لقد رإيت آلكثير
ولكنني لم أرى مثلها ابداً
مُميزة بِكُل تفاصيلها وروحي لا تميل آلا لها...
#للــكـاتــبة :yaqeen.hassan
#اســتاذي الـمـغـرور
قراءة ممتعة💞
✨•••••••••••••••••••••••••••••••••••••••••✨
وكف الدم بجسمي من شفت اللي شايلة جان واحد لابس اسود باسود وملثم ممبين من وجهة شي
صرخت بكل قوة عندي _ اسدددددددددد لااااااااااااااا كراااااار اسددددددددددد اخذةةةةةةةة
باوعلي مخروع وباوع للباب وراح ركض همزين هذا اللي شايل اسد باوع علية من داصرخ ووكف ركضت اني وراه وكل الانضار صارت علية وصادق طلع يركض ورة كرار طلع ثائر واجة مخروع علية وكانت لان ردت اطلع بالشارع
ثائر : شصاير وينة اسددد
ليال : اخذةةةةة واحدددد اخذةةةة ثائررررر روحححح اركضضض فدوااااا حيخطفةةةة
هوة صفن لحضات وركض اجة عمو سامر دفعني وفوتني للبيت واني جنت منهارة وابجي والولد كلهم طلعو يركضون تلكني البنات طبعا جان هذا اليوم هوة يوم الحنة جنة تونة راجعين من بيت العروس
ضليت ابجي واشهك واصيح باسمة حسيت روحي طلعت وراحت وية ما اخذة
صار صياح بالبيت وكلها تكول فوتو الجهال للبييت واني من اتذكر المنضر ازيد بالبجي
فات عمو ثامر
ثامر : بوية كافي بجي الولد راحو يشوفو اكيد رح يجيبو
ليال : عمو دخيلك دخيلك خابر الشرطة سوي اي شي فدوا عموو دخيلككك اريد ابنييي
ثامر : لا حول ولا قوة الا بالله جيبولهة كلاص مي
ليال : ضليت ابجي وحتى مي ما شربت كل اللي بالي ان اسد راح
تقريبا مرت نص ساعة واني كلبيي ناررررر ومبطلت بجييي
شوية وكالو جوي كمت قبل الكل وطلعت اركض للحديقة فاتو كرار وصادق يلهثون ووراهم فات ثائر حاضن اسد قوي ومغمض عيونة
ركضت للباب دفعت اللي كبالي ورحت يم ثائر باوعلي ومدلي اسد اللي جان راسة كلة دمممم شهكت قوي
واخذتة بين ايدي ضل يبجي واني ابجي وياه حضنتة قوي مد ايدة ثائر عدل شالي وحط ايدة على كتافي وفتنة للبيت اجة واحد من كرايبهم ممرض ضمدلة راسة
ثامر : منين نضرب
كرار : خالو ركضت وراه ضليت اركض تالي من قربت علي شمرة بالكاع وركض
ثامر : تروحون هسة تطلعون كامرات المراقبة اريد اعرف منو هذا
ليال : صار حديث طويل وعريض واني عيوني على اسد جان يرجف بحضني من االبجي ومحسن يضمد راسة وهوة يبجي بصوت ناصي
من كمل اخذتة ورحت للغرفة انومة
واني دموعي ما وكفت رحت غسلتلة وجهة من الدم وهوة خطية خنس وتعب من لبجي طلعت من الحمام لكيت ثائر خال نور بحضنة وكاعد على الجرباية وصافن
رحت طلعتلة ملابس وكعدت ابدلة وحاولت ما اطخ راسة ونضراتة موتتني عيونة مدمعة ومبرطم وبس يريدد يبجي بدلتلة وحضنتة لصدري نطيتة الممية مالتة كام يشرب ويغفي وخرتهة وهزيتة شوية ونام
حطيتة على الجرباية وبكل هالوقت ثائر صافن بالكاع ونور تلعب بالموبايل رحت كعدت يمة جريت ايدة جانت ترجف
ثائر : كلبي حيوكف داتخيل لو رايح وماخذة جان شصار بية
ليال : خلي نرجع ماريد احضر العرس وماريد اضل هنا خايفة كولش حباب خلي نرجع _ باوعلي وتقرب باس راسي وحضني حضنتة ودموعي زادت وبديت اشكي بدموعي على صدرة
