" မာရွယ္ .. ေပါက္ကြဲမႈေတြေၾကာင့္ ကယ္ဆယ္ေရး ယာဉ္က ၿဂိဳလ္ေပၚကေန ထြက္ခြာလို႔ မရဘူးတဲ့ .." ရိုဟန္ သည္ ျမဴျဂိဳလ္ေပၚက ကမ႓ာပ်က္ျမင္ကြင္းအား စခရင္ေပၚမွ တဆင့္ ၾကၫ့္ေနခဲ့ရင္း သူ႔မ်က္ႏွာက တျဖည္းျဖည္း မဲေမွာင္လာခဲ့သည္ ။ ' ေပါက္ကြဲမႈကို ရပ္တန႔္ရမယ္ .. ရပ္တန႔္ရမယ္ ..'
သည္အခ်ိန္တြင္ ထိန္းခ်ဳပ္ေရး အခန္းမွ တံခါးပြင့္သြားကာ ေလာ့ သည္ အလ်င္စလို ဝင္ေရာက္လာခဲ့သည္ ။ သူက အရာရိွ တစ္ေယာက္ဆီမွ ဆက္သြယ္ေရး ကိရိယာအား ယူလိုက္ၿပီး " Liam .. Liam .. ငါေျပာတာ ၾကားရလား .."
ဆက္သြယ္ေရး ကိရိယာတစ္ဖက္မွ Liam ၏ ျပတ္ေတာက္ျပတ္ေတာက္ အသံက ထြက္ေပၚလာခဲ့သည္ ။ " ၾကားတယ္ "
" မင္းရဲ့ ပတ္လည္မွာ ထင္ထင္ရွားရွား ျမင္ေနရတဲ့ အေဆာက္အဦး တစ္ခုခုရိွလား .. ေသခ်ာသေလာက္ အေဆာက္အဦး ေဘးပတ္လည္မွာ ေပါက္ကြဲမႈ မရိွေသးဘူး .." ေလာ့၏ စကားေၾကာင့္ Liam က ပတ္လည္သို႔ ေဝ႔ွၾကၫ့္လိုက္၏ ။ အေဆာက္အဦး အမ်ားစုသည္ ပ်က္စီးမႈမွ မလြတ္ေျမာက္ခဲ့ဘဲ ၿပိဳလဲေနၾကၿပီ ျဖစ္ကာ ယႏၲရားကဲ့သို႔ အေဆာက္အဦးမ်ားသည္ ယခုအခါ ပံုပ်က္ေနၿပီ ျဖစ္သည္ ။ သူ႔အၾကၫ့္က အလယ္ဗဟို တြင္ မဟုတ္ဘဲ ယခုခ်ိန္ထိ ထိခိုက္မႈ ႀကီးႀကီးမားမား မရိွေသးသၫ့္ အေဆာက္အဦး ထံသို႔ ေရာက္သြားခဲ့သည္ ။
" ရိွတယ္ .. "
ေလာ့ က စခရင္ရိွ ျမင္ကြင္းအား အက်ယ္ခ်ဲ့ခိုင္းလိုက္ၿပီး အေဆာက္အဦးအား ရွာလိုက္သည္ ။ ေပါက္ကြဲမႈမ်ားေၾကာင့္ ဆက္သြယ္ေရးသည္ မတည္မၿငိမ္ျဖစ္ေနသၫ့္အျပင္ မီးခိုးမ်ား မီးေတာက္မ်ားျဖင့္ ေနရာအျပၫ့္ျဖစ္ေနသည္ ။
" ၿဂိဳလ္တစ္ခုလံုးကို ေဖာက္ခြဲဖို႔ အခ်ိန္ယူရမွာဘဲ .. အဲ့ေနရာက ထိန္းခ်ဳပ္ေရး စင္တာ ျဖစ္ႏိုင္ေခ် ..၈၀% ေလာက္ ရိွတယ္ .. ရပ္တန႔္ဖို႔ဆိုရင္ အဲ့ကို သြားရလိမ့္မယ္ .. " ေလာ့က အသက္ျပင္းျပင္းရႈလ်က္ ေျပာလိုက္သည္ ။ " အေဆာက္အဦးကို ေရာက္ရင္ ေနရာတစ္ခုလံုးကို အက်ဉ္းခ်ဳပ္ျပေပးပါ .. အထဲက အေျခအေနကို အတတ္ႏိုင္ဆံုး ၾကၫ့္ေပးမယ္.."
