بقايا رماد

البارت 12

#بقايا_رماد

#جميلة_جاسم

ربيعة...لحضات اشبه بالحلم ايد مختاار علي شعري...واني نعييط بصووت عاالي ... منعرفش كيف جي ومن وين وشن سمع....

دفيته...وخشيت نجري نطايح وهو ورااي....ونسيت انه اني في الحوش برووحي.....

وقف.... ويشبحلي وعيونه حمر...

مختاار ...اني تخلي جداي تتبرى مني انيي مختااار تضحكي عليا وتوصلي جداك للموت .. انتي شني ..شيطاااان انتي شيطاااان .....
اليوم نوريك بنت ذهيبة الذاايحة اللعب والضحك علي مختاار...

ربيعه...وقفت بعيده علييه....قتله انته من كل عقلك جايني في الحوش علي خاطر جداك تبرت منك...لو كنت رااجل حق مش تمشي فييك براايها ..اني ربيعة بنت ذهيبة الدايحه وريني شن بديير. ..

قرب مني ودفل علي وجهي ..الي اليوم مننساش الموقف...وقالي

مختار...اني عطيتك عيووني ..اني حبيتك بقلبي وبصدق ...تعرفي وله اني مختاار الضابط وشن معنى ضابط طلعت اشرف منك ...انتي بنت دايحه بالفعل بنت ......

ربيعه....علي منو بتضحك تضحك عليا اني....ولا علي جداك رافعه راسها بواحد علي اساااااس  ضابط...اني ولاااا ننسى موقفك لما خشيتلي.  في دااري فحوش ذهيبة الدايحه الي عندي ...وشن قتلي .  ولا ننسى نذاالتك لما حطيت سالم في الحبس ..ولا نسسى ضحكم علينا واستغليتونا...

خليته وااقف وعيونه فيا ....قالي ..

مختاار...حتندمي .. طول عمرك وتتمني مختاار يستر اعلييك ويتزووجك وقتها اني بنرفض وتقعدي هكي... لا زواج ولا صغار

ربيعه....لحضات خوف ورعب. ..خشيت لداار وسكرت علي روحي...وهو يضرب برجله. افتحيييي

..خديت التليفون...كلمت بوي. ..رد عليا ...قتله تعال ولد خوك يبي يعتدي عليا ...معش سمعت من حشمتي سكرت التليفوون ...

منعرفش كيف قدرت نقولها لبوي.... وقف علي ضرب الباب برجله ..

مشيت قربت نسمع فيه يكلم في جليلة ...

مختاار....تعالي معااي جليلة...بناخدلك العااب... وحاجات لربيعه ...

جليلة...اني ما نركبش معاك انته وااحد مش كويس تضرب في ربيعه والله انحرش فيك بوي وعمي تو تشووف جليلة شن دير ..

وهو يفاوض فيها ...تعاالي اهني.... وهيا تعيط اعليه

ربيعه....واقفه وندعي بوي ايجي يشبحه...لما سمعت عيطة جليلة.   طحت في مكان.   نفتح في الباب وخاايفه المفتاح ايطييح ..

فتحته وطلعت لقيته قاايمها وركبها فسيارته واني نعيط في نص الشاارع... شبحت سيارة عمي حسين وبوي. .جايين واني في نص الزنقة والي ما يتفرج يشري......ونعييط...