"ဘယ်လိုလဲ အဲ့အကိုကြီး ချောတယ်မလား"
ငါတော်တယ်မလားဆိုတဲ့ လေသံမျိုးနဲ့ ကိုနေလင်းက မေးလာတာကြောင့် ကျွန်တော် နှာခေါင်းရှုံ့လိုက်တယ်။
" မချောပါဘူး"
"အေးပေါ့။ မင်းမျက်လုံးထဲတော့ ကိုသူရစိုးက ပိုချောနေမှာပေါ့"
"မဟုတ်တာကျလို့"
ဂုဏ်ဆာတဲ့လေသံမျိုးနဲ့ ရင်ကော့၊ခေါင်းမော့ပြီး ကျွန်တော် ပြန်ဖြေလိုက်တယ်။ အဲ့လိုဖြေလိုက်တဲ့ ကျွန်တော့်ပုံစံကိုကြည့်ပြီး ကိုနေလင်းက ခေါင်းကိုခါယမ်းပြီး အတော်လေးရယ်နေတယ်။ ရယ်လို့အားရမှ
"ဟုတ်ပါပြီ ဟုတ်ပါပြီ... မင်းရဲ့ကိုသူရစိုးကသာ အချောဆုံးပါ ဟုတ်ပြီလား။ ဒါနဲ့ မင်းကိုမေးရဦးမယ်။ ကိုသူရစိုးကို ဘာလို့ချစ်တာလဲ"
ကျွန်တော် ကိုနေလင်းကို တုံးရန်ကောဆိုတဲ့ပုံစံမျိုးနဲ့ ပြန်ကြည့်ပေးလိုက်တယ်။
" ပုံပြင်၊ကဗျာအသစ်တွေပြောပြီး ရင်တွေခုန်ရင် ဒါအချစ်ပဲတဲ့... J-Fire သီးချင် ခင်ဗျား မကြားဖူးဘားလား။ အဲ့တော့ ဘာလို့ချစ်ရမှာတုန်း ရင်ခုန်လို့ပေါ့"
"ရင်ခုန်လို့..."
ကိုနေလင်းက ကျွန်တော့်စကားကို သံယောင်လိုက် ရေရွတ်ပြီး ဘာဖြစ်သွားလဲမသိဘူး အကြာကြီး တိတ်ဆိတ်သွားတယ်။ နောက် အတော်လေးကြာမှ
"ငါရင်ခုန်မိတဲ့လူကိုတော့ ငါက သေလောက်အောင်မုန်းတယ်"တဲ့ အေးစက်စက်နဲ့ ထပ်ပြောတယ်။
ကိုနေလင်းရဲ့စကားကြောင့် ကျွန်တော် အံ့သြမိတာတော့ အမှန်ပဲ။ ပြီးတော့ သူ့ပုံစံကလည်း ခါတိုင်းလို ပြုံးရွှင်တက်ကြွမနေတော့ဘူး။ ရုတ်ချည်းဆိုသလိုပဲ အေးစက်စက်ပုံစံဖြစ်သွားတော့တယ်။
"ကိုနေလင်း ခင်ဗျား..."
