ပြန်လည်ရှင်သန်ခွင့်ရတဲ့ ဖုဘလော့ဂါလေးရဲ့ ချက်မယ်ပြုတ်မယ် အစီအစဥ်

၅

အပိုင်း ၅ ဒါက ငါ့ရဲ့ ကြက်ဥကိတ်လေ

ကြယ်ပြာအင်ပါယာ၏ ပထမအဆင့် စစ်တပ်ဌာနချုပ်။
“တပ်ရေးဗိုလ်ကြီးလီ၊ ဗိုလ်ကြီးအတွက် ပါဆယ် ရောက်နေပါတယ်။”

ရုံးခန်း၏ စက်သွယ်ရေးစက်က မြည်လာသည့်အခါ လီခိုင်က တည်ငြိမ်စွာဖြင့် ပြန်ဖြေလိုက်သည်။
“အရမ်းကောင်းတယ်၊ ငါ အဲ့ဒီကို အခုချက်ချင်း ရောက်လာခဲ့မယ်။”

ထို့နောက် သူက ခပ်မြန်မြန်ပင် ရုံးခန်းထဲက ပြေးထွက်သည်။ သူ၏ လမ်းတွင် လူအများအပြားက သူ့ကို နှုတ်ဆက်သည့်တိုင်အောင် သူ ချက်ချင်း အမြန်သာ ပြန်လည်နှုတ်ဆက်ပြီးသည့်နောက် ဓါတ်လှေကားထဲသို့ ဝင်လိုက်သည်။ ထို့နောက် ပထမထပ်သို့ နှိပ်လိုက်လေတော့၏။

လီခိုင်က သည်အင်ပါယာ၏ အငယ်ဆုံးမာရှယ်ဟော်ယွင်ချန်း၏ တပ်ရေးဗိုလ်ကြီး ဖြစ်ပေသည်။ ပြောကြသည်မှာ အရာရှိတွေထဲတွင် အဆင့် ၇ စာရင်းဝင်သည့် ဝန်ကြီး၏ အစောင့်အရှောက်နှင့် အဆင့်တူသည်ဟု ဆိုကြသည်။ သူက မာရှယ်ဟော်၏ တပ်ရေးဗိုလ်ကြီးဖြစ်သည့်တိုင်အောင် သူက ရုံးတွင်းလုပ်ငန်းပိုင်းတွင် တာဝန်ယူရလေပြီး  အလယ်အလတ်အဆင့် အရာရှိတစ်ယောက်လည်း ဖြစ်နေသေးပေ၏။ အခြေစိုက်စခန်းတွင်ဆိုလျှင် သူ၏ အဆင့်အတန်းက မာရှယ်ပြီးလျှင် ဒုတိယအဆင့် လိုက်ပေသည်။

ဓါတ်လှေကားတံခါးက တင်ခနဲအသံနှင့် ပွင့်သွားသည့်အခါ လီခိုင်က ချက်ချင်းပင် ထွက်လိုက်သည်။ ပတ်ဝန်ကျင်းတွင် မည်သူမှ မရှိတော့ပေ။

မည်သို့ပင်ဆိုစေ ပစ္စည်းပို့သည့် ဌာနမှ လူတွေက ဌာနချုပ်ထဲအထိ မဝင်ရဲကြပေ။ ထို့ကြောင့် ဌာနချုပ်မှ ပစ္စည်းအားလုံးကို လက်ခံပေးသည့် လုံခြုံရေးစောင့်ထံတွင်သာ ထားခဲ့ရပေသည်။ သူသည်လည်း ထိုနေရာတွင် သွားယူရမည်ဖြစ်၏။ သူက တည်ငြိမ်စွာဖြင့်ပင် ထိုပစ္စည်းကို သွားယူလိုက်သည်။

လုံခြုံရေးဌာနမှလူတွေမှာ လီခိုင်၏ အေးစက်သော မျက်နှာကို သူတို့၏ တံခါးဝတွင် မြင်လိုက်သည့်အခါ ချက်ချင်းပင် ပစ္စည်းကို ကမ်းပေးလာသည်။ လီခိုင်ဘာမှ မပြောရသေးခင်အချိန်မှာပင် သူတို့က ပြောလာ၏။
“တပ်ရေးဗိုလ်ကြီးလီ  ပစ္စည်းက ဒီမှာပါ။”

“ကျေးဇူးပါပဲ။”
လီခိုင်က ခေါင်းငြိမ့်ပြီးသည့်နောက် သူ့ပါဆယ်ထုပ်နှင့်အတူ ထွက်သွားသည်။

“ငါပဲ အမြင်မှားတာလား၊ တပ်ရေးဗိုလ်ကြီးလီက ပြုံးလိုက်သလားလို့။”
ထိုနေရာရှိ တာဝန်ကျဝန်ထမ်းက ပြောသည်။

“သူ ပစ္စည်းလာယူရင်း ပထမဆုံးအကြိမ် ပြုံးတာကို မြင်ဖူးတာပဲ၊ ကြည့်ရတာ သူ အရမ်းပျော်နေတဲ့ ပုံပဲ၊ သူ့ရဲ့ ရည်းစားဆီကများလား။”

“ရှူး”
ဘေးမှ လုပ်ဖော်ကိုင်ဖက်က ကြောက်လန့်တကြားပြောသည်။ သူက အသင့်အနေအထားဖြင့် လှည့်ကြည့်လိုက်သည့်အခါ တစ်ဖက်သူကို မမြင်ရတော့မှသာ စိတ်ငြိမ်သွား၏။ သူက စိတ်ချမ်းသာသွားကာ ပြောသည်။

“တပ်ရေးဗိုလ်ကြီးရဲ့အခြေအနေကို အတင်းပြောရဲရအောင် မင်းကိုယ်မင်း ဘယ်အဆင့်လို့ ထင်နေတာလဲ၊ မင်းရဲ့အလုပ်ကနေ ထွက်ချင်နေတာလား။”

ထိုသို့ ပြောလိုက်ပြီးနောက် သူကိုယ်တိုင်ပင် အတင်းပြောချင်စိတ်ကို မနည်းဖိနှိမ့်နေရပေ၏။ ထို့နောက် တစ်ဖက်သူ့ကို ပြုံးကာ ပြောလိုက်သည်။

“ဒီပါကင်ပေါ်မှာ ရေးထားတဲ့စာ 'စားစရာ'ဆိုတဲ့ စာအတိုင်းဆိုရင် ဒါက သူ့အိမ်ကနေ လက်တွဲဖော်က ချက်ပေးလိုက်တဲ့ နေ့လည်စာဘူးဖြစ်ရမယ် ဟီး ဟီး။”

လီခိုင်သည် လက်ထဲတွင် ပါကင်ဘူးကို ကိုင်ကာ အေးစက်သည့် မျက်နှာအမူအရာဖြင့် ပြန်တက်သွားလိုက်သည်။ ဒါက ပုံမှန် မျက်နှာသေပင်ဖြစ်၏။ သူ အပြန်လမ်းတွင် တွေ့သည့် အရာရှိတစ်ယောက်က သူက သည်လိုပစ္စည်း ပို့လာသော ပါဆယ် သွားယူပြီး ပြန်တက်လာကြောင်း မြင်လိုက်ရသည်။ ထိုအရာရှိက သူ့မျက်လုံးသူ မယုံကြည်နိုင်တော့ပေ။

လီခိုင်ဆိုသူမှာ အခြားသူတွေနှင့် နီးနီးကပ်ကပ်နေလေ့ရှိသူ မဟုတ်ဘဲ အမြဲတမ်း လေးနက်တည်ငြိမ်စွာသာ နေလေ့ရှိသူ ဖြစ်ပေသည်။ သူ့ကို စစ်တပ်တွင် နှစ်များစွာ တွေ့လာပြီးသည့်နောက် ယခုအချိန်အထိ တစ်ခါမှ သည်လိုအပြင်မှ ပစ္စည်းပို့လာခြင်း၊ လက်ခံခြင်းမျိုး မတွေ့ဖူးသေးပါပေ။

“အို့ မင်းတောင်မှ ပစ္စည်းပို့တာတွေ လက်ခံနေပါလား၊ ဒါက ဘာလဲ။”
ထိုအရာရှိက အလွန်မင်သက်နေသည်။သူက မင်သက်နေရာမှ ရုတ်တရက် ထအော်သည်။

“ဒါက မာရှယ်အတွက် ရောက်လာတဲ့ ပါဆယ်မလား၊ သူ့ရဲ့ ပရိတ်သတ်တွေထဲက ကောင်မလေးတစ်ယောက် ပို့ပေးလိုက်တာ မဟုတ်လား၊ ဒါပေမယ့် မာရှယ်က ဒါတွေကို တစ်ခါမှ လက်မခံခဲ့ပါဘူး ဟုတ်တယ်မလား။”

လီခိုင်က သူ့ကို တစ်ချက်ကြည့်ပြီးသည့်နောက် သူ၏ ပါဆယ်ကို ကိုင်ထားသည့် လက်တွေက တင်းကြပ်သွားသည်။
“ဒါက ငါ့ဟာ ငါ့ အိမ်မှာ ဖိုင်တွေကျန်ခဲ့လို့ အိမ်ကနေ စမတ်အိမ်တော်ထိန်းက ပို့ပေးလိုက်တာ။”

ဓါတ်လှေကားတံခါး ပွင့်သွားကာ သူက ထိုသူကို ခပ်မြန်မြန်နှုတ်ဆက်လိုက်သည်။ သူက အထဲသို့ ဝင်သွားပြီးသည့်နောက် စိတ်မရှည်စွာဖြင့် တံခါးပိတ်မည့်အချိန်ကို စောင့်ဆိုင်းနေတော့ပေ၏။

သူ နောက်ဆုံးတစ်ယောက်တည်း ဖြစ်သွားသည့်အချိန်တွင် မနေနိုင်လေဘဲ ထိုပါဆယ်အိတ်လေးကို ဖွင့်ကြည့်လိုက်သည်။ ထိုအခါ ဖောက်ထွင်းမြင်ရမတတ် ကြည်လင်နေသော မုန့်ဘူးလေးကိုမြင်ရ၏။ အထဲတွင် ရွှေရောင်ကြက်ဥကိတ်နှင့်အတူ  မွှေးပျံ့ချိုမြိန်သည့်ရနံ့တွေက ပျံ့လွင့်လာတော့ပေသည်။

လီခိုင်ဟာ ဖြတ်လျှောက်အကောင့်နာမည်ဖြင့် ထိုတိုက်ရိုက်ထုတ်လွင့်သည့် အစားအသောက်တင်ဆက်မှုကို ကြည့်ခဲ့ခြင်း ဖြစ်သည်။ ထိုအချိန်မှာပင် သူ တံတွေးအနိုင်နိုင် မြိုချနေခဲ့ရပေ၏။

