أنتِ أمانتي

البارت 26

انتِ أمانتي

للكاتبه زهراء المياحي

-. -. -. -. -. -. -. -. -. -. -. -.

اسيل؛ داسوي زلاطه ودگ تلفوني اريد اشيله قربت منه امي فتحته تباوع منو المتصل شالته ودارته علي اشرت بحاجبها

حياه؛ منو هاي؟

اسيل؛ حچيت برود؛ صديقتي العزيزه!!

حياه؛ ومن يمته عندچ وحده بهل الإسم ؟

اسيل؛ جريت نفس؛ اي صار عندي؛ هي فتحت الاتصال تسمع صوتها وفتحت سبيكر

خوله؛ هلا حبي اسول شلونچ شو ماكو صارلچ يومين مختفيه وين حبيبتي

اسيل؛ عافت التلفون ورجعت تشتغل من تاكدت صوت بنيه؛ اخذت التلفون وصعدت فوگ سولفتلها على تصرف امي بقت صافنه؛ جريت نفس سولفتلها على اسراء شسوت وشحجت وياي وشلون هدتت بيه اريد ارد عليها واغسلها واذيها بس لخاطر صحه ابوي ابلع واسكت؛ واني شخصيتي ضعيفه ماگدر احچي اخذ الضربات وابلعها تعبت والله تعبت دمرت نفسيتي فوگ ماتتصورين

خوله؛ زين سالم شسوالچ من سمع ؟

اسيل؛ اني كملتها علي وگتله لاتزوجها عباله انطيته امل اني وياه سويه؛ لوتشوفين هد نور تحجي وياه وهو منتبه وياي هاي اول مره يسويها صدمني؟

خوله؛ والله ماعرف شگلچ؛ الاخ واگع بيچ

اسيل؛ ابتسمت؛ اي صح لدرجة لازمني مذله وتحارش شيسمو هذا الحب بله؟

خوله؛ مريض نفسي

اسيل؛ ياريت مريض نفسي؛ بس مو مريض هو يسوي الغلط ومستمر يسوي وما يعتذر مقتنع قناعه كامله ميحتاج يعتذر اصلا يحسسچ هو مسوي عليچ فضل بكل شئ؛ نفتح الباب دخل مازن

مازن: تعالي نور تصيح وتبجي

اسيل: ياله حبي خوله بعدين احاجيج باي
وينها ليش تبجي!!!
نزلت شفت اسراء شايلتها و هي تبجي

نور: ماما... اريدج

اسيل: نصعد فوك؟؟ نعسانه؟؟

جمانه: تكلج ماما

اسيل: اي تكول... نصعد؟؟

نور: اي

اسيل: تعالي؛ شلتها امسح بدموعها؛ صعدتها لغرفتي انيمها ودخلن علي زهره واسراء وجمانه ماقبلن يطلعن كعدن يسولفن وهي تريد تنام نزلت لغرفه خالتي سعاد خالاتي موجودات هم متقبل تنام وهوسه وين اخذج

اسيل؛ سئلت مازن وين سالم گال طالع؛ اخذته يلعب بغرفه سالم واني كعدت على جربايته انيمها بحضني وادگ على ظهرها؛ بلشت تغفي ومازن يخطف نضرات ويعيب عليها شلعو گلبي؛ نفتح الباب دخل سالم؛ مازن اشرله نور نايمه هو فتح كنتوره بدون ميباوعلنا؛  سمعت صوت كعدت

نور: روح

سالم: هاا وين نروح... رجعي نام ولج...

نور: نام... نسانه تعبانه

سالم: اي صح مو شايله هموم الدنيا حقج... اكل مازن الجبس مالتج..

اسيل: هي كامت تضحك من نذكر اسم مازن غمضت عيونها متقبل تنام دنكت العب بشعرها متوتره مازن گعد يمي؛ يلعب بشعرها هي ابتسمت وغمضت عيونها؛ ولا عبالك قبل كم يوم ضربها بالمشط؛
جريت نفس؛ مو سئلتهم كالو سالم طالع شجابه هذا صدك يحجي بله وين انيمها اني خلصن غرف البيت وهسه اذا مايسمعني حجايه لو ياذيني لزكت اني بغرفته

نور: عيب

اسيل: لتفت اله نازع قميصه ويبدل درت وجهي الها بسرعه عزا هذا اخذ راحته طبعا اني جايه لغرفته

نور: بابا... عيب..

