.
.
فتحت عيونها بشويش وانخرشت لما شافت وجهه القرريب من وجهها ويناظرها ، عدلت قعدتها بأرتباك ، اخذت جوالها وانصدمت لما شافت الساعة ثمان وانها نامت كل هالوقت ذا ، قامت ورفعت شعرها ذيل حصان ودخلت الحمام وتوضت وطلعت وصلت ، فتحت الدولاب وطلعت لها قميص قطني ابيض وعلى اكمامة كتابة بالاسود وقصير لنص البطن وسروال طقم معة ، دخلت الحمام تروشت ولبستهم وطلعت ، جلست على السرير تحوس بجوالها وبأيدها الثانية تنشف شعرها بالفوطة ومنتبهه لنظراتة لها ، حطت جوالها عالكومدينة وقامت..
عبدالعزيز بهدوء:جهزي حالك بنرد للبادية..
لفت بسرعة:والله ماارجع اعيش فالبر لوشيصير..
ناظرها وهو رافع حاجب:كيف يعني!..
صدت:هذا انا قلتلك رجعة للبادية مارح ارجع..
عدل قعدتة:انا ماقاعد اشاورك ، انا قاعد ابلغك ، هالاسبوع بأذن الله راجعين..
تكتفت:لا والله موبكيفك تمشيني ، مارح ارجع غصب هو..
قام لها:لاتحديني نرجع هالحين..
سفهتة وجت بتمشي ، سحبها من كتفها وضغط علية:لا تستخدمين معي هالاسلوب ، لاتسفهيني..
ابتسمت بأستهزاء وماردت..
ضغط على كتفها بقوة:انتي لية تحبين المشاكل..
رفعت عيونها وزفرت بملل تحاول ماتبين لة انها متألمة..
تنرفز وبحدة:لاتتعاملين معي كذا..
سحبت نفسها بقوة واختل توازنها وتمسكت بفنيلتة وطاحت وطاح فوقها ، غمضت عيونها بألم من الطيحة ومن ثقلة اللي كتم على صدرها وموقادرة تتنفس ، رفع نفسة شوي بس لازال فوقها ، بلع ريقة وهو يناظرها ولاول مرة يكون قريب منها ولاصق فيها كذا ، بلع ريقة اكثر من مرة وقرب وباس شفتها ، غمض عيونة وصار يشفشفها وهي مصصنمة ، وشوي شوي بدت تتجاوب معاة ، نزل لرقبتها وصار يبوس فيها برقة ، فز بعد ماانضرب الباب وقام وكأنة مخروش بسرعة بعد عنها وكأن توة ينتبة لنفسة ، صد عنها وطلع من غرفتهم وفتح الباب وباين بوجهه الارتباك..
اختفت ابتسامة الهام بعد ماشافت وجهه:وشبلاك!..
اخذ نفس:م مافيني شي ، وشتبين؟..
الهام وعينها عالجناح:حطينا العشا ، ابوي يقول انزلو تعشو..
عبدالعزيز:طيب..
ماردت وتمت وعينها تتلاقط عالجناح ، حست على نفسها بعد ماتكتف وابتسمت ببلاهه ونزلت..
سكر الباب واخذ نفس طويل ودخل الغرفة ، لبس ثوبة ولف غترتة على راسة بعشوائية واخذ اغراضة وبدون مايناظرها:انزلي حطو العشا..
.
.
جلست مع البنات بعد ماتعشو ، تحس بأحراج بعد اللي صار مع عبدالعزيز ، ابتسمت ونزلت راسها..
شمايل بهمس ل الهام:طعع هاذي وشبها تتبوسم كذا..
الهام بضحكة:شكل الحب لاعبن فيها لعب..
لصقت فيهم هيلة:وشتحشون فية؟..
شمايل:بهالمهبولة ، شوفي كيف سرحانة وكل شوي تبتسم..
خولة بالاشارة(وشبكم؟)..
شمايل:ي ليل ، فهمتها بالاشارة..
رفعت ميرال راسها واستغربت ، شافتهم كلهم ملتمين ويناظرونها ويتهامسون:احمم و وشصاير؟..
الهام بضحكة:والله وطلع عز موب هين وشكلك غرققاانةة بحبة..
تغير وجة ميرال..
شمايل تغني وترقص:تغرق الغرقان اكثرر ، جيت وشجابك حبيبءء..
ضربتها هيلة وبهمس:اصص لايجي ابوي ويسمعك تغنين وربي يذبحك..
جلسو فترة يسولفون وبعدها قامت خولة بعد مانامت الجازي وصعدت تخاف تصحى من ازعاجهم..
تثاوبت شمايل وفزت بعد مارن جوال هيلة وابتسمت وقامت صعدت ، وقفت شمايل:عن اذنكم بروح الحق ع البقرة اشوف وشيسولفون فية هي والثور رجلها لايقص عليها ويقولها كلام وصخ وتنحرف البنت علينا ، سرعت صعدت ورا هيلة..
جلست ميرال تناظر الهام وهي سساكتة وبخاطرها تسألها ، منهي زوجة عبدالعزيز الاولى بس موقادرة تسألها..
جلست الهام تسولف معها شوي بعدها صعدت تنام..
اخذت ميرال جوالها وبدت تحوس فية بطفش..
.
.
