سنيســـفيورم ❤️🌹
بقلــم " محـمد مالــك "
الحلقــة " السابــعة و العشــرون الـ27 "
________________
خدا احمــد من حضــنها وقعمز
قعد يلعب فيه ويضـحك معاه !
تهاني..تشوفلــه و مســتغربة !!
اسامــة..يشــوف لـ احمد ومبتسم
تهاني..قربــت من روان وبصـوت خفـيف: خـوك تصــرفاته مش طبيـعية راه
روان..عقـــدت حواجبهــا: عــلاش ؟!
تهانــي: توا هكي توقعناه يتــصرف لما يــعرف منــي حــرقله مـــحله !
روان: ربي هدآه اهــو عيط و سكــت لكن توا اشبــح شن حيـدير
تهانــي: والله لما عرفــت انه سمع توقعــته يمشــي يحرقــهم و يــضرب ربيــع
روان.. وقفـت و مشــت اتجــاه اســامة: ايه اسامــة شن بديــر !
اسامــة..يلــعـب فــ احمد و يضحــك معـاه : شـن بنديــر ؟
روان: عــاد ســؤال واضـح ربــيع شـن بديــرله
اسماعــيل: شـن بيديــرله غدوا نفتــحو فيه محـضر فالداخليــة ولا اي جهــة امنيـة
اسامــة شبحلــهم : لالا مش حنفــتح محـضر
تهانــي: فكنا يا وليــدي نظام بتاخــد حــقك بيدك فــكنا منه والله ما نـاقــصنا هم ومشاكـل
اسامة..يلعب مــع احمد : اغااااا ...!" أحمد يضــحك "...اغااا..
تهانــي: رد عليــا
اسامة: متخافيــش حنعرف نتصــرف
اسماعــيل..يشــوف لــ اسامة: يعني بتخــليه بتفــوته ؟
اسامة: لالا وين نفوته هــذا وين حصلت ســبب نقعد وراهــم اني
تهانــي: شوفي يا روان لازم يمرضنـي شن تقعد وراهــم ناقصــين احنى !
روان...تلفــونها يتـصل نـاض اسمـاعيل جابـه ليهـا : اية هادي شـكلهم يســالو عليك .. و ردت عليها
تهانــي..قربـت من اسامــة..وتتكلــم معاه بنبرة خــفيفة واقناع: شوف احسن حل زي ما قالك اسماعــيل افتح محضر والدولة حتاخــد حقك وفكك مـنهم توا يحبــسوه ولا يتصـرفو معاه وريح راسك ! سلم ولدي
اسماعيل:احســن حل يا اسامــه راه فوتـك من الكلام الزائد !
اسامة..ابتســملهم : هما توا خلصــو 28 الف ( حــق السـيارات الي حرقهــم الزوز ) يعني مزال 42 الف و فلوس بوي عالـورق عندي اكثر مــن 40 الف
تهاني..عــقدت حواجبهـا ومـش فاهــمة شئ: شن تقــول 28 الف شن خلصــو !؟
اسامة..حط احــمد ف حضن تهــاني و وقف باس ع راسـها: بنمشي للحـوش
تهانـي: غير تـعال جـاي مكملــتش دوة معــاك يا ولد !
اسامـة: والله تعبـان يا امي نهــدرزو غـدوا يا غاليــة بنجــي نــشوف احمد
اسماعيــل: زدت قعدت ولا رقدت نسيت البنـات بروحهم !
اسامة: لا والله هداكا هــوا توا الواحــد. و نص ومرات فــيه بوابات ودوشــة والبنات بروحهــم
تهاني: لا متمــشيش لن نتفاهـمو
اسامـة..حضــن تهاني: غدوا نهدرزو قتــلك مش موضــوع مهم
لبس ســـبيدروه و طــلع
نــزل معـاه اسماعيل
روان..سكرت مكالمة ومشت للصالة لقــت اسامة مهناش:وين مشى ؟
تهاني: بيـروح
روان: خيره مستعجل قعد اهنى اليــوم
تهانـي: تصرفاته غريبـة والبــرود الي عنده مش طبيــعي ! خوكم هبل شــكله !!...احمد ناض يعـيط مــداته لــ روان و خشت هيا متعفلـقة !
