سنيــفيـــورم
بقلــم " محمـد مالــك "
الحلقـه " الخامســه و العشــرون الـ25"
____________________
اسـم المرسـل " مريــم"
(ربيـع الـي حـرق محلـك "
بلقيـس مصدومـه و تشـوف لـ اسامـه راقـد و فـ حضنـه،فاديـه
ولت تشـبح لـ التليـفون ليـن ضي بتـاعه،طفـي. خداتـه و فتحاتـه من جديــد كـان الخـوف غالب عليهـا. مـعرفتـش تتصـرف. تنهـدت و شجـعت نفسهـا شبحت لايدها تـرعـش جبدت التليـفون و بـدت تكتـب فـ باسـورد باش تفتحـه. " جربـت ميـلاده و ميـلاد بوه مفتحـش "
شبحتـلا و كـان مفيـش طريقـه غيـر " بصمـة ايـده. " قربـت منه. و نزلـت ع اركابهـا. الزوز شـدت ايـده حسـت بـنبضـات قلبهـا زادو و عيونهـا ولـو قلـوب ❤️❤️❤️❤️
حـطت صبعـه ع البصـمه انفتـح تلفونـه. " الحمـدلله "
خشـت ع المسـجـات و حـذفت الـمسـج تنـهدت براحـه ان اسامـه ما فـاقش
اسامـه فتـح اعيونـه شبحلهـا. : شـن اديـري؟
بلقيـس توتـرت و شبحتـلا. : جبتلـك قهـوه لقيتـك،راقـد. !
اسامـه شـبح لـ تليفونـه فـ،ايدهـا برفعـة حاجـب
بلقيـس مدت ايدهـا و حطاتـه جنبـه. و وقفـت. : اه التلفـون كنت نشـبح فالساعـه لـو وقت مـاخـر،منوضـكش
اسامـه نحئ فاديـه من ع صـدره و حطهـا ع المخـده و غطاهـا. : لالا بنغيـر،حوايـجي و بنـاكل باهـي الـي فقـت. " و نـاض "
بلقيـس: تاخـد القـهوه؟
اسامـه. : اي هاتي
بلقيـس ابتسـمت و مدتـلا القهـوه ويـن لمس ايدهـا رفعت اعيونـها لقاتـه،يشبحـلها ابتسـمت و جبدت ايدهـا
اسامـه. شاد تلفونـه و عاقـد حواجبـه
اسامـه. : خيـره النت فاصـل ولا شنـي؟
بلقيس.تنـهدت براحـه : منـعلمش
اسامـه. : اي اكيـد شادينهـا تنـزيل و يوتيـوب توا نشـبحه. " حط تليفونـه و القـهوه و طلع "
طلعـت بلقيـس لـ دارهـا صـكرت ع روحهـا. و دارت ايديهـا ع وجهـا و هي متوتـره و تتـكلم مع نفسهـا. : عـلاش درت هـكي هو المفـروض يعلـم من حقـه يعـرف عدوه من صاحبـه. ! يمكـن لو عـرف يديـر مصيبـه لـ روحـه و ينـحبس
قعـمزت ع السريـر و فنصـت اعيونهـا. : علاش مريـم باعت خوهـا الـي من لحمهـا و دمهـا لاسامـه. ! شنـي السبب لـ يخليهـا اتديـر هـكي و هـي تعلـم حيصيـر فيهـا دم ! يارب يـكون لـ درتـه لـ مصلحـة اسامـه
و ولـت تبـكي لان هـي من نوع الخواف و الضعيـفه فـ ابسـط شي تبـكــي.