ثائر : كافي يروح ثائر لا تزيديهة علي فدوة اروحلجج باجر نطلع من الصبح ماكدر اضل اني هنا اصلا
ليال : ضليت فترة بحضنة وراها غسل هوة وراح واني تمدددت بصف اسد حضنتة بوست خدودة وغطيتة دكت الباب رحت فتحتهة
مريم : بابا يكول تعالو تعشو واني اضل يمة لاسد
ليال : اني ما اشتهي
مريم : لا والله بابا اصر كال خلي يجون
ليال : تمام بس البس شالي _ رحت لبست شالي طلع ثائر من الحمام شال نور ومشينة ومريم ضلت يم اسد
نزلنة وكعدنة ناكل ضلو يحجون بالموضوع هذا ويفكرون منو الة مغزى يسوي هيج
ثائر : خوية انة باجر ارجع لبغداد ماكدر اضل هنا
ثامر : براحتك بوية الله يعينكم اكيد نرعبتو
ليال : عفت الاكل لان جانت نفسي مسدودة ستاذنت منهم ورحت للغرفة مريم راحت واني ضليت يم اسد تمددت يمة ولزمت ايدة ابوس بيهة
_ روحي ماماتي بعد لتروح بعيد لا تخوفني عليك فدوا اروحلك ترضة ماما تخاف وتبجي منا وغاد تضل يمي ومتعوفني تمام
ضليت حاضنة ايدة ونايمة ماعرف شوكت غفيت بس صحيت مرعوبة من الكابوس الشفتة حلمت ان خطفوا لاسد ورجعليا بس راسة كعدت ارجف
كام ثائر واجة يمة لان جان بيناتنة اسد ونور تقرب يمي واني بس شفتة حضنتة وكمت ابجي قوي واشهك بحضنة
ثائر : اششش اشش اهدي جان كابوس اهدي لا تبجين
ليال : خايفة خايفة
ثائر: اني موجود على لتخافين يروح ثائر انت
ليال : تقرب مدد يمي وحضني وحط مخدة بالحافة حتة لتوكع نور ضليت ابجي بحضنة شوية وهديت وسكنت لحد ما عيوني بدت تغوش وغفيت
جانت هاي اصعب ليلة مرت علية من ولدت اسد ونور لحد هسة الخوف اللي حسيت بين مينوصف
رجعنة وحياتنة مشت وزاد خوفي عايهم اكثر من اول
كبرو الجهال اكثر وخبلوني حرفيا نور جانت مدللة ابوهة كلشي يتنفذ الهة واسد جان مغرور ومعاجبة العجب بس رغم كل هذا احبهم وثائر طاير بيهم وميرضة الهوة يمسهم
بيوم جان جمعة ثائر جان طالع وجانت دنيا عصر طلعت برة اشتم هوا واعيش الهدوء لان جانو نايمين
ثواني وكمزو فوك راسي
اسد : انت ليث لحتي ( ليش رحتي
ليال : ليش شتريد مني
نور : الة ادول لبابا عليج ادولة افتنينة
ليال : ياااا ولك فصعون وانت ام لسان اني امكم
اسد : اي خبثتينة ندلي انت امنة
ليال : فتحت عيوني علي هز ايدة ضايج ورايح وهاي تخصرت ورفعتلي اصبعهة وتحجي بتهديد
نور : الة ادول لبابا عليج اثبريلي
ليال : راحت واني ضحكت يالله شلون خلفة يمكن الله ديعاقبني لان جنت هيج وية بابا وماما
فتت للبيت كل واحد جان على الايباد مالتة
وعيونهم رايحة من وراهن رحت جريتهن _ كافي ايباد عيونكم راحت
اسد : ليث اخذتي جيبي
ليال : لا والله تستاذ اسد اسفين ضوجناك ماكو ايباد بعد
نور : بابا جابهن مو انت
ليال : لاا انتو زودتوهة الة اكول لابوكم عليكم اخلي يربيكم
اسد :نينة الاباد ولوحي دولي لابونة
نور : اي نينة