روان شدت احمـد : خـيررهم هادو !
اسماعيل:اسامـة
اسامة..ولع السيارة نزل الروشــن:ايوا
اسماعـيل: تبي حاجة كلمنــي عـندي صاحبي فالداخلـية مرات يــساعد !
اسامة: لا لو نـبي نحبـسه راه حبسـته مـش موضوعـي الحبس
اسماعيل: كيف بتتصرف ؟! امك متبيــش موضــوع يـكبر متنسـاش انــت راجل العيــلة الوحــيد لا قـدر الله..قــص عليه أسـامة
اسامــة: مش حيــصير شئ بنرد حـقي وحـق بـوي بس
اسماعيل..عقد حواجبــه ومــش عارف معــني حق بوي : تمام مهــم زي ما قتــلك تحــتاج شئ كلمني
اسامة: مــنووور تصبح ع خير
اسماعيل..وخــر من الروشــن: قــدامك كل خيــر
اســامة..طلع و بيـــب
ركــب اسماعيـل خـش و سمع صـوت احمد ضحـك. : ليله نزيـكه شورها
روان ضحكـت. : ماما كانت شادتـه وين بدي يبكي عطتهولي و خشت رقـدت
اسماعيـل. : هاتـي نشدهولـك و انتِ ارتـاحي شوي
روان قربـت اعطاتـه احمـد و تمـددت. : يسلمـلي ❤️
اسماعيـل ابتسـم و غـمزلهـا ❤️
_______________________
وصـل اسامـه لـ الحــوش و دخـل طـول
نزلت الاء و ابـرار : خــيرك لتوا
اسامــة: مش اختك كلــمت روان
الاء: ايه لكن عــلاش عطلــت عندهــم
اسامة: فادية ويــن ؟
الاء: رقدت فــ دارك حطيــناها
اسامــة: تمــام
ابــرار:نديرلك دحــى ؟
اسامة: منبــيش عمتي ويــن ؟
ابرار: رقدت حتــئ هيا
اسامـــة: تمام تصبحــو ع خير امـــالا !
الاء..شـافت لــ ابرار: مش كان والــع خــيره هكي ولا ؟ توقعـــاته يوم عالمــي حيـكون!
ابـرار: الحمد الله جــت هكي عياط شــوية وخــلاص
الاء..هزت كتــافها و ركبــت
اسامة..بيخــش داره
ناداته بلقـــيس: اسامة..مــردش علــيها..اسامة..مردش علــيها...اسامة...فتح باب داره وخــش سكــره !
بلقيس..وجــعها الموقف وخنقتهــا العبرة وقعــدت تبكي !
الاء...و ابــرار هـما راكبيــن شافــوها
الاء: خيــررك شن صار
بلقيــس..تمسح فــ دموعها : شئ
الاء: اســامة ولا كان حــالك كويـس قبل شوية
بلقيــس: مفيش شئ ..خشت لــ دارها
الاء: الـحوش هـــذا عبــارة عن لــغز متفهــمش حد فـيه
ابــرار:هههههههههه مسلسل مكســيكي
بعــد ساعتـــين🌹❤️
ساعـــة 3:30 الليــل
بلقيس..تمسح فــ دموعها تنــهدت
طــلعت من دارها وفتــحت باب دار اســامة
اسامة..مقــعمز وحاط الملف والــورق عالارض !
وعالــسرير فادية راقـــدة !
شاف لــ بلقيــس: نعــم ؟ مش فاضــي !
بلقــيس..خـشت وسكرت الباب و عيــونها حمر !: جديــات حتتــصرف هكي توا !
اسامــة: البنــت راقدة نقصى صــوتك !
بلقيـس: لا بنتكلم يــسمعو كلهم علاش تعامــل فيا هكــي !؟
اسامة..يـههز ف راسه: مش واضــح الســبب يعنـي ؟!
بلقيــس: يعــني دسيــت عليك اني منبيـش يصــيرلك شئ !
