**********oo**********
Alas Singko ng Hapon
"Handa na ba kayo mga apo?," tanong ni Lola Luciana sa kanilang pito habang inihahanda ang kanilang mga gagamitin at sandata laban sa mga aswang
"Opo, Lola Luciana," kuro nila
"Yuri, apo," sabay bigay ng isang maliit na bag,"Ilagay mo dito ang nobyo mo para hindi mahulog at hindi ka mahirapan sa pagdala,"
"Salamat po," ani niya at itinali sa bewang bago ipinasok doon ang tutang si Khael
"Ang swerte naman ni Khael," ani ni Kevin,"Lagi kasama ang babaing mahal na mahal niya," at nagtawanan sila dahil sa sinabi nito na pabiro
Kinahulan naman ni Khael si Kevin bilang pagsaway kaya lalo pa sila nagtawanan
Matapos nilang magkwentuhan at tawanan ay inihanda na nila ang kanilang mga kagamitan
"Heto gamitin niyo," ani ni Lola Luciana,"Magagamit niyo ito sa mga aswang na lumilipad,"
"Pana po?," takang tanong nila habang sinisipat ang panang binigay sa kanila ni Lola Luciana
"Oo, kakaiba ang panang iyan," ani nito na sinisipat nilang magkakaibigan
Binigay naman nina Kevin at Bryan ang pana sa tatlong babae para hindi na ang mga ito makipaglaban pa ng masyado
**********
Mabilis na lumipas ang mga oras
Gabi na at napakatahimik
Nasa labas ng bahay ang pito habang nag uusap at naghihintay ng mga aswang
"Masyadong tahimik," ani ni Lola Luciana habang nagmamasid sa kapaligiran,"Kapag ganitong napakatahimik ay napakadelikado,"
"Oo nga po eh," ani ni Yuri na kalong si Khael,"Pati mga kulisap at mga pang gabing insekto ay wala man lang po ingay,"
"Maghanda at mag iingat kayo mga apo," bilin ni Lola Luciana sa kanilang pito
"Opo," kuro nilang pito sabay palinga linga sa paligid
"Nga pala mga apo," ani nito bago tuluyang makapasok sa loob ng bahay,"Hindi niyo ba napansin kung dumating na ang mag tiyuhin na sina Ben at Tonton?,"
Nagpalinga linga sila sa paligid at tila may hinahanap doon
"Wala pa po Lola," tugon ni Kevin,"Wala pa po iyong tricycle nila,"
"Gabi na," singit ni Oca,"Nasaan na nga sina Manong Ben at Tonton?," may pag aalalang tanong nito
"Baka nasiraan lang sila at papauwi na din ang mga iyon," ani ni Lola Luciana sa lalake na labis na nag aalala para sa kaligtasan ng dalawa,"Ang mabuti pa ay bantayan mong maigi ang mag ina mo dahil sila ang pakay ng mga kamagrang,"
"Opo," tugon nito
"Kami nalang po ang maghihintay kina Tonton at Mang Ben, Mang Oca," ani ni Bryan sa lalake
"Mag iingat kayo mga anak," ani nito sa kanila na ikinatango lang nila sabay sabay
"Papasok na din ako mga apo," paalam ni Lola Luciana,"Yuri ako na muna ang bahala sa kanya," sabay nguso sa natutulog na tuta
"Salamat po," maingat niyang inalis ang pagkakatali ng bag sa bewang niya bago iniabot kay Lola Luciana ang tutang si Khael, hinalikan muna niya iyon sa ulo na ikinangiti ng matanda sa kanya
Bago ito tuluyang umalis ay pinaalalahanan pa sila na amg iingat sa kanilang laban
Nagdasal muna silang pito bago nila inihanda ang mga armas
"Heto," sabay abot ni Yuri ng tig iisang balisong sa mga kaibigan,"Para sa malapitan,"
"Salamat," ani ng mga iyon na ikinatango niya
"Kayo na ang gumamit ng mga panang iyan," sabay turo ni Kevin sa tatlong pana na kasama na ang mga bala niyon
"Mabisa ito," ani ni Aira
Napatango nalang sila at isinukbit ang lagayan ng pana sa kanilang likuran at sa harapan naman isinukbit ang itak
Nakita nila ang dulo ng pana na nagingintab, alam nila na gawa iyon sa tanso at pilak na pinaghalo para sa mga aswang at panlaban sa mga bampira
Kaya hindi nila iyon sasayangin at kailangan nilang ipatama ang bawat bala niyon sa mga aswang
**********
Sa di kalayuan,
"Tiyoy Ben, may mga tiktik po sa likuran natin," kinakabahang ani ni Tonton habang nakasilip sa labas ng tricycle
"Malapit na tayo," ani ni Ben sa pamangkin niya
