يفي عمري ومــلاذي
وشـوغتي وسـتري
خــذتني الناس واهس وانت مـا تدري
--------------------------------------------
لبوة:الشيخ سبوع ثاني ع حالته مقهور ودائما مريض ونايم واني دائما انزل يمه اقيس الضغط والسكر
وانطي علاجه واشربه والاكل مالته خاص اني اسوي لاملح زياده ولا زيت بيوم كاعدين اوكل الشيخ
شوربه عدس ع الريوك وكلهم كاعدين يتريكون الولد والبنات حته خواتي لان الشيخ كال وكت الاكل كلها تنزل بعد ماكو احد بغرفته ياكل
الشيخ:كافي بويه شبعت
لبوة:بعد شويه شكلت شيخ
الشيخ:ميخالف اكلت
لبوة:بس كمل الطاسه ماكال لا وكلته جان تنزل مرته من فوك بس تزمخ ع البنات وبناتهم ساكتات جان توصل يمنا وتحجي
اميره:شيخ شنو سالفتهن ذني ندري بخطارك يضل ثلث تيام ويروح شو مطولين شنو
لبوة:ابتسمت بوجه الشيخ ومسحت حلكه بل كلنس
الشيخ:اضن البيت بيتي مو بيتج علمود تتحكمين اخلي اليعجبني مالي حجي وياج الحجي وي رجلج
اميره:ماكلنا شي شيخ بس تعرف احنا عدنا ولد وهنه حديثات ماشاء الله وصغار والشيطان شاطر كلشي يصير متخاف يسوون شي ويكسرن وجوهنا
الشيخ:محمد ماتسمع مرتك
لبوة:جنت اسمعها بس ساكته لان محترمتهم
محمد:عوفها شيخ اني اعرف اصرف
لبوة:جان اطكها بضحكه خلتنا كلنا نندار عليها
اميره:عيني شتصرف هوه انت خلفه ماتخلف صاير
زين براسي كم مره كتلك روح عالج نفسك اني كلشي مابيه انت مريض روح راجع انت عقيم
لبوة:من حركت كلبي ع كلامها بدون وعي كلت الها ومنو يكول هوه مريض وعقيم ليش مو انتي جاي تكذبين
اميره:انتي اكلي خره صاقطه ملفيلي كحاب بلبيت انتي شدخلج اني ورجلي جاي نحجي
لبوة:من تحجين انتي ورجلج بهاي الامور بغرفتكم وماعتقد اكو مره زينه تعير رجلها لان ميخلف كدام الصغار والكبار واحنا مو كحاب ياقليله الادب
احترمي جنت احجي وناسيه الناس اليمي ونضراتهم لحد مصحيت ع روحي بايد الشيخ تمسح ع راسي اسفه شيخ ولله موقصدي
الشيخ:عين العقل حجيتي وشمدرينا ماتكذبين ومحمد مابي شي
لبوة:جان يباوعلي بنضرات تخوف هاذ شبي الحمدالله درت وجهي منه وهذيج بعدها تلعلع
بصوتها لحد ماكضها وسحلها للغرفه ونسمع بس الصريخ جسمي رجف يالله شسويت اني شدخلني
معقوله ضربها بسببي اخ من لسانج لبوة خرب حضي
صعدت لغرفتي وضليت الوم بروحي ولبنات يسكتوني
جنه:دنيا عصر ونزلت جوه اروح للحديقه الي وره لبيت انضربت بواحد اهووو هم هاذه شكد اكره اذكر
اول ماجينا وخذوني لوحدي ع مود لبوة تحجي سحبني من ايدي حيل وركبني السياره اخذني لمكان كله خضار مثل البستان وبنصه بيت جان يسحلني سحل
جنه:وخررر مني جنت احجي وابجي احاول اتخلص منه وادفع بادي بس هوه جان مسيطر عليه
عون:ثبتي لا وحك الحسين اشك حلكج بسج عاد
جنه:ليش جبتني هنا رررررجعنننني حجيتها وعطت بوجهة اتقرب عليه مثل المخبل عصر وجهي بايده
بهاي اللحضه اتذكر ايمن وضربه اليه ايمممن عووفني
تركني بسرعه وباوع مصدوم
عون:منو ايمن
جنه:جنت ارجف وازحف ليوره لحد مارجعت ضهري للحايط وطبكت رجليه وحطيت راسي وبجيت زوجي حجيتها وهوه عاط
عون:انتي مزوجه
جنه:اي
عون:يبت انتي شوكت تزوجتي بعدج هلكدج
جنه:غصيت بلبجي اكثر وهوه يفتر يروح ويجي تلفونه بايده
عون:امشي
جنه:كمت وهوه يعصر معصم ايدي اييييدي شبببيك عووفني اعرف امشي
