أنتِ أمانتي

البارت 27

'' أنتِ أمانتي''

للكاتبه زهراء المياحي

~°~°~°~°~°~°~°~°~°~°~°

اسيل: فزيت الصبح اتصلت ع خوله صباح الخيررر يا كل الخيررر صباح الي متحملني... صباح الي اشكيله همومي وميتافف مني ولا يشتكي... صباحچ الففف خيررر

خوله: هههههه عمي حتى بالجامعه متغزلوا بيه هيچ... اني اتافف منچ... يححح... مستحيل..

اسيل: اخخخ... انتي ابتلي بيه واني يوميه چايبتلچ مصيبه...

خوله: خير شصار ولچ... شسويتي..

اسيل: سمعي... هيچ وهيچ...

خوله: شنووو.... وهسههه اسراء مرااح تتزوچ سااالم؟؟؟

اسيل: اي يعني... اني المطيه خربتها عليهم وعلي وهسه شنوو... الكل يشك اني مسويه علاقه وي سالم احبه وحرمته من اسراء... وهاي هسه تچي ساره ويوصل الها كلام تكوم تبليني بالزايد وتكول شگلت و شگلت....اني هنا شسوي هسه عوفينا المصيبه وين المصيبه اني ما يهموني كل هذوله واصلا معاشره اسراء سم تطلع علي حالها حال معاشره ساره...و من رفضها سالم...همزين اقلها وحده علي كافي... المصيبه الكارثه الفاجعه وين بسالم... شلون راح افهمه ياا بشرر چان قصدي يااا سالم... اريد ابعدها عني مو اقربك مني

خوله: صراحه اسيل انتي چبتيها لنفسچ...

أسيل: هو صدك چبتها لنفسي...اني مو چاي أكلچ إني فاشله أني مطيه... إني ما عندي أي أحساس تصرفاتي مو مسؤله...مو مدروسه... إني چبتها لنفسي... تخيلي ياا خوله دموعي متصب من كد ما خلصن

خوله: الله يساعدچ.... كلنا بشر.... أحنا مو أنبياء و معصومين.... من الغلط... كلنا خطأ مدام بشررر...

أسيل: صح... بس هذا مو مبرر... حتى اني أذي هذاك وأجرح هذا ووو... خوله والله لو أنتي وياي چان بالله مشيت عدل...

خوله: هههههه شچيبني لبغداد... اني ناصريه
الله كريم...أن شاء الله أشوفچ وتشوفيني

أسيل: اخخخ.. اي والله... وهسه شنو أسوي؟؟ أذا شافني سالم حيلزك بيه

خوله: حاولي هل الأيام متتقربين منا... حتىٰ... يحس... مو لازكه بغرفته وأنتي ما لكيتي مكان تنيمين نور بي الا غرفتا يااا أنسانه أنسي غررفته
و أذا تردين ملابس لنور... خلي مازن هو يچيبلچ...

أسيل: لا والله بعد ما أنزل شنو ما رايده روحي اصلاً... ألي... ديسوي حررام بحرام...ما انزل ولا أعبر
عتبه الباب... قسم

خوله: عفيه.... هيچ أريدچ... صدك شخبار حامد؟

أسيل: تعاركت أني وياه...وصيح علي وكال بعد ما أريد نور....ضايچه منا...

خوله: عززا هاي ليش؟

أسيل: كله بسببي... كله من وراي... أني من أيدي صوچي...

خوله: أسيل أنتي مو صغيره تلومين نفسچ... الي صار صارر...

أسيل: تعاركنا عود ليش نور تصيح ماما وهيچ...

خوله: اي مو هي بكيفه... انتي ربيتها حقها تكول ماما..

أسيل: لچ حابسها بغرفه ويكللها علياء ماما وهذيچ أچتي الي تكول تعبانه تعبانه... أسمع صوت سديت التلفون رحت فتحت الباب...أسراء واكفه متخوصره

أسراء: ضلي من الصباحيات بسبسي...

أسيل: بكيفي... أمشي ولي... ركعت الباب كبالها رچعت تمددت... هففف هو هاي هم بشر يصبح عليها

...........

