أنتِ أمانتي

البارت 43

'' أنتِ أمانتي ''

للكاتبه زهراء المياحي

#_#_#_#_#-#_#_#_#

اسيل: لا لا لا حركت دمي...ومو بهل السهوله ارجع شمدريني اني ما تسوي هيج باجر عكبه ابقى راده راجعه لاهلي لا حبي غلطان سولفت لامي كلششش حرفيا كل شي من قبل لحد هسه هو لطم كصته واجه مصيرك... امي تريد تحجي وياك مستعد تسمعها؟! هاي اذا تريدني ارجع الك طبعا
هو هز راسه

سالم: ماشي ماشي...

اسيل: لحظه اصيح الها... صحت الها هي دخلت نافخه نفسها كعدت تحجي وياه وترزله طلعت الي بكلبها القضىٰ والمضىٰ... هو ساكت اني كاعده اهز برجلي... كعدت تصيح علي وتسبه..

حياه: ليش هيج شنو حسبالك ما وراها احد لك هي مددله ابوهاا... البنيه الوحيده اله من ثنين ولد جان ينتظرها علي احر من ااجمر واستعدل وصار زين لخاطرها بس تجي تاذيها ونسكت لا والله والا اخليك تحلم تشوفها وتحلم تشوف الي بطنها...

سالم: اني اسف..

حياه: هاي الكلمه ما تسوى وتاثر ولا تغير اي شي سويته.... بعده كلبي محروك ما اعرف هاي الابنيه شلون قبلت بيك ووولك شنو سويت بيها كوول ميتسوولف ميتسولف هاي بنت عمك قبل زوجتك تسوي هيج بيها الملاهي الي علمك على هيج سوالف؟! انت تربيت على ايد اختي وحماي اللله يرحمه هيج تطلع ولك ابوك وعمك ما سووه سوايتك احمد الله صبح وليل قبلت بيك وحبتك احمد الله صبح وليل..

سالم: اني اسف واعتذر....تغيرت...

حياه: جذاب والي سويته لبنتي؟! جذاب واكبر جذاب هذا كله عذررر... انت اصلا
رجعت واسوء ودليل... متغيرت حاربتها وهي حامل ودمرت نفسيتها غلطت بسببك وعاشت اسوء مراهقه بدل متحس بالدلال؛ الحمدلله ماسولفت لابوها

سالم: الي راح راح واني كلت تغيرت بس... هي مسمعت كلامي اني رافض الطفل تجي تكسر كلمتي..

حياه: وليش؟! غيرر نعرررف هذآ السبب الي رجعك هااا هذا كله عذر بالحقيقه ما انت الا مريض نفسي..

اسيل: هو ساكت ومدنك..

حياه: شفت الساحه فارغه كلت العب بكيفي لا لا الساحه بيها ابوها واني... وراهاا لا عبالك...

سالم: وهسه...

حياه: مترجع روح مترجع الا اني اوافق واشوفك من صدك استعدلت اني ما شامره بنتي عليك وتعرف ما وافقت واصلا هاي فرصه ابعدها عنك بس لا لخاطر هذا الي بطنها مااا اسوي هيج...
روح استعدل وشوف قيمه بنتي... وكتها تجي وتكول اني كلش محتاج اسيل وما اكدر بدونها واني حياتي لاشيء عود وكتها افكررر افكررررر ارجعها لو لا..

أسيل: هو جر حسره وكام...لتفت الها شربت مي وترجف

حياه: عمري ما شايفه هيج صلافه وجساره... الله يكفيني شرره بس النذل... مصدك روحه لا والله اني بوجها بوجها الا اخلي يتندم اقرب الج..

اسيل: عافتني وراحت... لتفت نور تلعب تعالي ندخل جوه...بليل هو اتصل علي استغربت رديت الو...

سالم: شلونج...

اسيل: هاا اي مثل مشفتني زينه...

سالم: شنو لابسه..

