فوط + كومونتار
لميس:باي حياتي
ريم والدموع في عينيها: باي رايحة نتوحشك
لميس :انا ثاني ماننساكش ياا احلى واعز صديقة
في السبيطار
ناض ايوب حل عينيه شاف امو وصديق عمرو واقفين فوق راسو وسلمى اللي كانت قاعدة في الفوتاي بوضعية تاع عاهرات فخاضها كاامل على برا تعاود في الروج تاعها دور نضرو ديراكت لامو اللي ترمات عليه تعنقو
هاجر بلهفة :اك مليح يا عمري كيفاه راك حاس بالوجع ؟
ايوب :راني مليح ماتخافيش وضك الدموع لاه مليون خطرة قتلك دموعك هاذو غاليين عليا بزااف يما
هاجر:خفت عليك بزااف
ايوب :ميش ام ايوب الابراهيمي وعزتو لي تخاف من حاجة طول ما انا راني عايش
هاجر : ربي يخليك ليا
ايوب :ربي يخليك ليا نتي ثاني
سيف :خفنا عليك بزااف ونتا تبارك الله عليك بعضلاتك الرصاصة مادارتلك حتى حاجة
ايوب : اسكت اسكت نتا يخي سامط نوض ليك نكرفصك وديجا نتا وش جابك لهنا؟؟
سيف بضحك : خلاص اسمحلنا
سلمى :الحمد لله على سلامتك يا حبيبي خفت عليك بزااف كي قاتلي ماما هاجر
ايوب ببرود : يسلمك
سلمى :علابالك شكون لي دارلك هكذا؟؟
ايوب :نعرفو ونجبدو من الارض السابعة وساعتها نندمو ع الساعة اللي خرج من كرش امو فيها
سلمى وهي خارجة: اووكي اني رايحة مع صحاباتي خارجين باي ... وراحت
سيف : اعوذ بالله مفهمتش كيفاه متحمل هاذي العقرب؟؟
ايوب : خلينا منها ضك روح وصل امي للدار باش ترتاح وابعثلي اسر (رئيس الحرس )
هاجر:مستحيل نخليك ونروح مزالك مريض
ايوب :لازم تروحي ترتاحي شوي وانا غدوة نخرج لاه تعبي روحك؟؟
هاجر :اي اتهلا في روحك؟؟
سيف : هيا خالتي
خرج سيف ومعاه هاجر خلاو ايوب في دوامة تفكير شكون لي تجرأ فكر يقتلو وهو الناس اكل تخاف منو وتهابو وقاعد يتوعد يقتلو ويخليه يعيش الجحيم خاطر هو ايوب الابراهيمي لي ما يرحم حتى واحد يتعرضلو قطع شرودو دقدقيق في الباب امرو يدخل دخل اسر رئيس الحرس
اسر باحترام: الحمد لله على سلامتك مسيو
ايوب : يسلمك عرفت شكون دار هكذا ؟؟
اسر : وي مسيو عرفناه حكموه الكاميراات
ايوب : حكمتوه ؟؟
اسر:مالقيناهش اختفى حوسنا عليه في كل بلاصة ريحتو مكانش الظاهر واحد وراه حاميه مبين مبعوث
ايوب بحدة :شوف اسمعني مليح تجبدوه من السما ولا من الارض تقلبو البلاد عليه شبر بشبر وتجيبوهلي حي ولا ميت في 24سا يكون عندي فهمت ؟
اسر :فهمت
ايوب :تقدر تروح
راح اسر ايوب غمض عينيه داه النوم من شدة التعب
------------------------------
قاعدة اسماء في طاولة مع صحابها وصحباتها يتكيفو ويشربو ويضحكو
(خالد وانس و نريمان اصحاب من الطبقة الراقية تصاحبهم اسما علاجال مصلحتها من ايام الجامعة )
نريمان : وش ااسماء قبلوك في خدمة ؟؟
اسماء :ههههه حاجة باينة هاذي ماتحتاجش هدرة هاذي انا اسماء
انس :يعني نتي مزلتي مصرة تطيحي ايوب الابراهيمي ؟
خالد بجدية : راكي غار تحلمي وايوب الابراهيمي ميش غبي وميش ساهل باش تطيحيه ننصحك مكان لاه تخلطي في ساحتو
نريمان : خالد عندو الحق وهو اصلا متزوج
اسماء :ميش مهم لازم نحاول نتقرب منو باي طريقة هو عندو صوارد النار ماتوكلهمش واصلا مرتو هاذيك ميش مهتم بيها اصلا
خالد بلا مبالاة : الله يساهل ديري وش تحبي باي رايحة نكمل سهرتي
وضحكو باستهتار من شدة الشراب
----------------------------
عودة للبطلة تاعنا
قاعدة تقرا في القران في مصحفها الصغير لي كان هدية من امها قاطعها صوت سامية تعيطلها
سامية : نتي يا طفلة ارواحي هنا ماشبعتيش نوم من ا لصباح !!!