" Sir .. တစ္ေယာက္တည္း ျဖစ္ပါ့မလား .." အဖြဲ႔သားမ်ားက Liam အား စိုးရိမ္တႀကီး ၾကၫ့္လိုက္ၾကသည္ ။ Liam က " ဒီေနရာက အေဆာက္အဦးနဲ႔ သိပ္မေဝးလို႔ ေပါက္ကြဲမႈက ကြက္ၾကားျဖစ္ေနတာ .. အခ်ိန္မေရြး အႏၲရယ္ရိွတယ္ .. မင္းတို႔က ထြက္ခြာဖို႔ အၿမဲတမ္း အဆင္သင့္ျဖစ္ေနရမယ္ .. ေပါက္ကြဲမႈ မရပ္တန႔္ေသးေပမဲ့.. အႏၲရယ္ကင္းတဲ့လမ္းေၾကာင္း ေတြ့ရင္ ခ်က္ခ်င္း သြားေတာ့ .. "
Liam ၏ ေအးစက္ေနသၫ့္ အမႈအရာေၾကာင့္ ဘယ္သူမွ စကားထပ္မဆိုရဲေတာ့ေပ ။ သူတို႔က တိတ္တဆိတ္ အမိန႔္နာခံကာ ပံုရိပ္အေသးေလး က်န္သည္အထိ ထြက္သြားသၫ့္ Liam ၏ ေက်ာျပင္ကိုသာ ၾကၫ့္ေနလိုက္ၾကရေတာ့သည္ ။
Liam သည္ အေဆာက္အဦးအား ေမာ့ၾကၫ့္လိုက္ၿပီး လက္ပတ္အား အသာတို႔ထိလိုက္သည္ ။ " ေလာ့ .. ငါ ဝင္မဲ့ လမ္းေၾကာင္းကို စစ္ေဆးပါ "
ခဏအၾကာတြင္ လက္ပတ္မွ စက္သံတစ္ခ်က္ ျမည္သြားကာ အေဆာက္အဦး ပံုၾကမ္းတစ္ခု ေပၚလာခဲ့သည္ ။
" အေဆာက္အဦး ရဲ့ အထပ္တိုင္း ကို အသံုးျပဳခြင့္ ကဒ္နဲ႔ဝင္လို႔ရတဲ့ စနစ္ ပရိုဂရမ္တစ္ခု ထၫ့္ထားတယ္ .. အဲ့ဒါကို ငါေျဖရွင္းႏိုင္တယ္ .." Liam က ဘာမွေတြးမေနဘဲ အေပၚသို႔ တက္သြားလိုက္သည္ ။ သူက အဓိက အခန္းကို ရွာရန္ အခ်ိန္သိပ္မယူခ်င္ေနခဲ့ေပ ။
တီ!!!
အဓိက ထိန္းခ်ဳပ္ခန္းထဲသို႔ ဝင္လိုက္သည္နဲ႔ က်ယ္ေလာင္သၫ့္ အခ်က္ေပးသံကို ၾကားလိုက္ရသည္ ။ Liam သူ႔ေျခလွမ္းမ်ားကို ဂရုတစိုက္ လွမ္းရင္း မ်က္စိေရ႔ွက ဖန္သားျပင္ႀကီးအား ၾကၫ့္လိုက္သည္ ။ မ်က္ႏွာျပင္တြင္ ရာခိုင္ႏႈန္းျပ စာတန္းတစ္ခုသည္ ထင္ထင္ရွားရွား ရိွေနခဲ့၏ ။ ဒီ ပရိုဂရမ္ႀကီးသည္ ၿဂိဳလ္ကို ဖ်က္ဆီးဖို႔ တမင္ ျပဳလုပ္ထားသၫ့္ စနစ္ႀကီး ျဖစ္ေပေတာ့သည္ ။
" ဒါ.. ဒါ..ဒါက ေသစမ္း!! ဒီအရူးေတြေတာ့ Liam အဲ့ထဲက ျမန္ျမန္ထြက္လာခဲ့ေတာ့ .." စခရင္မွ ျမင္လိုက္ရသၫ့္ အရာေၾကာင့္ ေလာ့သည္ ထိတ္လန႔္သြားကာ က်ိန္ဆဲမိလိုက္ၿပီး Liam အား သတိေပးလိုက္သည္ ။
