لو البارت وصل لبكره لاكثر من ٣٥٠ فوت هنزل الثاني بكره وايفه اتأخرت غصب عني والله
فوت وكومنت شجعوني بقي 💃🏼💃🏼
ــــــــــــــــــــــــــــــــــــــــــــــــــــــــــــــــ
كان يتحرك بغضب شديد وهم يمسكونه من خلف رأسه( من قفاه)
الرجل: بقي انا يتعمل فيا كده من ورا حته عيل ضحكت عليا الناس كلها
رماح: يا عم انت مش قلت ليا حطلي حاجات حلوه
راجل بغضب: يا عم قلت لك حاجات في المداري تفضحني
رماح: بقولك ايه يا عم سيبني انا عايز سيلين انت ما تعرفناش ده انا ورايا اخوات يكلووو الزلط ورايا ام ربنا ما يوريك قلبتهااااا
وضع الرجاله السكينه على رقبت رماح
رماح بخوف: طب بقول لك ايه تاخد حاجه تانيه ايه رأيك بمقابل مادي
الراجل بغضب:فضحتني قدام الناس ومعدتش هعرف اتكلم
رماح: يعني عمرو دياب يا اخي ده انت خلاص صوتك خشن و لغاليغك دابت و انتهت ما تبدلهم طب ما انت ما شاء الله عندك رجاله زي اللوح متبدل لغاليغك بلغليهم وساعتها ابق تعال عاااتبني
الراجل بغضب:لم نفسك ياروح امك
رماح بغضب شديد: ما تجيبش سيره امي على لسانك ياراجل انت انت فاهم يا سوسو
شخص من الخلف: بتقول له يا راجل و تقول بعدها يا سوسو مش قلت لك انت دماغك رايحه منك خالص اظبط كلامك
الرجل بغضب: وانت مين انت كمان يلا يا حبيبي من هنا ورانا واحد عايزين نظبطه لاما انت هتتظبط معاه
ليث:ليه وانت شيفني امك ولا ايه
رماح بعد ان اطلق صفيرا من شفتيه: جدع ياااض.. ده اخويا يا ابو اللليييييث يا جامد
ليث بقرف: كل شويه تعمل لنا حوار انا قلت لهم انت ما ينفعش تدخل المجال بتاع الكمبيوتر والتكنولوجيا دي هتودينا في داهيه
رماح وهو يقوم بالعض على شفايفه وينظر للجميع
رماح: ايه يا عم كده وكده بيني وبينك مينفعش قدام الكل كده برستيجي
حاوط الرجال ليث ورماح
توقف ليث بجانب رماح فقترب احد الرجال بشر فوقف رماح امامه بغضب وهو يقول
رماح بغضب: بقول لك ايه عارف لو لمست اخويا هعمل فيك ايه رفع الرجل يده وهو يحاول لكمه لكن مال رماح بجزعه لتأتي الضربه في وجه ليث
ترنج ليث في وقفته ونظر لرماح بصدمه واردف: يإبن الغداره
رماح: لا معلهش بقى انت عارف ان انا وشي ما ينفعش يحصل ليه حاجه الوش مفهوش معلهش يااخويااا اعلق البنات ازاى
اقترب منه ليث بغضب قائلا: تعلق ده انا اللي هعلقك دلوقتي
الرجل بصوت خشن: ولا تزعلُ نفسكم انتم الاثنين ايه رايكم بقى تيجوا معايا نتفسح
رماح:هاااا لاااا لاااا ما انا..... ما انا ما بحبش الفسح بتاعه العيال الصغيره دي
الرجل وهو يضع يده على كتف رماح ويحدثه وكأنه يُحدث طفل: لا لا هما عملوا فسح للعيال الكبيره
رماح بتوتر: ها مسمعتش يعني عن الموضوع ده إتأكد
ليث: ببرود البت دي بالها طويل قوي
رماح: انت هتقولي على اختك ده انا بقالي ساعه بكلمها و مش راضيه تعبرني
الرجل بصوت خشن: هاتوهم
