ازهار..... نزلت وجان اشوف علي ونصرت واحد يضرب الثاني وبابا ماموجود
علي .... انت حاسب روحك زلمه على ازهار حتى تضربهه
نصرت.... علي أحترم نفسك زلمه ونص و ازهار مرتي وانا وياهه نتفاهم الأحسن الك ماتدخل
علي ..... اي مادخل من تموتهه جوه اديك يله ادخل مو ؟
نصرت.... اللهم طولج ياروح علي بالعباس اذا ماوخرت منا وصحت لأزهار اشوفك شي مايعجبك
ازهار..... كافي انت شنو تريد مني عوفني دمرت حياتي
نصرت.... ازهار امشي وياي للبيت وهناك نتفاهم
ازهار..... لا مامشي ماريدك هيه كوه اريدك طلكني
نصرت.... حلم أبليس بجنه لو تموتين ماطلكج
علي ..... لا طلكهه ونص
نصرت.....بصياح... علي رجاءاً لا تدخل انت انا و مرتي وانت ماتعرف الموضوع حتى تدخل
على .... شنو الموضوع خيانتك الها لو شنو ؟
نصرت..... انا راح اروح ومن يجي عمي ارجع لان اذا بقيت ماضمنك روحي شسوي
أزهاء همست....درب الصد ما رد
نصرت..... شنو ولج شكلتي
ازهار...... عفته ورحت ليش بس انا ديصير وياي هيج ليش " اجتني زهور وبقت تهدي بيه بس حسيت صاير وياهه شي " زهور بيج شي
زهور..... ازهار هسه مو وكتهه نحجي بعدين
ازهار..... لا وكتهه لازم تحجيلي انتي شايفه شكلج شلون يله احجي
زهور.....بجيه .... ازهار شلون ترديني ابدي الج منين ازهار انا والله خايفه
ازهار..... احجي حبيبتي يمكن اكدر اساعدج
زهور..... اول ايام زواجج رحت لسوك انا وامي وشتريت ملابس بس جان الولد ابد مو راحه طلب مني ابدل بغرفة التبديل بس مارضيت جبتهن للبيت وكدرتهم طلعو مو قياسي ثاني يوم طلبت من امي تروح ترجعهن بس ما قبلت تروح وحدها كالت تعالي وياي و شوفي اليعجبج واخذي قياسج رحنه و الولد كال ادخل قيسي قياسج براحتج
.....دخلت بدلت و جبت قياسي و رجعنه اني وامي للبيت و ابوي عجبته الملابس و كال جيبي لأزهار مثلهن خاف تكول تزوجت ونسيتوني ،، رحنه ثاني يوم اني وامي شفت الولد ينضر الي نضرات غريبه امي دخلت جوه واني بقيت واكفه بالباب اتقرب عليه و خله كبالي تيلفونه انصدمت واني اشوف نفسي كماا خلقني الله بفيديو بتيلفونه اتعلثمت الكلمه ماا طلعت مني" شنوو هذااا؟ " كال " اذا ماا تنطيني الاريده تلكين الفيديو بأيدد ال ......... "
....كتله " لااا فدوههه لاا اهليي وين تعرفهمم؟ "
انطاني ورقه صغيره وكال " هذاا رقمي اليوم الساعه ١٢ بالليل اذا ماا خابرتي عليه او راسلتيني الفيديو يوصلكم " وراسلته وبدأ يطلب مني اشياء مو اخلاقيه واذا مارديت يدزه لمكان شغل نصرت وعلي وحتى صورلي المكان من بره وكالي انا هسه كبال مكان شغل عائلتج
أزهار...كل هذا صاير وياج واني اخر من يعلم؟
زهور...اليمج مكفي و موفي منا زواجج و زواج نصرت وحملج و اسقاطج ماا لكيت الفرصه حتى احجيلج
أزهار...تدرين علي شنو يسوي بيج لو شاف الفيديو؟؟
زهور...ادريي ادريي ليش اني جاي اتواصل وياه خايفه من علي اذا درى وهو اصلاً كلي ياا علي ياا نصرت ياا ابوج ادزلهم الفيديو
أزهار...احمد ربج ميه مره لو وكع الفيديو بأيد نصرت على الاقل متفاهم راح يتفهمج .
