ثلاث دمعات

بارت 30

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 30 -

لسان حال ناصر...
‏تدرَي چم مره أرد أحضنك
والگه واهس چفك يفشل فرحتي .

لسان حال طفوف..
شايف مِن تجيلَك رُوحي مَدري شلون ؟
مرعوبة تِجي والشُوك بهذلها
مِثل العاشگه تطُب مگبره بنُص ليّل
تايه شورها وضايع گبر خِلها .

.. فزز الكل صوت بشير :- خنساء بنت عمي واني
أتزوجها...!!!
مهران :- حجة بصدمة شتحچي أنت بشير؟
ام مهران :- وهاي، شلون ترهم شگول لعمك ردتها للأول وهسةة للثاني
بشير :- ترهمينها مثل ما رهمتي هالسالفة
قبل فترة حجيت وياج كتلج يمة اختاريلي وحدة ع ذوقج... واني اختاريت خنساء وبنت عمي ما أظن الگة أحسن منها وهم بيت اخوي ما ينهجم هااي شلون تدبرينها بعد ضلت يمج .. !!

مهران :- متأكد من كلامك مقتنع تماما
بشير :- خوية گتلك رايد اتزوج والانسب الي بنت عمي
مهران :- ليش ما خطبتها من البداية
بشير :- ما تفرق عندي ردت ع ذوق أمي
وهسه وبعد الصار اشوف احسن للكل اني الاتزوجها
وتفض هالسالفة
سهاد :- وليش واثق راح تعدي بسهولة وعمامي راح يقبلون
بشير :- انتي طلعي منها وهي تنحل

سهاد :- صوچي احجي وياك
مهران :- خوية خاف ما مقتنع بالبت وتسوي هالشي لخاطري
تنهد وگال :- گتلك اهم شيء اسمها مرة اني رايد أتزوج وهم يلا العمر يركض ركض
مهران :- جهزو نفسكم نروح لبيت عمي
نتعذر منهم ونفهمهم وان شاء الله خير

أندار ع أمة الالتزمت الصمت من حست
بروحها سوتلها مصيبة شكبرها رمقها بنظرة
عتب گال :- أبدل وأنزللكم
باوعت لبشير يتنهد ويفرك بوجهه مبين ضايج

صعدت ورا وأحس حمل ونزاح عن گلبي
مي بارد وخمد أجيج النار المستعرة بجوانحي
لگيتة يلبس بدشداشتة رحت عليه
ادگم بأزار الدشداشة كملتهن وبستة من صدرة
ولأول مرة ومن فرحتي انطلق بالكلام بدون خجل
طفوف :- أحبك والخلقنا أموت بيك
أموت والله اذا بيوم أحد شاركني بيك
انتي حبيبي وسندي من بعد الله

يباوعلي مبتسم مد ايدينة ولزم وجهي
بقيت أباووع لعيونة وعيونة أويلي
يا عيونة البصراوية الجنوبية الحلوة..

تقرب باسني من گصتي وگال :- وانتي بنيتي
لا تضنين بيوم ازعلج مو أب ليزعل بنتة
اخذت ايدة الخالها ع خدي وبستها من الباطن
وگتلة بحب :- واحلى أب والله
حضني بحب واني معت وزلگت وطحت..

أبتعد وگال :- جيبي الغترة
تعگل وجبت العطر رشيتلة أباوعلة
شگد حلو عيوني من شوفت متمل لو تبقى
مگابلتة طول العمر...

حسيت بيه ضايج مالة خلگ
عاد نزل وراحو بقينا بس اني وسهاد وجنان
بالبيت
اجتي سهاد تنفذ سمها مثل الحية وگالت :- والله يالهدية وطلع براسج كلة البلة وخليتي اخوي ما يشوف غيرج طبعا عاميته بسحورج بس هونج عليه اصبريلي ولججج الله أكبر حتى عن الأصول خليتي يتخلة خاطر يرضيج

رفعت راسي وجاوبتها :- بشنو مأذيتج اني وبشنو
تتأذيين اذا مستقرين اني واخوج بدال ما تفرحينا تجين تهجمين بيتنا يعني؟
وشوفي ترا مهران يحبني واني أحبة ف ان شاء الله ميفرقنا شي بهالدنيا...

جنت فرحانة بروحي لان كدرت أرد عليها
لان اكتشفت وللأسف الفقير ميعيش
شگد ما اني هشه احاول أصلب روحي
والله أعلم شنو الجايني ما أگدر اقاوم بهذا ضعفي..