وقف الجميع عندما استمعُ لصوت حزاء نسائى يأتى من خلفهم
فنظر لها الجميع واردف رئيسهم
الرجل بصوت خشن: المزه تبعكم
اقتربت سيلين ببطء مدروس الى هذا الشخص وفجأه لكمته فى وجهه فترنج هذا الشخص في مكانه ونظر بشر لسيلين
سيلين وهي تقف في وجه الجميع واخواتها خلفها
قالت ببلطجه: بقول لكم ايه اوعوووو يغركم شكلي وتقولو دي البت حلوه وسنيوره ويضحك عليها لا يبقى لسه ما تعرفنيش ومدام ما تعرفنيش يبقى ما عداش عليك وحده اسمها سيلا ومدام ما عدتش عليكم يبقى فااايتكم كثير و من الاخر اقسم بالله اللي هيقرب من اخواتي لديله بوكس اخليه صابونه لوكس فاهم ولا مش فاهم يا عم منك ليه
رماح وهو يضع قبله على خد سيلين ويخرج لسانه للرجل: قلتلكم هتظبطكم مسمعتوش كلامي
الرجل بغضب: الشيخ سيد يتعمل فين كده
سيلين بسخريه و قرف منه: كمان سيد امال لو كان اسمك لؤي كنت هتعمل فينا ايه
الشيخ بغضب لرجالته : هتوهم ورانا على المخزن وبالذات السنيوره دي
تجمد الجميع في وقفتهم عندما لاحظوا تحرك العصا والتي كانت بيد الرجل وهي تمشي لوحدها
الرجل بخوف ورعشه: بسس بسممم بسم الله الرحمن الرحيم يا حفيظ
نظر الررجال له وفروا هاربين
رفع رماح يده وانزلها على رقبه سيلا من الخلف( قفاها) واردف: صايعه صايعه
سيلين بغضب: ولد بطل عَدِتَك دي
اقترب الاخر و ضربها خلف رأسها (ففاها ) واردف: ايه يا بت الحلاوه دي ده انتِ هتتنفخي امك قالت ما تظهريش قوتك لحد ويعرفك ده انا قاعد ماسك نفسي من ساعتها
رفعت سيلين يديها الاثنين وضربتهم خلف رأسهم (قفاهم )
سيلين: ما فيش غير كده يلا بقى نروح كافيه نشرب اي حاجه انا عايزه اشرب قهوه اخلصوا
ـــــــــــــــــــــــــــــــــ
بعد قليل
كان رماح وليث وسيلين يدخلوا الى كافيه
سيلين: انت متاكد يا رماح من المكان ده يا ابني احنا اول مره نخش اماكن زي دي
رماح بغرور: مش ذنبى انكم معفنين ومنتنين
سيلين: انت هتتظبط ولا ايه ماتلم نفسك ويالله عايزه قهوه حلوه تظبط الطاسه
جلس رماح وسيلين وليث على طاوله فنظرت سيلين لرماح وجدته ينظر لفتاه ويغمز لها باحدى عينيه رفعت سيلين يديها وضربت الطاوله بها لينتفض رماح ونظره لسيلين بعدم فهم
سلين بغضب : ما تلم نفسك انت معاك مزه برده
التفت هو وليث حولهم وقالوا في نفس واحد: اقفش اقفش هيا فين
ظفرت سيلين بغضب فضحك رماح وليث كثيرا لتضحك معهم سيلين ولكن تحمد ربها على نعمه اخواتها لانهم السند بعد والديها
جاء شخص ياخذ الطلبات فقال رماح موجها كلامه لهذا الشخص: لو سمحت خمس دقايق بس وتعال تاني
أومأ الشخص بحترام وذهب من امامهم
سيلين بستغراب: في ايه مشيته ليه والله بقول لك عايزه اشرب قهوه
رماح: شفتى بقى نتيجه اني اكون عارف مزز هبهرك
ليث بشك: استر يا رب
رماح بضحك: لا والله المكان ده اللي قايلي عليه مزه تبعي وقالت في قهوه هنا بيعملوها حلو قوي بصراحه معرفش نوعها ولا اعرف هقولوا ايه فهتصل عليها اسألها على نوعها ولما يجي ثاني هقوله عليها ونجربها كلنا