مازن؛ شنو؟

نور: بابا عاااايب...

سالم: اذا عيب و تعرفين طلعي من الغرفه شعندج لازكه وتتلفتين.

اسيل: رفعت راسي؛ اسفه اجيت انيم نور هنا لان حضره جناب زوجتك المستقبليه متمدده بغرفتي متريد نور تنام

سالم: و انتي منو يمج؟!! محاجيج بشي!!!

اسيل: گام قرب مني لزمت ايد مازن اعصر بيها؛ صحت بي شنووو؟

سالم: و سممم... ووووووجع...

اسيل: مد ايده فوك... راسي اخذ تلفونه والمفاتيح والساعه... رفع حاجبه الي...

سالم: ثوله... شبيج؟؟؟ يكول ميت عليج وكاتل نفسي لخاطرج

اسيل: اني... قاطعني... وراح طلع سد الباب! مازن باوعلي اشرلي

مازن؛ شبي؟

اسيل؛ ماكو شي؛ دگيتها هي غفت شلتها ونيمتها بچربايتها وطلعت؛ صعدت فوگ اسراء بغرفتي متخوصره اول مطبيت صاحت

اسراء: عندج علاقه وي سالم وتحبين حامد؟؟!

أسيل: سكتت عنها ما حاولت ابين اي شي الها اذا ما تسكتين هسه اروح لامي وربي

اسراء: دتسمعين كلام لاختي عود عنده حبيبه علمود تاخذي الچ؛ وفوگ هذا مطبقه سالم ياصعده يمه يا نازله انتي تطبين غرفته وهو يطب غرفتچ بكل حريه؛ شنو هل التحرر هذا؟

اسيل: بعد ما اسمحلج تحجين اي حررف..

اسراء: والدليل...نور تصيحلج ماما... ليش تصيحلج ماما وانتي مو امها؟؟!! ليش تعوديها عليج... حتى الي باله مو يمج... من يسمع نور هيج تحجي يصير باله غيرر... ليش اسيل ساكته من تكللها نور هيج

أسيل: كمت فتحت الباب...واشرت الها... تفضلي طلعي بره

اسراء: وراج وراج اني... وين تشردين وراج وراج... بسيطه بسيطه

اسيل: كامت تتحلف بيه طردتها هي تصيح؛ دموعي تنزل اتصلت بخوله ابچي

خوله: منو مضوچچ؟؟

أسيل: خوله عليچ الله صدك أني مبين علي كاتله نفسي على سالم؟!
ومبين علي قابله بتصرفاته؟؟

خوله: شنو هل الأسئله؟؟ شصار؟

أسيل: كلها نتبهت من نور تصيحلي ماما... يگلولي.. ليش تخليها تصيحلچ هيچ وساكته؟!

خوله: لا أبدد... بس الي يكره هيچ يسوي... أصلا حقها فتحت عينها عليچ شتگول مثلاً؟؟! هي لو أسو لو ماما

أسيل: صح بس هم ليش... قاطعتني

خوله: يكرهون يا عيوني يكرهون حقد... شلون متعوده عليچ... عمچ صلاح كله تتود اله... وتريد كل وحده تصير چنه لواحد من ولده... وهاي خالتچ تريد جمانه لحامد وأسراء لسالم... مو هيچ!!

اسيل: صح...

خوله: هسه نونو نامت!!

اسيل؛ اي

خوله: ياله أني رايحه أكمل دروسي... وادك عليج باليل

أسيل: ماشي روحي؛ الله وياچ؛ نزلت ولتهيت بالمطبخ؛ دخل تقي الكل كام سلم ويهلهلن اباوعله هو لتفت الي ورجع دنك خلصت صعدت فوك شفت البنات ديسون ماسكات...كعدت اباوعلهن أجتي زهره كعدت گبالي

زهره: نحتاج أشوي خيار بمنطقه العين...و ماسك لوجهچ... وهاي هي

أسيل: حچت وياي چان أسراء كرصتها... هي لتفت لاسراء... إني من شفت هيچ تقربت من زهره... يي يروحي.... وبعد كملي

زهره: هاا... تردين أسويلچ؟! لو بعدين؟

أسيل: لا لاسويلي هسه... تقربت هي حطتلي ماسك.. شنو هذا؟!

زهره: روبه زبادي...نشأ...بس...