اسامـه دخـل لـ داره ملقـاش بلقيـس بدل حوايـجه لبـس توتـه اديـداس بـخ برفانـه شـبح لـ القهـوه و مـهانش عليـه يخليهـا شربهـا و نـزل
بلقيـس طلعت من الـدار شـبحت تهانـي نادتهـا و دخلت معاهـا لـ الدار
تهانـي. : خيـرك بنتـي اعيونـك حمر شن فـي ؟
فـي نفـس الوقـت مـلاذ شبـحتهـم قربـت و وقـفت ع بـاب الـدار تسـمـع
بلقيـس متوتـره و شابـكه ايديهـا فـ بعض. : انـي قلت نحكيـلك انتِ لان اكثر حـد حيـفهمني
تهانـي توتـرت معاهـا. : خيـرك احكـي ولله الا خوفتيتنـي
بلقيـس. : انـي حنتكلم مـعاك من الاول. درت قهـوه و رفعتهـا لاسامـه
تهانـي قاطعتهـا. : را يكـون قالـك شي و زعلـك ولـدي نزبطـه اللسانـه ما يسـلم منـه حد
بلقيـس. : لالالا مـش هكي اني وين دخلت هو كـان راقـد وقتهـا جاتـه مسـج و انـي من فضـولي شبحت المـسج و كـانت من مريـم
تهانـي باستـغراب 🤨 : مـريـم. ؟ بنـت عبـد الرحمـن. " عقـدت حواجبهـا بتفكيـر " خيرهـا شن تبـي منـه. ؟
بلقيـس. : مكتـوب ان ربيـع الـي حـرق المحل
تهانـي شهقـت و حطـت يدهـا ع صدرهــا. : حي يـ حيي مـا،يطلع منـهم اسامـه يديـر الخيـر فيـهم و يسـاعد و هـما قليليـن الاصـل يـردو الخيـر بالشـر
بلقيس شدتلهـا ايديهـاا و عطتهـا اميـه. : يـ مرت عمـي غيـر اسـمعي اني عارفـه ان اسامـه لو علـم حيتصـرف بشـكل خطـا بسبب عصبيتـه. فـ اني مسحـت المسـج
تهانـي بخوف. : مسـحتيهـا ؟
بلقيـس متوتـره و تنـهدت و هـي حاسـه بالذنـب: اي ولله لو علـم حيـضر نفسـه انتِ زابطـه العلاقـات معاهـم كيـف و اسامـه مـش حيسـكت
تهانـي براحـه. : لالا احسـن ما درتـي باهـي لـ تصرفتـي هـكي. اسامـه شك بـشي؟
بلقيتس هزت راسهـا لا.
تهانـي. : توا احنـي مشكلتنـا فـ مريم كلميهـا خلاهـا متقولـش شي لـ اسامـه مرات تسـالا ولا شـي
بلقيـس. : اي تو انكلمهـا حاضـر
تهانـي. : كلميهـا مالا خلـي ننزل نحـطلا العشـي ما دام فـاق و نلهيـه را يـسمعو البنـات ولا شـي سلم بنتـي
بلقيـس. : مـش حنتكلم لحـد.
اسامـه شـبح مـلاذ كيف واقفـه جي من وراهـا و شدهـا من وذنهـا
مـلاذ انخلعـت. : اههه
اسامـه فنـص فاهـا. : شني قتلـك ع التنصـت انـي. ؟
مـلاذ. : لا كنـت نشـبح فـ الاء في الـدار ولا لا
اسامـه. : اي صدقتـك انـي " نحـئ ايده و شبحلهـا " : مـعاش تتعاود فاهمـه. !
مـلاذ: حاضــر
خـش اسامـه لـ داره و تهانـي طلعت من الـدار و مـلاذ تشـبح لـ دار اسامـه و بيـنهـا و بيـن نفـسهـا. : نمشـي نتكلـم و نحـكي لـ،اسامـه ولا نسـكـت. ؟
بلقيـس جبـدت تليفونهـا كان معنـدهاش رقـم مريـم دخلت عليهـا اتصـال من الفيـس.
مريـم ردت. : اهـلا بلقيـس
بلقيـس. : اهليـن مريـم سامحينـي متصلـه في وقت متـاخر غيـر ضروري
مريـم. : شن فـي ان شاءلله خيـر؟
بلقيـس. : عـلاش بعتـي المسـج لـ اسامـه!
مريـم صـبت صـكرت دارهـا و بصـوت واطـي. : قصـدك ع ربيـع. ! اي ربيـع حرقلـه محـل و يستـاهل خـوي ما يجيـه. من اسامـه
بلقيس. : اسامـه مـعنـداش علـم انـي مسحـت مسـج
مريـم. : و علاش درتـي هكي!
بلقيـس. : اسامـه لو علـم حيضـر نفســه و حيضـر خوك حيضـر،عيلتيـن
مريـم. : بـس خوي يستـاهل. يتحمـل الغلـط بتـاعى و يصـلحه بايـده
بلقيـس تنـرفـزت. : خـوك ان شاءلله ينحــرق
مـريم عقـدت حواجبهـا.