اسيل: صار العصر متمدده اسولف وي مازن ونور؛ گامت نور على حيلها وركضت شبكتني تحجي وياي

نور: نروح... عروسه؟

أسيل: منو العروسه؟؟ وين تروحين؟؟
چرتني من أيدي ونزلت وياها... أشرت على اسراء غميتها بدون متدري... هي حست والتفت الي

اسراء: هاا نوسه

أسيل: يا نوسه هااي أسمها نور...خاف متعرفين دلعها نونو.... منين طلعتي نوسه

اسراء: أمها وبكيفهااا...

أسيل: لا بله؛ صاح بيه حامد فزيت

حامد: يااا ربي أني الظاهر راح أهچ من البيت بسببچ أسيل بعد كم يوم تچي العروسه وتهدين البيت مشاكل وهاي وي خطيبه سالم ماا سلمت منچ.

أسيل: لتفت اله... من ضوچتك مني كمت هيچ تحچي... عاذرتك...

حامد: شنو كلتي؟!!!

أسيل: أچتي خالتي هيل و أم اسراء وكفن

حامد: ليش عيني؟؟ مبين عليچ مراضيه على كلامي بس مشاكل..

اسراء: والله متقبل اتقرب من نور... كل ما اتقرب منها.. تگلي... لا ولا ولا تصيحلها هيچ ولا تسويلها هيچ... تگول بس نور الها مراح أتزوچ ابوها وتصير بنتي بس هي تصيح الها ماما واني لا

أسيل: تقربت خالتي هيل لزمتني من أيدي... تحچي وتهمس...

هيل: أسيل طبي لغرفتچ عوفي نور أسيل...

اسيل: باوعت لحامد صافنه هو گالب وجها الحمد الله ديسوي هيچ حتىٰ أكرهاا الحمد الله

ام أسراء: ليش هيچ تسوين أسيل هي قسمه وراح تمشي ليش تخربين بيناتهم

حياه: شصار اسيل اهووو

اسيل: لتفت لاسراء مبتسمه الي وكلها ضدي هاي من تچي ساره شراح يصير صعدت فوك مالي حيل إحچي وي أحد معروفه وين أكو أسم أسيل أكو مشاكل وطلايب صار الليل أچتي أمي وأني كاعده أكلب بالتلفون

حياة: گومي بدلي

أسيل: وين

حياة: گومي شلعتي گلبي امشي نشتري ملابس الچ

أسيل: ليش

حياة: شنو ليش ولچ حنه أخوچ عكب بأچر

أسيل: كتلچ أني مو چايه وياچ

حياة: العرس بالبيت راح تنچبرين تچين

أسيل: ابقه بغرفتي وما أنزل

حياة: لچ ليش تصيرين غبيه بهاي الحاله راح تخسررين ثقه اخوچ وأبوچ وكلهم بينما من ترحين وتضحكين وتسولفين وتباركين لاخوچ وكتها من تسوي شي يكولولن هاي ساره بيها خلل لان اسيل تقبلتها شلون صارت مشكله وهسه الكل ضايچ بتصرفچ وي حامد و اسراء اني اريدچ

_ترحين وياي حتى تكوليلهم اني مو ام مشاكل.... ولا شي... خالتچ هيل كل ساع وتحچي حتى رچلها متسولف علي بكدچ... كافي مو تعبيني واحنا شنو اتفقنا؟؟ مو توعدين وبسرعه تخلفين!!

أسيل: كايمه ابدل وأچي طبيت سبحت وشسورت شعري صبغت اضافيري ورتبت ملابسي طلعت بنطرون كابوي لون سمائي وقميص ابيض وعلي جكيت سمائي لنور والي نفس البس صحت لنور صبغت اضافيرها حطيت حمره هي رفعت راسها مبتسمه بخبث هاا شنو تاشر على شفتها

نور: سوي سوي اهنا اهناا سوي

اسيل: حطيت الها اشوي حمره وراحت للمرايه بس تباوع لشكلها عمي كلنا تخبلين وبيضه و عيون عسلي وجمال بس مو هيچ. مغلسه علي ومكابله المرايه ماا اريد اشوفچ بعد هنا

نور: بس هنا سوي سوي سوي...

