#سنيسفيورم
بقلم محمد مالك
الحلقة السادسة عشر / 16
______________
راجــل امــــه : ايــهاب !
ايهاب..وجــهه كلــه دمــوع شبــح لــ راجــل امــه. و راجـل امـه انصـدم من شكـل ايهـاب العيــون شــراره حمـــر و عقــدة الحواجــب و عروقــه بــارزات
اسامة..وقف و يـــشبح لـــ ايهــاب و خايــف يدير حاجــة مش متوقــعة. و يضـر روحـــه !
ايهاب...شاف ل اسامة؛ هياا ( بمعني بنمشو )
وطلع
راجل امه لما شاف ايهاب بشكل هاده مباش يتكلم معاه !
اسامة لحق ايهاب
رن تلفونه وكانت عمته !
اسامة: ايوا عمتي
عمته:تعال اسامة جايبين واحد يشوف الحوش مش حندخلهم لن تجي !
اسامة: تمام اني جاي مسافة الطريق
عمته: تمام
سكرت
إيهاب..ركب السيارة
اسامة ركب ولع السيارة امه اتصلت
اسامة..رد : نعم امي
تهاني: تعال بسرعة الحوش
اسامة: شن فيه ؟!
تهاني: عمك فرج لبرا ! شن نديرو ؟!
اسامة..بعصاب: شن يبي
تهاني: قال اسامة فالحوش
اسامة: قولوله لا مش حنقدر نجي
تهاني: تمام شن صار ف صاحبك
اسامة..شاف ل ايهاب كيف ساكت بس كانت المرة الاولي الي ميبكيش فيها من لما جاه الصبح فالاستراحة : احسن توا
تهاني: مسكين والله خليك معاه
اسامة: هي ماشي صار شى كلميني
تهاني: دير بالك علي روحك سلم ولدي ف امان الله
سكر الخط
اسامة: تمشي معاي حوش عمتي شوية ولا نحطك قبل
ايهاب..بصوت واطي ومبحوح : بنمشي معاك
اسامة:تمام
قعد يسوق وعينه علي ايهاب
بلقيس: مش لقطة يا ماما !؟
الاء...تشوف للكلام الي صاير بين بلقيس وعمتها
عمته: لا مش حيخشو لن يجي اسامة
كان جرس الحوش يرن
بلقيس..تنهدت: به نقولهم !؟
عمته: اني حنقولهم
رفعت سماعة الجرس؛ استنا اسامة قريب يوصل
عبد الرؤوف..شاف ل حسن : شن تقول هادي الراجل معانا نقولك افتحي بنشوفو وبنطلعو
عمته: مش حتشوفو شئ لن يوصل اسامة
عبد الرؤوف..يتكلم معا حسن:شن لعب الصغار هاده من يكون اسامة الي طلع فالنص هاده !؟
حسن..تنهد:يا مرت خوي توا بتخلينا ف شارع نستنو ؟!
عبد الروؤف: واشبح امتا يتفضل الاستاذ اسامة هاده
عمته: واني قلت ما عندي مش قادرين تستنو تعالو ف وقت ثاني
عبد الروؤف...حط يده علي راسه: لا حول ولا قوة الا بالله توا هاده شن يقولوه
حسن: نصبرو شوية وكان هاده نولو بعدين وخلاص
قعدو تقريبا عشرة دقائق !!
درس اسامة لقاهم يستنو ف شارع !:تنزل معاي
ايهاب:لالا دير ما تبي وتعال
اسامة : تمام افتح الروشن شم هواء وانتا غام روحك
نزل اسامة
عبد الرؤوف: واخيرا شرف الاستاذ اسامة !
ايهاب..مد راسه من الروشن بعصاب : خيره هاده !!
اسامة..شاف ل ايهاب : فوته مدوراش !
حسن..شاف وجهه ايهاب كيف احمر وعيونه حمر يحسابه يتعاطا ..بصوت واطى: معاش تتكلم الي معاه منظره مش مزبوط شكله يتعاطا
عبد الروؤف: هيا قولهم يفتحو قعدنا فموقف تقول صغار قدام الي بيشري
اسامة..شافله ومردش عليه اتصل ب عمته
عمته: ايوا اسامة وصلت
اسامة: ايه ابعتي بلقيس تفتح وخشو ف دار وسكرو الباب
عمته: تمام هي ..سكرت التلفون
طلعت بلقيس فتحت الباب
خش اسامة : خشى داخل
بلقيس..ابتسمت: حاضر
خشت تجري
وخش عمامها والراجل
دارو فالحوش !
