#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت -57-
يگول مهران :-
مِن اجيبك عالسَلف
تسوة السَلف كله
والمفارگ عيونك بالسَلف شله ؟
أريد اصّفن بوجهَك صفنة الميتين
مارمش ولو شچيتني ب سله
أنا لما تيهت تيهني وجهَك ذاك !
بدوي ودربّ الصحاري أشتمه وأندله
قفل خليتلك خيط اعلى طول الروح
حتة منين ما تشتاگلي اتفله
يا شذرة محبَس المؤمِن من اتطيح
بعلامات المؤامن تعتبر خله ... 🖤
َويگول ناصر :-
يواهس تضحك الدنيا على شفافك
يبو الليل الحلو اليلعب على جتافك
احس روحي تأمن بيك وتخافك
واحسك مدري شنو انت وشنو اوصافك
ولا غيرك نبع بالشوك يرويني
لونك مو دمع ما شالتك عيني
ولونك مو كحل ما ضمتك عيني .. 🖤
وأبو غمرة يگول :-
لأكسرلج زلم و فوك الزلم نسوان
واعلمهم شلون لوحدج تساويهم🖤
(أحداث عن حياة سما بطلب من المتابعين لعيونهم ونكتفي بهذا الحد ارجوكم لتحرجوني أكثر ♥️)
سما :- فتحت حلگي من الصدمة .. معقولة السمعتة
صح رمشت بعيوني بأندهاش وگلت بعصبية
سما :- انجبي ليش تجذبين
مها (اخت سما) :- لج وداعتج مداجذب تعالي
گالتها وجرتني من ايدي بأتجاه الشباك فتحت البردة
واشرت ع الشارع وگالت :- شوفي هاي سياراتهم بالباب ليش متصدگيني
سما :- حجيت بتلعثم كولي والله يعني همة گالو
جايين يخطبوني
مها :- اي طبعاً يالفهيمة لعد اني گلتلهم
وماما دزتني عليج تگول خلي تجي تسلم ع عمامها
سما :- يلا گلتها ومشيت بآتجاه الباب مااحس الا
مها تجرني حيل وتعيط :- وثول وين نازلة بتشيرت
كرستيانو وكفشتج طالعة جنج جنية
سما :- خليت ايدي ع حلگي وگلت ياا والله نسيت
مها :- يلا راح انزل رتبي روحج ونزلي
سما :- ماشي نزلت مها واني ارجف صار مغص ابطني مصدومة ما مصدگة رحت فتحت الكنتور
طلعت ملابس وبدلت ورحت ع الميز اشيل فرشة المكياج اريد اخلي وتوگع من ايدي من الربكة ما اعرف شصابني..
باوعت لنفسي بالمرايا أبتسمت بأنتصار
رفعت عطري المفضل رشيت منة وانتعشت
روحي .. بسيطة يا سجاد أني الك الا اطلعلك
گلب ممدشن وأشلع گلبك بموافقتي مثل ما
شلعت گلبي يلا حسيت عديم الاحساس ..!!
گلتها وشمرت شالي ع راسي ونزلت جوا
والتوتر يقرة مليون سميت بسم الله ودخلت
سلمت عليهم امة وخواتة وعمي وهو
سما :- شلونك سجاد
سجاد :- هلا بيج شلونج
سما :- ابتسمت بوجهة بخفة ورحت گعدت يم
امي وأحس نظراتة عليه واني ما اهتميتله
ولا جني اشوفة نظرة مباوعتلة..
أسوي هيج بالگوة احس عيوني تريد تشح
بنظراتها عليه وتتأملة ايام وسنين ومتمل
بس ردت اعذبة شوية وابيع ثگل براسة
مثل ما جان يسوي بية وميعبرني وكما تدين
تدان وجزاء سيئة سيئة مثلها أستاذ سجاد
حجو بالموضوع لو اني غديت طماطة
سبحان الله وطلعت خجولة هم وهذاك
اليوم طلع عندي احساس مشاعري كثرانة
ما شاء الله صايرة تطشر…!!