" အဲ့စနစ္က ဖ်က္ဆီးဖို႔ အဓိက လုပ္ထားတာဘဲ .. ရပ္တန႔္လို႔ မရဘူး .. ငါ့အဆင့္နဲ႔ေပါ့ .. အဲ့ပစၥည္းကို ဆက္သြယ္မႈ ျဖတ္ေတာက္လိုက္ရင္ေတာင္ မရဘူး .. " သူ႔အသံက အလြန္ေသခ်ာေနခဲ့သည္ ။
Liam က လက္ကို တင္းတင္းဆုပ္လိုက္ကာ " တျခားနည္းလမ္း မရိွဘူးလား .." ေလာ့၏ အသံက တိတ္ဆိတ္သြားသည္ ။ ရိုဟန္သည္ မ်က္ႏွာထက္တြင္ ေသြးေရာင္ပင္ မရိွေတာ့သၫ့္ ေလာ့ အား ၾကၫ့္ရင္း မ်က္ေမွာင္ၾကဳတ္လိုက္ကာ " တျခားနည္းရိွရင္ ေျပာလိုက္ "
" ေပါက္ကြဲမႈက ေနရာက်ယ္ကေန တျဖည္းျဖည္း ခ်ံဳလာတာ .. အဲ့ ပရိုဂရမ္ကို ေျပာင္းျပန္လုပ္လို႔ရေပမဲ့ .. " ေလာ့၏ အသံက တိုးဝင္သြားေတာ့သည္ ။ " ေပါက္ကြဲမႈက ဒီအေဆာက္အဦးကေန စတင္လိမ့္မယ္ .. မင္းလဲ လြတ္မွာ မဟုတ္ဘူး .. "
Liam က တစ္ခ်က္ၿပံဳးလိုက္ကာ " ဘယ္ဟာကို ႏိွပ္ရမလဲသာ ေျပာေတာ့ .."
သူ႔ ဆံုးျဖတ္ခ်က္အား ၾကားသၫ့္အခ်ိန္တြင္ ေလာ့က သူသိေနတယ္ဆိုသၫ့္ အမႈအရာျဖင့္ ႏူတ္ခမ္းမ်ား တုန္ယင္သြားေတာ့သည္ ။ သူသည္ အခ်ိန္မရိွသျဖင့္ အပိုစကားမ်ား မေျပာႏိုင္ခဲ့ေပ ။ Liam အား တုန္ယင္ေနသၫ့္ အသံျဖင့္ ၫႊန္ၾကားေနရင္း သူ႔မ်က္ဝန္းမ်ားမွ မ်က္ရည္မ်ား စီးက်လာသည္ ။ ၿဂိဳလ္သည္ ပ်က္စီးဖို႔ ၉၀% ရိွေနလ်ွင္ Liam သည္ ၉၉% ေသရန္ ေသခ်ာေနခဲ့သည္ မဟုတ္ပါလား ။
" အဲ့ဒီျဖစ္စဉ္မွာ .. စနစ္က ျပန္လည္စတင္တဲ့ ပံုစံျဖစ္သြားတဲ့အတြက္ ေပါက္ကြဲမႈက အခ်ိန္ ငါးမိနစ္ေလာက္ ရပ္တန႔္သြားလိမ့္မယ္ .. " ထို အခ်ိန္သည္ ခဏသာျဖစ္ေသာ္လည္း ကယ္ဆယ္ေရး ယာဉ္က ထြက္ခြာႏိုင္ရန္ လံုေလာက္သၫ့္အခ်ိန္ ရိွေပးသည္ ။
အခ်ိန္စတင္ ေရတြက္ေနခဲ့ရင္း လူတိုင္း၏ ႏွလံုးသားက တုန္ယင္လာခဲ့ၿပီး ဝမ္းနည္းမႈမ်ားျဖင့္ တင္းၾကပ္လာသည္ ။ စစ္ပြဲတြင္ ဆံုးရႈံးမႈမ်ား ရိွသည္က ေသခ်ာေသာ္လည္း ယခု သူတို႔က အေတာ္ဆံုး ကြန္မန္ဒါကို ဆံုးရႈံးရေတာ့မည္ ။ ရိုဟန္ သည္ စခရင္အား အၾကည္မလြဲဘဲ မ်က္ႏွာေသျဖင့္ ရိွေနခဲ့သည္ ။ သူသည္ အခ်ိန္တိုင္း Liam အား ယံုၾကည္ေနခဲ့ေသာ္လည္း ယခုအခ်ိန္တြင္ ယံုၾကည္မႈက ယိမ္းယိုင္လာခဲ့သည္ ။