ريم وهي تغلق في مصحفها : اني جااااية
خرجت من شمبرتها رايحة لسامية كانت في الصالون لقات باباها قاعد فوق الفوتاي هاز لاكومند يتفرج ويقلب في القنوات
سامية :روحي للكوزينة جيبيلنا قهوة
هزتلها راسها بايه وراحت للكوزينة
محمد : وين راهي اسما ماشفتهاش ؟؟؟
سامية :خلي الطفلة ترفه على روحها هي من الصباح في الخدمة الجديدة مسكينة وخرجت مع صحابتها
محمد: الحمد لله لقات خدمة ع الاقل تعاوني شوي في المصروف
جات رايحة تريبوندي عليه حتان جات ريم هازة القهوة شافت فيها خبث مدت رجلها طاحت ريم في الارض تتوجع محروقة من القهوة اللي قاستها
سامية : منوحسة ماتعرفي ديري حتى حاجة تصلح افف ماتفيدي في واللو معوقة ؟؟ ماتعرفيش تهزي سينية مسقم
ريم والدموع في عينيها : اسمحيلي ميش قصدي اصلا تعكلت على رجلك
سامية : وتكذبي ثاني وانا وش جاب رجلي لعندك وثاني من صباح ربي ونتي راقدة جاية ضك تتبلي فيا شوف بنتك يا محمد ماتهدرش معاها ضك؟؟
ريم : بابا والله غار تكذ.......
قبل ماتكمل هدرتها جيها كف صحيحة على خدها طاحت للارض وساح الدم من ثغرها
سامية : تكذبي فياااا ؟؟ تتتهمي فيااا ماتحشميش؟؟ هاذا هو جزائي كي ربيتك وكبرتك بعد ما ماتت مماك وخلاتك ونتي عندك 10 سنين ودرتك زي اسماء وفي حياتي فرقت بيناتكم شايف يامحمد شاايف الخير اللي درتو فيها
كلماتها خلاوه يحمى عليها هجم محمد على هاذيك المسكينة حكم شعرها الرطب والطويل بقسوة وكركها لشمبرتها
سامية : الشه تستاهلي ياوحد الكلبة بنت الكلبة رنا والله نطلع غشي وغلي فيك كان لازم تموتي مع امك
اما داخل هاذيك الشمبرة هجم عليها هاذاك الوحش بالكفوف نحا الحزام من سروالو ودخل في جسمها بالضرب حتان ولا يسيح بالدم وزراق جلدها
محمد بكره : تردي الهدرة ؟؟ وتكذبي ؟؟ لازم نعاود نربيك من جديد ماتنفعي لحتى حاجة كون غار متي مع امك وارتحت من همك رما الحزام من يديه وخرج وخبط الباب موراه
ريم ببكاء : يااارب ارحمني ياااااارب رحمتك ماعنديش واحد غيرك يا ربي ماتخلينش وحدي كيما خلاوني اكل لاااه يا ماما ماديتينيش معااك لااه ماقلتيليش بلي الناس وحوش هكذا ياااارب قلبي وجعني خلااص ماقدرتش نتحمل كثر يا ماما ويبن راكي ارواحي اديني ماتخلينيش بين الوحوش هاذو اهئ اهئ اهئ قعدت تبكي تبكي حتان رقدت ع الارض من كثرة التعب والاوجع
فات الليل وكل واحد كيفاه بات واحد غارق في افكارو واحد غارق في دموعو وواحد موش مهتم اصلا
--------------------------
في الصباح في قصر الابراهيمي
هبطت هاجر للكوزينة توجد الماكلة لايوب اللي راح يخرج اليوم دخلت شافت خديجة تمسح في دموعها (خديجة تعاون هاجر في الطبخ وعندها سنوات وهي تخدم عندها)
هاجر : وشبيك خديجة ؟؟
خديجة وهي تقطع في الخضرة :ماكاين والو يا مدام
هاجر : خديييجة ماتتمسخريش بيا ... ياااتهدري يا نعرف بطريقتي
خديجة : بنتي اي في السبيطار رايحة تولد وولادتها قالو صعبة وانا خايفة عليها
هاجر بمواساة : اللطف يااربي .. متخافيش تنوض بالسلامة ان شاء الله
خديجة : ان شاء الله
هاجر : روحي للسبيطار شوفي بنتك واطمني عليها وهاكي هاذو تحتاجيهم .......