ليال : اخذتهن بعنادهم ضلو يبجون ويصارخون بس مهتميتلهم صايرين كلش مدللين واسلوبهم محلو يريدون كلشي وابوهم ماشالله كلشي مضر يجيبة الهم ما يوم جابلهم قصة لو دفتر يستفادون منة لا كلشي مضر يجيبة الهم
ضلو يبجون لحد ما ملو من البجي وراحو يلعبون بملاعيبهم
حضرت العشا داكلي فات ثائر تقرب حضني من ورة وباس ركبتي
_ الله يساعدك
ثائر : ويساعدج ليش سويتي اكل جبت اني
ليال : شجبت
ثائر : لفات
ليال : يلة ميخالف اضمهة عود
ثائر :شو باوعيلي
ليال : درت وجهي علي عكد حواجبة
ثائر : شو صايرة حلوة انت
ليال : صدك تحجي والله خفت عبالي بية شي
ثائر :ههههههههه بوسة بوسة بوسة بوسة
ليال : تقربت بستة ووخر مني
ثائر :وين الجهال
ليال : بالغرفة ديلعبون بملاعيبهم
ثائر : خوش اروح اشوفهم
ليال : ملابسك بالحمام اسبح
ثائر : اروحلج فدوا
ليال : احبك
ثائر : واني اعشقج
ليال : راح للغرفة واني طلعت اللفات حميتهن شوية بالمايكرويف لان باردات جانن طلعت وياهن عصير وسويت زلاطة ومقبلات
طلع هوة شايل اسد على جتافة ونور شايله بيدة وهمة مكيفين
بس شافوني طنكرو ضحكت عليهم
جوي كعدو نطيتهم لفاتهم والعصير
_ اي بابا اليوم اكو بعض الناس سوو وكاحة
ثائر : منو
اسد : مو اني مو اني
نور :ولاا اني
ثامر : جا منو ليال
اسد : اي هية اثوي وتاحة
ليال: اني اسوي موو اكلة لباب شنو تحجي انت
ثائر : كولي بلة شحاجي
ليال : لان عفتهم بالغرفة نايمين جوي وراية ويحاسبوني يكلي اسد انت ليش عفتينة وهاي تكول الة ادول لبابا عليج كتلهم اني امكم شنو يكلي هذا الفصعون ييكلي يي خبصتينة ندري انت امنة وهز ايدة وراح
وجيت اخذت منهم الايباد. اسد يكلي هاي ليش اخذتي جيبي ويحجيهة بنترة كتلة الة اكول لابوكم يكلي اي جيبي وروحي كولي لابونة
ثائر : بخزرة _ شنووو هالتصرفاتتت ويةةة امكممم هاااا لو تردون تنكتلوون
اسد : اني مثويت شي
ثائر : انتتتت نجبببب ولتحجيييي شييييي لتراددد من احجييي
نور : هوة اثد مو حباب
ثائر : انتت همممم سكتييي وعقاببب الكم بعد ما كو ايباد وباجر روح ابيعهننن وخليي اشوف واحد يحجييي
ليال : خنسو ثنينهم ويباوعولي معصبين صح بداخلي انقهر كلما يرزلهم بس اكول لازم يخافون من احد اذا نضل ندللهم همة اللي حيتاذون بالاخير عافو اكلهم وضلو مطنكرين
_ اكلو يلة
اسد : ماليد اني الوح انام
ثائر : اكعد وانجب ماكو نوم
نور : ماهبك باد ماهبك ( ماحبك بعد ماحبك
ثائر : رح اكوملج تراااا علستتاس اني كاتل روحي حتة تحبيني
نور : ماااا ماااا ثنو هايييي
ركضت. تبجي واسد راح وراهة همات يبجي حطيت ايددي على راسي وكلبي ممرود عليهم _ كتلك لا تدللهم هواي كتلك حيتعلمون ويتاذون
ثائر : ليال همة اطفال بعدهم شنو يتاذون وشنو يتعلمون حبيبي ذولة بعدهم ميدرون شي مواعين على الدنيا همة عمرهم 3 سنوات شبيج
ليال : ماكدر اشوفهم هيج وبنفس الوقت ماريدهم يتعلمون على الدلال
ثائر : روحي انت هسة اني رزلتهم نتضريهم شوية ويجون يراضوج وشوفي جهالي واعرفهم
ليال : بس جهالك يعني همة مو جهالي
ثائر : ههههه جهالج عمي جهالج
ليال : اكوم اشوفهم ماتعشو