اسامة: هوا دســيتي عليا وفيه موضـوع رسـالة ما رســالة مفهمتاش مبـيتش نســال عليه اكـثر خــير قلت
بلقيس: اه ايه فتــحت تلفونك ببصــمة صبــعك ومسـحت الرسالة الي بعتتــها ليك مريـم وكلمـت مريم قتــلها متقربيــش اسامة وعــلاش تقولـيله شن تستفيدي ! توا انتا عارف الي صار كله تبــي نحكيلــك بالتفاصــيل !
اسامة..وقف و ابتسـم: صحيتي منبيش التفاصيل الي سمعته ساد اني بنرقـــد..اشر عالبــاب بايــده !
بلقيس..قعـمزت عالكرســي:مش طالعــة !
اسامــة: ههههههههه جديـــات
بلقيس..عقــدت حواجبهـا و ربعت ايديهـا: جــديات!
اسامة..قعمز ع حافة السرير ويــشوفلها: لـ امتا ـ!
بلقيس: لغـدوا !
اسامـة: به كان نطلعــك اني !
بلقيس: طلعني كان تـقدر !
اسامة..تنهد وقعد يلــم فالورق حطهم فالملف وحطه فالدولاب ..طفا الضئ ومشــى لـ سريره !
بلقيس..مقعمزة ف مكانها وتشوفله
اسامة: كان ينعـس فيـك النوم امشى ارقدي لـ امتا بتستني !
بلقيس: بنرقد اهـنى !
اسامة: تمام ارقدي ..تغطا وتلفت الجهة الثانية !
بلقيس..خايـفة ومتوتــرة بنفــس الوقت متشــجـعة !
قربــت وخشـــت وراء اسامــة ع السرير
و عطاته بظهـــرها !
تــوضيح( عاطيين بعضهم بالظـــهر الزوز عالــسرير )
اسامة..تلفــت لقاهــا وراءه: شن اديــري؟
بلقيــس بـنظـرة تحـدي : قتلك بنرقــد اهنى !
اسامة: ضيق السرير البنت راقدة !
بلقيس: الضــيق فالقلـب بس !
اسامة:دبــري حالــك
تغطا
و خداه النوم !
فــاق ع فياقه لصــلاة الفجــر بعد 3 ساعــات تقريبا..ســـكره بــسرعة بـــاش متفيــقش فاديـة
وناض طلع من وسطهم
كانت بلقــيس راقــدة ع حافـة الـسرير قريــب !
واساهــا وغطاها وابتــسم !
"شافلهــا هـــي وفاديــة كيف راقديـــن "
طلع توضاء خدا حوايــجه من الدار وطــلع
الحوش كلهم راقدين
سكر الباب بشــوية وطلع ولع سيــارته ومشى لجامعــهم القديم
صــلى الفجر وطلع
الشيخ لمــحه ولحــقه
الشيخ: اسامة !
اسامة..تلفت: شيخي
الشيــخ: وين ماشي من غير ما تســلم هكي !
اسامة: سامحني والله نسيت خشيـت صلـيت وطـلعت ومننــدريش ع روحي
الشيخ: شن الي واخد تفــكيرك الي حرق المـحل ولا قـاعد معرفتاش ؟
اسامــة: عرفته يا شيــخي
الشيـخ: ومن يكون ؟ نعرفـه اني
اسامــة:ايه ولد عــبد الرحمن
الشــيخ: عمك عبــد الرحمن تقــصد
اسامـة: ايه يا شيــخي
الشيخ: شن مشكلـتهم معاك هادو مـش سادهــم رزق بــوك !
اسامـة: شئ يا شـيخي ادير الخيــر تلقا الــشر معاهــم !
الشيخ: وتوا شن صار فيه ولد عـبد الرحــمن !
اسامــة: توا نتــصافا معاه
الشيــخ: ديـر زي ما قتلك امشـى بلغ عليــه
اسامـة: لا منقــدرش نبلغ عليه
الشيــخ: عــلاش ؟
اسامــة: لانه لو بنبلغ بيــلغو عليــا !