اسيل: تحچي وتأشر على خدودها عيب بابا ميقبل يكتلچ يسويلچ عتااا كدام مازن عيب

نور: أكته والله اكته...

اسيل: نزلتها شافتها اسراء كامت تنط بمكانها وكفت اكلب بتلفوني انتضر امي

اسراء: وهاي ليش عود نفس اللبس

اسيل: بيكفي لاتدخلين اجه مازن شاف نور حاطه حمره كام ينفخ يكلي مسحيها

نور: انچب..

اسيل: عفيه ماا قصرتي

مازن: الا اكول لابوچ... هو يسويلچ عتااا...

اسيل: ركض لغرفه سالم هي شهكت وركضت الي شلتها شبكتها نضحك اني وياها
چريت الكرسي و كعدت حطيت نور بحضني فتحت چنطتي هي بس تضحك مادها شفايفها سبع مترات تريد احط الها بعد كاافي بس هيچ رفعت راسي سالم واكف باب الغرفه وكالب وجها ويباوعلي

سالم: خير ان شاء الله وين طالعين

أسيل: وي ماما نسيت اخذ اذنك

سالم: تاخذين نور

اسراء: حل و كعتي بيها

اسيل؛ هو انتبه لاسراء وابتسم

سالم: خلص اخذيها بس اسو دير بالچ عليهم...من تعبرون شارع شيليها لا تخليها تمشي...

اسيل؛ طب للغرفه اسو كال اسو!

اسراء: هااا وووصلت الا اكل لامچ ولصلت العلاقه لاسووو موو؟؟ اني الچ...

أسيل: تچاهلتها تمسلت وطلعت أشتريت فستان منفوش لون أبيض وبي وردي فاتح ونور نفس فستاني هم أبيض ومنفوش وبي وردي
طول اليوم نور عندي مخليتها تروح لاسراء وكل متريد تصيح الها ما أقبل كعدت ثاني يوم البيت مخبوص باچر حنه الحيه چنت واكفه ارتب عبر سالم گلبي دك بسرعه بخوف هسه يتقرب مني اشوفه اخذ كلاص مي شرب وراح طلع بتسمت الله ماسوالي شي الف الحمد لله ياربي هدئ علي

_صار وكت العشه صبينا عشه واني ما اكلت وياهم وكفت اعدل بالمطبخ دخل سالم جر كرسي كعد كملت ترتيب هو يدخن ويگلب تلفونه اچيت أمسح ميز الطعام هو بعد ايده مسحت رچع حط ايده ثاني يوم بالليل البيت هوسه كلها موجوده وكت مغرب والبنات كاعدات بالغرفه يتجهزن واني متمدده اراسل خوله دخلت امي

حياة: اسيل تعالي

اسيل: سديت التلفون وقتربت منها هي چرتني بره الغرفه

حياة: حنروح لبيت ساره... لازم تچين قابل راح تبقين وي الولد....لان حنه اخوچ هناا راح تصير حامد وسالم والبقيه

اسيل؛ عگدت حواچبي؛ يعني بس الولد هنا؟ هي هزت راسها؛ گلت بگلبي؛ اكيد سالم هيچ مسوي خطه حتى يستفرغ وياي مو شافني ماقبل اروح لحنه اسراء يمكن گال اختلي بيها بعد ما احسسها بالامان؛ لتفتت لامي اي ماما حروح ويإچ بس ابدا ما اتأخر؛ لبست فستان مخصر قصير لون وردي ونور هم وبي ورد أزرق وأحمر ونور لبستها تنوره وقميص أچتي خالتي اخذت نور

حياة: اااسيل يااله حياخذنا اخوچ

أسيل: اي اي چايه

حياه: نطلع من باب الاستقبال

أسيل: اي اي...لبست حذائي... وأخذت چنطتي...نزلت چوه سالم واكف باب الاستقبال... يگول كاعد ينتضرني...

