#سنيسفيورم ❤️
بقلـــم. "محمــد مالــك "
الحلقــة "الثالـثه و الثــلاثون الـــــ 33"
_______________
وصلت رسالة ع تلفون ايهــاب كان ف جيــب اســامة
طلعه وكانت منهـــم
بدت 48 ساعة ع خــاطر دخلتـــو الدولة فالموضــوع !
اسامة..يشــوف للرســـالة...قعمز عالارض قــدام عتــبة الباب وحط ايديه الزوز ع راسه وغــمض عيونه
خالد وسيف مســتغربين فيه
سيف..قرب مــنه وحط يــده ع كتفه: شن صــار!
اسامة..وقف: دورو ايهــاب شوف الاستراحة تلــقاه كلمني !
سيــف: تمــام
اسامة: خالــد
خالد: ايوا
اسامــة: خلي عينــك عالعيلة بالله عندي ما ندير مش فاضي الــيوم !
خالــد: تمام مدورش موضــوع عندي
اسامة..خــش الحوش
الاء وتهاني والبنات : شن صار معاك
اسامـة: تي واحــد مريض شــكله واني اي انسان مريــض يجيني تقول فيا مغناطــيس يجذب فالــمرضى
تهانــي: كيف مريـض
اسامــة: غير مش وقـته والله مــعاش يجـي مرة ثانـية غــير توا فاديــة موضوعي بــعدين نهدرزو ..ركب خــدى الفلوس وطلــع
تهاني: ما بعــدك يا بنتي
بلقيـس..شافت لــ تهانــي..وابتــسمت
تهاني: يا لطــيف الولد كويــس لن يتعفلق اول ما يتعـفلق متــقدريش تحكى معاه كلمتــين معا بعضهم !
الاء: ماما بلقيس تــحبه ع خاطــر عصــبي ولا
بلقيـس..فنـصت فــ الاء : اصـص
الاء: ههههههههههههه
ابــرار: البنت مخــطوفة واسامة قريب ينجلط ماشي جاي وتضــحكي مصـح وجهك
الاء: نخفف ف طاقة السلبــية الــي صايــرة وباذن الله فادية حــترجع سالمة
اسامة يسوق فـ ســيارة ويفكر
شن الحل كيف حتــنباع الشقة فــ يومين كيــف ولا استراحة ايهــاب كيف حتنباع فــ يومين منــين حيلقطــوهم فــ يومين
كان خوفـه ع فادية تقول اختــه لانه فالفــترة الي فاتت كانــت اغلـب وقت فــ حوش اسامة ويــشوف فيهـا تلعب ديمــا 🌹
اتصل بيــه سيف
اسامة رد : ايــوا شن صار
سيــف: اهو فالاســتراحة وتعال بسرعة الاخ واخد ســلاحه ومش عارف شــن يدير راه
اسامــة: متخليشي يطلــع وكان جبد عليك المــسدس متوقفــش قدامـه حيضربك برصاصة راه
سيــف..عقــد حواجــبه: بيضــربني علاش ؟
اسامة: ايهاب يدير اي حاجــة لـ اخته مهــم انتا قــوله اسامــة جاي وعطله بدوة اي حاجــة بس !
سـيف:تـمام متعــطلش !
اسامة..ســكر من مكالمة سيف اتصل بــ عثمان
عثمان: مفيــش اخبار !؟
اسامــة: نكلمو الشرطة والــدولة ؟ يساعــدونا
عثمــان: لا تصرفت مشــيت للمركز وقلــتلهم
اسامة: ************* يعني انــتا ولا
عثمــان: خيرك تــسب توا واحد يغلط فــالدوة !