سهاد :- والله وصايرلج لسان وگايمة تعرفين تحجين وتراددين ولج جبناج فلس ما تسوين وتمسكنتي لحد متمكنتي وشوفي هسه حالج .. جنتي تحلمين بهيج بيت لو بهيج اكل وبهيج مال ولبس ودلال ولج حتى بحلمج ما جنتي تحلمين هيج

طفوف :- الحمد لله على كل حال الفقر مو عيب وكلمن ع گد حالة مثلما اكو فقير اكو غني
وبالنهاية كلنة بشر والخلقنا واحد ومحد يفرق
عن احد لا بلون ولا شكل ولا غنة وفقر
ما أخجل من حالي بالعكس اني الله عوضني بعد مرار وفقر بنعمة فضيلة جزاء صبري وايماني

أحس الكلام يتدفق بفمي وانطقة وجنت متعجبة
من روحي بحيث والله احس احد يكلي الكلام واني ارددة....

سهاد :- مگيولة اليجي من تالي ربة عالي
وبعدين خاف هالمرة عمامي وعائلة بينا وگدرنا نحلها ترا مرة الثانية مهران ما يگدر يسوي شي
طفوف :- صح ومو كل مرة تسلم الجرة خاف هالمزة نفذتو من مهران مرة ثانية الله يعلم شنو حيكون عقابكم .!!
سهاد :- وليش يمة تخبلنا ونرجع نخطبلة بكيفنا صارت مرة ومرهمت مندري بيج حية ام راسين
فارة راسي اخوي فرر

.. وها أزيدج من الشعر بيت ترا لا تضنين مهران يحبج كولي يشفق عليج هيج لان اخوي واعرفة
حنين وگلبة طيب بس لا تضنين يضل عليج وهم انتي لسه ما شلتي لو صبر يصبر شهر سنة سنتين مو أكثر هو هم كبر ويريد يكثر نسلة ولو اتزوج حق الله ينگال ترا من حقة وهاي انتي صارلج سنة وكلشي ماكو...

كلامها الأخير وعاني من شي جنت غافلة عنة
الحمل... ما ردت يزيد النقاش وهم حسيت
مالي طاقة بعد عفتها ورحت لغرفتي واسمعها تحجي
وراسة تريدني انزل اشتغل... جنان ابد متدخلت
هي مرات تسممني ومرات ما تدخل ابد..

استغربت عود اني ليش لحد الان ما حبلت
بالرغم صارلنا هواية متزوجين مشكلتي
أصدگ واقلق من كلشي وع فطرتي دب الخوف
باعماق كلبي وخفت صدگ اتأخز بالانجاب
ويخلي ويتزوج علية...

كل شوية سالفة طالعتلي ما لحگت افرح
بسرعة نكسرت فرحتي...
ضليت للظهر بغرفتي إذن صليت ورحت گعدت
طلعت كيكة من الكنتور اكلتها وسكتت مالي نفس
انزل جوا... تمنيت تنحل هالسالفة وما تصير مشكلة لان مو هينة...

شوية وسمعت صوت سيارة عرفت اجوي
لفيت شالي ونزلت گال بشير مهران طلع مناك لشغلة
وخلة وصعد احسه ضايج مو بشير اليضحك ويسولف..

انقهرت عليه معقولة سوة كل هذا لخاطر مهران
من شافة بحيرتة وهمة يدير بوجهة حاير شيتصرف؟؟

رحت للمطبخ أسمع عمتي تسولف لسهاد
شصار الفهمتة صايرة مشكلة واخوان خنفساء
مقابلين وكايلين ما عدنا مرة الكم ومو لعبة
بنات الناس
ورجعت گالت :- بس مهران ما انطاهم مجال تولاهم
بالكلام المعدل وبسطلهم الشغلة وگال بنت عمنا
ونريدها جنة النا والوالدة رايدتها لواحد من عدنا
وخطبتها الي بس بالحقيقة انة متزوج ومكتفي
فنأخذها لبشير وان شاء الله ماكو فرق وكلنا ولد عمها
بس رفضو ما قبلو بقة يقنع بيهم وكاللهم رحم الله جمع راسين بالحلال وانة قسما عظما عاد خنساء مثل اختي واخوي هاويها فعليش هالمعارضات
المهم عمج اقتنع وضلينا هواي نحجي وطال النقاش
الى ان فضت السالفة...