سالم: تعالي شوي عندي حچايه وياچ

اسيل: مشيت بسرعه... هو لزم ايدي

سالم: اامشي كلتلچ...

اسيل: اذااا لزمتني.... هو قاطعني

سالم: اكلهااا كلمه تگول اذا لزمتني امشي

اسيل: دخلني للمطبخ عضيت شفتي هسه لو يسوي شي لو يحاسبني على لبسي اكيد

حياة: أسيييل.... وينچ...

اسيل؛ لتفت اله بسررعه هو تقرب فتح ايدي حط بيها شي صفنت بي باوعت حنه؟

سالم: اليوم أحاچي خالتي وأكلها ما أريد أسراء

أسيل: صفنت بالحنه هاي هااي شنو معناها

سالم: لا تغشمين نفسچ... كلش زين تعرفين شنو معناها

أسيل: لا لا طلعت چنطتي وأمسح بيدي خله أثر صعغيرر چر ايدي

سالم: ليش مسحتيها؟؟ ما عاچبچ أحني ايدچ؟؟ ان شاء الله قريب أحنيها....مضل شي...

أسيل: العالم طفه حولي؛ كلشي تجمد بمكانه احس بصدمه رفعت راسي اباوع بعيونه هو هل المره مبتسم لا بخبث ولابمكر بس مجرد ابتسامه عاديه عفت ايده وامشي والدنيا حولي ساكته جامده امي تحجي وياي واني مفصوله عن العالم صعدت السياره ولساتني غايبه عن الواقع أحس أحد هزني فزيت خالتي هيل تهز بايدي

هيل: شبيچ ليش هيچ وچهچ مخطوف؟؟

أسيل: هزيت رأسي بنفي لا لا لا ميكدر

هيل: منو الي ميكدرر

أسيل: درت وچهي للچامه مستحيل اذا تزوچته حيمسح كبريائي بالگاع حيدوسني حيسويني ممسحه لحبه اذا يحبني وهيچ يسوي بيه باچر عكبه من يكرهني شنو يسوي راح يعذبني حبقىٰ طول عمري اربي چهاله وبنته وأني ما أتحكم بنفسي

_ صافنه على الطريق كوه لازمه نفسي ليش ما يفهمني ليش عضيت شفتي حتى لا ابچي ليش أني ما أكدر أعيش وياه دنكت مسحت دموعي بسرعه خلص اهدي اسيل مراح يتزوچني خلص هدي طول الطريق لازمه أيدي وأعصر بيها كل شي حيكون بخير مراح ياخذني اله مراح ياخذني

اسيل؛ دخلت للبيت صوت الاغاني عالي؛ وگفت يم بنيه سئلتها وي الحمام دلعتني صعدت فوگ؛ طبيت للحمام افرگ بايدي حمامهم يخنگ! لا لا غسلت ايدي من اي اثر حنه؛ ماتخيل اتزوجه ليش ما خليته يتزوچ اسراء؟؟ ليش محببته بيها...ليش وكفت ضدهم اني مستحيل اتزوچه هذاا اجرام لنفسي اني ما الي حق اعيش...براحه لا لا اهلي كلهم مايقبلون علي لازم ابعده عني... لازم اكرهاا بيه؛ يمكن السبب نور هزيت راسي اي اي نوووور السببب

...............

_نزلت جوه؛ تعبانه حيل؛
رفعت رأسي اشوف أسراء شايله نور نسحبت للمطبخ... خليها الها... نكسر وأهسي بكل شي وكفت بالمطبخ مالتهم صافنه... يعني بيتهم مو نفس ترتيب بيتنا حالهم على كد فلوسهم؛ نفتح باب المطبخ دخل شاب؛ جذبتني لون عيونه زرگ ومرتب بسرعه دنگت

..... احم بلا زحمه عليچ.... أريد كلاص مي

أسيل: هزيت رأسي... صفنت هسه منين أجيب المي... رحت فتحت الكاونترات ادور على كلاص هو أشرلي..

... من هذاك الركن..