بلقيـس. : خـوك ينـحـرق و يستـاهل لكن اسامـه لا لو صـار. شي لا قـدر الله من بيـقعد مع البنـات. ! انتِ زابطه العـلاقات يمكن يصيـر فيهـا دم
مريـم. : و يقعـد اسامـه غافـل. !
بلقيـس. : اي يولـي غافـل ولا يضيع عمـره اكثـر ما ضايـع ولا يحـرق قلوب اهلـه عليـه. انـي منبيـش منك شـي غيـر متقوليـش لـ،اسامـه شـي. اسامـه تبعـدي عليـه.
مريـم. : بـس اني منرضـاش ولا حنرضـا اسامه يكـون غافل
بلقيـس. : انـي خطيبـة اسامـه و امـه مـعاي و هـي الي خلتنـي نكلمـك و على ما اظـن انـي و امـه نعـرفو مصلحتـه اكثر منـك. تبـعدو ع اسامـه و شـدي خوك من علينــا.
" صـكرت الخـط و تنـهدت "
اسامـه. : وين مشـت بلقيــس؟
تهاني: شن تبي فاهـا. ! خلي البنـت فـ حالها
اسامه 😳😳: به عمتـي. وين؟
تهانـي: تقـرا فـ القــران
اسامـه يشـبح لامـه. : فـيه حاجـه انـي منعرفـهاش؟
تهانـي توتـرت. : عـلاش شن فـي يعنـي؟
اسامه : منـعلمش لكـن في حاجـه غريبـه الحـوش متوتـر.
تهانـي. : لالا هـذا من تعـب شغلك اي متكلمتيـش ع اخـت ايهـاب
اسامه هز راسـه و ولـى يحكـي لـ امـه ع القصـه و يتـعشـئ
شويـا و خشـن الاء و بلقيــس
اسامـه. : اي وهـادي القصـه
تهانـي: اي احسن ما درت ايهـاب ميـقدرش عليهـا اهو اني فاضيه و البنـات قرايـه موقفيـن نتعـاونو علاهـا. اي وين راقـده هي ؟فـ دارك تو نقيمـها. نرقدها مـعاي
اسامـه : لا خليهـا
تهانـي: بالـك ضيـق عليـك. !
اسامـه. : لا مـرات تفيـق ولا حاجـه و المكـان واسـع " و نـاض " سلم ايديـك
مشـي يغسـل فـ ايـديـه كـانت بلقيـس و الاء يتكلمـو و يهـدرزو شبحـلهم شويـا و ركـب لـ الـدار اتكـئ جنـب فاديـه و مـسرع مـا خـداه النــوم ❤️
___________________________
اسماعيل شاد احمـد و يبرم فـالـدار و روان متمـدده و تشبحـلهـم و هـمـا ميـتين نـوم
روان. : ولله اعييييت شن العيـاط هذا 😫
اسمـاعيـل ضحـك. : ولله الا اختـك 🙄فرشت و رقـدت لا قالت نشده شويـا لا نشبحـهم
روان. : تقـوئ وين تحـط راسهـا معاش تفيـق
اسمـاعيـل شبح لاحمـد. : اهو شوره رقـد " و قـرب كيـف بيحطـه ع سريـر نـاض يعيـط 😳"
اسماعيـل. : هاك شدي ولـدك شويتا دورك ولا؟ 🙂
روان شداتــه شويـا شويـا ليـن رقـد حطـوه فـ السريـر
اسمـاعـيل بصـوت واطـي. : ولله الا قـبل بنصـلي ركعتيـن شكر و حمـد ان رقـد 😂
روان ضحكـت و طفت ضـي الـي بحـداهـا شبحـتلهـم و تنـهدت. " الحمـدلله عليـكم ❤️اللـهم انـي استـودعـك زوجـي و ابنـي "
________________________________
اليــوم الثانـي روتيـن عادي زي اليـوم الـي قبلـه ❤️
ربيـع يتكلـم باعـصاب. : انـت عطيتنـي كلمـه ولا. ؟
علـي. : ايـه و قـاعد ع كلمـتي
ربيـع رفع حاجبـه. : و عـلاش قلت لـ بوي ؟
عبـد الرحمـن. : شن كــان يسـكـت. و منـعرفش عارك قصـدك. !
ربيـع شبح لـ علـي. : اصلا غلطـت وين جيتـك
علـي. : اي جاينـي ترعـش زي الجـريـده بعـد حرقـت ايدك بالغلـط
عبـد الرحمن فنـص اعيونـه. : حـرق
ايده؟
علـي. : اي مـعرفش وين يمشـي جانـي سااعـه ثلاثـه فـ الليـل
عبـد الرحمـن شبح لـ ربيع : ترا نشـبح ايــدك!