اسامة: كله منك نقصو 24 ساعــة من المهلة مــش قتلك مديرش شــئ غير تسمع الكـلام
عــثمان..بعصــاب:نسمع كلامــك ! بنت خوي الي مخطوفة واعـلم الله بحالها توا نبي نسمـع كلامــك تعرف كان الموضوع مش بنت خــوي راه عرفت نتفــاهم معاك بالاســلوب الي يمشي مــعاك
اسامــة: غير فهمني حاجة بــس غبـي انتا متخلــف انتا ! ادخل الدولة ف موضوع علاش ! منين بنلــقطو ****** توا ف يومــين
عثمــان: وين نعلم هــما مقالوش متكلمــوش الدولة
اسامة: مية مية برا لقط الي تــقدر عليه بــدل الدوة تعرف لو ملحقــناش نلقطوهم فـ 48 ساعة حنــقول لـ ايهاب انتا سبب تنقيص الوقت
عثـمان:دقيقة بــس مش توا اول ما اتصلت قلت نكــلمو الشرطة ؟
اسامــة: بنشــوفك انتا الي كلمــتهم ولا لا تــعال استراحة ايهاب بـسرعة
عثمــان: تمام جاي ســكر
سكر الخط
اتــصل بيه رقــم غريب
رد عليه وكان يــسال ع شقة وتفاصــيلها !
عثمــان..درس ســيارته وخش الاستراحة
سيف..كان واقف: اســامة معاك ؟
عثــمان: مجاش هوا قصــدك ؟!
سيــف: قال فــ طريق
عثمان: شن ادير اهنى كلمــك اسامــة ؟
سيف:ايهاب داخــل
عثــمان: نــعممم ؟! كيف نــاض هاده مش كان قريــب يموت
سيــف: مش عارف بــس وجهه اصفر وعرق كله ومــعا هاده مش عارف شن يدير لزنــي وســكر باب السحاب
عثــمان: اصبر نشــوفه
مشـى قدام باب الســحاب وقعد يطق فيـه !
ايهاب...بعصاب: اطلــع من راســي
عثمــان: اني عثــمان افتــح
ايهاب..سمــع عثمان مشى فتح:نـعم
عثمــان: شوف وجهــك يا راجل نعطــيك كف يغــما عليك قــعمز استريح شن اديــر انتا
ايــهاب: بنبــيع الاثاث حصلت من ياخــده
عثمان: كم يجــيب يعني الاثــاث
ايهـاب: حتا ربع دينار حنلقطــها توا ..دار صبــعه ع فمـه بمـعني اصصص.. راســي صــداع
اسامــة خـش ..بعصاب وعــياط ع ايهــاب: خيرك انتا متفهمــش بدوة ؟!
ايــهاب: اطلع من راسي انـتا الثانـي !
اسامــة..شــده من تيشــرته : اسمع واصله حدها راه دير عقل فـ راســك وفكــنا من لعب الصــغار ! تي شــوف منظــرك تقول ميت يمشــي شوف وجهــك كيف
ايهاب: اسامة متخلينيــش نغلــط فيك
اسامــة: لا نبيك تغلط فيا اني !
ايهاب: اخـتتي اختي شن الي مش فاهميــنه فالموضوع!
اسامة: اختك حترجــع تمام لـكن لما ترجع وانتا تصيــرلك حاجة مـن حيقعدلها !؟ ..اشر بيــده ع عثــمان هاده الي حاصــل ف روحه
عثمــان: واقف جنــبك راه عــندك علم ؟!
اسامـة: مهم حصلت من يــشري الشقة توا شوية وجاي يشــوفها
عثـمان: به الحمد الله
ايهــاب..حط راســه عالحـيط : يا راجل كيف خليــته ياخدها مني كيــف !
عثمان: نضربت برصاصــة شن حدير اكثر من هــكي !
ايهاب: كنــت مفروض نقتله نقتلــه حتا متت عادي خبــط بيده الــحيط وعيط بصــوت عالي..واااااااااااااااااااااااااااك
اسامــة: شوف زي توا عنــدنا 100 الف بزبط 80 ايــهاب و20 انــي ناقصين 400 الف الشــقة سعرها 200 الــف بس حنـقص فيها مش نبيعوها بســرعة تــمام يعني حيقــعد النقــص اكثر من 200 الف ومــعاها انتا كم تقــدر تلقط
عثمان: مش عارف ســيارة صبري كيف حتــنباع ؟ ب اسمه
اسامــة: عندي ولد يشــري ف ســيارات مــخنوبة غير مش مهم تنبــاع شن نوعهــا السيارة !؟
عثمان: كيا ريو
اسامة: تمام حلو ســيارتك شن ؟
عثــمان: افانتــي
اسامــة: نقول علاش غــبي اني
ايهــاب: الاثاث حيــجيب 5 لاف
اسامة: كله الاثاث هاده ســعره ؟
ايهاب: عنــدك حد يشري ؟
اسامــة:تي اقل من نص حـقه نحصــلو اكثر
ايهاب: لو منحصـلوش ؟
اسامة: تمام شوف توا ســيارات 20 الف و 5 اثــاث
يعني حينقصــونا 195 الف
عثمــان: هلباااا مزال هلباااا
اسامة: اســكت نديــرو حل ؟!