أسيل: كلت بكلبي... شنو من هذاك الركن؟؟ خو انت اخذ واشرب.. شهل الدلال هذا..اخذت الاكلاص وصبيتله مي انطيته هو يشرب ومشال عينه عني.. خل انسحب...الظاهر شاف لبسي كال ازحف عليها
بكلت تفيد... خاصه هذوله الشباب من هيج نوع الحلوين... ميهمهم شكل الابنيه المهم حصل عليها ويكضي ليالي وياها....داطلع صاحلي..

... أسيل.

أسيل: لتفت اله بصدمه... عززا هذا وين يعرف اسمي.. انت منو؟؟

... مو مهم اني منو... بس انتي احلى بالحقيقه ومبين عليچ حباابه اكثر..

أسيل: ليش وين تعرفني؟؟

... المهم اعرفج... وهسه شفتج.

اسيل: مره خصتك عندي شغل... عفته و كفت وي عمتي.. اشوي و اجتي اسراء كالبه وجهاا..

اسراء: نور تبجي تريدج... ادري حاطتلها سحر متريد بس غيرج.

اسيل: اول مره اشوف سحاره هيج تكول... ليش خيه انتي وحدج... تكفين تصيرين سحاره وتسحرين الرايح والجاي مثل ما سحرت ساره اخوي انتي هم راح تسحرين سالم... اعرف كل شي زين بعده يحبج... هي فتحت عيونها على اوسعهن.

اسراء: اي اعرف يحبني... بس انتي بعدي عن طريقي وخلي الباقي الي... لان حبنا اني وسالم اكبر من اي شخص بهاي الحياه... فديري بالج زين احذرج

اسيل: نشوف... تحذريني نشوف شلون راح يسحلج.... هي بتعدت متفاجئه...بلكت تسويله سحر شي تسحره ولو هو الجني الي بداخله قوي... جريت نفس اجتي نور تبجي شلتها هي نامت بحضني خلصت الحفله و رجعنا للبيت ما شفت ساره ولا باركتلها رحت كبل نمت من التعب 

_نزلت ساعدت البنات وتغدينا وهن مخبوصات كل وحده راحت للصالون...صعدت فوك خالتي هيل تبدل صاحتلي قربت منها رشت عطر؛ شنو هذا؟

هيل: قربي شبيج... شتريته عطر اريد اجربه تقربي..

اسيل: تقربت... هي رشته بيدي وشتمته..

هيل: ريحته قويه... جنها ورد جوري... يخبل... ياله دحرجي من يمي..

اسيل: عافتني ونزلت... يربي مسويتني فار تجارب.. ترش شوكت ما عجبها...كلهن راحن للصالون نزلت يم امي كعدت يمها هي ترتب غرفه تقي... هاا ماما شوكت نروح؟

حياة: هسه بس اخلص ترتيب البيت نروح.

أسيل: هي طلعت الفرشه البيضه وفرشتها حطت بيها ورد وقرآن صفنت بالجربايه ماما علياء جانت تحب سالم حيل بس سالم بسنه ونص نساها عنده نور غير لازم يتذكر نور بنت المرحومه؛ ما اشوفه يذكرها اهواي

حياة: و الله سالم كل ساع يحب وحده... جان عمره ١٧ واجه كل الامه اني اريد اتزوج جيرانا... مقبلت... وراح الها وبيتها وعترف الها...وسواها مصيبه علينا منا لمن شالوا... انوب بالجامعه وكال اريد وحده...وطلعت مو خوش بنيه...يكولون بعد الله اللعلم... بعدها خطب وحده بالشغل وياه... مطلقه... يكول حببتها... وين حبها شبع بيها متعه...

اسيل: كمت ارجف أريد أتنفس ما أكدر... هذني كلهن؟؟ منو كال من يتزوجني و أموت مراح ياخذ غيري..

حياة: إحنا مقبلنا... يكول والله ما نايم يمها بس تعرفين خالتج سعاد راحت لبيت اهلها وهدت عليها كتلها ابني طاهر ميتزوج وحده مطلقه مثلج... هذيج كالت اني بنتي حامل واذا ما تجون ويخطبها سالم الا نفضحكم.

