ပြည်သျှင်မင်းတို့နှစ်ယောက်က ရွာမှာမအိပ်တော့ဘူး၊ ပြန်ချင်ပြီတဲ့ ကျွန်တော့်ကိုပြောတယ်။ ကျွန်တော်လည်း သူတို့ကိုနားလည်တာမို့ ပြန်ခိုင်းလိုက်တယ်။ နောက်နေ့ရောက်တော့ ဆံရှည်လေးသတင်းက ပျံ့ နှံ့သွားတယ်။ ကျွန်တော့်အိမ်လာတဲ့ဧည့်သည်ဆိုပြီး ကျွန်တော့်ကို လာလာမေးကြတယ်။ လာမေးတဲ့လူမှန်သမျှကို အဲ့ဒါသတင်းအမှားကြီးပါဆိုပြီး ကျွန်တော်က ဗြောင်လိမ်ပစ်လိုက်တယ်။
လပြည့်နေ့ညမှာတော့ ပွဲမကြည့်တော့ဘဲ ကျွန်တော်နဲ့မောင်ထူးက ဘုရားပေါ်တက်ဖြစ်ကြတယ်။ ဘုရားက တောင်ထိပ်မှာမို့ ဘုရားပေါ်ကနေ လှမ်းပြီးတော့ ရွာကိုမြင်နေရတယ်။
ည(၁၁)နာရီလောက်ကျတော့ ကျွန်တော်တို့ပြန်လာကြတယ်။ ရွာပွဲဈေးတန်းကိုလျှောက်တယ်။ ပွဲဈေးတန်းက ကစားစရာတွေမြင်တော့ မမသားလေးအတွက်ဆိုပြီး မောင်ထူးကဝယ်ပြန်တယ်။ ကျွန်တော်က သိပ်မကြည်ချင်တော့။ ဟိုကဖြင့်မွေးထားတာ တစ်နှစ်တောင်မပြည့်သေးဘူး။ ရန်ကုန်ကနေသယ်လာတဲ့ ကစားစရာတွေကိုပဲ အရင်ဆော့ပါစေအုံး။
အဲ့နောက်တော့ ကျွန်တော်တို့ ပင်လယ်ဓားပြလည်း စီးဖြစ်ကြသေးတယ်။ ကျွန်တော်ကမစီးချင်ဘူး။ မောင်ထူးက စီးချင်နေလို့သာ လိုက်စီးရတာ။ ဘယ်နှစ်ခေါက်မှန်းလည်းမသိဘူး။ ထပ်ကာထပ်ကာကို စီးနေတော့တာ။
နောက်တော့ ကျွန်တော်တို့ အိမ်ပြန်ကြတယ်။ အမေကတော့ ပွဲခင်းသွားနေတာထင်တယ်။ အိမ်မှာမရှိဘူး။ အိမ်မှာ မမနဲ့ခန့်စည်သူတို့ပဲရှိတယ်။ သူတို့က ကလေးငယ်နဲ့မို့ ပွဲကကြည့်မရ။
ညလည်းတစ်နာရီကျော်နေပြီမို့ ကျွန်တော်တို့က အိပ်ဖို့ပြင်လိုက်ကြတယ်။ တော်သလင်းလက အရမ်းပူပြင်းတာမို့ နွေရာသီဆို အမြဲအေးနေတတ်တဲ့ မောင်ထူးအသားနဲ့ ထိကပ်ပြီး အိပ်ယာဝင်ရတယ်။ အဲ့လိုကျမှပဲ လူကအိပ်ပျော်တော့တာ။
နောက်နေ့တွေလည်း ရွာမှာပဲနေပြီး ဟိုဟိုဒီဒီလျှောက်သွားဖြစ်တယ်။ မုံရွာကိုလည်း ဘုရားဖူးသွားဖြစ်သလို ပြင်ဦးလွင်ကိုလည်း နှစ်ရက်လောက်လျှောက်လည်ဖြစ်ကြတယ်။ မန်းလေးတောင်၊ မန်းလေးမဟာမြတ်မုနိဘုရားကြီး၊ ကုသိုလ်တော်ဘုရားနဲ့ ကျောက်စိမ်းဘုရားတို့ကိုလည်း သွားရောက်ဖူးမြော်ဖြစ်ကြတယ်။
မောင်ထူးမွေးနေ့ဖြစ်တဲ့ တော်သလင်းလပြည့်ကျော်(၉)ရက်နေ့မှာတော့ ရွာမှာရှိတဲ့အိမ်တိုင်းကို ဘဲဥတစ်ကဒ်စီ လိုက်ဝေဖြစ်ကြတယ်။ စာသင်ကျောင်းမှာ ကျောင်းသုံးပစ္စည်းတွေ လှူဖြစ်ကြတယ်။ ကောင်းမှူးတော်ဘုရားကြီးကိုသွားပြီး ငါးစာသွားကျွေးဖြစ်ကြတယ်။
