رواية جنون الحب الجامعي
#أمير احمد
+++++++++++++++++++++++++++++++++++++++
جبت ڪــلشي وعفت ڪــلشي ،
ومَدري شلوَن اجيت أمــشي !
اجيتـك ردت أڪــلك شوف ..
ردنـه نعوف ڪـلشي وماعرفنه نعوف .
++++++++++++++++++++++++++++++++++
ابراهيم : ريماس حبيبتي ما تحلى الصورة بدونج
ريماس : وكفني بنصهم ليش تضحك وياها
ابراهيم :همست ظلت لازكه و همزين اجيتي
ريماس : اي تريد تبرأ نفسك
سبأ : دكتووووررر خلي اوكف بينكم
ريماس : حبي اذا تريدين صورة وياي تعالي ناخذ باعتبارني زوجة دكتورج شفتها ضاجت كملت الحفلة رحت لغرفته ليش نازع الحلقة
ابراهيم : ما الها دور بحياتي
ريماس : الافهمه اني ما اليه دور بحياتك
إبراهيم : بالعكس متعبتني و هسه مرتاح انام اكعد براحتي اطلع محد يحاسبني
ريماس : إبراهيم ليش متغير صدك مو ذنبي والله راسي كان يوجعني اهواي
إبراهيم : ريماس هذا الموضوع انسد و خلصنا منا ماشي راح اطلع اطلبلج تكسي
ريماس : المن تطلب
إبراهيم : الج حتى ترجع الاهلج
ريماس : صدوك تحجي يعني حتى متخاف عليه ما اكو داعي عفته و رحت للحمامات دموعي تنزل
إبراهيم : قفلت الغرفة و دكيت على همام
همام : هلا كلبي
ابراهيم : همام طارق موجود اخاف عليها
همام : اي منتظرها هسه اخلي يدك عليها
ابراهيم : يله استعجل اشويه رحت كعدت بالكراج شفتها صعدت ويه طارق يله رجعت للبيت تعرفيني احبج و شلتي حبي و ذبيتي
مشكاة : وين بالك
إبراهيم : ها السلام عليكم ما شفتج
مشكاة : صافن و تحجي ويه روحك شفت الحب
إبراهيم : يا حب هذا
ام ابراهيم : طيح الله حظها و حظ حبها هي ظناها ما حافظت عليه تريدين تحافظ على حب رجلج
إبراهيم : اصعد ابدل هذا الحجي ما منه فايده
سبحت و بدلت نزلت اتغديت
ابو إبراهيم : اشوكت ترجع مرتك
إبراهيم : خلي ترتاح يم أهلها و ارجعها
ابو ابراهيم : ابني صارلها شهر اشلون عايش
إبراهيم : حجي على ملابسي اني اغسلهن و على اكلي امي ما مقصره خليني مرتاح
ابو ابراهيم : ابراهيم الله لطاك مره يطيك مره ثانيه و ثالثه
إبراهيم : يابه هذا الموضوع يقبض نفسيتي فترة و ارجعها بعدها جرحها اخضر تحتاج راحه
ابو ابراهيم : براحتك ابني
ابراهيم : مشكاة من تروحين للعيادة كعديني اريد اشوفلي سيارة لشوكت ابقه اخذ سيارتج
مشكاة: السيارة و صاحبتها جوه ايدك
إبراهيم : يحفظج الله بطه نمت
مشكاة : ابراهيم
ابراهيم : ريماس صبري
مشكاة : اكعد يا ريماس اني مشكاة
ابراهيم : ها خربطت اسف متعود
مشكاة : ما اكو مشكله اسويلك كهوه
ابراهيم : اي والله اصحصح كلشي بالغرفة يذكرني بيج و حتى عطرج بعده بالغرفة طلعت ويه مهيمن للمعارض
مهيمن : وين صفه بيك الدهر
إبراهيم : بالصحراء
مهيمن : والله كلششش مبين بالصحراء و بت كلبك بالهضبه الغربيه
ابراهيم : انت تريد تضحك و اني طالعه روحي
مهيمن : جنك ارمله فكها يا اخي مو زين تكشر
ابراهيم : عفت الضحك الك خلي اشوفلي سيارة تبهذلت
مهيمن : ازوج حتى نزفك بيها
إبراهيم : كافي عليه مرتي الأولى اجيب هم ثاني
مهيمن : بشرفي انت متعقد من النسوان