اسيل: شنووووو؟؟؟ سالم عنده اطفال بعد غيررر نووور؟

حياة: اصبري اكمل... لا ما عنده بس طلعت تجذب.. رحنا فحصناها... والممرضه تصير كرايبنا كالت كله جذب.... لا حامل ولا شي... انوب بعد فتره اشهر من تركها سالم... عرفنا صاير عدها سرطان بالرحم..

اسيل: يااا هذااا كله تعرفي وساكته علي؟

حياة: يمعوده مضل وحده ما نايم يمها بالمدرسه والجامعه والشغل عود راح للجامعه ذكريات وي صديقه شاف علياء وكتلج هذيج صدته مقبلت على تصرفاته وهو شايف نفسه شنو بنيه تصدني
خطبها هي موافقت وكلتله بس تتقرب الا افضحك كدام اهلي اني اهلي شيوخ وانت ملعب وابو بنات

اسيل: يعني جانت تعرف علياء بتصرفات رجلها؟؟

حياة: اي احنا من خطبنا علياء سالم... يكول الحب اكبر من كل شي... ووهي تغاضت عن كل شي سوه رجلها بس لخاطر الحب..

أسيل: أكبر خطا تزوجها..

حياة: اي والله اكبر خطا... جانت انسانه طاهره... نقيه من جوه....الكل حبها...وهي الصفه نقلتها لنور...ان شاء تطلع بنتها مثلها..

أسيل: زين انتي ما ضايجه على خطبته من أسراء.

حياة: اني كلت لاختي.... هيج وهيج.. وسعاد ما وافقت على اسراء كالت اني ما اريد...بنت اختي تنظلم

اسيل: لهل الدرجه سالم ظالم؟؟ احجي وياها حتى اطلع منها كلام

حياة: هي مو سالفه ظالم... هي سالفه ابو اسراء متعصب... هل الدرجه بناته خط احمر وهاي تعالي من سالم يضوجها غير يسوي وصلتين... وياذي.. بس هنا سالم ما يهتم... وتعالي تصيلج مشكله

اسيل: ماما اني رايحه اتجهز؛ ياربي لو تدري شتسوي هي اسراء موافقه على خطبتها من سالم لو تعرف سالم شمسويلي شراح تسوي؟؟ والله تكلبها علي وعلي صارت بثنتين ونص.. نزلت جوه دورت علي امي ماكو... ماااامااااا... هاي وين راحت دورت البيت كله فارغ كمت ارجف... صحت بصوت عالي ممماااااامااااا.... وين رراحت هااي ليش عااافتني مااااامااااااا...

سالم: صوتج راحت...

اسيل: تجمدت بمكاني... شنو وووين راحت لتفت اله... هو دخل حط مفاتيحه وتلفونه على الميز..

سالم: بس لا تبجين؟؟

اسيل: شتكوووووول انتت شنوو ابجي تفقنا اني وياهااا نروووح سووويه شلللون تعووفني بالبيت وووحددددي..

سالم: يكول صارت مشكله بالصالون.. وخالتي هيل.. تبجي... هي ركضت اني وديتها ورجعت..

اسيل: رحت... أصعد فوك هو كام من الكرسي...رجعت التفت اله... شنوو ترريد منننني ليششش ماااا تتررركني...ليششش ماااا تتررركني... نهاريت هو صافن بيه.

سالم: اخر مره جنتي منهاره... بسبب ايمن بشري هسه منو هذا الي خلاج تنهارين؟

اسيل: ااانتتت اانتتت.

سالم: اشبيج اني كلت امج راحت للصالون... نهاريتي وتبجين...تخبلت الابنيه.. اني بغرفتي من تخافين ويلزمج الجني تعالي..

اسيل: هو كام اني رجعت ليوره ارجف

سالم: خايفه مني؟؟

اسيل: هزيت راسي بخوف؛ لا لا مااا اخاف؛ حصرني لزم ايدي ياشر على الحنه

سالم: اثر الحنه اختفىٰ..