နောက်တော့ မောင်ထူးတစ်ခါမှမရောက်ဖူးသေးတဲ့ အင်းဝက မယ်နုအုတ်ကျောင်းကို လိုက်ပို့ဖြစ်တယ်။ ညနေခင်းမို့ အုတ်ကျောင်းထဲဝင်ရတာ နည်းနည်းတော့ စိတ်ခြောက်ခြားစရာကောင်းနေတယ်။ ဒါပေမယ့် ဘေးမှာမောင်ထူးပါတော့ အဆင်ပြေပါတယ်။
ကျွန်တော်တို့ အိမ်ပြန်ရောက်တော့ ညဘက်ရောက်နေပြီ။ တစ်နေကုန်ပင်ပန်းထားတာမို့ လူက အရမ်းအရမ်းကိုအိပ်ချင်နေပြီ။ ဒါပေမယ့် အိပ်လို့မရသေး။ မေမေက မောင်ထူးအကြိုက် ဘူးသီးခြောက်ချက်ထားတာမို့ ထမင်းစားပြီးမှ အိပ်ယာဝင်ကြဖို့ လာပြောနေတယ်။
မောင်ထူးက ရွာလာရင် ဘယ်တော့မှဟင်းကောင်းမမက်။ သူမက်တာ ဘူးသီးခြောက်။ ဘူးသီးခြောက်တော့ သူကတအားတအားကိုကြိုက်တာ။ ပြီးတော့ စိန်မန်းပွင့်သုပ်။ အဲ့အသုပ်ဆို မောင်ထူးက သေအောင်ကြိုက်ပဲ။
ကျွန်တော်တို့ ထမင်းတွေဘာတွေ စားသောက်ပြီးတော့ ည(၁၀)နာရီတောင် ကျော်နေခဲ့ပြီ။ လူကလည်း အရမ်းအရမ်းကို အိပ်ချင်နေပြီမို့ အိပ်ယာဝင်လိုက်ကြတယ်။
ဒါပေမယ့် ကောင်းကောင်းမအိပ်ရ။ မမသားလေးက အရမ်းအရမ်းကို ဂျီနေတယ်။ သူ့အသံကပဲ တစ်အိမ်လုံးကို လွှမ်းမိုးနေတယ်။ အိပ်ပျော်မယ်ကြံလိုက် သူ့အသံကထွက်လာလိုက်နဲ့ ဘယ်လိုမှအိပ်လို့မရတော့။
မောင်ထူးလည်း အတူတူပဲ။ သူလည်းကောင်းကောင်းအိပ်လို့မရ။ အိပ်ချင်လျက်နဲ့ အိပ်လို့မရတာကလည်း တော်တော်ဆိုးတယ်။ ကြာတော့ ကလေးကိုတောင် သိပ်မကြည်ချင်တော့ဘူး။ ဘယ်လိုအမျိုးတစ်ခြမ်းယုတ်ကလေးလဲမသိ။ သူ့အဖေအတိုင်းပဲ အကျင့်က တစ်စက်မှမကောင်းဘူး။
သားသမီးဆိုတာ နှစ်မျိုးပဲရှိတယ်တဲ့။ အကြွေးလာဆပ်တဲ့သားသမီးနဲ့ အကြွေးလာတောင်းတဲ့သားသမီး။ အကြွေးလာဆပ်တဲ့ သားသမီးကတော့ သူ့ကိုမွေးပြီးတာနဲ့ မိဘတွေမှာ စီးပွားရေးအဆင်ပြေတာတို့ဘာတို့ ဖြစ်တတ်တယ်။ အဲ့လိုမဟုတ်လဲ သူ့ကြောင့် မိဘတွေမှာ စိတ်ချမ်းသာရတတ်တယ်။ မိဘကို ဘယ်တော့မှ ဒုက္ခမပေး။ အရမ်းကိုအေးပြီး အရမ်းကိုလိမ္မာတဲ့ကလေး။ အဲ့လိုကလေးတွေက အရင်ဘဝတွေတုန်းက တင်နေတဲ့အကြွေးတွေကို လာဆပ်တဲ့ကလေးတွေ။
အကြွေးလာတောင်းတဲ့ ကလေးတွေကကြတော့ သူ့ကိုမွေးပြီးတာနဲ့ မိဘတွေမှာ ကောင်းကောင်းမနေရ။ ညဆိုလည်း ကောင်းကောင်းမအိပ်ရ။ ထမင်းကိုလည်း အေးအေးဆေးဆေးမစားရ။ မိဘပေါ်ကနေ အချမခံ။ ချလျှင်ငိုတဲ့ကလေး။ အဲ့လိုကလေးတွေက အရင်ဘဝတွေတုန်းက ကျန်နေတဲ့အကြွေးတွေကို လာတောင်းတဲ့ကလေးတွေ။