سهاد :- يمة وخنساء
ام مهران :- تمنيتها لمهران وتكسر خشم طفوف
بس ما صارت والحمد لله انحلت بأقل الخسائر
ما شفتي أخوج شسوة حتى من رحنا الطريق كلة
يحجي ويصيح...
سهاد :- يمة سألتج خنساء قبلت لو لا
ام مهران :- بقت تبچي عاد بستها ورضيتها
هدت وانطت موافقتها

فرحت حيل الحمد لله عدت ع خير
ان شاء الله يتهنون هي وبشير.. اني واگفة اتسمع
عليهم خليت وطلعت اغسل بالحوش.. واسولف
وية نفسي يمة فدوهه لحبيبي المتصعب عليه صعبة
حلها وقنعهم وما خذلني ..

مر الوكت بين هوسة العشا وهيج وبشير بعده
ضايج اريد اسالة واستحي فخليته براحتة
وسهاد وعمتي واكفاتلي وگوف ع الكلمة والفعل
كملت شغلي وصعدت سبحت ورتبت روحي
وانتضرة...

ب ٩ اجة نزلت حضرتلة الاكل تعشا وصعد
يسبح عزلت المواعين وصعدت وراه
تعطرت وگعدت ع الجرباية أنتضرة دخل
شافني ابتسم فرش سجادتة وصلة بعدها
اجة اخذني بحضنة وعيشني ليلة من احلى
ليالي العمر... كل يوم احبة اكثر كل يوم ويا
مختلف والة نكهة مختلفة وشعور خاص...

متوسدة بحضنة واجة ع بالي كلام سهاد
طفوف :- مهران ليش ما أحبل أني
مهران :- شجاب هالطاري
طفوف :- لا بس اسأل
مهران :- بوية هذا رزق من الله وشوكت ما يجي
هلا بيه
طفوف :- يعني ما تتزوج علية اذا محبلت

مهران :- حبيبتي بنيتي منو مخلي هالافكار براسج
طفوف :- گتلك بس داسأل
مهران :- برأيج ليش اتزوج عليه بيدج هيه؟
بكيفج؟ هو الطفل انتي تخلقينة بأحشائج لو رب العالمين شلون اتزوج عليج بلا ذنب هذا رزق من الله
وانة قانع برزقة اذا رزقني محمود مشكور مية مرة والما رزقنا مشكور الف مرة والحمد لله على كل حال

ابد لا تخلين هالافكار براسج وشيليها تماما من
عقلج وهسه تعالي ع گلبي يا گلبي خل انام
انتبهت لروحي طاگتها عكس ومفهية بيه من يسولف
كلامة يجنن.. خليت ونمت ع گلبة
وغفينا حضن بحضن للصبح..

وهيج مرت الأيام حددو موعد خطوبة بشير
وخنفساء... اهلي كل هالمدة مرايحتلهم
حجينا اني ودارين گالت اني يم اهلي
استغربت شعجب جاية؟؟ هم يستاهلون واحد يزورهم.. عاد گلت اكول لمهران وأروح اشوفها..!!

أمنية... دنيا الصبح و
جنت طالعة من الغرفة صادفني أمير
بالمرمر طبعا دائما اتجنبة مادري بس
ما ارتاح وياه هلگد... ردت انزل وگفني صوتة
التفتت
أمير :- وين رايحة
أمنية :- لشغلي..

امير :- خلي اوصلج بطريقي
أمنية :- لا ميحتاج اني اروح مثل كل يوم
امير :- بطريقي امشي
أمنية :- لا والله ماريد أتعبك
امير :- عيب عليج هذا الحجي كتلج امشي
ولا تفشليني..
أمنية :- امير مالها داعي والله اني اروح عادي

امير :- انتضرج بالسياره
عافني ونزل ضربت ع وجهي امير هسه
اذا شاف غمار لا تصير مشكلة.. بلا هاي
شحطلها وتطيب خليت ونزلت صبحت ع
عمتي وطلعت برا شفته واكف يم السيارة
وصلت للسيارة فتحلي الباب اليم السايق
خجلت افشلة واصعد ورة عاد صعدت
سد الباب واندار صعد وحرك السيارة
مد ايدة وشغل أغنية "مشاعر"