လက်ရှိ အင်ပါယာ၏အခြေအနေက တည်ငြိမ်နေသည်။ စစ်တပ်တွင်လည်း အချိန်ပိုတွေ ရလာခဲ့၏။ ထို့ကြောင့် လီခိုင်က သူ၏ အားလပ်ချိန်တွင် လျှို့ဝှက်စွာဖြင့် တိုက်ရိုက်ထုတ်လွှင့်မှုတွေကို ကြည့်တတ်သည့် အကျင့်ကို ရလာခဲ့ပေသည်။

ပုံမှန်အားဖြင့် လီခိုင်က မာရှ့်တွေတိုက်ခိုက်သည့် တိုက်ရိုက်ထုတ်လွှင့်ခြင်းတွေကိုသာ ကြည့်လေ့ရှိပေသည်။ သည်နေ့မှသာ ရီကွန်မန့်ဒေးရှင်းတွင် ပြထားသော အစားအသောက် ပြင်ဆင်ချက်ပြုတ်ပြသည့် တိုက်ရိုက်ထုတ်လွှင့်သည့် ချန်နယ်တစ်ခုမှ ဗီဒီယိုတစ်ခုကို ကြည့်လိုက်မိခြင်းသာဖြစ်သည်။ သူ လုံးဝ မထင်ထားခဲ့မိသည်မှာ သူ တစ်ခါမှ မမြည်းစမ်းဖူးသည့် စားစရာမှ  အလွန်တရာ ကောင်းမွန်လွန်းသည့် အရသာမျိုးကို ရလိုက်ခြင်းဖြစ်သည်။

သည်ပါဆယ်က မဲပေါက်သည့်သူကို ပေးပို့လာခြင်းဖြစ်ပေသည်။

တင်

ဓါတ်လှေကားတံခါးက ရှစ်လွှာတွင် ရပ်သွားသည်။ လီခိုင်က ဒါကို ဂရုမထားလိုက်ပေ။

ထိုအခါ တံခါးကပွင့်သွားပြီး အရပ်ရှည်ကာ တောင့်တင်းသန်မာသည့် လူတစ်ယောက်က ဝင်လာသည်။

“မာရှယ်ဟော် မင်္ဂလာပါ ဆရာ။”

အနည်းငယ်ပွင့်နေသည့် ဘူးကို ကိုင်ထားသည့် လီခိုင်၏ မျက်နှာအမူအရာက ထိုနီးကပ်လာသည့် ထိုသူကို ကြည့်သည့်အချိန်တွင် လေးစားမှုတွေနှင့် ပြည့်နှက်သွားတော့ပေသည်။ သူက ရိုကျိုးစွာဖြင့် အလေးပြုလိုက်၏။ ထို့နောက် တစ်ဖက်သူ လျှောက်ဝင်လာပြီး ၁၂ ထပ်သို့ ခလုတ်နှိပ်လိုက်ခြင်းကို သေချာကြည့်နေလိုက်သည်။

သူ မနေနိုင်လေဘဲ သည်ဘူးကို ကျောဘက်သို့ပို့ကာ ကွယ်ထားလိုက်ရသည်။ သူ့ရှေ့တွင်ရှိသည့် လူငယ်ကို မျက်ဝန်းထောင့်မှ ကြည့်လေ၏။ မာရှယ်က ဝတ်စုံပြည့် ဝတ်ထားကာ လေးနက် တည်ကြည်နေသည်။

ဟော်ယွင်ချန်းဟာ ကြယ်ပြာအင်ပါယာ၏ အငယ်ဆုံးသော မာရှယ်ဖြစ်သည်။ သည်နှစ်တွင် သူက အသက် ၄၈ နှစ်ပြည့်မည် ဖြစ်သည်။

သို့သော် သည်သိပ္ပံခေတ်ကာလတွင် အသက် ၃၀ မှ အရွယ်ရောက်တာဖြစ်ပြီး သာမန်လူတွေပင် အသက် ၃၀၀ကျော် အထိ ရှင်သန်နိုင်ကြသည်။ ထို့ကြောင့် မာရှယ်ဟော်က အလွန်ငယ်ရွယ်သေးသည်ဟု ဆိုရပေမည်။ သူ၏ ရုပ်ပိုင်းဆိုင်ရာ ခွန်အားပင်ဖြစ်စေ၊ စိတ်ဝိဉာဉ်စွမ်းအားပင်ဖြစ်စေ SS အဆင့် ဖြစ်​ေသည်။ သူက စစ် အကယ်ဒမီမှ ဘွဲ့ရပြီးသည့်နောက် တိုက်ပွဲနယ်မြေတွင် ဝင်ရောက်တိုက်ခိုက်ခဲ့ကာ မျက်စိကျိန်းမတတ်တောက်ပသည့် အောင်မြင်မှု လမ်းကြောင်းကို ပိုင်ဆိုင်ခဲ့သည်။ သူ့ကို အင်ပါယာမှ စစ်နတ်ဘုရားဟုတောင် ခေါ်ဆိုကြပေ၏။

သူ၏ ထူးချွန်သည့်အရည်အချင်းတွေနှင့် တည်ငြိမ်သည့် ပုံပန်းသွင်ပြင် အမူအရာ စသည်ဖြင့် အရာအားလုံးက လူတိုင်းက သူ့ကို ကိုးကွယ်ဆည်းကပ်ချင်စိတ် ဖြစ်လာစေလောက်အောင် ပြီးပြည့်စုံလွန်းနေခဲ့ပေသည်။ သို့ရာတွင် ထိုလူသားတွေ၏ ပြီးပြည့်စုံမှု ဂုဏ်ဆောင်ပြယုဂ်ကြီးဟာ သဘာဝစားစရာတွေကို စက်ဆုပ်ပေသည်။

ဓါတ်လှေကားတံခါး ပိတ်သွားသည့်အခါ လီခိုင်၏ နှလုံးခုန်နှုန်းတွေ မြန်သွားသည်။ သူက စိတ်ထဲတွင် ဆက်တိုက်ဆိုသလိုပင် အမည်မသိသည့်သူတွေကို ဆုတောင်းကာ ဘူးကို ကျစ်ကျစ်ပါအောင် ဆုပ်ထားရသည်။ ထိုထဲမှ မည်သည့်အနံ့မှ မထွက်လာစေရန် မျှော်လင့်နေမိတော့၏။ သို့ရာတွင်သူ၏ ဆုတောင်းက ပြည့်မသွားခဲ့ပေ။

မိနစ်ဝက်ပင် မကြာသေးခင်အချိန်တွင်ပင် မာရှယ်၏ အေးစက်သည့် အသံကို ကြားလိုက်ရသည်။
“မင်း ဘာကို ကိုင်ထားတာလဲ။”

လီခိုင်မှာ ချွေးစေးတွေပင်ပြန်လာသည်။ သူက ရိုးသားစွာပင် ပြောလာ၏။
“မာရှယ်ကို တင်ပြပါတယ်၊ ဒါက ကြက်ဥကိတ်ပါ။”

“ကြက်ဥကိတ် ဟုတ်လား။”

ဟော်ယွင်ချန်း၏ မျက်ခုံးတွေက ကြုတ်သွားပြီး ဆက်ပြောလာ၏။
“ဒါက စားဖိုမှူးအစည်းအရုံးက ထပ်ထုတ်လိုက်တဲ့  ဟင်းပွဲတစ်ခုလား။”

အင်ပါယာက အားဖြည့်ဆေးရည်တွေအစားသဘာဝဟင်းသီးဟင်းရွက်တွေ၊ ထုတ်ကုန်တွေကို အသုံးပြုပြီး ချက်ပြုတ်ပြင်ဆင်ခြင်းကို အထူးအားပေးလာခဲ့သည်။ ထိုဆေးရည်တွေကြောင့် လူသားတွေ၏ အစာစားချင်စိတ်က စစ်ပွဲအတွင်းတွင် ပျောက်ရှသွားခဲ့ရကာ ဆိုးယုတ်ခဲ့ရသဖြင့် တစ်ဖန်ပြန်လည်အသုံးဝင်နိုင်စေရန်အလို့ငှာ သည်အပေါ်ကို အလွန်အားစိုက်နေခဲ့ခြင်းဖြစ်သည်။ စားချင်စိတ်တွေ ပျောက်ကွယ်နေသည့်အခါ စိတ်ဓါတ်ကျခြင်း၊ ခံစားလွယ်ခြင်း စသည်ဖြင့် အရာအားလုံးက ဖြစ်လာနိုင်ကာ လူတို့၏ အာရုံခံစားမှုတွေ ပျောက်လုမတတ် ဖြစ်လာပေသည်။

အခုလိုမျိုး ငြိမ်းချမ်းသည့်ကာလကို ဝင်ရောက်လာပြီဖြစ်သဖြင့် သူတို့အနေဖြင့် အစားကောင်းကောင်းစားလိုသည့်စိတ်ဆန္ဒတွေကို ပြည့်ဝစေလိုပေသည်။

သို့ရာတွင် ဟော်ယွင်ချန်းကမူ အချိန်ဖြုန်းသည်ဟုသာ မြင်သည်။ SS အဆင့် ဝင်သည့် အဆင့်မြင့် မာရှ့် မောင်းနှင်ရသော စစ်သည်တော်တစ်ယောက်အနေဖြင့် သည်အာဟာရတွေက သူ့အပေါ် သက်ရောက်မှု ရှိလိမ့်မည်မဟုတ်ပေ။ ထို့အပြင် သူ၏ အာရုံခံငါးပါးက အလွန်တရာကောင်းမွန်လှကာ သာမန်သူတွေထက် အဆများစွာ သာလွန်သည်။ ထို့ကြောင့် အရသာကလည်း အလားတူပင်ဖြစ်သည်။

စားဖိုးမှူးအစည်းအရုံးမှ ချက်ပြုတ်လိုက်သည့် ဟင်းပွဲတွေအားလုံး၏ အရသာက ဖယောင်းကို ဝါးနေရသကဲ့သို့သာ ခံစားရစေပြီး ရွံရှာဖွယ်ကောင်းလွန်းလှပေသည်။ ထို့ကြောင့် ထိုအရာတွေအစား အရောင်၊ အနံ့၊ အရသာမရှိသည့် အားဖြည့်ဆေးရည်ကို သောက်ရသည်ကမှ ပိုကောင်းမည်ဟုထင်သည်။ အနည်းဆုံး သူ့ကို သည်အားဖြည့်ဆေးရည်တွေက အန်ချင်စိတ်ဖြစ်မလာစေပေ။