الشيـخ: شن شادين عليـك ؟!
اسامــة: ضربت ربيع بمــوس وحرقــت سيــاراتــهم
الشيـخ..حط يده ع وجهه: شن درت انـــــت ! غلــط تصــرفك علاش تتـــهور هكي
اسامة: يا شيــخي اني بنرد ديونــي العـين بالعــين و السـن بالســن، والــبادى اظلــم توا رديــت ضربة المـوس ! ومــزال الحـبل ع الجرار !
الشيــخ: مـش في غابــة احنى فيه قانـون ياخدلــك حقك وضربة الموس قديمـة ليها سنــين توا رديتهــا !
اسامـة: شيـخي مش حـتفهم الي قاعـد يصـير داخلــي وحـط يده ع قــلبه... والعــة فيا نــار ! مفيش يـــوم انطفــت ! و انــي نحاول نطــفيها جا ولده ولعــها اكثر ! مفيـش حل الا واحد تجاهلــت ! اكثر من مــرة وسكــت بعدين قلــت نديــرو معاهــم موقف مرات مينــسوش الي يوقف معاهـم والاوضــاع تتحسـن مش علي خاطر حد راه ! لان اني تعــبت والله قابلو الخـير بــ شر ! خـلاص وصـلت مـعاي حدها
الشيـخ: من كلامـك مش حتقــتنع منـي ! بس واجـب علــيا انه نقـولك الي قاعــد ادير فيه غلـط عارف عمـك غالط وهــلبا غالــط بس تصــرفاتك هـادي تخلـى فيــك غالط زيــهم ! ومتفرقــش عليهم
اسامـة: مش حنكــذب عليـك يا شـيخـي تعـبت وانـي نمـثل دور الانــسان الصالح ! توا كل مخلـوق يعاديـني حيـشوف شر و خــبث مني !
الشيخ: شــر وخبث شن يا ولدي انـــــت انسان كــويس وقنيـن علاش تقــول علي روحك هكــي
اسامــة: منفعتش الطيــبة !
الشـيخ: مش حتا طـيبة وشر اليوم فالاخــبار قالو فيه خـوت قاتلين خوهـم ع الـورث مـشاكل مرات توصل للدم وحضــر نفسك !
اسامة..ابتســم: لالا باذن الله ميصيرش الا لكاتــبه الله ليـنا ! توصى حاجــة شيخي
الشيخ: بتهرب مــني عارفك اني مديــرش الا الي ف راســك ومتسمــعش كــلام حد
اسامــة..ابتســم: ف امان الله
وطــلع
الشيخ..قعد يشــوفله وخــش !
اسامــة..قعد يمشــي علي رجلــيه فــ شارعهــم القديــم !
وقــف قــدام حوشهــم القديم وابتـسم يشـوف وشاف للشــارع والمكــان الي ضــربوه فيه ! كانه امس مفيش تغــيرات هلبا ! وقــف ف مكانه ســارح شوية
ورجع للــسيارة
___________________
الساعة 7:30 الصـبح
ايهاب راقد ســـمع حد نقز فالــحوض!!
فنــص اعيونــه و ناض من سريره يــجري فتح القــجر خدى المـسدس و طلع
فـتح بـاب الــسحاب وكان اسامة يعــوم !
ايهاب تنــهد: كيــف خشيت انتا !
اسامــة..يعــوم: نقزت من الــسور
ايــهاب: مريــض انتا تصدق ساعة سـبعة الصبح عــندك علم مرقدتش من امس ولا كيــف ؟
اسامتـة: رقدت ساعتين شــوره بس
ايهاب..قعمز ومــسح وجهه بيده : علاش متــعب روحــك هكي وتعوم فالصــقع نحـس فــيك من غير عقــل مرات !
اسامــة يشبح للمســدس: هههههههه شوف من يتكــلم علي العقــل !
ايـهاب: يا خوي اني دمــاغـي يلعب مرات لكــن انتا بدى ديــما يلعب واحد يعــوم توا هوا !
اسامة: وشن المشــكلة
ايهاب: دبر راسك بنخش نرقد خلعــتني حتى النوم ميــستريحوش معاك !