ايهاب: مفيــش حل غير تنباع الاستراحــة
اسامة يشوف لــ ايهاب وسـاكت عارف انه ايهــاب لو باع الاستراحة يبدا معنداش حــوش ! بيقعــدله المحــل بس وصعب يوقــف ع رجليه من ناحية الماليــة !
عثمان:تــمام توا بنمشي اني بنخــطم ع كل مكتب عقارات يقابلني بــنحط فيه الاستراحة كم نديرو سعــر الاستراحة؟!
اسامة: كم تسوا توا ؟400 الف ولا
ايهاب:ايه واني بنــبيعها ب 195 الف غير حد يشــري بس
اسامــة: حتا تبــيعها ب 300 سعــرها كزيوني وناس تاخــدها باذن الله
ايهاب: منــبيش نندم بعــدين ع خاطر كم قرش انه منباعــتش الاستراحــة اعرضوها هكي
عثمان: تمام ابعتلــي رقم الولد الي يشري فــ سيارات المخنــوبة ولا شن يديـر هاده
اسامة: تمام ..بعتله الرقم وطــلع : سيف ساعــد ايهاب بالاثــاث وشوف الولاد يســاعدو لانه معــنداش جهد ويجبــد ف حاجات رزينــة !
سـيف:تمام عنــدي ايهاب
اسامة: متمشــيش من جنبه راه مهبــول هاده متعرفاش شن يديـر
سيـف:لالا مـعاش تتعاود
اسامة: تمــام !
طلع اسامـــة
وكان كل واحد فيــهم يلقــط فالفلــوس ! عثمان تسلـف من شخص يعرفه مبلغ زيــادة فوق حــق ســيارات
واسامة مشى ل شقته الجــديدة وجاه راجل سمسـار شافــها كيف نظيفة وسعرها مليح قال بياخــدها
اسامة وقتي جاب عمــال وسيـارات نقل والاثــاث كله رفعه لحوشهــم
بلقيس..من دور ثاني تشوف ف الاثاث يحــطو فيه فالجــنان
تهاني..حست بيها مضايــقة: عادي يا بنتــي اسامة توا ياخــد غيــرها واحلي منها مضايقيــش روحك
بلقيــس..ابتسمت: لا مش مضــايقة شقــة فالاخـير فادية اغلى منــها
تهاني: ايه بالله قــلبي الا واجعنــي عليها البنت شكــله عين وحــدة من النساويــن فالعرس هاده علاش البنــت هكي صارلها مسكينة
الاء: عين شــن يا ماما شن تقــولي
تهاني: اص العين حق وتجيـب المــشاكل والهــم البنت تبــارك الله عليها زي الــغزالة طلعــت علاش قصيتــولها شعرها درتو العـين علـيها البنت
الاء: الحــق مش عارفــة شن نرد
ملاذ..تبكي فــ دارها
اية:معاش تبـكي مش حيصيرلها شئ طالبيــن فلــوس يعني اول ما يعطوهم الفلوس حياخــدو فادية واسامــة وايــهاب اكــيد مش حيخلــوها
مـلاذ: لو خدو الفلوس بعديــن هربو ومعطوهمـش فادية !
ايـة: لالا شن تقــولي تحسابي روحك ف مــسلسل
مــلاذ: توا الي قاعد يصــير طبيعي عــندك ؟!
ايــة: عارفة مش طبيعي بس ادعيلــها ربي يحــميها البنت وما يضــربوها ولا يديرولها حاجــة !
