رواية جنون الحب الجامعي

البارت الثالث

رواية جنون الحب الجامعي

# أمير احمد

_______________________________________
القاعِدة الأولى دائِماً :
الحبُّ لِمَن كانَ أَحن " 💚
_______________________________________

ريماس : بدأت امتحاناتي كعدت من الصبح راجعت بعدين بدلت و رحت اتمشه للكلية دخلت للقسم مالتي الكل يباوعلي بنظره محلوه كلت خاف اني داحس هيج رحت على زهراء صديقتي تقربت منها ردت اسلم عليها و ابوسها

زهراء : هلو ريماس اني رايحه عندي امتحان

ريماس : اشبيها هاي رحت يم رند رنوده بيبي كيفك

رند : صباح النور ريماس هسه اجي اروح اتأكد من قاعتي

ريماس : شنو الوضع مدافتهم دامشي كان يصير بوجهي رافد

رافد : صباح الحب يا حبي اشلونج

ريماس : اتادب احسن الك اهلك ما معلميك اشلون تحجي ويه بنيه باحترام

رافد : يحلو اني احسن من اهواي ناس من فوك الستر و العفه و من جوه الله يستر يا رب ابعدنا

ريماس : شتقصد احجي دخلت للقاعة اباوع على الكل يباوعي بنظره محلوه كعدت امتحن امتحانات كانت يوميه يعني كل يوم امتحان وزعو الأسئلة بس دخل دكتور إبراهيم كلها كامت تباوع عليه و عليه

_______________________________________

ابراهيم : استمر دوامي بالكلية و اجتي الامتحانات بس كل الدكاتره مبتعدين عني بس توفيق و هم يجنبني بس سلام و يروح مني يله احتمال اني اتحسس عندي مراقبه على وحده من قاعات المرحلة الأولى دخلت صباح الخير محد رد من تدريسين بس كم طالب

نهى : دكتور تفضل اطي أسئلة الطالبة ريماس متأخره عن القاعة

ابراهيم : اني ما إليه شغل بتوزيع الأسئلة اني مشرف عليكم ذالك من فضلج انتي تتولين هاي المهمه تفضلي

ريماس : اجتي ذبت الأسئلة بوجهي اشبيها هاي كبر حتى الكبر هاي دكتورة كملت امتحان و رحت سلمت الدفتر كمت حتى ما اباوع بوجه دكتور إبراهيم اخاف لا رافد يشوفني مر اول امتحان و الثاني و الثالث خلصت اربع امتحانات بقالي بس اثنين و وضع الكلية ابدا مو تمام نظرة الطلاب إليه و الولد رحت على أحمد ممكن سؤال اعرفك متكذب كولي شنو صاير

احمد السجاج : اخت ريماس الاطلبه منج ابتعدي عني ما أريد مشاكل ويه الطلاب اترخص

ريماس : ليش هيج يعاملوني ما اعرف خلصت الامتحانات مالتي و نفس شي اخر يوم امتحان رحت لبنيه ويانا بالمرحلة بس كولش مؤمنه
اسمها زينب الحوراء علويه السلام عليكم

زينب : و عليكم السلام ها ريماس راح يجيني الخط شتريدين

ريماس : عفيه ممكن تكوليلي شصاير الله يخليك والله اني ضايعه و أهلي مو اهنا أقسام اني زينب عليج بكل عزيز تكوليلي