ثلاث دمعات

بارت 54

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 54 -

يگلها :- وانة العنيد الصرت حبابج🖤

صفن بعيوني واحس ذبلت عيونة بلعت ريگ
بتوتر من نضراتة ونزلت راسي وررجعت رفعته
نفس نظرتة نزلت عيونة ع شفايفي بسرعة
بعد نظرة عني جر نفس بتعب وتنهد بعذاب
وگال :- واخيراً يا أمنيتي اليوم راح تصيرين
ملكي.....!!

رجفة سرت بكل جسمي من گال هيج ركزت
عيوني بعيونة وأبتسمتلة من أعماق گلبي
وانفاسي صارت عالية لزم ايدي بين ايدينة
ركزت شون ضاعت ايدي بين ايدينة شگد
عالم حواليني بس عيوني مترضا تشوف غيرة

شوية وطلع القاعة جانت حيل حلوة وواسعة
سما ذبت لحم مشغلين ديجي وترگص هي
وبنات عمها وصديقاتنا وطفوف ودارين بس يصفگن
ميگدرن يرگصن خطية اباوعلهم واحد واحد
واتنفس بفرح احلامي دتتحقق وتخيلاتي
داشوفها بعيني والفرحة مستقرة بگلبي..

تقريباً مرت ساعة دخل غمار وأبو وناصر
وعمي أبو ناصر الأنصدمت بجيتة وانسعدت بنفس
الوقت سلمو عليه وباركولي سألت دارين
شعجب دخلو كالت ناصر يكول ماكدرت مااجي واباركلها حيل فرحت وبعدها راحو وگعدنا
ولبسني ابو غمرة الذهب وكلما ايده تطخ جسمي
أرجف هو حس ع أرتباكي من ديلبسني القلادة
تقرب من أذني وهمس :- ليش دترجفين

تسارعت نبضات گلبي وهمست بنفس النبرة
ماكو شي شويه باردة
باوعلي بعدم تصديق بس سكت شگد تعودت
عليه بس من اتذكر سالفة الزواج يصيبني توتر
بعدها كمنا ولزمنا السكين قطعنا الكيكة
واخذولنا صور يم الكوشة وحدنا وبعدها صورنا
ويه الكل..

صح عاقدين بس منحرمت من حلم العرس
ويووالي عرس من صدگ جنت تحلم بيه..

غمار :- يلا يابة مو زين الضوضاء ع أمنية اكثر من هيج ماريدها تنتكس
من گال هيج گالو يلا نزفهم وصارت الهلاهل بفلس
واني كمت أرجف ومغصتني بطني لزم ايدي وضغط
عليها واصبعة الإبهام يمسح ع ايدي بهدوء حسيتة
حس بيه حركتة هذي شوية هدت من روعي بعدها

طلعنا والهلاهل واجواء الفرح حيل حلوة
غمار :- نزلي راسج
أمنية :- نزلت راسي مدنگة وامشي وهو لازم
ايدي فتح باب السيارة واجتي سما ودارين
ساعتين يدخلن بالبدلة هلگد ما منفوشة
گال غمار بزهگة :- ما فرجت
سما :- يلا كملنا

راد يصعد غمار لزمة ناصر من ايدة
ناصر :- هاي أمانة عندك وهواية تعبت اريدك
تصير راحتها مو تعبها ماريد بيوم تجي
تشتكي منك
غمار :- لا توصيني عليها أمنية روحي
وماكو واحد ميخاف ع روحة

ابتسمت ع منظرهم سلم ع ناصر وعمي
واجة الشيخ مهران برزانتة وشياكتة يمشي
بهدوء سلم ع غمار وباركلنا والجامة مفتوحة
گال بلا ميرفع عينة بوقار :- الف مبروك أخيتي
ان شاء الله مهنايين
رديت بأدب وأمتنان :- تسلم شيخ ربي يبارك بيك

بعدها صعد غمار هو اليسوق وكل السيارت مزينة
مو بس مال عرسان الطريق كلة مزيقة ورگص
واصدقائة وولد عمة حرگو الشارع حرگ
زفة من العمر صدگ حلوة بالرغم ماشفتها كلها
كل شويه وكايل غمار نزلي راسج

جانت نهاية العصر لسه مصاير المغرب شفت
غمار والزفة مو باتجاه بيت غمار بغير مسار
سلكو طريقهم استغربت بس مسالت عبالي فندق
او من غير طريق نروح دخلنا بفرع اهل سما صابتني
دهشة شنسوي هنا ما طولت تساؤولاتي سرعان
ما لگيت الجواب من وكفت سيارتنا گدام شقتي
القديمة بسرعة باوعت لغمار وعيوني تشع..