والراجل عجبه الحوش وعطى سعر اكثر من الي كانت عمته مقايلة ل اسامة
وافق عليه وتفاهمو بعد اسبوع تسليم او اكثر بشوية ع حسب ما يكملو تفريغ الحوش !
عبد الروؤف..فرحان: جت ف سعر قنين الله يبارك
حسن: هيا بنمشي انا
اسامة؛ جت ف سعر قنين ليك انتا
عبد الروؤف ..واقف فالجنان: هاده حقى مدرت شئ غلط شوف روحك انتا الي خاش بينا تبي تطلع بفلوس شكلك
اسامة: بالله برا بعمر بوي خير ما ندير فيك حاجة توا برا
عبد الروؤف..طلع بيركب سيارته لقى ايهاب يشوفله نزل راسه وركب السيارة
اسامة..خش الحوش لقى عمته وبلقيس والاء واقفين
عمته: شن صار
اسامة: عطو سعر اكثر من الرقم الي تبيه انتي
عمته: وافقت يعني
اسامة: ايه يا عمتي مش حتحصلي سعر زيه لفترة
عمته..تنهدت بحزن: به الحمد الله علي كل حال
اسامة: خيرك زعلانة الدنيا أكبر من هكي متزعليش علي حوش
عمته: مش زعلانة عالحوش قعدت اني وبنتي فالوسط هكي
اسامة: وين فالوسط انتي معانا بعد اليوم قتلك مدورى شئ وعالحوش ليكم حيجي معا الوقت باذن الله
عمته: ربي يفتح عليك ان شاء الله من غيركم اشبح شن درت ولا صار فيا
اسامة: مش بينا عمتي
بلقيس: امتا تسليم ؟
اسامة: اسبوع ونص هوا لكن لو كملتو ف اسبوع نسلموه الحوش
عمته: به عندي صالونات ودار بلقيس وداري ودولايب وين بنحطهم كلهم !
اسامة:عندي مخزن فالجنان من الخلف فاضى لكن مش كبير هلبا يسد صالونات ودارك ممكن الدولاب توا نشوفله مكان وسرير بلقيس: بنرفعه وبنركبه فالدار طول غادي
بلقيس..: اما دار ؟!
اسامة: دار الي مقابلة داري كنا حاطين فيها حاجات قتلهم ينظفوها بنديرلك سريرك غادي وبناخد سرير ل عمتي شن رايكم تاخدو فيها راحتكم
بلقيس..ابتسمت..وشافت ل امها
عمته: والله ما عندي ما نقول يا اسامة ربي يعطيك لن يرضيك ان شاء الله
اسامة..لبس النظارات: تنقصكم حاجة كلموني الولد ف سيارة يستنا !
عمته: طريقك زينة ان شاء الله
اسامة..طلع ركب السيارة وشاف ل ايهاب : عطلت عليك
ايهاب:لا وين بتمشي توا !؟
اسامة: للحوش نحطك فالاستراحة ؟!
ايهاب:لا ارفعني معاك
اسامة..تنهد: تمام
كان فيه اسئلة هلبا نسال ايهاب عليها بخصوص عيلته لانه داس هلبا علي اسامة طلع بس حالته متسمحش كانه كان يبي يهرب من الواقع !
درس اسامة : انزل قعمز ف جنان تعال
ايهاب..نزل من السيارة وقعمز ع طاولة ف جنان
واسامة..خش داخل : امي
تهاني: ف صالة
اسامة..خش الصالة لقى روان وتبكي : اياااااه علينا مد يده عليك قصدك!؟
تهاني: غير اصبر تعاركو بالكلام بس
اسامة..بعصاب: متاكدة كلام بس ؟! كان مد يده عليك ومتبيش تتكلمو نتفاهم معاكم بعدين !
روان:لالا والله تعاركنا بالكلام بس
اسامة:هوا جابك ؟!
