استقبال فندق في الساحل الشمالي
مدحت : انا ارهقت اوي والشمس حراقة
حمادة: مكنتش متخيل يا مودي اننا هنتعب كده
مدحت: وخصوصا سندوتشات سمر حرقتلي زوري جدا وتعبت منهم
حماده : بالعكس ده احلى سندوتش بالزيت الحران اكلته في حياتي
سمر: انت با بني هتوقف ترغي كتير فين الاوض اللي هننزل فيها
مدحت : عمو المستقبل قالي اقعد ربع ساعه يا حبيبي هيدورلي علي اماكن فاضيه
سمر : عمو المستقبل وده بيبيع ايه
مدحت: ده اللي بيحجز الغرف
سمر : انا حاسه اني مش هرجع سليمه
باكينام : غمض عينك يا مودي وانت كمان يا حماده
مدحت: حاضر يا مامي
باكينام : فتحوا بقي
مدحت : الله عوامة بطه زي اللي كنت عاوزها بالظبط
حماده : جردل اصفر وجروف كمان ده انا هعمل بيوت واشكال جميله من الرمله ميرسي يا خالتوا
سمر: يا ولاااد المجانين
انصاف: بت يا سمر انا بدأت اشك في مدحت وحماده انهم مش مظبوطين كده
سمر : تشكي ايه يا ماما ده انا متاكده انهم استغفر الله العظيم
مدحت : تاخدي لفه معايا بالعوامه بتاعتي يا سمر
سمر : هركب فين لمؤاخده مش فاهمه
مدحت : لا هتنازلك عنها وانا هخاطر عشانك وانزل من غيرها
باكينام : لا يا مودي تعمل كده الميه تدخل في بوقك
مدحت: مش مهم اي حاجه عندي انا اعمل اي حاجة علشان سمر
حماده : وانا يا سمر هديكي الجروف والجردل
سمر : بابا ابوس ايدك رجعني مصر انا ايه اللي جبني معاهم
نوڤي: اومال انا اللي عايش معاهم في بيت واحد قربت اتشل خلاص
مدحت الكبير : تسنيم يا روحي عاوزين نجدد شهر العسل بتاعنا ومنضيعش دقيقه منفرحش بيها
تستنم : اكيد يا دوحه با روحي انا جايه علشان اخد تان واقضي معاك ايام معشنهاش
انصاف: ده عزرائيل متاخر عليكي من عشرين سنه ايام ايه يا وليا
سمر: ايه الناس دي ايه طا دماغي ياني
عامل الريسبشن : يا مودي بيه
مدحت : ايون يا عمو.
عامل الريسبشن : الغرف جاهزه وتحت امرك ممكن الكريدت كارت