#بقايا_رماد
#جميلة_جاسم
مقتطف 1
اخر حاجه كنت نتوقعها اليوم هذا في حياتي اني البنت الي كافحت وشافت وتربت وكبرت من غير سند ...شعور بندم شعور بالاحباط شعور انه اني بالفعل كان انتقامهم وقدرو يحصلو عليه ...
كل تفكير في بالي ميساوي شعوري حاليا واني نشبح لروحي مقعمزة علي الكرسي وناس تضحك وتغني ...
بديت باسمه وانقرت الفاتحه قلبي غاامني وندعي انه لو عندي درة خير درتها في عمري ربي يسااعدني وينقدني من الي اني فيه... ويجيني الي حبيته وتمنيته وبنيت معاه اماال واحلام وين مشى وخلاني زيه زي غيره
وين اختي ...وين خويا...وين حنااي....وين امي بوي وين حطني الوقت....
شفت لحمودة جاي يمشي لبسته الصبح بدلة خدتها من الحايس لا مصروف ولا فلووس ...الي قدرت علييه...
حضني واني قمته جتني طووول جداي بارقة...
نزللي من حضنك وهذا غدوة بنسلمووه لخواله وانتي اسمعي كلمتي رااهو نردمك بتراب زي ما ردمت اختك وخليتها لا طايلة سمي ليبيا ولا ارضها...
شفتلها وقتلها
حسبي الله ونعم الوكييل فييك ربي يوريني يووم اسود فييك تو تشوفي الي نديرا فيك تسحابي تلوي درااعي بييه تو شوفي الي نديرا فيك ونعاودها واني بنت ذهيبة الدايحه.... لا علي بالك لفعى زييك تخلي حياتي تدمر .
اني الجحيييم بحد دااته اني الي بنوصلك للقبر ..
جتني عمتي انتصار تقرص فيا مع ايدي والناس تشبح.دايرين غدي للفاتحه ...
اسمعي مزبووط مش تسخابي اني انتصار قبل توة شغل العزوز والكنة انرببييييك من جديد ونخليك تحترمي جداك وعمتك يا مش محترمه ياادايحه يااا....... ياا......
بعدت ايدها وشبحتلها ... قتلها انتي تصكريي فمممك وتسكتي عقابها وحدة لساانها مزفففر كلام زي وجهك تعتبري في روحك عمتي وعزوزتي ...تيي نقتتل روحي ولا نعترف بييك وتصكرو فامكم كللكم واني مش متربية وروني كيف بتربوني
وكان عجزتو اني نربييكم ولا يهمكم ....هذا ما ناقص
خديت حمودة وخشيت لدار لا درت حساب ناس ولا عالم النار الي والعه فيا ما عند حد ... بدلت قفطاني .سكرت علي روحي في الدار متمنية نرجع لحوشنا متمنية نمشي مع بوي وسالم وربيعه...
كيف كل سنة نضعف اكثر كل سنة نحس انه جليلة جت لدنيا باش ينتقمو منها.... العداوة الي بين ربيعة وسالم وجداي نجو منها وطحت فيها اني ....
مقتطف 2
ديرلي حللل معقولة مافيش واحد عنده واسطه كيف انته تلعب عليا هكي مع منو انته السبب في دمار اختي وخوي انته
واني مش مسامحه روحي طلعت معاك ومشيت
ولا ناسية دموعها وهيا اتقولي اقعدي معااي متخلينيش اني خايفة
كيف درت في عمري...انته تبي تقعد اهني سفررني اني وطلقني
...ومن بيسفرك هو انتي برووحك مطلووبة شن اني خشيت عملية وضربت ابرة لراجل سممته وقتلته...
اني هربتك من ليبيا احتمال لو قعدتي وقتها كنتي محبوسة ولا قاتلينك المليشيات... وبعدين انتي جاية لغرض دراسة بعتة دولية وتبي تقري وتكملي هذا كان اتفاقنا
تبي تقعد غادي ولا تروحي اول من بياخد بتارهم اولاد الشيباني ليبيا مش زمان متاع القيادة والبدلة العسكرية والافكو والجو المليح ....والا تطلعي من غير شاربة وعادي....
ليبيا اليوم غييير تبي تمشي يمسكوك المليشياات واهو صغارك قدامك منو ليهم اني يوم قعد وغدوة مقتول وراك
اهو انقوولك لو بتروحي المليشيا الي نحكيلك اعليها ايدروك تخدمي علي اهل المتع والدعارة . استغفر الله العظيم ..