اسيل: كلبت خلقتي.. شعليك..

سالم: عادي اجي يمج... اليوم ابات..

اسيل: خاف تجي امي تكعد...

سالم: لا... شوي واروح..

اسيل: سكتت...

سالم: اني جاي فتحي الباب..

اسيل: سد التلفون رحت لبست برموده وقميص... خفيف وحطيت شوي مكياج باوعت لبطني شلون كبرانه رشيت عطر؛ اجه فتحت الباب اله...هو كعد على الجربايه... كعدت بصفه ساكته جر حسره

سالم: ميصير اشوف مرتي... شسالفه..

اسيل: تمددت وحطيت رجلي بحضنه... صوججك... جريت نستله واكل بيها يباوع على شفايفي...

سالم: مسامحتني؟!

اسيل: الا تكلي...

سالم: داومت شهرين... اول مره بعد ما تخرجت وكعدت سنتين... جانت ناعمه وصوت ما يطلع الها... الكل رادها... اولهم اني... وخاصه من عرفت منفصله وعدها ولد كلت هسه شابعه متعه... حاوت واتقربت منها وهي صدتني...بقيت اركض اركض وراها الا ان كالت اني شريفه ومو منعناها مطلقه يعني اريد اسوي علاقه لا تركض وراي على خالي بلاش... كتلها اعقد عليج شيخ... مقبلت رحت كلتي لامي اريدها كالت تريد وحده مو زينه و مطلقه وعدها ولد تربي ولد الغربه؟!

اسيل: بعدت النستله عن حلكي... حطيتها على الميز ضجت.. كمت هو جر حسره مدنك بالأرض يسولف..

سالم: بالبدايه تقبلت الموضوع صح اربي ولد الغربه... بس... من شفتها...وشفت حبها واصراها
كلت هي هاي اني حبيتها اجت الي تبجي تكلي المدير يريد يتزوجني متعه شلون؟! بدون تفكير رحت اخذتها وعقدت عليها وراويت المدير انو هي صارت مالتي بعد مكدر يطخها ويحجي وياها بحرف... وهنا بقيت وياها شهرين... اشتريت البيت الي تزوج بي حامد هذآ البيت جان الي... اني وياها من اخلص من الشغل او بايام العطله اروح وهي تجي وياي... كلت لامي موافقت... كتلها نروح نكل لاهلج كالت رجلي ياخذ ابني اذا عرف... خلي يسافر واعترف لاهلي...

_كل شي تمام مشت حياتي وهي موجوده بيها...بس بيوم تجتي وكلتلي اني حامل جانت كلشش خايفه.. اخذتها ورحت لامي امي من سمعت هيج... تعاركت وياها وضربتها اخذتها للبيت شاب نار... اتصلت باهلها وكالت راح ابات يم صديقتي...

_لحد هسه اتذكر وعودي الها واكتلها شلون اني احبج وشلون اني راح ابقى وياج واربي ابنا... واول اب اول فرحه راح يصير عندي طفل يصيح الي بابا.. بس بليلتها كعدت مفزوعه تبجي... جانت الجربايه عباره عن بحر دم... اني نمت وياها وقسيت... بس ليش هيج سويت... ليش اقتربت منها وهي هستوها حامل... ليش اذيتها... هذآ كله لحد هسه اسئل نفسي...

_طول الطريق تبجي وتشكي وتكلي انت السبب انت تعمدت هيج تسوي حتى تكتل الي بطني حتى تاذيني حتى تفرح امك امك اتصلت بيك هيج تسوي بيه.... انت ما مسؤل انت لازم تنحرم من نمعه الاطفال... خوفي علي ابني بهذاك الوقت جان شاغل كل تفكيري... اخسر الي مني... ابني الي افكر بالشغل شنو اسمي او اسميها وشلون ادلله...

أسيل: صفن دقايق جر حسره ورجع كمل...