ابو سما :- ونعم منكم ومن أبني سجاد ولو علية
اگلك گبع واخذ بس هاي سما روح ابوها مااگدر
احجي بدون موافقتها الرأي الأول والأخير ألها
أبو سجاد :- وسما بنتنا وان شاء الله ماترفض ابن
عمها مو هيج عمو سماوي؟
سما :- رفعت راسي وانتقلت بنظراتي عليهم باوعتلة
يباوعلي بأنتضار شحيت بنظراتي منة وگلت بهدوء
انطوني مهلة افكر عمو
بسرعة باوعتلة عيونة نطن من الصدمة
لزمتني الضحكة والله يا الله عبالة ساحلة
روحي عليه ميدري مزلغة روحي وموتتها
عليه بس تعذيب الحبيب مثل اكل الزبيب..
ابو سجاد :- اكيد من حقج بنيتي
ام سجاد :- بس لتطولين علينا بجوابج
سما :- ابتسمت بوجههم وگمت وگلت
مرخصتكم ردو عليه مرخوصة خليت وطلعت
ميتة من الفرح ابتسمت كل قوتي وگمت اكمز بدون
وعي يم باب المطبخ مااحس الا بالصوت الاجاني
سجاد :- شكو تگمزين
سما :- تلاشت ابتسامتي وغمضت عيوني وفتحت
يربي ع الفشلة الاكلتها هسه شيگول واني صار ساعة
ابيع ثگل من امداني ع هالدگة بلعت ريگ والتفتت
شوية شوية وباوعتلة وگلت :- طلعلي صرصور
وخفت منة وگمزت بدون وعي ليش تسأل؟
سجاد :- اها صرصور كلتيلي
سما :- رديت بثقة اي طبعاً لعد شكو
سجاد :- رايح اشغل سيارتي
سما :- اي براحتك
سجاد :- باوعلي وركز بية سمعنا صوت يم الباب
يمكن اخواني اجوي لان مموجودين بالبيت بسرعة
دخلت جوة وطگيتها ركضة للفوگ قفلت الباب وگعدت
اتنفس بعمق شهيق زفير يمةة شون گطعني انفاسي
بدلت وشوية وصاحوني ماما وبابا واخواني
كعدو ويايه وحجو وابن عمج وووو وينصحوني
اوافق ميدرون اني موافقة بكامل قواي العقلية
والعاطفية والقلبية والجسدية عاد ضليت اسمعلهم
وبعدها صعدنا ومها بقت تلغي براسي كوة راحت
اختليت بروحي وممصدگة واخيرا سجاد الجليد ذاب
دگ موبايلي باوعت رقمة الحافظتة مثل اسمي
بس مابيوم تجرأت وحجيت وياه لزمتني رجفة
والله مثل هاي الجانت.. تگول عليها أمنية من
يحجي وياها ابو غمرة اتنفست بعمق بالغ
ورفعت الموبايل ع اذني ورديت بخفوت
سما :- الو
سجاد :- شلونج سما
سما :- عفواً منو أنت؟
سجاد :- اني الصرصور
سما :- فتحت حلگي بصدمة ورديت بثول
شنوووو
سجاد :- الصرصور الخلاج تگمزين اوضحلج أكثر
سما :- باوعت للموبايل وهمست شگد غثيث
رد بدهاء :- ترا سمعتج
سما :- شسمعت
سجاد :- ليش ما انطيتي موافقتج؟
سما :- رديت بذهول مصطنع ومنو گالك
اني موافقة
سجاد :- عيونج تگول هيج "گالها بصدق وهدوء"
سجاد :- سمااا
سما :- هاا
سجاد :- تدرين؟
سما :- بشنو؟
سجاد :- شگد احبج تدرين…؟!