ثائر : كعدي يا عيني كعدي شخبصتيني كملي اكل ونروحلهم
ليال : ماكدر اكل وهمة مماكلين حروح اشوفهم_ هز راسة واني رحت للغرفة لكيتهم كاعدين ومبرطمين على الجرباية كعدت كبالهم
_ شبيكم زعلانين ها كولولي
اسد : منج
ليال : اني شعليه
نور : اتت كتلية لبابا
ليال : تدرون ليش كتلة اني
اسد : ليث
ليال : لان حرام هيج تحجون وياي الله يعاقبكم الله كال لازم نحترم بابا وماما ومنضوجهم واللي يضوجهم نجوي بالنار شوف اني ما اضوج بابا وماما لان ميصير انتو ليش تضوجوني
تريدون الله يجويكم
اسد : لالا
ليال : لعد هسة كومو اعتذرو من بابا وكولولة اسفين منعيدهة
نور : ات دايجة
ليال : لا مضايجة بس اريد بوسة وحضنة جبيررررة _ كمزو علية يحضنوني ويبوسون بية اخذتهم من ايدهم وطلعنة رحنة يم ثائر حضنو ويبوسون بي
اسد : اثف بابا
نور : اثفة بابا
ثائر : عتذرتو من ماما
اسد : اي حضنتهة وبثتهة
ثائر : عفية بالشطور وانت فصعونة تحبيني
نور : اي اهبك اواااااي
ثائر : اروحلكم فدوا يلة تعالو كملو عشا
ليال : هذا جان ملخص حياتنة نزاعل ونصالح ونرجع مثل اول وجنت بذيج الفترة عايشة الحياه المثالية بالنسبة الي
ورة فترة من صار عمر الجهال 3 سنين ونص كتشفت اني حامل
جنت بالبداية مصدومة مجنت متوقعة احمل هيج بدون ما اخطط للسالفة ضليت تقريبا يوم اني بالي مشغول وافكر ياترا ثائر رح يفرح وفكرت كلت ماتوقع حيفرح خايفة ان يتذكر شصار بية ويكول نزلي
ضليت هيج لحد ما تقبلت الفكرة كلت خلاص ليال فرحي هذا ابنج او بنتج لو شما صار يضل قطعة منج وحتة اذا جان خطر على حياتي فمستحيل انزلة
قررت اسوي مفاجاه ثائر جان يم احمد الساعة جانت ب9 راح يسهر يمة كمت طلعت نفاخات نفختهن وزينت الغرفة بشموع وورد رحت اني كويت شعري وبرمتة من الاخير لبست فستان قصير كلوش لون وردي ومن فوك صلوخ حطيت مكياج وتعطرت الجهال جانو يلعبون بايبادهم
ضلو يباوعون لحد ما نامو غطيتهم وخليتهم بالهول وبعدين انقلهم للغرفة ضليت انتتضر لل11 يلة اجة فتت للغرفة انتضرة شوية وفتح الباب وفات ضل صافن شوية ودور بالغرفة من باوع علية صفن صفنة تقريبا 5دقايق طولت بتسم وتقرب من لزم ايدي وفرني فرتين باوعت علي وبتسمت
ثائر : اليوم حورية نازلة بغرفتي
ليال : دنجت مبتسمة تقرب باس راسي
ثائر : شكو اليوم عيد لو شنو
ليال : تعال وياي _ لزمتة من ايدة وكفتة يم الجرباية طلعت بوكس حطيتة كبالة
ثائر : شنو هذا
ليال : هدية
ئائر : بمناسبة شنو
ليال : هدية جتي بدون مناسبة
ثائر : شو اني خفت احس حتطلعيلي حية من البوكس
ليال :ههههه لا افتحهة
ثائر : ماشي
ليال : فتحهة وصفن شال الممية وصفن شوية وضحك
ثائر : ههههه مشترية ممية جديدة للجهال
ليال : افتحة وشوف شنو بداخلهة _ جنت مغلفتهة بقماش ابيض وحاطة شريطين ازرك ووردي
فتحهة وشال الاختبال مال الحمل وصفن ثواني باوعلي
ثائر : تشاقين موو اذا شقة اكلب الليلة سودة عليج
ليال : حطيت ايدي على وجهي ودموعي نزل وهزيت راسي بلا