إبراهيم : عجبتني سيارة اتفقت ويه ابو الشركة و بقت يم المعقب بس يحولها باسمي و رحت الدوامي صرت اداوم حتى اكثر من دوامي لان بس ادخل الغرفة اشتاق الها
____________________________________
ريماس : صعدت بالسيارة و ادموعي تنزل
طارق : غير نفتهم اشبيج
ريماس : مختنكه اشوكت اتخرج
طارق : اذا اخلي راسج جوه السيارة والله محد يكلي ليش بابا اكو احلى من الكلية شوفي شكلي جني عمتي حمديه بدون الكلية
ريماس : انت ما شفتلك تعين
طارق : وين التعيين الا واسطه و اني سيارتي اهم من التعيين هههههه
ريماس : ابقه مخبل
طارق : الحجي شافلي شغله يم محامي اساعده حتى اتعلم منه بعدج ضايجه
ريماس : اي كولش بس راحت ادموعي
طارق : ولو اني مخربط بس عازمج على الغده اكو مطعم فاتحي جديد
ريماس : جددددد اوكه لعد راحت الضوجه
طارق : اي هيج بت ابوج صيري
ريماس : اكلنا بالمطعم و أخذنا فره و رجعت للبيت كبل سبحت و نمت كامت تمشي ايام و اني و ابراهيم علاقتنا شبه البدات تختفي و كمت اشوف هاي سبأ بكل مكان وياه بدأت امتحاناتي و كملت امتحان
سبأ : يا عيني يحبج كلتيلي و لسه ما رجعتو
ريماس : شعليج تدخلين بين اثنين متزوجين
سبأ : متزوجينننن اووي ان ذا اولد او بالماضي و الآن صار اليه لا تتفاجأين اذا بيوم لكيتيني خطيبته و انتي اوت بره حياته
ريماس : نشوف بس الرخيصه التضحي بسمعتها علمود انسان مزوج و مستقر عفتها و رحت بقيت انتظر شفتها راحت الغرفته
رؤيا : ترى مصختها روحي طيحي حظها
ريماس : هو راضي شعليه اني اكثر من مره حاولت احجي وياه و ما رد عليه خلي براحته حتى لو ازوج.
سارة : والله عليج كلب
ريماس : بنات رحموني ما بيدي شي اسوي و هو مو جاهل حتى ما يعرف يطردها كمت رحت يم الغرفه مالته
____________________________________
إبراهيم : يوم عن يوم اشتاقلها اكثر و اكثر بقت سبأ بنت دكتور ويانا تتردد عليه علمود بحث التخرج و التدريب اساعدها كملت امتحان و رحت الغرفتي
سبأ : دكتور عادي تحل الأسئلة وااااي خايفه حيل ما احس مجاوبه
ابراهيم : اي بابا تعالي
ريماس : جانت فتحه بالباب شفت راسها يم راسه و يضحكون و يتناقشون كلشي جان يسويلي و يراجعلي كام يسوي ويه غيري
سبأ : دكتور اريد اصارحك بشي.
ابراهيم : اي سبأ كولي
سبأ : احبك
ريماس : شهكت باوعتله بقه صافن عليها حسيت بضربه اكثر من ضربته الضربه اليه مدامه سكت خلص حتى ادموعي ما منها فايده بعد طلعت حتى بدون ما اخابر طارق اخذت اول تكسي و رجعت للبيت
طارق : ليش ما دكيتي و شبيج
ريماس : ممجاوبه بالامتحان اروح انام رحت البيتنا و دخلت الغرفتي و قفلتها و كمت ابجي ما اتحمل يصير الوحده ثانيه ما اتحمل
هناء :ماما رموسه رجعتي ليش قافله الباب يا ريماس
ريماس : عوفيني ماااااام ما اريد واحد
هناء : شكو غير نفتهم يا أمي فتحي الباب
ريماس : ما اكو شي ماااااكو
هناء : همام يعرفلج اروحله
ريماس : نزعت حلقته اكرهك كلشي بيك اكررره ما اريدك اطلع من عقلي و كمت اضرب على راسي الا اطلعلك من عقلي وقلبي هديت اشويه بعد ما نشفت ادموعي
همام : فتحي الباب ريماس.