أمنية :- شديصير غمار
غمار :- ماصاير شي حبيبتي بس اجينا لبيتنا
بيها شي
أمنية :- باوعتلة وضاعت الحروف مني اريد
احجي كلمة مااكدر طفرت دمعة من عيني ورمقتة
بنظرة حب عميقة
غمار :- ليش تضوجيني مو اليوم عرسنا بدون دموع
أمنية :- مسحت دمعتي بسرعة وابتسمت
اندگت باب السيارة وگال سجاد :- يلا يابة تشبعون
من بعض بس نزلو لخاطر الله

ضحك غمار وگال :- المرة هنا جان عرفت شحجي
سجاد :- انزل لك فضها مو حتى حضي طاح بعرسك
تجازيني عود بعرسي انت هيج
غمار :- غصبا عليك اغاتي
سجاد :- ممنون
نزل غمار واجتي سما هي وغمار ساعدوني انزل
نزلت وهوسة كلها تبارك وترگص جابو خروف وذبحو
جوة رجلي غمضت عيوني ولزمت غمار من زندة

كالو ادخلي برجلج اليمين دخلت وايدي بايده
دخلو خواتي وسما وخواتة وأمة ويانا للطارمة
هوسو شوية وهلهلو وبعد محد دخل
ام غمار :- يلا امي احنا نروح مااوصيك ع امنية خليها بعيونك وانتي هم يوم هالله هالله بأبني
تحملي صح طبعة صعب بس بايدج غيري
باوع بعدم رضا وگال :- شهالسمعة الزبالة

سما :- ويااهل القوط ذبو القوط ابو غمرة لبس قاطة
دارين :- كلوووووووووش
طفوف :- جيبولي كرسي مابيه اوكف
غمار :- بعد ادخلي نامي بغرفتنا شتگولين
طفوف :- ها بس دلوني وينها
غمار :- لاااا يا الله صدگت
دارين :- ههههه هي متعودة تگطع الليالي ع العرسان

غمار :- الا عرسي ابو ابوي انسلگ لحدما صارت اليه أمنية
طفوف :- قهرتني
دارين :- راح ادمع
سما :- اسمعوووو ها خوتي هااا
الكل :- هاااا
سما :- ابتسمت بأستعباط جان أگلهم
نسيت

دارين :- يلا خل العرسان ياخذون راحتهم
سما :- شعدهم الليل كلة عشا
غمار :- اللهم طولج ياروح
ام غمار :- شلعتن كلب ابني امشن طلعن
كالت اخت غمار :- يا يوم غير دنباركلة
غمار :- مشكورين والعباس كفيتو ووفيتو
بس حسووو گال الأخيرة بهمس هو وصاك
ع أسنانة..

طلعو بعد ما شلعو گلبة واني اباوعلهم واضحك
من طلعو سد الباب واجة عليه باوعلي
واتنهد وگال :- تضحكين
أمنية :- هههه اي اضحك عليك
لزمني بحركة سريعة من خصري وگاال :- مضحكة اني ولج
أمنية :- تلاشت أبتسامتي وحل محلها توتر باوعتلة
بعيون ذبلانة وميلت راسي مااحس الا رفعني من الأرض وشالني بين ايدينة..

غمضت عيوني ودگات گلبي الف تخلل أسماعي صوتة من گال :- فتحي الباب
فتحت عيوني بهدوء وباوعت للباب بس مديت ايدي
وفتحتة دخلنا وسد الباب برجلة باوعت للبيت
مأثتت جديد وبشكل كامل وحلو دخلنا للغرفة مشتغل بيها سبلت وعطر فواح وأثاثها يجنن واضوية خافته حيل..

قشعر جسمي برودة وارتباك نزلني ع السرير
غمضت عيوني وتذكرت من انكسرت رجلي
ونزلني ع السرير نفس الرجفة رجفتها وانفاسي علت
أبتعد شوية نزع سترتة وشمرها ليورة ودنگ عليه
صار وجهة بوجهي نفسي صار من حلگي
گال بعذاب ونبرة مبحوحة :- مرتاحة راسج يأذيج؟

هزيت راسي بهدوء بمعنى" لا "
تقرب مني أكثر بسرعة حجيت :- غمارر
غمار :- هااا گالها كأنة مديسمعلي
أمنية :- خليني أبدل ممرتاحة هيج
غمار :- أبتعد عني وگال :- خلي اساعدج تنزعيها
أمنية :- رديت بسرعة لا لا اني انزعها

غمار :- تكدرين
أمنية :- اي عادي
غمار :- اني بالصالة اذا احتاجيتيني صيحيلي
أمنية :- اي اكيد
طلع واني نزعت الحجاب تلمست راسي تمنيت
لو عندي شعر حيل يضايقني هالموضوع تنهدت
وبلشت انزع بالبدلة بعد عناء طويل يلا نزعتها
باوعت هسه شلبس؟!