اسامة تفاهــم معا الراجــل ثاني يــوم حيتمــو اجراءت الشقة وحيــستلم الفــلوس
ايهاب باع اثاثــه كله وخدى حــقه ومقعمز عالارض فالاسـتراحة يســتنا فــ حد يجي يشـوفها
عــثمان باع ســـيارة خوه لصاحب اسامة وتســلف فلوس وعارض ســيارته يستنا من يشــري !
_________________
ساعة 12 الليــل
ايهاب و اسامة مقعمــزين عالارض والاستراحة فاضــية
ايهاب: خشــيت من الباب كان ملثــم اكحــل فــ اكحل متعرفش حتا لون بشــرته شني قال اعطـيني فادية زي توا ب اســمها يعني يعرفــها يــعرف انه فادية عندي يــعرف انه فادية مروحــة مــعاي يوم العــرس فيــه حد شافني ف الــصالة وقــت خديت فادية وطلعت بيها
اسامــة: وكــيف شافك فــ صالة وبعدين وصــل قبلـك الاستــراحة ولقيته يســتنا فيك
ايــهاب:لالا هادو اكثر من نفر فــ كل مكان ويتــبعو فينا شن نديــرو مـش يبدو عارفيــن خطوتــنا وين
اسامة..ســرح شوية : اسمع بنقـولك حاجة لكن بتقعد تعيـط مش حنقولها
ايهاب: بعد فادية شن الي حيعفلقني
اسامة: اليـوم بعتولي رسالــة ونقــصو المهلة لـ 48 ساعة والي مزال منهـم 39 ساعة
ايهاب..بعصــاب: مش كانو 72 كيــف نقصــو ؟! علاااش
اسامــة: غير اسمـع قالو فــ رسالة ع خاطر دخلتو الدولــة !
ايهــاب: تي دولة شن متهبلنيــش يا راجل
اسامــة: عثمان الغبي مــشى دار بلاغ ع اختــطاف السؤال كيــف عرفو ؟!
ايهاب..خبط الارض بيـده: قتلــك يتبعو فينا ولا ؟! كيف قدرو يــعرفو شن حنــديرو كيف عرفو فادية معــاي وهيا ليها اســبوع معاك
اسامــة: زعما فــيه حد ورانا توا ؟!
ايــهاب:عندي فكـرة! بس مش حنديروها توا خطر ع فاديــة بس حنديرو جزء مــنها !
اسامــة: شن هيا
ايـــهاب......
______________
اسامة خـــش حوشه ساعة 2الليــل
كان يوم مرهــق كله تفكــير من مــكان لي مكــان ويتكلم معا هــذا ويتصل بـ هذا تعـب هلبا وقبــلها العرس ودوشــته
كان الحــوش هدوء !
ركب لــ داره لقى بلقيــس فاتحــه تلفونها تــستنا فيــه
بلقيــس نحت تلفونـها و ناضت :اهلـين خيرك عــطلت !
اسامة: كنت مع ايهاب وانتِ عارفــة
بلقيــس: نتصل بيـك يعطي مقفــل
اسامة..طلع تلفونه لــقاه مسـكر:مندريش عليه حتـئ كمل شــحنه عنــدك علم ..و "حطه فالشـحن "
بلقيس: شن صار لقطــو حق الفــدية !
اسامة. قعـمز ع الكرسـي و .شد ايد بلقيـس: زعـلانة ؟
بلقيــس: عـلاش زعلانةـ
اسامـه شدهـا من وسطهـا و قعـمزها ع رجلـه: ع الشــقة نعرفــك اني
بلقيــس ابتسـمت و شدت أيـده : مش اغلي من فاديــة. انـي ميهمنيـش المكـان اكثـر مـا يهمـني وجـودك انت فالمكـان لـ بنكون فيـه ❤️
اسامــة..دار شــعرها وراء وذنهــا بيده ❤️: ناخدو غيــرها باذن الله عارف عجباتــك بس هاده نصــيبنا و فادية زي اختي منــقدرش نخليــها مستعد حتا نبيع حوشــنا هاده
بلقيــس:والبنــات. ؟
اسامة: يسكنو ايجــار ولا تصــير حاجة للبنــت
صبــا لـ السريـر اتكـا و فـ حضنـه بلقيـس ❤️
..ا
بلقيس: احكيــلي عالراجل الي جاء قدام الحــوش
اسامــة: تــي مش طبيــعي شكلــه فلوس ما فلوس بوي ما بوي وانــي مبكرى دايخ ونفـكر فـ فادية ضـربته علي داره بعديــن منندريـش عليه
بلقيس: اسامة غــدوا انا وتقــوى حنمشـو لـ روان
اسامة: مـفيش مشى لي ولا مــكان لا انتي لا هــيا
بلقيس..عقــدت حواجبها: عــلاش
اسامــة: فيه حد يتــبع فيا منبيكــش تطلعو خطوة برا عتبــة الباب
بلقيــس..بخــوف: من يتبع فيــك !