سالم: وصار عدها إسقاط مكدرت الحك علي جانت تصرخ وتكلي سالم متوجعه ما اكدر انام تخذت مهدء ياله صحت يوم ثاني اتصلت بامها كالت راح ابات يم صديقاتي اسبوع واجي بقيت اسبوع اداري بيها وهي متحجي وياي كالت اني وياك انتهينا اسبوع كل متحط شي بحلكها تتقيه تكلي احس بطني فارغه تعودت علي شهر ونص متعوده علي وتفكر شلون راح تربي للطفل وشلون راح يصير عدها طفل من شخص تحبه لاول مره

_بعدها طلبت الطلاك واني وافقت بدون مقدمات ردت اسجل البيت باسمها ما قبلت كالت ما اريد شي يذكرني بيك...بعدها باربع اشهر اتقدم المدير لخطبتها وافقت؟! بس تحرك دمي؟! وافقت الي جانت تريد تصير ام ابني... كل ليله افز واني اتخيل ابني... يموت بحضني... كل يوم افكر بابني الي فقدته واكعد من النوم اتصبب عرك حسبالي دمه موجود... جانت الجربايه متروسه دم.... فاضيه... من كعدتني وتبجي وتشكي... لحد هسه منظر الدم بالي... كل ساع اكول اني ما استحق اصير ابو ولا استحق يصير عندي طفل ومسؤليه..

_كتلت ابني بيدي... اتعمدت هيج اسوي؟! لو شنو؟!
نقلت دوامي حتى ما اشوفهم سويه....بقيت سنه ونص وهي ولا راحت من بالي... ولا راحت صوره الدم من بالي اخذني صديقي للجامعه وهناك وشفت علياء...

_عجبتني كلت تنسيني...حبيت اجرب شعور الحب للمره الثانيه... كلت ما بيها مشكله... راح تنسيني علياء كل شيء مر... وبخلال الأيام... عرفت علياء جانت مجرد وسيله بس لحتى تنسيني اياها...

_بديت اركض وره علياء بس هي صدتني ورفضتني واني صار عندي حماس اكمل وياها ذكرتني بيها وبصدها...كلت اي مثلها تشبها راح تنسيني اياها اكيدددد.... بس الي صار... ركض ركض...

_كتلها اريد اسوي علاقه واني احس بشيء تجاهج كالت ابداا هذاك الباب موجود... لا تجيني من الشباك... من سمعت هيج مصدكت رحت لامي سولفت الها مو فرحت ولا قبلت كلشش ايدت الفكره اتزوج....بدون مقدما خطبتها الي... هذآ كله واني ما كلت لعلياء عنها... ومكلت الها اني جنت متزوج قبل واني بيدي كتلت ابني توافقين علي؟! محجيت اي شي الها...

_بيوم عن يوم اشهر فاتت على علاقتي وياها عرفت كل شي اني وكعت بورطه لان بديت امل... وصدك نسيت هذيج... نسيتها... راحت من بالي... وخاصه من اتذكرها هسه وي زوجها المدير... عرفت اني تورطت وي علياء وميصير هيج وراح اذيها هيج مجرد تقضيه وقت... واني عاقد عليها شيخ... وباعتبار مرتي... كلت اسوي وياها علاقه انام واشوف يجوز ارغبها... اخذتها وهي بفتره الخطوبه نمت وياها... جانت كلش تحبني ما رفضت اي طلب الي...

_كتلها ما اريد طفل منا لخمس سنوات مو تكسرين كلمتي... كالت اني ما اريد هم لان ما احبهم ويدوخون من سمعتها رتاحيت هاي هي ماكو مشكله مرت تتصل بيه ما ارد... ضجت اول وتالي بعد خمش سنوات هم تريد طفل واني مااا اريد وعدت نفسي وحلفت ميصير عندي طفل ما استحق اني انسان ما يستحق هاي النعمه...