ကျွန်တော် ကိုနေလင်းကို စကားစဖို့ ပြင်လိုက်တုန်းမှာပဲ အကိုသူရရဲ့ဆိုင်ကယ်က ကျွန်တော့်တို့အရှေ့ကို ထိုးရပ်လာတယ်။
"ကလေးလေး ဘယ်ကပြန်လာတာတုန်း"
"ဟမ်! အကိုသူရ ပြန်လာပြီလား"
"အင်း... ကလေးလေးက ဘယ်ကပြန်လာတာတုန်း။ လာ ဆိုင်ကယ်ပေါ်တက်လေ"
အကိုသူရစကားကြောင့် ကျွန်တော် ဝမ်းသာအားရနဲ့ ဆိုင်ကယ်ပေါ်တက်ဖို့ပြင်လိုက်တုန်းမှာပဲ "မင်းတက်ရင် ငါလည်းတက်မှာနော်"ဆိုတဲ့ ကိုနေလင်းရဲ့ စကားသံကို ကြားလိုက်ရတယ်။ အဲ့ဒါနဲ့ ကျွန်တော်မတက်တော့။
"ကိုကိုအရင်ပြန်နှင့်နော်... ကျွန်တော် လမ်းပဲလျှောက်လာခဲ့တော့မယ်"
"ကလေးလေးက အလယ်ကလိုက်ပြီး သူ့ကို နောက်ကတင်ခဲ့လိုက်လေ"
"ဟမ် မဖြစ်ဘူး။ သူက ကျွန်တော့်ကိုကျော်ပြီး ခင်ဗျားခါးကို လှမ်းဖက်နေရင် ဘယ်လိုလုပ်မလဲ"
အဲ့ကိုနေလင်းက စိတ်ချရတဲ့သူမဟုတ်တာကြောင့် အကိုသူရရဲ့အဆိုကို ကျွန်တော် ချက်ချင်းပယ်ချလိုက်တယ်။ ပြီးတာနဲ့ အကိုသူရကို အရင်ပြန်ခိုင်းလိုက်ပြီး ကျွန်တော်ကတော့ လမ်းပဲ ဆက်လျှောက်လာခဲ့တော့တယ်။
"ခွီးးး"
"ဘာရယ်တာတုန်း"
လမ်းလျှောက်ရင်းနဲ့ တခွီးခွီးရယ်နေတဲ့ ကိုနေလင်းကြောင့် ကျွန်တော် မျက်မှောင်ကြုတ်ပြီး ပြန်မေးလိုက်တယ်။ ဒါပေမဲ့ ကျွန်တော့်အမေးကို သူကပြန်မဖြေ။ အရယ်ကိုလည်း မရပ်။ နောက် အတော်လေး ရယ်လို့အားရမှ ကျွန်တော့်ကို စကားပြန်ပြောတယ်။ ဒါတောင် မျက်ခွက်က ပြုံးဖြီးဖြီးနဲ့
"မင်းက ချစ်စရာကောင်းလို့ လျှို့ဝှက်ချက်တစ်ခု ပြောပြမယ်"
"မပြောနဲ့"
သူ့ရဲ့ ပြည်တည်တည်အမူအရာကြောင့် ကျွန်တော် ချက်ချင်းငြင်းပစ်လိုက်တယ်။
"ပြောမှာပဲ"
"နားမထောင်ဘူး"
ပြောပြောဆိုဆိုနဲ့ ကျွန်တော့်နားနှစ်ဖက်ကို ကျွန်တော့်လက်တွေနဲ့ ထိကပ်ပြီး အုပ်ပစ်လိုက်တယ်။ ဒါပေမဲ့ ကိုနေလင်းကလည်း ကျွန်တော်ကြားရအောင် စကားကို ခပ်ကျယ်ကျယ်လိုက်ပြောတယ်။
"ငါနဲ့ကိုသူရစိုး အတူအိပ်ဖြစ်ကြတာက.."
သူ့စကားကြောင့် နားနှစ်ဖက်ကို အုပ်ထားတဲ့ ကျွန်တော့်လက်တွေ ချက်ချင်းဆိုသလိုပဲ အောက်ကို ပြန်ပြီးတွဲလျောင်းကျသွားတယ်။
"အဲ့ဒီအကြောင်းဆို ဆက်မပြောနဲ့"
ကျွန်တော် မာမာထန်ထန်ပြောပြီး လမ်းကို အမြန်လျှောက်လာလိုက်တယ်။ ဒါပေမဲ့ ကိုနေလင်းကလည်း ကျွန်တော့်နောက်ကို အမီလိုက်တယ်။
"ငါ ကိုနေမျိုးတို့အိမ်မှာ သုံးရက်လောက် သွားနေနေတုန်းက ကိုသူရစိုးကို စတွေ့ခဲ့တာ။ တွေ့တွေ့ချင်း ငါ့စိတ်ထဲမှာဖြစ်ပေါ်လာတာက ငါ သူနဲ့သာအိပ်ရရင် ဘယ်လောက်ကောင်းလိုက်မလဲဆိုတာပဲ။ အဲ့ဒါကြောင့် ကိုနေမျိုးကို သူနဲ့မိတ်ဆက်ခိုင်းပြီး ငါ သူ့ကို လိုက်ကပ်တယ်။ ရေမြောင်းအကြီးကြီးတွေ ဖောက်တယ်။ ဒါပေမဲ့ ကိုသူရစိုးက ငါ့ကိုနည်းနည်းမှ အကပ်မခံဘူး။ လမ်းမှာတွေ့ရင်တော့ မေးထူးခေါ်ပြောလုပ်တယ်၊ အဲ့ထက်တော့ပိုလို့မရခဲ့ဘူး။ သူက တအားကို မာနကြီးခဲ့တာ။ နောက်တော့ သူတို့သူငယ်ချင်းတွေ ဘာပွဲလုပ်ကြတာလဲမသိဘူး၊ သောက်ကြစားကြမှာ၊ အဲ့မှာ ငါက ကိုနေမျိုး ကျွန်တော့်ကိုလည်းခေါ်ဆိုပြီး သူနဲ့လိုက်သွားခဲ့တာ။ ဟိုရောက်တော့ အရမ်းမူးနေတဲ့ ကိုသူရစိုးကို ငါက အမျိုးမျိုးမြှူဆွယ်ခဲ့တာ၊ အဲ့မှာ အရက်အရှိန်နဲ့ဘာနဲ့ဆိုတော့ ငါနဲ့အိပ်ဖြစ်သွားတယ်ပေါ့"
"ဒါက..."