ريماس : كمت فتحته مبيه شي
همام : ليش تبجين
ريماس : ممجاوبه بالامتحان
همام : سهله تعوضيها
هناء : ارتاحي حياتي
ريماس : نمت بدون اكل فزيت و تكرر نفس وضع الفندق جسمي اكلني عبالك غالي على نار و نفسي اريد اسحبه ثكيل حيل اريد اصيح ما اكو قويت نفسي و كمت على المرايه كمت بس ادور على شي اجرح بي نفسي حتى اتنفس ما جان يمي غير المبرد مال اظافر حكيت بي ركبتي لحد ما طلع الدم يله ارتاحيت و بقيت أكرر الحاله بأيدي و بركبتي لان احس واحد يخنكني منهن
هناء : رموشه ماما الغده صبيتلج يمه اسملله وج يمه شمسويه بروحج
ريماس : مام ما بيه شي
هناء : ريماس يمه حبيبتي
ريماس : ما بيه شي مام
هناء : ليش وج يمه مسويه هيج بروحج ساعة السوده الوديتج بيها للكلية و ازوجتي
ريماس : بدأت اغمض اجه همام اخذني للمستشفى طفيت
همام : دكتورة شبيها
دكتورة : زوجتك
همام : لا اختي
دكتورة : تعاني من ضغط نفسي متزوجه
همام : اي
دكتورة : زوجها مفتهم حالتها
همام : اي ما جانت تتخربط يمه بس شخلاها تصير هيج
دكتورة : متعرضه الضغط نفسي لا تذكروها باي شي اطيتها مهدأ هسه متكعد منا لليل و ضروري تتصلي على زوجها
همام : حاضر دكتورة طلعت موبايلي و اتصلت عليه
____________________________________
ابراهيم : شتحجين انتي احترمي نفسج خلي حدود فاصله ما تخجلين اليه كلام ثاني ويه الدكتور تفضلي
سبا : دكتور افهمني
إبراهيم : اتفضلي و الا اشتكي عليج و احيلج مجلس تحقيقي على وقاحتج راحت كلت كافي ارجع ريماس عاقبتها اهواي السلام عليكم شفتو ريماس
سارة : لا
رؤيا : و لا اني بس طلعت من الكلية
إبراهيم : ها اوكي رجعت للبيت العصر اجيبها
تغديت و كملت
ابو إبراهيم : ابني ما تجيب مؤتك
إبراهيم : ان شاء الله اليوم لأن خلصت امتحانات و اريد اسافر اني وياها منها نغير جو و منها اعودها على اسلوب
ام إبراهيم : بخت يبختهن منا اذب جاهل و منا يسفرها
ابراهيم : يمه شمسويتلج و تكرهيها لو لان اني رايدها تكرهيها مثل رفيف
ابو إبراهيم : رجعها ابني و عسه ما تخلص العطلة مسافر
ابراهيم : صاعد انام صعدت نمت هستوني نايم دك التلفون الوو
همام : اشلونك ابراهيم
إبراهيم : زين الحمد لله
همام : ابراهيم ريماس متخربطه و ركبتها و اديها
إبراهيم : همام لحظه ليش شبيها مزعليها مسويلها شي
همام : لا والله.