ကယ္ဆယ္ေရးယာဉ္က ၿဂိဳလ္ေပၚမွ ထြက္ခြာသြားၿပီးၿပီးခ်င္း Liam ရိွေနသၫ့္ အေဆာက္အဦးသည္ က်ယ္ေလာင္သၫ့္ ေပါက္ကြဲသံနဲ႔အတူ ပ်က္စီးသြားေတာ့သည္ ။ ေလာ့သည္ ေျခေထာက္မ်ား မခိုင္ေတာ့သျဖင့္ ၾကမ္းျပင္ေပၚသို႔ ပံုလ်က္ လဲက်သြားေတာ့သည္ ။ ကယ္ဆယ္ေရး ယာဉ္နဲ႔ ဆက္သြယ္ေရးလိႈင္းသည္ ပ်က္မသြားခဲ့ေသာ္လည္း Liam နဲ႔ လံုးဝ ဆက္သြယ္၍ မရေတာ့ေပ ။ က်န္ရစ္ေနခဲ့သည္က မဲေမွာင္ေနသၫ့္ စခရင္ တစ္ခုသာ ။
သည္အခ်ိန္တြင္ ဟီရုန္ သည္ ထိန္းသိမ္းေရး အခန္းထဲတြင္ ရိွေနကာ အျပင္ဘက္က အေျခအေနအား တစ္ခ်က္ၾကၫ့္လိုက္သည္ ။ သူ႔ လက္ေမာင္းတြင္ ေသြးမ်ား ထြက္လာကာ ခနအၾကာတြင္ ေသးငယ္သၫ့္ ခ်ပ္စ္ ျပား ပံုသ႑ာန္ အရာေလးထြက္လာခဲ့သည္ ။ ထိုအရာေလးအား နားတြင္ ကပ္လိုက္သည္ ။ တစ္ဘက္မွ အသံလိႈင္းတစ္ခ်ိဳ႕ ကို လက္ခံၿပီးခ်ိန္တြင္ ဟီရုန္၏ မ်က္ႏွာထက္တြင္ ေက်နပ္သၫ့္ အၿပံဳးတစ္ခု ေပၚလာခဲ့သည္ ။ အသံလိႈင္းမွ ပို႔လႊတ္လိုက္သၫ့္ အရာသည္ အျခားမဟုတ္ေပ ။
" Liam ေသသြားၿပီ " ဟူ၍ပင္ ။
____________________
🙏🙏စိတ္ေလ်ာ့ၾကကုန္..😁
___________________
Unicode
" မာရှယ် .. ပေါက်ကွဲမှုတွေကြောင့် ကယ်ဆယ်ရေး ယာဉ်က ဂြိုလ်ပေါ်ကနေ ထွက်ခွာလို့ မရဘူးတဲ့ .." ရိုဟန် သည် မြူဂြိုလ်ပေါ်က ကမ်ဘာပျက်မြင်ကွင်းအား စခရင်ပေါ်မှ တဆင့် ကြည့်နေခဲ့ရင်း သူ့မျက်နှာက တဖြည်းဖြည်း မဲမှောင်လာခဲ့သည် ။ ' ပေါက်ကွဲမှုကို ရပ်တန့်ရမယ် .. ရပ်တန့်ရမယ် ..'
သည်အချိန်တွင် ထိန်းချုပ်ရေး အခန်းမှ တံခါးပွင့်သွားကာ လော့ သည် အလျင်စလို ဝင်ရောက်လာခဲ့သည် ။ သူက အရာရှိ တစ်ယောက်ဆီမှ ဆက်သွယ်ရေး ကိရိယာအား ယူလိုက်ပြီး " Liam .. Liam .. ငါပြောတာ ကြားရလား .."