سيلين: ماشي لما نشوف اخرتها
امسك رماح هاتفه وقام بالاتصال على الفتاه
ليث بغمزه : ما تفتح الاسبيكر
رماح بغرور: ماشي ما انت اصلا مدلعتش ناقص دلع
ليث بسخريه: لااااا ياشيخ
رماح بسرعه: بس بس خلاص فتحت
وضع رماح هاتفه علي الطاوله فلتف الجميع حوله بفضول
الفتاه: بيبي
سيلين وليث: بيبي
اومأ لهم بغرور واردف: ايوه انا بِبِها
ضحكت سيلين وليث كثير حتي أُدمعت أعيونهم ونظر الجميع لهم بستغراب
جاء لهم صوت الفتاه من الهاتف قائله بستغراب : في ايه يا بيبي ايه الدوشه اللي عندك دي
رماح بتوتر: هاا لا لاء مفيش ده المكان اللي انتي قولتيلي عليه واكل لبان زغزغه انا صدعت انتي شكلك زوقك وحش جدا
الفتاه بسرعه: لا والله يابيبي انا هناك علطول ومفيش اي حاجه من دي هناك انا مستغربه جدا متأكد انك متلخبطش
رماح بتوتر: قولي يالله علر اسم القهوه خليني اطلبها واشوف زوقك في الشرب حلو ولا لاء
حول رماح نظره من علي الهاتف لاخواته فوضع الاثنين يديهم علي فمهم وهم يكتمون اصواتهم حتي يسمعُ ما ستقوله الفتاه ذات لقب بيبي
الفتاه: انت لوحدك صح
رماح: ايوه لوحدي اخلصي بقي
الفتاه اوك يا بببي بص هتطلب منهم ايس شيكن وايت موكا 4 بومز ميديم شوت وذ كراميل اب اند داون بدون كريمه وادعيلي
رماح وليث وسيلين معا: ياشيخه ان شاله عن ابونا ما دوقناها
الفتاه: ايه ااا
اقفل رماح الهاتف وهو ينظر لسيلين قائلا: اطلبيها بقي
سيلين: نعمممممم واشمعنا انا اللي اطلبها وانتم لاء
رماح بتوسل: ليث اطلبها شكل العفريت اللي بيعملها مستورد وانا حابب اجرب
ليث: نعمم لا يا حبيبي وانا مال اللي خلفوني بيك ولا بلعفريت
سيلين: بس بس خلينا نطلب اكل وخلاص
رماح: يا ندل
وضع ليث يديه علي فم رماح
ليث: يخرب بيتك هتفضحنااااا ندل ايه
سيلين بعدم فهم: في ايه ياعم ما تسيبه يندهله
فصاحت سيلين: يا ندل
وضع ليث يديه الاخر علي فم سيلين
ليث بغضب: يا اغبيه اسمه الندل
انزل ليث يديه عنهم
رماح وسيلين: تصدق صح في فرق جامد اوي بين الكلمتين
سيلين بغمزه: لا مهندس مهندس يعني
رماح بغمزه: ابهرتني
ليث وهو ينفض اتربه وهميه من علي ملابسه بغرور : اه ما انا عارف اني نجده
رماح بعدم فهم : ماجده
ليث بغضب: نجده
رماح بقرف: بيئه
جاء لهم هذا الشخص ليأخذ طلباتهم مره اخري
ليث: هاااا انا عايز اكل صوابع زينب بيقولو حلوه اوي
سيلين وانا ام علي
رماح بقرف: ايه التفرقه العنصريه دي ام علي وصوابع زينب وغزل البنات اشمعنا كلهم علي اسامي ستات هااا ليه ملقيش كوارع متولي محشي مكاوي ضوافر عبده فشت سيد اييييه يا جداعن مش حراااااام
نظره له سيلين وليث بقرف وانتفضُ واقفين
سيلين بقرف: ينعل ابو قرفك انا ماشيه
ليث بقرف: دهيه تاخد الغبي انا ماشي اطفح فشت سيد برحتك