أسيل: نفضت ايدي هو رجع جرها...

سالم: شهل العطر هذاا يخبل

أسيل: جر ايدي يشتم بيها؛ ويباوع لعيوني

سالم: هو كم مره نختلي اني وياج بالبيت... اسيل صدك...بعد ما رفضت اسراء...ليش ما اجيتي الي؟؟

اسيل: نننننجب اااابوووو البناااات نسوووانجي... شنوووو حسبااااالك اااسكت على تصرررفاتك.... تتمتتع بيه شوووكت متررريد... انني مووو جوووارينك ااااني موو وحده من الجاامعه تسوووي وياهاا علاقه وتشبع بيها متعه؟؟

_ اااااني موووو هااي المطلقه تتحمل منهااا وتذبهااا ااااني مووو علياااء شوووكت ماا عجبهاا تصدك وتتهددك... اننني بنت عمك ووولك بنت عمككك... مااااا اكووو انسااان هيج يسووي بنت عمه يااا سااالم الي ديسوووي مو خطاااا اااكبررر خطااا.... انت لا تهتم بيه اااهتم لابوي... الي حااطك بين عيونننن... وابووك الليي مهتم بيك... تجي تكسرررهم بيه

_... اهلي من يعررفون يطيحوون حظ حظك ووووالله العظيمممم حظظظ حظك... شبيييك ااانت اااشبيك.... ليششش متفهممم... ليشش متفهم يااا بشررر يااا انسااان...شنوو مووقفك من اااهلك شنوو موقفك من ابوووي وااابوك... من شاابع بنت عمك غصب... كمت الهث... عفته ومشيت للصاله...

_و كعت ولزمت محجر الدرج ابجي... كمت على حيلي... وصعدت فوك... رحت اتصلت بامي... يااا سالم اليوم الا افضحك... الا اكل لامي... كل شي اكلللها عنننك... اكلللهاا عنك... اني الك.. حسوولفلها كل شي... مدام وكفت وياي... حتى لو يكتلوني.. اني الك... اتصل بيها مترد... شمرت التلفون بالحايط وكعدت ابجي... رحت قفلت باب الغرفه...ساعه ونص... ندك الباب؛ صحت منووووو ؟

سالم: اني.

اسيل: ااالك عيننن علييي... وووجاااي تسووولف لك صدددك ااانت ماا عندك ااي احسااااس متستحي..

سالم: امج تصلت بيه تكول جيب اسيل و تعال.

اسيل: مااا اخطووو اااي خطووووه... أطلللع مااا اااريد اااشوفك... بالقرآن اااكرره وووجودي بنفس المكان ووويياااك....

سالم: هذا اخر كلام عندج؟

اسيل: صرخت بي ااااااااااي ااااااخرررررر كلللااااااام عنننننندي بعدددد مناااا يااااسااااقط كعدت بالارض ا اسمع خطواته بتعدت حنجلط

_هسه شللللون اااتصل بخووله... محتاجتها.... فتحت الباب دخلت للحمام؛ اغسل بوجهي وجسمي يرعش؛ هاي خطته عااافوني حتى يختلي بيه ويسووووي مصااايب وياااي اي خطتتهمم؛ طبيت للمطبخ فتحت الثلاجه طلعت ثلج اكله لان جسمي شب نار مو طبيعي؛ دخل للمطبخ غصيت؛ صحت بي وخر عنننننني؛ عاط بيه وزمخ

سالم: بنت الكلب منو وياج هاي شبيها نفجرت علي فجاه مو اكتلج هسه اخلصج موت

أسيل: انت يوميه وي وحده... انت يوميه بعلاقه...تجي الي تريدني افتح الك حضني؟؟
هاي بس الرخيصه البايعه

سالم: وحبج لحامد وانتي تعرفين حامد هم يحب وحده وووشاابع هم.

اسيل: اني نتهىٰ حامد بالنسبه الي من يوم شد وياي خلص انتهىٰ

سالم: سوي الي تردي بعد إني مدخلني بيج.

