#بقايا_رماد
#جميلة_جاسم
ما عندي نفس لاتخون غلاها ....
ولا تروم جافي بلا سبب عاداها
عاشت مع اللي يعرفو مبداها ...
لها قدر منهم كل وقت ايجيها
نافكرتي اتعبر علي معناها....
ماانلومها تحكي على ماضيها
الدنيا علي كل حال جربناها ....
عرفنا وفاها ونقصها اللي فيها
______
ربيعة....وقتها حقد العالم تجمع في قلبي ....عااااام كامل من الغياب تزوج وبيجيه ولد ولا بنت ويكلمني ويبيني نرد اعلييه وين صاارت حتي العقل ما يقبلها...
ايدي علي سماعه التليفون ...وصوته يتكلم
عماد....ربيعه..ردي علياااا تكلمي وريحيني ....ردييي
ربيعه...ساكته وكل دكرى تفكرتها كل حاجه حلوة معاه فكرتني بيه ..قلبي بدي يضعف خلاص نبي نرد عليه ومش قادرة نبي نقووله كيف قدرت تسيبني واني قلبي ايحبك مقدرش ينسى ..لدرجه انه عيوني دمعو ...
معش قدرت ..سكرت السماعه في وجها ...
وخشيت لدار نبي نستجمع رووحي ..نحيت وشااحي وحطيت المدكرات ...... ونمشي ونجي بين الدياار ...
رجع رن التليفوون من جديد ... واني درة صبر معش عندي نبي نقول كلام في خاطري نقول فيه كل ليلة لو كلمته هكي بنقول ولو تواصلت معااه هكي بنسمعه
فتحت وحطيت السماعه علي ودني وهو من جديد
عماد...ربيعة اقسم بالله مستحيل نفكر في غييرك تزوجتها نبي ناخد الجنسية ونرد ليبيا ونتزوجك ونجيبك اهني حياة حلوة وعيشة حلوة...اني علي خاطرك كله لو تعرفي قداش متعذب من غيرك ...
الليل كله نتفكر في كلامنا وايامنا...
ربيعه...انته وااحد كذااااب عااارف ....اني نادمه علي قلبي عطيتهولك نادمه انه يوم علقت الامل بييك ...
مصدومه اصلا انته ولد خالتي وهكي ادير فياااا...
تعرف لو ايصبوووك ذهب وفضة لو يخيروني بينك وبين مختاار حنختار مختااار وانته لااا ....تعرف تنسى حاجه اسمها ربيعه ...اني بنت اصل وفصل منبيش نغلط فيييك ..لانك ولد فجر هذا شي ..ولانك صااحب سااالم...
لاكن كلمه مني لييك من قلبي طلعت....مش حنساامحك علي كل امل علقتني بييه....مش حنساامحك وضلمك ليااا حيلحقك عمرك كله....
ايجي يوم يااعماد يا ولد خالتي ...وتندم ايجي يوم وربي يااخد فيك الحق. ..انسان متحطم من دااخل انته احقر شخصية شفتها انته ...
ازفت شخص تعرفت اعلليه ياريتك مش قريبي
...تعرف مختااار وله ارجل منك اقل شي دخل جيش وترجل ولا انته الي هربت برا من البلاد زي الجبان ...وتزوجت ... وتقول اني معنديش حيلة انته مش قد الحب انته احبن من انك تحب بنت وتتزوجها
تنسى حاجه اسمها ربيعه لا قسما بالله تشوف وجه تاني ليا الحمد الله الي ما تزوجتك ولا هكي صار فيااا ....
أنت تقرأ
بقايا رماد
ChickLitبين احدات تمضي واخرى تعاد ...بين جيل راحل وجيل يأتي ....ناري تصبح رمااد وجمري يصبح هبااااء منثور ...واعيش بين رماد السنين وناار الالم.... قصة جديدة بعنوان بقايا رماد 1997 بقلمي انا الكاتبة جميلة جاسم
