رواية جنون الحب الجامعي

البارت التاسع

رواية جنون الحب الجامعي

# أمير احمد

.....................................................................................
لاجمعني وياچ موعد لا لگيتچ مره صدفه
اني كاتلني التواضع ليش احب انسانه صلفه ♥️؟
....................................................................................

ريماس : ابني ابني إبراهيم

إبراهيم : اهدي يمعوده خلي اشوف دربي

ابو موكب : محتاجين شي زوار

إبراهيم : رحم الله والديك مرتي حامل و مجروحه بس اريد اتاكد

ابو موكب : نجيبلكم دكتور

ابراهيم : لا اني دكتور صيدلاني بس سويلي مجال تعاي كعدي رفعت جبتها متعوره خرررب بيومج على هيج هبطه

ريماس : ابني راح موو أريده

ابراهيم : لا يابه مجروحه اسكتي كافي خلي اعقم جرحج

بنين : عمو هاي بابا دزهن

ابراهيم : الله يحفظج و يحفظ بابا

ريماس : استحيت منه كعد يعقملي رجلي نسوان يباوع من بعيد حبيبي وخر اني اعقمهن عيب من البنات

إبراهيم : كعدي و سكتي من وره اعنادج الطفل همزين ما تاذه لفيت رجلها تكدرين تمشين

ريماس : اي أكدر نزلت ادموعي

إبراهيم : ليش البجي بت الاوادم

ريماس : تعبتك وياي كل مشكلة من ورايه ما ادري بدونك شاسوي

إبراهيم : الحياة الزوجية مشاركة لا تبجين و ما نقصت من كرامتي لان عالجتج انتي وصله من كلبي

ريماس : اشكد احبك حضنت ايده

إبراهيم : نتوكل

ريماس : سويلي لفه جوعانه.

إبراهيم : خلي نتعشى اني مثلج جعت بعد الكمزه خليت ايدي على بطنها لا ينبض ما بي شي

ريماس : اشتاقيت الاسحاق حبيبي ماما

ابراهيم : هسه نرجع كعدنا ناكل

الحجيه : بيبي هم بالج على رجلج فحطي

ريماس : اي بيبي بس والله عبالي ابني راح

إبراهيم : ورده ريماس حجيه بعد كل هل شيب الله رزقني منها جهال إسحاق و هذا الطفل البطنها

الحجيه : و انه اكولن مخليها مثل الماي بالصينيه اها اها

ابراهيم : هههههه و اذا تريد بعيوني اخليها و اغمض عليها

بنين : اشلون لكيتي

ريماس : دكتور بالكلية وياي

بنين : يعني مو كرايبكم

ريماس : لا.

بنين : هنيالج مبخته

ريماس : لا يكلف الله نفسا إلا وسعها يدري بيه الله ما ارهم ويه انسان غيره و حتى انتي راح تلكين الشخص اليشبهج الما ترهمين ويه غيره