سما :- بسرعة دمعت عيوني شگد انتظرت
هاللحظة
والحمد لله واخيرا تحققت رديت بقهر منة
لا ماأدري
سجاد :- لج والله جنت اريدج تكملين دراستج
سما :- لعد شنو الخلاك تخطبني هسه
سجاد :- التكتك
سما :- وليش ضايج من التكتك
سجاد :- بس تدرين عقلانة
سما :- خليت اصبعي بحلگي ورديت
منو الگالك عقلت..؟
سجاد :- شوية هواية تسألين مملاحظة روحج
سما :- وانت تحبني بس من عاقلة
سجاد :- احب خبالج أكثر
سما :- ابتسمت وسحت وتسرسحت ومعت
وانصهرت وذبت وجيب اليجمدني..
سجاد :- نجي نقرة الفاتحة باچر ..؟
سما :- هاااا
سجاد :- وعشقااا
سما :- عفية استحي
سجاد :- سبحانك ربي
سما :- شگلتتتتتتتت
سجاد :- گلت نجي باچر نقرة الفاتحة؟
سما :- صفنت أفكر وانفاسي علت
وأسمع انفاسة السريعة عزف گلبي
باوتار أبتهاج عظيمة وانسرت روحي
رديت بهمس :- موافقة
سجاد :- گاعدين عمي وعمتي هسه نجي؟
سما :- ههههههههه
بقينا نحجي وهواية حجالي وكال من قبل احبج
وحاس بيج بس ردت تكملين دراسة حتى حياتنا
تستقر اكثر مع انه بالگوة متحمل ومن ورة التكتك
نفذ صبري وثاني يوم الصبح بلغت امي بموافقتي كلهم باركولي وجانو فرحانين وانطوهم خبر العصر وبليل اجوي قرو الفاتحة واجوي كل عمامي
وحتى ابو غمرة وكل شوية گايل
غمار :- ما مقهور غير ع سجاد متأكد قبل السبعة
لو يرجعج علينا لو يشرد منج
جانت ناقصة أمنية حرامات بالبصرة بس من كتلها
انصدمت اكثر مني وحيل فرحتلي وگالت بالخطوبة
اعوضج ومااعوفج ولا دقيقة .. الكل جان فرحان
النة واني فرحتي بيه حيل جبيرة يوم واحد غير
كل حياتي شگد جنت مأيسة منة وممتأملة بس غفلة
وتغير كولشي..!!
بعد مقرو الفاتحة اشتغلت الهلاهل والجكليت
وتناقشنا بموعد الخطوبة وحددنا كل هذي
التفاصيل جنت احلم بيها وية شخص واحد بس
والحمد لله لطف ربي جبير وحققلي حلمي..!!
طفوف… اليوم يوم السابع فـ مهران مسوي
عزيمة ضخمة اجة الصبح اخذني للبيت بعد
ما ودعت خواتي وكالن الظهر نجي وية ناصر
سلم ع ناصر وصعد الغراض ومصطفى بأيدي
أول ما صعدت بالسيارة گال
مهران :- هلا بأم مصطفى
ابتسمت بوجهة ورديت بحب :- هلا بيك ابو مجتبىٰ
مهران :- طمنيني عنج وعن مصطفى شلونكم
طفوف :- والله ابنك شلع گلب اختي أمنية صار
اسبوع سهرانة وياه وشايلته عني بس بوكت الرضاعة اخذة منها ماادري شلون راح ادبرها هسة وحدي
مهران :- ان شاء الله انة وجنان وامي وياج يعاوننج
بس لازم تتعودين وتطولين خلگج وياه
طفوف :- ان شاء الله اتعود شوية شوية
بس هو ابنك وكح من هسة مدري عليمن طالع
مهران :- لا علية ولا عليج اعتقد طالع ع اختج
ام افلام الرعب
طفوف :- هههههههه دارين
مهران :- فدوة لضحكتج ونذر
طفوف :- اسم الله عليك عمري
مهران :- راح اوصلج واروح بشغلة سريعة
وارجع قبل ميوصلون الخطار
طفوف :- ها بس لتتاخر گلتها وابتسمتلة بهدوء
مهران :- مشتاگلج
طفوف :- مو بگدي والله
بقينا نسولف الى ان وصلنا للبيت نزلنا سوة
وجانت هوسه بالباب هو بسرعة همس دنگي
راسج اني شايلة مصطفى ولابسه عباية اذا
ادنگ انجبح ع وجهي نزلت عيوني وامشي
فتح باب المطبخ دخلت ودخل ورايا باوعت محد
اكو هو بسرعة گال :- بويةليش ما تسمعين الكلمة؟
طفوف :- مو تشوف الولد بيدي وعبايتي شلون
ادنگ وامشي بلا حتى اوگع اني وابني
مهران :- هيه خطوتين
طفوف :- وهسه قابل شصار ليش عصبت
مهران :- انتبهي لروحج وللطفل رايح انة
وماريد وحدة منجن تعتب هذا الباب گالها وطلع
واني اخذت ابني ورحت للصالة استقبلتني جنان
سلمت عليه واخذت اخوها تلعبة واني وياها وياها
اخاف متعرفلة سهاد شافتنة حتى مسلمت مااهتميتلها قابل شتوقع منها وعمتي اني سلمت
عليها حسيت اسلوبها احسن وياية واخذت مصطفى وبقته بحضنها وتقرة عليه..