:لي متى بتمين تتعاملين معاي بهالاسلوب تراا جد جد طفشت كل ماجيت اقرب تبعدين ومل ماتغزلت فيك تصدين ، كل ماجيت اباخذ حقي تتهربين ، خاطري اسمع منك كلمة حلوة ، خاطري اشوفك لابسة لي شي حلو مغير لابسة لي هالخلاقين وهالبجايم ومدهنة شوستك ولا رافعتها ، اهتمي فيني ، البسي لي ، انا رجال ابي شوف انثى فتنةة قدامي تزيني لرجلك..
حسنا بعصبية:لية شايفني رججال؟ وبعدين مو انت التجي تعلمني كيف اهتم بنفسي وكيف البس فاهمم؟..
صقر:انا الغلطان اللي ساحب على اخوياي ومقابلك ، طلع وسكر الباب بقووة..
جلس بالصالة اللي بين جناحة وبين اخوانة ، تنهد وفرك وجهه ، رفع راسة بعد ماشاف ميرال توها صاعدة ، وقفها قبل لاتدخل جناحها:ممكن خدمة؟؟..
التفتت وهي عاقدة حواجبها:آمر..
\
\
\
\
.
.
التفتت وهي عاقدة حواجبها:آمر..
اخذ نفس:ابغى مساعدتك..
جت جلست قبالة..
صقر بأحراج:بصراحة مدري وش اقولك ، حك رقبتة وسكت فترة ، ابيك تساعديني ، انا مقدر افضفض لخواتي واطلب مساعدتهم لان اول شي استحي ورح يعلقون ويتطنزون علي وثاني شي هم بقر ومن وين بيجيبون حل لمشكلتي ، ناظرها ، انا ، قال لها كل شي عن حياتة مع حسنا بالتفصيل من ايام طلعاتهم وانة بعد فترة حبها وكيف صار لهم الحادث وو ، تنهد ، وربي اني احبها وصابر عليها وماودي اغثها بكلمة واللي ابغية منك انك تنصحينها ، مدري كيف المهم ابيها تتغير..
ميرال:ممم بصراحة مدري وش اقولك ، ان نصحتها اخاف يصير العكس بدل م تتغير تزيد ، ممكن ماتتقبل نصيحتي وتعصب ليش انت قلتلي..
زفر:طب والحل ، ابغى خبرتك ف كيد النسا..
تمت ساكتة فترة:مو انت تقول انك مغرقها كلام حب وغزل وكل يوم تدخل عليها بورد او هدية؟ ، اهملها..
عقد حواجبة:الحين ان ماجبت الهدايا والورد واهملتهت ابتتعدل؟..
ميرال:اية ، اسمعني عدل وسو البقولك علية..
.
.
صحت من النوم ودخلت الحمام توضت وصلت ، لبست لها جلابية بيت عادية ورفعت شعرها دونات ونزلت ووجهها كالعادة خالي من دون اي نقطة مكياج ، دخلت المطبخ وشافتهم كلهم جالسين ع الطاولة يفطرون ، جلست وسمت واكلت ، رفعت عيونها ل سطام ونجود اللي جالسة جمبة توكلة وكل شوي يهمس لها ويتغير وجهها وتنحرج وتبتسم ، تمت تاكل وتناظرهم كل شوي وتحس بداخلها ناار ، نظراتة لنجود ، الحب اللي باين ف عيونة ، همسة لها ، مسكت ايدة لها ، ابتسامتة ، سوالفة معها ، حسست بغيرة موطبيعية ، ماتحملت تجلس اكثر قبالهم وقامت ، صعدت جناحها ودخلت الغرفة وسكرت الباب بقوة ، وقفت قدام المراية تناظر نفسها وتقارن بينها وبين نجود..
.
.
جلس قدام ابوة اللي طلبة وملامحة جاامدة ومانطق بولا كلمة..
بوسهيل:لي متى بتظل على هالحال ، حابس نفسك وحتى الشركة ماتروحها ، شوف نفسك بالمراية كيف هامل نفسك وشكلك مبهذل ، قلي من متى اخر مرة حلقت..
تم يناظر ابوة ومارد..
تنهد بوسهيل:بنتك مايصير تاركها كذا لاتشوفها ولا تجيب لها التحتاجة واخوك هو اللي يرسل لها حليبها واللي ينقصها ، سكت فترة ، عمك طلبني ان ازوجك بنتة وانا وافقت..
فززز وبصراخ:وشششاللي وافقت ، انا ماراح اتزوج ، من بعد موضي تحرم علي جميع النسا..
وقف بوسهيل وبحدة:لاتنسى نفسك وترفع صوتك علي!! ، انا قلت اللي عندي اخوي طلبني ومستحيل اردة وادري اني ان رديتة ابخسرة ف بتاخذها ي سهيل غصباً عنك ولا والله اغضب عليك..
سكت سهيل فترة:اجل اعتبر انك خسرتني دامك بتغصبني على هالزواجة..
.
.
جالسة عالسرير وكل شوي تناظر الساعة اللي بجوالها وتنتظرة ، بدت تقلق علية موبعادتة يتأخر لها الوقت بس متستححيل تدق علية ، رجعت ناظرت الساعة ، نص ساعة ويأذن الفجر ، مومعقولة يتأخر لذا الوقت ، جت بتتصل علية الا سمعت الباب ينفتح ، دخل وهو يغني ويرقص:ماريد باجر يجي باجر حبيبي يروح ، ياربي قبل الصبح موتني واخذ الروح ، رمى نفسة ع السرير وجلس يحوس بجوالة وهو مبتسم..
