**********oo**********
Lunes ng Hapon
"Lola Maria! Lola Maria!," sigaw na tawag mula sa labas ng bahay
"Nandito na po kami!," sigaw pa ulet ng isa pang boses
Nagkatinginan ang nasa loob ng bahay habang nakaupo malapit sa kinahihigaan ni Yuri
Agad na tumayo si Lola Maria at binuksan ang pintuan
"Mga apo," natutuwang sambit ni Lola Maria ng makita ang lima,"Pasok kayo, mabuti at nakauwi kayo ng ligtas,"
Matapos makapag mano ay agad silang pumasok sa loob ng bahay
"Anong nangyayari?,"nagtatakang tanong naman ni Aira matapos makapag mano kay Sister Janelle
"Naku," ani ni Nena,"Halos hindi kami tantanan ng mga aswang na yan, halos gabi gabi kami binisita at ginugulo, mabuti at nakauwi ma kayo at may kasama na din kami,"
"Ano po?," may pagtatakang tanong ni Khael sa kanila
"Palaging nandito ang mga aswang," sagot ni Sister Janelle,"Mga alagad ni Apollo, baka inuutusan niya para makuha si Leigh, kaya todo kami bantay at ingat para di niya kami mapasok,"
"Mabuti at ligtas kayo," ani niya sabay baling ng tingin kay Yuri na noon ay tulog,"Bakit po nakatali siya?,"
"Nagwawala siya," tugon ni Lola Maria,"Dahil sa laway at hawa ng aswang, nagiging aswang na siya at kung hindi ko siya itatali baka makatalas siya at makapambiktima ng tao,"
"Lola, ipainom na po natin ang lunas," sabay abot niya sa matanda,"Para gumalimg na po siya,"
"Para makasama na po nmain siya papunta sa lugar ng mga Mnggar," sabi ni Kevin na nakangiti,"Kulang ang saya kapag wala siya,"
"Naku, umayos ka nga Kevin," saway ni Aira,"Halos maihi kana sa takot sa itsura ni Inang Banang eh,"
Sabay sabay pa silang apat na nagtawanan, napapailing nalang si Lola Maria, habang napapatingin sa apong nakahiga
Matapos maipaghanda ng makakain ang lima ay inumpisahan ng gamutin ni Lola Maria ang mga sugat ni Yuri, pinainom niya ang halos kalahating bote ng lana sa apo para mawala ang laway ng aswang na nasa katawan nito
Nakita nila na lumalabas sa mga sugat at galos nito ang laway ng aswang na nakakagat sa dalaga
Hanggang sa makapuno sila ng isang tabo ng laway na sa bandang huli ay may kasama ng kulay berde
"Ligtas na ang apo ko," bulalas ni Lola Maria,"Mapainom nalang siya ng banal na lana ay ligtas na siya,"
"Hay salamat," halos sabay sabay na napabulalas ang lahat dahil sa nadinig mula kay Lola Maria
Napapikit at napausal ng dasal para sa dalagang nakahiga
Tinahi naman ni Lola Maria ang kagat ng aswang sa braso ni Yuri ng matapos iyong bihisan at linisan
Doon na din nagpalipas ng gabi ang lahat para mabantayan si Yuri na hanggang ngayon ay wala pa ding malay
Sasamahan nila ang maglola at baka bumalik pa ang mga aswang lalo na si Apollo
Pero lumalim na ang gabi ay wala pa ding aswang na nagpaparamdam sa kanila, ranging huni lang ng mga pang gabing insekto ang nadidimig nila kaya nagkatinginan silang lahat dahil sa nangyari
**********
Baryo Kulintang
Eksaktong Alas Dose
Kung walang mga aswang ang sumugod sa Baryo Kulintang ay kabaliktaran naman sa Baryo nila Khael dahil doon nang gulo ang mga tiktik sa kanila
Halos mpuno ng tiktik ang kanilang buong Baryo ng mga sandaling iyon
Naglipana sa buong kapaligiran ang tiktik na namiminsala.ng mga alagang hayop ng lahat ng tao doon, ang ilan pa ay pumapasok sa loob ng kabahayan
Sa di kalayuan ay nandoon si Apollo na nakangisi at nakatimgin sa buong Sitio Kilabot
Siya ang may pakana kung bakit nagsipaglipana ang mga tiktik sa buong kapaligiran
Halos maririndi ka sa tunog at tinis ng boses ng mga tiktik na paikot ikot at binabangga ang mga bintana at pintuan ng kani kanilang mga kabahayan
