- Jungkook's office
< Ring!! >
« អាឡូ..ខ្ញុំ Jeon Jungkook និយាយ » កំពុងធ្វើការសុខៗក៏មានអ្នកខលមកទើបនាយត្រូវលើកទទួល ។
" លោកអគ្គនាយក!! មានមនុស្សមកពីហាងផ្ដិតរូប ថាយករូបថតធំណាស់មកឲ្យលោក កំពុងចាំនៅខាងក្រោមបាទ " លឺសន្តិសុខប្រាប់ដូច្នោះ រាងក្រាសក៏ ញញឹមបែបត្រេកអរតែម្ដង ។
« ល្អណាស់ ឲ្យពួកគេលើកយកមកបន្ទប់ខ្ញុំឥឡូវនេះមក » Jungkook
" បាទលោកអគ្គនាយក "
< តុកតុក >
« ចូលមក!! » រាងក្រាសបិទទូរស័ព្ទរួចសឹមអនុញ្ញាត មុននឹងShinyaក្នុងឈុតស៊ិចស៊ី បើកទ្វារដើរមករកគេតែម្ដង ទើបគ្រាន់តែលឺសម្លេងស្បែកជើងកែង ចោតគួរឲ្យថ្លង់ក៏ដឹងថាជានាងបាត់ទៅហើយសឹម នាយងើបមុខមើលនាងទាំងធុញទ្រាន់ ។
« មកធ្វើអី? » Jungkook សួរដោយសម្លេងរឹងដាក់ នាង ។
« នេះអូនមកអូហ្វីសរបស់ប្ដីខ្លួនឯងលែងបានទៀត ហើយមែនទេ? » ស្របសម្ដី Shinya ក៏ដើរមកក្បែរចង់អង្គុយលើភ្លៅរាងក្រាសតែ Jungkook ខិតខ្លួនចេញយ៉ាងលឿនមិនឲ្យនាងប៉ះបានធ្វើឲ្យស្រីស្រស់ឃ្នើសចិត្តតែមិនហ៊ាននិយាយចេញមកឲ្យគេដឹងទេ ។
« មានអីក៏ឆាប់និយាយមក បងមិនទំនេរច្រើនទេ » Jungkook
« ចុះបើរឿងដែលអូនចង់ប្រាប់បងជារឿងទាក់ទង នឹងក្មេងច្នៃម៉ូដឈ្មោះ Kim Taehyung ស្អីគេនោះ បងមានពេលទំនេរស្ដាប់ឬអត់? » ដូចដែលនាង ស្មានមិនខុស គ្រាន់តែលឺឈ្មោះរាងតូចភ្លាម រាងក្រាសក៏បង្ហាញទឹកមុខបែបចាប់អារម្មណ៍តែម្ដង ។
« កុំអូសបន្លាយច្រើន ឆាប់និយាយមក »Jungkook
« គឺអញ្ចេះទេ អូនបានជួលមនុស្សឲ្យតាមស៊ើបក្មេងនោះហើយក៏បានដំណឹងថាគេ... »
< តុកតុក > សម្លេងគោះទ្វារកាត់ផ្ដាច់ប្រយោគស្រីស្រស់ឲ្យនាងខាំមាត់សម្លក់ទៅរកទ្វារតែម្ដង ។
« ចូលមក » Jungkook
« ខ្ញុំយករបស់មកឲ្យលោក » មនុស្សប្រុសពីរនាក់ ដើរចូលមកទាំងក្នុងដៃជួយគ្នាកាន់របស់មួយយ៉ាងធំ ដែលជារបស់កម្ម៉ង់ពី Jungkook នោះឯង ។
« អរគុណ ទុកលើសាឡុងចុះ » Jungkook ប្រាប់ពួកគេរួចទើបងាកមករក Shinya វិញ ។