ربيـع جبـد الكـم و كـانت الحـرقـه فـالمعصـم
عبـد الرحمـن غـمض اعيونـه و فتحـهم. : غبـي اقسـم الله حـتئ بيحـرق حاجـه يحـرق روحه
ربيع. : كنـت مستـعجـل و مفهمتـش كيف جت
علـي: و انت عـلاش جيتنـي انـي بـالذات
ربيـع. : لان نحـسابـك بتسـاعدنـي و توقف مـعاي لكن اهو واضـح
علـي فنص فيـه.: هي اعـرف كيف تـدوي و نبـره صوتـك عدلهـا مـعاي
ربيـع. : اي الوعـاره كلهـا ليـا و عليـا الله ايبـارك لكن اسامـه متتنفـسوش مـعاه
عبـد الرحمن. : ضـم فمـك ياسـر دوه. توا اشبحو اهنـي " و حـط نسـخه من الملـف ع الوطـا. : اهوا كيـف وصـل لاسامـه. !
علـي باستـعبـاط. : ويـن نعلم انـي؟
عبـد الرحمـن بعيـاط: كــذاب. انـت الـي عطيتـه ليـه
ربيـع ضحـك. : حتـئ هوا بـدي يسمـع في كـلام اسامـه
عبـد الرحمـن : اسكـت انـت. و انـت احلف ع المصـحف ان مـليكش علاقـه.
علـي: مـش حنحلـف و اي انـي عطيته.
عبـد الرحمـن تنـرفـز. : و عـلاش عطيتـه اه علاش؟
علي : ضمـيري وين قالـي اعطيـه عطيتـه و تمـت.
عبـد الرحمن. : شن دوة النسـاوين هـادي ضمـيري و مـا ضميـري قـداش عطاك اسامـه باش اعطيتـه الملـف!
علـي. : ولا قـرش اخديت منـه و اهو كيـف تحسنـت علاقتـي مـعاه فسدهـا ولدك
عبـد الرحمـن. : انت تعلـم ان الملـف حيضرنـي و لمـا،يضرنـي حنضـرك مـعاي
علـي. : قتلـك فـ التلفـون اتضرنـي انضـر ولـدك
ربيع. : يـ بوي متخليـش يهـددنـا توا نمشـي لاسامـه و نقـولا انـي حرقت محلـك و ايدك ما تعطـي
عبـد الرحمـن شبح لولـده. : دماغـك هذا مـعاش تشغلـه و تصـدمنـي بيـه 😡كـل ما تديـر شي تديـر مصيبه. انت اسمـع كلامـي و نفـذ
علـي شبح لـ ربيع. : اسامـه لو عـرف حيقـطعك و يطلع غـل السنين كُلهـا فيـك
عبـد الرحمـن. لعلـي : انت عـرفت. كيف تلعبهـا لكـن حتنـدم و الايـام بيننـا
علـي باستـهزاء و رفعـة حاجـب. : شن بتستنـا. لين نمـوت. و تخنـب رزق صـغاري؟
عبـد الرحمن جي بيضـرب علـي شده ربيـع. : يـ بوي ميستـاهلش تحـرق دمـك ع خـاطر اهو بان معدنـه شنـي
عبـد الرحمن شبح لـ ولده و طلع هو ويــاه. و عبـد الرحمـن حـاس بالدنيـا كلهـا،ضده بنتـه و مرضـهـا ولـده و عمايـله. مـعاش عنـده فلـوس من اربع سيـارات باع زوز مـعاش فيه غير سيارتـه هـو و ربيـع.
محلـه،الكبيـر،باعـه بالبضاعـه،بسعـر اقل من حقـه و بهلبـا. غيـر هكي الملـف لـ عنـد اسامـه و لاول مـره يحـس بالضعـف و الـعجز و الكـسره لاول مـره علـي يجي ضـده و فـرج يقولـه " طلعنـي من مشـاكلك. " الـي كـان مقـوي ظـهره بيـهم اليـوم خلــوه و مشــوه
___________________________
فالقهــوه
فاديـه تاكـل فـ الكريـب و ملبـزه روحهـا و فمهـا حاله 😅
ايهـاب. : اييياه علينـا 🙄"و جبـد كلينـكس ولئ يمسحلهـا و هي تضـحك "
اسامه. : شن تقعـد عندنـا حتئ اليـوم
ايهـاب. : لا نبيهـا خلي نمشـي الجـو معاهـا.