تمت تناظرة وهي ساكتة بعدها تسطحت وعطتة ظهرها..
انقهر انها مااهتمت وقام يضحك بصوت عالي..
التفتت وناظرتة وهي رافعة حاجب!..
صقر بأبتسامة وعينة عالجوال:واحد من اخوياي راسلي نكتة ، رجع يضحك..
تمت ساكتة فترة:حاط عطر نسائي؟..
تعمد يغير ملامحة ويسوي نفسة مرتبك وخايف:متعطر بعطر شايفة بسيارة خويي واظن انة حق وحدة من اهلة ، وراك تناظريني كذا؟ ، قام ، اححمم ابقوم استعد لصلاة الفجر ، دخل الحمام يتوضى وبعدها طلع ونزل ينتظر اخوانة وهو مبسوط..
.
.
صحى من النوم شافها منسدحة ع اطرف السرير ، صد وفداخلة مقرر انة يعاملها نفس قبل والعن لجل ماتحس انة بدا يميل لها وانة حبها ، يخاف ينطعن مرة ثانية لكن هالمرة رح يمووت ، رح يتدمر عششانة يحبها ، عشان كذا موقادر يتقرب منها ، لمس بأطرف اصبعة اثر جرح صغير ف شفتها بسبب يوم ضربها ، باس اصبعة وحطة على شفتها وقام ، لبس وطلع..
نزل وشاف ابوة واخوانة تحت ، ناظر مطلق فترة بنظرة غريبة وكلهم حسو فية..
بومطلق:احمم يلا لانتأخر ع الصلاة..
مشو كلهم جمب بعض الا عبدالعزيز بعيد عنهم شوي ، صلو بالمسجد ورجعو البيت ، صعد جناحة وفصخ ثوبة وتسطح قبالها وتم يناظرها لين ناام..
.
.
دخل شافها جالسة على السجادة بشرشف الصلاة وتبكي ، تنهد وجلس على السرير ، بعد ربع ساعة خلصت وقامت تسطحت ع السرير ، تم يناظرها ، تغيررت كثير ماهي زوجتة الاولانية لا بالشكل ولا بالطبع ، نحفت بشكل موطبيعي وصار تحت عيونها هالات سودا وهاملة نفسها وماتاكل الا القليل ، وصايرة هادية وطول الوقت ساكتة وماتتكلم الا نادر ، ماعرف كيف يفاتحها بالموضوع ، يدري انها رح تنجن لما يقولها ان سهيل رح ياخذ خولة بنتها:شريهان ، سكت فترة ، ابشرك ، بنتك خولة ، رح تعرس ، خطبها ولد عمها ، سهيل..
شهقت بقووة..
.
.شهقت بقووة وبكت.
بومطلق:علامك تبكين يامرة وانا جاين ابشرك..
شريهان:تبشرني ف اية ، ف انو بنتي حتتقوز قوز اوختها اللي لسة ماتت ابل شهرين؟ دا حتى ابرها مانشفش ، ضربت خدودها ، تبشرني ف اية فاكر اني حفرح وحزغرط لبنتي انها حتاخذ قوز اوختها؟ ، اااة ي بنتيي اااة ، سامعة ابوكي بيئول اية ، عوزني افرح بؤختك عاوز يقوز اوختك لقوزك ااااة ااااة ، شدت جلابيتها بقوة لدرجة مزعتها وصارت تلطم خدودها وتبكي وبومطلق يحاول يهديها..
.
.
صحت من النوم مسستغربة من المكان اللي اهي فية؟ ناظرت الخيمة وقامت وهي عاقدة حواجبها ومومتذكرة متى رجعت للبادية ، طلعت من الخيمة وتدورة بعيونها شافتة جالس بعيد ومتسند على شجرة ، راحت لة وهي تمشي بهدوء وشهقت بعد ماشافت الجروح اللي بكل مكان بجسمة وكلة دم ، ركضت لة وطاحت على ركبها وصرخت وهي تهزة وترجحف:عبدالعززززيززز..
رمشت بعد مامال وطاح على جنبة اليسار تمت فترة تناظرة مومستوعبة بعدها صرخت بقووة بأسمة..
شهقت وفزت من نومها وفز عبدالعزيز معها ، ناظرها وهو عاقد حوجبة ، شافها حاطة ايدها على صدرها وتتنفس بقوة:وشبلاك؟ ، صنم بعد ماطبت علية وضمتة بقوة:حسبتك مت صدق ، وربي ان الحلم اللي حلمتة حسبتة حقيقة ، بعدت ورفعت ايدينها ، شوف كيف ارجف ، رجعت ضمتة..
بلع ريقة وتم ساكت..
بعدت عنة واخذت نفس ورجعت تسطحت وعينها عالسقف ، تنهدت ولفت ، شافتة يناظرها ، عدلت قعدتها وقامت الحمام توضت وصلت واخذت لها جلابية حمرا لبستها وطلعت ، جلست قبال التسريحة واخذت المشط وبدت تسرح شعرها اللي زاد طولة وكل شوي ترفع عينها وتناظرة من المرايا وتشوفة جالس يناظرها ، حطت لها ميك اب خفيف ولفت الطرحة اي كلام وتعطرت وقامت ، شافتة قام وقرب منها كثثير لدرجة لصق فيها ، حبست انفاسها من قربة ، شافتة بعد شوي بعد مااخذ منديل من العلبة اللي وراها وبدون اي كلام مسح الروج وهي تناظرة وفاتحة ثمها ، غمضت بعد ماحط المنديل على عيونها وبدا يمسح الكحل بشويش ، فتحت عيونها بعد ماسمعت باب الحمام يتسكر وتوها تستوعب انة راح ، لفت للمرايا وشهققت بصدمة ، عيونها محيوسة بالكحل وحول شفايفها ملطخ بالروج ، بسرعة اخذت مناديل وصارت تفرك وجهها وهي منحرررجةة لان شافها بهالشكل المرععب..