ထိုသဘာဝဟင်းသီးဟင်းရွက်တွေ၊ ထုတ်ကုန်တွေကို အသုံးပြုသည့်အခါ စစ်တပ်ကဲ့သို့ လူအင်အား အလွန်များသည့်နေရာမျိုးတွင် ကန်တင်းတွေက လိုအပ်လာသည်။ ထိုအခါ သူတို့ကို နေ့တိုင်းစားချိန်ပေးရန်အတွက် တစ်နေ့ တစ်နာရီအချိန်က ပုပ်ဦးမည်ဖြစ်သည်။  ထိုအချိန်တွင်သာ သူတို့ တိုက်ခိုက်ရေး လေ့ကျင့်နေမည်ဆိုလျှင် ပို၍ အသုံးဝင်နိုင်မည်ဖြစ်ပေ၏။

ထို့ကြောင့် ဟော်ယွင်ချန်းက သဘောမကျခြင်းဖြစ်သည်။ သူတို့အနေဖြင့် သည်လိုငြိမ်ငြိမ်ထိုင်ပြီး စားသောက်နေသည့်အချိန်တွင် မည်သည့်အရာမဆို ဖြစ်ပျက်သွားနိုင်ကာ မတော်တဆမှုတွေ ဖြစ်လာနိုင်သဖြင့် သူက သဘောမကျပါပေ။ ကျူးကျော်သူတွေ ကိုလည်း လုပ်ကြံရန် ဝင်ရောက်ခွင့် ပေးလိုက်သလို ဖြစ်သွားနိုင်သေးပေ၏။

သို့ရာတွင် သူ့လူတွေ၏ စိတ်ပိုင်းဆိုင်ရာ လိုအင်ဆန္ဒတွေနှင့် ကိုယ်ပိုင် လွတ်လပ်စွာ စားသောက်ချင်စိတ်တွေကိုမူ သူ တားဆီးချင်စိတ်မရှိပါပေ။ မည်သို့ပင်ဆိုစေ သူတို့တွေလည်း သဘာဝစားသောက်ဟင်းလျာတွေကို စားသောက်ချင်စိတ်ရှိသည့်အခါ သူက တိုက်ရိုက်ကြီး ငြင်းဆန်ရန်မသင့်ပေ။ သည်အတိုင်း သူ့အရှေ့တွင် ပေါ်မလာရုံနှင့်ပင် အဆင်ပြေပေ၏။

သို့ရာတွင် သဘာဝဟင်းသီးဟင်းရွက်ပါဝင်ပစ္စည်း ဟင်းအမယ်တွေအားလုံးကို အကောင်းဆုံး ထောက်ပံ့ပေးနိုင်ရန်အလို့ငှာ အကယ်ဒမီက လုပ်သားအင်အားများစွာ၊ အရင်းအမြစ်များစွာ အားစိုက်ထုတ်ထားလေပြီး စားဖိုမှူးအစည်းအရုံးနှင့်ပူးပေါင်းကာ အချိန်တိုင်း ဟင်းလျာသစ်တွေကို ထုတ်လာလေ့ရှိသည်။ ထိုသို့ ထုတ်လာသည့် အချိန်တိုင်း သူတို့တွေက နမူနာပွဲတွေအား တော်ဝင်မိသားစု၊ အဓိကအင်အားကြီး မိသားစုတွေသို့ ပို့ပေးလေ့ရှိသည်။ ဟော်မိသားစုဟာလည်း ထိုစာရင်းထဲတွင် ဝင်သည်။ ဟော်ယွင်ချန်းအတွက် သည်တစ်ကြိမ်တွင် စစ်တပ်အထိ ပေးပို့လာမည်ဟု မထင်ထားမိပါပေ။

“အခုယူပြီး လွှင့်ပစ်လိုက်။”
သူက မျက်မှောင်ကြုတ်ကာ တင်းကြပ်စွာဖြင့် ပြောလိုက်သည်။

“အနာဂါတ်မှာ ဒီလိုဟာမျိုးတွေ မင်းယူလာပေးစရာမလိုဘူး၊ ငါ့ဆီကိုတောင် ယူလာပေးစရာမလိုဘူး၊ မင်းဘာသာမင်း ကိုင်တွယ်လိုက်။”

“အာ ဒါက …”
လီခိုင်က ပြောသည်။ သူ၏ ဗိုလ်မှူးကြီးက နားလည်မှု လွဲနေပုံရသည်။ သူ၏ သည်ပါကင်ထုပ်ကို ကိုင်ထားသည့်လက်တွေက ပို၍တင်းကြပ်သွားတော့ပေသည်။

“မာရှယ် ဒါက ကျွန်တော့် …”

ထိုအခိုက် အထဲမှ ကြွပ်ဆတ်သည့်အသံမျိုးက ထွက်လာကာ ဘူးသံက ရှင်းလင်းစွာ ထွက်ပေါ်လာသည်။ လီခိုင်၏ အေအဆင့် ခွန်အား၏ တင်းကြပ်မှုကြောင့် ဘူးက အနည်းငယ်စောင်းသွားပြီး ပွင့်သွားခဲ့ခြင်း ဖြစ်၏။

“အဲ့ဒီအနံ့က …”

ဟော်ယွင်ချန်း၏ မျက်ခုံးတွေက ပင့်သက်သွားကာ ပြင်းထန်မွှေးပျံ့သည့်အနံ့က ဓါတ်လှေကားအခန်းထဲတွင် ပြည့်နှက်သွားတော့ပေသည်။ သူက အောက်သို့ တစ်ချက်ကြည့်ပြီးသည့်နောက် သူ၏ တပ်ရေးဗိုလ်ကြီး ကိုင်ထားသဖြင့် ပိန်ရှုံ့နေသည့်ဘူးထံ အကြည့် ရောက်သွားသည်။ အမွှေးနံ့က ထိုထဲမှ ထွက်လာခြင်းဖြစ်၏။

ပုံမှန်မဟုတ်သည့်အရာမှာ ထိုအမွှေးနံ့ဟာ သူ ယခင်က ရနေကျအနံ့တွေကဲ့သို့ ရွံစရာမကောင်းပေ။ ထို့အစား အလွန်တရာ မွှေးပျံ့၏။ထိုအနံ့ကို  မရင်းနှီးသည့်တိုင် စားချင်စိတ်ကို ဖြစ်လာစေပေသည်။အချိန်အကြာကြီး တိတ်ဆိတ်နေသည့် သူ၏အစာအိမ်ကပင် တုန့်ပြန်လာကာ ယခုမှ အသက်ရှင်လာသလိုမျိုး ခံစားချက်ကိုပေးလာသည်။ ချက်ချင်းပင် ပြောင်ရှင်းသွားတော့ကာ တစ်စုံတစ်ရာကို ဖြည့်ပေးရန် တောင်းခံလာ၏။

“နေဦး။”

ဟော်ယွင်ချန်းက လက်ကိုမြှောက်ကာ တားသည်။သူ  စိတ်ဆုံးဖြတ်လိုက်သည်။

“ငါ ဒါကို လက်ခံလိုက်မယ်။”

“အာ …”
လီခိုင်က ဟော်ယွင်ချန်းကို ကြောက်လန့်တကြား အမူအရာဖြင့် ကြည့်သည်။

ဟော်ယွင်ချန်း၏ နွေးထွေးမှု ကင်းသော အကြည့်ဖြင့် ရင်ဆိုင်ရသည့်အခါ လီခိုင့်မှာ တုန်ယင်လာတော့သည်။ သူ ခပ်မြန်မြန် ဘူးကို ကမ်းပေးလိုက်ရ၏။

ဓာတ်လှေကား တံခါး ပိတ်သွားမှသာ သူ မပြောလိုက်ရသည့် စကားကို သူ သတိရတော့သည်။

" မာရှယ် ဒါက ကျွန်တော့်ရဲ့ ကြက်ဥ ကိတ်ပါ"

" ကျွန်တော့်ရဲ့....."

..................

ယွမ့်ထန်းကမူ သူ ပို့ပေးလိုက်သည့် ကြက်ဥ ကိတ်တွေထဲမှ တစ်ခုက ဖိအားပြင်းစွာ အသိမ်းပိုက်ဆံလိုက်ရကြောင်း မသိရှာပေ။ သူ ကောင်းကောင်း စားသောက်ကာ ဗိုက်ဖြည့်ပြီးနောက် ကျေနပ်စွာ အိပ်တော့သည်။နေ့လည် သုံးနာ၇ီမှသာ သူ ပြန် နိုးသည်။ထို့နောက် ချက်ပြုတ်မည့် ပစ္စည်းတွေကို ကြည့်ရန် ထမင်းစားခန်းထဲ ၀င်သွားတော့သည်။

အရင်တစ်ခေါက်က ၀ယ်ထားတဲ့ အာလူးတွေက အပုံလိုက် ၇ှိနေသေးတာပဲ။

ရေခဲ သေတ္တာက ကောင်းမွန်လွန်းသည့်တိုင် အချိန်အကြာကြီး ထိန်းသိမ်းထားမည်ဆိုလျှင် အရသာကို သက်ရောက်မှုရှိနိုင်သည်။ပိုးစားထားသည့် အချို့နေရာတွေဆိုလျှင် သုံးလို့ရတော့မည့် မဟုတ်ပေ။

ယွမ့်ထန်းက မေးစေ့ပွတ်ရင်း ညစာကို အာလူးနှင့် ပက်သတ်တာ တစ်ခုခု လုပ်စား၇န် ဆုံးဖြတ်လိုက်သည်။

ဆိုရိုးစကားလိုပဲ မနက်မှာ ကောင်းကောင်းစား၊ နေ့လယ်မှာ ဗိုက်ပြည့်အောင် စား၊ ညဘက်မှာ လျှော့စားတဲ့။
သို့ရာတွင် သည်နေ့ခေတ်တွင် ညဘက်ကသာ လူတွေ ပိုများသည့်အတွက် ညစာအား လျှော့ချက်လိုက်ခြင်းက ထိုညဇီးကွက်တွေကို ပျော်စေမည် မထင်ပေ။

လက်တလောတွင် သူက အစောကြေလွယ်စေသော ဟင်းမျိုးကိုသာ စားနိုင်ေးသည်။ထိုကြောင့် ထမင်း စား မရသေးပေ။ သူကလည်း ဆန်ပြုတ်လည်း မစားချင်ပြန်ပေ။ထို့အတွက် ခေါက်ဆွဲသာ ရှိတော့သည်။

ဆုံးဖြတ်ချက် ချပြီးနောက် ယွမ့်ထန်းက တိုက်ရိုက် ထုတ်လွှင့်နိုင်သော ပလက်ဖောင်းထဲ လော့အင် ၀င်လိုက်သည်။ သူ ရှာထားသမျှအား အကောင့်ထဲ ပြောင်းထည့်ပြီး ဈေးဝယ်ရန် တွေးထား၏။ သို့သော် သူ ဖွင်ကြည့်ပြီးသည်နှင့် မင်သက်သွားရတော့ပေသည်။သူ၏ မနက်ခင်း တိုက်ရိုက် ထုတ်လွှင့်ခြင်းက ၁၉၀၀တောင် ရထားပေ၏။