أسيل: باوعت لاسراء دايره وچها تحچي وي جمانه... يي كملي حب كملي.. بعد حطي هنا وهنا... هي تحطلي... وإني مبتسمه...أشوف نهايه حقدچ... تحلف بيه وكاعده بغرفتي تتمضحك... وتسوي ماسكات إني الچ أسراء...تمددت وهي حطتلي...خيار غمضت عيوني... نص ساعه وغسلت وجهي... حطتلي مرطبات وصبغت أضافيري... كعدنا نسمع أغاني... ندك الباب دخل مازن كالب وجها... و متخوصر...

مازن: أنتي شلون تعوفين نور وحدها؟؟ كاعده تبچي وتگول أريد ماما أسو... تعاليها...

أسيل: يروح أمها... هسه نازله...كمت وكفت أشوف أسراء تأكل بأضافيرها...بتسمت ونزلت... شفت حامد شايلها... ويبوس بيها هي من شافتني ضحكت...

نور: ماما وين اروح!

أسيل: يروحي نونو أني ما أروح... شلتها بستها... لتفت إلي حامد..

حامد: اسو... احنا مو أتفقنا بلا ماما..

أسيل: رفعت رأسي اله... شسوي هي تگول..حقها فتحت عينها علي...

حامد: عادي وأذا فتحت عينها عليچ... بس الطفل عنده كلمه ماما شي عظيم... ومن يگولها الچ و يتعود عليها... بعدين من يعرف أنتي مو أمه... ينكسر من جوه...

أسيل: شلتها لا إني حكون ضماده لاي جرح... تعاني منا... حامد... نور بين عيوني... ما أعوفها..

حامد: زين سؤال هم يوم من الأيام.... توقعتي علياء تموت؟

اسيل: هزيت رأسي بنفي... لا... اكيد...

حامد: شلون لعد راح تتوقعين نور راح تبقىٰ وياچ بالمستقبل... هاي تدمر وكل متكبر كل متفهم... أنتي مو صغيره وأني أعلمج بيچ... راح تصيرين 18 سنه و أنتي بعينچ دشوفين شلون متعلقه بيچ شرايچ بفد يوم... نروح نزور علياء... وهناك أكل لنور هاي ماما...اني چاي اعلمها بس هي تعاند...

اسيل: شتعلمها؟؟

حامد: أكلها... هاي... لحظه..

اسيل: تباوع لحامد وتبرطم... صفنت بيها نور هاي شبيچ گلبي؟؟!! ليش هيچ... تردين تبچين؟؟

حامد: شوفي هاي صوره علياء.... اكلها هاي امها متقبل تكول أسو ماما...

اسيل: متت قهرر... حامد ااانت شلون تدخل..

حامد: شنو شلون ادخل؟؟ اني عمها وادخل غصبا ما عليچ؟؟ شهل الاسلوب هذاا الجاف... يگول...غريب عليها أني أولىٰ بيها منچ... خاف ناسيه...

اسيل: اني مناسيه... بس اليوم شكيت بيها تريد تنام... وتگول لابوها تعباانه... تراا ميصير هيچ... ما خذ الطفله تگللها هاي ماما وهذيچ مو ماما ميصير...

حامد: خاف متقبلين ميصير... معليچ انتي ربيتها واني الي اتصرف..

اسيل: هي نامت علي كتفي.. شلت راسها نونو دموعها تصب... يمه شوووف شللووون بچتتتت تتتفهم ليش متحس تتتفهمم... كعدت على الكرسي... وهي بحظني... امسح دموعها... لا تبچين لا تبچين... عيوني عيونچ... تقهريني... العزيزه... ولچ مو تبچين نونو نروح خوله تقص قصه؟!!

حامد: وتعالي شنو هاي جديده... تتصلين بوحده غريبه تحاچي نور؟؟

اسيل: رفعت حاچبي اله؛ حطيت نور على الكرسي وكمت على حيلي انت مااا سهررت اليالي لخاطرها اني سهرانه ل٣ باليل وياها؛ بوگت مرضها واذيتها وبوگت گل شي؛ انت مااا عاانيت تتصل بصديقك حتى يسكتها وكت دموعها انت ماا دخلت بتربيتها انت ماا علمتها حررف؛ انت كل شي ما سويت الهاا لا انت ولا اي احدد منكم... اني وااني وااني كل شي ماا عااجبك الوضع ما دخلني بيك صايرر برااسي عم... وتكول لا تسوين هيچ ولا ترحين لهيچ ولا تسمعيها هيچ... بعديش؟؟ بعد ماا تعبت سنتين ونص؟؟؟ لا ثلاث سنووات؟؟ تگول مااما الي اااي متگول لاي احد...اني عاجبني الوضع... عاجبني تصيح ماما الي

سالم: كااافي... شنو هااي؟؟ تتعاركون و نور تبچي؟؟

اسيل: اخذها سالم وهي من شافت ابوها بچت بالزايد

سالم: شصاير؟؟ تتعاركون على نور؟؟

حامد: ماشي اني بعد ما ادخل بيها... خليها انتي ربيها..