.
.
جالسة تناظرهم وهم يفطرون وهي عاقدة حواجبها ، صدت بعد همس لها:وشفيك ماتاكلين؟..
لوت شفتها وقامت:مالي نفس..
تم فترة جالس بعدها قام وراها للصالة ، جلس جمبها:وشفيكك؟..
رهام بدون ماتناظرة:مافيني شي..
بوراجح:زعلتك ف شي وانا مدري؟ ، شيخة مضايقتك؟..
رهام بضيق:حسبت البيت بيكون لنا لحالنا ، ناظرتة ومسكت ايدة ، انا وانت بسس ، ابي اخذ راحتي معك ابي البس اللي ابي واسوي اللي ابي..
بوراجح:البيت بيتك مثل ماهو بيتها ، اخذي راحتك محد رح يقدر يحكرك او يضايقك..
ناظرت عمر اللي طلع من المطبخ وصدت والضيق باين بوجهها..
.
.
جالسين بالارض حول السفرة يفطرون بصمت بعدها الكل قام والبنات جلسو يلمون الصحون ، بومطلق اشر ل خولة تجلس:خلك ابغاك..
اشر لباقي بناتة وحريمة اللي يناظرونة مستغربين:وانتن توكلن..
تم ساكت ومتكي على عصاتة ويناظر الارض وخولة كل اشوي تناظرة وبسرعة تنزل راسها.،
حط ايدة على كتفها وابتسم وبحنية ماتبان علية الا نادر جداً:في ناس جو خطبوك..
ناظرتة وهي فاتحة ثمها وترمش بعدم استيعاب ، نفسها تسألة ممكن انها تتوهم او عندها مشكلة بالسمع ، قال ان جو ناس خطبوها؟؟ ، حسست بشعور جمميل ، ماتصورت بيوم من الايام انها رح تنخطب وتتزوج بسبب الاعاقة اللي فيها ، ماتخيلت ان في احد بيقبل ياخذ وحدة خرسسا ، نفسها يعيد هالكلام مرة ومرتين وثلاث تبي تسمعة يكررة ، نفسها تصرخ وتضحك وتبكي بنفس الوقت ، مو مصصدقة ، اكتفت انها تنزل راسها اللي اكتسى وجهها باللون الاحمر من الخجل..
بومطلق:ماودك تعرفين من اللخطبك؟..
تمت منزلة راسها من وموقادرة تناظر ابوها من الحيا..
بومطلق رمى قنبلتة:سهيل ولد عمك..
رفعت راسها بسرعة وشهقت..
بومطلق:الخميس رح يجون عندنا يخطبونك رسمي وتملكون وبعدها نحدد متى الزواج..
صد بعد ماشاف عيونها امتلت دموع واشر بأيدة:توكلي..
طلعت بسسرعة وشافت حريم ابوها وخواتها وحريم اخوانها كلهم واقفين عند باب المجلس يتسمعون ، ناظرتهم بضياع بعدها ركضت دخلت البيت وهي تبككي..
.
.
.
جلست على اطرف السرير:ابغى اروح السوق..
بدون مايناظر لها:ماعندنا حريم يروحن للسوق..
تكتفت:لا والله؟..
مارد..
ميرال:لا بروح موكفاية من جيت هالبيت وانا منطقة فية حتى فتحة الباب ماعتبتها ، عزيز ودني للسووق..
حط ذراعة على عيونة ومارد..
انقهررت وقامت ، وخر ذراعة عن عينة بعد ماسمعها تصفق بالاشياء وتسكر الدولاب بقوة ، شافها لبست عباتها واخذت شنطتها وجوالها:وين على الله؟..
فتحت الباب:للسوق ، طلعت..
قام بسرعة: هههي تععالي ، سفهتة ونزلت ، دخل بسرعة لبس فانيلتة وثوبة ونزل وراها ، شاف خواتة وحريم ابوة يناظرونة ، طلع بسرعة وشافها من بعيد ، لحقها وسحبها من كتفها بقوة وبحدة:ووووييين؟؟..
لفت وببرود:السوق..
عبدالعزيز:انا اوريك شغلك بالبيت ، ارجعي..
فكت نفسها منة:لا ماني راجعة ، ابروح السوق ، مهيب عيشة كلشي محرومين منة وكلشي ممنوع ولا وحرام ، بعد عني ، موكفاية معيشني شهر العسل ف بر بين الغنم والنياق وبعدها جبتني لبيت اهلك اللي مثل السجن وصابرة عليك وعلى اسلوبك الزفت معاي ، من اليوم ورايح ماراح اسكت لاني ملييت تعببت ماعاد فيني اتحمل ذا العيشة..
اخذ نفس وبهدوء: ارجعي البيت..
تكتف:ماراح ارجع وبطل تسحبني لان رح اصارخ والم الناس عليك..