ဒီအနာဂတ်က လူတွေက တအား ချစ်ဖို့ကောင်းတာပဲ

ယွမ့်ထန်း စိတ်ကောင်းဝင်သွားကာ ပိုက်ဆံတွေကို အကောင့်ထဲ ပြောင်းထည့်လိုက်သည်။ ထို့နောက် ​ေ၇ှာ့ပင်းဆိုက်သို့ သွားကာ ၀ယ်ရန် ပြင်သည်။ ကြည့်ရှုသူတွေ၏ စိတ်အားထက်သန်မှုကို ပြန်လည် ပေးဆပ်နိုင်ရန်အလို့ဌာ ညစာကို အသားထည့် ပြင်ရန် ဆုံးဖြတ်လိုက်သည်။

အသားမပါဘဲ မစားနိုင်ရင် ၀ါးတောအပြင်ဘက်မှာလည်း နေနိုင်မှာ မဟုတ်ဘူးတဲ့....
(သူတို့ရဲ့ စကားပုံလို့တော့ ပြောကြတယ်)

အသားမှ ပေးသော ပျော်ရွှင်မှုဟာ လူသားတွေအတွက် အစားထိုး မရနိုင်ပေ။ အာလူးနှင့် အသားရှိလျှင် သည်ည ညစာအား ၀က်သား အာလူးခေါက်ဆွဲ ချက်လို့ရနိုင်သည်။

သူက ၀က်ဗိုက်သားကို ၀ယ်သည်၊ ဗိုက်သားတွင် အဆီနှင့် အသားပါသည်။ ထိုအသားမှ အဆီအပြင် အသားအရသာပါ ရမည်ဖြစ်သည့်အတွက် စားသောက်ရ အလွန်ကောင်းပေသည်။ ထို့အပြင် ကြက်သွန်နီ၊ ဂျုံမှုန့်၊မုန်လာဥနီနှင့် ခရမ်းချဉ်သီး အချဉ်ရည်ကိုလည်း ၀ယ်လိုက်သည်။

ကံဆိုးသည်မှာ နာနတ်ပွင့်၊ သစ်ကြံပိုးပင်၊ ဟင်းချက် ၀ိုင်တို့ကို ရှော့ပင်းဆိုက်တွင် ၀ယ်လို့ မရနိုင်သေးပေ။ ထို့ကြောင့် နာနတ်ပွင့်တို့အစား ခ၇မ်းချဉ်သီးအချဉ်ဖြင့် ခပ်၇ွှဲရွှဲလေး ထည့်ပြီး နှပ်ရန် ဆုံးဖြတ်လိုက်သည်။ထိုအရသာကလည်း အလွန် ကောင်းပေလိမ့်မည်။

ခဏအကြာ သူ ၀ယ်ထားသမျှ ရောက်လာသည်။
အားလုံး ပြင်ဆင်ပြီးသည်နှင့် ယွမ့်ထန်းက မျက်ကပ်မှန်ကို တပ်ကာ တိုက်ရိုက် ထုတ်လွှင့်ရန် အဆင့်သင့်ပြင်လိုက်သည်။

သူ တိုက်ရိုက် ထုတ်လွှင့်တော့မည့် အချိန်တွင်ပင် ဘယ်ဘက်ခြမ်း အပေါ်ဘက်နားတွင် ​ေ၇ွှရောင် တဖျက်ဖျက် လက်နေသည့် နိုတီကို မြင်ရသည်။ဒါတွေက ၀က်ဆိုက်တွင်းမှ ပေးပို့သည့် စာတွေဖြစ်သည်။ အရေးကြီးသော သတင်းများ လွတ်သွားမည်စိုးသဖြင့် သူ ချက်ချင်း ဖွင့်ဖတ်လိုက်သည်။

စာက နှစ်စောင်၇ှိသည်။ တစ်စောင်သည် သူက အာလူးကို သုံးကာ ချက်ပြခဲ့သည့်အတွက် သူတို့၏ ရီကွန်မန့်ဒေးရှင်းေ ပးသည့် ချန်နယ်တွင် ဖော်ပြခံရမည်ဖြစ်ကြောင်း အကြောင်းကြားစာ ဖြစ်သည်။ ထိုချန်နယ်ဟာ သူ့ကို ကျော်ကြားစေခြင်းဖြစ်၏။

ဒုတိယ တစ်စောင်ကမူ သူ၏ အစီအစဉ် တင်ဆက်သူ အဆင့်က အဆင့်နှစ်သို့ ရောက်သွားပြီဖြစ်ကြောင်း အကြောင်းကြားစာ ဖြစ်သည်။ ထိုအဆင့်တွေက သူ၏ ကျော်ကြားမှုကို တိုးတက်စေသည်။ ထိုကျော်ကြားမှုဟာ ကြည့်ရှုသူ တိုးလာခြင်းကို ကိုယ်စားပြုရုံသာ မကလေဘဲ သူ ရရှိမည့် လက်ဆောင်ပမာဏကိုလည်း တိုးစေနိုင်သည်။

ထိုသို့အဆင့်တက်ခြင်းက သူ့အတွက်အလွန် အဆင်ပြေပေသည်။ လမ်းညွှန် ဗီဒီယိုထဲတွင် ပါသည့် အချက်အလက်အရ သူသာ အဆင့်နှစ်သို့ ရောက်သွားလျှင် follow ဖန်၇ှင်ကို အသုံးပြုလာနိုင်မည်ဖြစ်သည်။ သူ့ကိုသာ followထားကြလျှင် သူ တိုက်ရိုက် ထုတ်လွှင့်သည်နှင့် ထိုသူတွေထံသို့ အလင်းဦးနှောက်မှတဆင့် အကြောင်းကြားစာတွေ အလိုအလျောက် ပေးပို့မည်ဖြစ်ကာ ထိုသူတွေ ပလက်ဖောင်းအတွင်း မ၇ှိလျှင်ပင် သိရှိနိုင်မည်ဖြစ်သည်။ဒါက ကျော်ကြားမှုအတွက် အလွန်အသုံးဝင်ပေသည်။

ယွမ့်ထန်းသည် တိုက်ရိုက် ထုတ်လွှင့်ခြင်းကို အလွန်ကောင်းမွန်သည့် စိတ်အခြေအနေဖြင့် ဖွင့်လိုက်သည်။

"အားလုံးပဲ မင်္ဂလာ ညနေခင်းပါ။ ကိုယ်က မင်းတို့ရဲ့ယွမ့်ထန်းပါ။ကိုယ် အခု မင်းတို့အတွက် ၀က်ဗိုက်သား အာလူး ခေါက်ဆွဲကို လုပ်ပြမှာ ဖြစ်ပါတယ်"

သူ၏ တိုက်ရိုက် ထုတ်လွှင့်ခြင်း စသည်နှင့် သူ့ကို followထားသူတိုင်းထံသို့ စာတွေ ရောက်တော့ကာ မယုံနိုင်စရာ အ၇ှိန်နှုန်းဖြင့် ကြည့်ရှုသူတွေ တက်လာတော့လေသည်။

--------
စာရေးသူမှာ ပြောစရာ ၇ှိပါတယ်

လီခိုင်: မာရှယ် အဲ့ဒါ ကျွန်တော့်၇ဲ့ နေ့လည်စာ ဘူးပါ။ အဲ့ဒါ ကျွန်တော့် ကြက်ဥ ကိတ်ပါ QwQ

ဟော်ယွင်ချန်း: ဟင်

ပေးပို့သူ နာမည်ကို တစ်ချက်ကြည့်ပြီး အနားက တပ်ရေး ဗိုလ်ကြီးကို လက်ညိုးထိုးပြ...

"ငါ့မိန်းမဟာက ငါ့ဟာပဲ"

-------

ဘာသာပြန်သူမှာ ပြောစရာ၇ှိပါတယ်

အပိုင်း၆က မသေချာပါဘူး၊ မသေချာတာက ဒီနေ့ သင်တန်းမှာ အားစိုက်ရတာနဲ့ စကားလုံးတွေ မေ့ကုန်လို့ မနည်းအားစိုက်ပြီး speakingပြောလိုက်ရတာ ပျိုင်းသွားလို့ပါ😁

အပိုင်း၆ တစ်ပိုင်းလုံးတော့ မပြီးလောက်ဘူး... ခွဲပြီးလည်း မတင်ချင်လို့ မနက်ဖန်နဲ့ပဲ ပေါင်းတော့မယ်နော်။ မားရဲ့ တစ်ချက်လွှတ် အမိန့်အရ သုံးနာ၇ီ နောက်ဆုံးထားပြီး အိပ်ယာပေါ် တက်ရမယ်တဲ့..... ၀ူး...၀ူး..၀ူး

အပိုင္း ၅ ဒါက ငါ့ရဲ႕ ၾကက္ဥကိတ္ေလ

ၾကယ္ျပာအင္ပါယာ၏ ပထမအဆင့္ စစ္တပ္ဌာနခ်ဳပ္။
“တပ္ေရးဗိုလ္ႀကီးလီ၊ ဗိုလ္ႀကီးအတြက္ ပါဆယ္ ေရာက္ေနပါတယ္။”

႐ုံးခန္း၏ စက္သြယ္ေရးစက္က ျမည္လာသည့္အခါ လီခိုင္က တည္ၿငိမ္စြာျဖင့္ ျပန္ေျဖလိုက္သည္။
“အရမ္းေကာင္းတယ္၊ ငါ အဲ့ဒီကို အခုခ်က္ခ်င္း ေရာက္လာခဲ့မယ္။”

ထို႔ေနာက္ သူက ခပ္ျမန္ျမန္ပင္ ႐ုံးခန္းထဲက ေျပးထြက္သည္။ သူ၏ လမ္းတြင္ လူအမ်ားအျပားက သူ႕ကို ႏႈတ္ဆက္သည့္တိုင္ေအာင္ သူ ခ်က္ခ်င္း အျမန္သာ ျပန္လည္ႏႈတ္ဆက္ၿပီးသည့္ေနာက္ ဓါတ္ေလွကားထဲသို႔ ဝင္လိုက္သည္။ ထို႔ေနာက္ ပထမထပ္သို႔ ႏွိပ္လိုက္ေလေတာ့၏။