عون:وسم لهل صوت خايبه وعلي لون مانصيتي صوتج بعدج ماتعرفيني انتي نصي خفت لهل حس
جنه:ضوجني حيل وبس يعيط بيه لحد ماوصلنا للبيت وشفت خواتي وبجيت جان يطك خشمي دم رحت غسلت بلمغسله مر من يمي
عون:ع كيفج سندرلا شسوينالج هيه كم عيطه ع كم كفخه هيج رقيقه متتحملين
جنه:عفته محجيت فزيت ع صوته
عون:هيج حلو وصارلج ساعه تعاينين عليه
جنه:دوخر وخر حلو هوه وثاني مره انتبه من تمشي
عون:باع منو يعلمني سندرلا طولان لسانج يرادله حش
جنه:خزرته وفتت من يمه كعدت بلحديقه اووف شلون هوه يخبل فتحت المي وبديت ارش ع
الحديقه نزعت النعال وتمشيت جان اسمع صوته
عون:سندرلا لاتنسين نعالج
جنه:استغفرالله هاذ شبي يالله ولله ليشوفه يكول
هاذ ماكو منه وهوه اخبث بشر بلدنيا
عون:انتي عليش ماسمعيني
جنه:تره كلش مكروه انت شكوو شتريد لاسويلي مشاكل هسه يشوفونك ويايه ويحجون عليه
عون:منهو اليحجي
جنه:الي يشوفنا ممكن تروح اتقرب يمي او وجهة بوجهي خفت منه
عون:لا خايف منج ولا منهم
جنه:حجاها وراح اووي دروح هيه عايزه بس انته ولله ياالله
رند:مرت ابنهم كلش احبها حبابه وعدها ولد واحد وحامل دائما نسولف ونحجي اكولج هاي شبيها ليوم
سوزان: مرت محمد يبوو ولج خيه شالعه كلبنا ختولي
رند:هيه ليش هيج يعني ولله العدها مثل رجلها تبوس ايدها وجه وكفه
سوزان:خايبه ختولي ولج هيه كحبه مامخليه شي بنفسها الله وكيلج حته مصاحبه بس غير احنا نخاف
مانحجي محمد كم مره يجي للغرفه يلكاها مقفوله وتخلي واكف يم لباب خمس دقايق ياله تفتحله
وهاي بتها خطيه شامرتها هيه تجيب ملابسها وتبدل واحنا مرات نسبحها وي لجهال وكم مره رزلها محمد
وهيه ولا يهمها اهم شي فلوس تاخذ فلوس وترجع ليوره حته ماتطي حقه الشرعي تكله عليمن تتقربلي
وانته حته متخلف تخلي يطلع روحه ويروح يشكي للحجيه بلكت تعقلها وهيه نفس الطاس ونفس
الحمام ميفيد وياها وكلما جالها تزيد اكثر بس هوه خطيه يخاف الله مايرضئ يطلك او يزوج عليها بعد
الله يهديها علي خطيه واحنا ندري مو منه لسبب منها وشوفي اخوته كلهم ازوجو وعدهم اطفال. اله
هوه هلبنيه هاي يموت عليه وهيه ابد مامهتمه
رند:هوه مبين يحبها وصابر عليها ليش هيه ماجاي تغير من نفسها
سوزان:ولله خيه تكول حته كلمه احبج مايكولها الي عود اني مو مره شني شنسويلها هوه زلمنا هم مدري شمالهم انسن خيه تعالن نسوي عشه راح ياذن المغرب
رند:تمام يلا تعاي ننزل عوفي ابنج يم لبوة
سوزان:عينج عليه فدوه اروحلج بس يكعد صيحيني
لبوة:هزيت راسي ب اي جنت اسمع الكلام وكلبي
يدك يالله ليش من يجيبون طاري هيج يصير بحالي طلعت اتوضه ع المغسله نزعت حجابي وفتحت
شعري ولحد مخلصت وضوء سمعت صوته يكح مر من يمي وهمس
محمد:حلت شعرها ولهوئ اشتم الهوئ
لبوة:شنو جسمي رجف شنو كلبي يدك تبهذلت احوالي دخل لغرفته اني ع وكفتي واجت مرته
اميرة:انتي ماتستحين شنهي مطلعه عطوبج علينه ماتكولين اكو زلم بلبيت
لبوة:كلامها جان صحيح بس جانت تكدر تحجي بسلوب ارقئ اي صح بس اني طلعت اتوضئ واعرف
الولد هيج وقت يصلون وي الشيخ جوه ماعرف
اميرة:امشي ولي مسويه روحها غشيمه خايبه اني اعرف البالج وتحومين ع واحد من زلمنه بس عشم بليس بلجنه تصيرين جنه بهل بيت
