#مدحت_وسمر الجزء الرابع
ابويا نزل من امبارح يوصل مدحت وأمه ومرجعش لحد دلوقت والزفت مدحت مش بيرد عليا وامي هيجرلها حاجه
الحجه أنصاف : بعد السنين دي كلها يا حنفي تطفش وتسيبني
سمر: يا ماما متقلقيش ثم إنتي زودتي العيار حبه فتحتي راس الست ورشيتي عليهم مايه من البلكونة
أنصاف : يقوم يسبني بعد السنين دي كلها علشان عروسه المولد دي
سمر: بصراحه الست زي القمر مفيهاش غلطه
أنصاف : إنتي معايا يا بت ولا معاها
سمر: يا ماما ابويا معذور بردوا عاش مع اتنين رجاله طول عمره ما صدق بقى
أنصاف : أنا راجل يا بنت .......
سمر: بطلي بقى الشبشب الطائر بتاعك ده مبقاش في وشي حته سليمه ..... استني ده الوأد مدحت بعتلي رساله
مدحت : ازيك يا سمر وإزاي طنط جفاف
سمر : جفاف في عينك فبن ابويا ياااض عملتوا فيه ايه
مدحت : إنكل حنفي نزل مع مامي راحوا يعملوا شوبينج
سمر : ابويا أنا بيعمل شوبينج ده مبيعرفش يشتروا كيلًو طماطم
مدحت : اها والله ذه إليّ حصل
سمر: وكان بايت فين من امبارح
مدحت: فضل سهران مع مامي لوش الصبح سامعهم بيضحكوا طول الليل
سمر : وانت فرحان بأمك وهي سهراته مع راجل غريب
مدحت : لا مش غريب ده إنكل حنفي بقى بِنَا عيشره
سمر: عيشره ايه يا لاا ده انت لسه عارفه امبارح
مدحت : بصراحه دخل قلبي خلاص وحبيته
سمر: اسمع يا مدحت احنا أصحاب آه بس ابويا لازم يرجع البيت أمي هيجرلها حاجه
مدحت : عاوزاني اعمل ايه يا سمر أقف قذام عصفورين بيحبوا بعض ده أنا سامعهم امبارح خلاص بيتفقوا على الجواز
سمر : نهارك اسود انت وأمك ده أنا ادخل فيكم السجن
مدحت: إنتي عصبيه ليه خدي الأمور ببساطه
ده أنا بحلم طول الليل وفرحان
سمر : بساطه ايه بتقولي ابويا هيتجوز أمك عاوزني ازغرط وحلم ايه ذه إليّ مخليك فرحان
مدحت: حلم حلو اوي يا سمر تخيلت ان أنكل حنفي اتجوز ماما وخلفوا بيبي صغير عارفه ده معناه ايه
أنا وإنتي هنبقى اخوات تخيلي كده معايا
سمر :صدق تخيلت وقتها ايه إليّ هيحصل
مدحت : ايه يا سمر احكيلي
سمر: صواركم في صفحه الحوادث، تقب وتغطس وتجبلي ابويا
مدحت: وايه إليّ يوديني البحر دلوقت ؟
سمر: يا بني مين جاب سيره البحر
مدحت : إنتي بتقولي اغطس يبقى افهم أنا ايه
سمر: يارب يا مين يناولني زماره رقبتك
مدحت: هتعزفي عليها لحن ايه؟
سمر : لحن الوفاء ياروح أمك
مدحت : استني تقريبا جم ومعاهم شنط كتير
سمر: طب قوم شوفهم وخلي ابويا يكلمني
مدحت : الله شكلهم حلو اوي أنا فرحان بيهم
سمر : اخلص يالاااا
مدحت : قولت لأنكل نوڤي بيقولك بعدين
سمر : إنكل مين ؟
مدحت : نوڤي سمعت ماما بتدلعه وبتقوله كده
سمر: بتقول لمين؟؟ ابويا أبو كرش ده بقى نوڤي ازاي
مدحت : مامي جبتله بيچاما تجنن وبتعمله المتجوزه بتاعته
سمر : بيچاما !!! متجوزه ايه دي
مدحت: ايوه إليّ بيتحط عليها الفحم دي
سمر: هو قاعد بيشرب شيشه كمان واد يا مدحت اوعى تكون أمك لبسه بلدي وهترقصله
مدحت: يخربيت عقلك عرفتي ازاي
سمر : اروح أقول لامي ايه دلوقت ؟
مدحت: خليها تيجي هتنبسط اوي
سمر : يلا يا اهبل يالي ابويا شقط امك وقرطسك
مدحت: ههههههه قرطسني هيحط فيا لُب وسوداني
سمر : البعيد بااارد معنذكش نخوه
مدحت: نخله ايه إنتي نفسك في البلح ههههه
سمر:ما انت صحيح مش راجل
مدحت: بصي مش هرد عليكي إنتي متعصبة
وكمان عامل مسك لبان نعناع ع وشئ عشان مجهد
سمر: أنا بقالي أسبوعين مسرحتش شعري ومجهد من آيه يا نحنوح ده انت عاطل يالاااا
مدحت : مش قررت اشتغل واعتمد على نفسي خلاص
سمر: هتشتغل ايه يا نانوس
مدحت: لسه بفكر احتمال اعمل صاله فيديو جيم
أو بلياردو لسه مكررتش
سمر : ولاااااا اديني ابويا حالا لحسن قسما بالله اجيب أمي ونطربق البيت ع دماغكوا
مدحت : خلاص حاضر ثواني
سمر: أنا مستنيه أهو
حنفي: ازيك يا بت يا سمر
سمر: انت بتعمل ايه عندك افهم
حنفي : هكون بعمل ايه يعني بصي يا بنتي مش هلف وأدور عليكي أنا اتجوزت باكينام
سمر: نهارك اسود اتجوزت على أمي
حنفي: ده بدل ما تباركيلي
سمر: ده أنا هاجي حالا واجبها معايا وهنهني ونبارك .....يا ماما يا حجه
أنصاف : فيه ايه يا سمر
سمر: المحروس اتجوز عروسه المولد
حنفي : منك لله يا سمر عكننتي عليا يوم دخلتي
سمر: احنا جايين سلام يا عريس
حنفي : سمر بت يا سمر...قفلت
باكينام: فيه ايه يا نوڤي
حنفي : مصيبه سمر وانصاف جايين دلوقت
مدحت : أنا عارف انهم طيبين وهيجوا يباركوا
حنفي : يباركوا لمين انت عبيط دي هتبقى مجزره
مدحت: لا خالص ده احتمال سمر تعدي على محل الحلويات وتجبلنا حاجه حلوه وهي جايه
حنفي: مين الوأد ده يا باكينام
باكينام: ده مودي حبيبي الصغنن
حنفي : وانا بقول الوأد طالع اهبل لمين
باكينام: بتقول حاجه يا نوڤي
حنفي : لا خالص بس شيلي اَي حاجه ازاز موجودة واقفلي درج المطبخ إليّ فيه السكاكين منضمنش ايه هيحصل كمان شويه
مدحت: انت خايف كده ايه يا إنكل نوڤي ذه انت عريس والنهارده دخلتك
حنفي : لا وانت الصادق يا بني شكلها هتبقى خرجتي
مدحت : خلاص نخرج سوا
حنفي: مستعجل على ايه دقايق وهنخرج كلنا