تم فترة ساكت:ارجعي وانا اخذك للسوق..
ميرال بشك:كذاب؟؟..
مارد..
تركتة ورجعت للبيت ، لحقها شافها واقفة عند سيارتة ومتكتفة ، طلع مفتاح سيارتة من جيبة وركب ، ركبت جمبة ومشو ، تمو طول الطريق ساكتين وقف قبال المول:غطي عيونك..
تأففت وفكت اللثمة وتغطت بالكامل ونزلت ، تم بالسيارة فترة بعدها زفر ونزل وراها..
.
.
:تتوقعين وين رايحين؟..
الهام:اكيد بيتمشون ، ااة ليت خذوني معهم بدل الحبسة بهالبيت..
شمايل:هء هء هء مالي نفس اضحك ، قال ايش قال بيتمشون ، صاحية انتي مصدقة ان اخوك الجلف ذا بيطلعها ويمشيها ، وبعدين باين ان في وراهم سالفة ماشفتيها كيف طلعت بسرعة وباين معصبة وهو نفس الشي طلع يجري وراها..
هيلة بضيق وتحاول تهدي الجازي وتهزهاعشان تسكت:بنات قومو نصعد نجلس مع خولة..
تنهدت شمايل:ترجتني ان مااخلي احد يدخل عندها تبي تجلس لحالها ، والله ان بكيها يعور القلب حراام والله اللي ابوي قاعد يسوية..
الهام:اسكتي لايسمعك والله ان يدفنك وانتي حية..
.
.
جلسو بالمطاعم بعد ماطلبو لهم وكشفت عشان تاكل..
فز بسرعة وهو يتلافت خاف ان احد شافها وبحدة:تغغغططي ي مرة..
انخرشت وتغطت بسرعة:وشفيك ، كيف اباكل؟..
عبدالعزيز وهو صاد:كلي وانتي متغطية..
تأففت وموعارفة تاكل ومتضايقة من غطاها ، بدت تاكل ورفعت راسها لة:لية ماتاكل؟؟..
عبدالعزيز:مالي نفس..
ميرال:كل هاذا عشاني كلمت البايع ، ترا ماسويت شي غلط عاادي..
عبدالعزيز: انتي كيف تقولينها كذا ، لا مو عادي ، كيف تتجرأين تكلمين رجال غريب وماهو بمحرمن لك ، وهاذي اخر مرة تروحين فيها سوق..
ميرال:اللي يسمع اني مطيحة وناقعة فية كل يوم..
خلصت اكل وقامو ، طلعو من المول وركبو السيارة وطول الوقت ساكتين وهي تلتفت لة كل شوي تشوفة عاقد حواجبة وهو يسوق وباين انة متنرفز ، وصلو البيت ودخلت ميرال وهي شايلة الاكياس وصعدت وصعد وراها..
شرقت شمايل من الصدمة والتمو خواتها حولها..
صارت هيلة تضرب ظهرها بقوة..
الهام:يمة اختي بتمووت ، شوفي كيف وجهها ازرق ، سوي لها تنفس اصطناعي..
هيلة بخوف:م م مااعرف..
الهام:بعدي بعدي خن اسويلها اياة..
قربت من شمايل ورفستها شمايل بقوة وهي تكح:بعدي ي الوصخة ، جت حسنا بسرعة وهي شايلة كاس ماي وشربتها وهي تسمي عليها..
بعدت الكاس:ش شفتو وين ماخذها؟ عز الجلف ماخذها للسسسوق؟ السوق اللي حرام نروحة السوق اللي اسمع بة بس مااعرفة ، شفتو الاكياس اللي بيدها؟ ، خامة السوق خم ماعاد بة بضايع بالسوق اشترتة كلة ، ضربت صدرها ، ااة ي حسرتي ااة..
جلست الهام وتنهدت وهي متضايقة:خاطري اشوف كيف السوق شكلة..
هيلة بخوف:اسسكتي لايسمعك ابوي..
الهام:من اليوم ماراح اسكت ، ابطالب بحقوقنا مايصير لي متى رح نتم ساكتين وراضيين باللي يسوية رح اواجهه و ، انخرشت بعد ماانفتح باب الصالة ودخل بومطلق وظافر معة..
شمايل بهمس:وشبلاك قامطة ام العافية انطقي وقوليلة عن التقولينة قبل شوي..
عطتها الهام كوع وتمت ساكتة وتبلع ريقها..
.
.
.
نزلت وهم يناظرونها بنص عين وغيرانين منها ومستغربين ككيف قدرت تخلي عبدالعزيز يوديها للسوق..
شمايل بهمس:شوفو جايبة معها اكياس اللي اشترتهم اكيد جاية تورينا الشترتة وتقهرنا هالنذلة..
جلست ميرال بعد ماالقت السلام وردو عليها بدون نفس..
وقفت قبالهم واعطت كل وحدة كيس واخذوها وهم مسستغربين..
الهام وعينها عالكيس:وشذا!..
ميرال بأبتسامة:شوية ملابس واكسسوارات شفتهم وعجبوني وحسيت انها لايقة لكم..
صرخت شمايل بعد ماشافت الاغراض ورمتهم بالارض ونطت حضنت ميرال بقوة وباستها:وقسسسم اني احبببك ، بعدت عنها ، انا اقولهم انك غييير حريم اخواني فديتك والله ، رجعت باستها..
الهام:بس شفطتي خد البنت شفاط ، مشكورة ماتقصرين..