لبوة:لفيت شعري ودرت وجهي ماحسيت بس ايد سحبتني من شعري عطت بيها
اميرة:من احاجيج تسمعيني فهمتي
لبوة:وخري ايدج لاكسرها سحبت الحجاب مني وشعري احسه تكطع بايدها لحد ماعليت صوتي وطلع هوه عاط
محمد:اميرة البت خطار حشمي نفسج
اميرة:خطار لونها تحوم ع الزلم بلكت تنام بحضن واحد
لبوة:احس صخنت ونزلن دموعي صرت اعصاب وكفت بوجهة وضربته ع صدره انا لو عندي سند
ماخليت امثالك وامثالها يحجون عليه بهل طريقه عفته ومشيت شعري واصل لحد رجليه واحبه حيل
ومهتمه بي ومكاصه منه وهوه من رب العالمين هيج ثخين انقهرت شون تكطع بايدها صليت ومشطته ع
كيف موتني نصه طاح بلمشط اخذت نفس الئ متئ اني هيج ياربي بجاه ابو عبدالله اريد حل يااللهي
ماعندي صبر بعد ع العشه مانزلت التهيت ويي الجهال لحد ثاني يوم الصبح نزلت قبل الكل لكيت
الشيخ كاعد سويتله ريوك هوه والحجيه وكعدنا نتريك
الشيخ:انتي بنيتي وصرتي وحده من عدنا واني رايدج لواحد من الولد
لبوة:غصيت بلكمه ضلت الحجيه ادك ع ضهري شربت مي مافهمت شيخ شنو قصدك
الشيخ:اني راح اكون صريح وياج بويه انتي حديثه وبت مايصير تكعدين بلايه زواج واحنا ناس غرب
ليمته نضمج عن الناس اول وتالي يعرفون ومن يدرون انتي مالج صله ولامرت واحد من الولد راح
يحجون اشكال واللوان واني مارضه عليج الناس تجيب سمعتج بل موزين اني شيخ وانتي ردتي
مساعدتي وكلتي الي تسوي شيخ اني ارضه واني جاي اريدج انتي وخواتج للولد
لبوة:جنت اسمع اله بس شيخ همه جوز ميردونه ليش ينجبرون يسترون علينه
الشيخ:تدرين بيه اني ماغصب احد بس لون همه رادو واجو كالولي نريد نخطبهم اني اجيت ليج
ومحمد رايدج
لبوة:من كال محمد فتحت عيوني عزا شيخ كول غيرها الله يخليك هاذ مزوج وعنده طفله شون اخذه
من زوجته وثانيا اني الشي الي مارضه ع نفسي مارضه ع غيري ونفرض قبلت وتزوجت يوم عدها
ويوم عدي مستحيل هلشي شيخ ابوس ايدك اني ماتحمل اشوف مره تنقهر بسببي ولا ينحرك كلبها ع رجلها واخاف من الحوبه شيخ ماكدر اقاسم مره برجلها
الشيخ:حكج بويه محد كلج غلط وكلامج ع العين والراس بس محمد بويه يريد يطلك عبنه مامرتاح وياها والبت ماتريده
لبوة:شفت شيخ ليش ماطلك من زمان اكيد من شافني ويريد يزوج راح يطلك لان لكه بديل عن
مرته. فدوا شيخ لا ولله ماكدر اهدم بيت اني اخلص من المشاكل وادخل بمشاكل اكبر من عدها شلي بهل شي
الشيخ:روحي ارتاحي بويه بعدين تفهمين وها ابوج اجاني بلحلم وحجينا سوه وراضي عن الي راح اسوي
لبوة:نزلت دموعي وصعدت للغرفه شتردين يالبوة مو كلبج دك اله مو من تشوفينه ترجفين هسه اذكرتي
مرته الله يطيح حضج ع هل عمله السوده بس لا حبيته دخيلك ياربي اني ماريد اخرب عائلته بس
اكيد الشيخ مراح يخليني هيج ضليت افكر واكلني التفكير لحد الضهر نزلت وي لبنات انسوي غده لحد
ماكملن ضليت اغسل المواعين فات من يمي مطنكر ورافع حاجبه ومباوع عليه هاذ شبي يالله ضليت اكل
بروحي كلها التمت عليه شكد متاقضه اريده وماريده لحد يوم الجمعه اتفقو كلهم يرحون الكربلاء
حته خواتي بس الشيخ كالي لاترحين مادري ليش الصبح صاحتني الحجيه والشيخ كاعد
الحجيه:بنيتي الراح نسوي ع مودج وعلئ مود اخياتج اقبلي يمه والله انحطج ع راسنا ومحمدنه خوش محمد