_قرب موعد زواجنا واني مخنوك مره كشفتني احاجي وحده... كلتلي ليش تكسرني وتعرف اني ما اكدر افسخ الخطبه لان نمت يمك شنو تريد تطردني تعرفين اسيل... هي من شافت محادثاتنا قبل الزواج انتقمت مني و حملت... جانت متريد بس من عرفت كالت اورطه واربطه بطفل... كملنا حياتنا بعد الزواج شيء عادي حياه عاديه اني بليل اسهر وي اصدقائي تكلي تخوني كتلها لا...

_كالت جذاب بطلت اطلع وي اصدقائي ما استخدم تلفون اهواي حتى تعرف اني صح عندي علاقات بس مو مدمن نسوان اذا بتعدتي عني شهرين انكسر واضوج وما اسوي علاقه لان اكره كل النسوان اني هيج ما احس بطعم مرتي عايفه البيت واني كاعد انتظر كلمه غزل ثنين من وحده

_قنعتها وكتلها ولج ربطي حسابي بحسابج اني تزوجت وبعد ما اريد اسوي علاقه نبدي صفحه جديده... وبس خلال ثلاث اشهر من المشاكل تكلي اني حامل؟! كتلها روحي انتي طالق...دزيتها لبيت اهلها وكلها تشكي مني وتكول انت انسان فاشل والي تربي حيطلع فاشل مثلك..

_غلط سب اهانه من اهلي واهلها واني متخبل.. كل ما اتذكر كلمتها اني حامل اريد الزمها واكتلها.. كلت بس اشوفها اخلص عليها خلاص اذا تفهمين علي اني رحمتج اهواي ولو ما احبج جان اذيتج أكثر من هذا...

اسيل: هو يحجي وإني صدري شاب نار... على كل حرف وكل كلمه طلعت منا جذب علي وكلي احبج وانتي تعرفين كل شي عني...وهذا كله وما اعرف اي شي عنا..

سالم: بعدين رجعها ابوها وكال تصير مشاكل وناس تتعارك انتوا مو اول الناس... ولا اخرهم... كمت ما اطيقها... كلتلي اني حامل ببنيه كتلها انتي وبنتج اني ما دخلني طبكم مرض... عيشتها اسوء عيشه...
واذيتها... ما انام يمها ما اسمع كلامه جانت تبجي وتكلي اني مشتهيا اكل ولا اقبل اتحرك واجيب الها شيء بس... اهلها عوضوها...

اسيل: فرك وجها بايدي... باوعلي عيونه حمر...

سالم: اني مو صاحي ماكو هيج انسان صاحي يعترف علي نفسه سوه غلط ويعيد بي
ولا فوكاها اتندم

اسيل: نبرت صوته خوفتني سحبت رجلي من حضنه بتعدت خطوات ليوره...

سالم: كلتلي بليلتها....اسيل تحب حامد اذا صار شي بعد الولاده... خليها تربي نور وتزوج حامد وهيج انت ما تتحمل مسؤليه نور... ماتتت...

_من ماتت كرهتها وهسه اني كاره نفسي ما صدكت اروح اذي هذيج واكتل هاي وادمرج.... كلش كاره نفسي... كتلج اني انسان... ما يستحق اي نعمه...

_علياء گامت تقنعني سالم شوف اسيل شابه وشحلاتها سالم باوعلها شلون كبرت شلون ممنتبهين الها باوع هدوئها باوع نظافتها باوع اهلها متحكمين بيها وهي نفس مالها واخلاقها عاليه عمي وين تلگون هيچ ابنيه روح قنع حامد ياخذها علياء مجانت تدري بهذا كلامها اني نحازيت الج وكمت استلطفج هل المره صدك ماعتبرتج مثل اختي اعتبرتج بنت عمي؛ وعيت انتي شنو

