**********oo**********
Nadidinig nila mula sa loob ng bahay ang kahulan at alulong ng mga aso sa labas
"Umaatake na naman ang mga Kamagrang," napapailing na sambit ni Lola Luciana sa kanilang tatlo,"May manganganak kasi kaya ganyan sila kaagresibo,"
"Lola, may huminto pong tricycle sa labas," ani ni Aira sa matanda
Ilang sandali pa ay sunod sunod na katok na ang kanilang nadinig
Katok na may pagmamadali at kababakasan ng takot at kaba ang boses ng tumatawag mula sa labas ng bahay
"Mukhang si Oca nga iyan," ani ni Lola Luciana,"Siya ang hinihintay kong dumating kanina, kasi manganganak na ang asawa niya,"
Agad naman pinagbuksan ni Lola Luciana ang kumakatok at pinapasok sa loob ng bahay
"Lola Luciana," hingal nitong sambit,"Manganganak na po ang asawa ko,"
"Sandali at ihahanda ko ang mga gagamitin ko," sabi nito,
"Sasama po kami," ani nilang tatlo na ikinatango lang ng matanda at pia sunod sila nito sa may kwarto
Mula sa ilalim ng papag ay may kinuha iyong isang malaking lagayan at isang bayon kung saan nakalagay ang mga gamit sa pagpapaanak
"Heto gamitin niyo," sabay bigay sa mga panlaban sa aswang,"Iyang tatlong itak ay ibinabad ko sa dagta ng alugbati, mas mabisang panlaban iyan sa mga kamagrang, hindi sipa tinatalaban ng asin at bawang," sabay abot ng tig iisang itak na halos ang ninipis ng talim
Namangha naman sila dahil ang kintab niyon na halatang napakatalas ng talim
"Kapag naitaga niyo sa mga kamagrang iyan ay ibaon niyo kaagad sa lupa ng pitong araw at siguradong mamamatay sila," paliwanag pa nito
"Opo," kuro nila sabay lagay sa bewang nilang ang mga itak na may tali sa hawakan
"Kapag nataga sila at nasugat ay hindi na gagaling pa ang mga iyon," sabi nito,"Lalala ang mga iyon, mabubulok at magnanana hanggang sa ikamatay na nila ang sugat na likha ng mga itak na ibinabad sa dagta ng alugbati,"
Isinukbit na nila ang mga itak sa bewang m binigay ni Lola Luciana, may tali iyon sa hawakan kaya hindi basta basta na mahuhulog at mabibitawan
"Tara na," yaya ni Lola Luciana sa kanila,"Nanganganib ang mag iina mo, Oca," dagdag pa nito
"Opo," agad silang lumabas ng bahay ng masiguradong kompleto na ang kanilang mga gamit
Agad na isinarado ang bahay ni Lola Luciana ang pintuan at sumakay ng tricycle
Agad na umalis sila doon sa bahay, mabilis na pinatakbo ni Oca ang tricycle habang nag aalala sa kayang mag iina
Habang nasa daan naman ay pansin nila ang ilang mga kamagrang na patalon talon at tunatakbo sa bawat bubungan ng mga kabahayan na kanilang nadadaanan
"Ang dami po nila," sambit ni Aira na nakatingin sa mga bubungan
Bigla naman naihinto ni Oca ang tricycle dahil may mga nakaharang sa dadaanan nila
"Bakit po, kuya?," tanong naman ni Sister Janelle na nagtataka
"May mga nakaharang sa daanan," sagot ni Yuri ng hindi na makasagot si Oca dahil sa kaba at takot na nararamdaman
"Mga aswang," ani ni Ben
Nakakita sila ng anim na aswang na nasa di kalayuan sa pwesto nila, tatlong malalaking itim na aso at tatlong malalaking itim na baboy ang nakaharang
Walang mga balahibo ang mga iyon kaya alam na nila na kakaiba ang mga iyon kaysa sa karaniwang hayop na kilala nila
Nakatuwad ang mga iyon at nakasilip sa pagitan ng mga hita ang mga ulo at paatras kung maglakad ang mga iyon
"Malayo pa po ba ang bahay ninyo," tanong niya dito
"Bakit?," takang tanong ni Oca
"Mauna na po kayo," sabi niya sabay baba ng tricycle,"Kami na po ang bahala sa kanila para makadaan na po kayo,"
"Tama po si Yuri," pagsang ayon naman ni Aira,"Mas kailangan kayo ng asawa mo at anak mo,"
"Saan po ba banda ang bahay niyo?,"tanong ni Sister Janelle,"Para makasunod kami sa inyo mamaya?,"
"Kung saan niyo makita ang pulang tricycle na ito, doon ang bahay nila," ani ni Lola Luciana,"Mag iingat kayo mga apo,"
"Kapag nakita ninyong nawala na kami sa kalsada, umalis na po kayo kaagad," bilin pa niya bago tumango ang mga iyon
Kaagad naman na naglakad sa unahan silang tatlo, haharapin na nila ang mga iyon para makadaan ang sinasakyan nila Lola Luciana
Nakita nilang tumakbo ang mga aswang papasugod at papasalubong sa kanilang tatlo
Nahati sa tatlong pangkat ang mga aswang, pares pares ang mga iyon kaya humanda na kaagad sila