روان: ايه متكلماش اسامة اني بنقعد اهنى لن يتربآ
اسامة..تنهد: توا الاسبوعين فاتو مفيش شى فجاة ف يوم وليلة تطلع الف مشكلة
تهاني: شن صار
اسامة..قص عليها: فوتيه موضوع غفران بالله عليك
تهاني: معاش تقص عليا يا مش متربي نحكي علي صاحبك
اسامة: فالجنان مقعمز بنغير حوايجي وطالع اني وين البنات
تهاني: فوق وبنلبس حجابي بنعزيه
اسامة: به استني نلبس قبل
ركب اسامة لقى البنات يضمو فالدار الي قالهم عليها
اسامة: الله يبارك يسمعو فالكلام
ابرار..تلفتت: اكيد هادي
تقوى: اني وابرار ملاذ بس راه اية متحركتش من مكانها !
اسامة: تقراء ؟
تقوى: هههههه تلعب ف بوبجي
اسامة: تاعبة اختكم شن بنديرولها
ابرار: بديرها ل عمتي وبلقيس
اسامة: ايه
تقوى: شن صار فيهم نباع حوشهم ؟!
اسامة: ايه عمامها نسخة من عمامنا غير علي احترام شوية
تقوى؛ ربي يهدى وخلاص مسكينة بلقيس خوالها و عمامها الله يبارك !
اسامة: شن جبتي من الغدائية مبكرى !
تقوى: مش كل شئ فلوس ف جاكيت بتاعك شوية
اسامة: 100 دينار مسدتش قصدك ؟!
تقوى: جبت نوتيلا وكريمة البندق ممكن غاليات هاده علاش
اسامة: ومعاها ممكن استغفر الله وخلاص شن ناقص ابعتي مسج توا نجيب واني مروح
خش داره بدل حوايجه
ونزل
طلعت تهاني معا اسامة عزت ايهاب وشافت حالته !
اسامة..ركب سيارة وشاف ل ايهاب: هي وين نمشو
ايهاب: وين ما تبي
اسامة: غير وين القهوة ؟! ولا نمشو صالة بلاستيشن نلعبو ب فيفا الاخيرة اكيد جابوها !؟
ايهاب: لالا قهوة خير !
اسامة:تمام قهوة مليح هي
طول الطريق هوا يبي يغيرله جوه بس ايهاب شئ شئ كان ساكت ومرة مرة يرد علي اسامة وخلاص
اسامة..درس سيارة ونزلو
طلب قهوة
وقعد يهدرز معاه شوية لكن مفيش فائدة قال نساله بالك يطلع الي بداخله!؟
اسامة: بنقولك !؟ اليوم الصبح قلت عندك خوت
ايهاب..شاف ل اسامة : ايه عندي ..دار بصوابعة ثلاثة !
اسامة: علاش مقتليش عليهم ! كلهم من بوك ؟!
ايهاب..هز براسه ب لا : زوز من بوي وبنت من امي !
اسامة: زوز ولاد من بوك و بنت من امك شفتهم قبل !؟ يعرفوك !
ايهاب: شفت واحد بس نعرف اساميهم البنت والولد لصغير مشفتهمش بكل
اسامة..تنهد: لا حول آلله وخلاص به متقعدش بالحالة هادي فضفض تكلم نبي ايهاب القديم الي كل شوية يبصر وهمه البنات !
ايهاب: ايهاب القديم يبي فترة مش يرجع توا ..حط راسه عالطاولة
اسامة: بترقد ولا شن !؟
إيهاب: راسي صداع
اسامة: لانه مش ارقد من امس اصبر فيه بنادول ف قجر السيارة
جابله بنادول وشيشة امياه : شد خود
ايهاب..خدى بنادول
اسامة..تنهد: لا حول الله وخلاص ..تفكر فرج حى لحوشهم اليوم
طلع تلفونه واتصل ب عمه علي
علي: ايوا اسامة !؟
اسامة: كيف حالك
علي..ابتسم..متوقعهاش من اسامة: الحمد الله كيف حالك انتا !؟
اسامة: باهي بنسالك فرج اليوم جاء لحوشي واني مهناش شن يبي وكلمه قوله معاش يقربه الحوش
علي: تمام توا نشوفه به
اسامة: تمام صحيت
سكر الخط وشاف ل ايهاب
ايهاب: عمامك خنبوك وضربوك !