هيلة:ماكان لة داعي تكلفين على نفسك وتشترين لنا معك..
شمايل بصراخ:انتي وشدخل اومك هاة ، لا خليها تكلف على نفسها وان شاء الله كل يوم تروح للسوق وتشتريلنا معها ، مسكت الجلابيات والبجايم وباقي الاغراض ، شوفي قديش حلووين والوانهم زاهية ، مومثل اللي امي تشتريهم ، ناظرت ميرال ، احبتس ، ركضت صعدت فوق تجربهم..
جلست ميرال تسولف معهم..
الهام:سؤال يقرقع ف قلبي ومحيرني ، كيف اقنعتي عز ياخذك للسوق؟..
ميرال:قلتلة ابغى السوق واخذني لة..
هيلة:قولي والله ، ووداك كذا بدون مايقول شي ويعصب؟..
الهام:الحب ي قلبي الحب هو اللخلاة مايرفض يوديها ، حطت ايدها على خدها ، لفت على هيلة ، انتي متى ناوية تعرسين ي خي تزوجي وفكوني خل يجي نصيبي..
.
.
جالسة تهز رجلها بعصبية وتنتظرة يطلع من الحمام ، طلع وهو ينشف شعرة بالفوطة ، قامت بسرعة ووقفت قدامة:مين هاد اللي اسمو ابو ندى؟..
مطلق بأرتباك:صاحبي..
رفعت الجوال بوجهه:صاحبك؟ ، صاحبك وبيئول اشتأتللك وتعا لعندي الشقة لنسهر وننبسط؟..
سحب الجوال منها بسرعة:انتي من سمحلك تفتشين بجوالي؟..
سوسن بعصبية:ماتغير الموضوع ، مين هاد ابو ندى؟؟ رفيئتك؟..
مطلق:قلتلك صاحبي ماتفهمين..
سوسن:كزاب ، هلاء صاحبك رح يحكي معك هيك ، شو مفكرني مجنوني لحتى اسدأ هالكزبة..
سفهها ولبس وطلع من الجناح ، جلست ع السرير بقهر والتفكير ذابحها:انا بفرجيك يا مطلق..
.
.
جالسة تناظر الساعة وتفتر فالغرفة ومعصصبة جلست على السرير ورجعت ناظرت الساعة ، جت اربع الفجر ، هالفترة صاير موطبيعي كلا طلعات وسهر ومايجي البيت الا متأخر ، تأففت ودقت علية ، تنرفزت اكثر بعد مااعطاها مشغول ، رمت الجوال ع السرير بعصبية وصارت تقرض اظافرها بتوتر ، بعد نص ساعة انفتح الباب ودخل وهو مرووق ويغني حط جوالة ومفاتيحة ع الكومدينة وفصخ ثوبة وعلقة ، ابتسم بعد ماشافها صادة وتهز رجلها وباين انها معصصبة ، دخل الحمام وطلع جوالة الجديد وصار يرسل لنفسة رسايل حب وغزل..
لفت بعد ماسمعت صوت الرسايل بجوالة وبتردد قامت واخذت جوالة وبدون ماتفتحة شافت الرسايل بأسم سوسو ، صقر حبيبي اشتقتلك ، ادري ان توك ماشي من عندي بس وشسوي وربي احبك ، ارتبكت بعد ماانفتح باب الحمام..
صقر:تفتشين بجوالي؟؟ ، قرب واخذة منها..
تسطح ع السرير وغمض عيونة ينتظرها تصارخ تعصب تتكلم ، يدري فيها قرت الرسايل دام شاف الجوال بأيدها ، فتح عين وحدة شافها واقفة بمكانها ماتحركت ، لف وعطاها ظهرة وفز بعد ماسمع شهقتها ، جا بيقوم ويحلف لها ان هو اللي راسل لنفسة ومايعرف غيرها ويعترف لها بس مسك نفسة بقوة لايخرب كل شي ، تم معطيها ظهرة ومغمض ومتضضايق انها تبكي..
.
.
صحت من النوم شافتة نايم وحاط ذراعة على عيونة ، قامت غسلت وتوضت ولبست من جلابياتها اللي اشترتهم البارح رفعت شعرها بعشوائية..
عبدالعزيز:لاتحطين لك من ذا المكياج..
انخرشت بعد ماسمعت صوتة حسبتة نايم وتغير وجهها انها بدلت جمبة واكيد شافها..
عدل قعدتة:وغيري هالجلابية ضيقة وبارزة جسمك ومفاتنك..
ناظرت نفسها بالمرايا ، كانت لابسة جلابية حمرا وبها نقشات بالذهبي وراصة على جسمها رص ، تأففت وقامت فتحت الدولاب واخذت جلابية صفرا ، رفعت راسها بعد ماشافت ظلة ، شافتة واقف قريب منها ، مد ايد ولصق فيها واخذ جلابية غامقة وعادية واعطاها اياها:لاتلبسين الالوان الفاتحة والملفتة عند احد..
.
.
.
اخذ جلابية غامقة وعادية واعطاها اياها:لاتلبسين الالوان الفاتحة والملفتة عند احد..
سرعت بدلت بعد مادخل الحمام وطلع وهي تلبس برقعها وتلف شيلتها ، ناظرها ولبس ثوبة:يكون احسن لو تلبسين عباتك ، طلع..