Lalo pa sanang bibilisan ni Ben ang pagpapatakbo pero biglang tumirik ang makina ng motor ilang metro nalang ang layo nila sa bahay nila
"Tiyoy, ano pong nangyari?," kinakabahang tanong ni Tonton sa kanyang tiyuhin
"Nagloko na naman ang motor ng tricycle," kinakabahang ani ni Ben na lumilingon sa likuran nila
"Tiyoy, malapit na po sila!," sigaw ni Tonton sa tiyuhin
"Tara takbo na," sabay hila sa pamangkin na lumabas na mula sa loob ng tricycle
Tumakbo silang mag tiyuhin, hawak na mabuti ni Ben ang kamay ng pamangkin, habang panay ang lingon sa kanilang likuran
Nakita ni Ben ang mga tiktik at kamagrang na humahabol sa kanila ng mga sandaling iyon
"Tulong! Tulungan niyo po kami!!," sigaw ni Tonton na umiiyak na at naghahalo na ang pawis at sipon sa mukha nito
Habang si Ben ay pinagpapawisan na ng malapot dahil sa kaba at takot na nararamdaman nito,
Kinakabahan at takot para sa buhay niya lalo na sa buhay ng pamangkin nito, kaya mas binilisan pa nila ang pagtakbo para sa kaligtasan nilang dalawa
"Tulong! Tulungan niyo po kami!!," sigaw pa ulet ni Tonton,
May nakakadinig naman sa kanila sa bawat kabahayan na nadadaanan nila, dahil bawat kabahayan ay gising pa ng mga sandaling iyon, na nakikiramdam lang sa kanilang paligid
Naaawa sila sa mga taong tumatakbo sa labas, napapailing dahil sa naabutan amg mga ito ng dilim lalo na at naglipana na ang mga kamagrang at tiktik
"Aray ko, Tiyoy!," ani ni Tonton ng bigla naman itong nadapa, tatlong kabahayan nalang ang layo nila sa bahay nila ng madapa ito dahil sa natisod ito sa nakausling bato
"Anong nangyari sayo?," nag aalalang tanong ni Ben sa pamangkin ng makitang nadapa ito,"Kaya mo bang tumayo at tumakbo?,"
"Natalisod ako, Tiyoy," sagot ni Tonton na umiiyka na,"Masakit po ang paa ko, nabalian po yata ako,"
"Halika ka at aakayin kita," sabay itinayo ang pamangkin at inakay na patakbo papalayo
"Tulungan niyo po kami! Parang awa niyo na po!!," umiiyak na sigaw ulet ni Tonton
Habang tumatakbo ng dahan dahan dahil sa sakit paa nito at ang tuhod naman nito ay nagdurugo na dahil natusok iyon ng matulis na bato
"Boses iyon ni Tonton ah," hangos ni Oca ng madinig ang sigaw ng anak, napatingin pa iyon sa kalangitan,"Hinahabol sila ng mga tiktik at kamagrang,"
"Po?!," gulat nilang tanong sabay tayo at kinuha ang mga armas
"Kami na po ang bahala," ani niya sa lalake,"Pumasok na po kayo sa loob, Mang Oca,"
"Kami na po ang tutulong sa kanila," sabi pa ni Nena
"Mag iingat kayo mga anak," bilin pa nito kaya napatango nalang silang pito bago tumakbo papalabas sa bakuran nila
Inihanda na nina Aira, Nena at Sister Janelle ang pana, nilagyan agad nila iyon ng bala para maasinta ang mga tiktik na lumilipad at paikot ikot sa magtiyo
Sila ang pumapana sa mga lumilipad na tiktik, habang sina Kevin at Bryan naman ang tumataga sa mga kamagrang na gustong lumusob sa dalawa
Sila namang dalawa ni Trina ay nilapitan ang mag tiyo at inalalayan sa pagtayo si Tonton
Si Ben naman ay binuhat na ang mga supot na dala ni Tonton na hindi na nagawang iwanan sa tricycle dahil alam nito na kailangan iyon ng kanyang kapatid
"Mauna na kayo!," sigaw ni Kevin habang nakikipaglaban na mga kamagrang na nasa harapan nila
"Babalikan namin kayo!," sabi ni Trina sabay akay sa bata, tinulungan naman ni Yuri si Ben sa mga dala nitong supot
"Bilisan na ninyo!," sabi ni Nena sa kanila,"Parami na sila ng parami sa taas, napakadami na nila!,"
"Oo!," kuro nilang dalawa at mabilis na nilang itinakbo pauwi sa bahay ang magtiyo sa bahay nila
Habang panay naman ang lingon ni Yuri sa mga kaibigan na nakikipaglaban sa mga tiktik at kamagrang
Nakita niyang tumigil na sa pagpana si Aira at tinulungan na ang dalawa na pinaikutan na ng mga kamagrang
**********oo**********
Read.Vote.Comment
Maraming Salamat Po!