السلام عليكم ورحمة الله وبركاته 💛.
آخر يوم في السنة بقا وناوي تنشِغل عنّا؟
لا يصديق، حتّى لحد آخر دقيقة، لازم نبقا سوا("
ونختِم كتابنا مع بعض.
ولأجل إن ختامه يكون مِسك، ونقدر نستفتح رُوونكس٣ بشكل لائق للسنة الجاية، فكان لزامًا إننا نعرف آراؤكم ونسألكم عن التطويرات اللي حابين تشوفوها، والنقد للأمور اللي حصلت السنادي وأزعجتكم.
بدون كلام كتير، ليتس جو.🚴
1. فيه حاجة كان صعب تفهموها في الفصول التعريفية؟ (كان فيه معلومات ناقصة او طريقة شرح معقدة؟)
2. تقترحوا فئة جديدة نضيفها لروونكس٣؟
3. اقتراح لفورم أحسن من google forms؟
4. روونكس بالعامية أحسن ولا يتحول للفصحى؟
5. برأيك الاحسن ننشر إطلاقة روونكس في شهر١٠ ؟ عشان الناس تستعد وتكتب مشاركاتها قبل امتحاناتها في ديسمبر؟
6. أكبر عقبة خلتك متتابعش رونكس في معاده؟
7. بتتفقّدوا التعليقات على الفصل بتاعكم كُل قد ٱيه، وهل بتتفقدوها بعد نهاية روونكس؟
8. عرفتوا المشروع إزاي؟ (عشان أعرف أكتر طريقة ترويج كانت فعّالة) .
9. متخيّل الورك شوب'س هتبقا عاملة ازاي؟ إيه تصوّرك عنها؟
طيّب أمنية هتيجي دلوقتي تقولي "بس أنا مش فاهمة فكرة ورش العمل ديه أصلا.."
هقولها بصي كدا يا ستي.
دلوقتي أختنا أمنية كتبت مُشاركتها الأولانية عن التعليم الذاتي.
فكانت بتتكلم في الخطوات العملية عن كذا حاجة:
منهم انك تعرف طريقة مذاكرتك المناسبة والفعالة ليك.
اشطا أوي. دلوقتي جينا لميعاد ورش العمل. وأمنية هتعمل ورشة بعنوان 'طرق المذاكرة اللي تناسبك'
وهتشرح عن أنواع التعلُّم، وانواع المتعلم. وازاي ان فيه شخص بيعتمد على البصريات أكتر وحد تاني على الروايح، وحد على الحركة اكتر وهكذا..
وتديكو تطبيقات عملية عشان تحددوا انتو متعلمين مصنفين تحت انهي فئة.
أو تديك ورشة عن 'مكافأة الذات' -اللي كانت واحدة من الخطوات العملية في الفصل برضو-
وتقولك ليه المكافأة الكبيرة اوي او الصغيرة اوي ممكن تكون ضارة؟ وازاي تختار المكافأة وتناسبها بناءً على المَهمة اللي عليك.
وتاخدوا تطبيق تفاعلي. كل واحد فيكم يعرض الاسبوع ويحدد المكافآت على مدار الأسبوع.
ممكن بقا امنية تستزيد اوي وتشرح في موضوع زي اللوعبة او الجيميفيكشين، واهميته في جانب الانجاز مثلا وهكذا.
طيب امنية مش عايزة تعمل ورشتها عن كل دا، وكانت نصحتنا قبل كدا نحاوط نفسنا بناس متفوقين.
ممكن امنية تعمل ورشة عن إزاي تقدر تكتسب صداقة الناس الدحيحة ديه(":
فتشرحلك سيكولوجيتهم، وازاي بيفكروا وبيكونوا شايفينك ازاي كشخص. وايه الحاجات اللي بتجذبهم.
وممكن تقولهم ايه عشان تجذبهم.
وتقولك في العموم الحاجات اللي بتصنع روابط ألفة بين البشر عموما.
وتاخد تطبيق عملي، تختار شخص متفوق من محيطك، ولو اونلاين، وتبتدي تنفّذ المعرفة اللي اخدتها عشان تتقرب منه.
أكتر حاجة تميز الورشة. انها بتكون قصيرة، و فيها تطبيق كتير وتفاعل. واستزادة اولا واخيرا للشخص صاحب الورشة وللمشتركين.
ممكن تبقا ورش العمل كمان، شيء بسيط وتفاعلي لزيز اوي. والذي هو:
تبقا عبارة عن جلسة بيتسامر فيها صاحب الورشة مع المشتركين. وبيحكوا فيها تجربتهم الواقعية عموما.
مثلا فلورا حبّت تعمل ورشة بالشكل دا. وموضوع فصلها كان عن النباتات. فـ هتعمل ورشة، تحكي فيها عن تفاصيل زيادة في قصتها مع الاهتمام بالكائنات الخضرا ديه. وتسمع تجاربكم كمان في الموضوع دا. وكلكم تسمعوا تجارب بعض. ف تستفيدوا من الأخطاء بتاع بعضكم، وتنبهروا كمان بالنتايج المذهلة. وممكن تتبادلوا اعطاء النصايح لبعض كمان. وهكذا.
10. وعمومًا، عندك أي اقتراحات جديدة نضيفها لرو٣؟
11. شيء سلبي شايفينه اتكرر في المُشاركات؟
12. شيء إيجابي اتكرر في المُشاركات؟
13. اقتراحاتك بشكل عام ونصايحك للمشاركين السنة الجاية؟
دُمتم في حفظ الله.
سبحانك اللهم وبحمدك أشهد أن لا إله إلا أنت أستغفرك وأتوب إليك.
سلام ونلقاكم العام القادم بإذن واحد أحد.
خُتِم: ٣١-١٢-٢٠٢١
يُوسونغ