سرحت وية انغامها وبالي اخذني يمة
المتعجرف عديم الاسلوب... لو بس اعرف
ليش دائما يشغل تفكيري وبكل ساعة اتذكرة
صحاني من صفنتي صوت أمير يطلب أدلي
ع العنوان وصفتة الة گال
امير :- أمنية شتحتاجين بس گولي
وليردج شي
أمنية :- متقصر
أمير :- ولووو يابة مو تدللين

وصلنا ودب الخوف بگلبي من شفت
الصيدلية مفتوحة باوعت لامير وبلعت
ريگ بخوف
امير :- خلي انزل وياج اتعرف ع زملائج بالشغل
أمنية :- لااا امير ع غير مرة لتتاخر
امير :- ما عندي شي لا
گلت بگلبي شكلها انلاصت والرب هذا شلون لزگة منين طلعلي هسه...

عاد نزلت اجرحر بمشيتي وهو ورايا
فتحت الباب ودخلت دخل ورايا
باوعت لغمار يباوع بأستنكار باوعت لأمير
تدفقت معالم العصبية لوجهه
بسرعة عاااط :- انتييييي تشتغلين هناااااا؟

غمار :- اي تشتغل هنا رايد شي؟
باوعلي بعصبية وجرني من زندي :- امشي بسرعة
وحسابي وياج بعدين
أمنية :- كتلة بعصبية لتلزمـ
بعدني ممكملة كلمتي وگع امير بالگاع ع أثر
الضربة الأكلها من غمار..

أمنية :- حجيت بسرعة عززا غمار كول يا الله عوفة الله عليك
گام امير لازم خدة ويباوع بفحيح ع غمار
راد يضرب غمار ماحس الا لزم ايدة ولواها
كل حيلة وهمس بغضب :- جرب مدها مرة ثانية
سكت أمير ونزل ايدة
أمير :- امشي أمنية
أمنية :- امير ارجوك هذا شغلي مااگدر اعوفة
روح انت وبالبيت نتفاهم
غمار :- يلا منا قبل ما أضوج

رحت لأمير وانطيتة كلينكس لان حلگة
نزف باوعتلة بقهر وگلت بترجي :- امير عفية
روح والله بالبيت نتفاهم امشي لخاطري فدوة
اميرررر عفية.. الله يخليك هز راسة ورمقني بنظرة عصبية
وخلة وطلع..

انداريت لغمار وگتلة بقهر :- عود ليش هيج ضربته
غمار ببرود :- هذا الهتلي شيصيرلج؟
أمنية :- شنو هتلي احترم نفسك .. !!
غمار :- سألت سؤال جاوبي ع گدة
قاطعنا دخول اثنين شاف طلبهم غمار
واني گاعدة ع اعصابي ابد ما حبيت الصار
انقهرت وضجت عود ليش دائما الدنيا ماشية
بالعكس وياااي؟؟

غمار :- اي ما گتيلي منو هذا
أمنية :- أبن عمتي
غمار :- وشكو يوصلج؟ هو؟
أمنية :- باوعت بعيونة وحجيت وانت شدخلك
غمار :- مجرد أستفسار أكيد معلية
بس انبهج مرة ثانية اذا شفتة وصل هنا
مراح يحصل خير

أمنية :- ترا من صار الحادث اني جنت وياهم
غمار :- گعد ع الكرسي ويباوعلي بنظراتة الشهيرة
حلوو يعني تعرفيني؟
أمنية :- اي من شفتك عرفتك انت نفسك
بس مهما يكن اكون تفاهم ليش بسرعه هجمت عليه؟
غمار :- شوفي شغلج ست أمنية !!

بدون ما أحس گلت بحدة :- شوية حسن أسلوبك
غمار :- أهلج ربوج تعلين صوتج وتوگفين
گدام واحد غريب تتجاسرين ويااااه؟؟
رفعت راسي بتعجب ونطقت بذهول :- أتجاااسر؟
ومربية نفسي افضل تربية وواثقة من تربيتي وما متتظرة رأي احد بيها...
غمار :- أذن حلوو أيضا اني واثق من أسلوبي
وما منتظر أحد يبدي راية بية.. ورفع حاجبة
بأستفزاز

عفتة ورحت ارتب بالأدوية والحرارة
صعدت براسي من ورا هسه شحجي ويه عمتي
وأمير ما أدري دخت وتعبت وهذا اسلوبة
يجلط... غوربت الشمس واحنا ملتهين بشغلنا
ابد ما حچيت ويا ولا هو حجة وياية....!!!