بدت العالم تجي وسهاد واميرة وجنان ع الشغل
واني ومصطفى گاعدين يم عمتي لان ميصير
اكوم واصلا مابيه توني جايبة والطبخ طباخين
برا يطبخونة والخبز اكيد من الخبازة مالتنا ياهيه
التجي تباركلي وتبوس ابو الصوف وتدلعة..!!
عاد واخيرا وصلن خواتي سلمن ع العالم وكعدن
بس مو يمي يستحن من عمتي يمكن اخذتة
وردت اگوم گالت عمتي :- وين رايحة
طفوف :- مرايحة هنا يم خواتي
ردت :- ها اي روحي... رحت گعدت يمهن أمنية
بسرعة اخذت مصطفى وباستة وگالت :- اووفيش
ابو الصوف ولك شلونك يمة يمة وهلا بيك من جيت
وگلوبات شعليت وباب الگلب مقفولة انت منين طبيت
گاعدين ع صفحة وبقينا نسولف جان تگول دارين
دارين :- انتن البارحة صدگتن بكل الگالته امي؟
أمنية :- ما صدگنا كولشي بس حسرتها ولهفتها
جانت واضحة يمكن عتبنا الوحيد ليش ماحاولت
اكثر وسعت علمودنة بس أمي مرة ضعيفة ولتنسن
الكل ضدها يعني حالها حالنا مالها سند صح تبقى
غصة بگلوبنا لان قدمت كل النحتاجة حنانها ووجودها وكولشي لاولاد زوجها بس ما بيدنا شي
احنا جنة محتاجينها وكابرنة بالبداية وبمجرد ما سمعنا الها بسرعة ضعفنا وتقبلناها لان من صدگ
رايدين أم وطول العمر بقينا بحسرررة أمنا
جان حجيها صدگ او جذب المهم تقبلناها
وترا احنا نعرف شاكر شنو فمااستبعد شي
وابوها شاكر الثاني واخوانها وشاكر وزوجها
وهي وحدها حتى اذا عدها قوة تنهار بنات صفو
گلوبكم وخل نفتح صفحة جديدة وننسى الماضي
ونبدي بحاضر احلى ليش منو من عدنا ما تتمنى
عدها أم؟؟
والدليل ع صدقها بس توفة زوجها اجتي تدور
علينا ماادري ليش مصدگتها وعندي شك واحد
بالمية اتجاهة الحمد لله أحنا هسه كلنا مرتاحات
بحياتنا ووجود امنا راح يريحنا اكثر الله يعلم
واحنا المانعلم بشي ليش نضلمها ونغضب ربنا بيها
وصدگوني الايام الجاية راح تبينلنا صدقها او كذبها
بتصرفاتها ولهفتها وحبها وهواية اشياء راح نعرف
اذا كلامها صح او خطأ فكرت احجي ويه شاكر
وافتهم منة بس اكيد مراح نحصل منة لا حق ولا
باطل وعمي حكيم ما دام جابها بيده النا فيعرف
بيها مضلومة لو يعرفها مو خوش جان ماخلاها تدخل
حياتنا واني متأكدة ناصر يدري وناصر مستحيل يخلي شي يضرنا
دارين :- صحيح ناصر يدري
أمنية :- خلاص لعد الايام راح ثبتلنا كولشي
ان شاء الله هسه يلا وخرن صار ساعة نتبسبس
عيب من العالم
طفوف :- زين اكلج احنا شون نلتقي بيها بعد
أمنية :- مو اخذت ارقامنا وكالت اكوم ازورجن
وحدة وحدة الله كريم ننتطر ونشوف
طفوف :- وليسألنا
أمنية :- جانت مسافرة ورجعت
طفوف :- خلصت العزيمة وطشت العالم واني
حسيت بتعب اخذت ابني وصعدت فوگ حتى
خواتي راحن نومتة ورحت سبحت بسرعة ورجعت
اني ردت انام جان يعيط رضعته سكت شويه ورجع
يبجي افتر بيه رايحة جاية يمعود ابو الغيرة بس اسكت ماكو بس يبجي..