ثائر : لياااال انتتتتت حاملللللل
ليال : اي
ثائر : اللللللللللله
ليال : عاط بصوت قوي وتقرب شالني واني حاضنتة ويفر بية جانت من اسعد لحضات حياتي
نزلني ودفن راسة بركبتي ويشم بشعري حسيتة ميعرف شلون يوصف فرحتة بس اني حاسة بين بكل الاحوال
وخر مني ولزم وجهي واخذ شفايفة بشفايفي خاتم هاللحضة بسعادة جبيرة
وخرنة على صوت الجهال جانو يبجون حتى مسمعت صوتهم من ورة ثائر وصياحة
رحت حضنتهم وهوة شال اسد واني نور
ثائر : باااباااا حيجيكم اخخخ رح يجيكم اخو تلعبون وياه
اسد : يعني مثل نول
ثائر : اي مثل نور
نور : هيييي نونوووووو
ليال : صافنة عليهم واحس اللي داعيشة حلم مو حقيقة رح يجيني طفل ثالث واصير ام ل3 اطفال يالله الشعور مينوصف
لو شكد ما احجي بي تقرب حضني وباس راسي
ثائر : لو اكدر اوزع فرحتي على الدنيا كلها هم متكفي انت ارجع واكول احسن شي صارلي بهالدنيا
ليال : احبك هوااااي
ثائر : واني اموت بيج واعشقج ياروح ثائر وكلبة
ليال : معشنة اليلة اني وياه ومكضيناه سوية وحدنة ضلينا سهرانين وية الجهال اللي فرحتهم مثل فرحة ابوهم ضل يسولف وياهم ومندمج ويخططون واني صافهنة عليهم وادعي الله ميحرمني من شوفتهم ويحفضهم اللي
ضلو سهرانين لل3 الفجر لحد ما تعبتو وغفو بحضنة بالهول كمت شلت نور وهوة شال اسد وديتهم بفراشهم رحت للحمام مسحت المكياج وذبيت الفستان لبست دشداشة قصيرة وطلعت لكيتة واكف يم باب الحمام
ثائر : تعالي
ليال : جرني من ايدي ورحنة للجرباية نام ونومني بحضنة رفعت راسي مباوعة علي
ثائر : شنو عجبج هالولد اللي تباوعين علي
ليال : يي يخبللللل
ثائر : انت هم تخبلين بس طبعا هوة احلى
ليال : نننننن
ثائر : طلعي لسانج اشوف
ليال : مااا ما اطلعة اعرفك حتعضني
ثائر : كم مرة كايلج لتعيديهة
ليال : سوري والله لخاطر النونو
ثائر : هاي لخاطرة وبس
ليال : فديت اني الحلوووو ماتيييي
ثائر : فديتت انة مريتي
ليال : الشعور حلو
ثائر: احس هالمرة حبيت الشعور اكثر
ليال : ليش
ثائر : اول مرة جنت هم اكو خوف اكول تربية ومسؤولية بس هسة الشعور حلو واريد طفل من صدك ف الفرحة كبرت اكثر
ليال : اني خفت ومردت اكلك
ثائر : ليش
ثائر : خفت تكلي نزلي وتذكر الصار قبل
ثائر : لعد اعتبر مجرم اذا اكلج نزلي صح اني اخاف عليج بس هم ماكدر اخاطر من هسة لو بيوم ولادتج يخيروني بينكم اكيد اختارج انت بس شلون انزلة من هسة وهوة نفس بعدة متنفس
ليال : ريحتني هواي بكلامك بس امانة ثائر اذا بيوم الولادة صارلي شي اختارة هوةة امانةة
ثائر : ليال لا تحلفيني هذا شي ثابت بعقلي ومستحيل يتغير صح هوة ابني بس ميصير بمعزتج بكلبي انت شي مختلف مستحيل اخاطر بيج لو شنو ما صار
وبعدين الله موجود وهوة يعرف اللي بكلبي شنو فماكو داعي لهالحجي
ليال : احبك ولو شكد ما اكول احبك ماكدر اوصف حبي الك
ثائر : اني اللي مااكدر اوصف حبي الج
ليال : لعد اني اكول ننام بدون منوصف شي ههههههههه
ثائر : خربتي ام اللحضةوالرومانسية جنت اريد اجي ابوسج و......