လီခိုင္က သည္အင္ပါယာ၏ အငယ္ဆုံးမာရွယ္ေဟာ္ယြင္ခ်န္း၏ တပ္ေရးဗိုလ္ႀကီး ျဖစ္ေပသည္။ ေျပာၾကသည္မွာ အရာရွိေတြထဲတြင္ အဆင့္ ၇ စာရင္းဝင္သည့္ ဝန္ႀကီး၏ အေစာင့္အေရွာက္ႏွင့္ အဆင့္တူသည္ဟု ဆိုၾကသည္။ သူက မာရွယ္ေဟာ္၏ တပ္ေရးဗိုလ္ႀကီးျဖစ္သည့္တိုင္ေအာင္ သူက ႐ုံးတြင္းလုပ္ငန္းပိုင္းတြင္ တာဝန္ယူရေလၿပီး  အလယ္အလတ္အဆင့္ အရာရွိတစ္ေယာက္လည္း ျဖစ္ေနေသးေပ၏။ အေျခစိုက္စခန္းတြင္ဆိုလွ်င္ သူ၏ အဆင့္အတန္းက မာရွယ္ၿပီးလွ်င္ ဒုတိယအဆင့္ လိုက္ေပသည္။

ဓါတ္ေလွကားတံခါးက တင္ခနဲအသံႏွင့္ ပြင့္သြားသည့္အခါ လီခိုင္က ခ်က္ခ်င္းပင္ ထြက္လိုက္သည္။ ပတ္ဝန္က်င္းတြင္ မည္သူမွ မရွိေတာ့ေပ။

မည္သို႔ပင္ဆိုေစ ပစၥည္းပို႔သည့္ ဌာနမွ လူေတြက ဌာနခ်ဳပ္ထဲအထိ မဝင္ရဲၾကေပ။ ထို႔ေၾကာင့္ ဌာနခ်ဳပ္မွ ပစၥည္းအားလုံးကို လက္ခံေပးသည့္ လုံၿခဳံေရးေစာင့္ထံတြင္သာ ထားခဲ့ရေပသည္။ သူသည္လည္း ထိုေနရာတြင္ သြားယူရမည္ျဖစ္၏။ သူက တည္ၿငိမ္စြာျဖင့္ပင္ ထိုပစၥည္းကို သြားယူလိုက္သည္။

လုံၿခဳံေရးဌာနမွလူေတြမွာ လီခိုင္၏ ေအးစက္ေသာ မ်က္ႏွာကို သူတို႔၏ တံခါးဝတြင္ ျမင္လိုက္သည့္အခါ ခ်က္ခ်င္းပင္ ပစၥည္းကို ကမ္းေပးလာသည္။ လီခိုင္ဘာမွ မေျပာရေသးခင္အခ်ိန္မွာပင္ သူတို႔က ေျပာလာ၏။
“တပ္ေရးဗိုလ္ႀကီးလီ  ပစၥည္းက ဒီမွာပါ။”

“ေက်းဇူးပါပဲ။”
လီခိုင္က ေခါင္းၿငိမ့္ၿပီးသည့္ေနာက္ သူ႕ပါဆယ္ထုပ္ႏွင့္အတူ ထြက္သြားသည္။

“ငါပဲ အျမင္မွားတာလား၊ တပ္ေရးဗိုလ္ႀကီးလီက ၿပဳံးလိုက္သလားလို႔။”
ထိုေနရာရွိ တာဝန္က်ဝန္ထမ္းက ေျပာသည္။

“သူ ပစၥည္းလာယူရင္း ပထမဆုံးအႀကိမ္ ၿပဳံးတာကို ျမင္ဖူးတာပဲ၊ ၾကည့္ရတာ သူ အရမ္းေပ်ာ္ေနတဲ့ ပုံပဲ၊ သူ႕ရဲ႕ ရည္းစားဆီကမ်ားလား။”

“ရႉး”
ေဘးမွ လုပ္ေဖာ္ကိုင္ဖက္က ေၾကာက္လန႔္တၾကားေျပာသည္။ သူက အသင့္အေနအထားျဖင့္ လွည့္ၾကည့္လိုက္သည့္အခါ တစ္ဖက္သူကို မျမင္ရေတာ့မွသာ စိတ္ၿငိမ္သြား၏။ သူက စိတ္ခ်မ္းသာသြားကာ ေျပာသည္။

“တပ္ေရးဗိုလ္ႀကီးရဲ႕အေျခအေနကို အတင္းေျပာရဲရေအာင္ မင္းကိုယ္မင္း ဘယ္အဆင့္လို႔ ထင္ေနတာလဲ၊ မင္းရဲ႕အလုပ္ကေန ထြက္ခ်င္ေနတာလား။”

ထိုသို႔ ေျပာလိုက္ၿပီးေနာက္ သူကိုယ္တိုင္ပင္ အတင္းေျပာခ်င္စိတ္ကို မနည္းဖိႏွိမ့္ေနရေပ၏။ ထို႔ေနာက္ တစ္ဖက္သူ႕ကို ၿပဳံးကာ ေျပာလိုက္သည္။

“ဒီပါကင္ေပၚမွာ ေရးထားတဲ့စာ 'စားစရာ'ဆိုတဲ့ စာအတိုင္းဆိုရင္ ဒါက သူ႕အိမ္ကေန လက္တြဲေဖာ္က ခ်က္ေပးလိုက္တဲ့ ေန႕လည္စာဘူးျဖစ္ရမယ္ ဟီး ဟီး။”

လီခိုင္သည္ လက္ထဲတြင္ ပါကင္ဘူးကို ကိုင္ကာ ေအးစက္သည့္ မ်က္ႏွာအမူအရာျဖင့္ ျပန္တက္သြားလိုက္သည္။ ဒါက ပုံမွန္ မ်က္ႏွာေသပင္ျဖစ္၏။ သူ အျပန္လမ္းတြင္ ေတြ႕သည့္ အရာရွိတစ္ေယာက္က သူက သည္လိုပစၥည္း ပို႔လာေသာ ပါဆယ္ သြားယူၿပီး ျပန္တက္လာေၾကာင္း ျမင္လိုက္ရသည္။ ထိုအရာရွိက သူ႕မ်က္လုံးသူ မယုံၾကည္နိုင္ေတာ့ေပ။

လီခိုင္ဆိုသူမွာ အျခားသူေတြႏွင့္ နီးနီးကပ္ကပ္ေနေလ့ရွိသူ မဟုတ္ဘဲ အၿမဲတမ္း ေလးနက္တည္ၿငိမ္စြာသာ ေနေလ့ရွိသူ ျဖစ္ေပသည္။ သူ႕ကို စစ္တပ္တြင္ ႏွစ္မ်ားစြာ ေတြ႕လာၿပီးသည့္ေနာက္ ယခုအခ်ိန္အထိ တစ္ခါမွ သည္လိုအျပင္မွ ပစၥည္းပို႔လာျခင္း၊ လက္ခံျခင္းမ်ိဳး မေတြ႕ဖူးေသးပါေပ။

“အို႔ မင္းေတာင္မွ ပစၥည္းပို႔တာေတြ လက္ခံေနပါလား၊ ဒါက ဘာလဲ။”
ထိုအရာရွိက အလြန္မင္သက္ေနသည္။သူက မင္သက္ေနရာမွ ႐ုတ္တရက္ ထေအာ္သည္။

“ဒါက မာရွယ္အတြက္ ေရာက္လာတဲ့ ပါဆယ္မလား၊ သူ႕ရဲ႕ ပရိတ္သတ္ေတြထဲက ေကာင္မေလးတစ္ေယာက္ ပို႔ေပးလိုက္တာ မဟုတ္လား၊ ဒါေပမယ့္ မာရွယ္က ဒါေတြကို တစ္ခါမွ လက္မခံခဲ့ပါဘူး ဟုတ္တယ္မလား။”

လီခိုင္က သူ႕ကို တစ္ခ်က္ၾကည့္ၿပီးသည့္ေနာက္ သူ၏ ပါဆယ္ကို ကိုင္ထားသည့္ လက္ေတြက တင္းၾကပ္သြားသည္။
“ဒါက ငါ့ဟာ ငါ့ အိမ္မွာ ဖိုင္ေတြက်န္ခဲ့လို႔ အိမ္ကေန စမတ္အိမ္ေတာ္ထိန္းက ပို႔ေပးလိုက္တာ။”

ဓါတ္ေလွကားတံခါး ပြင့္သြားကာ သူက ထိုသူကို ခပ္ျမန္ျမန္ႏႈတ္ဆက္လိုက္သည္။ သူက အထဲသို႔ ဝင္သြားၿပီးသည့္ေနာက္ စိတ္မရွည္စြာျဖင့္ တံခါးပိတ္မည့္အခ်ိန္ကို ေစာင့္ဆိုင္းေနေတာ့ေပ၏။

သူ ေနာက္ဆုံးတစ္ေယာက္တည္း ျဖစ္သြားသည့္အခ်ိန္တြင္ မေနနိုင္ေလဘဲ ထိုပါဆယ္အိတ္ေလးကို ဖြင့္ၾကည့္လိုက္သည္။ ထိုအခါ ေဖာက္ထြင္းျမင္ရမတတ္ ၾကည္လင္ေနေသာ မုန႔္ဘူးေလးကိုျမင္ရ၏။ အထဲတြင္ ေ႐ႊေရာင္ၾကက္ဥကိတ္ႏွင့္အတူ  ေမႊးပ်ံ့ခ်ိဳၿမိန္သည့္ရနံ႕ေတြက ပ်ံ့လြင့္လာေတာ့ေပသည္။

လီခိုင္ဟာ ျဖတ္ေလွ်ာက္အေကာင့္နာမည္ျဖင့္ ထိုတိုက္ရိုက္ထုတ္လြင့္သည့္ အစားအေသာက္တင္ဆက္မႈကို ၾကည့္ခဲ့ျခင္း ျဖစ္သည္။ ထိုအခ်ိန္မွာပင္ သူ တံေတြးအနိုင္နိုင္ ၿမိဳခ်ေနခဲ့ရေပ၏။

လက္ရွိ အင္ပါယာ၏အေျခအေနက တည္ၿငိမ္ေနသည္။ စစ္တပ္တြင္လည္း အခ်ိန္ပိုေတြ ရလာခဲ့၏။ ထို႔ေၾကာင့္ လီခိုင္က သူ၏ အားလပ္ခ်ိန္တြင္ လွ်ို႔ဝွက္စြာျဖင့္ တိုက္ရိုက္ထုတ္လႊင့္မႈေတြကို ၾကည့္တတ္သည့္ အက်င့္ကို ရလာခဲ့ေပသည္။