ကျွန်တော် ကိုနေလင်းကို နားမလည်သလိုမျိုး ပြန်ကြည့်လိုက်တယ်။
"အင်း။ အရင်က မင်းကို စချင်နောက်ချင်လို့ လျှောက်ပြောနေတာ။ အခုပြောတာကမှ အတည်။ အဲ့တော့ အဲ့ကိစ္စနဲ့ပတ်သက်ပြီး ကိုသူရစိုးကို အပြစ်မြင်မနေနဲ့တော့၊ တကယ်တော့ အဲ့ဒါ သူ့အမှားမဟုတ်ပါဘူး"
"ကျွန်တော်သိပါတယ်။ တကယ်ဆို အဲ့ဒီကိစ္စက ကျွန်တော်နဲ့မတွေ့ခင်တုန်းက ဖြစ်ခဲ့တဲ့ဟာမို့ သူ့ကိုအပြစ်မပြောသင့်ဘူး။ ဒါပေမဲ့ ခင်ဗျားက လာလာဆွနေတော့ ကျွန်တော်က စိတ်တိုပြီပေါ့"
"အင်း။ ငါက မင်းစိတ်တိုရင် အူယားစရာကောင်းလို့ သေချာ လိုက်စနေတာ"
"အဲ့လိုအကျင့်ယုတ်လို့ ခင်ဗျားချုံထဲဆွဲခေါ်ခံရတာ"
"ဟုတ်တယ် ဟုတ်တယ်။ အဲ့လိုဆွဲခေါ်ခံချင်လို့ကို ငါက သေချာအကျင့်ယုတ်နေတာ ဟားဟား"
"ရွံစရာကောင်းလိုက်တာ"
ချီးထက် ပိုပြီး ရွံစရာကောင်းတဲ့လူကို တွေ့နေရသလိုမျိုး ကျွန်တော် မျက်နှာကို ရှုံ့မဲ့ပြီး ပြန်ပြောလိုက်တယ်။ အဲ့ဒါကိုလည်း ကိုနေလင်းက ဂရုမစိုက်၊ မသိချင်ယောင်ဆောင်ပြီး ငါနေ့တိုင်း ရေချိုးပါတယ်ကွတွေဘာတွေ လုပ်နေသေးတယ်။ တကယ်ပါ ကိုနေလင်းက မျက်နှာပြောင်တိုက်တဲ့နေရာမှာတော့ တကယ်ကိုဆရာကျတယ်။
-----***-----
ကျွန်တော် အိမ်ထဲရောက်တော့ အကိုသူရကို မီးဖိုချောင်ထဲမှာ တွေ့ရတယ်။ အဲ့ဒါနဲ့ ကျွန်တော် သူ့အနားသွားလိုက်ပြီး ဘာတွေလုပ်နေတာတုန်းဆိုပြီး မေးလိုက်တော့ ဖျော်ရည်တစ်ခွက်ကို ကျွန်တော့်ရှေ့ချပေးလာတယ်။
"ရောက်လာပြီလား။ ရော့... ဒီမှာ ကလေးလေးသောက်ဖို့ ထောပတ်သီးဖျော်ရည်"
"ကိုကိုက ချစ်ဖို့ကောင်းလိုက်တာ"
ရယ်ရွှင်မြူးစွာနဲ့ ကျွန်တော်ကပြောတော့ အကိုသူရက ခပ်ပြုံးပြုံးမျက်နှာထားနဲ့ ကျွန်တော့်ကို ဂျိုကြည့်ကြည့်တယ်။
"ပြောပါဦး။ ကိုယ့်ကိုကျတော့ နေလင်းနဲ့မပေါင်းရဘူးဆိုပြီး ကလေးက သူနဲ့ ဘယ်တွေလျှောက်သွားနေတာတုန်း"
