لون الموف ، ويه حذاء ابيض ناعم …

تلمست قماش رقيق وبي فراشات ناعمه بالاطراف ، رجعت للبيت مطمئنه على مظهري ، لان جانت نانه تحمد بذوق هبه ورقي اختيارها ..

رجعنه العصر ، جنت تعبانه حيل ، دخلت كبل للملحق ، نانه نطت تالا حاجاتها و اغراضها ، جانت تشتريه للكل اغراض ..

يمكن الي ضامتهم جوه ايدها صرفتهم علينه ..

تقربت منها وهيه تفرغ الحاجات وهمست بهدوء خجلانه نانه منين صرفتي ..

ضحكت ليش يما ..

رمشت بهدوء خجلانه ، حجت شغلاتج دفعها المهندس بيبرس بس غراض تالا و ساري واسامه اني مارضه يصرف علينه انتي بالله بحكم خطيبته بس هذول لا مارضه وعيب ..

ابتسمت تمام ..

تلمست راسي حجت بالمبارك انشالله يسعدج ربي و يوفقج ..

ضحكت بهدوء ..

ثاني يوم بين تجهيز نفسي و راحت نانه تطلب مساعده من ديما الي عرضت عليها اكو ام صالون تعرفها تجي لهنا تشتغل عادي ..

وفعلا دزت عليها واجت ، اكولها بدون خجل من زمان اني نانه جانت متوليه احتاجاتي منهم تنظيف الجسم ، صح اني اعرف بس مو مثل نانه قبل كم سنه جنت اخجل بس بعدها تعودت عليها ، 

ماقبلت احد يمد ايده عليه غيرها لان تعرف انحرج وفعلا من حجن بسالفه هاي ، كبل دمعت ، استحيت حيل و شفتها صعبه انكشف عليهن ..

ردت نانه بسرعخده تجنبني الخجل ..  هيه ميرال تعرف تشتغل بشيره من زمان معتمده على نفسها ، صار يومين من خلصت ماشالله عليها ..

اني التهيت بلبسي وتجهيز ..

واكو من الته بتزيين الحديقه وترتيبها ، بين الكراسي و بين ديجي وبين طلبات الاكل و الاضاءه ..

لبست فستاني و وكفت وراي الكوافيره تجهز بشعري ، حظرت هبه بنت خالتي ساعتي و محبسي ..

تلبسهم الي ..

هبه جانت تردد على الكوافيره عوفي شعرها على طوله بس شسوي الها الكذله و لاطراف ..

هو مو عرس هيه حفله خطبه خلي كلشي طبيعي و سنبل احلى ، سلمت امري الهم ، مو ضعف بس ثقه بيهن ، سمعت صوت امير ، ابتسمت همست ديما انتي هنا ..

ردت بهدوء لعد وين اروح ..

هلا بيج يسعدني وجودج ترى ..

فدوه لكلبج ..

دقايق و اشتغل صوت ديجي و اصوات شباب تعالت ..

اجت خاله بيبرس سلمت ودخلت ..

اخذت ثواني صمت وهيه اشوف جمعه نسائيه بهل البيت ، صار سنين ماشايفه هيج جمعات عائليه لطيفه و محبه ، و بيها فرحه من الكلب ..

رغم ما بنت ضريره بس باين محبيها كثار و فعلا ماصار الها فتره طويله هنا كدرت تكسب كلب بيبرس و عاطفه ديما ..

تقدمت عليهن بابتسامه شايله علبتين ..

حجت دزهم بيبرس يكول خلي تلبسهم ، اخذت خالتها ام هبه علله الاولى وشافت تاج ناعم ذهب ، فتحت العلبه ثانيه ، حذاء لونه ذهبي ..

شوفتهن للموجودات الي ابتسمو و حبو منظرهم ، شالتهم نانه تلبسهن الها و نزعن حذائها الابيض واستبدلو بحذاء لونه  ذهبي ..

وكفت بطولها و برز جسمها الانوثي رغم وزنها البسيط ، بس مامنع انو انؤثتها تبرز ، شعر منسدل و كذله بسيطه و مكياج هادى بهدوء ملامحها البسيطه ..

جروها يساعدوها تطلع بره الملحق حتى تدخل الفله و تكعد بصاله ، جانت الاجواء وقت مغرب و الديجي مشتغل باعلى صوت ، حظور رجالي بره بالحديقه و حظور  نسائي بصاله ..