خــش ايهاب وســكر باب السحاب !
اسامة..قعد يعوم شوية وطلــع جفف روحــه ولبس من دولاب ايهــاب وطلع
و ايهاب قـــعد راقد !
_____________________
الساعــــة 12
اسامة: ديرلي بالك بس حد يجي اتصــل بيا !
خالد: تمام مدورش
اسامــة:منوور خــلود ديما متعبــينك !
خالد:عيب مش بيــنا !
اسامة..فتح الباب الخلفي وكان جايــب خبزة وحــاجات نزلهم وخش الحـــوش !
عمته..خديجــة: اهلين مروحــتش امس ؟
اسامــة: لا روحت وطلــعت الفجر
عمته: قداش ما متعب روحك يا ولدي خوفتــنا عليك امس معاش تعاودهــا
اسامــة: حاضر وين راقدين كلهــم ولا كيف !
عمته: ايه البنات راقدين مبيتش انوضهـــم فادية بس ناضـت فتحــتلها التلفزيون ودرتلها فــطور
اسامهتة: امي مهناش هاده علاش راقدين لتوا نركب انوضهــم
عمته:لا خليهم اسامة اني انوضهم تعبو امـس ورقدو امــاخر كــلهم
اسامة: تــمام
ركب الدروج وشــاف لــ دار امه لقى فادية مقعمزة وتتفرج
خش لــ داره لقى بلقيــس قاعـدة راقدة وفي نفــس مكانهـا مــتحركتش !
فتح دولابه بشــوية وخدا المــلف وطــلع
الاء..طالــعة من الحمام ( اكرمكم الله) : صباح الخير
اسامــة: صباح الظــهر !
الاء: مفهمــتش كيف قعدت لتوا غريـبة بلقيس منوضــتنيش !
اسامــة: راقـدة حتا هيا
طلع أســـامة 🌹
الاء..خشت دار بلقيــس لقتها مهناش وقعــدت ادور عليــها فوق !
بعدين فتحت باب اسامة ولقتها انصــدمت..فتــحت الضئ : بلقــيس !
بلقيس..دارت ايدها ع عــيونها: ســكري الضئ !
الاء: هههههههه شن اديــري راقدة فـ دار اســامة !
بلقيــس...فاقــت ع روحها وقعمــزت بسرعة وحطـتت يدها ع راســها: ان شاء الله رقدت اهــنى انــي !!
الاء: هههههههههههه متندريــش ع روحــك ولا كيـف ! شن صار احــكيلي كل شئ
بلقيـس..مصــدومة: دقيقة اني اتكــيت عالــسرير وبعــدها رقدت قــصدك !
الاء: احكيلي مــن الاول
بلقيــس: اسكتي شوية اســامة وين !
الاء:مش عارفة توا خليــته كيف طلــع !
بلقيـس..تنهدت وقـلبها يـدق: حي علـيا متوقــعتش نرقد !
الاء..شــدت ف بلقيس وقعمزت جــنبها:نبــي القصــة هياااا !
_______________________
اسامــة: هي شنــي نتلاقو قدام حوش عبــد الرحمن
ايهاب: شن بديــر؟
اسامـتة: بنزور ربيـع واجب عليـنا نطمــنو علي المريض
ايهــاب: كيف ؟
اسامة: نتلاقتـو غادي ..ســكر الخط
ايــهاب..شــاف لتلفون : خيره هـــذا !!
اسامــة خطم ع محل ورد شــرى باقة وطــلع !
فتح المــسجل وكانت اغنية اجنـــبية !
انســجم معاها طول الطريق 🌹
وصل لحوش عبد الرحمن وكانو الــسيارات جابديــنهم بس علامــات الحريقــة عالارض ف مكان الســيارات!
خدا الباقــة من جــنبه ونزل
رن الــجرس اكثر من مــرة !
طلع عبد الرحــمن فتح الباب
اسامة: اووو الحمد الله ع سلامة ولــدك
عبد الرحــمن: شن جــاي تبي يا مريــض !