اسيل: طلع هو... واني محترك دمي... كعدت ارجف...

سالم: شصاير؟؟

اسيل: باوعتله ورجعت دنكت نور بچت هو أخذها لغرفته غسلت وجهي مي بارد يربي نزل مي بارد على گلبي اريد ارتاح شوي...كاعد يعلمني شلون اتحكم بنفسي وشلون اربي طفله؛ دخل سالم للمطبخ

سالم: شصار؟؟ ليش تگولين لحامد... هيچ؟؟ إني سمعت كل شي... بس معرف ليش هيچ تصيحين علي؟

اسيل: يراويها صور علياء ويگلهاا... نور هااي أمچ موو اسوووو.... ووومتشووفها شلون عيونها حمر
ليششش محد يعرررف اني مووو امهاااا بسسس شنو يغصبهااا لا هاااي مو امج يراويها صور علياء شووووفي هذيج امممج شعلي اني شعلي خلي تكبرررر شووووي بس تكبرررر وشنوو يريد يعلمها خلي يعلمها هو عمها اولى بيها مني بسسس مو بهذا العمر ومخليها دموعهااا تصب شبييي اذا ضايج من حبيبته لايطلع قهرره بهاي الطفله

سالم: هدي هدي موو بصوت عالي تحس..

اسيل: تحس؟؟ ليش انت الي چنت تسوي الي متحس بي؟؟؟ بس اني؟؟

سالم: راح اگتلچ اذا ما نصيتي صوتچ.... وحچيتي بهدوء...

اسيل: جريت نفس گلبت خلقتي
هي دموعها تصب مسحتهن شوفي بابا شنو راح يسوي... هي لتفت لابوها... بابا يگول عتاا مازن... الحكيرر... مازن سووه عتاا لبابا

نور: حكيررررر... سووون سوووه عتاا باباا..

سالم: ااي سوالي عتااا واني سويتت عتاا اله... يگول لا لا مامااااامااااا...

نور: هههههه....يسوي ماماأاااا... دموعه يبچي...

اسيل: ههههه اي يبچي اهوواي... لتفت اله..

سالم: وحامد شگال؟؟

اسيل: چاي يحاسبني... ليش خوله تتصلين بيها وتخليها تحچي وي نور يخاف على نور من خوله؟؟؟ لا والله اني الي اخف على نور منكم انتو؛ الي تجون نص ليل سكاره...قاطعني يمسح بعيونه بطن ايده

سالم: زين... انتي ليش متردين نور تگول لعلياء ماما؟؟

اسيل: اني مو ما اريد... بس مو هسه... وقت مو ويانا ضدنا... هي بعدها ما كملت الثلاث شنوات هاي اولاً ثانياً.... تقبلها للموضوع صعب... ثالثاً.... مااااا يتتتحكم بتربيتي... ولا بعد يلزمها او يحچي ويايها الا بشررط مني... اااني.... ماا اررريدددده يمددد ايدده على نور بدون اذني...

سالم: هذا عمهاا...

اسيل: واني ربيتها...

سالم: هممم هيچ....

اسيل: اي هيچ... هو صفن بيه...

سالم: ومنو هاي خوله؟؟

أسيل: صديقتي...

سالم: و ليش تتصل بنور؟؟ وتقصلها قصص؟؟

أسيل: بكيفي صديقتي... اني رايدتها تقص قصص.. چنت تعبانه... وهي تبچي... طبعاً بسببك...فقصتلها قصه من هذاك اليوم هي تحبها وتحاچيها... عندك اعتراض حتى امنع نور منك؟؟
اشوف ضحك ضحكه....

سالم: تاخذين نور من عندي؟؟؟ خرررب تاخذيها من ابوها؟؟

اسيل: رفعت حاچبي اله... هو بتسم..