بقيت اهز بيه مااسكت شلته بحضني وبقيت افتر
بيه سكت اني خليته بالكاروك عاط يربي شون
سالفة هذي وبقيت للعصر شايلته وافتر وهو نام
وبس انزلة يحس ويكوم يبجي تعبت حيل ونوم
منايمة وتعبانة زهگت فدنوب سحبت موبايلي
ودگيت ع مهران ما يرد حرگت الموبايل حرگ عليه
اني اريد ادگ انوب جان ينفتح باب الغرفة دخل بسرعة وگال :- خير بوية شبيج
طفوف :- نزلت دموعي وشلت مصطفى وخليته
بايده اخذة بسرعة گعدت ع السرير وخليت راسي
بايديني وبجيت
مهران :- ليش تبجين يا بوية شصاير بيج شي ؟؟
هو گال هيج بجة مصطفى
مهران :- يا يابة هسه اني اسكتك اسكت امك
طفوف :- موتني ما يسكت واني تعبانة وهو يريد
بس اشيلة..؟
مهران :- وعلمود هاي تبجين
طفوف :- لا والله ليش هذا مو سبب كافي
مهران :- ضحك وگال لا بوية حگج حگج
انتي نامي أرتاحي
طفوف :- وهذا الفصمة
مهران :- يبقى يم أبوو
طفوف :- شوون مو يمك خطار
مهران :- لا ماكو احد بس ولد عمنا انتي ارتاحي
ونامي وهمة ولد عمي يردون يشوفونة
طفوف :- ميتحمل لازم ينام
مهران :- انتي نامي معليج هو ينام يم ابوو
اهم شي شابع؟
طفوف :- اي مرضعتة
مهران :- يلا رايحين
طفوف :- مهران فدوة انتبه عليه
مهران :- اكيد بلاية ما توصين
طفوف :- اذا ماسكت جيبة
مهران :- ان شاء الله يلا بوية لا يضل بالج
وحاولي تغفيلج شوية
گالها واخذ ابنة وطلع واني بس خليت راسي نمت
حسيت ع روحي فتحت عيوني بتلكأ وباوعت
مهران نايم ومن اباوع الگة هذا الفصمة نايم
بنصنة بهدوء تام ونوم عميق ابتسمت ع هالمنظر
ودعيت من اعماق گلبي ربي يحفظهم الية وميحرمني منهم…!!