_بعد موتتها صدمتيني من اخذتي نور لحضنج سويتي اشياء اني نفسي ماعرف شلون اسويها؛ لحد ما حسيت اريد اقربلج بس نضراتج لحامد كرهتني بيج؛ كلت هاي كالتلها علياء قربي نور منج وربيها واخذيها الج... واقتربي من حامد.... اكيد لان ماكو اي تفسير براسي هيج يكول

_أيام افكر بيج شلون انسانه حقيره حتربين طفله بس لاجل تتقربين من حامد! راح تعودين نور لاجل نفسج كلت اختبرها واروح اكللها اسيل تتزوجين بيه لخاطر نور اريد اشوف لحد شنو توصلين؟!
راح تضحين بحامد لاجل نور؟! لو علاقتج بنور جذب...

_ما صدكت بيج ولا باي حرف تكولين اني احب نور اني اريد نور اني اني هاي امانتي ماكو شي ترا انتي كمتي دفعين بشرفج لاجل نور تتحمليني وتتحملين تصرفاتي لاجل نور مو خلتني اشك بيج لا خلتني احطج موضوع تفكيري اربع وعشرين ساعه افكر بيج اسيل ليش تحب نور؟!

_كمت ادخل بينج وبين حامد اريد ابعد حامد عنج حتى اشوف راح تبقين وي نور اوز بي واكله حامد ترا اسيل تحب نور لخاطرك بس حامد ترا اسيل هيج وهيج واني مستمر وفرحان اشوفه يوم عن يوم يكرهج...

_بيومها جان حامد واكف يسولف وانتي تضحكين وياه هو غلس عليج شفتج توترتي.. رحتي تشربين مي واني بتسمت اباوع شلون راح تتخلين عن نور شوي شوي بسبب حامد... لكيت نفسي صافن على شفايفج وعليج من تشربين مي طردت هاي الفكره... من راسي...

_بنت عمي اصغر مني بهوووواي... طفله شكد عمرج وكتها ١٥.. ١٦؟! اذا اشبكج تضعيني بحضني... كلت لا سالم لا مو تكول ولا تفكر هاي صغيره كلشش عيب من عمي فوكاها متزوج وعندي طفله واطلبها منا شيكول علي... بله... واني شكدني شكبرني... لو متزوج عمري ١٥ جان عندي بنيه بكدهاا..

اسيل: قرب ايده وحطها علي رجلي؛ بعدت رجلي عنه

سالم: كلت اروح اتحارش بيها واخليها تبعد عن نور حتى ما احقق هدف علياء ولا هدفج... واجيتج ذيج ليله واختبرتج وشفتج شلون تكولين حامد وما اريده وحلفتي...حرت اضوج افرح؟؟ المفروض تتمسكين بحامد بس شفتج تگولين ماريده رجعت ضايج تحارشت بنت عمي وبفراشها!!!
وهي صغيره وتحب اخوي؟

_طول هل الفتره اكول سالم سالم... غلط الي تسوي... اريد نور... الي بس... بنتي اني اربيها واكبرها واخرجها وازوجها لاحسن انسان تعيش
اسعد ايامها وياه... اسيل ما دخلها... اخذ حامد للملاهي بلكت يحب وحده ويعوفج وميرجع الج
وتحققين خطتج... اشوفج وياه اضوج اشوف حبج انقهر....

_هذا الحقد وااكره والانانيه والتحارش والغباء والنذاله والحقاره كلها تحولت حب بعدين؟
من اجيتي تبجين وتكولين ما اريد اسراء لخاطري
لا تتزوجها... كلت اي اي اجت تعترف بوكتها ردت اكوم هسه هسه وسط دموعج واروح لامي واكللها يوم خطبي اسيل اريدها... لو هي لو ماكو...

_اشوفج يوم تنهارين ويوم قوتج تاخذيها من نور بعدتها عنج لان اعرف راح تلتجئين الي بالنهايه حسيت براحه واني اخذ نور لبيت جدها احس راح تجين وتبجين وتكولين رجعها الي سالم... بقيت ابوس بيج واني فرحان لا ومصدك نفسي تخيلي كلت اي بعد متشوف نور منا لمن تعترف تريد تزوجني...