سالم: بله شلون تاخذيها مني؟؟

اسيل؛ خلص اسكت راح انهار؛ ليش هيج تنرفز؟

سالم: بعدين حسابنا... الظاهر انتي...هسه...نارر..اطفي
وبعدين نسولف... ياله... ودي نور فوك..

اسيل: گام هو لغرفته؛ أني اخذت الكلاص اشرب مي وايدي يرعشن؛ صاحلي چوه بالاستقبال گال نور بغرفتي اخذيها وصعدي؛ طبيت شلتها طب هو اخذ تلفونه وجر نفس

سالم؛ اني احچي وي حامد لاتشيلين بال

اسيل؛ طلعت من الغرفه وهو بعده ممكمل كلامه؛ لزمت ايدي اسراء تفاجئت لتفت الها عيونها حمر شرار

اسراء: شدسوين بغرررررفه زوجي؟؟

اسيل: دفعت ايدها شبيچ ولچ لاتخبليني

اسراء: ليش متعررفين؟؟ شنوو الصاررر اااجه وحاچه أمي... يگول...اريد اسراء... بس مو هسه...

اسيل: لتفت الها؛ يمعوده دخيل ربچ حلي عني يا انسانه عوفيني بداعه كل عزيز عنچ انتي وياه لجهنم الحمره ربي ياخذكم ولج لزكتيلي حيتزوجني وحيتزوجوني اني شعليه ولج شايفتني حاضنته باسيته شابكته نايمه بغرفته سهرانه ضحك وسوالف وياه شلون مشكله هاي ياربي ياربي

اسراء: والحق الله... هيچ حجه... يعني رااح نتزوچ... الا ااااحرررمچ من نورررر الا اااخليچ متووصليها... واصلا يجوز اشيلچ من البيت... غرفتنا اني و حبيبي سالم مدخليلها... تحلمين تشوفين باب الغرررفه..

أسيل: والله ياالله... بعدي بعدي...

اسراء: و شوفي منو كلمته تمشي...

أسيل: منو كلمته تمشي مو؟؟؟
مشيت وفتحت... غرفه سالم ودخلت حطيت نور على الچربايه... تقرربت منه دفعته وعطت بي ننننذل....سااااااقططططط.....حيووووووااان اللله لااااا يهنننيك بحيااتك متشووووف خيررر خليت اليسووووه والمااايسووو يجي يتشمتتت بيه ليششش؟؟ لك ليششش.... حمووت حمووت اني

سالم: شبيچ وووچعععع.... شصااااررر...

اسيل؛ ليشششش تريد ترتبط باسراء وتهدد بيه تطردني من البيت اروح هسه اگل لامي تگلي شنو اني هنا طرطور وتروووووح تحااااااسبهااا وتصير مشكله وتنذب براسي انت من تريد تزوج اني شعلي اني شعلي ماتلزم مرتك المستقبليه وتسكتها ياااناس اريد ارتاححح منك ومننن كلشي يخصكك ممنوع ارتاح شلون مصيبه هاي ياربي اخذ اسراء وكعد وياهااا الساقطه كل ساع طلعت تهدد وتخوزر بيه اني الها لا اني الهااااااا

سالم: وليشش؟؟ هيچ تكول؟؟ شكالت كممملي؟؟

اسيل: ليش ساللم شليت حالي ليش؛ اني نتيهت من جوه متت من زمان اررحم بحالي؛ اني ما يوم اذيتك؛ جنت الك كل شي... شنو تحچي... اكول واصيح... اي تددلل وصارر؛ ما يوم ضميت عليك شي...چنت تسندني.. واذا اشوف خطأ... اضم الك واگول... لعلياء... لا سالم ما سوه هيچ... ليش؟؟
تذلني وتاذيني وتسمعني كلام سمم ويوميه متحارش بيه ويوميه داز واحد ياذيني ويلعب بيه طوبه ولك ليش اريد اخنگ روحي اريد اموت والله كارها نفسي ومايرفلي جفن اذا فكرت انتحر بس لخاطر ابوي يروح بيها اني اسود وجها بعد كل هذا العمرررر؟