أمنية :- رجعت لبغداد وبدا العام الدراسي الجديد
وبلشت اداوم وغمار لزمنا خط اني وسما حياتي
ماشية طول هالايام امي كل يوم تخابرني احس
داتعلق بيها كل يوم اكثر شاكر وحمدية ع ماهمة
عليه.. وشاكر ميدري بأمي رجعت لان ساكت
اليوم خطوبة سما وملتهين ومخبوصين
رحت وياها للصالون وهي حيل فرحانة
الحمد لله سجاد زين وياها خلولها مكياج
ولبست فستان طلعت تخبل بمعنى الكلمة
هي اصلا هواية حلوة سما
سما :- ها شلوني
أمنية :- اللهم صل على محمد وآل محمد
تعالي اقرة عليج المعوذات
سما 😍
سما :- فرحانة حيل أمنية
أمنية :- يا روح أمنية أنتي ان شاء الله دوم الفرحة
سما :- تسلميلي ياااحلى أمنية
أمنية :- يلا نرجع حتى احضر نفسي
سما :- ماعندج شي بس تلبسين
أمنية :- اخوج اليوم راجع من وكت اشوفة اسويله اكل خاف يريد شي
سما :- يلا خل اخابر اخوية
خابرت اخوها شويه ووصل طلعت ام سما
استقبلت سما واني گبل لبيتي فتحت الباب
ودخلت جان وقت عشاا لان رادو الخطوبة بليل
دورتة ماكو دخلت بالغرفة لگيتة مشغل التبريد
والغرفة صايرة مجمدة وهو بطرگ الشورت ولا غطا
ولا شي ونايم وضلمة
بسرعة طفيت التبريد وشغلت الاضوية
أمنية :- غمار غمار گوم اصبلك عشاا حتى اروح
ما بقالي وكت
غمار :- ماريد سم طفي الضوة
أمنية :- دگوووم عاد بليل نام
غمار :- ماريد ليش مرايحة لسه مدام
أمنية :- بس ابدل واروح
گلت مدام ميريد خل ابدل طلعت فستاني
الاختارينا اني وسما أسود ويصير عدل
قصير للركبة وبدون ردانات وفتحة الصدر
بسيطة ولبست كعب احمر وشعري قصير
سرحته بالصالون واضافيري هم سويتهم هناك
باوعتلة بالمرايا صافن يباوع عليه وماحجة شي
انداريت عليه وگتلة هاا حلو
غمار :- متروحين بهذا اللبس
أمنية :- بهتت وگلت ليش شبيه محلو
غمار :- متروحين بيه وخلاص
أمنية :- ليش يعني شبيه
غمار :- دباعي شلون فاضح اكثر مما ساتر
أمنية :- هي حفلة بس بنات وكلها هيج
تلبس حالي حال كلها
غمار :- لتگوووووولين كلها انعل ابوهم لا ابو
الأنسل كلها طلعة لباب الغرفة بهذا اللبس ماكو
أمنية :- شبيك تعيط لعد شلبس هسه
وما بقالي وكت هسه بلشت الحفلة اروح
وهيه بس بنات لتخربها عليه
غمار :- اني مااخربها بس عندج خيارين
يا تغيرين لبسج
يا تگعدين هنا وتسكتين
أمنية :- صدگ تحچي والله مااغيرة
غمار :- براحتج
أمنية :- رايحة اني
غمار :- ماكو گلت
أمنية :- غير البس عباية واذبها هناك
غمار :- أمنياااااااا عناد لتعاندين
أمنية :- مااعاند وما اذبة شلبس اصلا
مكياجي واكسسواراتي وكلة ع هالفستان مرهمتهن
وكتلك ما بقة وقت وماعندي شي يليق
غمار :- هاي الملابس كومة الا هذا
كتلج من البداية متلبسينه ملحة لتلحين
أمنية :- شلت عبايتي ولبست شال وردت أطلع
عاط بصوت صارم رج الغرفة رج
غمار :- تعالي هنااااااا
أمنية :- شتريد
غمار :- عاط بصوت اعلى رجفني ونزل دموعي
تعالي گتلج رحت اجر بخطواتي وگفت يم السرير
هو وگف يمي سحبني الة ولزم الفستان من فوگ
وجان يشگة عليه ويهمس :- هذا اللبس الي وبس
دفعته بحرگة گلب ورحت المرايا اباوع شوون
شاگ الفستان بجيت بقوة هسه شلبس .. انداريت
عليه وگلت :- ماطول صارت هيج لعد مااروح
للخطوبة واذا سالتني سما اكوللها اخوج ما خلاني
اني احجي جان يدگ موبايلي باوعت للأسم
"سما"
أمنية :- باوعتلة بقهر ورديت ها سما
سما :- شبيه صوتج
أمنية :- ما بي شي
سما :- ليش الكل اجة ومداشوفج بينهم وتدرين
وجودج يمي اهم من وجود الكل
أمنية :- من گالت هيج ابد ما گدرت اكسر فرحتها
رديت عليها بـ جاية جاية شويه تعطلت بسبب عشا غمار دقايق واني يمج
سما :- دانتضرج ترا
أمنية :- سديتة منها ورحت للمرايا اعدل بمكياجي
وهو يباوعلي ببرود فتحت الكنتور وضليت أگلب
لگيت فستان هم أسود ويصير طويل والردن شفاف
وتصميمة بسيط لبستة طلع حلو ويه المكياج عاد
لبست عبايتي انداريت اباوعلة باوعلي ببرود عفته ومشيت وحيل مغثوثة منة...!!
