**********oo**********
Nang wala na ang mga aswang na kamagrang ay tumayo na silang lahat at nilapitan nila si Yuri na nakalumpasay dahil sa kapaguran na nararamdaman
"Kamusta kayo?," tanong niya sa mga iyon,"Ayos lang ba kayo?,"
"Oo," tugon ni Aira,"Ikaw?,"
"Ayos lang din naman," tugon nito,"Dumating na ba si Khael?," may pag aalalang tanong niya
Sabay sabay na umiling ang mga iyon kaya kaagad siyang tumayo at tumakbo papasok sa matalahib na parteng iyon ng lupain
Naguguluhan naman ang mga iyon ay kaagad na silang sumunod kay Yuri na tumakbo papasok doon sa matalahib na lugar
Nakita nila sa di kalayuan si Yuri na nakatayo at may tinitignan na kung ano kaya mas minadali pa nila ang pagtakbo
**********
Samantala,
Patuloy naman sa pagkain ng malaking puso si Khael na tila gutom na gutom at hayok na hayok sa pagkain ng puso
Iyon naman ang tagpong naabutan ni Yuri, ang makitang kumakain ng puso ng aswang na kamagrang
Nakatulala siya habang tinitignan ang kasintahan sa kalagayan nito, iyon din ang maabutan ng mga kaibigan nila
Halos masuka naman ang ilan sa kanila ng makita ang kinakain ni Khael, hindi sila makakilos at makapagsalita sa nakita
Matapos kasi kainin at maubos ni Khael ang puso ay sinunggaban pa nito ang katawan ng asong kamagrang at kinakain pa nito
Napaiyak nalang si Sister Janelle at napatakip sa bibig nito
Patuloy na sa pagsusuka ang mga kaibigan nila dahil sa pandidiri at sa nakikitang kagahaman ni Khael sa pagkain ng katawan ng aswang
"Khael," anas niya na lumapit sa kasintahan,"Tama na iyan," awat niya dito
Lumingon si Khael sa kanila, nagulat sila sa kakaiba nitong anyo, kakaiba sa una nilang nakitang pagpapalit ng kaanyuan nito, ngayon nila masasabi na para itong halimaw sa itsura
Kakaiba na ang kaanyuan nito, mukha na itong isang tunay na aswang dahil sa napakapanget nitong itsura
"Khael, anong nangyayari sayo?," tanong niya na punong puno ng pag aalala
Umangil ng malakas si Khael at lumapit kay Yuri, tinalunan siya nito kaya natumba sila
"Yuri/Khael!," sigaw nila na tinawag ang pangalan nilang dalawa
Nakakubabaw sa kanyang katawan si Khael, hinawakan siya sa magkabilaang balikat
Napapikit siya ng maramdaman ang dulo ng bunganga nito na naramdaman niya na nasa leeg na niya, ramdam din niya ang malapot nitong laway na may kasamang malansang amoy dahil sa dugo ng kinain nitong aswang
"Khael!," sigaw ni Sister Janelle,"Ano bang nangyayari sayo?," tanong nito na may takot na nararamdaman
"Si Leigh iyan!," sigaw naman ni Nena,"Bakit ka ba nagkakaganyan?!,"
Tumingin sa kanila si Khael, tinitigan sila isa isa kaya nakaramdam sila ng kilabot, napakabalasik ng itsura nito lalo na ang mga matang ubod ng pula na kagaya ng sa dugo
Matapos silang titigan ay ibinalik na nito ang tingin kay Yuri,
Hindi na nila nakita na nagbago kaagad ang itsura nito ng matitigan ang maamong mukha ng dalagang mahal na mahal niya
Kaagad napabalikwas ng bangon si Khael at lumayo kay Yuri na napadilat ng maramdaman na nawala na sa ibabaw niya si Khael
Agad siyang bumangon at nakita niyang nasa di kalayuan si Khael, nakayuko iyon na tila umiiyak
Nagkatinginan silang lahat at nagtataka kung bakit hanggang ngayon ay hindi pa ito bumabalik sa dati nitong anyo
"Khael,"tawag niya,"Halika na at uuwi na tayo," malumanay niyang tawag at nilapitan pa ito
Pero umurong lang si Khael na nasa anyong aswang
"Bumalik kana sa dati mong anyo," ani ni Sister Janelle,"Nagugutom na kami at gusto na namin magpahinga, alam ko ganoon ka din,"
Hindi nila nadinig na umimik ito, bagkus ay umuungol lang iyon na kagaya sa isang aso na tila umiiyak at natatakot
Maya maya ay nakita nilang nagbago iyon ng anyo, pero laking gulat nila dahil hindi ito naging tao
Kundi maging isang puting tuta ito, agad itong tumakbo at sumiksik sa mga binti ni Yuri
Ikiniskis naman ang malagong balahibo sa mga binti niya, kaagad naman niya iyong kinarga
"Bakit naging ganyan kaa?," umiyak na tanong ni Sister Janelle sa pamangkin, tinignan nilang mabuti ang itsura ni Khael
"Mata pa din ni Khael ang nakikita ko," sabi ni Kevin,"Matang tao hindi mata mg aso,"
"Ang cute mo naman," sabay pisil ni Aira kay Khael na natutuwa
