مدحت_وسمر الجزء العاشر
حماده : عمو الظابط موجود عاوز اعمل محضر
امين الشرطة : عمو الظابط!!!..... اصطبحنا وصبح الملك لله وعاوزه في ايه
حمادة: المايوة بتاع مودي اتسرق وجاي اعمل محضر
امين الشرطه: مايوه. اتسرق صبرني يارب
حماده: ولا اقولك بلاش عمو الظابط اتا هدخل للمأمور
امين الشرطه: انت عبيط يا بني هتدخل للمأمور تقوله جاي ابلغ عن مايوه
مودي: اصلك يا عمو متعرفش ده اتاخد مني تحت التهديد يعني فيه سبق اصرار
حمادة: ايوووه شاطر يا مودي انا اخدت كده في الكليه مع الظبابيت اصحابي
امين الشرطه: ظبابيط!!!
حماده: ايوه انا النقيب حماده هـاني متعرفنيش
امين الشرطه: ده لو انت ظابط انا اقدم استقالتي حالا اقف عدل يلا انت شارب ايه
مودي : والله ظابط وريلوا الكارت بتاعك يا حماده
حمادة: نسيتوا في البيت يا مودي
امين الشرطه : يا عسكري دخلي الاتنين دول الحجز لحد ما افضلهم واعملهم حفله استقبال محترمه
حماده: حجز ايه انا حماده هاني وده مودي ابن خالتو باكينام
مودي : يلا يا حماده انت بتعرفهم بيا تعالى علشان نحضر الحفله من اولها
**************^^***************
باكينام: انا قلقانة على مودي اتاخر اووي
نوڤي : سبيه شوية يفك عن نفسه ويحس بالمسئوليه
باكينام : ده ابني الوحيد االي طلعت بيه من الدنيا
نوڤي: طب ما سمر بنتي كده ومش بخاف عليها زي المحروس ابنك دي ارجل منه
باكينام : يعني رايك اسيبه كده
نوڤي: اها طبعا سبيه يوم اتنين تلاته يعتمد على نفسه
باكينام : حاضر يا نوڤي هعمل كده
نوفي: هقوم اطمن علي سمر ومش هتاخر............ بت يا سمر
سمر : ايه عاوز ايه
نوڤي : حد يكلم باباه كده
سمر : باباه ايه يا عم الله يكرمك وايه اللي انت لابسه ده
انصاف : يكونش ده الهوت شورت ابت يا سمر
سمر : هو صح بس شايفه كرشه عامل ازاي
انصاف : ولبست ليجن ولا لسه يا نوڤي
نوفي: انتوا بتحفلوا عليا انتم الاتنين دي اخر صايحه في عالم الازياء
سمر : الله يرحم حماده زبادي اللي كتت بتاخر منه المايوه في بلطيم باربعه جنيه طول الصيف
نوفي: ايام وراحت لحالها انا خلاص اتغيرت
سمر: المهم جاي عاوز ايه دلوقت
نوفي : جاي اطمن عليكي ولو لسه باقي محشي عاوز طبق
انصاف : لا خلاص بح شطبنا
سمر: خلاص يا ماما بقي ثواني هسخلك طبق
نوفي: متحرمش منك يا سمر يا حبيبه بابي
سمر : متسوقش فيها لحسن اقسم بالله ما اعملك حاجة باباه وبابي
نوفي: مشوفتيش الواد مودي يا بت يا سمر
سمر: راح القسم هو وحماده علشان يبلغ عن المايوه
نوفي: لا معلش مش فاهم
سمر : لقتهم زعلانين قولتلهم روحوا بلغوا كتر خيري
نوفي: منك لله يا شيخه زمنهم متعلقين دلوقت
سمر: يلا خليهم يتربوا
نوڤي: انتي عارفه دول لو دخلوا الحجز هيحصل فيهم ايه
سمر: هههههههههههه عارفه
*******************************
حماده: طيب انت اخدت كل حاجه حضرتك معدش معايا غير المنديل اللي بمسح بي دموعي
حرامي في الحجز. لا ما انا عاوز المنديل
حماده: وامسح دموعي بايه طيب
الحرامي : مش شغلي
مدحت : استني يا حماده معايا باكو مناديل في مندلين
الحرامي : وانت ياض قلب نفسك
مودي: اقف على دماغي يعني
الحرامي : طلع ياض اللي في جيوبك
مودي : اه حاضر معايا لبان تاخد واحده
الحرامي : لباااان ايه يااض اقلع قدومك
مودي: هو ايه الحكايه كل ما اروح حته تخدوه هدومي طب هديك التي شيرت وسيب الباقي
الحرامي : لا كلها
مودي: خلاص سيبيلي الشراب اصله خالي عليا وعليه رسمه ميكي
حماده : والله لا اعرفك شغلك يا مجرم انا ظابط وهوريك
الحرامي : انت ظابط
حماده : ايوه
الحرامي : طب اظبط نفسك معايا
مودي: حاضر يا عمو
امين الشرطه: تعالى ياض انت وهو فين هدومكم
مودي: ادناها لعمو بس كتر خيره سبلي الشراب
امين الشرطه: يلا انت وهو قدامي في واحد جاي يضمنكم
نوڤي: اقسم بالله لا شفت ولا هشوف ظابط مهزق زيك
حمادة : والله لقفل القسم ده ومش هخليهم يروحوا هاا
نوفي : صبرني يااااارب
مودي: ايوه اقفله انت معاك مفاتيح كل الاقسام