الي طمنها حظور الاهل و القارب يمها ، كاعده نانه بصفي لازمه جف ايدي البارد…

اشتاقيت لاهلي و اتمنى لو كانو ظمن الحظور وهم المعزبين بس قدر الله ما شاء فعل ، كلشي رزق و مانرزقت بهل لحظه اني ..

ماقصرو وياي ، جنت فرحانه مبتسمه بحياتي ماجنت اتخيل فارس احلام ، ماتخيلت لان جنت اضن بعيد هالشي وشبه مستحيل او صعب ..

بس الحمدلله الي نطاني بشر يحبني الي ، يحبني بدون مقابل ، جرتني تالا اركص ؛ ابتسمت خجلانه افشل انسان ممكن يكون بالرقص .. هو اني ..

مجرد اصفك بس ، بعدت كذلتي عن عيوني ، ملامح وجهي خاليه من مكياج عدا شفايفي ، ام زياد خالته لبيبرس تقدمت تحاجيني ..

مبروك حبيتي ..

الله يبارك بيج خاله ..

تقربت تهمس من اذني الي عنده جوهره شيسوي بيها ..

سكتت ثواني بينما الصوت الغنى عالي و الناس فرحانه و تضحك وتركص ..

كررت سؤالها ولزمت جتفي ، رديت عليها همست يحافظ عليها ؟!

-بالضبط بيبرس جوهره لا تخليها تضيع حافظي عليها ..

هزيت راسي مبتسمه ، انشالله ، حجت بس كل جوهره الها ثمن صح ..

اختفت ابتسامتي رديت طبعا ..

اي كلشي واله ثمن ، وثمن هو صبر بنتي الصبر ..

عقدت حواجبي ، سمعت خطوات كعبها الي ابتعد ، حجيت شلون يعني ، ماكو رد اختفت ..

حجيت ام زياد  ، خاله ، وينج  .

اختفت هيه وصوتها ، بس كلامها حفر براسي ماختفه وياها …

جرتني تالا تركص وتضحك بس اني بهتت ، ديما لزمت اديه تحركها ، ابتسمت من جذب اجاريهم .. دقايق وكالو حظرو البنت للعقد ..

نانه لازمت اديه توجهني كالت وراج كرسي اكعدي ، كعدت خلو بحظني القران ، و جوه رجلي طاسه وبيها ماي .

عادات وتقاليد ، و ريحه ورد و ياس ، و غطوني بالبرنص ، دخلو الرجال للصاله ، واصواتهم معروفه ، كعد بصفي بيبر..

وريحه عطره القويه ، جسمه دافي كالعاده ، جر نفس وهمس يالله ..
ابتسمت ، همس شنو شعورج ..

ماينوصف ، وانته …

ضحك بهدوء مو تضحكين علي ، بس خايف ..

درت وجهي عليه ليش …

لان صار عندي شي اخسره ، 

ابتسمت مد ايده من جوه برنص يحظن جف ايدي ، رفع برنص وخلاه فوك ادينه يخفهن عن الانظار ..

ضغطت على ايدي مرتاحه  ...اسمع شيخ الدين يردد عبارات دينيه مطمئنه ادل على حياه هنيه ورغد ، 

ادل على طمئنيه وراحه البال ، وصبر على سراء والضراء !!!

الي كل بنت تسمعها ، كل بنت تسمع هالكلمات اثناء العقد ، و تكولهم وخلص بلا ماتفهم معناهم بلا ماتفكر بيهم هل هي صدك قادره على تنفيذهم او الزوج الي اختارته قادر ..

بس وره الزواج ، نتوقف عند كلمه الضراء هوواي …

لان نعرف بعد زواج انو الضراء مو مجرد كلمه ، الضراء مواقف وكلمات ، اكو منهم من تصبر على الضراء ، واكو منهم لاا ..

بس الضراء انواع ، احيانا الضراء تدفعك للانتحار ، واحيانا ضراء تقويك وتخليك اقوى من الحجر …

همست نانه باذني ميرال كرري ماما شبيج .. 

كرر الكلام رجل االدين ، و نطق هل انتي موافقه على ان يكون فرات مجيد ال**** زوجا لك …

رمشت بهدوء ، مانتبهت شنو كال ..

حجت نانه بستغراب شنوو شيخ …

تقرب من اذني بيبر يهمس ، بس لا عبالج اسمي حقيقي بيبرس ميرال …

ضغطت على جف ايده حيل ضايجه ، ليش شنو اسمك انت …

اسمي الحقيقي فرات !!!

#يتبع ...

صفحه الفيس بوك ( كتابات اسماء ديمير )

الانستا .. asmaa_demer