الشيخ:اني هاذه قراري والحل الوحيد محد يكدر يوصلج وانتي بذمه رجال لاعمتج ولا غيرها اسمعي
مني بويه اني اكبر منج واعرفن الصح من الغلط ولوم اعرف هلشي موش زين مااقدملج هلخيار هاذ لاتفشليني هسه محمد شويه و يجيب السيد ويجي يعقد الكم
لبوة:شيخ الله يخليك
الشيخ:بسج لاتزعليني منج كلت شي لازم يتنفذ عبالي عقلج براسج وتفكرين بس انتي عنيده يلا
بويه شوفي الحجيه شتريد من عدج
لبوة:مسحت دموعي وكمت وي الحجيه اخذتني وضلت تسولف ويايه
الحجيه:يمه عدلي روحج ونضفي جسمج ع مود رجلج يجي ولاتخافين
لبوة:فزيت من مكاني لا الله يخليج حجيه يعني يتقربلي هم
الحجيه:خايبه استجني جا شنهي حاطج مزهريه وعاقد عليج يمه فكري عدل ولله الولد هاويج بس
محمد مايعرف شلون يضهر مشاعره افهمي يابعد كلبي راح ادز ع بنت اختي وتعدلج
لبوة:رضيت بل امر الواقع بس ضلت مرته ابالي شلون هسه شسوي يالله ضليت بلنص ساعه ابجي
لحد مااجت البنيه سلمت عليه وسولفنا وبدت تنضف جسمي وحفتلي وجهي طلعت جديده لبست
دشادشه سوده كمنه نلبس اسود لخاطر الشيخ للعصر دخل سبح وراح جاب السيد يمه احس كلبي راح يطلع من مكانه وكفنه وره الباب وبده يحجي بايات قرانيه لحد ماوصل
السيد:هل تقبلين الزواج من محمد ابن-- ان قبلتي فقولي نعم انت وكيلي
لبوة:باوعت ع الحجيه وبجيت بصوت مخنوك
الحجيه:ولج يمه احجي اشش خايبه شهرتينا لاتبجين
لبوة:نعم قبلت وانت وكيلي كلتها بصوت مخنوك الحجيه باستني ورجع السيد سئله وتم العقد صعدت
ركض للغرفه كعدت ع الجربايه واطكطك باصابعي واعض شفتي حسيت خطواته ع الدرج انفتح الباب وكمزت وحجيت بسرعه
لبوة:لاعبالك تتقرب مني والله اعيط ادري بيك هاي سوالفك طلعتهم كلهم ع مود تزوجني مو عبالك
ارضه هيج لا ماقبل واني ماخذ واحد مزوج غصبا عليه رضيت بل امر الواقع لان ماعندي غير هلحل
جنت احجي واتنفس سريع اتقرب مني وهمس بصوت خافت
محمد:رايد اشوف ياهي الماتريد حضني
لبوة:رفعت راسي اباوع بعيونه وارمش بخوف
حسيت بانفاس حاره تلهب بوجهي وشفته ع شفتي مثل العطشان ماعرف شنو الي صار بيه احاول
اتخلص منه بس جان مسيطر عليه وقوي وداني بعالم ثاني من عاطفته وهدوئه جان حيل ذكي
ويعرف شلون يقربني منه بدال مارفضه صرت ماريد يبتعد جنت اسمع بس كلمه احبج بصوت رجولي
وخشن وبلا وعي من عندي جنت اتجاوب وياه واكله اني هم احبك لحد ماحسيت بالم قوي وعطت
خله ايده ع حلكي ولمني الصدره وباس راسي ضليت ساكته وخجلانه رفعت راسي جان يباوع عليه
محمد:هههه جا مو ماترديني
لبوة:عقجت وجهي اي ماريدك وخر
محمد:افااا ومنو كبل شوي تصيح احبك محمد
لبوة:شهكت مو اني ليش تكذب كضني من شفتي بايده
محمد:خايبه منهو اليجذب
لبوة:اووي محمد وخرر
محمد:ايي اوي اشعلي جدي انتي
لبوة:ليش شتريد من الشيخ جان يطكها بضحكه
قويه حته اني خلاني ابتسم وياه طب سبح وضل يبدل واني طبيت سبحت وراه ونزلنا سوه الشيخ
والحجيه باركولنا الحد مااتصل تلفونه عون خابره
محمد:ها خويه
عون:محمد مرتك ماهيه كلبت المحافضه كلاب ماهيه خويه
لبوة:فتحت حلكي وهوه طفر من مكانه
------يتبع اريد تعليقاتكم الحلوه وشنو رئيكم بلبوة ومحمد السوو صح لو غلط لاتنسون لتصويت هم ❤️