سالم: هاي هسه حچت وياچ؟؟

اسيل: حطيت ايدي على وچهي اشهگ؛ نور تبجي وهو يسكت بيها يفتح بالجرارات ينطيها حلويات وهي مستمره تبچي؛ مسحت دموعي بسرعه؛ بسيطه وربي بسيطه وحق المصحف اني الها؛ عبالها من سكتت عنها يعني هاي هي مادمرها؛ رفعت راسي اباوعله هو ضايچ وگالب خلقته يسولف وي نور رفع راسه باوعلي جر نفس؛ حجيت ودموعي تصب؛ من طلعت لزمتني من ايدي تهدد لاتشوفين نور ولاابقيچ بالبيت؛ وعدها اتصال وي ساره يردن الزله علي حتى يدمرني؛ ماكدر احجي لامي وابوي؛ ولا لخالتي ؛ تگلي تحبين حامد وتطبقين سالم

سالم؛ شنووو؟ هاي شوكت ليش مالي علم؟

اسيل؛ برايك راح يعوفني؟ انت وياهن علي ؟ اذا بقيتو تاذوني تاذوني ماحچي لاحد وما اخذ حقي من احد وما اسولف لاهلي نهائياً أگتل روحي وخطيتي برگبتكم مامبريه الذمه ليوم القيامه اذا استمريتو تاذوني كلكم رب العالمين ياخذ حقي منگم گلگم واحد واحد

سالم: ماشي تدلل... بعد لا زواچ ولا بطيخ... وهاي اني قفلت ما اريدها...

اسيل: دموعي تصب واني اشهك هو جر حسره؛ أنت صدك ردت تزوجها!!

سالم: يي طبعاً... ليش مچنتي تعرفين مو كتلچ؟؟

اسيل؛ مسحت دموعي؛ اشرلي حجه بصوت بي تهديد

سالم: تعالي وياي..

أسيل: راح فتح الباب.. أشرلي طلعت من الغرفه... هو طلع سد الباب.

سالم: صيحيلي اسراء...ياله..

أسيل: هزيت رأسي... يي أصيح الها...

سالم: ياله أشوف..

أسيل: صعدت فوك.. مسحت دموعي... لتفت للمرايه الي بالصاله... وچهي أحمرر وعيوني دم خشمي احمر من البجي هم... بتسمت وفتحت الباب شافتني أسراء كامت على حيلها... بتسمت الها.... ودموعي تصب

اسراء: وين چنتي؟؟ ليش تأخرتي بغرفه سالم؟!

جمانه: أسيل ليش ترحين لغرفه سالم هو موجود... شبيچ ترا اليوم الصبح خطبها من أمي...وقرروا وره زواچ ساره.. وأخوچ

أسيل: سالم يصيحلچ

اسراء: ااانتييي شنووو حچيتي؟؟

سالم: ااااااسراااء..

اسيل: بتسمت أشرت الها... ياله حبيب الگلب ينتضرچ... جوه..

اسراء: أني ألچ.... وين ترحين الا اكول لابوچ ولامچ.

اسيل: نزلت هي وجمانه واكفه تهز برچلها... مددت نور هي تغفي...وكفت جمانه فاتحه الباب اسمع سالم يرزل بيها..

سالم: اني ماا احب أتزوچ حياايه من چوه ليچوه... عرفتي؟؟

جمانه: عززا ولچ خربتي قسمه كامله... طيح الله حظچ.

اسراء: بس هي متنطيني نور.

سالم: نور لاسيل... حتى اني مرات ما أتصرف زين هي متقبل تنطيني الها.... جان صرتي ذكيه وكسبتي اسيل... لان نور متعلقه بيها... چان حبتچ نور... بس بغبائچ وحقدچ....ما أفكر بيچ لا كزوچه ولا كأأخت... أنتي خسرتيني..

اسراء: لا لا سالم أني أحبك... سالم اني...

جمانه: اررررتاااحي ووولج ااارتاااحي... ااااخذتي منن اختتي...بعد ببببعددد اخذي حااامد والله اااذااا ماا صاررر حااامد الللي اااهجممم بيتتتچ..

اسيل: تحچي وأني أمسح بدموعي... زهره وأكفه و صافنه... دخل سالم أشر لجمانه و زهره..

سالم: نور تريد تنام... ياله... هناك مشاكلكم... جوه..

اسيل: نزلن هن... هو مد ايده وطفه الضوه وطلع

_غمضت عيوني... اني وعدت امي ما اسوي اي مشكله وهاي سويت اول وحده.... لا انوب تعاركت
وي حامد ورحت وزيت اسراء لسالم... وهسه وكفت قسمتها ومراح تتزوج بعد
نفتح الباب دخلت امي وخالتي هيل تخصورت ماعاجبها

حياة: أسيل... شتفقنا؟؟

أسيل: ماما أريد احچي وياچ بشي...