الجرسون: ايه القرف ده المنيو مش فيه اللي انت بتقوله ده
تركه الجرسون ليكمل عمله
رماح بغضب: خونه مفيش غير ست الحبايب
اغمض رماح عينه وقال محدثا امه من عقله
رماح: أمااااااا جرحوني وبكووووو عنيااااا وكلووووو قال معااانا جرح مخدنهوش في الكُليااااااااااااااااااا ياااااعنياااااااا ياااااعنيااااااااا
سيلا بغضب: اقفل لهطلع **********
فتح رماح عيونه بغيظ: حتي انتي ياست الحبايب وبعدين ايه اقفل دي هو متصل علي قناة القاهره والناس صحيح امهاااات تشل اما اروح اشوف بومتي عملت ايه في اللي قولتلها عليها
ـــــــــــــــــــــــــــــــــــــــــــــــــــــــ
عند سيلين كان تمشي مع ليث بزهق
ليث بسرعه: بقولك انا ورايا شغل ضروري في الشركه الوقتي روحي انتي بقي
سيلين بغمزه: وهتسيب اختك تروح لوحدها في الوقت ده دا حتي العصر هيأذن اهوو دا ايه القمر ده
ليث بغيظ: متقهرنيش بقي اشمعنا انتي الوحيده اللي فينا عندك قوه ااحجر الابيض وانا لا يَدوبك ممكن اغمض عيني واكلمكم بس
سيلين: يابني متستعجلش ما هي ماما عرفت قوتها متأخر اوي اصبر اكيد ممكن انت تعرف قدام شويه وعموما سلام انا هروح ااااااااا
استمعت لصوت صياح امرأه تعرفها فنظرت لتري مجموعه من الرجال يحملون تابوت فيه جسمان لشخص ما ورأت مجموعه من النساء ورائهم يبكون
سيلين بصياح: سيييييييده
ليث بعدم فهم: سيده مين
سيلين وهي تبتعد عنه: دي صحبتي من حاره الشخخنجي متجوزه هناك اما هي اصلا من الجيزه وشكل اللي مات قريبها امشي انت هروح اشوف فيه ايه واهيص شويه
ليث: يااابت خدي بااااااات
تركته سيلين وهي تركض في اتجاه الجنازه (توصيل الميت الي بيته الاخير وهو قبره )
ليث: لاااااحول ولا قوة الا بالله اعمل ايه في البت دي صبرني يارب
تركها ليث وذهب الي ميكروباص ينقله الي الشركه سريعا (عرفه بتفكرو في ايه بس بعدين هفهمكم)
وقفت سيلين امام صديقتها سيده والنساء تحاوط سيده للتخفيف عنها
سيده بنحيب وصراخ: جوووووزي ياااا سيلين جوزي مااااااااااات ااااه
وقفت سيلين بجانبها وقامت بدفع المرأه التي تقف بجانب سيده فترنجت المرأه وفلتت قدمها لتقع علي الارض ساحبه معها سيلين وقامت سيلين بسحب سيده وهكذا حتي وقع نصف النساء في الشارع
ترك الرجال التابوت وذهبو ليرفعو النساء فمنهم ذات وزن ثقيل ويحتاجون الي مساعده
اما سيلين صرخت قائله بهبوط: حد يشيل الترله اللي فوقي دي يااخربيتك قوتي جابت زيرو وانا بحوشك بيها صواميل جسمي فكت ياااالهوووي
المرأه: ما تصبري ياختي لما يجي علينا الدور
سيلين بصراخ: ما تنطقي ياسيده ما هي فوقك انتي كمااان
سيده بصراخ: لا سبوها عيزه اروح مع جوزي نَفَسِي هيتقطع وكده هبقي معاااااااه
سيلين بصراخ: انتي في داهيه انا مال امي اروح معاكم ليه دا حتي المرحوم يتضايق ويتخنق مني
سيلين بقرف: ااف اف انتي اخر مره استحميتي امته يا وليه