ပုံမွန္အားျဖင့္ လီခိုင္က မာရွ့္ေတြတိုက္ခိုက္သည့္ တိုက္ရိုက္ထုတ္လႊင့္ျခင္းေတြကိုသာ ၾကည့္ေလ့ရွိေပသည္။ သည္ေန႕မွသာ ရီကြန္မန႔္ေဒးရွင္းတြင္ ျပထားေသာ အစားအေသာက္ ျပင္ဆင္ခ်က္ျပဳတ္ျပသည့္ တိုက္ရိုက္ထုတ္လႊင့္သည့္ ခ်န္နယ္တစ္ခုမွ ဗီဒီယိုတစ္ခုကို ၾကည့္လိုက္မိျခင္းသာျဖစ္သည္။ သူ လုံးဝ မထင္ထားခဲ့မိသည္မွာ သူ တစ္ခါမွ မျမည္းစမ္းဖူးသည့္ စားစရာမွ  အလြန္တရာ ေကာင္းမြန္လြန္းသည့္ အရသာမ်ိဳးကို ရလိုက္ျခင္းျဖစ္သည္။

သည္ပါဆယ္က မဲေပါက္သည့္သူကို ေပးပို႔လာျခင္းျဖစ္ေပသည္။

တင္

ဓါတ္ေလွကားတံခါးက ရွစ္လႊာတြင္ ရပ္သြားသည္။ လီခိုင္က ဒါကို ဂ႐ုမထားလိုက္ေပ။

ထိုအခါ တံခါးကပြင့္သြားၿပီး အရပ္ရွည္ကာ ေတာင့္တင္းသန္မာသည့္ လူတစ္ေယာက္က ဝင္လာသည္။

“မာရွယ္ေဟာ္ မဂၤလာပါ ဆရာ။”

အနည္းငယ္ပြင့္ေနသည့္ ဘူးကို ကိုင္ထားသည့္ လီခိုင္၏ မ်က္ႏွာအမူအရာက ထိုနီးကပ္လာသည့္ ထိုသူကို ၾကည့္သည့္အခ်ိန္တြင္ ေလးစားမႈေတြႏွင့္ ျပည့္ႏွက္သြားေတာ့ေပသည္။ သူက ရိုက်ိဳးစြာျဖင့္ အေလးျပဳလိုက္၏။ ထို႔ေနာက္ တစ္ဖက္သူ ေလွ်ာက္ဝင္လာၿပီး ၁၂ ထပ္သို႔ ခလုတ္ႏွိပ္လိုက္ျခင္းကို ေသခ်ာၾကည့္ေနလိုက္သည္။

သူ မေနနိုင္ေလဘဲ သည္ဘူးကို ေက်ာဘက္သို႔ပို႔ကာ ကြယ္ထားလိုက္ရသည္။ သူ႕ေရွ႕တြင္ရွိသည့္ လူငယ္ကို မ်က္ဝန္းေထာင့္မွ ၾကည့္ေလ၏။ မာရွယ္က ဝတ္စုံျပည့္ ဝတ္ထားကာ ေလးနက္ တည္ၾကည္ေနသည္။

ေဟာ္ယြင္ခ်န္းဟာ ၾကယ္ျပာအင္ပါယာ၏ အငယ္ဆုံးေသာ မာရွယ္ျဖစ္သည္။ သည္ႏွစ္တြင္ သူက အသက္ ၄၈ ႏွစ္ျပည့္မည္ ျဖစ္သည္။

သို႔ေသာ္ သည္သိပၸံေခတ္ကာလတြင္ အသက္ ၃၀ မွ အ႐ြယ္ေရာက္တာျဖစ္ၿပီး သာမန္လူေတြပင္ အသက္ ၃၀၀ေက်ာ္ အထိ ရွင္သန္နိုင္ၾကသည္။ ထို႔ေၾကာင့္ မာရွယ္ေဟာ္က အလြန္ငယ္႐ြယ္ေသးသည္ဟု ဆိုရေပမည္။ သူ၏ ႐ုပ္ပိုင္းဆိုင္ရာ ခြန္အားပင္ျဖစ္ေစ၊ စိတ္ဝိဉာဥ္စြမ္းအားပင္ျဖစ္ေစ SS အဆင့္ ျဖစ္​ေသည္။ သူက စစ္ အကယ္ဒမီမွ ဘြဲ႕ရၿပီးသည့္ေနာက္ တိုက္ပြဲနယ္ေျမတြင္ ဝင္ေရာက္တိုက္ခိုက္ခဲ့ကာ မ်က္စိက်ိန္းမတတ္ေတာက္ပသည့္ ေအာင္ျမင္မႈ လမ္းေၾကာင္းကို ပိုင္ဆိုင္ခဲ့သည္။ သူ႕ကို အင္ပါယာမွ စစ္နတ္ဘုရားဟုေတာင္ ေခၚဆိုၾကေပ၏။

သူ၏ ထူးခြၽန္သည့္အရည္အခ်င္းေတြႏွင့္ တည္ၿငိမ္သည့္ ပုံပန္းသြင္ျပင္ အမူအရာ စသည္ျဖင့္ အရာအားလုံးက လူတိုင္းက သူ႕ကို ကိုးကြယ္ဆည္းကပ္ခ်င္စိတ္ ျဖစ္လာေစေလာက္ေအာင္ ၿပီးျပည့္စုံလြန္းေနခဲ့ေပသည္။ သို႔ရာတြင္ ထိုလူသားေတြ၏ ၿပီးျပည့္စုံမႈ ဂုဏ္ေဆာင္ျပယုဂ္ႀကီးဟာ သဘာဝစားစရာေတြကို စက္ဆုပ္ေပသည္။

ဓါတ္ေလွကားတံခါး ပိတ္သြားသည့္အခါ လီခိုင္၏ ႏွလုံးခုန္ႏႈန္းေတြ ျမန္သြားသည္။ သူက စိတ္ထဲတြင္ ဆက္တိုက္ဆိုသလိုပင္ အမည္မသိသည့္သူေတြကို ဆုေတာင္းကာ ဘူးကို က်စ္က်စ္ပါေအာင္ ဆုပ္ထားရသည္။ ထိုထဲမွ မည္သည့္အနံ႕မွ မထြက္လာေစရန္ ေမွ်ာ္လင့္ေနမိေတာ့၏။ သို႔ရာတြင္သူ၏ ဆုေတာင္းက ျပည့္မသြားခဲ့ေပ။

မိနစ္ဝက္ပင္ မၾကာေသးခင္အခ်ိန္တြင္ပင္ မာရွယ္၏ ေအးစက္သည့္ အသံကို ၾကားလိုက္ရသည္။
“မင္း ဘာကို ကိုင္ထားတာလဲ။”

လီခိုင္မွာ ေခြၽးေစးေတြပင္ျပန္လာသည္။ သူက ရိုးသားစြာပင္ ေျပာလာ၏။
“မာရွယ္ကို တင္ျပပါတယ္၊ ဒါက ၾကက္ဥကိတ္ပါ။”

“ၾကက္ဥကိတ္ ဟုတ္လား။”

ေဟာ္ယြင္ခ်န္း၏ မ်က္ခုံးေတြက ၾကဳတ္သြားၿပီး ဆက္ေျပာလာ၏။
“ဒါက စားဖိုမႉးအစည္းအ႐ုံးက ထပ္ထုတ္လိုက္တဲ့  ဟင္းပြဲတစ္ခုလား။”

အင္ပါယာက အားျဖည့္ေဆးရည္ေတြအစားသဘာဝဟင္းသီးဟင္း႐ြက္ေတြ၊ ထုတ္ကုန္ေတြကို အသုံးျပဳၿပီး ခ်က္ျပဳတ္ျပင္ဆင္ျခင္းကို အထူးအားေပးလာခဲ့သည္။ ထိုေဆးရည္ေတြေၾကာင့္ လူသားေတြ၏ အစာစားခ်င္စိတ္က စစ္ပြဲအတြင္းတြင္ ေပ်ာက္ရွသြားခဲ့ရကာ ဆိုးယုတ္ခဲ့ရသျဖင့္ တစ္ဖန္ျပန္လည္အသုံးဝင္နိုင္ေစရန္အလို႔ငွာ သည္အေပၚကို အလြန္အားစိုက္ေနခဲ့ျခင္းျဖစ္သည္။ စားခ်င္စိတ္ေတြ ေပ်ာက္ကြယ္ေနသည့္အခါ စိတ္ဓါတ္က်ျခင္း၊ ခံစားလြယ္ျခင္း စသည္ျဖင့္ အရာအားလုံးက ျဖစ္လာနိုင္ကာ လူတို႔၏ အာ႐ုံခံစားမႈေတြ ေပ်ာက္လုမတတ္ ျဖစ္လာေပသည္။

အခုလိုမ်ိဳး ၿငိမ္းခ်မ္းသည့္ကာလကို ဝင္ေရာက္လာၿပီျဖစ္သျဖင့္ သူတို႔အေနျဖင့္ အစားေကာင္းေကာင္းစားလိုသည့္စိတ္ဆႏၵေတြကို ျပည့္ဝေစလိုေပသည္။

သို႔ရာတြင္ ေဟာ္ယြင္ခ်န္းကမူ အခ်ိန္ျဖဳန္းသည္ဟုသာ ျမင္သည္။ SS အဆင့္ ဝင္သည့္ အဆင့္ျမင့္ မာရွ့္ ေမာင္းႏွင္ရေသာ စစ္သည္ေတာ္တစ္ေယာက္အေနျဖင့္ သည္အာဟာရေတြက သူ႕အေပၚ သက္ေရာက္မႈ ရွိလိမ့္မည္မဟုတ္ေပ။ ထို႔အျပင္ သူ၏ အာ႐ုံခံငါးပါးက အလြန္တရာေကာင္းမြန္လွကာ သာမန္သူေတြထက္ အဆမ်ားစြာ သာလြန္သည္။ ထို႔ေၾကာင့္ အရသာကလည္း အလားတူပင္ျဖစ္သည္။

စားဖိုးမႉးအစည္းအ႐ုံးမွ ခ်က္ျပဳတ္လိုက္သည့္ ဟင္းပြဲေတြအားလုံး၏ အရသာက ဖေယာင္းကို ဝါးေနရသကဲ့သို႔သာ ခံစားရေစၿပီး ႐ြံရွာဖြယ္ေကာင္းလြန္းလွေပသည္။ ထို႔ေၾကာင့္ ထိုအရာေတြအစား အေရာင္၊ အနံ႕၊ အရသာမရွိသည့္ အားျဖည့္ေဆးရည္ကို ေသာက္ရသည္ကမွ ပိုေကာင္းမည္ဟုထင္သည္။ အနည္းဆုံး သူ႕ကို သည္အားျဖည့္ေဆးရည္ေတြက အန္ခ်င္စိတ္ျဖစ္မလာေစေပ။

