تسريع الاحداث
بعد شهر :
فات شهر وايوب ولا يتصررف مع ريم ببرود حتى انو يدخل للجناح بعد ما ترقد ويخرج قبل ماتنوض ومابررلهاش افعالو وسبب تجاهلو ليها وهي تشوفو غار على طاولة الفطور والعشا برك وهي ماتخرجش من الجناح من نهار اهانها وذلها وبعثر وش قعد من اشلاء كرامتها
اما دنيا كلما تلقا فرصة تذلها واسماء كلاتلها راسها اللي ايوب نساها وولا لدنيا حبو الاول
ناضت ريم من نومها كالعادة لقات روحها فوق السرير وحدها طول الشهر لي فات بصح هكذاك واليوم صبحت فرحانة اليوم تروح للطبيبة علاجال الفحص الروتيني متأملة انو يروح معاها راحت للحمام خذات دوش خرجت لابسة برنوس ابيض قصير يوصل لفخذها وفي يدها فوطة صغيرة تنشف في شعرها
دخل ايوب للجناح تسمر في بلاصتو وهو يشوف فيها بهاذيك الفتنة اما هي تبسمت كي شافت ايوب يقرب منها بهدوء بصح ايوب متجاهلها شاف فيها ببرود قرب من الكوافوز لي كانت واقفة متوالها هز تيليفونو وخرج من الجناح ببرود وما عطاها حتى اهتمام
طاحت دمعة سخوونة من عينيها
ريم : والله غار كاامل عندهم الحق الظاهر ولا يحب دنيا خلاص ضك حقق الهدف تاعو ويجيه وريث
قلبها : اها ماشكيتش ايوب يحبني وثاني اليوم رانا رايحين علاجال ابننا
تبسمت بحب مررت يدها على كرشها بحنان وراحت للحمام
بعد مدة على طاولة الفطور
كان ايوب قاعد على كرسيه وهو يشرب في قهوتو وامو تشوف فيه بخيبة امل ودنيا فرحانة خطتها قريب تنجح وتفرق ايوب وريم دخلت ريم والابتسامة من الشق للشق شافت فيها دنيا بحقد اما هاجر شافت فيها فرحانة وفي زوج حسبو انو ايوب صالحها
هاجر : ارواحي حبيبتي اقعدي متوالي افطري ماكيش مهتمة بابنك مره
هزتلها راسها وقعدت متوالها
هاجر:ريم اني حجزتلك رونديفو مع الطبيبة هذي بنت وحدة صحبتي وفحلة
ريم : مارسي ماما
تبسمتلها هاجر:لازم توجدو روحكم بالخف يا ايوب الرونديفو بعد ساعة
ايوب:انا ميش قاعد للتفاهة هاذي عندي خدمة مهمة
هاجر: وش راك تقول يا ايوب هاذش تسميها تفاهة ؟؟
ايوب: هه الظاهر ريم عداتك بحوايجها التافهة وليتي تزعفي من حاجة تافهة بزااف ... هههه نقصي من قعادك معاها خاطر راهي اثرت عليك بزاااف
غاضتها ريم روحهاا بزااف وجرحتها هدرتو طاحو دمعات سخونين ناضت من بلاصتها بالزربة تجري لغرفتها لحقتها هاجر وهي خايفة عليها تحت نظرات دنيا الشامتة وايوب لي خرج من القصر راح للشركي كي شغل مادار واالو
في جناح ريم
كانت قاعدة على طرف السرير تبكي ويدها على كرشها
ريم :لاه هكذااا يااا ايوب لاه؟؟ حررااام عليك والله غار حرام عليك لاه راك تكسر فيا وتجرحني هكذا لاه وش ذنبي انا ؟؟ كامل عندهم الحق نتا متحبنيش انا لي حمارة انا انا لي تخدعت بحبو المزيف اهئ اهئ كلما نقول ضحكتلي الدنيا ترجع تعطيني كف تفيقني اااااااااااااااه ياااارب عاوني ياااا رب ماتخلينيش يا رب اهئ
دخلت في بكاء هستيري راحت هاجر حضنتها بلهفة وهي تشوف فيها هكذاك منهارة
ريم: لاااااااااه يا ماما لااااه ايوب يدير فيا هكذا اه؟؟ لاه وش درتلو ؟؟ حراااام علييه والله غار حراام عليه
زادت حضنتها هاجر اكثر وتمسحلها عل شعرها حتان هدات هاجر وهي تمسح في دموع ريم: عيونك الحلوة هاذي ما لازمش تبكي مره ويلا عاد ميش علاجالك علاجال ابنك
ريم : ماما بصح ه............