أمنية :- أريد اخذ إجازة اسبوع من الشغل
وأگطعها من الراتب
غمار :- وليش؟؟
أمنية :- أريد أسافر لأهلي
التفتتلي عاگد حواجبة :- ليش أهلج وين؟؟
أمنية :- بالبصرة
غمار :- أهااااااا

استأذنت منة وطلعت لان انتهى دوامي
امشي بالشارع وأفكر بكل كلمة يگولها وحركة
يسويها مجرد اكون يمة يستفزني وأعصب
بس من أتذكرة أبرد وأحس استمتع من افكر بيه
وخيالي يشطح ويسوي سيناريوهات...

قررت أروح لأخواتي فاض اشتياقي وما أگدر بعد
اقاوم بعدهن.. تمشيت شوية وراها صعدت فورتات
ورحت للبيت... وصلت وسميت بالله كون تعدي ع
خير هالسالفة...
اول مدخلت أستقبلتني عمتي :- هلا عمة امنية
تعالي كليلي شصاير امير اجة يرعد علينا
ويصيح بس تجي أمنية گلولي
گعدت عمتي وسولفتلها كولشي هي لامتني
ليش مگتلها

أمنية :- عمة والله متستاهل اني شعليه بأمير وبغمار رايحة أشتغل وبس وياريت توصلين هلحجي لامير
انتي عمتي وع عيني وراسي وامير اخوية الما ولدتة امي بس اترجاج عمة لا تحاربوني ع هالشغل ووصي أمير هم اني ما دخلني بشي رايحة اشتغل وارجع
واني مو صغيرة واعرف اتصرف..

رحاب :- ان شاء الله عمة لتشيلين هم راح اخلي ابو يحجي ويا خل يكف من هالمشاكل سهمج الراحة
لتقلقين بس هو هم هالولد مدري شلونة ضارب امير
مو عيب؟؟

أمنية :- گتلج عمة ما دخلني بيهم اني امير وين؟
رحاب :- طالع هسه گومي بنيتي گومي صلي ونزلي أكليولا تشيلين هم ابد محلولة
دنگت بست راسها وگلت :- والله لو أمي ما تصير بحنيتج

رحاب :- هاا ليش اني مو أمج
أمنية :- أمي واحلى ام هم والله
رحاب :- فدوا للعقل متعلمين زنيبة الخفيفة هالعقل شوية
زينب :- مدت راسها سمعتتت اسمي بالموضوع؟

أمنية :- هههه اذكر القنط يجي ينط
يلا اني رايحة اصلي وانزل... رحت وعفت
زينب تلغي براس عمتي تذكرت كولشي مماكلة
من الصبح رحت صليت ونزلت اكل جنت جوعانة حيل والله حتى نفسي مرات انساها...

حچيت وية عمتي ع موضوع روحتي للبصرة
قبلت وكالت اني وامير نوديج.. بس رفضت نهائياً
گلت اخابر ناصر يجي ياخذني عاد قنعتها وسكتت
وگلت اخابر ناصر يجي ياخذني هو بكل فترة يسأل
علية يگولي شمحتاجة ممحتاجة بس گولي...

دارين...
واگفة يم الشباك وارسم بأصبعي خطوط
عشوائية وافتح اتخايل صورتة ودموعة
اغمض اتخايل حنيتة وطيبة گلبة... أذاني
فراگة حيل أذاني...

يمكن اني معقدة يمكن متبلدة الاحساس
ومشاعري معدومة.. بس الأعرفة أحس
بالنقص بدونة ومستحيل اكمل بلاه..

ناصر الراح الأعيش كل عمري متندمة ع
سوايتي بيه او بالأحرى بنفسي.. هسه شربت
من نفس الكأس وجوتني نفس اللجعة
وحسيت بأحساسة.. أشتاقلة واتذكرة
وارسم عيونة بكل ضلمة...

مخاوفي ابوية طفولتي امي معاناتي
كلها دتخليني اعيش بخوف وقلق
بلا ثقة بلا احساسيس بلا شعور بالأطمئنان..

رجعت بذاكرتي
جان راجع من الدوام خفر واجة ب ٦ الصبح
جنت نايمة بفراشي وحسيت بنغزة شواربة
وحرارة انفاسة برگبتي بالبداية حبيت الشعور
الراودني.. همسلي..
أنتِ النعيم لقلبي العذاب لهُ
فما أمرك.. علىٰ قلبي وما أحلاكِ

من تخلل اسماعي صوتة.. استلتمت الديصير
ونفضت الغطة عني ردت أگوم سحبني الة
حيل ودارني الة...
ناصر :- اخخخ الله هي بس عيونج عندي
تسوة الدنيا ومحتوياتها..