ဆက်သွယ်ရေး ကိရိယာတစ်ဖက်မှ Liam ၏ ပြတ်တောက်ပြတ်တောက် အသံက ထွက်ပေါ်လာခဲ့သည် ။ " ကြားတယ် "
" မင်းရဲ့ ပတ်လည်မှာ ထင်ထင်ရှားရှား မြင်နေရတဲ့ အဆောက်အဦး တစ်ခုခုရှိလား .. သေချာသလောက် အဆောက်အဦး ဘေးပတ်လည်မှာ ပေါက်ကွဲမှု မရှိသေးဘူး .." လော့၏ စကားကြောင့် Liam က ပတ်လည်သို့ ဝှေ့ကြည့်လိုက်၏ ။ အဆောက်အဦး အများစုသည် ပျက်စီးမှုမှ မလွတ်မြောက်ခဲ့ဘဲ ပြိုလဲနေကြပြီ ဖြစ်ကာ ယန္တရားကဲ့သို့ အဆောက်အဦးများသည် ယခုအခါ ပုံပျက်နေပြီ ဖြစ်သည် ။ သူ့အကြည့်က အလယ်ဗဟို တွင် မဟုတ်ဘဲ ယခုချိန်ထိ ထိခိုက်မှု ကြီးကြီးမားမား မရှိသေးသည့် အဆောက်အဦး ထံသို့ ရောက်သွားခဲ့သည် ။
" ရှိတယ် .. "
လော့ က စခရင်ရှိ မြင်ကွင်းအား အကျယ်ချဲ့ခိုင်းလိုက်ပြီး အဆောက်အဦးအား ရှာလိုက်သည် ။ ပေါက်ကွဲမှုများကြောင့် ဆက်သွယ်ရေးသည် မတည်မငြိမ်ဖြစ်နေသည့်အပြင် မီးခိုးများ မီးတောက်များဖြင့် နေရာအပြည့်ဖြစ်နေသည် ။
" ဂြိုလ်တစ်ခုလုံးကို ဖောက်ခွဲဖို့ အချိန်ယူရမှာဘဲ .. အဲ့နေရာက ထိန်းချုပ်ရေး စင်တာ ဖြစ်နိုင်ချေ ..၈၀% လောက် ရှိတယ် .. ရပ်တန့်ဖို့ဆိုရင် အဲ့ကို သွားရလိမ့်မယ် .. " လော့က အသက်ပြင်းပြင်းရှုလျက် ပြောလိုက်သည် ။ " အဆောက်အဦးကို ရောက်ရင် နေရာတစ်ခုလုံးကို အကျဉ်းချုပ်ပြပေးပါ .. အထဲက အခြေအနေကို အတတ်နိုင်ဆုံး ကြည့်ပေးမယ်.."
" Sir .. တစ်ယောက်တည်း ဖြစ်ပါ့မလား .." အဖွဲ့သားများက Liam အား စိုးရိမ်တကြီး ကြည့်လိုက်ကြသည် ။ Liam က " ဒီနေရာက အဆောက်အဦးနဲ့ သိပ်မဝေးလို့ ပေါက်ကွဲမှုက ကွက်ကြားဖြစ်နေတာ .. အချိန်မရွေး အန္တရယ်ရှိတယ် .. မင်းတို့က ထွက်ခွာဖို့ အမြဲတမ်း အဆင်သင့်ဖြစ်နေရမယ် .. ပေါက်ကွဲမှု မရပ်တန့်သေးပေမဲ့.. အန္တရယ်ကင်းတဲ့လမ်းကြောင်း တွေ့ရင် ချက်ချင်း သွားတော့ .. "
Liam ၏ အေးစက်နေသည့် အမှုအရာကြောင့် ဘယ်သူမှ စကားထပ်မဆိုရဲတော့ပေ ။ သူတို့က တိတ်တဆိတ် အမိန့်နာခံကာ ပုံရိပ်အသေးလေး ကျန်သည်အထိ ထွက်သွားသည့် Liam ၏ ကျောပြင်ကိုသာ ကြည့်နေလိုက်ကြရတော့သည် ။
Liam သည် အဆောက်အဦးအား မော့ကြည့်လိုက်ပြီး လက်ပတ်အား အသာတို့ထိလိုက်သည် ။ " လော့ .. ငါ ဝင်မဲ့ လမ်းကြောင်းကို စစ်ဆေးပါ "
ခဏအကြာတွင် လက်ပတ်မှ စက်သံတစ်ချက် မြည်သွားကာ အဆောက်အဦး ပုံကြမ်းတစ်ခု ပေါ်လာခဲ့သည် ။
" အဆောက်အဦး ရဲ့ အထပ်တိုင်း ကို အသုံးပြုခွင့် ကဒ်နဲ့ဝင်လို့ရတဲ့ စနစ် ပရိုဂရမ်တစ်ခု ထည့်ထားတယ် .. အဲ့ဒါကို ငါဖြေရှင်းနိုင်တယ် .." Liam က ဘာမှတွေးမနေဘဲ အပေါ်သို့ တက်သွားလိုက်သည် ။ သူက အဓိက အခန်းကို ရှာရန် အချိန်သိပ်မယူချင်နေခဲ့ပေ ။
တီ!!!