ထိုသဘာဝဟင္းသီးဟင္း႐ြက္ေတြ၊ ထုတ္ကုန္ေတြကို အသုံးျပဳသည့္အခါ စစ္တပ္ကဲ့သို႔ လူအင္အား အလြန္မ်ားသည့္ေနရာမ်ိဳးတြင္ ကန္တင္းေတြက လိုအပ္လာသည္။ ထိုအခါ သူတို႔ကို ေန႕တိုင္းစားခ်ိန္ေပးရန္အတြက္ တစ္ေန႕ တစ္နာရီအခ်ိန္က ပုပ္ဦးမည္ျဖစ္သည္။  ထိုအခ်ိန္တြင္သာ သူတို႔ တိုက္ခိုက္ေရး ေလ့က်င့္ေနမည္ဆိုလွ်င္ ပို၍ အသုံးဝင္နိုင္မည္ျဖစ္ေပ၏။

ထို႔ေၾကာင့္ ေဟာ္ယြင္ခ်န္းက သေဘာမက်ျခင္းျဖစ္သည္။ သူတို႔အေနျဖင့္ သည္လိုၿငိမ္ၿငိမ္ထိုင္ၿပီး စားေသာက္ေနသည့္အခ်ိန္တြင္ မည္သည့္အရာမဆို ျဖစ္ပ်က္သြားနိုင္ကာ မေတာ္တဆမႈေတြ ျဖစ္လာနိုင္သျဖင့္ သူက သေဘာမက်ပါေပ။ က်ဴးေက်ာ္သူေတြ ကိုလည္း လုပ္ႀကံရန္ ဝင္ေရာက္ခြင့္ ေပးလိုက္သလို ျဖစ္သြားနိုင္ေသးေပ၏။

သို႔ရာတြင္ သူ႕လူေတြ၏ စိတ္ပိုင္းဆိုင္ရာ လိုအင္ဆႏၵေတြႏွင့္ ကိုယ္ပိုင္ လြတ္လပ္စြာ စားေသာက္ခ်င္စိတ္ေတြကိုမူ သူ တားဆီးခ်င္စိတ္မရွိပါေပ။ မည္သို႔ပင္ဆိုေစ သူတို႔ေတြလည္း သဘာဝစားေသာက္ဟင္းလ်ာေတြကို စားေသာက္ခ်င္စိတ္ရွိသည့္အခါ သူက တိုက္ရိုက္ႀကီး ျငင္းဆန္ရန္မသင့္ေပ။ သည္အတိုင္း သူ႕အေရွ႕တြင္ ေပၚမလာ႐ုံႏွင့္ပင္ အဆင္ေျပေပ၏။

သို႔ရာတြင္ သဘာဝဟင္းသီးဟင္း႐ြက္ပါဝင္ပစၥည္း ဟင္းအမယ္ေတြအားလုံးကို အေကာင္းဆုံး ေထာက္ပံ့ေပးနိုင္ရန္အလို႔ငွာ အကယ္ဒမီက လုပ္သားအင္အားမ်ားစြာ၊ အရင္းအျမစ္မ်ားစြာ အားစိုက္ထုတ္ထားေလၿပီး စားဖိုမႉးအစည္းအ႐ုံးႏွင့္ပူးေပါင္းကာ အခ်ိန္တိုင္း ဟင္းလ်ာသစ္ေတြကို ထုတ္လာေလ့ရွိသည္။ ထိုသို႔ ထုတ္လာသည့္ အခ်ိန္တိုင္း သူတို႔ေတြက နမူနာပြဲေတြအား ေတာ္ဝင္မိသားစု၊ အဓိကအင္အားႀကီး မိသားစုေတြသို႔ ပို႔ေပးေလ့ရွိသည္။ ေဟာ္မိသားစုဟာလည္း ထိုစာရင္းထဲတြင္ ဝင္သည္။ ေဟာ္ယြင္ခ်န္းအတြက္ သည္တစ္ႀကိမ္တြင္ စစ္တပ္အထိ ေပးပို႔လာမည္ဟု မထင္ထားမိပါေပ။

“အခုယူၿပီး လႊင့္ပစ္လိုက္။”
သူက မ်က္ေမွာင္ၾကဳတ္ကာ တင္းၾကပ္စြာျဖင့္ ေျပာလိုက္သည္။

“အနာဂါတ္မွာ ဒီလိုဟာမ်ိဳးေတြ မင္းယူလာေပးစရာမလိုဘူး၊ ငါ့ဆီကိုေတာင္ ယူလာေပးစရာမလိုဘူး၊ မင္းဘာသာမင္း ကိုင္တြယ္လိုက္။”

“အာ ဒါက …”
လီခိုင္က ေျပာသည္။ သူ၏ ဗိုလ္မႉးႀကီးက နားလည္မႈ လြဲေနပုံရသည္။ သူ၏ သည္ပါကင္ထုပ္ကို ကိုင္ထားသည့္လက္ေတြက ပို၍တင္းၾကပ္သြားေတာ့ေပသည္။

“မာရွယ္ ဒါက ကြၽန္ေတာ့္ …”

ထိုအခိုက္ အထဲမွ ႂကြပ္ဆတ္သည့္အသံမ်ိဳးက ထြက္လာကာ ဘူးသံက ရွင္းလင္းစြာ ထြက္ေပၚလာသည္။ လီခိုင္၏ ေအအဆင့္ ခြန္အား၏ တင္းၾကပ္မႈေၾကာင့္ ဘူးက အနည္းငယ္ေစာင္းသြားၿပီး ပြင့္သြားခဲ့ျခင္း ျဖစ္၏။

“အဲ့ဒီအနံ႕က …”

ေဟာ္ယြင္ခ်န္း၏ မ်က္ခုံးေတြက ပင့္သက္သြားကာ ျပင္းထန္ေမႊးပ်ံ့သည့္အနံ႕က ဓါတ္ေလွကားအခန္းထဲတြင္ ျပည့္ႏွက္သြားေတာ့ေပသည္။ သူက ေအာက္သို႔ တစ္ခ်က္ၾကည့္ၿပီးသည့္ေနာက္ သူ၏ တပ္ေရးဗိုလ္ႀကီး ကိုင္ထားသျဖင့္ ပိန္ရႈံ႕ေနသည့္ဘူးထံ အၾကည့္ ေရာက္သြားသည္။ အေမႊးနံ႕က ထိုထဲမွ ထြက္လာျခင္းျဖစ္၏။

ပုံမွန္မဟုတ္သည့္အရာမွာ ထိုအေမႊးနံ႕ဟာ သူ ယခင္က ရေနက်အနံ႕ေတြကဲ့သို႔ ႐ြံစရာမေကာင္းေပ။ ထို႔အစား အလြန္တရာ ေမႊးပ်ံ့၏။ထိုအနံ႕ကို  မရင္းႏွီးသည့္တိုင္ စားခ်င္စိတ္ကို ျဖစ္လာေစေပသည္။အခ်ိန္အၾကာႀကီး တိတ္ဆိတ္ေနသည့္ သူ၏အစာအိမ္ကပင္ တုန႔္ျပန္လာကာ ယခုမွ အသက္ရွင္လာသလိုမ်ိဳး ခံစားခ်က္ကိုေပးလာသည္။ ခ်က္ခ်င္းပင္ ေျပာင္ရွင္းသြားေတာ့ကာ တစ္စုံတစ္ရာကို ျဖည့္ေပးရန္ ေတာင္းခံလာ၏။

“ေနဦး။”

ေဟာ္ယြင္ခ်န္းက လက္ကိုျမႇောက္ကာ တားသည္။သူ  စိတ္ဆုံးျဖတ္လိုက္သည္။

“ငါ ဒါကို လက္ခံလိုက္မယ္။”

“အာ …”
လီခိုင္က ေဟာ္ယြင္ခ်န္းကို ေၾကာက္လန႔္တၾကား အမူအရာျဖင့္ ၾကည့္သည္။

ေဟာ္ယြင္ခ်န္း၏ ေႏြးေထြးမႈ ကင္းေသာ အၾကည့္ျဖင့္ ရင္ဆိုင္ရသည့္အခါ လီခိုင့္မွာ တုန္ယင္လာေတာ့သည္။ သူ ခပ္ျမန္ျမန္ ဘူးကို ကမ္းေပးလိုက္ရ၏။

ဓာတ္ေလွကား တံခါး ပိတ္သြားမွသာ သူ မေျပာလိုက္ရသည့္ စကားကို သူ သတိရေတာ့သည္။

" မာရွယ္ ဒါက ကြၽန္ေတာ့္ရဲ႕ ၾကက္ဥ ကိတ္ပါ"

" ကြၽန္ေတာ့္ရဲ႕....."

..................

ယြမ့္ထန္းကမူ သူ ပို႔ေပးလိုက္သည့္ ၾကက္ဥ ကိတ္ေတြထဲမွ တစ္ခုက ဖိအားျပင္းစြာ အသိမ္းပိုက္ဆံလိုက္ရေၾကာင္း မသိရွာေပ။ သူ ေကာင္းေကာင္း စားေသာက္ကာ ဗိုက္ျဖည့္ၿပီးေနာက္ ေက်နပ္စြာ အိပ္ေတာ့သည္။ေန႕လည္ သုံးနာ၇ီမွသာ သူ ျပန္ နိုးသည္။ထို႔ေနာက္ ခ်က္ျပဳတ္မည့္ ပစၥည္းေတြကို ၾကည့္ရန္ ထမင္းစားခန္းထဲ ၀င္သြားေတာ့သည္။

အရင္တစ္ေခါက္က ၀ယ္ထားတဲ့ အာလူးေတြက အပုံလိုက္ ၇ွိေနေသးတာပဲ။

ေရခဲ ေသတၱာက ေကာင္းမြန္လြန္းသည့္တိုင္ အခ်ိန္အၾကာႀကီး ထိန္းသိမ္းထားမည္ဆိုလွ်င္ အရသာကို သက္ေရာက္မႈရွိနိုင္သည္။ပိုးစားထားသည့္ အခ်ိဳ႕ေနရာေတြဆိုလွ်င္ သုံးလို႔ရေတာ့မည့္ မဟုတ္ေပ။

ယြမ့္ထန္းက ေမးေစ့ပြတ္ရင္း ညစာကို အာလူးႏွင့္ ပက္သတ္တာ တစ္ခုခု လုပ္စား၇န္ ဆုံးျဖတ္လိုက္သည္။

ဆိုရိုးစကားလိုပဲ မနက္မွာ ေကာင္းေကာင္းစား၊ ေန႕လယ္မွာ ဗိုက္ျပည့္ေအာင္ စား၊ ညဘက္မွာ ေလွ်ာ့စားတဲ့။
သို႔ရာတြင္ သည္ေန႕ေခတ္တြင္ ညဘက္ကသာ လူေတြ ပိုမ်ားသည့္အတြက္ ညစာအား ေလွ်ာ့ခ်က္လိုက္ျခင္းက ထိုညဇီးကြက္ေတြကို ေပ်ာ္ေစမည္ မထင္ေပ။