اسامـه. : مـالا نجيـب العشـي بعدهـا و نجيـك فالاستـراحـه شن مـعاش سمـعت شـي ع صـبري ؟
ايهـاب. : لا اختفـي خـلاص
اسامـه. : لا حـول الله و خـلاص 😞ولله الا الاب سنـد و عـزوه و ظهـر.
ايهـاب. : بالزبــط انـي لولا مـش بوهـا را قتـلهـا مـات،بـس انـي لو بـايدي نبي ليهـا سنـد
اسامـه تنـهد : يـ راجل وين نشـوف عائـلات عايشيـن حياه،طبيعيـه و نشبح لـ حياتي متفـركسـه تقـول فـ روايه ولا مسـلسل من شـي لـ شي
ايهـاب : مفيـش انسـان ماليـش هـم و الهـم،متقسـم ع كـل النـاس
ويـن،يشبحـوك يقولو هـذا اموره مليحـه و وقت يتعمقـو،فيـك حيلقوك فـ مشـاكل و عقـد ليهـا اول مـا،ليهـاش اخـر. الانسان ميبينـش ضعفـه قـدام غيـره. و ابسـط مثـال امــي الله يرحمهـا قالـي صبري وين شبحاتـك فالصـور فرحـان مبتـش تفسـد عليـك و تكلمـك بس انـي الـعكس كنت نستنـا فـاهـا،تتصـل. قـداش حاولت نوصل فاهـا بس كانت،مغيـره رقمهـا
اسامـه. : تعـرف انـت مـرات تولـي انسـان تافـه و تبصـر هلبا لين تولـي رزين
ايهـاب شبحـلا و ابتسـم. : شكـرا ع الاطـراء
اسامـه ; هههههه مش قصـدي هكي غيـر،خلينـي انكمـل لكـن مـرات اتقـول كـلام لين نستـغرب ان طلع منـك
ايهـاب بكسـرة خـاطر تنـهد و بصـوت هـادي. : الدنيـا اتعلــم 💔
اسامـه شـبح لفاديـه :حي ع العملـه و حـي
ايهـاب. : هههههههه اشي ع منظرهـا! و جبـد تليفونـه يصور فاهـا
" و هـي تاكل مـش معدلـه عليهـم. ❤️"
اسامـه خدي تلفونـه و نـاض : بنمشـي نشـبح المحـل قالو،يوميـن،و يتـم الديكـور.
ايهـاب. : شنـي الزواق مليح؟
اسامـه. : اي اطلع طـول نتـلاقو بعديـن. هي بـاي فـدو
" و دارلهـا باي بايـده و هـي شبحتـلا و دارتلا بـاي بالشوكـه 😂ضحـكو عليهـا و اسامـه طلع. خطـم ع محلـه صـوره و صـور،الديكـورات و ويـن،واصليـن و تفـاهم مع الـي يخـدمو و طلع
________________________________________
الاء. : فيـك شي غريـب. وين تشبحـي اسامه تتوتـري بس لكن توا كل الوقـت،متوتـره شن فـي؟ صار شـي بينـك و بين اسامـه
بلقيـس. : لا شن حيكـون،صار يعنـي؟
الاء. : صاحبتـي و نزبطـك لكن مع الوقت حنعلـم
بلقيـس. : انـي عاديـه ولله
شـويـا و سمعو بـاب الحـوش انفتـح و تصـكر ❤️
الاء: شوره اسامـه جــي. " و نـزلت "
اسامـه خـش لـ المطـبخ حـط الشكاير
عمتـه خديجـه. : سـلمك جيـاب ي اوليـدي ❤️
اسامـه. : سلمـك كيف حالـك ي عمتـي
خديجـه. : الحمـدلله.
تهانـي: شن صورتلـي المحـل؟
اسامـه. : اي صورتـه الصـبر نـغسل ايـديا و نجي نوريكم
طلع اسامـه. قابلاتـه الاء. و خداتـه ع جنـب : بنتكلم مـعاك.
اسامـه. : نـغسل ايديـا و نجـي " غسـل ايديـه و مشـي معاهـا "
وقتهـا ابـرار كانت راقـده
اسامـه. : خيـرك تعالـي برا اختك راقده. !