_خو مره من حجيتي حامد واخذت التسجيل وهددتج كلش فرحت... لان راح
ابوسج وانتي ساكته ما ترفضين...وشفت دموعج وعيونج كلش تاذيت
اغتصبتج اكول راح تتاذه وترجع
الي؟!! شلون تفكير.... كلت راح ترجع لحضني
وتكول عيدها اي اي هيج فكرتج مثل البنات
الي مو زينات واني الي ربيتج وانتي ربيتي كدام
عيني... ما يوم فكرت قبل بيج شي مو زين... ابداا...

_الحقاره والنذاله غلبتني شلون اغتصبتج؟؟ وانتي هلگدج صغيره!! رحتي للمدرسه واني تخبلت اركض منا ومنا راحت هسه تنتحر هسه تموت ما ارحم نفسي شسويت اني ليش هيج واركض لل٣ الظهر بس ادور عليج وكل ساع تجي بالي صورتج وانتي تعيطين وتشهگين

_من شفتج نهاريتي وامج تحوم عليج وتاذيج كلت اني شنو سويت سالم.... دمرت الابنيه.... لا مو اي بنيه الي بديت احبها من صدك والي تكون بنت عمي وفوك هذآ الي ربت بنتي... اني صدك احجي؟! تخبلت؟! كلت هسه تحجي كل شيء واني انتهي حتى نور ما اشوفها ابتعدت.... بس من خالتي انطتني التلفون اصلحه الها ودخلت شفت رسايلج وي ايمن....

_كلت لا هاي مو مسكينه هاي كحبه... هاي تريد بعد... بقيت اذيج بيج واكول تريد بس متكدر تكول تخاف... من اهلها... او تحب العنف... او تحب اسويلها وو...

اسيل: كافي كافي لا تحجي عفته وطلعت بره.... دخلت للحمام تقيئت.... كمت اتقيئ.. ورجلي يرجفن... وكفت جسمي صار بارد ثلج... غسلت وجهي نفجرت ابجي... دخل هو يريد يلزمني عطت رجعت ليوره ابجي

سالم: تعالي ما اسوي شيء شوفي شوفي هاي نور هنا شوفي... ما اسوي شي ونور هنا

اسيل: اجت نور شبكتني؛ هو اقترب غمضت عيني ابجي.. دخلني للغرفه كعدت ارجف انطاني مي شربته باوعتله اشارت علي الباب... شفتي يبست كد الخوف.. حجيت بالكوه اا ططط ططللل ععع... ححح بباابب...

سالم: ما اروح...

اسيل: درت وجهي عنا خايفه احس وراي وحش مو بشر ثانيه مكدرت ابقي وياه نفس الغرفه صابني خوف عجيب اني سنه ونص وياه بس هسه الخوف الي حسيت بي مو طبيعي. احس علي اي دقيقه يجي يخنكني ويغتصبني ويكتلني ويكتل الي بطني متزوجه مريض نفسي ولا عرفت بعد ما فات الاوان

_شايفين من تفقدون الامان من اعز شخص من اقرب شخص الكم... هيج حسيت بهاي اللحظه
خفت منا خوفه... رجعت لتفت االه... تكدر تطللع بس انام... هو كام وطلع سد الباب.. حسيت براحه من طلع.. نور راحت وراه... تمددت غطيت نفسي مصدومه كلت راح ابجي بس مكدرت ابجي..

_نور نامت واني عيوني ما شافت النوم خوف يكول راح يجي... وياذي ابني مثل مسوه هيج ويقهرني وكتلني مثل علياء... شنو من انسان هذا شلون راح اتقبله بحياتي؟! شلون راح اوافق يعيش وياي بعد..