Kanya kanya na sila ng pwesto para magkaroon ng daanan sa gitna, ng makita naman iyon nila Oca ay agad na nitong pinaandar ang tricycle paalis doon
Unang naatake si Aira ng isang aso at baboy na itim, muntikan na siyang masakmal ng aso pero kaagad naman niya iyon nataga sa paa nito
Hinampas naman niya ng buntot ng pagi ang aatakeng baboy na itim sa kanya
Mabilis na nailagan ni Aira ang sabay na pagsugod ng dalawa kay Aira kaua napatakbo iyon papalayo
Nakita naman nila si Yuri na nasa di kalayuan, nakikipaglaban din sa dalawang kamagrang na aso at baboy na itim
Samantala si Sister Janelle ay nakikipagbuno naman sa aso na nakatayo na halos at kasing laki niya, gusto na siyang sakmalin noon sa kanyang leeg
Nakita niya na umaangil at sumasingasing sa sobrang galit na papasugod na sa kanya
Ang pakay nito ay ang kanyang binti, kaya nag iisip siya kung paano lalabanan ang aswang na pasugod sa kanya
Malapit na iyon sa kanyang hita at akma na iyong sasakmalin, pero bago pa masakmal iyon ay nakita na niya na gumulong ang ulo nito sa di kalayuan at may isa pang nilalang ang dumaluhong sa aswang na nasa harapan niya
"Ayos ka lang po ba, Tita Janelle?," nakangising tanong ni Kevin na nakapamewang pa sa kanya
"Kevin!," sa labis na tuwa ay nayakap pa niya ang binata,"Salamat at dumating kayo,"
"Kami pa!," ani naman ni Nena na napatay na ang asong kalaban nito dahil nataga na din nito at naputol ang ulo
"Tara at tulungan natin si Aira," yaya ni Nena sa kanila
Sa pwesto naman ni Aira ay nandoon na sina Trina at Bryan, pinagtulungan nilang dalawa ang aso at si Bryan naman sa malaking baboy na itim
Pero dahil mas malakas sa kanila iyon at halos hindi nila magapi ay tinulungan na din sila ng tatlo matapos makitang nahihirapan na silang tatlo doon
Nakita naman ni Khael na halos hindi na makalaban si Yuri dahil sa sabay na sumusugod ang dalawa sa dalaga kaya agad siyang nagpalit ng anyo ng mabilisan
Para hindi siya makita ng mga taga Baryo at matakot sa kanya
"Umalis na kayo," taboy ni Khael habang hawak sa mga tainga ang dalawang kamagrang,"Mas kailangan kayo nila Lola Luciana, ako ng bahala dito at susunod na ako," taboy nito sa kanila
"Salamat," ani ni Yuri sa kanya,"Mag iingat ka,"
Tumango nalang siya at hinarap na ang dalawang mabangis na aswang, habang tumatakbo naman silang pito papunta sa bahay kung saan naroroon si Lola Luciana
Sa daan patungo doon ay nakikita nila ang mga aswang sa bubungan na tumatakbo sa bubungan na patungo din pupuntahan nila
Marami ang mga iyon at nililingon din sila, may ilan na hindi na nakatiis kaya lumundag iyon para sagpangin sila
"Mauna na kayo," ani nina Trina at Bryan na hinarap ang dalawang asong itim na tumalon mula sa bubungan para patayin sila
"Mag iingat kayo!," bilin nila bago nagpatuloy sa pagtakbo
Sa unahan ay may humarang din sa kanila na dalawa pang aswang, ang lumaban naman ay sina Aira at Kevin habang pinauna sila
Bago oa makarating sa bahay nila Oca ay may tatlo ding sumalubong sa kanila at hinarap naman iyon nina Sister Janelle at Nena
"Mauna kana," taboy nito sa kanya
"Mag iingat kayo," ani pa niya bago nagoatuloy sa pagtakbo at pagpunta sa bahay nila Oca
Dasal nalang ang kanyang magagawa para sa mga kaibigan na naiwan at nakikipaglaban sa mga aswang na sumusugod sa Baryo ng gabing iyon
Binilisan pa niya ang pagtakbo para makarting doon at wala ng makaharang sa kanya para matulungan naman niya ang matanda sa mga aswang
Kailangan niyang makahabol sa mga iyon para maktulong siya sa pakikipaglaban
Si Khael naman ng matapos mapatay ang kalaban na mga aswang ay agad siyang tumakbo pasunod sa mga kaibigan
Nadaanan pa niya sina Trina at Bryan na nahihirapan sa mga kalaban ng mga ito kaya tinulungan niya bago sila sabay sabay na tumakbo papunta kina Aira at Kevin
Na nasa di kalayuan sa kanila, tinulungan nila iyon para matapos na ang paglaban nila,
Sumunod sina Sister Janelle at Nena naman sa apat na kalaban ng mga iyon dahil nadagdagan pa ng isa kaya nahirapan sila at isa pa puro sila babae
Matapos iyon ay agad silang sumunod kina Yuri, iniisip nipa na baka tinambangan din iyon ng mga aswang at mapahamak pa ito
**********oo**********
Read.Vote.Comment
Maraming Salamat Po!