အဓိက ထိန်းချုပ်ခန်းထဲသို့ ဝင်လိုက်သည်နဲ့ ကျယ်လောင်သည့် အချက်ပေးသံကို ကြားလိုက်ရသည် ။ Liam သူ့ခြေလှမ်းများကို ဂရုတစိုက် လှမ်းရင်း မျက်စိရှေ့က ဖန်သားပြင်ကြီးအား ကြည့်လိုက်သည် ။ မျက်နှာပြင်တွင် ရာခိုင်နှုန်းပြ စာတန်းတစ်ခုသည် ထင်ထင်ရှားရှား ရှိနေခဲ့၏ ။ ဒီ ပရိုဂရမ်ကြီးသည် ဂြိုလ်ကို ဖျက်ဆီးဖို့ တမင် ပြုလုပ်ထားသည့် စနစ်ကြီး ဖြစ်ပေတော့သည် ။
" ဒါ.. ဒါ..ဒါက သေစမ်း!! ဒီအရူးတွေတော့ Liam အဲ့ထဲက မြန်မြန်ထွက်လာခဲ့တော့ .." စခရင်မှ မြင်လိုက်ရသည့် အရာကြောင့် လော့သည် ထိတ်လန့်သွားကာ ကျိန်ဆဲမိလိုက်ပြီး Liam အား သတိပေးလိုက်သည် ။
" အဲ့စနစ်က ဖျက်ဆီးဖို့ အဓိက လုပ်ထားတာဘဲ .. ရပ်တန့်လို့ မရဘူး .. ငါ့အဆင့်နဲ့ပေါ့ .. အဲ့ပစ္စည်းကို ဆက်သွယ်မှု ဖြတ်တောက်လိုက်ရင်တောင် မရဘူး .. " သူ့အသံက အလွန်သေချာနေခဲ့သည် ။
Liam က လက်ကို တင်းတင်းဆုပ်လိုက်ကာ " တခြားနည်းလမ်း မရှိဘူးလား .." လော့၏ အသံက တိတ်ဆိတ်သွားသည် ။ ရိုဟန်သည် မျက်နှာထက်တွင် သွေးရောင်ပင် မရှိတော့သည့် လော့ အား ကြည့်ရင်း မျက်မှောင်ကြုတ်လိုက်ကာ " တခြားနည်းရှိရင် ပြောလိုက် "
" ပေါက်ကွဲမှုက နေရာကျယ်ကနေ တဖြည်းဖြည်း ချုံလာတာ .. အဲ့ ပရိုဂရမ်ကို ပြောင်းပြန်လုပ်လို့ရပေမဲ့ .. " လော့၏ အသံက တိုးဝင်သွားတော့သည် ။ " ပေါက်ကွဲမှုက ဒီအဆောက်အဦးကနေ စတင်လိမ့်မယ် .. မင်းလဲ လွတ်မှာ မဟုတ်ဘူး .. "
Liam က တစ်ချက်ပြုံးလိုက်ကာ " ဘယ်ဟာကို နှိပ်ရမလဲသာ ပြောတော့ .."