လက္တေလာတြင္ သူက အေစာေၾကလြယ္ေစေသာ ဟင္းမ်ိဳးကိုသာ စားနိုင္ေးသည္။ထိုေၾကာင့္ ထမင္း စား မရေသးေပ။ သူကလည္း ဆန္ျပဳတ္လည္း မစားခ်င္ျပန္ေပ။ထို႔အတြက္ ေခါက္ဆြဲသာ ရွိေတာ့သည္။

ဆုံးျဖတ္ခ်က္ ခ်ၿပီးေနာက္ ယြမ့္ထန္းက တိုက္ရိုက္ ထုတ္လႊင့္နိုင္ေသာ ပလက္ေဖာင္းထဲ ေလာ့အင္ ၀င္လိုက္သည္။ သူ ရွာထားသမွ်အား အေကာင့္ထဲ ေျပာင္းထည့္ၿပီး ေဈးဝယ္ရန္ ေတြးထား၏။ သို႔ေသာ္ သူ ဖြင္ၾကည့္ၿပီးသည္ႏွင့္ မင္သက္သြားရေတာ့ေပသည္။သူ၏ မနက္ခင္း တိုက္ရိုက္ ထုတ္လႊင့္ျခင္းက ၁၉၀၀ေတာင္ ရထားေပ၏။

ဒီအနာဂတ္က လူေတြက တအား ခ်စ္ဖို႔ေကာင္းတာပဲ

ယြမ့္ထန္း စိတ္ေကာင္းဝင္သြားကာ ပိုက္ဆံေတြကို အေကာင့္ထဲ ေျပာင္းထည့္လိုက္သည္။ ထို႔ေနာက္ ​ေ၇ွာ့ပင္းဆိုက္သို႔ သြားကာ ၀ယ္ရန္ ျပင္သည္။ ၾကည့္ရႈသူေတြ၏ စိတ္အားထက္သန္မႈကို ျပန္လည္ ေပးဆပ္နိုင္ရန္အလို႔ဌာ ညစာကို အသားထည့္ ျပင္ရန္ ဆုံးျဖတ္လိုက္သည္။

အသားမပါဘဲ မစားနိုင္ရင္ ၀ါးေတာအျပင္ဘက္မွာလည္း ေနနိုင္မွာ မဟုတ္ဘူးတဲ့....
(သူတို႔ရဲ႕ စကားပုံလို႔ေတာ့ ေျပာၾကတယ္)

အသားမွ ေပးေသာ ေပ်ာ္႐ႊင္မႈဟာ လူသားေတြအတြက္ အစားထိုး မရနိုင္ေပ။ အာလူးႏွင့္ အသားရွိလွ်င္ သည္ည ညစာအား ၀က္သား အာလူးေခါက္ဆြဲ ခ်က္လို႔ရနိုင္သည္။

သူက ၀က္ဗိုက္သားကို ၀ယ္သည္၊ ဗိုက္သားတြင္ အဆီႏွင့္ အသားပါသည္။ ထိုအသားမွ အဆီအျပင္ အသားအရသာပါ ရမည္ျဖစ္သည့္အတြက္ စားေသာက္ရ အလြန္ေကာင္းေပသည္။ ထို႔အျပင္ ၾကက္သြန္နီ၊ ဂ်ဳံမႈန႔္၊မုန္လာဥနီႏွင့္ ခရမ္းခ်ဥ္သီး အခ်ဥ္ရည္ကိုလည္း ၀ယ္လိုက္သည္။

ကံဆိုးသည္မွာ နာနတ္ပြင့္၊ သစ္ႀကံပိုးပင္၊ ဟင္းခ်က္ ၀ိုင္တို႔ကို ေရွာ့ပင္းဆိုက္တြင္ ၀ယ္လို႔ မရနိုင္ေသးေပ။ ထို႔ေၾကာင့္ နာနတ္ပြင့္တို႔အစား ခ၇မ္းခ်ဥ္သီးအခ်ဥ္ျဖင့္ ခပ္၇ႊဲ႐ႊဲေလး ထည့္ၿပီး ႏွပ္ရန္ ဆုံးျဖတ္လိုက္သည္။ထိုအရသာကလည္း အလြန္ ေကာင္းေပလိမ့္မည္။

ခဏအၾကာ သူ ၀ယ္ထားသမွ် ေရာက္လာသည္။
အားလုံး ျပင္ဆင္ၿပီးသည္ႏွင့္ ယြမ့္ထန္းက မ်က္ကပ္မွန္ကို တပ္ကာ တိုက္ရိုက္ ထုတ္လႊင့္ရန္ အဆင့္သင့္ျပင္လိုက္သည္။

သူ တိုက္ရိုက္ ထုတ္လႊင့္ေတာ့မည့္ အခ်ိန္တြင္ပင္ ဘယ္ဘက္ျခမ္း အေပၚဘက္နားတြင္ ​ေ၇ႊေရာင္ တဖ်က္ဖ်က္ လက္ေနသည့္ နိုတီကို ျမင္ရသည္။ဒါေတြက ၀က္ဆိုက္တြင္းမွ ေပးပို႔သည့္ စာေတြျဖစ္သည္။ အေရးႀကီးေသာ သတင္းမ်ား လြတ္သြားမည္စိုးသျဖင့္ သူ ခ်က္ခ်င္း ဖြင့္ဖတ္လိုက္သည္။

စာက ႏွစ္ေစာင္၇ွိသည္။ တစ္ေစာင္သည္ သူက အာလူးကို သုံးကာ ခ်က္ျပခဲ့သည့္အတြက္ သူတို႔၏ ရီကြန္မန႔္ေဒးရွင္းေ ပးသည့္ ခ်န္နယ္တြင္ ေဖာ္ျပခံရမည္ျဖစ္ေၾကာင္း အေၾကာင္းၾကားစာ ျဖစ္သည္။ ထိုခ်န္နယ္ဟာ သူ႕ကို ေက်ာ္ၾကားေစျခင္းျဖစ္၏။

ဒုတိယ တစ္ေစာင္ကမူ သူ၏ အစီအစဥ္ တင္ဆက္သူ အဆင့္က အဆင့္ႏွစ္သို႔ ေရာက္သြားၿပီျဖစ္ေၾကာင္း အေၾကာင္းၾကားစာ ျဖစ္သည္။ ထိုအဆင့္ေတြက သူ၏ ေက်ာ္ၾကားမႈကို တိုးတက္ေစသည္။ ထိုေက်ာ္ၾကားမႈဟာ ၾကည့္ရႈသူ တိုးလာျခင္းကို ကိုယ္စားျပဳ႐ုံသာ မကေလဘဲ သူ ရရွိမည့္ လက္ေဆာင္ပမာဏကိုလည္း တိုးေစနိုင္သည္။

ထိုသို႔အဆင့္တက္ျခင္းက သူ႕အတြက္အလြန္ အဆင္ေျပေပသည္။ လမ္းၫႊန္ ဗီဒီယိုထဲတြင္ ပါသည့္ အခ်က္အလက္အရ သူသာ အဆင့္ႏွစ္သို႔ ေရာက္သြားလွ်င္ follow ဖန္၇ွင္ကို အသုံးျပဳလာနိုင္မည္ျဖစ္သည္။ သူ႕ကိုသာ followထားၾကလွ်င္ သူ တိုက္ရိုက္ ထုတ္လႊင့္သည္ႏွင့္ ထိုသူေတြထံသို႔ အလင္းဦးေႏွာက္မွတဆင့္ အေၾကာင္းၾကားစာေတြ အလိုအေလ်ာက္ ေပးပို႔မည္ျဖစ္ကာ ထိုသူေတြ ပလက္ေဖာင္းအတြင္း မ၇ွိလွ်င္ပင္ သိရွိနိုင္မည္ျဖစ္သည္။ဒါက ေက်ာ္ၾကားမႈအတြက္ အလြန္အသုံးဝင္ေပသည္။

ယြမ့္ထန္းသည္ တိုက္ရိုက္ ထုတ္လႊင့္ျခင္းကို အလြန္ေကာင္းမြန္သည့္ စိတ္အေျခအေနျဖင့္ ဖြင့္လိုက္သည္။

"အားလုံးပဲ မဂၤလာ ညေနခင္းပါ။ ကိုယ္က မင္းတို႔ရဲ႕ယြမ့္ထန္းပါ။ကိုယ္ အခု မင္းတို႔အတြက္ ၀က္ဗိုက္သား အာလူး ေခါက္ဆြဲကို လုပ္ျပမွာ ျဖစ္ပါတယ္"

သူ၏ တိုက္ရိုက္ ထုတ္လႊင့္ျခင္း စသည္ႏွင့္ သူ႕ကို followထားသူတိုင္းထံသို႔ စာေတြ ေရာက္ေတာ့ကာ မယုံနိုင္စရာ အ၇ွိန္ႏႈန္းျဖင့္ ၾကည့္ရႈသူေတြ တက္လာေတာ့ေလသည္။

--------
စာေရးသူမွာ ေျပာစရာ ၇ွိပါတယ္

လီခိုင္: မာရွယ္ အဲ့ဒါ ကြၽန္ေတာ့္၇ဲ့ ေန႕လည္စာ ဘူးပါ။ အဲ့ဒါ ကြၽန္ေတာ့္ ၾကက္ဥ ကိတ္ပါ QwQ

ေဟာ္ယြင္ခ်န္း: ဟင္

ေပးပို႔သူ နာမည္ကို တစ္ခ်က္ၾကည့္ၿပီး အနားက တပ္ေရး ဗိုလ္ႀကီးကို လက္ညိုးထိုးျပ...

"ငါ့မိန္းမဟာက ငါ့ဟာပဲ"

-------

ဘာသာျပန္သူမွာ ေျပာစရာ၇ွိပါတယ္

အပိုင္း၆က မေသခ်ာပါဘူး၊ မေသခ်ာတာက ဒီေန႕ သင္တန္းမွာ အားစိုက္ရတာနဲ႕ စကားလုံးေတြ ေမ့ကုန္လို႔ မနည္းအားစိုက္ၿပီး speakingေျပာလိုက္ရတာ ပ်ိဳင္းသြားလို႔ပါ😁

အပိုင္း၆ တစ္ပိုင္းလုံးေတာ့ မၿပီးေလာက္ဘူး... ခြဲၿပီးလည္း မတင္ခ်င္လို႔ မနက္ဖန္နဲ႕ပဲ ေပါင္းေတာ့မယ္ေနာ္။ မားရဲ႕ တစ္ခ်က္လႊတ္ အမိန႔္အရ သုံးနာ၇ီ ေနာက္ဆုံးထားၿပီး အိပ္ယာေပၚ တက္ရမယ္တဲ့..... ၀ူး...၀ူး..၀ူး