إبراهيم : افتهمت وين انتو هسه اجي
همام : بالمستشفى
ابراهيم : جاي بدلت
مشكاة : ها وين ما نمت حتى
إبراهيم : ريماس بالمستشفى لازم اروح
مشكاة : الله وياك سلملي عليها
إبراهيم : الله يسلمج رحت للمستشفى و دكيت عليه طلعلي
همام : الدكتورة تريدك
ابراهيم : وينها دخلت للدكتورة السلام عليكم
دكتورة : تفضل و عليكم السلام انت زوجها
إبراهيم : اي نعم دكتورة لا تبدين اني اعرف حالة زوجتي و اعرف اتعامل وياها
دكتورة : شنو وصلها لهيج حاله
إبراهيم : من تتعرض الضغط نفسي هيج يصير و صاير وياها اكثر من مره بس مسيطر على حالتها
دكتورة : الأفضل ترجع لدكتورها
ابراهيم : ان شاء الله أكدر اشوفها
دكتورة : حاليا مغذي و مهدات فنايمه بالليل تكعد
ابراهيم : شكرا دكتورة رحت الها نايمه و مضمدين ركبتها و ايدها دنكت بستها
هناء : متعاركين انت وياها بالدوام
إبراهيم : ما اشوفها و اليوم راقبت عليهم سلمت الدفتر و طلعت
هناء : البنيه رجعت من الكلية مصروعه
إبراهيم : خاف وحدها غاثتها
هناء : انت ليش عايفها
ابراهيم : اني ما عايفها همام بيناتنا اسأل عليها و اعرف أخبارها منه ردت اربيها
هناء : بس خطيه ريماس مدلله ما متعوده
إبراهيم : ام ريماس اخر شي سوته ريماس جريمه اكو مره تكتل ابنها
هناء : ما كاتلته مو قسمتكم
إبراهيم : اني منبها من أدوية الرأس و هي تأخذ
همام : سمو بسم الله
ريماس : مااام وينه بابا
هناء : بدوامه حبيبتي اتصل عليه يجي
ريماس : لا شفته كبالي ابراهيم شجابك
إبراهيم : ليش ما تريديني اجي
ريماس : لا مو هيج بس منو كلك
ابراهيم : دكتورة رادتني و اجيت
هناء : اروح اجيبلج شي تاكلي دير بالك عليها ابراهيم
ابراهيم : بعيوني
ريماس : خليت ماما و همام يطلعون مبروك صارحتك
إبراهيم : منيه تقصدين
ريماس : سبأ
ابراهيم : معناتها سمعتي كلشي
ريماس : اي كلشي سكوتك و
ابراهيم : اني ما سكتت مو تاخذين الكلام اليعجبج و اطفرين اني اليوم العصر ناوي اجي ارجعج لان كافي
ريماس : و اني ما ارجع وياك وكت متحب ترجعني
إبراهيم : ها كاعد تكولين اني ما تغير ريماس كافي دخلتي ٢١ كبري و عقلي تعبتي و تعبتيني وياج
ريماس : اوووكه حاضرررر اعقل بس ما ارجع مو بكيفك
إبراهيم : اشوكت ترجعين لعد صارلج شهرين
ريماس : ارجع بشرط
إبراهيم : شنو
ريماس : اطيني تلفونك
إبراهيم : هاج
ريماس : كعدت اكلب بي شبر شبر
ابراهيم : شدورين اني و النسوان ما نجتمع كافي عليه انتي
ريماس : امبين مخلصها ضحك ويه سبأ
إبراهيم : سامعتني اشلون احجي وياها
ريماس : لا
إبراهيم : دائما أكلها بابا و بتي ما يوم تخطيط حدودي ويه اي طالبة لان هاي أمانة عدنا و تذكرين حتى وياج ما تخطيط اي خط من سمعت موافقتج يله حبيتج و اعتبرتج مرتي
ريماس : كلاديتي ابراهيم
ابراهيم : شصار و شخطي جسمج رجعنا
ريماس : لا راسي موتني نفس الحاله ترجع عليه
إبراهيم : الا انفعلتي يله تصير بيج ريماس باوعيلي انتي اثقين بيه ما اخونج و راح تكليلي رجاء من اخذت رجاء ما جان بالي انتي تبقين وياي
ريماس : تدري جسمي كوله يموتني ابراهيم ليش اذيتني هل كد اموت بجي من اذكر حالتي و من اذكر لمسات اخوك
ابراهيم : سكتي ريماس لا تجيبين طاري اشبيج