دخلت مشغلين ديجي وكلها ترگص اشرتلي
سما رحت عليها بسرعة گالت
سما :- ليش ملابسة الفستان الجبتي
أمنية :- اخوج عرس عليه بعدين اسولفلج
سما :- يبووو زين باعي شكلي زين
أمنية :- تخبلين
سما :- باجية انتي؟
أمنية :- باوعتلها شون تفتهمني من نظرة
رديت عليها لااا ماكو شي شوية اخوج
غثني تعرفي غثيث عوفج مني وكومي
نرگص وگفتها وبقينا نرگص يم الكوشة
شوية واجوي اهل سجاد وسجاد بسرعة لبست
حجابي سما وگفت واجة سجاد باسها من راسها
وكعدو باوعتلة غمار وخالينة نفس الاسلوب
والتصرفات گلت بگلبي اني وصديقتي نفس
الضيم شگد طبعهم صعب
الحفلة حيل صارت حلوة ومرتبة لبسو الحلقات
ويا عيني ع فرحة سما وابتسامتها التشع
وحتى سجاد مبينة عليه الراحة.. فضت الحفلة
ع خير الكل راح بقيت اني وياهم نضفنا البيت
وبعدها صعدت وية سما حضرتلها الحمام لان تعبت
سودة عليه وفرشت فراشها..
سبحت واجتي دخلت بفراشها سولفنا شوية
وكتلها يلا اروح اني نزلت باوعت الساعة ب١
موبايلي وياي دزيتلة مسج "اريد أرجع"
ثواني وشافة ورد "طلعيلي"
رحت ترخصت من عمتي ام سما خطية جانت
بعدها گاعدة تشكرت المرة هواية مني وبعدها
خليت وطلعتلة..
باوعتلة بزعل ومشيت گدامة فتحت الباب ودخلت
بوجهي للغرفة نزعت الشال وشمرت العباية اريد
افتح قفل قلادتي ما أحس الا بايدين فوگ ايديني
كزبر جسمي فتح القفل واني ظهري صاير ملاصق
لصدرة حسيت بجمر انفاسة التلفح برگبتي…!!
أمنية :- غمار عوفني الظاهر نسيت السويتة
غمار :-اشش ولو يرجع الوكت اسوي نفس الشي
لبسج ممعقول وممقبول
أمنية :- كولش طبيعي بالنسبة لحفلة
غمار :- وشبيج بهذا طالعة احلى وأشيك گالها وتحركت ايدة بعبث ع معالم جسمي دفعتة بخفة
وگلت :- وخر عني
غمار :- واذا ما وخرت
أمنية :- انت تدري بروحك شگد صاير غثيث
غمار :- اي أدري
أمنية :- زين تدري اني اكرهك؟
غمار :- واني هم أموت بيج
گالها وسحبني لحضنة وبقة ع سوالفة اخير شي
استسلمت ورضيت
أمنية :- واذا عدتها مرة ثانية؟
غمار :- متتجرأين تعيدينها
أمنية :- زين عوفني أنام
غمار :- جوعااان
أمنية :- باوع الساعة شگد من كتلك
بوقت العشا گلت ماريد
غمار :- يلا راح انام ع لحم بطني ماريد شي
أمنية :- راح ادمع يالمسكين بس خل اسبح ع
السريع واطلع اسوي العشا
گلتها ودخلت سبحت وبدلت بدشداشة قصيرة
مريحة بعدها رحت للمطبخ سويت أكل شو
عصافير بطني گامت تسوي ويص ويص ويص
رحت وديتلة الأكل وگابلتة وگعدت أكلنا وسولفنا
سوالف عادية وهيج مشت الايام بين جامعتي و
بيتي وابو غمرة لسه مصار عندي حمل والحمد لله
على كل حال...!!