هاجر: هيا ريمونتي نوضي اغسلي وجهك وبدلي قشك نروحو للطبيبة ومانحب حتى اعتراض ماشي نتي لي تقوليلي انك تعتبريني زي امك الله يرحمها
تبسمتلها ريم
هاجر:هيا نوضي وجدي روحك وانا ثاني نوجد روحي ونستناك في الطومبيل
راحت هاجر للغرفة تاعها اما ريم تنهدت بحزن وناضت هي ثاني راحت غسلت وجهها ولبست قشها
--------------------------------
في الشركة في مكتب ايوب
قاعد ايوب كي الاسد الجريح يكسر ويعيط والموظفين برا متجمعين يتهامسو بيناتهم مصيبة صراات جامي شافوه في هاذي الحالة
اما زهرة واقفة في بيروها وعينيها يدمعو على عيااط ايوب هي ماداارت والو جا سيف مقلق وهو يشوف في الموظفين مجمعين
سيف :هيااااااااا كل وااااحد لخدمتو هيااااا قببببل ما تنطررردو هيااااااااا
راحو الموضفيين مرتعدين من الخوف راح سيف لزهرة
سيف : وش صرا يا زهرة وشبيه ايوب؟؟؟
زهرة وهي تمسح في دموعها: والله يا مسيو سيف مادرت حاجة هو جا من شوية وبدا يعيط عليا ويكسر بلا سبة
سيف :خلاص يا زهرة شوفي خدمتك وانا ضك نهدر معااه واكييد صرات معاه حاجة
راح سيف لبيرو ايوب دخل بلاما يطبطب تسمر في بلاصتو وهو يشوف في ايوب في ذيك الحالة واقف في نص البيرو وازارا قميصو مفتوحة وشعرو مشعشع وعينيه حمورة وعروق رقبتو بارزين وكلش مكسر
سيف :ايوب وش صرا ؟؟ريم؟؟
طاحت دمعة يتيمة حزينة من عين ايوب عاشقة مشتاقة ونادمة دمعة عبرت على ندمو وعبرت على كل المشاعر لي في قلبو
ايوب:انا جرحتها بزااف يا سيف وعمرها ما تسامحني دموعها كسرتني يا سيف مقدرتش
قرب منو سيف وهو يطبطب علة كتفو
سيف :وانت لاه درت هكذا؟؟
تنهد ايو ب وقص عليه كامل وش صراعلى طاولة الفطور من اهانتو ليها حتان خروجها تبكي
سيف : اللي درتو غلطة وغلطة كبيييرة ثاني من الاول حذرتك من هاذي الخطة وهي راح تخليك تجرحها بزااف
ايوب:والله انا درت هكذا لاجال باش نحميها وخصوصا بعد ما مرت باباها وبنتها طلعو يخدمو عند ماجد وانا حاكم روحي بالسيف باش مانحضنهاش كون نصيب ندخلها داخل قلبي ونسكر عليها قلبي راهو يوجع بزافف خايف ماتسامحنيش دمعتها تكسرني بزااف يا سيف
سيف : ماتخافش يا صاحبي هي تحبك واكيد تسامحك خصوصا بعد ماتعرف انك درت هكذا علاجال باش تحميها
ايوب في قلبو : اااه يا ريم توحشتك بزااف اااه وجعني قلبي عليك يا حببتي بصح وعد مني نعوضك على كل دمعة هبطت من عينيك اللي نعشقهم
سيف : ااا حقا انا جيت نقلك بصراحة يعني انا شاك في حسين خاطر كاين اغلاط بزاااف في الحسابات المناقصة الجديدة ............... وقص عليه كلش
ايوب : خليه تحت المراقبة وجيبلي الدوسيات هاذي وثاني عيط لاسر خليه يضاعف الحراسة على ماجد ودنيا وسامية وبنتها لازم نعرف وش يخططو اييه وراقب تيليفوناتهم ثااني خاطر قرب وقت الحساب وقرب يدفعو الثمن وغالي ثاني
---------------------------------
في عيادة الطبيبة (عائشة)
تكسلت ريم وبدات الطبيبة تفحص فيها
الطبيبة :البيبيات ملاح بصح نتي ماكيش تتغذاي ملييح وهاذا ماشي مليح ليك
ريم وهاجر:بيبيات؟؟؟
الطبيبة :ايييه بيبيات مبروووك انت حامل بتوأم
تبسمت هاجر والفرحة ميش سايعتها حضنت ريم وهي تشكر في ربي تمنات حفيد واحد وربي عطاها زووج اما ريم كانت في عالم اخر تمنات كون ايوب كان معاها في هاذي اللحظة يشاركها فرحتها ويسمع نبض قلب ولادو داخلها
لاحظت هاجر شرود ريم عرفت وش يدور في راسها
هاجر:هيا حببتي نروحو نوصلك للدار ترتاحي وتوكلي ملييح
ريم :لاه يا ماما نتي ماكيش جاية معايا؟؟
هاجر : لا حببتي انا ضك نروح نوصلك خاطر عندي طريق
عطاتهم طبيبة اردونوس فيها فيتمينات وبروتينات ومقويات وبزااف نصائح وتوجيهات هزتلها ريم راسها وراحت هي وهاجر للقصر
----------------------------------------
في القصر
كانت دنيا قاعدة ع الفراش وهي تهدر مع ماجد في التيليفون وش صرا وتأكدلو اللي قربت خطتهم تنجح
دنيا : ههههههه طبعا قريب ان شاء الله تسمع اخبار مليحة
ماجد:..…....