اسيل: ااانت تحجي وترجع تسوي شبيك؟؟

سالم: مو عساس انتي دخلتي لغرفتي وتكولين لا تزوج اسراء... شترديني افهم؟؟ هاا لا متحبني بس معاجبها تعيش وي اسراء؟؟

اسيل: اني الخطأ مني... نور بعد ما أريدها خليها الك.. وانت حير باسراء... اني نتيهت بالنسبه الك كول بعد لا اريدج ولا اتقرب منج....لو تنشك الكاع...احلفلي بالعزيز مالتك بعد ما دخلك بيه

سالم: بداعت نور بعد ما اتقرب منج....نضراتج الي هي الي شككتني بيج... خلص روحي لسبيل حالج...

اسيل: اااني بعد لا حاامد ولا ااااي شخص... ادخله لكلبي... حاهتم لدراستي.. بس لدراستي... انت لا تتقرب مني وااني اصيررر بااالف خيررر... هو جر حسره وكام..

سالم: بكيفج.

اسيل: صعد فوك هاي هي؟؟ هذا العذاب كله انتهى؟؟ هاي هي؟؟ يعني ما أجازف بعد؟؟ جريت نفس... خلص هاي هي... كمت صعدت فوك...دورت علي فستاني ماكو... وين راح؟؟ بقيت متمدده بمكاني هو دك الباب بدون ميدخل..

سالم: هاي امج... تريدج...

اسيل: اخذت التلفون هو طلع... الووو ماااما..

حياة: ووينج شبيج؟؟ مو جاي اكلج بدلي وتعالي.

اسيل: عفيه عليج عوفيني بالبيت وحدي... مو؟؟

حياة: صارت مشكله وستعجلت بيها... ياله بدلي وتعالي يجيبج سالم.

اسيل: ماما... ملابسي ماكو.

حياة: شنو ملابسج ماكو؟؟

اسيل: هذا فستاني... الي اشتريته... اختفىٰ...

حياة: هذا السمائي؟؟

اسيل: اي..

حياة: هاي لابسته اسراء و نور..

اسيل؛ بس ليش تلبس ملابسي خل تاخذه ما اريده بعد مدام لبسته هي حتى تنسق وي نور

حياة: لبسي اي شي وتعالي اسيل البيت بعد شوي ينترس ولد... اني مو ممخبله اخليج وحدج وي سالم.

اسيل: لا تخافين سالم ميسوي شي.

حياة: ااااااااسيل...

اسيل: لحظه ابدل واجي رحت فتحت الكنتور لبست جينز نيلي وقميص رماني فتحت شعري وبرمت خلص شوي حطيت مكياج خفيف اخذت جنطتي وتلفوني المكسور ونزلت شفته يدخن بالاستقبال هو كام بدون ميباوعلي

سالم: وين تلفوني؟؟

اسيل: نطيته اله... هو اخذه صعدنا بالسياره دخلت لبيت ساره نسوان شكد وديجي تقربت من خالتي هي تمسح بدموعها

اسيل: ياااا خاااله شبيج؟؟

هيل: بعدين... امج تنتضرج وين رحتي؟

اسيل: هي عافتني وراحت؛ مرت ساعتين... واني افتر بالحديقه... اخر شي كعدت بالمطبخ...نفتح الباب... دخل اخو ساره... والثاني... ابو عيون الزرك هو ابتسم اني دنكت... الي يوصلني ويجيبني من شافني ضاج... حط كارتون المي وطلع الثاني بقي صافن بيه

.... هاا... شلونج... اليوم طالعه حلوه اكثر.... لبس القصير والمخصر ميلوكلج... اكثر من المستور..

اسيل: رفعت حاجبي اله... دخل واحد يلهث..

عماد: وووينك هادي متجي تعال ساعدني..

اسيل: باوعتله بصدمه هو لتفتلي بتسم...هادي؟؟؟ يعني هذااا نفسه الي اااجه خطبني؟؟؟؟؟

يتبع....

_من هسه بنات الي متعجبها القصه ممجبوره تقراها
گبل تتركها وتطلع ليش ألتعليق السلبي؟🙂