ريماس : هل فترة صايره اذكره و حتى احلم بي
ابراهيم : ريملي هذا ألموضوع سجين بكلبي
ريماس : ليش ما بستني
ابراهيم : هههههههه والله اول ما اجيت بستج بس اشوكت مرتي تجي وياي البيتنا
ريماس : زعلانه منك بشروط ارجع
إبراهيم : صبرك يا رب كولي
ريماس : جد هل مره راح احجي إبراهيم بعد ما اريد جهال
إبراهيم : ريماس شجاج على الجهال لج هاي نعمه
ريماس : ما أريده ما اعرف ما احبه يبجون و يدوخوني
إبراهيم : ريماس هذا مو حل المن متزوجين احنا
ريماس : ابراهيم لا تعصب الله يخليك
إبراهيم : تكليلي ما اريد جاهل منك و ما تريديني اصير عصبي والله عجيب امرجن يالنسوان وحده عافتني علمود جاهل و الثانيه ما تريده
ريماس : مسح وجهه الصار احمر من العصبيه إبراهيم
إبراهيم : اني غلطان كلت تتغيرين و غلطت اكثر من خليتج يم اهلج اظاهر تأثير الوالد بعده براسج
ريماس : رجعت تحجي على أبويه ما ارجع لعد
إبراهيم : ريماس ترجعين لو اطلك
ريماس : إبراهيم لويش اجيب الطلاك على اللسانك
إبراهيم : ريماس هذا العندي اليوم اخذج
ريماس : واااي اشبيك تعيط ما ارجع معليه
ابراهيم : ما عندي حظ ويه النسوان بابا عوفي هاي سوالف ما تفيدج ريماس الخاطر الله كبري
ريماس : اشبيه قابل
همام : ها كتاكيت الحب جبتلج اشلون كباب
ريماس : ما اريد
إبراهيم : مو بكيفج ما تاكلين
هناء : حجي رجلج صحيح اكلي
ريماس : سوالي لفه ردت ابلعها اختنكت اووووس مام بلعومي
ابراهيم : اشبي بلعومج
ريماس : ما أكدر ابلع
همام : على كيفج و بلعيها همست حسيت بمعاناتك
إبراهيم : لا متخبله زايد اليوم اخذج وياي
ريماس : اي يعني ما أكدر ابلعه اشون
هناء : ماما رموسه عيب رجلج يله على كيفج اكلي
إبراهيم : اني طالع بره صاير انكس من قبل خاف جانت بيها مجال بس مخربيها
همام : ها ادخن
ابراهيم : هههههههه صارت عندي عادي تريد
همام : من شوكت وانت ادخن
ابراهيم : من اضوج و اظاهر اختك و لا تتغير
همام : ريماس تربت على ايد ما شايفه طفل ٢٥ سنه عمي اهواي يحبها هسه من يصير عندك جاهل تحس بيها
ابراهيم : اشوكت تتعدل اليوم يمكم خلوها باجر اجي اخذها
همام : ان شاء الله ما تسلم عليها
إبراهيم : مو بحاجتي و انت اخويه صاير و لا اتحمل تصرفاتها اترخص طلعت من المستشفى للوحده العسكريه مالتي اظاهر حياتي اعيشها اهنا بدلت ملابسي
عماد : سيدي كملت
إبراهيم : ريماس بالبيت و بالدوام ها عماد
عماد : سيدي محتاج شي
إبراهيم : عماد كاعد ابدل
عماد : اسف سيدي جايتنا وجبه مال سجناء دواعش
ابراهيم : خلي اطلع و غرد براحتك لبست بيريتي هااا
عماد : بالعافية سيدي بدلتك جديده
إبراهيم : الله يعافيك قررت ازوجك
عماد : مشكور سيدي بس خليني عزابي اشرفلي
إبراهيم : ليش بله
عماد : سيدي تطلع وكحه والله ما ابقه وياها لحظه
إبراهيم : انت شجابك على العسكرية
عماد : سيدي اني طبابة معهد طبي تحليلات
إبراهيم : اهنا الحجي اشكد عمرك
عماد : سيدي ٢٣
ابراهيم : كوبي بيست ريماس ( بكلبي) ما سولك دورة اساس
عماد : لا سيدي ما كدرت اتحمل والدتي اطت فلوس لواحد و سوالي اياها
إبراهيم : انت لو ما الوالده ما تعيش
عماد : سيدي والدي عرف يختار حتى من مات و عافني زغير هي اعتمدت و كبرتنا