اسامة: مش عارف من لما طــلعت من حوش ايهاب لن وصلــت للحــوش وهوا وراى ومطفــي ضئ سيارة ومــاشي
بلقيس: من يكـون هاده العــفو !
اسامــة: عندنا شــك انه من جـماعة الي خطفـو فادية
بلقيس: به شدوه واعرفــو مكــانها!!
اسامـة: ياريت موضوع ســاهل اكيد تحته ســلاح هــادي حاجة والحــاجة الثانيـة لما نشدوه بيعرفو ولا يختفــي من عليــهم ومعرفناش منه مكــان فادية مرات يــديرولها حاجــة
بلقيس: صــح مفكرتش هكـي
اسامــة: معناها مفيش طلــوع من الحوش فاهــمة انتي وغــيرك وتوا نفهمهم البــاقي
بلقيس: تمام انتا دير بالك ع روحك راه شكــلهم عصابة ولا مليشــيا هاده شن خطف وضربو ايـهاب وتوا يتبعــو فيكـم يالطيف شــن هالاجرام التنـظيم !
اسامــة: و هادي ليبيا
_______________________
بعد 35 ســـاعة. ❤️
مزال ســاعة ومعاها ع موعــد تسليم الفــلوس
ايهاب..يــخبط ع الباب برجــله: كيف الحل 150 الف ناقصــات الاســتراحة مبــتش تنباع
عثمــان..حاط ايديــه ع وجــهه: نكلموهــم ونطلبو مهــلة اكثر
اسامـة..ساكت وهما يخــممو
ايهاب: نديــرو الي قتلـك عليه !
عثـمان رفع راسـه : شن هوا الي قتله عــليه ؟!
ايــهاب: نشدو الي يتبع فينــا ونضربوه ونعرفو مكانها نـتبادلو الي نشــدوه بــ فادية
عثــمان: صح فكرة ع الاقــل مقعدناش واقــفين هكــي
اسامــة: لا
ايهــاب: شن الحل اني بنديــرها مــش حنــشوف اختـي..قــص عليــه
اسامـة: اسكت شوية اســمع الي عندي !
ايهاب..يشوفله ومــتوتر
اسامــة: الي يتبع فينا شــن وظيفتــه
ايهــاب: يراقـب فينا
اسامة: ويتاكــد مفيش أمن ويــتاكد انه جمــعنا المــبلغ ولا لا !
ايــهاب: به وين الجديد نعرفــوه هاده
اسامــة: عندي فــكرة مش عــارف نشوف فيــها تنفــع ولا لا شفــتها فــ مسلسل
عــثمان : لعـب صغار هوا مسلــسل شن بتاعك
اسامة: احنى نخلوه يشــوف شن يبــي
عثمان عقـد حواجبـه:كيــف ؟
اسامــة: نكلم ولد يجـي للاســتراحة يدرس ســيارته يخــش شوية ويطــلع ايهاب انت و ياه تمــشو لكاتــب عدل تقعــمزو شوية فالمكــتب تطلعو اتجــو للاستـراحة سلمه المفتاح وهوا يسلملك شنطــة حنحطــو فيها فلوس الي لقطــناهم
انتا افــتح شنطة ف شــارع وطلع فلوس بيدك بعديــن دير روحك تسكــرها بسرعة وهوا هكــي حيحاســبك بعت الاستــراحة وهما تبعـوني اكيد عرفــو انه بعت الشــقة ويعـرفو شن بعنا وهكي حيــكون ف بالـهم انه عندنا المــبلغ
ايهــاب: ايه تــمام وبــعدين
اسـامة: بعــدين نقــولوه عندنا المــبلغ و نطلبو يسلم فادية بعديــن ياخد المبلغ
ايهـاب : وبيرضو يعني مــش اغبياء اكيــد راه !