زهور...حاجي نصرت فدوه بلكي يسمع منج
أزهار...شبيج زهور شفتي السواه بيه مستحيلل احاجي بعدد
زهور...فدوهه لخاطري اذا مو لخاطري لخاطر علي راح جابج وهو رافع رأسه يدري ماا تطلع من اخواته العيبه واذا بقينه ساكتين ثنينه راح توصل السالفه لغير مواصيل .
أزهار اخذيت نفس وكتلها...دروحي نامي والله كريمم
زهور...فدوهه احجي وياه
أزهار...دروحيي نامي ياا زهور موجوعه و زدتيني وجع بسالفتج والافكار اكلت رأسي وهاا لاا تتواصلين ويي هالعارر فاهمه؟؟
زهور...ازهاا اخاف يدزه
أزهار...اغلقي تيلفونج ونامي وباجر الله كريم بس و غلاتج اذا ماا يلعب بحاله لعب لهالعار فلا اطلع ازهار مرة الشيخ نصرت
زهور ضحكت
أزهار...شبيج؟
زهور...جاا خيه انت مو متعاركه وياه؟ وماا تحاجينه اشو تكولين ازهار مرة الشيخ نصرت بثقه !!
أزهار...اخذانيي الواهسس دروحيي اخخ اجانيي الوجع
زهور...هااا هاا اصيح اميي
أزهار...لااا بس روحي ثواني ويروح روحي نامي و رأسج بارد
زهور اتقدمت باستني برأسي...الله لاا يحرمني منج
أزهار...خيتي
زهور...وانت هم نامي لاا تتعبين بالتفكير
أزهار هزيت رأسي و طلعت زهور ،، كلت هالبنيه مو فارغه وجهه صاير اصفرر وتصفن شلون احلها هسه؟؟ احجي ويي نصرت؟؟ ايد نصرت اليمنه علي خاف يكله؟؟ لاا مستحيل السالفه بيهاا شرف وعرض !! ويدري كلش زين اذا كال لعلي يذبح زهور و ولاا يرفله جفن ،، خليت رأسي على المخده ونمت
...ثاني يوم الصبح نزلت شفت امي كاعده على التلفزيون " صباح الخير يمه "
ام علي...ياا يمه ازهار ليش نزلت ابقى متمدده زين على صحتج .
أزهار...ماا اكدر متعلمه على الحركه .. يمه وين الاهل البيت فارغ؟؟
ام علي...علي راح لصديقه اليوم عرسه و ابوج بالحمام
...هزيت رأسي وكعدت يمها دخل محمد يركض يصيح " اجوو بيت عموو ابو نصرت " كمت بسرعه وصعدت فوك ماا اريد اشوف اي واحد منهم حتى عمي ،، ربع ساعه مرت سمعت صوت صياح ونقاش حاد ،، اجت زهور
زهور..... ازهار انزلي جوه عمو يريد يحاجيج
ازهار...... زهور ماريد احاجي اي واحد عوفوني بوحدي،، زهور راحت وانا اعرف عمو مايكدر يصعد وانا ماكدر احاجي بلكي سئلني شنوو السبب نصرت ضربني شنو اجاوبه " بقيت افكر بموضوع زهور ماعرف شنو اسوي " مرت اليام وانا اشوف زهور كبالي تذبل ماتاكل ولا تحجي وياا اي واحد ولكل انتبه عليهه ومن يسئلونهه تكللهم مريضه لو تعبانه وانا مابيدي ماكدر احجي ويا نصرت لان قبل فتره خابرتلي صابرين وسئلتهه على عمو " كالتلي زعلان عليج لان مانزلتي اله وهم تعارك وياا نصرت وكاله بعد ماتوصل ازهار ولا تروح لبيت عمك " وانا كتل خاف احاجي ومايصدكني واكيد راح يسئلني على رضاا وانا ماعرف اجاوبه ماعرف شنو اسوي !!
....... للحكايه بقايه انطوني رئيكم ✍️
...... وشنو تتوقعون راح يصير بزهور
...... احبكم وتصبحون على خير ❤