هيل: بس لا تكعدين تقنعين أمچ بكم كلمه... هاا؟؟

أسيل: هزيت رأسي بنفي... لا... هي كعدت سدت الباب

حياة: راح اسكت من تكملين كلام ياله أحچي..

أسيل: سولفتلها كلشي؛ وكل ساع اعيدلها تگلي تحبين حامد وتطبقين سالم

حياة: وليش ما اچيتي علي و كلتيلي؟؟

اسيل: ماردت اكبر الموضوع... ورحت لسالم يحلها بس هو نهار عليها

هيل: لو أنتي بعده عقلچ طفولي... لو أكو خلل بيچ... وهذا الخلل مچاي تقبلين تحچي النا؟؟؟

أسيل: باوعت لخالتي هيل صفنت بيها...

حياة: لا تتصفنين... گولي... هسه إني جايه لموضوع أسراء ياا حامد ياا سالم تگول وگفتي قسمتي شتقصد... الله ستر بس... هم طالعين وراحت شكتلي... هسه يجوز تشكي لامها كل شي... وتكللها عنچ حتى من وراچ انحرم من شوفه أختي...

أسيل: ماما... قاطعتني...

حياة: ما أريد أسمع أي تبررير منچ ولا أي عذر... وأعتذار گبل أحچي السبب..

أسيل: أسراء... أچتي بعد ما شافتني شايله نور تگلي ليش تشيلين نور وأني أعلمچ متردين تعوديها علي..

حياة: أنتي صح ليش متعوديها وهاي خطبها سالم كدامنا؟؟ ليش مقبلتي تروح نور تتعود عليها... أنتي شلون تردين تعوديها عليچ... وراح نعوفها و نروح.

اسيل: نطيت من مكاني... شنو شنووو وين نروح؟؟

حياة: للكبور... تلفينا... بلكت اسيل ترتاح هناك...

اسيل: أني شعليه كل مصيبه صحتوا أسيل هي الناس مو زينه وياي وأني لأن مو خبيثه وحياله.... قاطعتني خالتي...

هيل: الإنسان ينعرف من يتعاشر..

أسيل: لتفت الها... حسيتها چانت تقصد... من رقمت ايمن... دنكت...

حياة: هسه تچين تقنعيني اسراء و ساره هذني مسمومات...و بس أنتي الصح!!

أسيل: مو أنتي الي ربيتيني؟؟ ليش تشكين بيه؟؟

هيل: أروح أشوف رضا أحسن حياة هاي اسيل مراح تحصلين منها شي.. تحچي بالأخلاق وهي كل ساع مسويه مشكله وي وحده...

حياة: شفتي خليتي الكل يحچي عليچ حتىّ لو چنتي زينه مراح تبينين...

أسيل: چان وكفتي وياي أنتي أمي... دافعتني عن وعن كل شخص إلي يحچي علي بس كبل أسيل.... أسكت احسلي

حياة: وهسه مراح تسولفين من رحتي لسالم وكلتي لا تتزوج اسراء اني ما اربي بنتك

اسيل: وهاي تچيك التهايم وأنت نايم...

حياة: ياا نوم هذا؟؟ دخول غرفه سالم أسمه نوم؟؟ ليش من أذتچ ما أچيتي ألي؟؟ ليش كبل رحتي لسالم؟؟ هسه هنا الكل يشك اسيل تلتچأ لسالم متلتچئ...لامها؟؟

أسيل: ساعه غضب... ليش متفهمين..

حياة: وتعالي أنتي منين تعرفين سالم خطب أسراء.

أسيل: هي كلتلي... زوچي المستقبلي... وراح يخطبني وما أخليچ تعتبين باب الغرفه...حلمچ تشوفين الباب وأشيلچ من البيت

حياة: هاي كلها حاچيته...

اسيل: بيمن تردين أحلف حتى تصدگيني؟؟

حياه: ماشي وصلت...رايحه أشوف حل قبل لا يصير شي... قبل لا تخربين الوضع... وأبوچ مريض ما أريد توصله هاي المشكله

أسيل: طلعت هي؛ طبيت للحمام؛ فتحت علب البراستول شربت حبايتين ورچعت افتر بغرفتي راسي حينفچر؛ ابتسمت كل مصار شي صاحو اسيل

يتبع...