تمت مكانها وتحس نفسها بتتشقق من الفرح ، ماقال كذا الا لنة يغار عليها ودامة يغار عليها معناتة يحبها ، لبست عباتها وهي مبتسسمة ، تعطرت ونزلت شافت الحريم طالعين من المطبخ شايلين صواني الفطور راحت معاهم وشالت الصينية من ايد صيتة بعد ماباست راسها..
راحو للمجلس الخارجي وحطو الاكل قدام بومطلق وسلمو علية وجلسو حولة ينتظرون البقية يجون..
جت حسنا وسلمت على بومطلق وجلست وهي عافسة وجهها..
شمايل بهمس:وشفيك؟؟..
تأففت بعد مادخل صقر وجلس وهو ماسك جوالة ويحوس فية ، خزتة وصدت..
شمايل بهمس ل الهام:الحقي شكلهم متزاعلين..
الهام:الله وناسة..
بومطلق:سمو بسم الله وكلو ، ناظر صقر شافة يطقطق بجوالة:اترك عنك ذا الجوال اللي شاغلك وكل..
دخل جوالة ف جيبة وبدا ياكل..
الهام تهمس لهيلة:الله سو كيوت شوفي كيف يناظرها..
رفعت راسها لصقر ، دقتها الهام ، مو ذا ، عزوز ، شوفي نظراتة لها من جلست ماشال عينة عنها..
هيلة:وانتي هم ماشاءالله ماشلتي عينك عنهم ، اقول كلي كلي وخلينا نصعد نجهز خولة ولا نسيتي ان اليوم ملكتها..
تنهدت واكلت..
خلصو اكل ولمو الصحون وراحو المطبخ يغسلونهم والبنات صعدو عند خولة..
جلسو على السرير ومتضايقين عليها كثير..
حطت ايدها على ظهرها:خولة؟ ، خولة ادري فيك صاحية ، تنهدت ، لاتسوين بنفسك كذا ، مسحت على شعرها ، قومي حبيبتي عشان تجهزين لملكتك..
تعالت شهقاتها ودفنت وجهها بالمخدة اكثر وماردت..
نزلت دموع هيلة وناظرت خواتها اللي يبكون بصمت ، رجعت ناظرت خولة وموعارفة شتسوي..
.
.
ضرب الباب ودخل ، شافة جالس عالسرير ومسند راسة ويناظر الجدار ، تنهد وراح جلس جمبة على اطرف السرير:سهيل يابوك مايجوز اللي انت تسوية والله مايجوز..
مارد..
سكت فترة موعارف شيقول:قوم ي ولدي لجل تجهز ، اليوم ملكتك على بنت عمك..
ابتسم بشحوب:جاي تبشرني بموتي يايبة ، كاني بنت ومالي راي فهالموضوع اللي غصبتني فية ، ذنبي برقبتك انت وعمي ، قام وترك ابوة ودخل الحمام..
تنهد بوسهيل ، تضايق كثير على ولدة بس وشبيدة ، مايبي يزعل اخوة ويخسرة ، قام وطلع وهو يستغفر ويقنع نفسة ان سهيل رح يغير راية بعد مايشوفها..
.
.
جالسين خواتها وميرال وحسنا حوالها ويحاولون يهدونها وكل ماضبطو مكياجها رجعت بكت وساح..
الهام بعصبية:يوووة بسك بكي تراك طفشتينا..
دقتها هيلة وعقدت حواجبها:خلاص حبيبتي ارحمي حالك ، قربت منها ومسحت دموعها وباست راسها ، فكري بأيجابية ، ان الجازي رح تصير لك ، مو انتي متعلقة فيها كثير وهي ماتبغي احد غيرك وانك تزعلين لما يجي مسفر ياخذها كم ساعة ويرجعها ، اخذت نفس ، ابوي ترا معة حق انتي لازم تاخذينة عشان تربين هاليتيمة ، ترضين تجيها مرت ابو قاسية وتعاملها معاملة سيئة وتضربها..
رفعت عيونها بسرعة وهي عاقدة حواجبها..
هيلة:صدقيني لو مااخذتية رح يتزوج وحدة غيرك وممكن تكون وحدة ماتخاف الله وتأذيها ، ابتسمت بعد ماشافتها هدت وباست راسها ، يالله خلينا نخلصك عشان تنزلين..
خولة: (عزمتو ناس كثير؟)..
هيلة:لا رح تكون خاصة وللاهل فقط..
اخذت خولة نفس طويل: (وين الجازي وحشتني!)..
نطت شمايل:عند مهرة ابروح اجيبها..
.
.
بالمجلس الخارجي ، جالس بوسط المجلس بين عيالة واخوانة وعيالهم ، ناظر سهيل اللي باين انة مغصوب ومتضايق لدرجة انة مالبس زين ولا حتى حلق لحيتة اللي طالت كثير وبوسهيل اللي متفشل ويتعذر منة ، تم يمسح على لحيتة ويفكرر ، قرب من بوسهيل وهمس لة وعينة على سهيل:شكلة ولدك مانة راضين ببنتي؟..
بوسهيل بتبرير:لا حشى من يقولة ، بس متكدر عشانة بيعرس ومامر على موت موضي الا كم شهر..
بومطلق:انا افكر دام مامر على موت موضي وقت طويل ورا ماياخذها اليوم وهالحين بدون عرس وطقطقة..
بوسهيل:والله انا رايي من رايك ، ناظر سهيل وخايف من ردة فعلة وانة يرفض..