Umangil iyon at sumiksik sa mga braso niya kaya natawa silang lahat sa inasal nito
"Ngayon magkasa na kayo lagi ni Leigh," bulalas ni Nena,"Leigh sayo na yan si Khael, itabi mo sa pagtulog at alagaan mo," sabay tawa nila
"Ang sa ng tingin niya oh," ani ninTrina,"Kahit aso ka na pala iyong ugali mo Khael na Khael na pa din," sabay himas sa ulo nito
"Swerte mo," ani ni Bryan,"Makakatabi mo na si Yuri sa pagtulog,"
"Umayos kayo ah," saway niya habang yakap yakap niya sa mga braso ang tutang si Khael na napakalago ng balahibo nito,"Ang bango mo naman, Moon,"
"Yan na ang itatawag natin sa kanya," sabi ni Sister Janelle,"Tutal Khael Moon naman ang pangalan niya para hindi halata, Moon nalang ang itatawag natin sa kanya diba?,"
"Tama," kuro nila kaya sabay sabay na silang lumabas ng matalahib na lugar na iyon
Para pumunta sa bahay na kanilang tinulungan para mailigtas ang mga iyon
**********
Nakita na sila ni Lola Luciana ng makitang paparating na sila mula sa matalahib na lugar na iyon
"Kamusta kayo mga apo?," tanong nito sa kanila
"Ayos lang po, Lola Luciana," tugon niya,"Kamusta po ang panganganak ng Ale?,"
"Nakapanganak na siya ng maayos," tugon nito na nakatingin sa tutang yakap niya na ngayon ay natutulog na,"Salamat pala sa inyo, siyanga pala, naibaon ko na sa lupa ang mga ginamit niyong itaka, para mamatay na iyong mga nakatakas na sugatan,"
"Salamat po, Lola," tugon nila
"Lola Luciana," ani ni Oca,"Papasulin niyo po muna sila para makapag almusal," yaya nito
"Tara na mga apo," yaya nito,"Maghilaos muna kayo at ang dudungis ninyo," sabay tawa nito,"Ako na muna ang bahala sa aso mo, apo,"
"Sige po, Lola," sabay abot niya kay Lola Luciana si Khael na umungol lang pero hindi naman nagising
Agad silang pumunta sa likurang bahagi ng bahay nila Oca na kung saan ay may poso doon
Salitan sila sa paglilinis ng katawan at sa pagbobomba ng poso para lahat sila ay makapaglinis ng katawan nila na may mga natuyong dugo mula sa mga aswang na napatay nila
Matapos iyon ay ginamit nila ang binigay na tuwalya ni Oca para pamunas nila sa kanilang katawan
Bago sila bumalik at pumasok sa loob para makapag almusal
Nakita nila ang asong si Khael na natutulog pa din at nakahiga sa isang kumot
Kasalo nila sa hapagkainan si Lola Luciana habang nagpaalam naman si Oca na pupunta muna sa palengke para makapamili ng kakailanganin ng asawa nito at ng sanggol
"Hindi siya ordinaryong tuta diba?," tanong ni Lola Luciana sa kanila,"Kakaiba siya lalo na kanina ng dumilat siya bago bumalik sa pagtulog, mata ng tao ang nakita ko," mahabang sabi nito
Nagkatinginan silang pito sa sinabi at sa nakita mg matanda
"Tao siya diba?," tanong nito,"O mas tamang sabihin kalahating aswang at bampira, pero pinalaki sa mundo ng mga tao, tama ba?,"
Hindi sila nakaimik dahil hindi nila alam kung paano ipapaliwanag sa matanda ang lahat
"Siya iyong binata na kasama niyo kahapon diba?," tanong ni Lola Luciana kina Kevin,"Nakita ko kayo kahapon sa labas ng bahay, nagising ako at nakita ko kayo,"
"Lola, paano niyo po nalaman?," tanong niya sa matanda,
"Yuri, apo," ani nito,"Alam mo ang nalalaman ko, siya ba iyong binatang si Khael? Nakakadinig at nakakaintindi siya pero hindi niya magawang magsalita,"
"Bakit po nangyari sa kanya iyon?," takang tanong ni Kevin
"Dahil nakakain na siya ng laman ng aswang," sagot nito,"Hindi niya napigilan ang sarili niya, naaapektuhan siya sa nalalapit na kabilugan at pagpula ng buwan,"
"Paano po siya makakabalik sa dati?," nag aalalang tanong ni Sister Janelle
"Sa mismong araw o gabi kapag tuluyan ng sumikat at lumitaw ang pulang buwan," paliwanag nito,"Pero wag kayong mag alala hindi na siya makakapanakit o magiging aswang kapag nasa ganyang kaanyuan siya,"
Nakahinga naman sila ng maluwag dahil sa nalaman nila,
Matapos makapag agahan ay tuluyan na silang umalis doon, nangako naman sila na babalik sa kinahapunan para samahan sila
Dahil sinabi naman ni Lola Luciana na mas magiging agresibo ang mga kamagrang dahil nailuwal na nito ang sanggol
Kaya naghanda na ang magbayaw na Oca at Ben sa pagsasabit ng mga ibat ibang pangontra sa mga aswang na tatalab sa mga kamagrang
**********oo**********
Read.Vote.Comment
Maraming Salamat Po!