گتلة والنعس غالبني :- عوفني أگوم
ناصر :- وين
دارين :- معليك
ناصر :- معلية مو.. وما حسيت غير طبگ
شفايفة ع شفايفي بشغف...رجفت جوة ايدة
المطوقة خصري بأحكام وحاولت أبعدة..

أبتعد بعد مدة طويلة حسيت نفسي
انقطع ضريت ع صدرة بأيدي وكتلة :- وخر عني
ناصر :- واذا ما وخرت؟؟
دارين :- ااا أعضك والله
ابتسم وگال :- أتحداج!!
اني ع فطرتي ما فهمت مقصدة وكالي اتحداج
حبيت اتحدا جان اتقرب من وجهه وعضيتة بكل
وقتي من خدة احس خدة اجة بسنوني..
ناصر :- اخخخخ الله لج هو هيج

دارين :- لعد شتريد عضة رقيقة
ناصر :- رومانسيتج عنيفة حبيبي
دارين :- يا رومانسية انت شبيك؟
ناصر :- بية انتي!!

دارين :- وخر خل أگوم

ناصر :- دبقي شبيج رجعي نامي
دارين :- شبعت نوم وخر عني
ناصر :- حضني وما مهتم
بقيت الوب بحضنة وما خليتة ينام براحة
بس اريد اخلص من قبضتة... اخير شي
عافني خليت وگمت باوعت للساعة ب ٧

لميت شعري واخذ شالي ونزلت الكل نايم
عمي طالع للشغل من الصبح والباقي نايمين
رحت للثلاجة ما أشتهيت اكل عاد خليت وضليت
انضف بالبيت وحتى عمتي مدحتني ولامتني
بنفس الوفت كالت ليش اتعبين نفسج عمتي
حنينة وناصر ماخذ الحنان منها ..

رجعت للواقع المرير ...
بصيحة حمدية تريدني اسوي العشا
والله اتذكر من رجعت شلون ضاجو هي وبابا
وكل شوية تسألني شوكت ترجعين؟
شنو زعلانة؟
شنو بينكم مشكلة؟

الموبايل بيدي سمعت رنتة رفعتة
شفت مرام تتصل گلبي نبضاتة تخربطت
اتذكر طفوف من جانت تگولي دارين اتوتر
وگلبي يضرب بصدري بقوة بمجرد ينذكر طارية
جنت استهزأ منها.. بس هسه عذرتها...
مرام الأتصلت وبس لأن هي أختة.. هيج صار بحالي
فتحت خط
مرام :- هلا بالبذاتة

دارين :- هلو مروش شلونج
مرام :- الحمد لله
وانتي؟
دارين :- بغصة رديت عايشة!!
مرام :- ليش هيج سويتي دارين
يعني معقولة كل هالحب اليحبة الج ناصر
وهيج تاليتكم كل واحد يصفة بجهة؟؟

دارين :- عضيت شفتي بألم وكلت ان شاء الله
ماكو الا الخير ادعيلنا
مرام :- ان شاء الله حبيبتي
كولي محتاجة. شي عليج الله ناقصج شي؟
دارين :- لا عساكم سالمين
انتو شلونكم شخباركم؟؟
مرام :- اني بخير وامي وابوي ورامي بخير

دارين :- هاا اي ان شاء الله دائما بخير
مرام :- حبيبتي والله يلا استأذن اني
اذا احتاجيتي شي بس خابرينا!!
دارين :- اااا مرام؟
مرام :- كولي
دارين :- نناصر شلونة؟؟
مرام :- الحمد لله عايش يلا حبيبتي ماما تصيحني بيباي
دارين :- رديت بخيبة الله وياچ.

ردتها تحجيلي اكثر بس الظاهر الزمن
متحزملي حزام من جيت ولسة
فتت ع الواتس آب شفتة ناشر قصة دخلت
عليها بسرعة صورتة هو واصدقائة
بلبس عسكري بمنطقة كلها تراب
ومكتوب "أما النصر أو الشهادة"
ضميت الموبايل لصدري بخوف وفزع يمة اسم الله..!!

يتبع....

انستا 🦋♥️