« បងថាមានការអីចាំនិយាយគ្នានៅផ្ទះ ពេលនេះបង រវល់អ៊ីចឹងចេញទៅវិញចុះ » Jungkook
« នេះបង..បងដេញអូន? » នាងចង្អុលខ្លួនឯងទាំងនឹកហួសចិត្តនាយ ។
« ហើយយ៉ាងម៉េច? » រាងក្រាសធ្វើទឹកមុខស្មើសួរ បកនាងវិញទើប Shinya បញ្ចេញឬកពារមិនពេញចិត្តមុននឹងដើរតាំងៗចេញទៅវិញបាត់ទៅ ឯបុគ្គលិក ពីរនាក់យករបស់មកឲ្យក៏ទៅវិញរួចដូចគ្នាដែរ ។ បន្ទាប់ពីនោះ Jungkook ក៏ដើរទៅបើកប្រអប់របស់ដែលគេកម្ម៉ង់ចេញមុននឹងបានឃើញរូបថតរបស់គេជាមួយ Taehyung កាលថតជាមួយគ្នានៅប៉ារីស ដោយសារឃើញរូបស្អាតហើយយល់ថាមានអនុស្សាវរីយ៍ជាមួយគ្នាទៀតនោះ នាយក៏បានយកវាទៅឲ្យគេផ្ដិតឲ្យធំហើយដាក់ស៊ុមយ៉ាងស្រស់ស្អាត ថ្ងៃនេះគេនឹង surprise រាងតូចជាមួយរបស់នេះ Taehyung មុខជាពេញចិត្តប្រាកដណាស់ គេជឿថាបែបនោះ ។
< Ring!! > ភ្លាមៗទូរស័ព្ទនាយក៏រោទិ៍ឡើងម្ដងទៀត ទើប Jungkook ទុកស៊ុមរូបថតថ្នមៗនៅលើសាឡុង សឹមដើរទៅមើល ពេលឃើញថាជាលេខរបស់ Taehyung ហើយស្នាមញញឹមក៏ផុសឡើងដោយ ស្វ័យប្រវត្តិតែម្ដង ។
« អាឡូ Tae!! ខលមកចំពេលល្អណាស់ បងកំពុង តែរកអូនល្មមហើយនេះអូននៅឯណាហ្នឹង? » Jungkook
" អ៊ីចឹងហ្អ៎? បងនឹកអូនណាស់មែនទេ? " ស្ដាប់ទៅ សម្លេងរាងតូចអាចនឹងផ្អែមល្ហែមតែការពិត ទឹកមុខគេ កំពុងតែរាបស្មើពោរពេញដោយក្ដីគុំគួនខណៈដែល ពេលនេះគេកំពុងនៅខាងមុខផ្ទះដែលគេធ្លាប់រស់នៅកាលពី១៨ឆ្នាំមុន ជាផ្ទះដែលគេធ្លាប់ទទួលបានភាពកក់ក្ដៅពីប៉ាម៉ាក់បង្កើតតែក្ដីសុខទាំងអស់ត្រូវបាន រលាយដោយសារស្នាដៃមនុស្សប្រុសតែម្នាក់គត់ ដែលគេកំពុងនិយាយជាមួយពេលនេះ ។
« នឹកហើយក៏ស្រឡាញ់អូនបំផុតដែរ នេះអូននៅមិនទាន់ដឹងទៀតហ្អេ៎? អ៊ីចឹងបងប្រហែលជាត្រូវបង្ហាញ ក្ដីស្រឡាញ់ឲ្យអូនឃើញច្រើនជាងធម្មតាហើយ » Jungkook និយាយទាំងញញឹមបិទមាត់មិនជិត ឯរាងតូចស្ងាត់បន្តិចសឹមនិយាយបន្ត ។
" Jungkook...អូនហៅបងបែបនេះបានទេ? " Taehyung
« សម្រាប់អូន បែបណាក៏បានដែរ » នាយនៅតែឆ្លើយទាំងញញឹម ។
" អូនមានកន្លែងមួយចង់នាំបងទៅ ប្រហែលជាកន្លះម៉ោងទៀតចាំអូនទៅក្រុមហ៊ុនទទួលបង " Taehyung