သူ့ ဆုံးဖြတ်ချက်အား ကြားသည့်အချိန်တွင် လော့က သူသိနေတယ်ဆိုသည့် အမှုအရာဖြင့် နူတ်ခမ်းများ တုန်ယင်သွားတော့သည် ။ သူသည် အချိန်မရှိသဖြင့် အပိုစကားများ မပြောနိုင်ခဲ့ပေ ။ Liam အား တုန်ယင်နေသည့် အသံဖြင့် ညွှန်ကြားနေရင်း သူ့မျက်ဝန်းများမှ မျက်ရည်များ စီးကျလာသည် ။ ဂြိုလ်သည် ပျက်စီးဖို့ ၉၀% ရှိနေလျှင် Liam သည် ၉၉% သေရန် သေချာနေခဲ့သည် မဟုတ်ပါလား ။
" အဲ့ဒီဖြစ်စဉ်မှာ .. စနစ်က ပြန်လည်စတင်တဲ့ ပုံစံဖြစ်သွားတဲ့အတွက် ပေါက်ကွဲမှုက အချိန် ငါးမိနစ်လောက် ရပ်တန့်သွားလိမ့်မယ် .. " ထို အချိန်သည် ခဏသာဖြစ်သော်လည်း ကယ်ဆယ်ရေး ယာဉ်က ထွက်ခွာနိုင်ရန် လုံလောက်သည့်အချိန် ရှိပေးသည် ။
အချိန်စတင် ရေတွက်နေခဲ့ရင်း လူတိုင်း၏ နှလုံးသားက တုန်ယင်လာခဲ့ပြီး ဝမ်းနည်းမှုများဖြင့် တင်းကြပ်လာသည် ။ စစ်ပွဲတွင် ဆုံးရှုံးမှုများ ရှိသည်က သေချာသော်လည်း ယခု သူတို့က အတော်ဆုံး ကွန်မန်ဒါကို ဆုံးရှုံးရတော့မည် ။ ရိုဟန် သည် စခရင်အား အကြည်မလွဲဘဲ မျက်နှာသေဖြင့် ရှိနေခဲ့သည် ။ သူသည် အချိန်တိုင်း Liam အား ယုံကြည်နေခဲ့သော်လည်း ယခုအချိန်တွင် ယုံကြည်မှုက ယိမ်းယိုင်လာခဲ့သည် ။
ကယ်ဆယ်ရေးယာဉ်က ဂြိုလ်ပေါ်မှ ထွက်ခွာသွားပြီးပြီးချင်း Liam ရှိနေသည့် အဆောက်အဦးသည် ကျယ်လောင်သည့် ပေါက်ကွဲသံနဲ့အတူ ပျက်စီးသွားတော့သည် ။ လော့သည် ခြေထောက်များ မခိုင်တော့သဖြင့် ကြမ်းပြင်ပေါ်သို့ ပုံလျက် လဲကျသွားတော့သည် ။ ကယ်ဆယ်ရေး ယာဉ်နဲ့ ဆက်သွယ်ရေးလှိုင်းသည် ပျက်မသွားခဲ့သော်လည်း Liam နဲ့ လုံးဝ ဆက်သွယ်၍ မရတော့ပေ ။ ကျန်ရစ်နေခဲ့သည်က မဲမှောင်နေသည့် စခရင် တစ်ခုသာ ။
သည်အချိန်တွင် ဟီရုန် သည် ထိန်းသိမ်းရေး အခန်းထဲတွင် ရှိနေကာ အပြင်ဘက်က အခြေအနေအား တစ်ချက်ကြည့်လိုက်သည် ။ သူ့ လက်မောင်းတွင် သွေးများ ထွက်လာကာ ခနအကြာတွင် သေးငယ်သည့် ချပ်စ် ပြား ပုံသဏ္႑ာန် အရာလေးထွက်လာခဲ့သည် ။ ထိုအရာလေးအား နားတွင် ကပ်လိုက်သည် ။ တစ်ဘက်မှ အသံလှိုင်းတစ်ချို့ ကို လက်ခံပြီးချိန်တွင် ဟီရုန်၏ မျက်နှာထက်တွင် ကျေနပ်သည့် အပြုံးတစ်ခု ပေါ်လာခဲ့သည် ။ အသံလှိုင်းမှ ပို့လွှတ်လိုက်သည့် အရာသည် အခြားမဟုတ်ပေ ။
" Liam သေသွားပြီ " ဟူ၍ပင် ။
____________________
🙏🙏စိတ်လျော့ကြကုန်..😁
___________________