"Carlos," ani ni Nanay Alfie habang nakatingin sa bintana at tinitingala naman ang mga bintana paminsan minsan kapag may lumalapag
"Nakakaistorbo nan ang mga tiktik na ito," sagot ng kuya ni Ella habang may hawak na buntot ng pagi at isang dakot na asin
"Pakana na naman ito ni Apollo," ani ni Tatay Carlos,"Kung kelan wala ang mga bata dito,"
"Mabuti nalang at nasa Lungsod na ang dalawa," ani ni Nanay Alfie,"Tiyak na ligtas sila doon,"
"Sana nga," piping dasal ni Tatay Carlos habang nakikiramdam sa kanilang paligid
Madidinig nila ang mga sigawan sa buong katahimikan ng gabi,ga sigaw na inaatake ng mga tiktik, mga sigaw ng nilalantakan at mga sigaw na punong puno ng takot
Hindi naman malaman ng iba kung ano ang gagawin sa mga tiktik na naglipana sa buong kapaligiran
Wala silang laban lalo pa at hindi sila nakahanda,
Tuso talaga si Apollo, kung kailan al niya na wala doon ang pinsan niya at mga kaibigam nito ay saka siya lulusob
Dahil alam nito na mahina ang kapangyarihan ng pinsan niya lalo pa at pagod ito galing sa pakikipaglaban sa grupo nila Inang Banang sa Sitio banawag
Alam na ni Apollo na napatay nito ang matanda dahil s isang aswang na nakatakas oas tamang sabihin na espiya nito
Alam nito na kinausap ni Khael ang mga aswang para magbagong buhay at lumayo sa kanya
Kaya lalo lang sila nagalit sa pinsan niya, at ipinapangako niya na gagawin niya ang lahat para makoronahan na siya bilang Prinsipe ng kanilang lahat at mapakasal sa anak ni Greg, para mapag isa na nila ang kaharian ng mga bampira na alam nitong hindi kayang lumaban sa kanila
Nakangisi lang siya habang pinagmamasdan ang mga ginagawang pamiminsala ng mga tiktik sa buong Sitio
Ang ilan pang mga katawan ng taong patay na ay isinabit nila sa arko ng Sitio Albana, kung saan ay may tatlong kalansay pa na nakasabit doon
Ilang mga katawan ng tao ang kanilang isinbit sa arko, napaliguan na ng dugo ang puting kulay ng arko maging ang puting pintura na nagsasabi na iyon ang pangalan ng kanilang lugar
Tumagla ng halos dalawang oras ang ginawang pamiminsala at pananalasa ng mga tiktik doin sa Sitio Albana bago umalis na busog na busog
Alam ni Apollo na nabalot na ng takot at lagik ang puso ng bawat isang nakatira doon
At alam din niya na ang ilan ay magsisipag alisan doon at hahanap ng malilipatan
Tuwang tuwa ang Prinsipeng aswang bago umalis sa lugar na iyon matapos matiyak na wala ng isang tiktik ang natira doon
Kahit na wala na ang mga tiktik ay madidinig mo pa din ang iyakan at panaghoy ng mga tao at pamilyang namatayan ng kani kanilang mga mahal sa buhay
Hindi matatawaran ng kahit anong salapi ang nadarama nilang kalungkutan at pigahati, nagdadalamhati sila para sa kanilamg kaanak na walang awang pinatay at kinain ng mga tiktik
Ni isa ay walang lumabas ng kanilang mga bahay matapos makaalis ng mga tiktik
Nasa loob lang sila, nababalot ng takot at lagim dahil sa sinapit ng kanilang Sitio
Halos walang nakatulog sa mga nasa loob ng bahay at sa mga nakaligtas sa pag ataking iyon
Lahat ay dilat na dilat ang mata ng bawat isa, kakabahan at matataranta kapag nakakadinig lang ng mahinang pagkaluskos o ingay na magmumula sa labas ng kanilamg bakuran
Nagsusumiksik sa sulok ng kanilang bahay na parang doon lang sila makakaramdam ng kaligtasan at kapayapaan
Lahat ay ayaw matulog o ipikit ang kanilang mga mata dahil sa sobrang takot sa naranasan
**********oo**********
Read.Vote.Comment
Maraming Salamat Po!