ليال : هاااا هاااا شكو رحت رون سايد امشي نام حبيبي نام
ثائر : نيتج وصخة جنت اكول اريد ابوسج واحضنج ونام
ليال : اي اني اللي نيتي وصخة
ثائر : اي انت ههههههههه
ليال : ثائرررر نام عاد
ثائر : ماكو نوم يروحي اليوم سهرة للضهر
ليال : لاااا ثائرررر
____________________
بعد مرور 3 سنين :
اسد : ماماااا ويننن كتابيييي
ليال : لك ماما بجنطتك اني حضرتة
اسد : يلة نور خلصي عاد تاخرنة
ليال : لك اصبر فصعون بس خلي اكمل
نور : اوكف لتخبصنة
فهد : هاي بيكم مخابيل انتو
ليال: فهددد لا تغلط على اخوانك
فهد : هههه
ليال : ياللة باع برود اعصابة كاعد ويانة من ال6 ونص ومصحصح وكاعد صافن علينة وحاطه ايدة على خدة ويضحك
ثائر : يلة خلصت يلة بسرعة للسيارة
ليال : لحضة وين بوستي _ ركض اسد باسني وطلع ونور همات دنج ثائر باس فهد وتقرب انطة ضهرة لفهد وباسني بشفتي وراسي وبتسم وراح
_ الله وياكم
طلعو وصار البيت هدووووء
كعدت على القنفة اتنفس قوي هاي الحالة بدت من اول ما تسجلو اسد ونور بالمدرسة الخبصة هاي يومية تصير الصبح
وفهد ابو سنون مكسرة يكعد ويانة من الصبح يضحك عليهم وعلية شكد ما متعبني هالطفل بس سوالفة مختلفة عن اسد ونور وضيفتة بس يقلد ويضحك على الناس وبكل برود اعصاب بنفس الوقت هادء يعني من تعيطين بس يسكت وميبجي يعني يحترم مو مثل ذولاك كل واحد لسانهم اطول منهم
باوعت علي مبتسملي وصافن علية كمت شلتة وبستة
_ انت شعندك كاعد من هسة وين حتروح هسة
فهد : انت اندج كاعدة هثة( شعندج كاعدة هسة
ليال : غير ابدل لاخوانك
فهد : ليش همة زعاطيط
ليال: ههههههههه لا مو زعاطيط بس انت هم من تسجيل بالمدرسة اكعد ابدلك
فهد : لا اني ابدل وحدي
ليال : اروخ فدوا انييي للكبير يلة امشي ننام
فهد : ماليد انام اليد كالتون
ليال : ماكو كارتون هسة يلة امشي امشي ننام
فهد : مامااااا
ليال : جريتة ونومتة كوة واني همات نمت صحيت بال11 كمت رحت للمطبخ سويت المركة خليتها على النار ورحت انضف لحد ما كعد فهد
_ اسويلك ريوك
فهد : اريد كولنفلكث ( كورنفلكس
ليال : ههههههه مو يدلل الحلو مالتي يلة روح للهول بين ما اسويلك ـ راح حطيتلة بالطاسة ووياه حليب وديتة وكعد ياكل حبيبي الهادء ياكل بكل هدوء وميوصخ نفسة صفنت علي شوية واني واكفة هذا عليمن طالع بلة الهدوء والرزانة والاحترام كلهن ينجمعن بثائر يالله نسخة منة هاولد
كملت تنضيف ورحت كملت الغدة صارت ب12 ونص نفتحت الباب وفاتو الجهال يركضون يحضنون بية عبالك صارلهم قرن مشايفيني
_ يلة روحو غسلو وبدلو وتعالو سولفولي
ركضو للغرفة وفات الاب وراهم مبتسم رحت حضنتة
_ الله يساعدك يروحي
ثائر : ويساعدك كلبي صبي الغدة ترا ميت جوع
ليال : تمام روح اسبح ملابسك بالحمام
ثائر : خوش