اسامــة..رمــي الورد: هاده وصــله لــ ربـيع
عبد الرحمن..رمــي الورد عالارض: جاي تتســهوك انتا صــبري ليه حدود برا خــيرلك!
اسامة: 82الف ليبي نبيــهم عنــدك يوميـن
عبد الرحمـمن: 82 الف شن !؟
اسامة: فلوس الي خديتــهم من غير رغــبتي ردهـم يا بــنبدو نحرقو من جــديد !
عبد الرحمــن: تحســابه مفيش قانون يشــدك ولا شن ! تــحرق ع كيفك !
اسامــة: عليك نور يعــني فيه قانــون ولا ! ..طلع ورقة التــعهد ( الي كاتبها عبد الرحمن بيده وتوقيــعه) خبطــها ع ايد عبـد الرحمــن: معنــاها فيه قانون يــشدك حتا انتا !
عبد الرحـمن اول ما شــاف الورقة عرفها طول غمــض عيونه وتنهد : منين حنجيــبهم 82 الف ف يومين !
اسامة: الحــوش حلو ويــجيب سعر قنين بيعـه خــير ولا بيكـلف هلبا صيانــه !
عبد الرحمــن بعياط : تهدد فيا تحــرق حوشــي ولا شــن !
اسامة..ابتســم: تعرفها اغنية يلــعب بالنار حــرق روحه ولدك حــرق روحــه! عندك يومـــين
ايــهاب..درس سيارته ونــزل الروشــن شاف لـ اسامــة: جيت متاخر !
اسامة: لا تعــال نمشــو القهوة عازمك ..دار باي بــايده لــ عبد الرحمن وطلـــع!
عبد الرحــمن قعد يخبط فالباب بــرجله و يــعيط
________________________
بعد ساعة ……………………
ايهــاب: يعني !
اسامة: يعنــي يدفع الفــلوس حيتسكر موضــوع عبد الرحمن ولو دار غلطة بالــجديد حيتحـاسب عليها !
ايهاب: لو مدفــعش ؟!
اسامــة: حنحرقوله حاجة بقيـمة الفــلوس
ايهاب: مش قلـت باع محله وســياراته انحرقو شن مــزال عـــنده !
اسامة:حــوشه !
فـــي نفس الوقــت 🌹
علي: علاش جمــعتنا !
فــرج: اكــيد اسامة الموضوع !
عبد الرحمن:ايه اسامة الموضـوع دار شرط انه يســيبنا !
علي: شن الشــرط ؟
عـبد الرحــمن: يبي 82 الف وانـي منقـدرش نـوفر حتا 5 نبيكم تســاعدوني نلقط المبلغ
علـي: دبر حالك مشكلتــك انتا وياه نبي نعرف علاش ملقــطنا
فرج: اني معــنديش الحــق
عبد الرحمن: الملــف عند اسامة وانتو تعــرفو
فـرج..عقــد حواجبه: مشكلة الملف هــذا
عبد الرحمن:بزبط لو مدفعــناش واضــح انه مـرات يستــعمله
علي: ويعـــني
عبد الرحمن: يعني لو صار شئ حندخــلكم معـاي وكلـنا نتــحاسبو كنت تهدد فيا لو اسامــة عرف اهــو توا عرف معنــدكش شن تهددني يا تساعدوني مع بعـض زي زمان يا ننـــحرقو مع بعض !
فرج شاف لــ علي !
عبد الرحمن: مفيش خــيار ثالث !
فتـــون..تعـد فالفلوس : ربي يسامـــحني ان شاء الله
يـــــتبع ……………
بقلـــم "محــمد مالــك "
توقعاتـــكم رايكـــم
ملاحظات بســـيطة ………🌹
1|| التـــنزيل يومين بـيوم يعـني يومــين انزل و يـــوم لا
2|| كل الحلــقات نفس الطول من اول حـلقة كتـبتها لـ هادي كلهم زي بعــض يعني مفهمتــش كيف وحــدة قصيرة و وحدة لا و هــما زي بعض 😂 شوفوهــم فــ واتباد الي عندهم كلهــم فوق 2000 كلمة
……………………………