ابراهيم : الله يحفظها الكم شعندك خبصتني
عماد : جايبين دواعش كل واحد ديناصور
ابراهيم : بدأت رحمة الله ما اكو غيرنا
عماد : سيدي مجبورين احضر السيارة
إبراهيم : اي حضرها تعال اكلك عماد ليش تزين شاربك
عماد : سيدي متعود
إبراهيم : لا ابني طولهن عماد صير رجال يعتمد عليه و اي شي تحتاجه اني مثل ابوك
عماد : تسلم سيدي الله يحفظك اليه
إبراهيم : يله انروح شفتهم طلعت المصيبه أفغان و جنسيات مختلفه و عبالك حيوانات مو بشر دخلت الزنزانه الأخيرة جانت بيها متمركزين القادة و ضوه ما اكو
عماد : سيدددددي
إبراهيم : عوذ بالله هذا بشر لو حشر
منتظر : سيدي ذوله قادة
ابراهيم : هذا بس شافهم وكع يا عتب على الزلم اي والله منتظر كومه فشلنا شالو طلعو
منتظر : سيدي ما لكيت الا عماد المايع اجيبه هذا شينومه بالليل بعد
ابراهيم : شنو منوميهم
منتظر : لا سيدي من الكتل انغمه عليهم
ابراهيم : وقعت على استلامهم و صارت ب ٦ رجعت للبيت و اخذت عماد وياي
عماد : سيدي اطبك راح اتقيأ
ابراهيم : يا فرحة امك بوحيدها و صدك تقيا
عماد : تعبتك سيدي
ابراهيم : امشي اوصلك ابتليت بيك وصلته لباب البيت و رجعت البيتي سبحت و نمت للعصر يله كعدت يمه صبيلي غده
ام إبراهيم : اي وليدي تعال اكعد وين جنت البارحة
ابراهيم : يم مهيمن بالنادي و سهرنا
ام ابراهيم : اي يمه نفه عن نفسك خانك روحك
إبراهيم : يمه اليوم اجيب ريماس ما اريد مشاكل
ام إبراهيم : جنت متحلفه بيها الخاطرك راح اسكت
ابراهيم : غاليه و كلبج جبير تغديت و بدلت و رحت البيتهم
____________________________________
ريماس : راح حتى بدون ما يشوفني ضجت ب10 طلعوني لكيت بابا بالبيت بس شافني حضني و كعدت اكل وياه
كريم : هناء حضروا نفسكم اخذكم للنجف ننتونس و نزور
ريماس : باجر إبراهيم ياخذني
كريم : باباتي اذا ما تريدين كليلي
ريماس : لا بابا اهواي عفته ارجع اله و البيتي مهما يكون زوجي
كريم : براحتج بنيتي بس اليوم ما اكو نومه بغرفتج تنامين يمي
هناء : كريم خربت البنيه بدلالك
كريم : هناء ما تسكتين كم مااااسه عندي وحده و لكيته باعي الخدود تفاح الجنه
هناء : هههههه بعد وين ترجع
ريماس : نمت يم بابا و ماما كعدت الصبح لميت غراضي بجنطه اجيت بدون ملابس و هسه صارت جنطه منين ما ادري
كريم : جبت كمير و عسل لاحلى عسل بالدنيا
ريماس : اوووي حبيبي ركضت بسته
كريم : هااا اريد حفيد يشبهني
ريماس : و اسمي على اسمك كريم الله يصير عندي ثنين كرومي اوووي رجعت حضنته اشكد احبكم
كريم : باباتي ديري بالج على بيتج و رجلج امج حجتلي و البارحة مطلعته زعلان و اذا حالكم هيج ما يبقه يزوج عليج و اذا زوج يحلم تبقين يمه
ريماس : حاضر بابا اتريكنا و رتبت ملازمي و غراضي كولهن رحت على بيت عمو هاااي مام
هدى : هلا كلبي اشلون صرتي
ريماس : تمام
هدى : اصبلج اشلون مسويتلج مركة تخبل
ريماس : يسلمو قبل اشويه اكلت مااام اني اليوم اروح
هدى: يا مفاجأه شو
ريماس : هو شرط عليه لو اطلك لو اجي
هدى : يمه اسمالله لا رجعي البيتج و الرجلج
ريماس : خايفه لان هو كولش متغير وياي
هدى : يمه أشهر عايفته حتى تلفون ما تسألين عليه و ابنه مات
ريماس : ما ادري بعد مام نموره ليش ما تجي