_هذا مؤذي ظالم.. قاتل.. حقير فاسد ومغتصب ومريض... وفوك هذا بكل برود يحجي اني احبج ومشتاقلج بعدين ترجع تعذبني...

اسيل: واني غافيه حسيت بحركه فزيت هو صعد علي الجربايه وتمدد بصفي شبكني وهمس باذني..

سالم: ضل بالي يمج..

اسيل: بعد عني اني خايفه منك كلش... شوفني شلون ارجف..

سالم: نامي وباجر تصحين..

اسيل: قاطعته... لا تحجي بهمس حباب... كوه اتنفس ما تعرف شنو معنى خايفه منك؟، مراح اتقبلك... وديني دكتور نفسي اذيتني انت هو كام...

سالم: هاي شبيج صدك تحجين؟!

اسيل: عطت بي لك شوف جسمي شلون يرجف منك خايفه تشبكني وتقربلي... بعد متشوف جاي انفر منك شبيك انت اكلك خايفه وديني دكتور يعالجني اني تخبلت من وراك..

سالم: اسيل شبيج؟! اعرف الي حجيته صعب ومو سهل بس ميصير هيج تسوين بيه... شنو تخافين مني لا تنسين احنا متزوجين وصارلنا اكثر سنتين هسه كمت تخافين هاي هرموناتج بدت تاثر عليج انتي حامل كل شي يتغير بيج عادي... من البدايه كتلج طفل ياثر علي حياتنا الزوجيه مقبلتي شوفي هسه وضعج..

اسيل: لتفت نور نايمه باوعتله تريد هو قاطعني وباسني علي شفتي...

سالم: شفتي بهل السهوله... انتي مرتي... وهاي مو اول مره ابوسج بيها... شوفي سهل ماكو خوف لا تخافين هيج شعور... ضجتي مني اكيد لان حجيت هيج ورده فعلج عاديه الي سويته كتلج مو سهل
لا تخافين اني يمج...

اسيل: هزيت راسي..ماشي...شبكني ودفن راسه بركبتي... غمضت عيوني اي اي هو يمي اي ما اخاف
ليش اخاف رجلي... اي غير... قابل راح يغتصبني مستحيل... يحب الي بطني ليش اخاف اني... بلحظتها انطيت لنفسي اعذار حتى ما اخاف منا...

_حسيت انفاسه قوت وجمسه ثگل... نص ساعه وسحبت نفسي عنا هو نايم... طلعت امسح بوجهي
امي تلكتني بالمطبخ...

حياه: هاي شبيج؟!

اسيل: ماكو شي بس جنت اقصد سالم جوه هي رادت تدخل منعتها لا حباابه لا...

حياه: عود هاي شنو اسمها؟! شعنده جاي لغرفتج..

اسيل: نعسان خلي نايم..

حياه: هم كولي قرب الي خاف سوه شي لابنج

اسيل: لا توه اجه وكبل نام ما سوه شي

حياه: اخر مره تنعاد مو تجين تطلبين مني احل واجي الكاج كاسرتني لا تنطي مجال

أسيل: رادت تصعد فوك لزمتها اشرت الها كعدت على الكرسي

حياه: من اكول سوه بيج شي تكولين لا شبي وجهج مخطوف...

اسيل: ماما اني... هي حطت ايدها علي كصتي

حياه: شبيج بنتي صخنتي

اسيل: خايفه كلش منا وما اريده

حياه: شايفه فلم رعب شايفه مسلسل انتي شنو هاي الدراما شو تحجين وترجفين بيمنا تاثرتي

اسيل: ردت احجي لتفت هو واكف باب المطبخ هز راسه بنفي... باوعتلها... يعني خايفه اكول خاف ما يطلع يحبني...رجعت باوعتله هو نسحب للغرفه...
لزمت ايدي يتصبب عرك...

يتبع....

تصووووووووووووووويت لاتنسووون

افكر اروح انام 🙊 بس ما گدر اخليكم هيج خنششر بعد بارت ✨✨