"ကြက်တောင်သွားရိုက်တာရယ်။ အမှန်တော့ ကျွန်တော်က မရိုက်ချင်ဘူး။ အဲ့ကိုနေလင်းက သူနဲ့မလိုက်ရင် အိမ်ကိုအလည်လာမှာဆိုလို့ လိုက်သွားရတာ"
လက်ထဲက ထောပတ်သီးဖျော်ရည်ကို တဂွတ်ဂွတ်သောက်ပြီး ကျွန်တော်ပြန်ဖြေလိုက်တယ်။
"အင်း... ကြက်တောင်ရိုက်တာက ကောင်းပါတယ်ကလေးရဲ့"
ထောပတ်သီးဖျော်ရည်သောက်ထားလို့ အနည်းငယ်ပေပွနေတဲ့ ကျွန်တော့်နှုတ်ခမ်းတွေကို အသာအရာဖိသုတ်ပေးရင်းနဲ့မှ အကိုသူရက ပြန်ပြောတယ်။
"မကောင်းပါဘူး။ သူက ကြက်တောင်ရိုက်ဆိုပြီး ကျွန်တော့်ကို ညာခေါ်သွားတာ။ တကယ်က သူနဲ့အတူအိပ်ဖို့ လူသွားရှာတာကြီး"
"ဟမ်! ကလေးကို ဘယ်ခေါ်သွားတာတုန်း"
"ဘောလုံးကွင်း"
"ဟာ... အဲ့ဒါဆို မဖြစ်တော့ဘူး၊ ကလေးလေး ကိုယ်မရှိရင် ခြံတံခါးကို သော့ခတ်ထားလိုက်တော့၊ ဒါမှ အဲ့ကောင် လာလို့မရတော့မှာ။ ဒါမှမဟုတ် ကလေးလေး ကိုယ်နဲ့လိုက်ခဲ့မလား"
"လိုက်လို့ရလား။ ကျွန်တော်က ရှုပ်နေမှာစိုးလို့"
"ရတာပေါ့။ ကလေးလေး ပျင်းနေမှာစိုးလို့ ကိုယ်ကမခေါ်တာ။ ကလေးလေးသာ လိုက်လာရင် ကိုယ်က ပိုတောင်ပျော်ဦးမှာ"
"အဲ့ဒါဆို လိုက်ခဲ့မယ်။ ဒါနဲ့ ခင်ဗျားဆာပြီလား"
"ဆာပြီ။ အပေါ်ထပ်သွားကြစို့"
"ဘာတုန်း! ထမင်းကိုပြောတာ"
" သြော်... မသိဘူးလေ။ ထမင်းဆို ထမင်းလို့ထည့်ပြောပါလား"
"အံ့သြဘ... ထမင်းစားချိန်မေးမှတော့ ထမင်းပေါ့"
တကယ်ပါ။ ပြင်ဦးလွင်သားတွေကို ကျွန်တော်လန့်နေပြီ။
"ကလေးကလည်း..."
"ဘာမှကလေးကမလည်းဘူး... သွား ရေသွားချိုးချေ။ ပြီးရင် ထမင်းစားကြမယ်"
လေသံမာမာနဲ့ ကျွန်တော်ပြန်ပြောလိုက်တော့ အကိုသူရက နှုတ်ခမ်းကိုစူတယ်။ ပြီးတော့ စောင့်စောင့်အောင့်အောင့်နဲ့ 'ဟုတ်ကဲ့'လို့ပြောပြီး အပေါ်ထပ်ကိုတက်တယ်။
နှုတ်ခမ်းကို စူထော်ထော်လုပ်ပြီး ဟုတ်ကဲ့သွားတဲ့ အကိုသူရကြောင့် ကျွန်တော့်မှာ မပြုံးဘဲမနေနိုင်။ တကယ်ပါ အကိုသူရကတော့ ဘယ်အချိန်၊ ဘယ်နေရာပဲဖြစ်ဖြစ် ကျွန်တော့်ကို အမြဲတမ်း ပြုံးပျော်အောင် လုပ်ပေးနိုင်တယ်။
3.2.2022