رحت للكنتور فتحته وجان الكة ملابسي وفوگاهن
كومة ملابس اشكال والوان حتى سيتات افتهمت
ليش اغلب ملابسنا مجانت موجودة ابيت اهل غمار
صفنت افكر بيني وبين نفسي ع سيت أبيض مال عروسة ومترددة البسة أو لا بداخلي خجل وبنفس
الوكت شي بداخلي يگلي غمار هواية صبر وتحمل وياج وتعب عوضي بهاليلة وفرحي گلبة..

اتنفست بعمق وجريتة لبستة ونزعت العدسات
والرموش باوعت لروحي بالمرايا حيل حلو طلع عليه
يصير لنص الفخذ ستان وفوگا روب طويل شديت
الروب وناقصني شي واحد؟ شعري! أخذت الشال
الأبيض ولفيته ع شكل توربان ورشيت عطر وسميت
بسم الله وطلعت لگيتة متمدد ع القنفة مال صالة

شفتة والرجفة بيه مدري شبيه بووووووية
مو غماررررر فلك أگشررررررررررررررررر

باوعلي وبلع ريگة انوب هاي حركاتة توترني
نظراتة هالمرة جانت تختلف عن كل مرة
غمار :- العشا جاهز بالمطبخ تعالي نتعشا
أمنية :- دقايق بس اغسل مكياجي
غمار :- الله يساعدج حبيبي بدلة ومكياج وضيم
مدري شلون تتحملون انتو البنات احنا بنطرون وقميص وضايجين
أمنية :- رديت بقهر اي والله ضيم

غمار :- يلا بابا روحي
أمنية :- تمام گلتها بابتسامة ورحت للحمام
غسلت ومسحت كل المكياج وغسلت وجهي
بصابونة ونشفت وطلعت دخلت بالمطبخ لگيتة
گاعد ومبدل بشورت وتشيرت وموبايلة بايده بس
شافني ذبة وكال تعالي اكعدي كعدت مقابيله
جان العشا مشاوي احس بنظرات غمار تخترقني
متوترة حيل وفرحانة بنفس الوقت اكلت شوية وكمت هو ما حجة

رحت للغرفة صليت وتمددت ع السرير دخل ورايا بمدة طفة كل الاضوية وسد الباب كهرباء سرت بكل
جسمي ومن صارت صدگ صدگ خفت اجة
تمدد بصفي سحبني بسرعة ألة ولزم وجهي بأيدينا
انفاسة الغير منتظمة تلفح بشرتي ويهمس

بتعب :- وأخيراً صرتي الي أمنيتي بين ايدية
وراح تصيرين حلالي گالها ودنگ ع شفايفي يقبلني
بجنون وقوة نزل راسة ع رگبتي ونفس الشي واني
ارجف بين ايدينة حابة الشعور الداحس بيه بنفس
الوكت خايفة ع خجلانة

مااحس الا ينزع التوربان من راسي بحركة سريعة
لزمت ايدة بسرعة وگلت :- لا غمارررر عفية
غمار :- اشش
أمنية :- غمار
غمار :- شوكت تفتهمين اني احبج واريدج كما انتي
بشعر بدون شعر أريدج بكل حالاتج گالها وكام
يبوسني بوسات متفرقة ع راسي

كل لحظة يكبر بعيني اكثر واكثر ايدة نمدت ع شدة
الروب فتحها بهدوء ويهمسلي يطمني أندمجت وياه
ونسيت الخجل والخوف واخذني لعالم غير عن كل
عالم عالم حلو مابيه غير العشق شعوري رائع
بليلتها يداعب كل مسامة بية ويتغزل بكل تفصيلة بيه

عيشني ليلة ولا بالأحلام احلى ليلة بعمري
من جمالها وهول روعتها وشدة حلااوتها تكاد
تقص بحكايات الف ليلة وليلة ...
حسيت روحي مثل الفراشة أطير أطير بفرحة
عظيمة أمتلكني وصرت مرتة قلبا وقالبا
صرنا لبعض بعد معاناة وسهر ليالي مرة...