احنا واهل غمار علاقتنا طيبة وكل اسبوع نروحلهم
ماعندي شي وياهم حيل طيبين وسما مستمرة
وية سجاد وعلاقتهم طيبة .. وامي بديت أنتمي الها
فعلياً لان بكلامها واسلوبها أقنعتني ان كل الصار
رغماً عنها..!!
دارين…ودعت أمي الجانت جاية عليه بعد ما
راحت لطفوف ودخلت جوة هي دائما تجينا
وحيل تحبنا وباليوم مرتين تخابر تسأل وتحب
أطفالنا والأهم حسستنا بحنانها وحبها النة
يوم بعد يوم تقوة علاقتنا ونتعلق بيها أكثر
دخلت للغرفة لگيت ناصر شايل سند بحضنة
دارين :- حبيبي الولد نايم رجعة لمكانة
ناصر :- عوفيني دارين مشتاقلة گالها
ودنگ راسة يبوس ويشم واني فرشت فراشنا
بقة فترة ورجعة لفراشة
دارين :- خل نتابع فيلم
ناصر :- ماريد شي بس أريدج گالها واخذني بحضنة
ناصر :- دارين
دارين :- يا عيون دارين
ناصر :- أحبج شايفة عيوني لج انتي
عيوني الاشوف بيهن
دارين :- واني هم اموت بيك
ناصر :- ذبلت عيونة بلع ريگة وتقربلي
بلهفة تختلف عن كل مرة بحيث معافني
الا سند خبص الجو بالبجي...!!
ومن سكتة اخذني بحضنة ونمنا ثاني
يوم كعدتلة من الصبح سويتلة ريوگ
گال عندي أنذار عادي دائما يطلع انذارات هو
بس مادري ليش هالمرة أنخمش گلبي اكل شوية
فدنوب وگام توضا وصلة وخلة فلوس وراح
للغرفة بالربع ساعة هو صافن ع سند وكل شوية
يدنگ يبوسة.. بعدها طلع برا طلعت ورا التفتت
حضني كل قوتة حسيت يريد يدخلني بقفصة الصدري
دارين :- حبيبي بيك شي
ناصر :- دارين انتبهو لنفسكم وتذكري دائما
اني وياج دارين
دارين :- عيونها
ناصر :- دنگ ع شفايفي باسني بعمق ولهفة
ابتعد وگال أنتي الي أوعديني متصيرين لغيري
گالها وعيونة غرغرت لزمت وجهة وگلت
اوعدك والله بس شصاير ليش هيج تحجي ناصر
عليك الله اكو شي؟
ناصر :- هزا راسة بلا وگال.. أحبج يا أميرتي أنتي
گالها ومشة وفتح الباب وقبل ميطلع التفتتلي
مبتسم جر نفس قوي وخلة وطلع…!!
يتبع…
حبايب البارت الجاي راح يكون الاخير وراح يكون
قسمين وحيل طووويل ف موعدنا يوم الجمعة بس
تأجل للسبت لان احداث كثيرة واشياء هوايه لازم
تتوضح ارجوكم لتضغطون عليه وخلوني اختم القصة بدون ولا علامة استفهام وبالشكل المطلوب
فأحتاج وكت حتى اسرد كل هذا وان شاء الله اكون
عند حسن ظنكم❤️
انستا 👇🙊♥️