دنيا:علابالك هانها بزااف اليوم ومانتوقعش اللي هي راح تقعد معاه بعد اللي صرا وخطتنا قربت تنجح ونفرقو بين ايوب وريم وقري تبقى كل حاجة تبقى لينا كل ثروة ال................
قاطع جملتها كي دخلت ريم للغرفة بعنف وعينيها يقدحو كانت ريم رايحة لغرفة تاعها جازت على شمبرة دنيا سمعت صوت قربت من الباب لي كان مشقوق وسمعت كاامل وش صرا
ريم : درتي هكذا بالعاني يخي؟؟درتي هكذا باش تبعدينا على بعضانا؟؟
جبدت التيليفون من ساكها
ريم : ايوب راح يعرف كل حاجة وانا لي نقلو
وفي هاذي اللحظة هجمت عليها دنيا حكمتها من ذراعها بقسوة باش ماتعيطش لايوب
دنيا :ههه نتي را ح تموتي قبل ماتديريها ااااا فاااهمة ؟؟ ايوب وكل ثروتو ملكي انا وبس
شافت سكينة تاع ديسير فوق الطاولة زربت هزتها وغزرتها فيها في كتفها طاحت في الارض تنزف شافتها دنيا تحلو عينيها غلقت الباب وجدبت ريم شوي عليه دخلتها الداخل وهربت تجري وقلبها يرجف من الخوف من ايوب علاابلها بلي صعيب وقاسي وتخلصها غالية
اما ريم تزحف على كرشها تقاوم في الوجع اللي يقطع فيها تحاول تجيب تيليفونها المرمي وتدعي في ربي يكون مزال يمشي هزاتو لقاتو مزال يمشي جات رايحة تعيط لايوب ومبعد خافت لا يتجاهلها كي العادة عيطت طوول لصحبتها لميس حلت التيليفون ثم ثم
ريم ألم وصوت متقطع : ا .ا . الحقيني يا لميس ااه اني نموووت
لميس : ريم ..ريم يا حببتي وين راكي
ريم وهي تحاول ماتفقدش الوعي: اه اااه ا انا في القصر
تقطع صوتها
لميس: الو ريم ريييييييم وين راكي ردي عليا ريييييييم
ماردتش عليها راحت تجري لبست جلبابها وهزت التيليفون بالزربة عيطت لايوب لي كان عطاها النيميرو تاعو كشما تحتاج
على الجهة لخرى :كان ايوب قاعد وحدو في غرفة الاجتماعات مسند راسو على الكرسي يفكر في صغرونتو وهاذيك الدموع اللي مزقت قلبو قاطعو صوت تيليفونو يصوني هز ديراكت بلا ما يشوف شكوون
ايوب : اييه شكووون معايا؟؟؟
لميس بلهفة : انا لميس صحبة ريم . الحقهاااا يااا ايوووب اجري ازرررب ريم تمووت ازررررب يا ايوب ازرب قبل مانخسروها اي في القصر هيااااا
ايوب طاح قلبو بين رجلييه من خوف خسارتها هز مفاتح الطومبيل وراح يجري ركبها حااارق الطريق دقايق ودخل للقصر طلع الدروج حارقهم تحت نظرات نوران المصدومة في طريقو لغرفتو عفس على حاجة سائلة قريب زلق هبط راسو لقاه دم قلبو قريب حبس طلع راسو لقاه جاي من غرفة دنيا راح فتح الباب بقوة قريب كسرو تسمر في بلاصو وهو يشوف في صغرونتو حبيبتو ومعشوقتو غارقة في بحر دمها قرب منها وركع على رجليه وحط راسها غلى فخذيه
ايوب والدموع في عينيه يخبط فيها بكفوف خفاف :ريم حبيبتي حلي عينيك اني هنا معاك متخلينيش بلييييز ارجوووكي
حليت عينيها الزروقة اللي يعشقهم ايوب بالشوي هزت يدها وحطتها على خدو
ريم بصوت متقطع : اا ا ايوب ...انت جيت ...صح مانيش نحلم يخي؟؟
ريم: نحبك ايوب وغمضت عينيها مستسلمة للغيمة السوداء وطاحت يدها من خدو حضنها هو بقوة ويبكي
ايوب : ريييييم نووووضي ماتغمضيش عينيك انا هنااا معااك متخليينيش اسمحيلي انا اسف انا السبب كنت حاط روحي هكذا نحميك سامحيينيي يا ريييم
ايووب ببكاء هستيري وهو يزييد يحضن فيها لقلبو: لاااا يااا رب عاقبنيي باي حاجة غار هي ااااه يا قلبي ياااااااارب رحمتك ياارب يااا رب خليلهالي .....خليلي هديتي من االدنيا هاذي يااا رب ماتديهااش مني
-------------------------------------------
البنات ديزولي علابالي البارت قصير مي هاذا وش قدرت هاني حطيتلكم زوج
ماتنساوش الفووت والله غار النهار كاامل وانا نكتب
وضك نبداالبارت لي موراه باش مانطولش عليكم
وخليولي ارائكم