ليال : تقرب باسني وراح بتسمت وحضرت الميز وصبيت الاكل اجة فهد كعد طبعا عمرة 3سنين ونص تقريبا
جوي وراه نور واسد وبدت الاسطوانة اللي ما امل منهة سوالفهم عن المدرسة وحماسهن يضلون يحجولي كلشي من اول ميفوتون لحد ميطلعون
اجة ثائر وبدينتة ناكل
ثائر : تعال ولك كلب مشتاقلك
فهد : عيب لكول كلب
ليال : ييز عيب بابا لتكول كلب
ثائر : اكوملكم هسة تعال جبتلك شي
فهد؛ ثنو
ثائر: تعال وشوف
ليال : ركض يمة طلعلة نستلة هذا ضل يكمز ويبوس بي
ثائر : وانت هم جبتلج
ليال : اخذتهة _ شكرا بابا
ثائر : العفو بنيتي
ليال: كملنة غدة بسوالف اسد ونور ورة الغدة راحو نامنو بساع من التعب وفهد استلم ايبادة كالعادة واني غسلت المواعين وسويت جاي ورحت وديتة لثائر بالغرفة شربة ونام رحت يم فهد اكلب بموبايلي
للعصر كعدو كلهم وهمات سويت عشا وتعشينة ورة العشة كعدنة بالهول
اسد ونور وفهد يلعبون بالكاع بملاعيبهم وثائر كاعد وحضاني لصدرة ويباوع تلفزيون باوعت عليهم وباوعت على ابوهم وبتسمت رفعت راسي وبستة بحنجة
ثائر : هية حرشة لو شنو
ليال : احبك استاذي
ثائر : اموت بيج طالبتي
ليال : الله لا يحرمني منك
ثائر : ولا منج
ليال : احبك
ثائر : اعشقج
فهد : واني احبكم
اسد : اني هم
نور : وانييي هممم
ليال : كمزو لحضنة يلعبون تقربت يمة وهمست باذنة
_ احبك للموتت استاذي المغرور
ثائر : اعشقج ليلتي
ليال : هنا اكدر اكول ان نختمت قصتي بنضرات تنتقل بيني وبينة وجهالنة يلعبون بحضنة
قال تعالى : ﴿ان مع العسر يسرا وان مع العسر يسر﴾ صدق الله العلي العضيم
القصة بيهة عبرة وحدة مرح اعددلكم عبر هواي هية عبرة وحدة وكلتهة فوك ورة العسر يسر
وبس
الله خلقنة ونطانة نعم هواي واحنة بعض الاحيان منقدر هالنعم لهذا ينطينة اختبار يخلينة نحس على روحنة وكل الصار وياي جان اختبار واني مستحيل انساه
نصيحتي لكل بنية الحب مو حرام بس من تحبين حبي بطريقة صح اني لحد هاللحضة اعتبر اكثر غلط بحياتي سويتة هية علاقتي بثائر بالبداية لان اهلي جانو حاطين ثقتهم بية واني هدمت هالثقة
لهذا حافضي على روحج وعلى ثقة اهلج بيج وبهيج عمر اغلب العلاقات تكون فاشلة وعدكم علاقتي بثائر لحد ما دخلت ال18 يلة خطبني وهاذا اكبر دليل ان العلاقات لللي قبل 18تكون مو صحيحة لهذا نتبهو على نفسكم
وملاحضة بهذا حجي اني ما اقصد كل العلاقات عامة لا اكو علاقات تكون ناجحة واني علاقتي ناجحة بس اخذو حذركم يكاد الاحوال
ومعلومة ثانية اللي يحب ينتضر يعني اذا شخص يحبج بصدق حينتضرج واذا نساج معناهة مجان يحبج
وبالاخير اتمنة عجبتكم قصتي وشكرا لان ستمريتو لحد هاللحضة وكملتوهة شكرا كلش هواي تحياتي الكم ❤
_______________________
رجعتلكم اني كاتبتكم هههه
ماعرف بشنو ابدي اول شي اكو هواي حجي بداخلي
واحس دموعي بعيوني واني داكتب هسة