أبتعدنا عن بعض لفلفت روحي بالشرشف
وهو بدل وطلع بسرعة لبست سبح واجة
واني هم ورا رحت سبحت وأجيت أحس بألم
بس مو قوي اجيت بدلت الشراشف وهو گاعد
يدخن ونطراتة تتبعني شعور الفرحة البداخلي عظيم
ومبينة الراحة ع وجه غمار هم كام من مكانة
باسني من گصتي وگال :- مبروك
أمنية :- مبروك النا اثنينة

يوم ثاني اجوي اهل غمار وسما جايبيلنا الريوك
سألت سما عن خواتي كالت راحو بليل مقبلو يضلون
رغم شكد توسلنه بيهم تريگنا وسوالف حلوة
حسيت بالانتماء الهم حيل طيبين ويحبون الشقة
والضحك خطية كالو منريد نتعبج شويه كعدو وراحو

مشت حياتي حيل حلوة وبديت استرد عافيتي
شيئاً فشيئاً غمار گال السنة الجاية عيدي المرحلة
احسن وحتى لتعبين واني هم وافقت لان مابيه
حيل دراسة غمار زين يايه بس مرات يطبگن عنده
يحرگ الدنيا ع راسي ومن يبرد يجي يعتذر ويرضي
واني الفطيرة بس يكولي كلمة وحدة ارضا

مداومت بعد بالصيدلية بسبب صحتي شعري
مستمر يطلع وكاضيه هالفتره من حياتي
بين البيت والمطبخ ومرات غمار يطلعني وسما
دائما تجينا تبقى يمنا كم ساعة وتروح
بديت احس بملل لان متعوده ع قبل دوام
وشغل وقرايا فجنت انتضر جية الدوام بروح...

الحمد لله حياتي مستقرة وهذا اهم شي بيت
عمتي معندي اي اخبار عليهم وهيج الايام
مشت وغمار أروع ما يكون مرات احسه طفل
والله يجي بليل تعبان ويبقى يسولفلي واني
العب بشعره الي طلع اسرع من شعري ومرات
احسه رجال صارم كلمة مااكدر احجي وياه...!!

طفوف..
دنيا ليل ساعة ١٢ مهران نايم واني مشغلة
التلفزيون ع فيلم رعب ومرعوبة بس هاي
دارين خابرتني كال حشوفة وغصبا عليج.
تشوفينة وياية وميخوف فهو توة بده واني
بس اباوع بخوف ولازمة گلبي اخاف حيل
بس عود ردت اصير جريئة واشوفة ..!!

هو بدأ الأضواء سوده وأصوات ترعب
كمت اباوع ليورة وحواليني يمة اسم الله
كلت لا لا لازم اكملة دارين گالت ميخوف
شوفي قوي گلبج بالبداية ماكو شي قوي
راحت البنية نامت جان تطلعلها ايد بأضافير
طوال والجلد مجعد من جوة الجرباية وتجرها
وتعيط بوجهةة حيل

هي عيطة بالفيلم هي عيطة مني عطت كل حيلي
وكمزت بخوف ولازمة گلبي ومغمضة عيوني
مااحس الا انفتح الصوا واجة مهران يركض
والنعس بعيونة كال بخوف بالغ :- بيج شي الطفل
دتجيبين

طفوف :- خفت اكولة السبب اجة هزني من كتوفي
واني الدمعة بعيوني امداني سمعت كلمة دارين
وشفت الفيلم واني جبانة واخاف من هيج سوالف
للحمام بليل مااروح وحدي الا مهران وياية اكعدة
شجاني تخبلت اريد اشوف فيلم رعب هسه احسنلي
خوش نرعبت رعبه گلبي يدگ سريع گال بحدية
وقلق :- متحجين شنو هالعياط شصار

طفوف :- اشرت ع التلفزيون
باوعله وبقة مركز شوية جان يعيط بيه جفلني
فوگ جفلتي :- لشووكت تبقين طفلة واعلم بيج
لشوكت تدرين بروحج تخافين منو جابرج تشوفين
يعني هيج حلوة من نزلتي كلبي عبالي بيج شي
انتي لو الطفل تصرفااااات الجهال بطليها باجر عگبة.
تجيبين هالطفل يربيج تربينة