.
.
.
دخلت جناحها وفصخت عباتها ورمتها ع السرير ، دخلت الحمام وتروشت عالسريع ، طلعت وهي لابسة روب الحمام ، نشفت شعرها ورسمت عيونها بالكحل العربي وكثفت الماسكارا وحطت لها بلاشر وروج احمر غامق ، سشورت شعرها ، لبست لها فستان طويل سترج اسود راص على جسمها ومبين تفاصيلة ولبست لها سبحة ذهب وحلق ومعاضد وخلاخل ، لبست عباتها البيج ولفت الطرحة بأهمال وتعطرت وطلعت ، نزلت ودخلت المجلس وفصخت عباتها وجلست مع حريم بومطلق وبناتة وبنات اخوانة..
صفرت الهام:ي عيني عالجمال ، مززة وقسمبلاة ، غمزت لها ، شافك عزوز؟..
ميرال بخجل:لاء..
الهام:انا وانا بنت خقيت اجل هو كيف..
سوسن:ماتبالغي كتير شكلا عادي..
الهام:لاوالله حرام عليك تجنن ، همست وهي تحرك حواجبها ، الله يعين شكل الليلة بيوصلنا الصراخ الاة والاية..
شمايل بغباء:لية ، بيضربها؟؟..
ضحكت الهام على وجة ميرال اللي تغير:ههههه ، اي..
.
.
:ايششش؟..
بوسهيل بهمس:قصر حسك لايسمعك عمك ويزعل..
سهيل:عشان عمي لايزعل تدمر حياتي؟ موكفاية انك جبرتني اخذها وهالحين تبيني املك واخذها معي للبيت مرة وحدة!..
بوسهيل:لايكون مفكر انك بتملك عليها وبتتركها عند اهلها طول عمرها..
سهيل:لا بس عالاقل فترة احاول اقنع نفسي انها رح تكون زوجتي واحاول اتقبلها..
بوسهيل:انا قلت اللي عندي بس يجي الشيخ تملكون وتاخذها معك..
سهيل:انا اساساً مارح انتظر الشيخ ، انا ماشي..
مسكة من كتفة بسرعة قبل لايقوم ورص على اسنانة وبهمس:واللي خلقني لو تعتب فتحة الباب لاني ابوك ولاانت ولدي ، ابك تبتفشلني قددام عمك وعيالة..
صد بوسهيل وحاول يتجاهل نظرات سهيل لة..
بعد نص ساعة..
جالس يهز رجلة بقهر وعصبية عاللي سواة ابوة وعمة ، حط مسفر ايدة على فخذة وهمس:اهدى..
رص على اسنانة:كيف اهدى ، انت شايف شاللي قاعد يصير ، زوجوني اياها بالغصب ، زوجوني اخخت موضي ، غصبوني اتزوجها وهالحين يبغوني اخذها ، ناظر ابوة وعمة اللي جالسين يسولفون مع الشيخ ، التفت بعد مادخل صقر وشايل بأيدة الدفتر ومبتسم ، اعطاة الشيخ وجا عندة ومد ايدة:الف مبروك ، مالة داعي اوصيك عليها ، حطها فعيونك تراها اغلى من روحي ، دقة مسفر بكوعة واشر بعيونة على صقر عشان يمد ايدة لة ويصافحة ، صافحة ووجهه خالي من اي تعابير..
بومطلق بأبتسامة:صقر ، قل لاختك تجهز حالها لجل تروح بيت رجلها..
استغرب صقر ، كيف تروح معة بدون حفلة زواج بس ماتكلم ، طلع من المجلس وراح يقولها..
مطلق:يوبة ، كيف تروح بدون عرس!..
بومطلق:مايصير نسوي لها عرس واختها توها متوفية..
مطلق:ننتظر كم شهر وبعدها نسوي الزواج ، لازم نسوي اعلان لزواجهم ولا وشبيقولون الناس عننا!..
بومطلق:تبتعلمني وشسوي!..
.
.
ناظرتة وهي مصدومة: (ايش)..
صقر:حتى انا استغربت بس مقدر اسألة او اعارضة ادري بيفشلني قدام عمامي وعيالهم..
رهام:كيف يعني بتروح معة بدون زواج ، بيحرمها من فرحة العرس مثل ماحرمني اياها؟ عشانة عارف انها خرسا وماتقدر تتكلم ولارح تقدر تعارضة يقوم يرميها هالرمية ويسترخصها!..
الهام ضمت خولة وتحاول تهديها..
لبست رهام عباتها:انا مارح اسمح لة يسوي فيك كذا رح اوقف بوجهه و..
قاطعتها شمايل:و ايش ، تنهدت ، اقول انطقي مكانك وان رحتيلة والله لايهبدك بعصاتة ويسقط اللي ببطنك ، جلست جمب خولة ، ارضي واقتنعي بالامر الواقع ، رفعت اكتافها ، وهم بعد مايصير تسوين عرس وتو موضي متوفية ، لو انا مكانة طرت بعباتي بلا عرس بلا بطيخ اهمشي اطلع من هالمعتقل ذا ، ابتسمت ، وترا سهيل انسان طيب وحبوب وان شاءالله رح يسعدك ، رفعت ايدينها للسما ، الفال لي يارب اعرس واخذ واحد مثلة ، اااايي ، دلكت راسها بعد ماضربها صقر..
.
.
.
//
انتهى