المرأه: مش فاكره
سيلين بقرف: ينعل ابو معرفتك لمعرفت اللي جمبي دي يااااناااااس
واخيرا قامت سيلين وسيده
سيلين بقرف للمرأه: ياريت تستحمي لجوزك هيطق
المرأه بحزن: الله يرحمه
سيلين: اكيد مات بختناق طبعا جموسه ميته بتتعفن جمبه منتظره ايه
تحركت سيده تولول وراء زوجها فتمسكت سيلين بها وهي تمشي معها
سيده بصويت: متسبنيش ياجوزي مقدرش استغني عنك والله
استمعت سيده وسيلين لشخص يقول: اه لو اعرف عنوانها ايه وانا اتجوزها وانسيها جوزها ده
همست سيده في اذن سيلين بشئ
سيلين بصويت: اااااااه ياجوزهاااا ياللي سبتها لوحدهاااااااا في الجيزه شارع المطار عماره ٧ الدور الراااابع شقه ١٢ آآآآآه
سيده: ااااه اااااه اااااه مع السلاااااامه ياجوزي هنفذ الوصيه وهتجوز غيرك كاااان همك فرحتي يااااحبيبي
جاء لسيلين مكالمه فيديو ففتحته وقالت مبتسمه: عارفه اني وحشتك بس اصبري هخلص دفنه واجيلك
نظرت سيده لهاتف سيلين
لتصرخ قائله: ياااااصحبتي ياللي مخك ضرررررب آآآآآآه
نظرت لها سيلين بغضب لترفع يديها وتضرب سيده خلف رأسها (قفاها ) قائله: ولولي وانتي مخروسه يالله عشان ندفنه ونشوف العريس ده
لتنظر سيلين للهاتف مره اخره قائله: هندفن ونيجي ماشي يا بلبع
اومأت وكأنها تفهمها
فأردفت سيلين: اخفي بقي من وش امي بمنظرك ده
ـــــــــــــــــــــــــــــــــــــــــــــــــــــــــــــــ
كان ليث يقف في الموقف ويحدث احد السواقين
ليث: يا عم فين الميكروباص اللي هيروح ال*******
السائق: قلت لك يا عم لسه طالع والعربيه اللي عليها الدور تطلع المكان ده مش موجوده دلوقتي هنستنا نص ساعه كده يا باشا اصل السواقين عملين اضراب
ليث: لا يا عم انا هتأخر الله يحرقكم
ذهب ليث وأوقف تاكسي
بعد قليل
وقف صاحب التاكسي وهو يقول: معلش يا باشا ام العيال بس عايزاني اجيب لها عيش هجيبه في السريع كده واجي ماشي
ليث بغضب والله مش هينفع طب بص فيه شركه اسمها *****على بعد كام خطوه من هنا خد البطاقه بتاعتي اهي ضمان وانا هروح بالتاكسي الشركه واسيبهولك هناك هتدي الامن البطاقه وتاخد التاكسي وتمشي
اومأ الرجل بقلق ولكن للاسف الفرن الان سيقفل ويجب ان يأتي بلعيش والا سيشتريه بسعر مرتفع
جلس ليث مكان السواق وتحرك بالتاكسي ولكن بعد خطوتين
وجد ليث لجنه
ليث: يا دي النيله
اوقف ليث التاكسي فسأله الظابط
الظابط: مش لابس الحزام ليه يا ابني ليث ببلاهه: ما البنطلون بأستك ياباشا
ـــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــ
اتمنى الروايه اول حلقه فيها تكون عجبتكم
مستنيه رأيكم ضروري وكمان في طريقه السرد اتحسن ولا لاء
واستعدوا بكره لو لقيت ٣٥٠ فوت هنزل ثاني بارت من روايه
ــــــــــــ من اصل جعقوبـ ــــــــــــــــــ الجزء الثاني من رواية
ــــــــــــــــــــــ تعويذه جدى ـــــــــــــــــــ