ع الاقل گولي خطيه هذا تعبان خل يرتاح
بنومتة تدرين بنفسج من الريشة ترجفين
كاعده تشوفين رعب ورعبتي روحج ورعبتيني
بهالليل استغفر الله يا ربي كليلي شسوي بيج هسة؟

هو لما كمل بجي اني غرگت الغرفة بدموعي
صدگ اني تصرفاتي طايشه ادري بروحي اخاف
شكو جايه اشوف عود سباعية
شهگت جان يگول :- ابجي ابجي حتى مااحجي
كلما اريد احجي تخرسيني بدموعج
طفوف :- شمسوية اني بعدين شلون مااشوف فيلم
حرام گلتها وامسح بدموعي

مهران :- هاي مو سوالفج ادري متتقربين الهالامور لان خوافة كليلي ياهو الگلج ع هالرعب هذا
طفوف :- اني ردت اغير جو واشوف فيلم
محد گالي
مهران :- عاااط طفووووووووف لتجذبين
گالها بعصبية ونفاذية صبر بسرعة گتلة
بخوف :- دارين والله مو اني هاي دارين

مهران :- لا إله إلا الله
تعالي نامي وبعد لتعيدينها ممنوع تباوعين هيج أشياء
طفوف :- باوعتلة بتمسكن ومشيت طبيت بفراشي
واقرة أيات حافضتهن واتعوذ من الشيطان تخيلت
ايدين تسحبني من الجرباية غمضت عيوني بسرعة
ورجفت هو طفا الضوا واجة نام وخله ايده ع عيونة.

طفوف :- مهران
مهران :- نعم
طفوف :- خايفة
مهران :- استغفر الله
طفوف :- حموت خوف
مهران :- اندار لجهتي وسحبني لحضنة دفنت راسي
بصدرة وگلت :- مهران
مهران :- اشششش

سكتت عنة وبقيت ع نومتي وكلما اتذكر اللقطة
انزعب شدعي عليج دارين صوجي اسمع كلامها
هي هايه لو تسولف وية الجن متخاف جاية من تالي
عمري اريد اصير جريئة مثلها امداني ع هالدگة..

يوم ثاني...
نزلت جوا ساعة ٨ الصبح اريد اسوي ريوگ
بلشت اسوي شويه ودخل بشير من باب الشارع
باوعتله مو طبيعي دخل من الهول عليهم
مهران وعمتي كاعدين اني شلت الريوگ ودخلت عليهم سلمت وخليته
مهران :- شبيك وجهك ما يتفسر شصاير
بشير :- طلگت خنساء

فتحت عيوني ع أوسعهن شهگت عمتي بصدمة
ولطمت ع صدرها وگالت بصياح :- شدتگول انت
ولك تخبلت صاحي ع الدتحجي شنو طلگت بنت عمك ولك
مهران :- اهدي يا يمة خل نفتهم شصاير شلون
تطلگها متحجي
بشير :- طلگتها وماريدها ولا اريد غيرها كرهتني
بكل النسوان ومن باجر اشيل جنطتي وارجع منين
مااجيت

مهران :- مو هيج الحجي بشير خل نفتهم اكلتنا
وشربتنا شصاير
بشير :- كول شما صاير ماشايف هيج بشر اني
لا بالكتل يفيد لا بالعيني والاغاتي لا بالتهديد
لك كمت اهج من البيت وانام بالسيارة من وراها
كل يوم مشكلة كل يوم هي وسهاد ملاخ وهارجات
البيت واني الواكع بينهن حتى ارد من شغلي تعبان
لكمة مايسولي وحدة تعاند بالثانية هاي تكول انتي
سوي وهذيج تكول انتي سوي.. واني عايش ع المطاعم

بيت وصخ استحي حتى اعزم جماعتي ادري
يفشلني بس مال عرك ويمة هاي التكولين بنت
عمك دمرت ابنج دمرتني دمار واخر شي اليوم
لگيته عدها حبوب تمنعها من الحمل واني ادري
بيها وحاس ما تريدني من تصرفاتها لو تريدني
وتحبني تحافظ ع بيتها وتصونة مو گاضيتها
مشاكل بمشاكل...

مهران :- الهالدرجة ممتفاهمين
بشير :- ماكو كل تفاهم بيناتنا واني مو صغير
واعرف الصح من الخطأ ومصلحتي اطلگ
وارجع منين مااجيت لعبت نفسي من الوضعية
ام مهران :- بهالسهوله تريد تطلگها شنكول لعمامك
ولك
مهران :- راحة ابنج اهم لو رضا عمامنا؟!