الاء. : تمشـي تملـح محـدش قاللها ترقـد توا
اسامـه. : شن بتتكلمـي شن فـي؟
الاء. : انت بجديات تبيهـا و تحبهـا بلقيـس! اكيـد خطبتـك ليهـا مـش ع خاطر غفـران ولا
اسامـه. : عـلاش الـدوه هـادي توا؟
الاء. : بلقيـس طول اليـوم سارحـه و متـوتره و شكلهـا حـاسه انـك متحبهـاش زي ما هـي تحبك و انت قتلي ع موضوع غفـران لو تتفـكر
اسامـه. : انـي نستريـح مـعاهـا و نتمنـى الوقـت مـعاش يمـشي معاهـا 😅هذا عـلاش قلت لامـي و استـغليت الموقف بـاش نشبح ردة فعل غفران بس بعد مـا امـي تكلمت مع عمتـي شكلي بديت نحبهـا جديـات
الاء فرحـت. : الله 😍
اسامـه. : توا تبـي شي ثانـي؟ خلي نمشـي نوري امك لمحـل و بعدهـا عندي صالـه.
نـزل اسامـه وراهـم صور المحـل و بدل حوايجـه. و مـشي طق ع دار بلقيـس و فتـح باب. : شن تقـري؟
بلقيـس. ابتسـمت. : روايـة " الحصـان الاشهـب "
اسامـه. : اه بوليسيـه اغاثـا نحسـابك تقـرى ف. حاجـه رومانسيـه
بلقيـس ابتسـمت. : انحب الاكشـن و الذكاء 😅
اسامـه. : باهـي و انـي نحبـك انــــتِ " و غمزلهـا ❤️"
بلقيـس وجهـا ولـئ احمـر طول و طبسـت راسهـا
اسامـه. : هههههههههه توا تفركسـت عليـك تبـي ساعه باش تتعدلـي " و طلع من الـدار "
بلقيـس تنـهدت: قال نحبك ولا ؟ 🥺
خـدت البيـرو و مشت لاخـر،صفحـه فـي الروايـه و كتبــت.
" متمسڪه بيه لٲنه أحسن رجل بالعالم 💍💛.
_________________________
اسامـه يلبـس فـ سبيــدروه. : هـي ي امي باش نحطـك عند روان بتباتـي ولا ؟
تهانـي. : ولله الا عيـب بنتـي كيف جابت و منكونـش معاهـا اهو عمتـك و البنات اهني
اسامـه : باهي مليـح خلي يديرو عشـي مليح و يحسبو ايهـاب و اختـه
وصل امــه لـ روان و كـانـو اهله عندهـا و قـرر اسمـاعيـل ان بيذبـح و يوزع اللحـم و ويـن روان تشـد روحهـا يديرلهـا حفله فـ صاله و خـلاص 🙄
اسامــه فـالطريـق شبح الساعـه كـانـت 8:20 المــغرب
"بعـــــد اربـــع ساعـــات"
الساعــه 12 الليـــل
ربيــع. : صـوت السيـاره تعيــط ولا ؟
عبــد الرحمـن. : اي بـرا دخلهـم فـالجنـان
ربيع خـدي المفاتيـح و ويـن طلع لـ الجنـان يسمـع صـوت اسامـه يصيـح. برا. : تعـالا انت و ولـدك يـ عبد الرررررررررررحمن
ربيـع فنـص اعيونـه و بـرم يجـري خـش و طـاح قـدام البـاب الداخلـي وقف و كمـل. : اسامـه برا ي بـوي
فتـون عيـطت. و حطـت ايديهـا ع وجهـا. : حـي ي حـي
عبـد الرحمـن نـاض يجـــري لبـس و طلع فتـح البـاب الخـارجـي كـان اسامـه واقــف و مــعاه ايهــاب
اسامـه. : هـذا اول شـي
و رمـى عـود كبريـت عالسيـارات الـي ولعـت فيهـم النـار بسـبب البنزينـه لـ صبهـا ايهـاب ع السيــارات
يتـــــــبع ❤️
بقلـم " محمــد مالــك "
رايـكم و توقعــاتكـم حنقـراهـم تعليـق تعليــق ❤️
ملاحظــه.: الحلقــه الجايــه حتفهمـو كيـف صـار هـكي فجـاءه و كيــف اسامــه عــرف
❤️❤️❤️❤️