اسامة: مـش عارف نجــربو حظنــا اني هكي ودماغـي دخن من التفكــير
عثــمان: والحــل!؟
ايــهاب: حــنديرو كلام اسامــة توا مفيش حــل ثاني
__________
ابــرار: مفيش اخبــار من اسامـة !
تــقوى: اتصــلي بيه !
ابرار: اكيـدة جربت نتصــل ميــردش
تــقوى: مش عارفــة بس طلع بكرى هلبا اسامــة
بلقيـس تنـهدت : طلع بعد صــلاة الفجر و مــقالش شئ
الاء: لــ امتا بننحبسو فالحــوش نبي نمــشي نــقرا اني
تهانــي:اسمــعي كلام خــوك قال محــدش يطــلع معنــاها فيه شن يعــرف
بلقيــس..الوحــيدة لـ عارفــة انه فيه حد يتبــع فــ اسامة الباقــي اسامة مقالش ليهم شئ بــاش ميخافــوش ويعقــدوه فـ طلــعته وخشــته !
ناضـت توضـت و صلـت و بدت تدعيلـه 🥺❤️نين حست روحهـا تريحت شويـا رجعت جنب البنـات
رن جــرس الــباب !
الاء: من زعـما روان جــت !
تــقوى: لالا كانت تكــلم فيا كيف رقدت احمد قــالت مستــحيل هيا !
الاء: زعما الراجــل نفســه !!؟
ابـــرار: هاده رن الجــرس ب احترام مش زيه يخبط تخبيــط تقـول ماشي مداهــمة !
تهاني:اني نــشوف من مــحدش يطـلع
فتحـت باب الداخلي
تهاني: مني ؟!
ساجــدة: اني جارتكم الجــديدة !
الاء..بتطلع تفــتح
تهانــي..شــدتها.. و بصـوت خفــيف اركبي شوفي من الروشـن من ع الــباب !
الاء: صوت مــراة واضــح
تهانــي: و كان يطلــع واقـف جنــبها ولا حاجــة و منيـن جارتنــا الجــديدة طلعــت هادي
الاء..ركبــت تــجري
تهانــي..بصوت عالــي: هيا هيــا دقيــقــة بس
الاء..نزلــت: ايه بنــت يا مامــا عالباب
بلقيــس..طلعت وفتحــت
ساجــدة ابتسمت
________________
ايهــاب..متــوتر: تخيل يزبطو نمثــلو عــليهم !
اسامـة شبحلا : بتــقعد متوتــر زي توا بيزبــطو حتا اني خايـف زيك بس متوضــحش الشئ هــذا
ايهاب: بــسم الله الرحمــن الرحــيم
توكلنا عــلي الله !
____________
روان. صـكرت باب الـدار بعـد ما رقـدت احمـد الـي دهشـها ليلـة امـس
و خشـت لـ المطـبخ طلعت مـق
دارت قهـوه و طلعـت قعـمزت ع الكنبـه تشرب فاهـا و تتصـفح ع النـت
سمـعت صوت مرش نكــسر وخبطـــة !
عيطت بصــوت عالــي !
يتبــع.…………
بقلـم "محمــد مالـك"
رايكم يهــمني
توقعاتـكم
ناس لــ شافت المقابلة اليــوم عندهم فكرة من ممكن يكون الشخــص الي وراء العمــايل كلهــم. !
و بالنسبة للناس لــ طالبيــن اللقاء غدوا حيـــنزلكم بعــون الله ❤️
اني عــندي تسجيل فيــه اغلب القاء حينزل غدوا تمام وحيكون اسئلة بخصوص الروايات والاعمال وبدايتي
وحيكون فيه تسجيل فيه تكلمنا علي احداث رواية #سنيسفيورم المستقبلية والحاجات الجديدة حنشوفوها فالحلقات الجايات وحيكون التسجل ف صفحة الانستا
Randa__abid
او رابط صفتحها ع الانستا
https://instagram.com/randa__abid?igshid=1772k7qdsf68q