خلييني ساكت .تخلي الواحد يتكلم قدام الصغار ...اماليك دمروك ودمرو مستقبلك وتقولي كله منك
قعمزت نبكي ..والصغار يشبحولي وين صفت بيا الدنيا ...كيف اني وليت هكي....وين السند راح ومشي ..
كل بنت من بناويتك ياذهيبة طاحت في ايد مترحمش....
طلع وسكر الباب بقوة...معش عندي حل تااني الا هوا...ايسااعدني
قمت التليفون ...وقعدة حافضة رقمه من اخر مرة ....حطيت علي الفايبر لقيته متصل داير صورته شعره كله شييب ..وعيونه ذابلة...
قويت قلبي وقلت تخيلي روحك في سنه 1997 وقعدة بمشااعرك وكلمي
ضبح طول فتح الخط لاني دايرة صورة صغاري علي الفايبر عرفني .
وجاني صووته وقال من سنة 2000 واني نستنى فييك اطقي بابي وترجعي ربيعه الي نعرفها تحتمي بيا قبل غيري
بكيت بجد معقوله انا نخون في وسام ..شن دايرة في عمري....قتله نبيك تسااعدني وتنقدني من الي اني فييه نبي نولي بنت 15 سنة معش نبيها حياتي هذي.....
مقتطف 3
سلاحي في ايدي وشادة مع وجها ولحيته وعيون سالم وجها بين عيوني ....
تعرف البنت الي خديتها وداير روحك قاري فاتحتها توة اطللللقها وتخطاها ..يااااسرسري ياكلب...والا اقسسسم بالله العظيم....الجتة غدوة نلعب بيها لعب في طريق الشط ..
ونخلييك زيييي الكللللب ولدد الكلللب تتمنى من ايسااعدك ويجي يقييمك من ارضك يااسااافل ياااعاار
احلللم انا خديتها ومرتي بالشرع ورييني شن بديير ..
تعرف شن بندير وله وقتلك قبلها...شن بنديير.... ضربته بالكنداك علي راسه ....
ركبته في السيارة من الخلف وسكرت علييه الكوفني...
نفضت ايدي وعدلت التيشيرت ....فتحت الباب الخلفي حطيت السلاح...وركبت...طول الطريق واني نفكر...
كيف نقدر نكمل الي بدى بيه سالم....هذي بنت سالم وبنتي انا من بعده ...
امانتة راايحه من ايدي ..واني مقعمز لو كان نعرف وين مكانها بس
وصلت لاستراحه ...خشيت حطيت المفاتيح وخليته في السيارة ...
اتكيت علي الكنبة....وقايم راسي لسطح ...لين رن تليفوني
خديته من علي الطاولة...
ااه لطفي كيف الحال اييييه
بااهي هوا هكي قاالك .....ماهو قلهم خاطم عليكم الصبح مالقتكمش يااجلوود يااعجل انته ويااه
عطيني رقمه ابعتهولي تو انوري فيته من وين طالع فرخ الحرام هذا يلعب مع شهاب...
رقدت ووخليته الكلب في السيارة ...نضت علي صوت طقان الباب متاع الاستراحه ...
لبست التيشيرت ومشيت فتحت الباب...وانصدمت
انتي شن اديري اهنييييي
مقتطف 4
عيوني في السطح وحاس انه العدالة خدت حقها مني اني بس...نفكر في ناسي واماناتي وعيشتي ومستقبلي...
الي ضاااع كيف وصلت لممكان هذا محبوس وراقد سنة ونص ونستنى امتي نطلع ...
مجرد تفكيير بعدين نقوول معليشي تحمل انته رااجل
المهم انك خلصتها من همها المهم طلعت هيا منها وانته تقدر تتحمل...
لبست شبشبي ومشيت قعمزت جنب العارف راجل كبير محبوس معاي مش عارف من وين جاياته مصيبة احرف مني...
العارف....العيون اليوم مجلجلة بالاكحل
خليها في القلب وين ماشية بيا الدنيا ياعمى مش عارف ...
العارف...قداش قعدلك وتطلع
شهر ونص ونحس فييهم سنيين علي رقبتي ...توة دولة تبي تقنعني عندنا حبس وقانون...هما كلاب الدم شادين لبلاد اخر حاجه نفكر انه ليبيا ليبيا نفسها...
للحكاية بقية
جميلة جاسم