هدى : يا ما درتي طلعت حبلانه من أربعين ذوالفقار و عمتها ما تخليها تتحرك
ريماس : وااااي راح يجيني ابن اخت ثاني
هدى : يمه جان عندج ظنه ليش فرطي بي
ريماس : ماما ما احس باي مشاعر اتجاه ابني اشكد ما اكولج ما احس و لا مره حسيت راح احب الطفل و حتى من جان ابراهيم زين وياي ويحبني و يحاول يتقرب مني جنت دائما بارده اتجاه نفس البرود
هدى : ليش امي والله رجلج كلها تحمد بي و منو ما يحب الجاهل
ريماس : لا خلص راح اسمع كلامه و كلامكم و أحاول احمل مره ثانيه
هدى : اي هاي بتي و بت هناء مو رموسه المايعه
ريماس : مام و شسوي بعد
هدى : يمه ملابسه ترتبيها تهتمين بيها غرفتك اكله شيريد قبل ما يطلب انتي تجهزي اله اتسمعي ماماتي وكت الدلع شي و واجبج شي ثاني
ريماس : ما اعرف اكبر
هدى : لا تتعودين اشويه اشويه تاخذين على الوضع
ريماس : استمرت محاضرات ماما هدى و هناء تغدينا كلنا
طارق : راح نخلص اليوم
رحمن : الطخك بالخاشوكه هيددد
طارق : لا يصعد ضغطك ابي العزيز
الحجي : خايب اركد جنك فأر كاطمين ذيله
طارق : شكلت و كبيتو
هدى : اكعد و اسكت اجيب الحجي الروحك
ريماس : شربنا جاي و لبست اجه العصر ما اكول ما خايفه من ردت فعله جنت مرعوبه دخل سلم و اشويه كعد و طلعنا
ابراهيم : اشلون صرتي
ريماس : زينه حلوه سيارتك شايف كل الخير
ابراهيم : خير يصيبج صعدي
ريماس : ابراهيم موافقة على الحمل
إبراهيم : ما يهم رايج وافقتي لو لا اني اريد جاهل
ريماس : سكتت الله يستر هذا ناوي يموتني اعرف اني اجيت بروحي اذا هذا اسلوبك رجعني ما اتحمل
ابراهيم : تتحملين و راح تتعودين على ابراهيم الجديد
ريماس : شفته طبك يم عيادة دكتور ليش
ابراهيم : نزلي و اني اكلج
ريماس : نزلت و طلع حاجز موعد كعدنا نص ساعة
إبراهيم : يله ندخل
ريماس : اي اديه ترجف طلب مفراز و اشعه و كرهت روحي و حللت دم بس إبراهيم كله بصيغة امر ما اطه مجال اكله اخاف
ابراهيم : ها دكتور موجود شي
دكتور : لااا حتى الجرح الداخلي ملتأم
ابراهيم : الحمد لله زين دكتور اتصير عدها حاله
دكتور : طبيعي راح الغي مهدات و انت بالبيت بعد تعالجها طبيعي بس تعالي بابا افحصج
ريماس : كعدت على السديه اخخخ نزلت ادموعي لان لزم جرحي
دكتور : تعال دكتور وياي
ابراهيم : ها دكتور اكو شي
دكتور : ما اكو شي بس غير الها جو و بعلاقتك الزوجيه اتجنب المهدات لان حتى من يصير عدها حمل ما تعوفهن
ابراهيم : صار دكتور و الله ما قسمه
دكتور : شي طبيعي لان هرمونات الغده النخامية مو بكفاءة تشتغل و الحمل يرادله طاقة تعودها عليك بدون مهدات و هي تتخطاها
إبراهيم : ان شاء الله دكتور و اذا تخربطت
دكتور : الزم اديها او شدهن تبقه عشر دقايق و ترجع طبيعي و من تهده مساج خفيف لجرحها و ترجع مثل قبل و حتى الحمل يكون احسن
ابراهيم : ان شاء الله دكتور ليش كاره حملها
دكتور : الحمل عند أي امرأة ما اطيقه اذا ما هرمونات اتهون عليها
إبراهيم : ممنون دكتور
دكتور : واجبي و راجعني بعد شهرين
ابراهيم : ان شاء الله يله ريملي
ريماس : اي صعدت بالسيارة راسي ابراهيم ليهسه يوجعني
إبراهيم : هسه يطيب رجعت للبيت و هي غفت بالسيارة دخلت سيارة جوه و نزلت صار بوجهي..............