عطاتها شوية صوارد
خديجة : بصح شكون لي عاونك مدام .. فتيحة ماتعرفش ونوران مشغولة بتنظيف القصر مع سارة
(فتيحة هي مدبرة القصر /نوران خدامة في القصر/سارة 32 سنة تخدم في القصر وجاسوسة سلمى تحب المال )
هاجر : ضك ندبر راسي ماتخافيش روحي بدلي حوايجك ضك نقول لسليم يوصلك ( سائق هاجر )
خديجة بفرحة : مارسي مدام ربي يحفظك
هاجر : بلا مزية كون تحتاجي حاجة ماتتردديش رانا خوات
خرجت هاجر من ثم رايحة للحديقة في طريقها تلاقات بسلمى
هاجر : وين راكي رايحة يا سلمى ماتستنايش راجلك جاي اليوم وين هاجة على صباح ربي ؟؟
سلمى : افففففف يخي راهو لاباس وش رايحة نديرلو كي نبقى معاه زعما
عدلت شعرها وخرجت
هاجر : ربي يعينك يابني ويبعثلك لي لي تستاهلك صح وتخاف عليك وترجعك كيما كنت من قبل
استغفرت ومشات للجاردان
هاجر : محممممد
محمد: اأنععم مدام
هاجر : تقدر تهدر مع مرتك تجي تعاوني في الكوزينة ليوم برك ونخلصها
محمد :حاضر نص ساعة تكون عندك مدام متهنية
هاجر : اوكي
راحت هاجر وجبد محمد التيليفون يعيط لسامية والفرحة تشع من عينيه علابالو اليوم يترفه
محمد :الو سامية
سامية : وي محمد خير !!!
محمد : اسمعيني المدام الكبيرة حاباتك تجي تعاونيها وتعطيك مبلغ مليييح
سامية بطمع : ايه اكيد نعاونها بصح فاش ؟؟
محمد : في الكوزينة تطبخي
على كلامو تشوكات كيفاش راح تدير هي ماتعرفش تطبخ وماتقدرش تقلو بلي ريم هي لي موالفة تدير كلش طول فترة زواجهم
سامية :آآآآه يا محمد
محمد بخوف : وشبيك ؟؟ وش وجعك ؟؟ لبااس؟؟
هاجر : ظهري يوجعني قتللني طحت كي كنت نسييق
محمد : وش نديرو هكذا ضك يروح علينا المال
سامية : ماتخافش ضك نبعثلك ريم
محمد : من نيتك !!! وريم تعرف تطيب ؟؟
سامية : ايه حاجة باينة انا علمتها طيب ملييح
محمد بفرح : ايي اوكي دزيها مالا جاتنا فرصة مانضيعوهاش
سكر الخط وراح لهاجر يقلها بلي مرتو تعبانة وماتقدرش تجي بصح تجي بنتو
هاجر : بصح ماشي بنتك صغيرة ؟؟
محمد: وشمن صغيرة يا مدام عندها 19 سنة مرا بسلامتها اكيد تعرف تطيب
هاجر : اوكي يا محمد روح شوف خدمتك
محمد : حاضر مدام
...يتبع💙💙💙
وش رايكم في بارت اليوم ادعموني بفوت النجمة لي الفوق