« អូនចង់នាំបងទៅកន្លែងណា? ឬមួយក៏ជាកន្លែងរ៉ូមែនទិចសម្រាប់តែបងហើយនិងអូន? ហាហា អូនធ្វើឲ្យបងគិតច្រើនហើយណា៎ Tae » នាយនិយាយផងសើចផងទាំងកំពុងមើលរូបថតរបស់គេនិងរាងតូច ។
" មែនហើយ កន្លែងនោះស្ងប់ស្ងាត់ហើយនឹងមានតែ បងនិងអូនប៉ុណ្ណោះ " Taehyung
« អូខេចាំជួបគ្នា បងស្រឡាញ់អូន » Jungkook ថើបលារាងតូចតាមទូរស័ព្ទមុននឹងទាញរូបថតមកកាន់មើលម្ដងទៀតដោយក្ដីសុខមានពេញក្នុងបេះដូង របស់គេ ទាំងដែលនាយមិនបានដឹងថាបន្តិចទៀត រឿងមិនល្អនឹងកើតឡើងមកលើខ្លួនឡើយ ។
- កន្លះម៉ោងក្រោយមក
< ទីង!! > សម្លេងសារលោតឡើងទើបរាងក្រាសដែលអង្គុយមើលរូបថតលឺហើយទុកវានៅមួយដុំមុននឹងទាញទូរស័ព្ទមកមើល ។
" អូនមកដល់ហើយ " នាយអានសាររួចក៏ញញឹមសឹមក្រោកឈរឡើងទាំងមិនប្រយ័ត្នធ្វើឲ្យរូបថតធ្លាក់ទៅ លើឥដ្ឋបែកកញ្ចក់ភ្លាមៗតែម្ដង ជាហេតុធ្វើឲ្យគេមានអារម្មណ៍មិនល្អទាល់តែសោះព្រោះការបែកកញ្ចក់រូបថតជាប្រផ្នូលប្រាប់ពីសំណាងអាក្រក់ដល់មនុស្សក្នុងរូបថត យ៉ាងណាមិញរូបថតនោះជារូបរបស់គេនិង Taehyung ឬមួយពួកគេអាចនឹងមានរឿងមិនល្អកើតឡើងឆាប់ៗនេះទេដឹង?
« ប្រហែលជាគ្មានអីទេ » Jungkook ប្រាប់ខ្លួនឯង ហើយព្យាយាមធ្វើធម្មតាមុននឹងដើរចុះទៅរករាងតូច នៅខាងក្រោមដោយមិនភ្លេចផ្ដាំសន្តិសុខឲ្យប្រាប់ បុគ្គលិកអនាម័យទៅសម្អាតកំទេចកញ្ចក់ដែរក្នុង អូហ្វីសគេដែរ ។
« បាទលោកអគ្គនាយក » សន្តិសុខទទួលពាក្យ នាយរួចទើប Jungkook ដើរមករករាងតូចដែលចាំគេក្នុងឡាន ។
« ចាំបងយូរហើយហ្អេ៎? » នាយសួរក្រោយចូលអង្គុយរួចរាល់ថែមទាំងថើបថ្ពាល់រាងតូចមួយខ្សឺតទៀតផង ។
« មិនយូរទេ » Taehyung ញញឹមតិចៗមិនសូវសម ដាក់គេមុននឹងបញ្ឆេះម៉ាស៊ីនឡានបើកចេញទៅ ទោះបីJungkook សួរថាទៅណាក៏គេមិនប្រាប់ព្រោះកន្លែងនោះ នាយក៏ស្គាល់ដែរប៉ុន្តែអ្វីដែលគេមិនបាន ដឹងគឺមូលហេតុដែលគេត្រូវរាងតូចនាំទៅ អាចថាវា ដល់ពេលវេលាត្រូវបញ្ចប់បញ្ហារវាងពួកគេទាំងពីរ ហើយ ។
To be continued.......🌺🥀