اسامة..يسمع وساكت
ايهاب: وهادي عمتك بيلزوها من حوشها ! بنت خوهم
بوي باع وروح ! همه مرته وصغاره توا اني يشوف فيا غلطت امه
اسامة:غلطت امه ؟.
ايهاب: ااه انتا متعرفش حقا امه هيا الي خدتله امي زمان وبوي كان رافض فالبداية بعدين وافق وتزوجو فنفس العام جاهم ولد الي هوا انا قعدو معا بعض 10 سنين واطلقو انتا معلومة هادي تعرفها فنفس سنة الطلاق بوي تزوج قعدت اني وامي ف حوش جدي ثلاثة سنين ومعاها تقريبا بعدين امي تزوجت اني كنت صغير وكان مش عاجبني كيف امي تتزوج تعرف قعدت عامين ف حوش جدي وحناي كبيرة بس عانتني الحق بعدها توفت الله يرحمها جدي شن بيديرلي راجل كبير امي خدتني نعيش معاها فالبداية كان عاجبني ومش عاجبني الوضع انه نعيش ف حوش راجل امي مفهمتش شعور اخى الحق بس الي عاجبني انه حنعيش معا امي مرة ثانية ! قعدت عامين ! شفت فيهم استحقار ومعاملة اخى
اسامة: قصدك ضربك ؟!
ايهاب: لالا اسلوبه ومعاملاته متنفعش معاي خشيت ثانوي واني مضغوظ وحاط الفكرة ف راسي اني بنكبر شوية ومش حنقعد ف حوشه تلقيت معاك فالعام هداكا كنت دلوع قبل ما تبهدلك الدنيا
اسامة...ضحك: رسمي بعدها بعام توفى بوي
ايهاب: لكن بكل الي صار هاده طلعت بحاجة كويسة ! ) يقصد اسامة
اسامة: شوف شن كان علي ظهرك من مشاكل وكنت واقف معاي ومشكلة الي حكيته ليا علي حياتك مش كل شئ وكان عندك هم وقفت معاي تتفكر ف عركة الموس....وضحك
ايهاب..ابتسم: بتاع عمامك لما نقبت العجلة وقعدت نقولك اهرب اهرب ههههههه
اسامة..شاف ل ايهاب كيف تضحك ؛ قعدت ذكريات كانت ف وقتها اسواء حاجة صارتلي توا نضحكو عليها !
ايهاب..وقف : تحطني فالاستراحة !؟
اسامة: خيرك
ايهاب: شئ راسي مصدع بنرقد وخلاص
اسامة: تعال هي نخلص الحساب ونجيك
خلص وركب السيارة وبيوصل ايهاب للحوش
_______________
الاء..أطبق ف حوايج بلقيس وتحطهم فيهم ف شنطة : قلت لتقوى!
بلقيس..شافت ل الاء وهيا اطلع فالحوايج من الدولاب: شن قلتى
الاء: قتلها ناخدوك انتي ل اسامة واقتنعت
بلقيس..تحشمت
الاء: فكيني منه الحشم بتاعك توا طول اليوم تشوفي ف اسامة سكنتي معانا كنتنا بكرى بكرى !
