....الووو نصرت فدوه لحكلي بطني راح اموت من الوجع
ازهار...بصياح .. انعل ابوج لا ابو نصرت ياكح.... يا ام الزلم
فرح .... ازهار فدوه راح اموت الله يخليج كليله بعد ماتحمل
ازهار..... حلم بليس بجنه انا راح احتبر نفسي مارديت
فرح..... لا فدوه........
ازهار...... ماتحمل ورفضته قبل لا تكمل وبقيت الطم على وجهي " ليش ولك ليش تسوي بيه هيج ليش مو انا بت عمك وتكلي احبج وينه الحب وانت متزوج وراح تصير ابو اااااخ يمه حموت كلبي ولج ازهار شكاعده تسوين شنوو ذنبه طفل " نزلت ومن شافو شكلي كلهم اجو عليه
ابو نصرت...... بويه ازهار بيج شي ؟؟
نصرت...... ازهار حبيبتي صاير شي ليش باجيه ؟؟
ازهار...... مرتك صارت عندهه وجع وخابرت عليك وانا رديت
ابو نصرت...... بويه شبيج شنهي هل خرابيط
ازهار.... بصياح..... انا مامخربطه ابنك الي كاعد يخربط
نصرت..... ازهار صوتج
ازهار...... واذا مانصيته شنو تسوي مراجلك بس يم ازهار طلعهن مو
نصرت...... ازهار
ام نصرت..... صلو على محمد وآل محمد شبيكم يمه فهمونه
الكل ..... الله الهم صلي على محمد وآل محمد
ازهار...... شنو نفهمج عمه ترى كلشي واضح ابنج متزوج ومرته عنده ولاده
ام نصرت..... نصرت هذاا الحجي صدك
نصرت..... اي يمه صدك وترى لا عيب ولا حرام و شرع محلل اربعه
ابو نصرت...... وانت تعرف بلحلال والحرام
ام نصرت...... ومنهي هاي الي متزوجهه وليش بسر
نصرت..... هسه مو وكتهه بعدين احجيلكم
ازهار...... كال هيج وطلع وانا بقيت و عمو وكع كلنه ركضنه علي عموو عمووو
ابو نصرت...... مابيه شي لا تخافون
ازهار...... صعدت بغرفه وسديت الباب وبقيت اضرب بروحي انا شلون البارحه خليه يتقربلي شلون وانا اعرف ماضيه وانا اعرف راح انكسر ليش ياربي ليش والله انا ماعندي غيرك ربي شكوه لغيرك مذله اااااه اكيد هسه راح تجيب وراح يجيبهه هناا وراح تكابلني وتكعد وانا شلون راح اتحمل شلون بقيت اضرب براسي بلحايط لحد ما حسيت الدم نزل من راس وعمتي ولبنات كسرن الباب عليه بس ماقبلت افتحه لحد ما عمو دكه عليه هناا ماكدرت وفتحته " عمو والله كسر قلبي
ابو نصرت..... والله الي يعوف مرته علمود مره ثانيه مايستاهل هيج تسوين بروحج على موده
ازهار..... عموو والله ماكدر ماتحمل هسه شنو راح تكول الناس حتى شهر ماصارلنه
ام نصرت.... يله يمه انزلي جوه خلي اضمد راسج والله مايستاهلج
YOU ARE READING
نهوة الشيخ نصرت
General Fiction...ماريدك هي گوه انتم ليش ماتفهمون اكرهك انتم ليش ماتفهمون انا ما احبك ولا راح احبك بحياتي فهمت عوفني انتَ مو رجال ما عندك كرامه؟؟ تركض وراي ...بوقتها هو چان لازمني من شعري اول ما گلت هيج حسيت بي سحبني من شعري ونزلني جوا وصاح الكل يجون والكل اجه و...