ام مهران :- طبعا راحة ابني بس ميصير يطلگها
مرتك غلطانة اكعد فهمها وعقلها بدال هالحجي
هذا الطلاگ مو هين يا يمة
بشير :- كل الديصير من وراج يايمة لهنا وحدج
ماتدخلين بحياتي بنت عمي ماريدها النفس عافتها
ولو يبقى يوم واحد بعمري خنساء بعد ماتصيرلي مرة

ما تعرفون شنو من حياة جحيم معيشاتني
مهران :- زين بأستمرار انتو ع مشاكل؟
بشير :- الله وكيلك كل يوم نفس الرنة
اكتل اعلم مايفيد كافي مليت وتعبت منها
كلما اطب تتلگاني المشاكل والعياط والصياح
من الاخير ما مرتاح وياها وشابع ضيم

مهران :- خل سهاد ترجع هنا وشوفو روحكم
اجوز هي السبب
بشير :- ياخوية خليني ساكت ماريد اطلع المضموم
مايفيد بيها صدگني لو اكو حل جان سويتة ماانتضررت بس اعرفها شنو من بشر
مهران :- هز راسة بتفهم وگال بهدوء :
هاهيه التشوفة صح سوي طلاگ طلاگ

ام مهران :- شدتحجي مهران عود انت الواعي
بدال متنصحة وتفهمة الديسوي غلط وطيش
تجي تزيدة
مهران :- مو صغير هو ويعرف يختار قراراته
ديگلج ما مرتاح ومابينا تفاهم خلي يطلگون ويروحون بحال سبيلهم لا اول اثنين ولا اخر
اثنين مو احسن ما يصير بينهم طفل ويتشتت بعدين
دامهم بعدهم خل ينفصلون وهمة مو صغار وانة
واثق من بشير يصبر ويتحمل لكن واضح طفح الكيل بيه وماعاد يتحمل اكثر

طال نقاشهم الفهمته هسه هي يم اهلها عمتي تجر
وبشير يعر ومهران يهدي الطرفين بس بشير
تحسه شلون يريد ينفجرررر من الأعصاب الواضح.
مجان اكو اي وفاق بينهم والله بشير درة مال الله
وماريد اضلم حضي وبختي بس مبين كل هالمشاكل
من تحت راسها

لان اعرفهن ومجربتهن هي وسهاد شرانيات وكارثة
الله ميجرعهن دزو عمامهم عليهم وراحو
من اجوي مهران كال هاهيه يتطلگون بشير قافل
يكول هذا حدي وياها وفعلا تطلگو وبيوم التطلگو
اجة بشير ووياه سهاد مرة ثانية للبيت

فرحت ببشير بس بسهاد لا خفت لا ترجع
مقل قبل وتكرهني بعيشتي مرو كم يوم
صح متشيل عودة من الكاع ومتحرك روحها
بس ماتحجي كافية خيرها شرها وبغرفتها
ومانحس غير ببشير يجمع اغراضة ويسافر شكد
قنعنا وردنا ماقبل كال ارجع هناك ماالي مكان هنا بعد ورجع سافر

حيل تاذت عمتي وكذلك جنان عليه وحتى اني.
جان مثل اخوية وحيل حباب وفكاهي الله
يعوضه يستاهل كل خير وبالنهاية اهم شي راحتة

بيت اهل خنساء ماعادو يحجون ويانا ولا يطبونا
ولا نطبلهم صار زعل قوي لان بشير طلگ بنتهم..

واني هسه مبقى شي وادخل بشهري ودارين هسه
بشهرها جنت احسب الايام لولادتي حيل
متلهفة ومتشوقة لجية وليدي للدنيا طبعا
من زمان صورت وبية ولد والحمد لله على كل حال..!!

دارين...
نايمة بليل فزيت ع وجع وتقلصات ابطني قوية
باوعت لناصر نايم ماردت اكعدة كلت خطية.
خاف اقلقة ويطلع ماعندي شي حسيت مثانتي
تريد تطگ گمت بسرعة للحمام عاضة شفتي بالم
وكوة صابرة مااعيط...

اني دخلت طگ مي الراس وزادت الاوجاع
عرفت داطلگ لحظات اشبه بالموت البطيئ متت
من شدة فضاعة الاوجاع كمت بيه مابيه ابجي
وامشي كوة دخلت للغرفة ولزمت ناصر من
كتفة وحجيت بألم فضيع :- ناااااااااااصر
داولد الحگلي فدوة راح أموت...!!

يتبع...