မမရဲ့ကလေးကတော့ အကြွေးလာတောင်းတာထင်တယ်။ ညညဆိုငိုပြီ။ တစ်အိမ်လုံး ကောင်းကောင်းမအိပ်ရ။
ကျွန်တောင်တို့လို လိင်တူယူထားတဲ့လူတွေကတော့ အကြွေးကင်းစင်လေးတွေဆိုတာ သေချာတယ်။ ဆပ်စရာလည်းမရှိဘူး။ ရစရာလည်းမရှိဘူး။ အဲ့တော့ ဘယ်သူမှလည်း ကျွန်တော်တို့ဆီကို ရောက်မလာတော့ဘူး။
"မျက်နှာကြီးက ပြုံးဖြီးပြီး ဘာတွေတွေးနေတာလဲ"
ကျွန်တော့်ဆံပင်တွေကို သပ်တင်ပြီး မောင်ထူးကမေးတယ်။
"ဒီတိုင်းပဲ ပျော်လို့"
"ပြောပါဦး...ဘာတွေပျော်နေတာလဲ"
"သြော်...အရင်က မေမေပြောဖူးတယ်။ သားသမီးဆိုတာ အကြွေးလာဆပ်တဲ့သူနဲ့ အကြွေးလာတောင်းတဲ့သူဆိုပြီး နှစ်မျိုးပဲရှိတယ်တဲ့။ အဲ့ဒါ ငါတို့က ကလေးမရနိုင်တော့လေ အရင်ဘဝတွေတုန်းက ငါတို့မှာ ဘာအကြွေးမှမရှိဘူးလို့ တွေးမိလို့"
"အထူးလေးကတော့ကွာ။ တကယ်တွေးလည်းတွေးတတ်တယ်။ အဲ့ဒါတွေကြောင့်ပဲ ငါကမင်းကို တစ်နေ့တခြား တအားချစ်နေမိတာ"
"ငါပြောတာ ဘာမှားလို့လဲ"
"မမှားဘူး။ မင်းပြောတာ အကုန်မှန်တယ်"
"သိတယ်။ ငါကပေါက်ကရတွေမှ လျှောက်မပြောတတ်တာ"
"ဟုတ်တယ်။ ဟုတ်တယ်။ ကိုယ့်အထူးလေးက တည်တည်တန့်တန့်လေး။ မော့ပါဦး။ အဲ့ဒီနှုတ်ခမ်းလေးကို အနမ်းတွေပေးချင်လို့"
"......"
ဘာမှလည်းမဆိုင်ပဲ။ ဒါပေမယ့် မော့ပေးလိုက်ပါတယ်။ ဒီနေ့က သူ့မွေးနေ့မဟုတ်လားလေ...
"Happy Birthday မောင်ထူး။ ငါနဲ့အတူတူ နှစ်တွေအကြာကြီး နေနိုင်ပါစေ။ ငါ့ကိုလည်း အမြဲတမ်းချစ်နိုင်ပါစေ။ ပျော်ရွှင်ပါစေလို့တော့ ဆုတောင်းမပေးတော့ဘူး။ ငါက မင်းကို ပျော်ရွှင်အောင်ထားမှာမို့။ ချစ်တယ် မောင်ထူး။ ငါမင်းကို တော်တော်လေးကိုချစ်တယ်"
ကျွန်တော်ပြောတော့ မောင်ထူးက ကျွန်တော့်ကို တင်းတင်းဖက်တယ်။
"ငါ့ဘဝမှာ အပျော်ရွှင်ဆုံးက မင်းငါ့ကို ပြန်ချစ်ပေးခဲ့တာကိုပဲ။ ဘာဆုတောင်းမှမလိုဘူး။ ငါ့ဘေးမှာ မင်းရှိနေရင် အရာရာပြည့်စုံတယ်။ ချစ်တယ် ထူးအောင်။ ငါလည်းမင်းကို အရမ်းချစ်တယ်"
----------***---------
ကဲ မောင်ထူးရဲ့မွေးနေ့မှာ ရိုရိုလေး။
ထူးအောင်ရဲ့ မွေးနေ့ဆုတောင်းကို ရေးရင်းနဲ့ မျက်ရည်ပါဝဲမိသွားတယ်။ သြော် ငါ့ကလေးကချစ်ရှာသားဆိုပြီး😭
29.9.2021