بلقيس..ابتسمت
الاء..تلفونها يرن : اعطيهولي يا بلقيس مرات اسامة
بلقيس..رفعت التلفون كانت ميس : ميس تتصل
الاء: اكيد تهدرز توا وتحكيلي ف مشاكلها خليها بعدين نعاودلها
بلقيس: من امتا صحبه لدرجة هادي معا ميس ؟
الاء: من يوم شافت أسامة
بلقيس: كيف قصدك !؟ منين عرفتي
الاء:منبيش نظلمها بس والله من يوم هداكا وهيا تغيرت البنت ! تبعتلي ف كيكات وماكلة ادير فيهم تورى فيا ففلاحتها ..تضحك
بلقيس: مرات تبي تتقرب منك وتولى صاحبتك
الاء: لالا خوي الله يبارك هلبا يحبوه ينحب ويخش القلب
بلقيس: هاهاها طبقي واسكتي
الاء...تضحك: حي وصلتي لمرحلة لغيرة معناها عرفت شن يحرقلك دمك
ومشتها بصارة علي بلقيس
_________________
تهاني...مدايرة سفرة القهوة ومقعمزة هيا و روان وتقوى
تقوى: شن قلتي يا ماما
تهاني: لا مزال نفكر
روان..شافت ل تقوى: علي شن
تقوى: يا حنه قتلها غفران اسامة رافضها ناخدوله بلقيس شن رايك
روان: ايه ماشاء الله عليها
تهاني..بعصبية: بلقيس ماشاء الله عليها وبنت اختي لا ولا ؟
روان: ماما غفران فترة كلها مورية وجها الطيب بس لفعة وحيدور الزمن وتبان علي حقيقتها قدامك
تهاني: هادي بنت اختي نعتبر فيها كيف بنتي قنينة ماشاء الله و ..قصت تقوى
تقوى: بالله متقوليش عيونها خضر!
روان..ضحكت
تهاني: كنت حنقول خوك غبي لو يفرطها من يده
روان: به انتي تبي تزوجيه اهي بلقيس
تهاني: لا بلقيس بوها متوفي نبي نزوجه العام هاده نا مش حنصبر قداش مزالي فالدنيا
روان: علاش تقولي هكي ربي يحفظك لينا ان شاء الله
تقوى؛ به اسامة تعرفيه ميحبش حد يجبره يتزوج بعد عام ومعاها خير ما لن تتزوج ملاذ شن رايك ؟!
تهاني: تحركي من مكانك فال الله ولا فالك شن لن تتزوج ملاذ هادي !
روان: معناها بلقيس شن رايك
تهاني: لاا نفكر قبل
روان بتتكلم قصت عليها تقوى: خليها تفكر يا روان
روان: فكرى براحتك
اسامة..خش حط مفاتيحه
تهاني: تعال يا اسامة
اسامة خش الصالون وقعمز: ماشاء الله متلقطين شن جوك انتي..يقصد روان
روان: الحمد الله
اسامة: مبكرى مفضيتش شن سبب المشكلة بينك وبين راجلك
روان: سبب تافهه
اسامة: به شن هوا سبب تافهه هاده مش نعرف نتصرف علي اساسه !
تهاني: صارت مشكلة بينها وبين زوجها خيرك تدخل انتا مرات متقدرش تقول
اسامة: متبيش تقول بنتكلم معاه هوا طول
تهاني:وعلاش تدخل انتا
اسامة: مش ندخل اني هادي اختي صارت مشكلة بينها وبين راجلها نبي نعرف المشكلة شن هيا مش نقدر نحلها وكان اني مندخلش من حيدخل قوليلي ؟!.
تهاني: بينها وبين راجلها
اسامة: اني زابط تعرف يطلع نهاية الموضوع ماد يده عليك بعدين بتشوفو شكل ثاني مني كان فيه حاجة قولوها توا !؟
روان: والله مشكلة كلام بس
اسامة..ناض : تصبحو علي خير
تهاني:وين العفو حتا العشاء قاعد ما اذن
اسامة: نايض من قبل الفجر تعبان
تهاني: نحطلك تاكل
اسامة: لا معنديش نية
رن جرس الباب
اسامة فتح الباب :مني
فرج: اسامة
اسامة..فتح باب الخارجي وشافله
اية تتكلم شات : لالالالا
سفيان: قولي لا لصبح غدوا نخطم نحط ورد عالباب وبنمشي انتي افتحي الباب خوديهم وتمت بسرعة بسرعة
اية: متفهمش انتا دماغك شن راقد فيه ؟!
سفيان: قتلك موضوع مفيشي نقاش !
ايهاب..فالاستراحة متغطي وحاط راسه عالمخدة !
يطق باب الاستراحة يحسابه اسامة رجع
ناض بشوية وفتح الباب
كان بوه ومعاه زوز ولاد !
واحد شبوب والثاني صغير
يتبع
بقلم محمد مالك
تعليقاتكم برايكم وشن تتوقعو مجري الأحداث كيف حيكون؟ ❤