اول شي اكلكم شكراا من كل قلبيي على كلشي على دعمكم للقصة على حماسكم اعرف هواي باخر فترة طولت عليكم بس والله مجان بارادتي صدكوني
جنت ضايجة ومالي واهس مثل اول لهذا اسفة هواي ❤❤❤❤❤
ثاني شي واللي هوة تعودت علي بكل قصصي ماكوو اي انتقاد للقصة يعني اني متابعة التعليقات ادور على انتقاد ماكو وهذا الشي بكل قصصي اشوفة من اول قصة الي
فصليتي واعذبهة
واحببتك رغم كل شي
وهاي
ما اشوف اي انتقاد وهذا شي يزيدني فخر ويفرحنييي هوااااي وشكرا الكم ❤❤
ثالث شي شكرا على كل كلامكم العسل شكرا لان تحملتوني لحد هاللحضة وستمريتو وياي ودعمتوني بكل حب ونطيتوني حب وكمية دعم جبيرة صدكوني لو شكد ما احجيلكم ما اوصف اللي بداخلي ❤❤❤❤
نجي هسة على كم موضوع اريد احجي بي
اكو هواي يكولولي ليش متكتبين قصص حقيقية باوعو اني عندي الكتابة هواية
واني مو كاتبة محترفة اني بعدني بدايتي بالكتابة ماريد اضلم قصة وياي اخاف ما اوصف القصة بصورة صحيحة اخاف تنضلم القصة يمي ويجوز تكون احسن بهواي يم غيري اني كاتبة مبتدئة بعدني لهذا ماريد اضلم احد وياي
واكو هم شغلة اريد اكولهة واعترف بيهة انيي خيالييي واسععععععععع كولشششش 😂😂😂
متتصورون لاي درجة فاكو اشياء بقصصي يجوز متلكوهة بالواقع ممتوفرة بس اني من اكتب انسى كلشي واسرح بخيالي لهذا اكلكم هالمعلومة حتى لتكولون قصصج متعبر عن الواقع
واني احجيلكم عني من اجي اريد اقرة قصة اجي مو بس حتى اخذ عبرة اجي اريد اتونس شوية بالقصة لهذا اني اعكس نضرتي بالقصص يعني القصة بدون الخيال متصير حلوة واقعنة شوية مو محمس لهذا الخيال لازم يكون متوفر بكل قصة
وهذا اللي ردت احجي بي اذا شفتوني اروح زايد بالخيال هذا شي طبيعي بالنسبة الية هههههه
نرجع لاستاذي المغرور اللي بدت بيوم 13 /2020/9❤
ونتهت اليوم اللي يصادف 21 /2 /2021 ❤
6 اشهر عشت وياكم بهالقصة واووو بدت ترجعلي الذكريات ❤
بكل بارت جان اكو ذكرى بيومي من ارجع اقراهة اكول بذاك اليوم جنت هيج وجنت هيج يعني هالقصة تعلقت بيهة هواي ولو اني كل قصصي متعلقة بيهن 😂😂😂بس هاي مختلفة
بالاخير اكلكم اني كاتبتكم يقين انتضروني بقصة جديدة وحياه جديدة اعيشهة وياكم ووية اقصة ❤
وبالنسبة للقصة الجديدة فاني اريد استراحة طووويلة الية اسفة هواي بس صدك اريد استراحة والقصة الجديدة هية مو قصة وحدة هية قصة بس بداخلهة 3 قصص مختلفة كل وحدة تتكلم عن شي مختلف بواقعنة ❤
لهذا اريد افكر بيهة على كيف همات وباخر بارت الية اريد منكم طلب لاخر بارت بهالقصة
صوتو امانة وعلقو حتى لو بقلب واحد اريد اشوف محبين القصة شكد وخلو هالبارت مختلف عن البارتات القديمة خلي ذكرى بيني وبينكم نتذكرهة بالمستقبل ❤❤❤❤
وبس احبكككككم هوووووواي 💛💛💛💛☁
ونتضروني.....
~ تحياتي الكم الــكـاتـبة : yaqeen.hassan~